Фуросемид (40 мг, Химфарм)

МНН: Фуросемид
Производитель: Химфарм АО
Анатомо-терапевтическо-химическая классификация: Furosemide
Номер регистрации в РК: № РК-ЛС-5№015734
Период регистрации: 15.09.2015 - 15.09.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Предельная цена закупа в РК: 1.07 KZT

Инструкция

Саудалық атауы

Фуросемид

Халықаралық патенттелмеген атауы

Фуросемид

Дәрілік түрі

40 мг таблеткалар

Құрамы

Бір таблетканың құрамында

белсенді зат - 40,0 мг фуросемид,

қосымша заттар: лактоза моногидраты, картоп крахмалы, кальций стеараты.

Сипаттамасы

Тегіс цилиндр пішіндегі крем реңді ақ түсті таблеткалар. Таблетканың бір жақ бетінде ойығы, екінші жақ бетінде – ойығы мен крест түрінде фирмалық логотипі бар.

Фармакотерапиялық тобы

"Ілмектік" диуретиктер. Сульфаниламидті диуретиктер. Фуросемид.

АТХ коды СО3СА01

Фармакологиялық қасиеттері

Фармакокинетикасы

Препарат жылдам және толық сіңеді. Биожетімділігі 60-70% құрайды. Бүйректің ауыр ауруы немесе созылмалы жүрек жеткіліксіздігі кезінде сіңу дәрежесі азаяды. Жартылай шығарылу кезеңі – 30-60 минут. Плазма ақуыздарымен (негізінен альбуминдермен) байланысуы – 95-99 %. Бауырда метаболизденеді. Бүйрек арқылы – 88 %, өт арқылы – 12 % шығарылады. Клиренсі – 1,5-3 мл/мин/кг. Плацентарлық бөгет арқылы өтеді, емшек сүтімен бөлінеді.

Фармакодинамикасы

Айқын несепайдағыш әсері бар жылдам әсер ететін диуретик. Генле ілмегінің өрлемелі бөлігінің жуан сегментінде натрий иондарының, хлордың қайта сіңірілуін бұзады. Фуросемид айқын натрийуретикалық, хлоруретикалық әсер етеді. Одан басқа калий, кальций, магний иондарының шығуын арттырады.

Бүйрекішілік медиаторларының босап шығуына және бүйрекішілік қан ағысының қайта бөлінуіне байланысты екіншілік әсерге ие.

Натрий хлориді шығуының артуы және вазоконстрикторлы әсерге тамырлар тегіс бұлшықеттер реакциясының төмендеуі салдарынан гипотензиялық әсер етеді және нәтижесінде қан айналымының көлемі (ҚАК) азаяды.

Қан айналымының жеткіліксіздігінен зардап шегетін науқастарды емдеу кезінде фуросемидтің тиімділігі диуретикалық әсер етуіне ғана емес, шеткергі тамырларға тікелей кеңейткіш әсер етуіне де байланысты.

Қолданылуы

- созылмалы жүрек жеткіліксіздігіндегі ісіну синдромында

- созылмалы бүйрек жеткіліксіздігіндегі ісіну синдромында

- нефроздық синдромдағы ісіну синдромында (нефроздық синдромда алдымен негізгі ауруды емдеу керек )

- бауыр ауруындағы ісіну синдромында

- артериялық гипертензия, гипертониялық криз

Қолдану тәсілі және дозалары

Ішке, таңғы асқа дейін, сумен бірге ішу керек. Дозалау режимін клиникалық жағдайларды, емделушінің жасын ескере отырып жеке анықтайды. Емдеу үдерісінде дозалау режимін диуретикалық жауаптың шамасына және емделуші жағдайының динамикасына байланысты түзетеді.

Ішке қабылдаған кезде ересектерге арналған алғашқы доза тәулігіне 20-80 мг құрайды.

Балалар үшін 6 жастан бастап бір реттік доза дене салмағына қарай 1-2 мг/кг құрайды.

Балаларға арналған ең жоғарғы бір реттік доза 4 мг/кг. Емдеу курсын дәрігер анықтайды.

