Фторафур®

МНН: Тегафур
Производитель: Гриндекс АО
Анатомо-терапевтическо-химическая классификация: Tegafur
Номер регистрации в РК: № РК-ЛС-5№003860
Период регистрации: 17.06.2016 - 17.06.2021
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 365.13 KZT

Инструкция

Саудалық атауы

ФТОРАФУР®

Халықаралық патенттелмеген атауы

Тегафур

Дәрілік түрі

400 мг капсулалар

Құрамы

Бір капсуланың құрамында

белсенді зат – 400 мг тегафур,

қосымша зат стеарин қышқылы,

капсула:

корпус қабығы: титанның қостотығы (Е 171), хинолинді сары (Е 104), темірдің (III) қызыл тотығы (Е 172), желатин,

қақпақша қабығы: титанның қостотығы (Е 171), хинолинді сары (Е 104), қан қызыл 4R (Е 124), желатин.

Сипаттамасы

Қатты желатинді капсулалар. Капсуланың корпусы сары түсті, қақпақшасы қызғылт сары түсті. Капсуланың ішіндегісі – иіссіз ақ түсті ұнтақ.

Фармакотерапиялық тобы

Ісікке қарсы препараттар. Антиметаболиттер. Пиримидин аналогтары.

АТХ коды L01ВС03

Фармакологиялық қасиеттері

Фармакокинетикасы

Ішке қабылдау кезінде тегафур асқазан-ішек жолынан (АІЖ) тез сіңеді және оны бір рет енгізуден кейін, кем дегенде, 24 сағат ішінде қаннан табылады. Препарат қабылдаудан кейін 4-6 сағат ішінде қандағы ең жоғары концентрациясына жетеді. Биожетімділігі толық дерлік. Тегафур липофильділігі жоғары (фторурацилдегіден 250 есе жоғары) бола отырып, суда еритін қосылыс күйінде қалады. Жоғары липофильділік биологиялық жарғақшалар арқылы тез өтуін, организмге таралуын және гематоэнцефалдық бөгет арқылы енуін қамтамасыз етеді.

Бауырда метаболизденіп, метаболиттер түзеді, олардың арасында фармакологиялық тұрғыда белсенді 5-фторурацил орталық орын алады. Биобелсенділенуі бауырда ғана жүзеге асып қоймай, сонымен бірге цитозольді гидролиз ферменттерінің жоғары мөлшерімен ерекшеленетін ісік тінінде жергілікті сипатқа ие болуы да мүмкін.

Тегафур организмнен негізінен несеппен бөлініп шығады. Тегафур несеппен өзгермеген күйде 60 %, 5‑фторурацил түрінде 10 %, белсенді метаболиттер түрінде (фторуридині бар нуклеозидтер мен нуклеотидтер) 5 % бөлінеді. Тегафур қабылдаудан кейін 12 сағат өткенде оның организмдегі мөлшері едәуір азаяды, осыған орай, тегафурды 12 сағаттық аралықтармен қолдану ұсынылады.

Фармакодинамикасы

Ісікке қарсы әсері ДНҚ және РНҚ синтезінің бұзылуымен жүзеге асады. Гидролиз нәтижесінде түзілген фторурацил тимидилатсинтетаза ферментін және ДНҚ синтезін тежейді, РНҚ құрылымына урацил орнына еніп, оны ақаулы етеді және жасушалық пролиферацияны тежейді.

Ісік жасушаларында 5-фтордезоксиуридин-5-монофосфатқа айналады, ол артынан РНҚ-ға қосылумен трифосфатқа және тимидилатсинтетазаны тежейтін флоксуридин монофосфатына фосфорланады.

Асқазан және ішек жолдарының қайталанатын ісіктері, алғашқы ісіктерге қарағанда, тегафурға көп дәрежеде сезімтал келеді. Асқазан обырында тегафур өкпедегі, сүйектердегі және аналық бездердегі метастаздарды аз дәрежеде, бауырдағы метастаздарды көп дәрежеде емдейді; көптеген пациенттерде ремиссия ұзақтығы – 1,5‑2 ай.

