Хартмана раствор

• русский
• қазақша

• Скачать инструкцию медикамента

Саудалық атауы

Хартман ерітіндісі

Халықаралық патенттелмеген атауы

Жоқ

Дәрілік түрі

Инфузияға арналған 200 мл, 400 мл ерiтiндi

Құрамы

1 л ерітіндінің құрамында

белсенді заттар: 6.00 г натрий хлориді

0.40 г калий хлориді

3.03 г натрий лактаты ерітіндісі

0.30 г кальций хлориді гексагидраты

0.20 г магний хлориді гексагидраты,

қосымша зат - инъекцияға арналған су.

Иондық құрам: Na+ – 2.9800 г (130.00 ммоль), К+ – 0.2100 г (5.40 ммоль), Са++ – 0.0545 г (1.36 ммоль), Mg++ – 0.0239 г (1.00 ммоль), Cl¯ – 3.9700 г (112.00 ммоль), лактат – 2.4090 г (28.00 ммоль).

Сипаттамасы

Мөлдір түссіз сұйықтық

Фармакотерапиялық тобы

Су-электролит теңгеріміне әсер ететін ерітінділер. Электролиттер.

АТХ коды В05ВВ01

Фармакологиялық қасиеттері

Фармакокинетикасы

Препаратты қысқа уақыт аралығына көктамыр ішіне енгізген кезде қанның осмолярлығы артады. Препарат қанда ұзақ қалмайды және шамамен жарты сағаттан кейін тіндерге өтеді. Препараттың құрамдастары несеппен шығарылады.

Фармакодинамикасы

Хартман ерітіндісі – құрамында теңгерілген электролиттер бар тұзды ерітінді. Айналымдағы қан көлемінің тапшылығын толықтырады. Су-сілті теңгерімін түзетіп, уытсыздандыру әсерін байқатады. Препарат құрамына кіретін лактат метаболикалық үдерістердің нәтижесінде бикарбонат аниондарына өзгереді, ол қанның қышқылдық-сілтілік теңгерімінің қалпына келуіне ықпал етеді. Ерітінді изотоникалыққа жақын.

Қолданылуы

- метаболикалық ацидозбен қосылған гиповолемия және изотоникалық дегидратацияда

- операция алдындағы, барысындағы, одан кейінгі кезеңде (сұйықтық теңгерімін ұстап тұру үшін)

- айналымдағы қан көлемінің коллоидты орын басуынан кейінгі интерстициальді кеңістіктің регидратациясында

Қолдану тәсілі және дозалары

Көктамыр ішіне тамшылатып енгізеді. Дозаны науқастың жағдайына қарай дәрігер тағайындайды. Енгізудің ең жоғары жылдамдығы – 5 мл/кг/сағ, яғни 70 кг дене салмағында сағатына 350 мл. Ересектер үшін ең жоғары тәуліктік доза тәулігіне 40 мл/кг (орташа алғанда минутына 60 тамшы жылдамдықпен 2500 мл). Емдеу ұзақтығы аурудың жағдайына байланысты. Алғашқы 24 сағат ішінде тәуліктік қажеттілікті және сұйықтық тапшылығының жартысын, келесі 2 тәулік ішінде – күнделікті сұйықтық тапшылығының ¼ бөлігін қамтамасыз ету қажет. Осылайша, жалпы сұйықтық тапшылығының 72 сағат ішінде орны толтырылады. Бұрын жоғалтқан сұйықтықтың орнын толтыру кезінде жалғасып жатқан шығынды да ескеріп, оны толықтыру керек.

Жағымсыз әсерлері

- аллергиялық реакциялар

- тромбофлебит

- гиперволемия

- гипергидратация

- гиперхлоремия

- электролиттер алмасуының бұзылуы

- үрейлену

Қолдануға болмайтын жағдайлар

- препарат компоненттеріне жоғары сезімталдық

- гиперволемия

- гипернатриемия (оның ішінде кортикостероидтарды қолданудан болған), гиперкалиемия, гипермагниемия, гиперхлоремия

- гипертониялық дегидратация

- алкалоз, лактацидоз

- ауыр артериялық гипертензия

- жүрек және/немесе бүйрек қызметінің ауыр бұзылулары

- бауыр жеткіліксіздігі (лактаттан гидрокарбонаттың түзілуі төмендеуіне байланысты)