Жағымсыз әсерлері

- тәбеттің төмендеуі, ауыздың кеберсуі, шөлдеу, жүрек айнуы, құсу, іш қату немесе диарея

- холестаздық сарғаю, панкреатит, бауыр энцефалопатиясы, трансаминаза жоғарылауы

- бұлшықеттердің әлсіздігі, балтыр бұлшықеттерінің құрысулары (тетания), апатия, адинамия, әлсіздік, сылбырлық, ұйқышылдық

- ортостатикалық гипотензия, артериялық қысымның төмендеуі, коллапс,

тахикардия, аритмиялар, ҚАК төмендеуі

Сирек

-- бас айналуы, бас ауыруы, құлақтағы шуыл

- көрудің және естудің нашарлауы

- лейкопения, тромбоцитопения, агранулоцитоз, апластикалық анемия

Өте сирек

- аллергиялық реакциялар, бөртпе, тері қышынуы, есекжем, қалтырау, қызба, фотосенсибилизация, анафилактикалық шок

- гипергликемия, гиперурикемия, гипокальциемия, гипокалиемия,

гипонатриемия, гипохлоремия, гиповолемия, парестезиялар (дозалау режимін бұзу арқылы ұзақ уақыт бойы қолданған кезде)

- олигурия, жедел несеп іркілуі (қуық түбі безінің аденомасы бар науқастарда), интерстициальді нефрит, гематурия, импотенция

- қандағы креатинин және мочевина жоғарылауы

Қолдануға болмайтын жағдайлар

- препаратқа жоғары сезімталдықта

- уретра стенозы, жедел гломерулонефрит, несеп шығару жолдарының таспен обструкциясы

- ануриямен жедел бүйрек жеткіліксіздігі

- алкалоз

- кома алдындағы жай-күй

- ауыр бауыр жеткіліксіздігі, бауыр комасы және прекома

- диабеттік кома

- несеп шығару жолдарының механикалық бітелуі

- орталық көктамыр қысымының (10 мм сын. бағ. артық) жоғарылуы

- артериялық гипотензия

- жедел миокард инфаркті

-жүйелі қызыл жегі

- панкреатит

- сулы – электролитті алмасудың бұзылуы (гиповолемия, гипонатриемия, гипокалиемия, гипохлоремия, гипокальциемия, гипомагниемия)

- гиперурикемия

- подагра

- декомпенсацияланған митральді немесе аорталық стеноз

- дигиталистік уыттану

- жүктіліктің бірінші триместрі, лактация кезеңі

- 6 жасқа дейінгі балаларға

Дәрілермен өзара әрекеттесуі

Ұсынылмайтын біріктірілімдер

Фуросемид пен хлоралгидратты біріктіріп қабылдау ұсынылмайды.

Аминогликозидтердің отоуыттылығы және басқа да отоуытты препараттар фуросемидті бір мезгілде қолданған кезде күшеюі мүмкін. Осындай біріктірілімдерден аулақ болған жөн, өйткені осы кезде пайда болатын естудің бұзылуы қайтымсыз болуы ықтимал. Бұл біріктірілімдерді тек өмірлік көрсеткіштер бойынша қолдануға болады.

Айрықша сақтықты талап ететін біріктірілімдер

Егер цисплатинмен емдеген кезде фуросемидтің көмегімен қарқынды диурезге жету қажет болса, бүйрек функциясы қалыпты және сұйықтықтың тапшылығы болмаған кезде соңғысы төменгі дозада (40 мг-ге дейін) тағайындалуы мүмкін. Ондай болмағанда цисплатиннің нефроуыттылық әсері күшеюі мүмкін.

Фуросемид литийдің шығарылуын төмендетеді, осының салдарынан жүрекке және жүйке жүйесіне литийдің уытты әсері күшейеді. Бұл біріктірілімдерді алып жүрген емделушілерде литий деңгейін мониторингтеу керек.

Фуросемидпен емдеу ауыр гипотензияға және бүйрек функциясының нашарлауына, ал жекелеген жағдайларда, әсіресе ангиотензин-өзгертуші ферменттері (АӨФ) тежегіштерін немесе ангиотензин ІІ антагонистерінің рецепторларын (сартандарды) алғашқы қабылдаған немесе жоғары дозаларда тағайындаған кезде жедел бүйрек жеткіліксіздігінің дамуына әкелуі мүмкін. Фуросемидті тоқтату, не болмаса оның дозасын АӨФ тежегіштерін немесе сартандарды қолданғанға дейін 3 күн бұрын азайту керек.

