Форцип (капли глазные и ушные)

Форцип

Ципрофлоксацин

Көзге және құлаққа тамызатын дәрі 3 мг/мл, 5 мл

5 мл ерітіндінің құрамында

Белсенді зат: ципрофлоксацин гидрохлориді (ципрофлоксацинге баламалы) 15.0 мг

Қосымша заттар: бензалконий хлориді, динатрий эдетаты, натрий ацетаты тригидраты, сірке қышқылының 1 М ерітінді, маннитол, инъекцияға арналған су

Көрінетін заттардан бос мөлдір сұйық

Сезім мүшелерінің ауруларын емдеуге арналған препараттар. Көз және құлақ ауруларын емдеуге арналған препараттар. Микробқа қарсы препараттар. Ципрофлоксацин.

АТХ коды S03АА07

Фармакокинетикасы

Көзге жергілікті қолданғаннан кейін Ципрофлоксациннің жүйелі сіңірілуі төмен. Көзге 5-күн бойы жергілікті қолданғаннан кейін плазмадағы ципрофлоксациннің деңгейі өлшенбейтіннен (< 1.0 нг/мл) 4.7 нг/мл дейін құбылады. Көзге жергілікті қолданғаннан кейін қан плазмасындағы ципрофлоксацин деңгейінің орташа мәні 250 мг ципрофлоксацинді ішу арқылы қабылдағаннан кейін байқалатын шамамен 450 есе аз болады.

Ішке қабылдағаннан кейін, ципрофлоксацинді жылдам және толық сіңіреді. Тіндерде маңызды дәрежеде таралады. Таралу көлемі тепе-тең жағдайда 1.7-5.0 л/кг құрайды. Қансарысуының байланысқан ақуызы 20-40%-ды құрайды. Плацентарлы бөгет арқылы өтеді және адамның амниотикалық сұйықтығында таралады. Ана сүтінде анықталады. Ципрофлоксациннің плазмадан жартылай шығарылу кезеңі 3-5 сағатты құрайды. Ципрофлоксацин жүйелі сіңірілгеннен кейін бүйректен және бүйректен тыс шығарылуы механизмі арқылы шығарылады. Ципрофлоксацин сонымен бірге оның негізгі метаболиті несеппен және нәжіспен шығарылады. Бүйрек клиренсі өт және нәжіс шығарылымының сарысулы клиренстің жалпы көлемінің үштен екісін құрайды, ол қалған пайызды құрайды. Бүйрек қызметі бұзылған пациенттердегі ципрофлоксациннің жартылай шығарылу кезеңі (бүйректен тыс шығарылуы салдарынан шығарылуы орташа артады. Дәл осылай бауыр функциясы өте төмендеген пациенттерде жартылай шығарылу кезеңі аздап жоғары.

Балалар офтальмологиясында қолданудың фармакокинетикалық деректері жоқ.

Оториясы бар және орнатылған тимпаностомиялық түтікшесі немесе құлақ жарғағы тесілген балаларда ципрофлоксацинді құлаққа жергілікті қолдану плазмадағы маңызды концентрациясының шекті анықталуы 5 нг/мл.

Ципрофлоксацин 3 мг/мл (14 күн бойы күніне 3 рет үш тамшыдан) ерітіндісімен емделген орташа отиті және орнатылған тимпаностомиялық түтікшесі бар балаларда ципрофлоксациннің плазмалық концентрациясы белгіленген (анықтау деңгейі 5 нг/мл).

Ципрофлоксациннің 2 мг/мл ерітіндісімен (7-10 күн бойы күніне екі рет) емделген құлақ жарғағы тесілген іріңді отиті бар балаларда сандық анықтау шегінде 5 нг/мл ципрофлоксацин плазмалық концентрациясының шегінде анықталған.

Дәрілік препаратты ұсынылған дозаланумен және емдеудің ұзақтығына сәйкес қолданғанда, маңызды жүйелі экспозициясы күтілмейді.

Фармакодинамикасы

Әсер ету механизмі

Форцип көзге (құлаққа) арналған дәрілердің құрамында ципрофлоксацин бар, ол фторхинолондар класының әсер ету ауқымы кең синтетикалық антибиотик болып табылады. II-буынды хинолонның тобына жатады.

