Фулведжект (Fulvestrant)

Фулведжект

Фулвестрант

Бұлшықет ішіне инъекция жасауға арналған шприцтегі ерітінді,

250 мг/5 мл

5 мл препараттың (бір алдын ала толтырылған шприц) құрамында

белсенді зат – фулвестрант 250.0 мг,

қосымша заттар: этанол 96 %, бензил спирті, бензилбензоат, майсана майы.

Мөлдір, майлы, түссізден сары түске дейінгі тұтқыр сұйықтық.

Антинеопластикалық және иммуномодуляциялайтын препараттар. Эндокриндік ем. Гормондар антагонистері және олардың аналогтары. Антиэстрогендер. Фулвестрант.

АТХ коды L02BA03

Фармакокинетикасы

Сіңуі

Бұлшықет ішіне инъекция жасағаннан кейін фулвестрант баяу сіңіп, қан плазмасында ең жоғары концентрацияға (Cmax) шамамен 5 күннен соң жетеді. Фулвестрантты 500 мг дозада қолданғанда тепе-тең жағдайына –емнің 1-ші айы ішінде жетеді ("концентрация-уақыт" қисық асты ауданы (AUC) — 475 нг•күн/мл, Cmax — 25.1 нг/мл, ең төменгі концентрация (Cmin) — 16.3 нг/мл). Тепе-тең жағдайда қан плазмасындағы фулвестрант мөлшері - ең жоғары және ең төмен көрсеткіштерінің шамамен 3 есе айырмашылықтары бар салыстырмалы түрдегі тар шекарада ауытқып отырады. Бұлшықет ішілік инъекциядан кейін экспозиция енгізілген дозаға шамамен пропорционал болады (50 мг-ден 500 мг-ге дейінгі аралықта).

Таралуы

Фулвестрант қарқынды және тез таралуымен сипатталады. Тепе-тең концентрацияда, шамамен алынған үлкен көлемде таралуы (3 л/кг-ден 5 л/кг дейін) негізінен экстраваскулярлық таралу деп болжанады. Қан плазмасы ақуыздарымен байланысуы – 99 %. Негізгі байланысу компоненттеріне тығыздығы өте төмен липопротеидтер (ТӨТЛП), тығыздығы төмен липопротеидтер (ТТЛП) және тығыздығы жоғары липопротеидтердің (ТЖЛП) фракциялары қамтылған. Жыныстық гормондарды байланыстыратын глобулиннің рөлі анықталған жоқ.

Метаболизмі

Фулвестранттың метаболизмі соңына дейін зерттелмеген, эндогендік стероидтардың (17-кетон, сульфон, 3-сульфат, 3- және 17-глюкуронид метаболиттерін қоса) метаболизмінің механизмдеріне ұқсас биотрансформацияның көптеген әлеуетті жолдарының бірігуін қамтиды. Идентификацияланған метаболиттердің белсенділігі фулвестранттан төменірек немесе тең болады. CYP3A4 фулвестранттың тотығуына қатысатын P450 цитохром тобының жалғыз ғана изоферменті болып табылады. Алайда, in vivo Р450 қатысуынсыз биотрансформация басым болады деп шамаланады. Фулвестрант in vitro зерттеулерінде P450 цитохромының изоферменттерін тежемейтінін көріністеді.

Шығарылуы

Фулвестрант негізінен ішек арқылы, бүйрекпен - заттың 1% - дан азы шығарылады. Фулвестрант клиренсі 11±1.7 мл/мин/кг құрайды, бұл бауыр экстракциясының жоғары деңгейін болжайды.

Жартылай шығарылу кезеңі (T1/2) 50 күнді құрайды.

Пациенттердің ерекше тобындағы фармакокинетикасы

Фулвестранттың фармакокинетикалық бейіні жасқа (33-89 жас диапазонында), дене салмағына (40-127 кг) және нәсіліне байланысты емес.

Бүйрек функциясының бұзылулары

Бүйректің жеңіл және орташа бұзылулары фулвестранттың фармакокинетикасына клиникалық тұрғыдан елеулі ықпалын тигізбейді.