Фуросемидті рисперидонмен біріктіргенде абайлап қолдану керек, өйткені егде жастағы емделушілерде өлім жоғары болуы мүмкін. Бір мезгілде қолдану қажеттілігі бұл біріктірілімдердің пайдасы мен қаупін ескере отырып негізделуі тиіс. Дегидратация бар болған кезде өлім қаупі жоғарылайды.

Фуросемидтің және басқа дәрілік заттардың елеулі өзара байланысуы

Ацетилсалицил қышқылын қоса қабынуға қарсы стероидты емес дәрілерді (ҚҚСД) бір мезгілде тағайындау фуросемидтің әсерін төмендетуі мүмкін. Дегидратациясы немесе гиповолемиясы бар емделушілерде ҚҚСД жедел бүйрек жеткіліксіздігін тудыруы мүмкін. Салицилаттардың уытты әсері артуы мүмкін.

Фенитоинмен бір мезгілде тағайындаған кезде фуросемидтің тиімділігін төмендетуі мүмкін.

Глюкокортикостероидтарды, карбеноксолонды, қызыл мияны және іш жүргізгіштерді ұзақ уақыт бойы көп мөлшерде, бір мезгілде қолданған кезде гипокалиемия күшеюі мүмкін. Гипокалиемия немесе гипомагниемия жүрек гликозидтеріне және QT аралығын ұзартуға әкелетін дәрілік заттарға миокардтың сезімталдығын жоғарылатуы мүмкін.

Артериялық қысымды төмендететін дәрілік заттың әсері (антигипертензивті, диуретикалық және басқа препараттар) фуросемидпен бір мезгілде пайдаланған кезде күшеюі мүмкін. Пробенецидті, метотрексатты және өзекшелік сөлініс арқылы шығарылатын дәрілік заттарды бір мезгілде пайдалану фуросемидтің тиімділігін азайтуы мүмкін. Фуросемид бұл дәрілік заттардың шығарылуының төмендеуіне әкелуі мүмкін. Қан сарысуында олардың деңгейінің артуы және жағымсыз әсерлердің даму қаупі жоғарылауы мүмкін.

Гипогликемиялық дәрінің және тамыр тарылтқыш аминдердің (эпинефриннің/адреналиннің, норэпинефриннің/норадреналиннің) тиімділігінің әлсіреуі, ал теофиллиннің және кураре тәрізді дәрілер – күшеюі мүмкін.

Фуросемид нефроуытты препрараттардың бүйректі зақымдайтын әсерін күшейтуі мүмкін. Фуросемидпен және жекелеген цефалоспориндермен жоғары дозада бір мезгілде ем алып жүрген емделушілерде бүйрек функциясы нашарлауы мүмкін.

А циклоспоринін және фуросемидті бір мезгілде қолданған кезде фуросемид-индуцирлеу гиперурикемия салдарынан екіншілік подагралық артриттің даму қаупі артуы және циклоспоринмен туындаған ураттардың бүйректермен шығарылуы нашарлауы мүмкін.

Фуросемидті рентгенконтрастылы дәрілермен үйлестіріп пайдаланған кезде нефропатияның даму қаупі жоғары емделушілер жоғары дәрежеде бүйрек функциясының бұзылуына бейім келеді.

Тиазидтермен бір мезгілде пайдаланған кезде фотосезімталдық реакциясы дамуы мүмкін. Фуросемидті қабылдаған кезде күтпеген жерден фотосезімталдық реакциясы пайда болған жағдайда емдеуді тоқтату ұсынылады. Егер қайталап енгізу қажет болса, ультракүлгін сәулеленуінен немесе күн инсоляциясынан аулақ болған жөн.