Тік және жуан ішектің бастапқы, қайталанған және метастазды ісіктерін емдеудегі тегафур тиімділігі асқазан мен ішек обырын емдеу кезіндегісіне ұқсас. Тік және жуан ішек обыры жағдайында ремиссия ұзақтығы 5-8 ай құрайды.

Сүт безінің алғашқы ісіктері және олардың жұмсақ тіндердегі метастаздары да тегафурмен емге сезімтал. Алайда өкпе, плевра, бауыр, мидағы және сүйектердегі обыр метастаздары тегафурмен нашар емделеді. Орташа ремиссия ұзақтығы 10-19 ай құрайды.

Тегафур бауырдың алғашқы ісігін емдеуде және метастаздар жағдайындағы оның зақымдануларында, сондай-ақ фолликул көтермелеуші гормон секрециясы азайған аналық бездер обырында тиімді.

Тегафур шығу тегі нейроэктодермальді алғашқы ми ісіктерін емдеуде қолданылады; мидың басқа жерлеріне орналасқандарға препарат тиімсіз. Препарат тері лимфомасы жағдайында, өт және несеп шығару жолдарының обырында, ұйқы безінде тиімді.

Көктамыр ішіне және ішу арқылы қолдану кезіндегі тегафурдың емдік әсерінде елеулі айырмашылық білінбейді. Алайда, жағымсыз әсерінің аз болуынан, препаратты амбулаторлық жағдайларда ішу арқылы қолдану таңдалады.

Қолданылуы

- жуан және тік ішек обырында

- асқазан обырында

- сүт безінің обырында

Қолдану тәсілі және дозалары

Капсула тамақтанудан 1 сағат бұрын немесе одан кейін ішке қабылданады.

Ішу арқылы қолданғанда тәуліктік дозасы дене салмағына 20-30 мг/кг (1,2-1,6 г немесе 3‑4 капсула) құрайды, бірақ 2 г-ден (5 капсула) аспайды; дозаны  2  қабылдауға бөледі және күнделікті әр 12 сағат сайын немесе тәулігіне 2-4 рет қабылдайды. Ішке қабылдау кезіндегі курстық дозасы 30-40 г; курс ұзақтығы әдетте 28 күн. Препарат дозасы уыттылығына қарай түзетіледі.

Алайда, тегафурдың аз дозаларын ұзағырақ уақыт қолдануға болады. Тегафур дозасы егде жастағы пациенттерге де және аурудың кешірек сатыларында азайтылады. Тегафур біріктірілген химиялық ем сызбаларында және қосымша ретінде сәулемен емдеуде монотерапияда пайдаланылатын дозаға тең немесе одан аз дозада пайдаланылады. Қажет болса, емдеу курсын 1,5-2 ай аралықпен қайталайды.

Балаларда қолдану: балаларда тегафур қолдану тиімділігі мен қауіпсіздігі анықталмаған, сондықтан препарат педиатриялық тәжірибеде қолданылмайды.

Жағымсыз әсерлері

Әріқарай аталған жағымсыз әсерлер MedDRA ағзалар жүйесін және жиілігін жіктеудің деректер базасына сәйкес ретке келтірілген: өте жиі (≥1/10), жиі (≥1/100-ден <1/10 дейін), жиі емес (≥1/1000-нан <1/100 дейін), сирек (≥1/10 000-нан <1/1000 дейін), өте сирек (<1/10 000), белгісіз (қолда бар деректер бойынша анықтауға болмайды).

Инфекциялар және инфестациялар

Сирек: лейкоэнцефалит симптомдары.

Қан және лимфа жүйесі тарапынан бұзылулар

Өте жиі: қан түзілуінің бәсеңдеуі, анемия, тромбоцитопения, лейкопения.

Жиі емес: фебрильді нейтропения.

Иммундық жүйе тарапынан бұзылулар

Жиі: жоғары сезімталдық реакциялары.

Тегафур емдік дозаларында қолданылғанда организмнің жалпы қайта белсенділенуіне, спецификалық емес жасушалық және гуморальді иммунитет көрсеткіштеріне аздаған иммунодепрессиялық әсер тудырады.

Метаболизм және тамақтану бұзылулары

Жиі: организм дегидратациясы.

Жүйке жүйесі тарапынан бұзылулар

Жиі: бас айналу, ұйқышылдық, иіс сезбей қалу, дәм сезудің өзгеруі.

Жүрек функциясының бұзылуы

Өте сирек: стенокардия, сондай-ақ тыныштық стенокардиясы.

Тыныс аурулары, кеуде қуысының және көкірек ортасы аурулары

Сирек: интерстициальді пневмония.

Асқазан-ішек жолы тарапынан бұзылулар

Өте жиі: жүрек айну, құсу, анорексия, іш өту, ішек шаншуы, әсіресе, емнің басында.

Егер препараттың уытты әсері күшейсе, тегафурдың тәуліктік дозасын түзету немесе оны қолдануды тоқтату қажет.

Жиі: стоматит.

Ерекше ауыр жағымсыз әсерлер емнің соңында, әдетте, тегафурдың жалпы дозасы 50 г және одан көпке жеткенде дамитын стоматит және іш өту болып табылады.

Жиі емес: ерекше ауыр жағдайларда ойық жаралы эзофагит, фарингит, дуоденит немесе он екі елі ішектің ойық жарасы дамиды.

Өте сирек: жедел панкреатит.

Бауыр және/немесе өт шығару жолдары функциясының бұзылулары

Жиі: бауыр функциясының бұзылуы.

Сирек: жедел гепатит.

Терінің және тері асты тіндерінің зақымданулары

Жиі: қышытатын макулопапулёзді бөртумен болатын дерматит, шаш түсу, тырнақтың зақымдануы, құрғақ тері.

Бүйрек және несеп шығару жолдары тарапынан бұзылулар

Жиі емес: бүйрек функциясының бұзылуы.

Бүйрек функциясы бұзылған жағдайда организмде тегафур метаболиттері жиналып қалуы мүмкін, олар кейде ауыр уыттануды туындатады.

Зерттеулер

Жиі: АлАТ және АсАТ деңгейінің жоғарылауы.

Тегафурға уытты әсер жинақталуы тән емес.

Қолдануға болмайтын жағдайлар

- препараттың белсенді және қосымша компоненттеріне жоғары сезімталдық

- аурудың терминалдық сатысы

- асқазан мен он екі елі ішектің ойық жаралы ауруы

- жедел профуздық қан кету

- бауыр және/немесе бүйрек функциясының ауыр бұзылулары

- ауыр инфекциялар

- лейкопения (3×109/л аз), нейтропения (1×109/л аз), тромбоцитопения (100×109/л аз және анемия (гемоглобин деңгейі 30 г/л аз)

- CYP2D6 изоферментінің тапшылығы

- жүктілік және бала емізу кезеңі

- балаларға және 18 жасқа дейінгі жасөспірімдерге

Дәрілермен өзара әрекеттесуі

Тегафур және фенитоин бір мезгілде қолданылғанда соңғысының әсері күшеюі мүмкін.

Препарат ісікке қарсы басқа дәрілердің және сәулемен емдеу әсерін күшейтеді (жағымсыз әсері де күшейеді).

Микросомалық тотығу тежегіштері бауырда уыттылықты арттырады.

Тегафур циклофосфамидпен, метотрексатпен, доксорубицинмен, митомицинмен және тегафурға айқаспалы төзімділік танытпайтын ісікке қарсы басқа дәрілік заттармен бірге біріктірілген ем сызбаларында қолданылады.

Тегафур, әлсіз негіз бола отырып, зардаптары болжанбайтын қышқыл дәрілік заттармен фармацевтикалық тұрғыда өзара әрекеттесуі мүмкін.

Цитарабинмен, диазепаммен, антрациклинді антибиотиктермен үйлеспейді.

CYP2А6 изоферментімен метаболизденеді, осы ферменттің субстраттарымен немесе тежегіштерімен (кумарин, метоксипсорален, клотримазол, кетоконазол, миконазол) бір мезгілде тағайындағанда сақ болу қажет.