Бауыр функциясының бұзылулары

Фулвестрантты бауыр функциясының әлсіз немесе орташа бұзылулары бар (Чайлд-Пью жіктелуі бойынша А және В класы) пациенттерге бір рет енгізгенде сау еріктілермен салыстырғанда AUC 2,5 есе жоғарылауы байқалды. Бауыр функциясының ауыр бұзылулары бар (Чайлд-Пью жіктеуі бойынша С класы) пациенттерде фулвестранттың фармакокинетикасына зерттеу жүргізілмеген.

Фармакодинамикасы

Фулвестрант эстроген рецепторларының бәсекелес антагонисі болып табылады. Рецепторларға аффинділік деңгейі бойынша эстрадиолға ұқсас. Фулвестрант эстрогендердің трофикалық әсерін бөгеп, өзінің жеке эстрогенге ұқсас белсенділігін білдірмейді. Әсер ету механизмі эстроген-рецепторлардың (ЭР) белсенділігі басылуы мен деградациясына байланысты. Фулвестрант сондай-ақ прогестерон рецепторларының экспрессиясын анық төмендетеді.

Фулвестрант менопаузадан кейінгі әйелдерде эндометрийге стимуляциялаушы әсерін тигізбейді. Менопаузадан кейін фулвестрантпен ұзақ уақыт емдеудің эндотелийге әсері анықталған жоқ. Сондай-ақ эндометрийдің морфологиясы бойынша да деректер жоқ. Фулвестрантты ұзақ уақыт қолданудың сүйек тініне ықпалы жөнінде деректер жоқ.

• бұдан бұрын эндокриндік ем алмаған постменопаузадағы әйелдердегі эстрогендердің оң рецепторлары бар сүт безінің жергілікті-таралған немесе метастаздық обыры

• адъювантты эндокриндік емдеу аясында немесе одан кейінгі қайталануында немесе эндокриндік емдеу аясында үдеуі кезінде

Фулведжект 5 мл-ден бұлшықет ішіне баяу (әр инъекцияға 1-2 минуттан) енгізілетін, бірізді жасалатын екі инъекция арқылы (әрбір бөксеге 1 инъекциядан) қолдану қажет.

Шонданай жүйкесінің жақын орналасуына байланысты бөксенің жоғарғы шеткі бөлігіне енгізу кезінде сақ болу керек.

Ересек әйел пациенттер (егде жастағыларын қоса есептегенде)

Ұсынылатын дозасы – 500 мг айына 1 рет. Емнің алғашқы айы: 500 мг - айына 2 рет (екінші енгізу - препараттың бірінші дозасынан кейін екі аптадан соң).

Бүйрек функциясы бұзылған пациенттер

Бүйрек функциясының бұзылуы жеңіл немесе орташа болған жағдайларда (креатинин клиренсі ≥ 30 мл/мин) дозаны түзетудің қажеті жоқ. Бүйрек функциясының бұзылуы ауыр (креатинин клиренсі < 30 мл/мин) пациенттердегі препараттың қауіпсіздігі мен тиімділігі анықталған жоқ, сондықтан препаратты қолданғанда сақтық шарасын қадағалау керек.

Бауыр функциясы бұзылған пациенттер

Бауыр функциясының жеңіл немесе орташа бұзылуы бар пациенттерді Фулведжект препаратын қолдану дозаны түзетуді талап етпейді, бірақ сақтықты талап етеді. Бауыр функциясының ауыр бұзылуы бар пациенттерде препараттың қауіпсіздігі мен тиімділігі анықталмаған.

Балалар мен жасөспірімдер

Балалар мен жасөспірімдерде препараттың қауіпсіздігі мен тиімділігі туралы деректер жоқ.

Препаратты қолдану жөніндегі нұсқау

Препаратты бұлшықет ішіне үлкен көлемде енгізу үшін инъекциялық препараттарды қолдану жөніндегі жергілікті ұсынымдарға сәйкес қолданады.

Назар аударыңыз: инені пайдалану кезінде оған тигізбеу керек.

• Пішінді ұяшықты қаптамадан шыны шприцті алып, зақымданудың жоқтығына көз жеткізу

• Қауіпсіз иненің сыртқы қаптамасын бұзу

• Қолданар алдында бөлшектердің болмауы және түстің өзгеруі мәніне ерітіндінің жай-күйін көзбен көріп бағалау

• Шприцті тік ұстау керек. Екінші қолмен қақпақты алып, қақпақты абайлап айналдырыңыз. Стерильділігін сақтау үшін шприцтің ұшын тигізбеу керек (1-суретті қараңыз).