Ципрофлоксациннің негізгі әсер ету механизмі А ДНҚ-гиразаның (топоизомеразы типа II) суббірлігін бәсеңдету болып табылады, ол ДНҚ спиралінің ажырауына әкеп соғады. Бұл өзгерістер хромосом репликациясының тоқтауына және жасушалардың бұзылуына әкеп соғады. Екінші механизм топоизомераза IV белсенділігі бәсеңдеуінен тұрады, ол бұдан кейінгі репликацияларын жасушаларының бұзылуымен ДНҚ екі біріктірілген молекулалар бөлінуіне әкеп соғады.

Бактериялар дамуының екі фазасында – өсу фазасында және стационарлық фазада ципрофлоксациннің бактерицидті әсері дәлелденген. Бұл стационарлық фазадағы немесе баяу өсу фазасында бактерицидтік белсенділігі бар беталактамды антибиотиктер сияқты антибиотиктердің басқа кластарының алдында басыңқы болып табылады.

Шекаралық мәндер

Ципрофлоксацинді көзге қолданғанда EUCAST сәйкес МПК клиникалық шекті мәндері, мынадай:

Staphylococcus spp. S ≤ 1 мг/л, R ≥ 1 мг/л

Streptococcus pneumonia S ≤0,125 мг/л, R ≥ 2 мг/л

Haemophilus influenza S ≤0,5 мг/л, R ≥ 0,5 мг/л

Moraxella catarrhalis S ≤0,5 мг/л, R ≥ 0,5 мг/л

Pseudomonas aeruginosa S ≤0,5 мг/л, R ≥ 1 мг/л

Ципрофлоксацинді құлаққа қолданғанда EUCAST сәйкес МПК клиникалық шекті мәндері, мынадай:

Staphylococcus spp. S ≤ 1 мг/л, R ≥ 1 мг/л

Pseudomonas aeruginosa S ≤0,5 мг/л, R ≥ 1 мг/л

Бактерияға қарсы спектр

Көз инфекциясы

Әдетте сезімтал штамдар

Аэробты грамтеріс бактериялар

Corynebacterium accolens

Corynebacterium auris

Corynebacterium propinguum

Corynebacterium pseudodiphthericum

Corynebacterium striatum

Staphylococcus aureus (MSSA)

Staphylococcus capitis

Staphylococcus epidermidis (MSSA)

Staphylococcus hominis

Staphylococcus saprophyticus

Staphylococcus warneri

Streptococcus pneumoniae

Streptococcus viridians Group

Аэробты грамтеріс бактериялар

Acinetobacter species

Haemophilus influenza

Moraxella catarrhalis

Pseudomonas aeruginosa

Serratia marcescens

Жүре пайда болған төзімділік үдеріс болуы мүмкін штамдар

Аэробтық грамоң бактериялар

Staphylococcusaureus(MRSA)

Staphylococcus epidermidis (MRSA)

Staphylococcus lugdunensis

Тұқым қуалайтын төзімділігі бар микроорганизмдер

Аэробты грамтеріс бактериялар

Corynebacteriumjeikium

Құлақ инфекциялары

Әдетте сезімтал штамдар

Аэробтық грамтеріс бактериялар

Pseudomonas aeruginosa

Жүре пайда болған төзімділік үдеріс болуы мүмкін штамдар

Аэробты грамтеріс бактериялар

Staphylococcusaureus

Ципрофлоксацин зеңдерге және вирустарға қарсы белсенділігі жоқ.

Төзімділік

Ципрофлоксацинді қоса, фторхинолондарға төзімділігі толық зерттелмеген. Алайда прицельді ферменттер және ІІ топоизомеразалар түріндегі ДНҚ өзгеруіне және мембраналардың өткізгіштігі өзгеруіне немесе эффлюкстік сорғылар өзгеруіне (уытты немесе жасушадан тыс микробтарға қарсы субстанцияларды шығаратын белсенді ақуыз көлік жүйелерін) әкеп соғатын микроорганизмдер өзгеруі салдарынан дамитыны анықталған.

