ФЛЮТ®

ФЛЮТ®

Фенилэфрин

Ректальді суппозиторийлер 5 мг

Бір суппозиторий құрамында

белсенді зат - 5 мг фенилэфрин гидрохлориді,

қосымша заттар: акула бауыры майы, метилпарабен, пропилпарабен, жүгері крахмалы, какао майы

Ақтан күңгірт - сары түске дейінгі, торпеда пішінді суппозиторийлер.

Вазопротекторлар. Геморройды және анальді сызаттарды жергілікті емдеуде қолданылатын дәрілік заттар. Геморрой және анальді сызаттарды емдеу үшін жергілікті қолдануға арналған басқа да дәрілер.

АТХ коды C05АХ

Фармакокинетикасы

Жергілікті әсер ететін препараттың жалпы резорбциялық әсері жоқ.

Фармакодинамикасы

Фенилэфрин гидрохлориді альфа-адреномиметик болып табылады, жергілікті қан тамырларын тарылтатын әсері бар, бұл геморрой мен перианальді аумақтың басқа ауруларында тіндер экссудациясы мен ісінуін, қан кетулер мен веналарға қан толуын, қышынуды, серозды бөлінулерді азайтуға ықпал етеді.

ФЛЮТ® препараты қышынуда, ашыту сезімінде, геморройға қатысты жайсыздықтарда тыныштандыратын әсер береді.

• сыртқы және ішкі геморройда

• артқы өтіс жолының сызатында, эрозиясында және микрожарақаттарында

• қышыну, ашыту сезімі және анальді жайсыздықтың симптоматикалық емінде

Препаратты гигиеналық шаралар жасағаннан кейін қолдану керек. 1 суппозиторийден күніне 4 ретке дейін тік ішекке енгізеді (таңертең, кешке және әрбір ішектің босауынан кейін). Тәуліктік ең жоғарғы доза – 4 суппозиторий. Емдеу курсының ұзақтығы – 7-14 күн.

– аллергиялық реакциялар: бөртпе, қышыну, ангиодистрофия, жанаспалы дерматит болуы мүмкін.

– қолданған орнындағы тітіркену (аллергиялық дерматит)

– аритмия, брадикардия, артериялық қысымның жоғарылауы

– гипертиреоз ушығуы

– бас айналуы, бас ауыру, тремор, ұйқысыздық, күйгелектік, қорқыныш, бетке қан тебуін сезіну

• препарат ингредиенттеріне жеке жоғары сезімталдық

• тромбоэмболиялық ауру

• гранулоцитопения

• 12 жасқа дейінгі балаларға

Фенилэфрин кейбір жағдайларда ауыр гипертензияға (альфа-адренорецепторлар стимуляциясы есебінен) әкелуі мүмкін. Бұл препаратты гипотензиялық дәрілермен бір мезгілде пайдалану ұсынылмайды.

Препаратты МАО тежегіштерімен, трициклді антидепрессанттармен бір мезгілде тағайындамау керек. Фенилэфриннің фармакологиялық әсері МАО тежегіштерін бір мезгілде қолданғанда күшеюі мүмкін, өйткені фенилэфриннің метаболизмі өзгереді.

Калийдің шығарылуын туындататын дәрілік заттармен, мысалы фуросемид сияқты кейбір диуретиктермен бір мезгілде қолдану кезінде, гипокалиемияның артуы және фенилэфрин сияқты вазопрессорларға артериялық сезімталдық төмендеуі мүмкін.

Жүрек-қантамыр және цереброваскулярлық аурулары, қалқанша без аурулары (гипертиреоз) бар пациенттерге, жабық бұрышты глаукома кезінде сақтықпен пайдаланған дұрыс. Мұндай пациенттерде фенилэфрин жүрек қағуын, тахикардияны, артериялық қысымның артуын, күйгелектікті, мазасыздықты туындатуы мүмкін.

Қант диабеті бар пациенттерде сақтықпен пайдаланған жөн, фенилэфрин қанда глюкоза концентрациясын жоғарылатуы мүмкін. Бұл құбылыстар әдетте өтпелі және елеусіз болады, сондықтан ұсынылатын тәуліктік дозасын асырып қабылдауға болмайды.

Гипертрофияға байланысты несеп шығарумен немесе қуық асты безі ісіктерімен қиындықтары бар адамдарда сақтықпен пайдалану керек: фенилэфрин альфа-1-адренорецепторларын тітіркендіру арқылы қуық мойны тегіс бұлшықеттерінің жиырылуы есебінен қуық асты безі ұлғайған науқастарда несеп шығарудың қиындауын туындатуы мүмкін.

Фенилэфринді жергілікті қолдану кейбір адамдарда альфа-1-адренорецепторлар стимуляциясы арқылы артериялық гипертензияға әкелуі мүмкін, мұны осы препаратты гипотензиялық дәрілермен бір мезгілде пайдаланғанда ескеру керек.

Препаратты МАО тежегіштерімен бір мезгілде тағайындамау керек, бұл артериялық қысымның жоғарылауына әкелуі мүмкін.

Жүйелік жағымсыз әсерлерінің аз болуы үшін, егер оны дәрігер жазып бермесе, ұсынылатын тәуліктік дозаны арттырмау керек.

Препаратты 7 күн бойы қабылдаған соң жағдайы нашарласа немесе жақсаруы байқалмаса, пациенттер дәрігерге қаралулары тиіс.

Анустан қан кету туындаса, пациент дер кезінде дәрігерге көрінуі керек.

Препараттың құрамында аллергиялық реакциялар (баяу болуы ықтимал) туындататын пропилпарагидроксибензоат және метилпарагидроксибензоат бар.

Жүктілік және лактация кезеңі

Препаратты жүкті және бала емізетін әйелдерде қолдану қауіпсіздігі анықталмағандықтан, бұл өнім жүктілік кезінде, егер ықтимал пайдасы шаранаға төнетін ықтимал қаупін ақтайтын болса ғана қолданылуы тиіс.

Препаратты жүктілік және бала емізу кезінде қатаң түрде тек дәрігердің тағайындауымен қолдану керек.

Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Симптомдары: ұсынылатын дозалардан шамадан тыс арттырған жағдайда мазасыздық, күйгелектік байқалуы мүмкін.

Емі: симптоматикалық.

Шығарылу түрі және қаптамасы

6 суппозиторийден ПВХ/ПЭ жасалған пішінді ұяшықсыз қаптамада.

1 немесе 2 пішінді ұяшықсыз қаптаманы медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салады.

Құрғақ, жарықтан қорғалған жерде, 25º С-ден аспайтын температурада сақтау керек. Мұздатып қатыруға болмайды!

Балалардың қолы жетпейтін жерде сақтау керек!

2 жыл.

Жарамдылық мерзімі өткеннен кейін қолдануға болмайды.

Рецептісіз.

Өндіруші/ ТК ұстаушысы

Кусум Хелткер Пвт. Лтд.,

СП 289 (А), Риико Индл. Ареа Чопанки, Бхивади (Радж.), Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта):

E-mail: claims@kusum.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

Электронды пошта: phv@kusum.kz

4