1-сурет

• Инені шприцтің ұшына кигізу және толық бекітілгенге дейін бұрау керек (2-суретті қараңыз).

2-сурет

• Шприцтің тік орналасуын өзгертпей, иненің оның ұшына сенімді бекітілгеніне көз жеткізу

• Алдын ала толтырылған шприцті енгізу орнына әкелу

• Сауытты инеден алып тастау керек

Шприцтен газдың артық көпіршіктерін шығару. Бөксе бұлшықетіне ерітіндіні баяу енгізу (1-2 минут бойы / шприц)

Қалдықтарды жою

Алдын ала толтырылған шприц тек бір рет қолдануға арналған. Пайдаланылмаған дәрілік препаратты немесе қалдықтарды жергілікті утилизация ережесіне сәйкес жою керек.

Жағымсыз реакциялар пайда болу жиілігіне байланысты былайша жіктеледі: өте жиі (>10 %); жиі (>1-≤10 %); сирек (>0.1- ≤1 %);

Өте жиі

- жүрек айнуы

- буындардың ауыруы және қаңқа-бұлшықеттің ауыруы (артралгияны, жиі қаңқа-бұлшықет ауыруын, арқаның ауыруын, миалгияны және аяқ-қолдың ауыруын қамтиды)

- астения

- препаратты енгізу орнындағы реакциялар, әлсіз білінетін транзиторлы ауырулар мен қабынуды қоса (енгізу орнындағы қан кетуден, енгізу орнындағы гематомадан, ишиастан, невралгиядан және перифериялық нейропатиядан басқа)

- «бауыр» ферменттері белсенділігінің жоғарылауы (аланинаминотрансфераза (АЛТ), аспартатаминотрансфераза (АСТ), сілтілі фосфатаза)

Жиі

• тромбоциттер санының төмендеуі

• құсу, диарея, анорексия

- бас ауыру

- жоғары сезімталдық реакциялары (ісіну, есекжем)

- ыстықты сезіну («ысынулар»), тромбоэмболия

- бөртпе

- несеп шығару жолдарының инфекциялары

- билирубин деңгейінің жоғарылауы

Жиі емес

- қан кетулер, енгізген орындағы гематома, невралгия

- қынаптық кандидоз, ақ бөлінділер, қынаптық қан кетулер

- бауыр жеткіліксіздігі, гепатит, гамма-глютамилтрансфераза белсенділігінің жоғарылауы

- фулвестрантқа немесе препараттың кез келген басқа компонентіне жоғары сезімталдық

- бауыр функциясының ауыр бұзылулары

- жүктілік және емшек емізу кезеңі

- балалар және 18 жасқа дейінгі жасөспірімдер (тиімділігі мен қауіпсіздігі анықталмаған).

Мидазоламмен (CYP3A4 субстраты) клиникалық өзара әрекеттесуін зерттеу нәтижелері бойынша, фулвестрант CYP3A4 белсенділігін тежемейді. In vitro деректері фулвестрант CYP1A2, 2C9, 2C19 және 2D6 белсенділігіне әсер етпейтінін дәлелдейді. CYP2A6, 2C8 және 2E1 белсенділігін басу мүмкіндігі бағаланған жоқ.

Рифампицинмен (CYP3A4 индукторы) және кетоконазолмен (CYP3A4 тежегіші) клиникалық өзара әрекеттесуіне жүргізілген зерттеулерде фулвестрант клиренсінің клиникалық тұрғыдан маңызды өзгерулері байқалмаған. Сондықтан фулвестрантты CYP3A4 индукторларымен және тежегіштерімен біріктіріп тағайындаған кезде дозаны түзетудің қажеті жоқ.

Фулведжект препаратымен емдеу ісікке қарсы препараттарды қолдану тәжірибесі бар дәрігердің бақылауымен ғана жүргізілуі тиіс.

Фулведжект препаратын бауыр функциясының жеңіл немесе орташа бұзылуы бар пациенттерге қолданғанда сақ болу керек.

Фулведжект препаратын бүйрек функциясының бұзылуы ауыр (креатинин клиренсі < 30 мл/мин) пациенттерге қолданған кезде сақ болу керек.