Enterobacteriaceae және Pseudomonasaeruginosa, сияқты грамтеріс микроорганизмдердің тұрақтылығы жиі ферменттердің А суббірліктерін өзгертетін мутациясының нәтижесі болып табылады. Басқа грамтеріс бактериялардың төзімділігін сыртқы мембрананың пуринді ақуыздарының және/немесе дәріге арналған микроорганизмдердің өткізгіштігіне байланысты басқа факторлардың өзгеруімен байланыстырады.

Грамтеріс микроорганизмдердің төзімділігі толық зерттелмеген, алайда Staphylococcus aureus in vitro зерттеудің нәтижелері ІV топоизомераза және ДНҚ-гиразасын суббірлігінің бірінен өзгерістер анықтайды.

Фторхинолондарға айқаспалы төзімділігі болуы мүмкін. Ципрофлоксацинге және микробқа қарсы басқа заттарға (Co-trimoxazol қоса, аминогликозидтер, беталактамдар, сульфонамидтер, макролидтерге және тетрациклиндерге) айқаспалы төзімділік әдетте жоқ.

Ципрофлоксацинді қоса, фторхинолондардың құрылымы және әсер ету механизмі, β-лактамды антибиотиктер мен аминогликозидтердікінен ерекшеленеді, яғни, β-лактамды антибиотиктер мен аминогликозидтерге төзімді микроорганизмдерге қатысты белсенділік танытуы мүмкін. Екінші жағынан β-лактамды антибиотиктер мен аминогликозидтер ципрофлоксацинге төзімді микроорганизмдерге қатысты белсенді болуы мүмкін.

Офтальмологияда

Препарат ципрофлоксациннің ересектерде, егде жастағы адамдарда және 8 жастан асқан балаларда әсеріне сезімтал патогендер туғызған мөлдір қабықтың ойық жараларын және көздің және оның қойнауларының беткей бактериялық инфекцияларын емдеуге арналған.

Оториноларингологияда

Препарат жедел сыртқы отиттерді және ципрофлоксациннің ересектерде, егде жастағы адамдарда және 8 жастан асқан балаларда әсеріне сезімтал бөлінуі бар құлақ жарғағының тесілуінен болған құлақтың ортаңғы бөлігінің асқынуларын емдеуге арналған.

Офтальмологияда

Дозалануы

Ересектер және егде жастағы адамдар

• Мөлдір қабықтың ойық жарасында

Форцип тамшылары төменде көрсетілген аралықтармен, сонымен қатар түнде қолданады:

1-тәулік: алғашқы 6 сағат бойы 15 минут сайын 2 тамшыдан ауырған көздің\көздердің конъюнктивальді қалтасына және содан кейін тәулік бойы – әрбір 30 минут сайын 2 тамшыдан

2-тәулік: сағат сайын 2 тамшыдан ауырған көздің\көздердің конъюнктивальді қалтасына.

3-14-тәулік аралығында:

Қажет болғанда емдеуді 14 тәуліктен аса жалғастыруға болады, емдеуші дәрігер дозалау режимін және емдеудің ұзақтығын белгілейді.

Көздің және оның қойнауларының беткі инфекциялары

Әдеттегі доза 1-2 тамшыдан ауырған көздің\көздердің конъюнктивальді қалтасына күніне 4 рет.

Ауыр инфекцияларда алғышқы екі тәулікте күндіз әрбір 2 сағат сайын ауырған көздің\көздердің конъюнктивальді қалтасына 1-2 тамшыдан тамызады, содан соң әдеттегі дозаға көшеді (1-2 тамшыдан күніне 4 рет).

Емдеудің әдеттегі ұзақтығы 7-14 күн.

Балалар:

Препаратты 8 жастан асқан балаларға ересектерге арналған дозаларда және сол ұзақтықпен қолданады.

Бауыр және/немесе бүйрек функцияларының бұзылуы бар пациенттерге

Көрсетілген дозаны өзгертуді талап ететін деректер жоқ.

Кез келген терапиялық көрсеткіштердегі барынша жоғары ұзақтығы 21 күнді құрайды.

Қолдану тәсілі

Ерітіндінің 1 немесе 2 тамшысын зақымданған көздің конъюнктивальді қалтасына тамызады, тамшылатқыш және ерітіндінің ластануына жол бермеу үшін қабаққа немесе айналасындағы беткеймен құтының ұшын тигізуге болмайды.