Айрықша нұсқаулар

Курстық емдеу аясында артериялық қысымды, қан плазмасындағы электролиттер (оның ішінде Na+, Ca2+, K+, Mg2+) құрамын, қышқыл-негіз жағдайын, азот қалдығының құрамын, креатининді, несеп қышқылын, бауыр функциясын мезгіл-мезгіл бақылау керек және қажет кезінде емдеуге тиісінше түзету жүргізу керек.

Сульфаниламидке және сульфонилмочевина туындыларына жоғары сезімталдығы бар емделушілер фуросемидке айқаспалы сенсибилизацияға ие болуы мүмкін.

Фуросемидті жоғары дозада тағайындаған кезде гипонатриемия дамуын және метаболизмдік алкалозды болдырмау үшін ас тұзын пайдалануды шектемеген жөн.

Гипокалиемияның профилактикасы үшін калий препараттарын немесе калий жинақтағыш диуретиктерді (спиронолактонды) бір мезгілде тағайындау, сондай-ақ калийге бай емдәмді ұстану ұсынылады.

Бауыр жеткіліксіздігі, бауыр циррозы аясында асциты бар науқастарға дозалау режимін таңдауды стационар жағдайында жүргізу керек (су-электролитті теңгерімнің бұзылуы бауыр комасының дамуын туғызуы мүмкін). Плазма электролиттерінің құрамына ұдайы бақылау көрсетілімде.

Азотемия және олигурия күшейген немесе пайда болған кезде бүйректің ауыр үдемелі ауруымен науқастарда емдеуді тоқтату ұсынылады. Қант диабетімен немесе глюкозаға төзімділігі төмен науқастарда қанда және несепте глюкоза деңгейін мезгіл-мезгіл бақылау талап етіледі.

Ес-түссіз жағдайдағы, қуық асты безі қатерсіз гиперплазиясы, несепағардың қысылуы немесе гидронефрозы бар науқастарда несеп бөлінуін бақылау керек (несептің жедел іркілуі мүмкін).

Ұзақ уақыт бойы қабылдау гиповолемияға әкелуі мүмкін.

Құрамында лактозаның болуына байланысты, бұл дәріні туа біткен галактоземиясы, глюкоза және галактоза мальабсорбция синдромы, лактаза тапшылығы жағдайында қолдануға болмайды.

Жүктілік және лактация

Препаратты жүктіліктің II триместрінде қысқа мерзімде ғана және тек анасы үшін болжамды пайдасы ұрық үшін болуы мүмкін қаупінен астам жағдайда ғана қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Фуросемидті қолдану автокөлік құралын және қауіптілігі зор механизмдерді басқару қабілетіне әсер етеді, сондықтан сақ болу керек.

Артық дозалануы

Симптомдары: артериялық қысым төмендеуі, ұйқышылдық, сананың шатасуы, коллапс, тромбоздар, жедел бүйрек жеткіліксіздігі, сылбыр салдану, апатия.

Емі: құстыру, асқазан шаю, белсендірген көмір, су-тұз теңгерімін түзету, айналымдағы қан көлемінің орнын толтыру, симптоматикалық ем.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салынған. Пішінді ұяшықты қаптамалар қораптық картоннан жасалған қораптарға салынады. Әр қорапқа медициналық қолдану жөніндегі мемлекеттік және орыс тілдеріндегі бекітілген нұсқаулық салынған. Топтамалық қаптамаға нұсқаулық мөлшері қаптама санына қарай салынады.

Сақтау шарттары

Құрғақ, жарықтан қорғалған жерде, 30 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Химфарм» АҚ, Қазақстан Республикасы

Шымкент қ., Рашидов к-сі, 81

Тіркеу куәлігінің иесі

«Химфарм» АҚ, Қазақстан Республикасы

Қазақстан Республикасының аумағында тұтынушылардан өнімнің (тауар) сапасына қатысты шағымдарды қабылдайтын ұйымның мекенжайы

«Химфарм» АҚ, Шымкент қ., Қазақстан Республикасы,

Рашидов к-сі, 81

Телефон нөмірі 7252 (561342)

Факс нөмірі 7252 (561342)

Электрондық поштасы infomed@santo.kz

 

Прикрепленные файлы

493378921477976387_ru.doc 76.5 кб
459062051477977584_kz.doc 81.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники