Фосфоглив® (2,5 г)

• русский
• қазақша

• Скачать инструкцию медикамента

Саудалық атауы

Фосфоглив®

Халықаралық патенттелмеген атауы

Жоқ

Дәрілік түрі

Көктамыр ішіне енгізу үшін ерітінді дайындауға арналған 2,5 г лиофилизат

Құрамы

Бір құтының ішінде

белсенді заттар: 0,50 г фосфолипидтер (Липоид С 100) (100% затқа шаққанда), 0,20 г глицирризин қышқылының тринатрий тұзы (натрий глицирризинат),

қосымша зат – мальтоза,

бір ампуладағы еріткіш құрамы: инъекцияға арналған су.

Сипаттамасы

Ақ түстен ашық-сары түске дейінгі лиофилизацияланған масса.

Еріткіш – иісі және дәмі жоқ түссіз мөлдір сұйықтық.

Фармакотерапиялық тобы

Бауыр және өт шығару жолдары ауруларын емдеуге арналған препараттар. Бауыр ауруларын емдеуге арналған препараттар.

АТХ коды А05ВА

Фармакологиялық қасиеттері

Фосфатидилхолин (фосфолипидтердің негізгі компоненті) жасушалық және жасушаішілік жарғақшалардың негізгі құрылымдық элементі болып табылады, зақымданған кезде цитопротекторлы әсер ете отырып, олардың құрылымын және функциясын қалпына келтіруге қабілетті. Ақуыздық және липидтік алмасуды қалыпты етеді, ферменттердің және басқа да белсенді заттардың гепатоциттер арқылы жоғалуына жол бермейді, бауыр функциясын қалпына келтіреді, дәнекер тіннің түзілуін тежейді, бауыр фиброзының және циррозының пайда болу қаупін төмендетеді.

Глицирризин қышқылының қабынуға қарсы әсері бар, бауырда және басқа да ағзаларда интерферондардың өндірілуін көтермелеумен, фагоцитоздың жоғарылауы, табиғи киллер-жасушалар белсенділігінің артуы есебінен вирустардың репродукциясын басады. Антиоксидантты және жарғақшаны тұрақтандыру белсенділігінің арқасында гепатопротекторлы әсер етеді. Глицирризин қышқылы эндогендік глюкокортикостероидтардың әсерін үдетіп, бауырдың инфекциялық емес зақымдануларында қабынуға қарсы және аллергияға қарсы әсер етеді.

Тері зақымдарында жарғақшаны тұрақтандыратын және қабынуға қарсы әсерлер есебінен ауру үдерісінің таралуын шектейді және аурудың кері дамуына ықпал етеді.

Қолданылуы

- вирус гепатитінде (жедел және созылмалы)

- бауырдың майлы дегенерациясында (гепатоз)

- бауырдың басқа да зақымдануларында (дәрілік, алкогольдік, уытты)

- бауыр циррозында

- псориазда

Қолдану тәсілі және дозалары

Ересектерге және 12 жастан асқан балаларға. Көктамыр ішіне, лиофилизатты инъекцияға арналған 10 мл суда алдын ала ерітеді. Көктамыр ішіне енгізуді баяу жүзеге асыру керек. 10 күн ішінде күн сайын екі рет таңертең және кешке 10 мл-ден енгізіп, кейін препаратты капсула түрінде ішу арқылы қабылдауға көшеді. Курс ұзақтығы дәрігердің нұсқауымен арттырылуы мүмкін.

Қолдануға болмайтын жағдайлар

- препарат компоненттеріне аса жоғары сезімталдық

- жүктілік және лактация кезеңі

- 12 жасқа дейінгі балаларға

Жағымсыз әсерлері

- тері бөртпелері пайда болуы мүмкін (жекелей сезімталдық жоғарылағанда), ол препаратты тоқтатқан кезде жоғалады

- тәуліктік дозаны арттырған кезде натрий және сұйықтықтың іркілуі, ісінулер байқалады

- артериялық қысымның жоғарылауы

- гипокалиемия

Көрсетілген симптомдар пайда болған кезде, олардың айқындылығына байланысты, препарат дозасын азайту және/немесе тәулігіне 50-100 мг спиронолактон тағайындау керек.

Дәрілермен өзара әрекеттесуі

Құтының ішіндегісін басқа ерітінділермен араластыруға болмайды. Еріту үшін тек инъекцияға арналған суды ғана пайдалану керек. Препаратты еріту үшін натрий хлоридінің немесе глюкозаның физиологиялық ерітінділерін қолдануға тыйым салынады.

Айрықша нұсқаулар

20 мл препаратты бір сәтте енгізуге болмайды. Препараттың тәуліктік дозасын енгізу екі қабылдау арқылы ғана, таңертең және кешкісін жүзеге асырылады.

Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері

Сипатталмаған.

Артық дозалануы

Препараттың артық дозалану жағдайлары байқалмаған.

Препараттың құрамына кіретін глицирризин қышқылы үлкен дозаларда қанда глюкокортикостероидтар және минералокортикоидтар деңгейлерінің жоғарылауы болып табылатын жалған кортикостероидты әсерді тудыруы мүмкін. Бұл организмде натрийдің іркілуіне және калийдің азаюына әкеліп, оның салдарынан артериялық қысымның артуына, организмде судың іркілуіне әкеп соқтырады.

Шығарылу түрі және қаптамасы

2.5 г препараттан импорттық резеңке тығынмен герметикалық тығындалған, алюминий қақпақпен қаусырылған және қорғаныш пластмасса қақпақпен немесе біріктірілген қақпақшамен жабылған, жарықтан қорғайтын шыныдан жасалған медициналық импорттық шыны құтыларда.

10 мл еріткіш (инъекцияға арналған су) мөлдір шыныдан жасалған импорттық ампулаларда.

Құтыға және ампулаға өздігінен желімделетін заттаңба жапсырылады.

Препараттың 5 құтысы және еріткіштің 5 ампуласы бар жиынтық пішінді ұяшықты қаптамаға салынған.

Пішінді ұяшықты бір қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Жарықтан қорғалған жерде, 25 ºС-ден аспайтын температурада. (препарат)

0 °С-ден 25 оС-ге дейінгі температурада. Мұздатып қатыруға болмайды (еріткіш).

Балалардың қолы жетпейтін жерде сақтау керек!

Сақтау мерзімі

2 жыл (препарат)

4 жыл (еріткіш).

Қаптамасында көрсетілген жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецепт арқылы

Өндіруші

«Фармстандарт-УфаВИТА» ААҚ

450077, Ресей, Уфа қ., Худайбердин к-сі, 28

Тел./факс: (347) 272 92 85, www.pharmstd.ru

Тіркеу куәлігінің иесі

«Фармстандарт-УфаВИТА» ААҚ, Ресей

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Қарағанды фармацевтикалық кешені» ЖШС

100009, Қазақстан Республикасы, Қарағанды қ., Ботаническая к-сі, 12 үй

Тел./факс: +7 (7212) 437002, Тел. +7 (7212) 507322, e-mail: kphk@kphk.kz