Дәріні тамызғаннан кейін жас ағатын өзекті қысу керек немесе қабақты ақырын жабу қажет. Бұл ципрофлоксациннің жүйелі сіңірілуін азайтуы мүмкін және осылай жүйелік жағымсыз реакцияларға жол бермейді.

Ириттер болуы мүмкін, жұмсақ жанаспалы линзаларға тигізуге болмайды, тамызардың алдында жанаспалы линзаларды алып, оларды препаратты тамызғаннан кейін 15 минуттан соң тағуға болады.

Басқа офтальмологиялық дәрілік препараттармен бірлескен терапияда препараттарды қабылдау аралығы шамамен 10-15 минут. Егер көз жақпа майы пайдаланылса, оны ең соңында жағу қажет.

Оториноларингологияда

Дозалануы

Ересектер мен егде жастағы адамдар:

Есту арнасына ерітіндіні 4 тамшыдан күніне 2 рет.

Құлақ тампондарын пайдалануды қажет ететін пациенттерде бірінші рет ғана дозаны екі есе дозада қолдануға болады (8 тамшы).

Емдеудің әдеттегі ұзақтығы 5 - 10 күн.

Кейбір жағдайларда емдеу жалғастырылуы мүмкін, алайда ципрофлоксацинге ықтимал қоздырғыштағы сезімталдықты растау ұсынылады.

Балалар:

8 жас және одан үлкен балаларға арналған доза - есту арнасына ерітіндіні 3 тамшыдан күніне 2 рет.

8 жастан кіші балаларға тиімділігі мен қауіпсіздігі анықталмаған.

Құлақ тампондарын пайдалануды қажет ететін пациенттерде бірінші рет ғана дозаны екі есе дозада қолдануға болады (6 тамшы).

Бауыр және/немесе бүйрек бұзылуы бар пациенттерге:

Көрсетілген дозалауды өзгертуді талап ететін деректер жоқ.

Қолдану тәсілі

Қолданудың алдында есту арнасын жақсылап тазалау керек. Тамызардың алдында вестибулярлы көтермелеуге жол бермеу мақсатында ерітіндіні дене температурасына дейін жылыту қажет.

Тамызу кезінде пациент тамшылар есту арнасына өтуін жеңілдетуі үшін ауырған құлаққа қарсы жағымен жатып, осы қалыпта 5 – 10 минут бойы жата тұруы қажет.

Есту арнасын жергілікті тазартқаннан кейін құлаққа тампонды (мақта немесе дәке) бір-екі күнге салады. Тампонға тәулігіне екі рет ерітінді тамызып отыру қажет.

Тамшылатқышты ластануына жол бермеу үшін, сыртқы есту арнасының құлақ қалқанына, құты ұшының айналасындағы беткейлерге тигізуге болмайды.

Анықталған барлық жағымсыз әсерлер төменде көрсетілген жиілігі бойынша жіктелген: өте жиі: (≥1/10), жиі: (≥1/100-ден <1/10-ға дейін), жиі емес: (≥1/1.000-ден <1/100-ге дейін), сирек: (≥1/10.000-нан <1/1.000-ға дейін), өте сирек (<1/10.000) және белгісіз (белгілі деректерге сүйене отырып, бағалана алмайды).

Жиі:

• мөлдір қабықтағы түзілімдер, көздегі жайсыздықтар, гиперемия, көздің тітіркенуі, конъюнктива гиперемиясы, көз гиперемиясы, көзде бөгде денені сезіну, көздегі жайсыздық сезіну

• дисгеузия

• дәм сезудің бұзылуы

Жиі емес:

• кератопатия, нүктелік кератит, мөлдір қабықтың инфильтраттары, мөлдір қабықтың боялуы, фотофобия, көру өткірлігінің азаюы, көрудің тұмандануы, ауыруы, көздің құрғауы, көздің ісінуі, қышыну, көз жасының шамадан тыс ағуы, көзден бөлінулер, қабақтың ісінуі,қабақтың жиегіндегі қабыршақтар, қабақтың эксфолиациясы, конъюнктива ісінуі, қабақтың эритемасы, көз аллергиясы

• жүрек айнуы

• бас ауыруы

• қызба

Сирек:

• асқын сезімталдық

• көздің уыттануы, кератит, конъюнктивит, мөлдір қабық эпителийінің асқынуы, диплопия, көз гипостезиясы, астенопия, көз жүйкесінің қарапайым герпес, теріскен, көздің қабынуы

• бас айналуы

• құлақтың ауыруы, құлақтың бітелуі, оторея, құлақтағы қышыну

• мұрын жанындағы қойнаулардың гиперсекрециясы, ринит

• іштің өтуі, іштің ауыруы

• дерматит

Жиілігі белгісіз:

• сіңірлердің зақымдануы

Дәрілік заттарға кейбір жағымсыз реакцияларды сипаттау

Препаратты жиі қолданғанда мөлдір қабықтың ойық жаралары бар пациенттерде мөлдір қабықта ақ түсті түзілімдер пайда болуы туралы деректер бар. Бұл түзілімдер емдеуді талап етпейді. Олар емдеу басталғаннан кейін бір тәуліктен 7 күн ішінде пайда болады және дәрілік затты қолданғаннан кейін 2 апта ішінде кетеді немесе шегінде кетеді.

Бұл түзілімдер препараттармен емдеуді тоқтатуды қажет етпейді, сондай-ақ қалпына келу үдерісіне жағымсыз әсер етпейді.

Фторхинолондар жергілікті қолданғанда өте сирек бөртпе, уытты эпидермальді некролиз, эксфолиативтік дерматит, Стивенс-Джонсон синдромы және есекжем пайда болады.

Ципрофлоксацинді жергілікті қолданғанда көз көрудің тұмандануы және өткір көрудің төмендеуі жекелеген жағдайлары белгіленген.

Ципрофлоксацинді құлаққа жергілікті қолданғанда асқын сезімталдықтың тері реакциялары пайда болуы мүмкін.

Жүйелі фторхинолондарды қабылдайтын пациенттер бірінші дозаны қабылдағаннан кейін дамитын аса жоғары сезімталдықтың күрделі реакциялары

(анафилаксиялық реакциялар) кейде өлім-жітіммен аяқталғаны туралы хабарлар бар. Кейде бұл реакциялар жүрек-тамыр коллапсымен, естен айырылу, ұйып қалу, беттің және көмекейдің ісінуі, диспноэ, есекжем, қышыну қатар жүреді.

Жүйелі фторхинолондардың қабылдайтын пациенттерде сіңірлердің қабынуы және үзілуі белгіленген. Жүйелі кортикостероидтерды бір мезгілде қолданғанда егде жастағы немесе қозғалыс жүйесін экстремальді стресті жүктемеде қаупі артады.

Балаларда:

8 жастағы балаларда көзге (құлаққа) жергілікті қолданғанда күрделі жағымсыз реакциялар туралы хабарлар жоқ.

• ципрофлоксацинге немесе басқа хинолондарға немесе кез келген қосымша заттарға жоғары сезімталдық

• 8 жасқа дейінгі балалар

• жүктілік және лактация кезеңі

Жергілікті қолдануға арналған ципрофлоксациннің басқа дәрілік препараттармен өзара әрекеттесуінің сенімді деректері жоқ.

Көзге\құлаққа басқа дәрілік препараттармен бір мезгілде қолданғанда оларды қолданудың арасы 10-минуттан кем болмауы керек. Егер жақпа май түріндегі дәрілік препаратты қолданғанда, оны ең соңынан жағады.

Хинолондар тобының кейбір препараттарын жүйелі қолданғанда:

• теофиллиннің плазмалық концентрациялары артады;

• кофеин метаболизмінің өзгеруі;

• варфарин және оның туындыларын қабылдау үшін антикоагулянттардың әрекетін күшейту;

• циклоспоринді қатарлас емде қабылдайтын пациенттерде сарысу креатининнің уақытша артуы.

Айрықша нұсқаулары

Жалпы

• Жүйелі хинолондарды қабылдайтын пациенттерде алғашқы дозаны қабылдағаннан кейін күрделі асқын сезімталдықтың кейде фатальді (анфилаксиялық) реакциялары туралы хабарлар бар.

Кейде бұл реакциялар жүрек-тамыр коллапсымен, естен айырылу, құлақтағы шуыл, беттің және көмекейдің ісінуі, диспноэ, есекжем және қышыну қатар жүреді.

Пациенттердің аздаған бөлігінде анамнезінде хинолондарға асқын сезімталдық деректері болған.

Тері бөртпесі немесе асқын сезімталдық реакцияларының басқа белгілері пайда болғанда Форцип тамшыларымен емдеуді тез арада тоқтату керек.

Жедел күрделі асқын сезімталдық реакциялары күттірмейтін шараларды және емдеуді талап етеді.

• Жүйелі хинолонды антибиотиктермен емделген пациенттер күн астында жүргенде фотоуыттылық дамығаны туралы хабарлар бар. Бұл күннен қатты күю симптомдарымен білінеді. Бұл дәрілік затты қолданғанда ашық күн астында ұзақ жүруге болмайды және фотосезімталдық белгілері пайда болғанда емдеуді тоқтату керек.

• Басқа бактерияға қарсы дәрілік заттар сияқты ципрофлоксацинді ұзақ қолдану сезімтал емес бактериялық штамдар және зеңдердің шамадан тыс өсуіне әкеп соғуы мүмкін. Суперинфекция дамыған жағдайда тиісті ем жүргізу керек.

• Ципрофлоксацинді қоса, фторхинолондарды егде жастағы пациенттерге жүйелі қолданғанда және жүйелі кортикостероидтармен бір мезгілде емдегенде сіңірлердің қабынуы және үзілуіне әкеп соғуы мүмкін. Сіңірлердің қабынуы немесе үзілуі орын алғанда немесе оған күмәнді болғанда препаратпен емдеуді тоқтату керек.

Офтальмологияда

• Ципрофлоксацинді көзге жиі қолданғанда мөлдір қабықтың ойық жаралары бар пациенттерде мөлдір қабықта ақ түсті қабаттар байқалған, олар дәрілік препараттардың қалдықтары және қолдануды тоқтатқаннан кейін жылдам басылады. Бұл шөгінділердің пайда болуы дәріні ұзақ уақыт қолданудан болуы мүмкін және қалпына келтіру үдерісіне жағымсыз әсер етпейді.

• Ципрофлоксацин көзге арналған дәріні пайдаланғанда мұрынжұтқыншақ арқылы өту қаупін ескеру қажет ол бактериялық төзімділік дамуына және таралуына әкеп соғуы мүмкін.

• Дайын препараттың құрамында консервант ретінде бензалконий хлориді бар ол көздің тітіркенуін туғызуы мүмкін.

• Пациенттерді көз инфекциялары болған жағдайда жанаспалы линзаларды қолдануға болмайтыны туралы ескерту керек.

Дәрілік препараттың құрамындағы бензалконий хлориді жанаспалы линзаларды бетінде қалып, оларды түссіздендіруі мүмкін. Сондықтан дәрілік затты тамызардың алдында жанаспалы линзаларды алып, оларды 15 минуттан соң тағуға болады.

Балалар

8 жастан кіші балаларда клиникалық тәжірибе шектеулі.

Көзге арналған дәрі түрінде ципрофлоксацинді гонококктер немесе хламидиялардан болған офтальмияда балаларға қолдануға болмайды, өйткені пациенттердің осы тобында перспективалы клиникалық зерттеулердің жетіклікті деректері жоқ.

Балалардағы конъюнктивит жағдайында лайықты ем тағайындау керек.

Оториноларингологияда

• Дәрілік препаратты құлақ қабынуларын және инфекцияларды емдеу үшін пайдаланғанда қажет болған жағдайда басқа да терапиялық шараларды (антибиотиктерді жүйелі енгізу, хирургиялық араласу және т.б..) қолдануға болатындай нақты медициналық бағалау және жағдайды бақылау ұсынылады.

Балалар

Дәрілік препараттың жедел сыртқы және ортаңғы отиті бар 8 жастан кіші балалардың инфекциясын емдеуде тиімділі және қауіпсіздігі белгіленбеген.

Құлақтың сыртқы отитінде 8 жастан кіші балаларға препаратты қолданудың шектеулі деректері бар, соның негізінде ципрофлоксацин құлаққа арналған дәріні осы жастағы балаларға қолдануды шектеу керек.

Емдеуші дәрігер 8 жастан кіші балаларға препаратты қолданудың пайда/қауіп арақатынасын бағалауы керек.

Фертильділік, жүктілік, лактация:

Фертильділік

Жергілікті қолдануға арналған ципрофлоксациннің фертильділікке әсерінің сенімді деректері жоқ.

Жүктілік

Ципрофлоксацинді жүктілік кезінде көзге немесе құлаққа қолданудың сенімді деректері жоқ.

Ципрофлоксацинді жергілікті қолданғанда төмен жүйелік экспозиция күтіледі, бірақ, бұған қарамастан, препаратты жүктілік кезінде шарана және жаңа туылған нәрестеге потенциалды пайданың ықтимал қауіптен жоғары болған жағдайда қолдану керек.

Лактация

Ципрофлоксацин ішке қабылдағаннан кейін ана сүтімен шығарылады.

Жергілікті қолданған ципрофлоксацин ана сүтімен шығарылуының сенімді деректері жоқ, ол бала емізетін әйелдерге тағайындағанда сақтықты қажет етеді, өйткені емшек еметін нәрестелерге қаупін толық жоққа шығара алмайды.

Көлік құралдарын басқару және техникамен жұмыс істеу қабілетіне әсері

Офтальмологияда

Кез келген көзге арналған дәрі сияқты уақытша көруді тұмандатады немесе препаратты қолданғаннан кейін машина жүргізу және техникамен жұмыс істеу қабілетіне әсер етуі мүмкін.

Егер дәріні тамызғаннан кейін көру мұнарланса, оның айқындалуын күтіп, содан соң ғана көлік жүргізуге немесе техникамен жұмыс істеуге болады.

Оториноларингологияда

Құлақтың қабынуында ципрофлоксацин құлаққа арналған дәрісін қолдану кезінде машина жүргізу және техникамен жұмыс істеу қабілетіне белгілі әсер еткені туралы ақпарат жоқ.

Симптомдары: жергілікті қолданғанда артық дозалануы туралы деректер жоқ. Адам кездейсоқ немесе қасақана ішіп алған жағдайдың нәтижесінде артық дозалануы туралы деректер жоқ.

Емдеу: Көзге жергілікті артық дозалаған жағдайда көзді жылы сумен шаю керек. Құлаққа жергілікті артық дозалаған жағдайда, пациент артық сұйық құлақтан шығатындай басты бұру қажет.

Шығарылу түрі және қаптамасы

Препаратты 5 мл-ден тамшылатқыш-тығыны және алғашқы ашылуы бақыланатын бұралып жабылатын қақпағы бар ақ пластик құтыға құйылған.

1 құтыдан мемлекеттік және орыс тіліндегі медициналық қолдану жөніндегі нұсқаулықпен бірге картоннан жасалған қорапшаға салынған.

Түпнұсқалық қаптамасында 25 оС-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

2 жыл

Құтыны алғаш ашқаннан кейінгі қолдану кезеңі 25 ºС-ден аспайтын температурада – 28 күн.

Жарамдылық мерзімі өткеннен кейін қолдануға болмайды.

Рецепт арқылы

Өндіруші

Balkanpharma-Razgrad AD,

Апрельское Восстание бульвары, 68

7200 Разград, Болгария

Қаптаушы

Balkanpharma-Razgrad AD,

Апрельское Восстание бульвары, 68

7200 Разград, Болгария

Тіркеу куәлігінің ұстаушысы

Belinda Laboratories LLP.,

Астра Хаус, Арклоу Роуд,

Лондон, SE14 6EB, Ұлыбритания

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Cepheus Medical» ЖШС (Цефей Медикал): 050000, Қазақстан Республикасы, Алматы қ., Панфилов көш. 98, «OLD SQUARE» БО,

телефон: +7 (727) 300 69 71, +7 777 175 00 99 (тәулік бойы),

электронды пошта: cepheusmedical@gmail.com