- өкпе ісінуі

- балалар және 18 жасқа дейінгі жасөспірімдер

Дәрілермен өзара әрекеттесуі

Хартман ерітіндісін олардың инфузиясы кезінде антибиотиктерді сұйылтатын дәрі ретінде, сондай-ақ қабынуға қарсы препараттарды, натрия тиопенталын, этил спиртін, аминокапрон қышқылын олардың химиялық сәйкессіздігіне байланысты сұйылту үшін пайдалануға болмайды. Литий мен салицилаттардың шығарылуын тездетеді. ҚҚСП, андрогендер, анаболикалық стероидтар, эстрогендер, кортикотропин, минералокортикостероидтар, вазодилататорлар, ганглиоблокаторлар гипернатриемияның; калий сақтаушы диуретиктер, калий препараты – гиперкалиемия қаупін арттырады. Несепті сілтілендіреді және сілтілік реакциясы бар дәрілік заттардың шығарылуын кідіртеді.

Айрықша нұсқаулар

Қан құрамындағы электролиттерге, сұйықтыққа, рН және рСО2м, АҚК мәндерінің өзгеруіне ұдайы мониторинг жүргізіп отырған жөн. Артерия гипертензиясы, бүйрек қызметінің бұзылуы, созылмалы жүрек жеткіліксіздігі, тыныс алу жеткіліксіздігі, жедел дегидратациясы бар емделушілерге, сондай-ақ бір мезгілде кортикостероидтармен емдеу курсы жүргізіліп жатқан емделушілерге препаратты қолдану кезінде жоғары сақтық шараларын сақтау қажет.

Жүктілік және лактация

Егер анасы үшін болжамды пайдасы ұрыққы төнетін ықтимал қатерден асып түсетін болса, препараттың өмірлік көрсетілімдер бойынша тағайындалуы мүмкін.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Сипатталмаған

Препаратты стационар жағдайында қолданады.

Артық дозалануы

Симптомдары: ерітіндінің артық дозалануы жағдайында немесе өте жылдам енгізгенде су мен электролиттер теңгерімінің бұзылуы, жүрек-өкпе декомпенсациясы орын алуы мүмкін.

Емі: препаратты енгізуді тоқтатып, симптоматикалық ем жүргізу керек.

Шығарылу түрі және қаптамасы

Инфузияға арналған 200, 400 мл ерiтiндi

Резеңке тығындармен саңылаусыз тығындалып және алюминий қалпақшалармен қаусырылған шыны бөтелкеге 200, 400 мл ерітіндіден құйылған (мойны тар градуировкасымен және мойны кең градуировкасыз).

Бөтелкеге өздігінен жабысатын заттаңба жапсырылған (градуировкасы бар бөтелке үшін – градуировкасыз заттаңба; градуировкасыз мойны тар және кең бөтелке үшін).

Препараты бар бөтелкелер медицинада қолданылуы жөніндегі мемлекеттік және орыс тілдеріндегі нұсқаулықтардың тиісті санымен бірге жылу сақтайтын полиэтилен үлбірмен бұйымдарды қаптауға арналған машинада 20 данадан (сыйымдылығы 200 мл немесе 250 мл бөтелке) және 12 данадан (сыйымдылығы 450 мл немесе 500 мл бөтелке) дәнекерленеді немесе екі дәнекерленген қаптамадан жәшіктерге немесе картон қапталдары бар жәшіктерге 40 данадан (сыйымдылығы 200 мл немесе 250 мл бөтелке) және гофрланған картон қапталдары бар жәшіктерге 24 данадан (сыйымдылығы 450 мл немесе 500 мл бөтелке) салынады.

Топтық қаптамадағы бөтелкелер санын тұтынушымен келісе отырып өзгертуге жол беріледі.

Сақтау шарттары

Жарықтан қорғалған жерде, 10 °С-ден 25°С-ге дейінгі температурада сақтау керек. Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

“Инфузия” жабық акционерлік қоғамы, Украина

04073, Киев, Мәскеу даңғылы, 21-А,

тел.: 490-93-75, 490-93-76.

Тіркеу куәлігінің иесі

“Инфузия” жабық акционерлік қоғамы, Украина

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«Аквилон - 1» ЖШС, Қазақстан Республикасы,

ОҚО, Шымкент қ., Конституция к-сі, 58 үй,

тел: 8 -7252 – 56 – 68 – 41

E-mail: aqvilon_shm@mail.ru