Препаратты қолдану тәсілін ескеріп, қан кетуге бейімділігі, тромбоцитопениясы бар немесе антикоагулянттар қабылдайтын пациенттерге Фулведжект препаратын қолданғанда сақ болу керек.

Сүт безінің жайылған обыры бар әйелдерде тромбоэмболиялар жиі байқалады. Мұны Фулведжект препаратын тромбоэмболия қаупі бар пациенттерге тағайындаған кезде ескеру қажет. Фулвестрантты ұзақ қолданудың сүйек тініне әсері анықталған жоқ. Фулвестранттың әсер ету механизмін ескерер болсақ, остеопороздың зор қаупін жоққа шығаруға болмайды.

Балалар мен жасөспірімдер

Фулведжект балалар мен жасөспірімдерде қолдануға ұсынылмайды, өйткені балалар мен жасөспірімдерге қауіпсіздігі мен тиімділігі бойынша деректер жоқ.

Фулведжект басқа дәрілік препараттармен араластырылмауы тиіс.

Фулвестрант пен эстрадиол құрылымының ұқсастығы салдарынан фулвестрантпен емдеу антиденелерді пайдалана отырып талдау жүргізу кезінде эстрадиол концентрациясының жалған жоғарылауына әкелуі мүмкін.

Фертильділік

Фулвестранттың адам фертильділігіне әсері зерттелмеген.

Бала тууға қабілеттілігі сақталған әйелдер

Препаратпен емдеу кезінде контрацепцияның сенімді әдістерін қолдану қажет.

Жүктілік және бала емізу кезеңі

Фулведжект препаратын жүктілік кезінде қолдануға болмайды.

Егер жүктілік Фулведжект препаратын қолдану кезінде диагностикаланса, шаранаға ықтимал қаупі мен жүктіліктің үзілу қатері туралы пациентті хабардар ету қажет.

Фулведжект препаратын қолданған кезде бала емізу тоқтатылуы тиіс. Фулвестранттың адамда сүтпен секрециялануы болатыны белгісіз.

Фулвестрантпен байланысты күрделі жағымсыз реакциялардың болу мүмкіндігін ескере отырып, емшек еміп жүрген жаңа туған нәрестелерге Фулведжект препаратын қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Фулведжект көлік құралдарын және механизмдерді басқару қабілетіне елеусіз әсер етеді. Астения симптомдары бар пациенттер көлік құралдарын немесе басқа механизмдерді басқарған кезде сақ болуы қажет.

Адамда артық дозалану жағдайлары белгісіз.

Симптомдары: жағымсыз әсерлері күшеюі мүмкін.

Емі: симптоматикалық демеуші ем.

Шығарылу түрі және қаптамасы

5 мл препараттан сыйымдылығы 5 мл, гидролитикалық класы I мөлдір шыны шприцте.

Әрбір алдын ала толтырылаған шприцке заттаңба жапсырылады.

Алдын ала толтырылған 1 шприцтен алюминий фольгадан немесе полиэтилентерефталаттан/полиэстерден жасалған таңбаланбаған жабыны бар мөлдір поливинилхлоридті үлбірден жасалған пішінді ұяшықты қаптамада.

1 немесе 2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге стерильді иненің тең санымен картон қорапшаға салынған.

Жарықтан қорғалған жерде 2 °С-ден 8 °С-ге дейінгі температурада, түпнұсқалық қаптамада.

Балалардың қолы жетпейтін жерде сақтау керек!

4 жыл.

Жарамдылық мерзімі өткеннен кейін қолдануға болмайды.

Босатылу шарттары

Рецепт арқылы

Өндіруші

Ромфарм Компани С.Р.Л.,

Отопень қ-сы, Ероилор к-сі, №1А, Румыния

тел. +4021 350 46 40, факс: +4021 350 46 41

Тіркеу куәлігінің ұстаушысы

Ромфарм Компани Грузия ЖШҚ,

Тбилиси қ-сы, Грузия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ROMPHARM COMPANY» СРЛ («РОМФАРМ КОМПАНИ» СРЛ) Коммерциялық қоғамының Қазақстан Республикасындағы өкілдігі,

050013, Алматы қ., Бухар жырау бульвары, 33 үй, «Жеңіс» БО, 41 кеңсе,

телефон: 8 (727) 247-07-85, факс: 8 (727) 376-35-88,

электронды пошта: amangul-62@mail.ru