Тегафурды лейковоринмен біріктіру асқазан-ішек жолының обырына шалдыққан пациенттерде емнің зор тиімділігін және жағымсыз әсерлерінің едәуір жеңіл көтерімділігін қамтамасыз етеді.

Тегафур, спецификалық емес иммуномодуляторлар және организмнің қорғаныс қасиеттерін арттыратын дәрілерді (мысалы, левомизол, интерферон және т.б.) бір мезгілде қолданудың жайлы әсер тудыратыны анықталған.

Айрықша нұсқаулар

Тегафур тағайындалғанда қан түзу, бауыр және бүйрек функциясының, глюкоза метаболизмінің бұзылуы, асқазан мен он екі елі ішектің ойық жарасы, қан кетуге бейімділігі, инфекциялық аурулары бар пациенттерге ерекше көңіл бөлу керек.

Қан көрінісін, бауыр мен бүйректің функционалдық жағдайын жүйелі бақылап отыру керек. Препарат ұзақ уақыт қолданылғанда оның жағымсыз әсері күшейеді.

Бас айналу, жүрек айну және құсу тәуліктік дозаны фракциялағанда азаяды. Күрделі жағымсыз әсерлері дамығанда препаратты қолдануды тоқтату қажет.

Қан түзілуінің бәсеңдеуін жою үшін аптасына 2-3 рет 100 мл қан инфузиясын жүргізеді. Бұл жағдайда қан түзу жүйесінің жағдайын бақылауды тек емделу кезеңінде ғана емес, сондай-ақ ол аяқталған соң 7-10 күн бойы жүргізген жөн.

Өкпедегі, сүйектердегі және аналық бездердегі метастаздар емдеуге келмейді.

Препарат қабылдау төменде тізбеленген белгілердің ең болмаса біреуі білінгенде дереу тоқтатылады: стоматит, фарингит, эзофагит, қан кетулер, лейкопения (3 мың/мкл төмен). Қанның түзілуіне ықпалы емнің аяқталуынан кейін 8-14 күн өткен соң да көрініс беруі мүмкін.

Емделу кезінде ауыз қуысын мұқият күту, витаминдер тағайындау қажет.

Капсула қақпақшасы құрамына аллергиялық реакциялар тудыруы мүмкін қан қызыл бояғыш 4R (Е 124) кіреді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Егер тегафур қолдану кезінде ұйқышылдық немесе бас айналу туындаса, көлік құралын басқарудан және механизмдермен жұмыс істеуден бас тарту керек.

Артық дозалануы

Симптомдары: асқазан-ішек жолы, орталық жүйке жүйесі тарапынан уыттану құбылыстарының күшеюі және қан түзудің бәсеңдеуі.

Емі: қант түзу функциясын кемінде 4 апта бойы бақылап отыру, қажет болса, симптоматикалық ем жүргізіледі.

Тегафурдың арнайы у қайтарғысы белгісіз.

Артық дозалану кезінде осы дәрінің метаболизмін қамтамасыз ететін ферменттік жүйелердің де зақымданатынын ескеру қажет. Организмде уытты әсерді күшейтетін тегафурдың белсенді метаболиттері жиналады.

Шығарылу түрі және қаптамасы

400 мг капсулалар.

Қысылатын қақпағы бар және алғашқы ашылуы бақыланатын пластмасса контейнерде (сыйымдылығы 150 мл) 100 капсуладан.

Контейнер қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Гриндекс» АҚ. Крустпилс к-сі, 53, Рига, LV-1057, Латвия

Телефон: +371 67083205

Факс: +371 67083505

Электронды поштасы: grindeks@grindeks.lv

Қазақстан Республикасы аумағында тұтынушылардан өнім сапасына қатысты шағымдар қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Гриндекс» АҚ өкілдігі

050010, Алматы қ., Достық даңғылы, Бөгенбай батыр к-сі қиылысы, 34а/87а үй, №1 кеңсе

т./ф. 291-88-77, 291-13-84

эл. поштасы: grindeks.asia.kz@mail.ru

 

 

 

Прикрепленные файлы

515353821477976206_ru.doc 81 кб
281021011477977451_kz.doc 92 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники