Фунгисол

Фунгисол

Нафтифин

Дәрілік түрі, дозалануы

Сыртқа қолдануға арналған ерітінді, 10 мг/мл

Дерматология. Дерматологияда қолдануға арналған зеңге қарсы препараттар. Жергілікті қолдануға арналған зеңге қарсы препараттар. Жергілікті қолдануға арналған басқа да зеңге қарсы препараттар. Нафтифин.

АТХ коды D01AЕ22

- табан терісінің зеңдік ауруларын жергілікті емдеу үшін.

Қолданудың басталуына дейін қажетті мәліметтер тізбесі

- әсер етуші затқа немесе кез келген қосымша затқа аса жоғары сезімталдық

- балалар мен 18 жасқа дейінгі жасөспірімдер

Қолдану кезінде қажетті сақтық шаралары

Ерітіндінің көзге немесе шырышты қабықтарға түсуінен аулақ болу керек.

Фунгисол, сыртқа қолдануға арналған ерітінді, сұйылтылмаған қалпында қолдану керек, сондай-ақ сыртқа қолдануға арналған басқа дәрілік препараттармен араластырмау керек.

Пациенттер инфекцияның таралуын болдырмау үшін гигиена шараларының сақталуы туралы хабардар болуы тиіс.

Басқа дәрілік препараттармен өзара әрекеттесуі

Белгісіз. Өзара әрекеттесуіне зерттеулер жүргізілген жоқ.

Арнайы ескертулер

Фунгисол, сыртқа қолдануға арналған ерітінді, құрамында этанол бар, сондықтан көзге немесе зақымдалған теріге түспеуі керек. Көзге кездейсоқ түскен кезде оларды ағынды сумен мұқият жуу керек.

Фунгисол, сыртқа қолдануға арналған ерітінді, құрамында терінің тітіркенуін тудыруы мүмкін пропиленгликоль бар.

Жүктілік немесе лактация кезінде

Жүкті әйелдерде нафтифин гидрохлоридін қолдану жөніндегі деректер жоқ немесе шектелген, сондықтан осы дәрілік препаратты жүктілік кезінде қолдануға болмайды.

Баланы емізетін әйелге нафтифин гидрохлоридінің жүйелі әсері шамалы болғандықтан, балаға қандай да бір әсер ету күтілмейді. Бірақ сақтық шаралары ретінде препаратты емшек емізу кезеңінде қолдануға болмайды.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Дәрілік препаратты қолдану көлік құралдарын және қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Фунгисол тәулігіне бір рет тазартылған және мұқият кептірілген зақымданған теріге және соның маңайына жағу керек.

Пациенттердің ерекше топтары

Бауыр немесе бүйрек жеткіліксіздігі бар пациенттер

Препараттың дозасын түзету қажет емес.

Егде жастағы пациенттер

Препараттың дозасын түзету қажет емес.

Балалар

Балалар мен 18 жасқа дейінгі жасөспірімдерде нафтифин гидрохлоридін қолданудың қауіпсіздігі мен тиімділігі анықталмаған. Дәрілік препаратты балалар популяциясында қолдану туралы деректер жоқ.

Енгізу әдісі және жолы

Препарат сыртқа қолдануға арналған.

Ерітіндіні терінің зақымдалған бөлігіне және оның маңына тікелей құтыдан тамшылатқыш немесе суланған мақта дискілерінің көмегімен, терінің барлық беті мұқият өңделетіндей етіп жағу керек.

Емдеу ұзақтығы

Аурудың қайталануын болдырмау үшін емдеуді аурудың клиникалық белгілері жойылғаннан кейін кемінде 2 апта бойы жалғастыру керек.

Егер емнің 4 аптасынан кейін симптомдар азайтылмаса немесе күшейтілсе, медициналық тексеру жүргізу және емдеудің емдік тәсілін бағалау қажет.

Артық дозалану жағдайында қабылдау қажет болатын шаралар

Препаратты сыртқа қолданғанда уытты әсері шамалы жүйелі сіңуіне байланысты күтілмейді. Кездейсоқ пероральді қолданған жағдайда тиісті симптоматикалық ем ұсынылады.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну ұсынылады

Препаратты қолдану бойынша сұрақтар туындаса, емдеуші дәрігерге жүгіну керек.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥1/10), жиі (≥1/100-ден <1/10 дейін), жиі емес (≥1/1000-нан <1/100 дейін), сирек (≥1/10000-нан <1/1000 дейін), өте сирек (<1/10000), белгісіз (қолда бар деректердің негізінде бағалау мүмкін емес).

Жалпы бұзылу және енізген жердегі реакциялар

Белгісіз

- құрғақтық, қызару және ашытып-күйдіру. Бұл жағымсыз әсерлер әрдайым қайтымды және әдетте емдеуді тоқтатуды талап етпейді.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір мл препараттың құрамында

белсенді зат - нафтифин гидрохлориді, 10.0 мг,

қосымша заттар: пропиленгликоль, этанол (96 %), тазартылған су.

Мөлдір, түссіз немесе сәл сарғыш ерітінді.

Шығарылу түрі және қаптамасы

10 мл немесе 20 мл препараттан бұрандалы қақпағы және тамшылатқышы бар күңгірт шыныдан жасалған құтыда.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

30 ай.

Құтыны алғаш ашқаннан кейін қолдану кезеңі - 2 ай ішінде.

Жарамдылық мерзімі өткеннен кейін қолдануға болмайды.

Түпнұсқалық қаптамада, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

ЯДРАН-ГАЛЕНСКИ ЛАБОРАТОРИЙ а.қ.

Свилно 20, 51000 Риека, Хорватия

Тел:. +385 51 660 700

Факс: + 385 51 660 777

Электронды пошта: jgl@jgl.hr

Тіркеу куәлігінің ұстаушысы

ЯДРАН-ГАЛЕНСКИ ЛАБОРАТОРИЙ а.қ.

Свилно 20, 51000 Риека, Хорватия

Тел:. +385 51 660 700

Факс: + 385 51 660 777

Электронды пошта: jgl@jgl.hr

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ЯДРАН-ГАЛЕНСКИ ЛАБОРАТОРИЙ а.қ. Өкілдігі

Қазақстан Республикасы, 050040, Алматы қ., Марков к-сі, 61/1 үй, №2 құрылым, №122 офис

Тел.: +7 (727) 313 20 51

Электронды пошта: Regulatory-KZ@jgl.ru