Флюдитек

МНН: Карбоцистеин
Производитель: ИННОТЕРА ШУЗИ
Анатомо-терапевтическо-химическая классификация: Carbocisteine
Номер регистрации в РК: № РК-ЛС-5№014412
Период регистрации: 20.05.2015 - 20.05.2020

Инструкция

Саудалық атауы

Флюдитек

Халықаралық патенттелмеген атауы

Карбоцистеин

Дәрілік түрі

5 % шәрбат

Құрамы

100 мл шәрбаттың құрамында

белсенді зат - 5,0 г карбоцистеин,

қосымша заттар: глицерин, метилпарагидроксибензоат, сахароза, күн батар түстес сары (Е110) бояғыш, патенттелген көк бояғыш V(Е131), натрий гидроксиді, карамель хошиістендіргіші, тазартылған су.

Сипаттамасы

Kарамель иісті, қоңыр реңді ашық жасыл түсті, мөлдір сұйықтық.

Фармакотерапиялық тобы

Қақырық түсіретін препараттар. Муколитиктер. Карбоцистеин.

АТХ коды R05CB03

Фармакологиялық қасиеттері

Фармакокинетикасы

Карбоцистеин асқазан-ішек жолынан тез және толығымен дерлік сіңеді. Биожетімділігі бауыр арқылы "алғашқы өту " нәтижесінде төмен (қабылдаған дозаның 10 %-ынан төмен). Қан сарысуындағы және тыныс алу жолдарының шырышты қабығындағы ең жоғары концентрациясына ішке қабылдағаннан кейін 2-3 сағаттан соң жетеді. Емдік концентрациясы шырышты қабықта 8 сағат бойы сақталады. Жоғары дәрежеде бронх сөлінде (қабылданған дозаның 17,5 %-ы), қанда, бауырда және ортаңғы құлақта жиналады.

Бауырда метаболизденеді.

Бүйрек арқылы шығарылады (60-90 %-ы өзгеріссіз күйде, қалғаны - метаболиттер түрінде). Жартылай шығарылу уақыты Т1/2 – 2-3,15 сағат. Толық шығарылуы 3 тәуліктен кейін жүзеге асады.

Фармакодинамикасы

Флюдитектің муколитикалық және қақырық түсіретін әсері сиалдық трансфераза – бронхтар шырышты қабығының бокал тәрізді жасушалары ферменті белсенділігінің арттырылуымен байланысты. Осының нәтижесінде қышқылды және бейтарап сиаломуциндердің сандық арақатынасы және бронх сұйықтығының реологиялық қасиеттері қалыптанып, тыныс алу жолдарындағы кірпікшелі эпителийдің жұмысына қолайлы жағдай туады, мукоцилиарлық тасымалдау қалпына келеді.

Шырышты қабықтың қайта қалыптасуына ықпал етеді, оның құрылымын қалыптандырады, кірпікшелі эпителий қызметінің белсенділігін арттырады. Іg А иммуноглобулин сөлінісін және шырыш компоненттері сульфгидрильдік топтарының санын (спецификалық емес қорғаныс) қалыптандырып, мукоцилиарлық клиренсті жақсартады.

Қолданылуы

- трахеиттер, бронхиттер, трахеобронхиттер, фарингиттер, ларингиттер, бронх демікпесі, бронхоэктатикалық ауруларының жедел жағдайлары мен созылмалы ауруларының өршуі кезіндегі қақырық түсуі («ылғалды» жөтелде) қиындауында

- бөлінуі қиын тұтқыр сөлдің түзілуімен қатар жүретін лор-мүшелерінің жедел және созылмалы аурулары: риниттер, аденоидиттер, синуситтер, ортаңғы отиттерде

- емделушіні бронхоскопияға және бронхографияға дайындау, сонымен қатар осы зерттеулерден кейінгі бронхиалдық сөлініс бұзылуының алдын алуда.

Қолдану тәсілі және дозасы

Ішуге арналған.

Ересектер құрамында 750 мг карбоцистеин бар 1 өлшеуіш стақанмен (15 мл) күніне 3 рет, мүмкіндігінше аш қарынға немесе тамақтан кейін 2 сағаттан соң қабылдау керек.

Емдеу ұзақтығы 5 күннен аспайды.

Жағымсыз әсерлері

- жүрек айнуы, құсу, гастралгия, диарея (бұл жағдайларда дозаны азайту керек)

- асқазан-ішектен қан кету

- бас айналу, әлсіздік, дімкәстану

- аллергиялық реакциялар (тері бөртпесі, ангионевротикалық ісіну)

Қолдануға болмайтын жағдайлар

- карбоцистеинге немесе препараттың басқа компоненттеріне жоғары сезімталдық

- өршу кезеңіндегі асқазанның және он екі елі ішектің ойық жара ауруы

- өршу кезеңіндегі созылмалы гломерулонефрит

- балалар және 18 жасқа дейінгі жасөспірімдер

Дәрілік заттармен өзара әрекеттесуі

Жоғарғы және төменгі тыныс алу жолдарының қабыну ауруларында глюкокортикостероидтық (екіжақты) және бактерияға қарсы емдеудің тиімділігін жоғарылатады.

Жөтелге қарсы препараттармен, сондай-ақ бронхиалдық сөліністі бәсеңдететін дәрілік заттармен қоспаған жөн.

Теофиллиннің бронхолитикалық әсерін күшейтеді.

Айрықша нұсқаулар

Флюдитектің 5% шәрбаты тек ересектерге арналған. Қант диабетімен ауыратын немесе көмірсуы төмен емдәм ұстанатын науқастарға шәрбаттың бір өлшеуіш қасығында 5,25 г сахарозаның болатынын ескергендері жөн.

Жүктілік және лактация кезеңі

Жүктілік кезінде дәрігердің кеңесінсіз қолдануға болмайды. Егер емделу кезінде Сіз жүкті екеніңізді сезсеңіз, емдеуді жалғастырудың қажеттілігі жайында шешім қабылдау үшін дәрігерге қаралыңыз.

Омыраумен емізу кезеңінде препаратты қолданудан қашық болған дұрыс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қабылдап жүрген емделушілер жоғары зейін қоюды және психикалық және іс-қимыл реакцияларының шапшаңдығын талап ететін қызметтің кез келген түрлерінде сақтық шараларын қадағалау қажет.

Артық дозалануы

Симптомдары: гастралгия, жүрек айну, диарея.

Емі: симптоматикалық.

Шығарылу түрі және қаптамасы

125 мл шәрбаттан ашылуы бақыланатын, пластмасса төсемі бар бұрандалы пластмасса қақпақпен жабылған мөлдір шыны құтыда. Бір құты полипропиленнен жасалған өлшеуіш стақанымен және қолданылуы жөніндегі нұсқаулықпен картон қорапшада.

Сақтау шарттары

25º С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін дәрілік затты пайдалануға болмайды.

Дәріханалардан босатылу шарттары

Рецептісіз

Өндіруші

Иннотера Шузи, Рю Рене Шантеро «Л’Исль Вер», 41150, Шузи-Сюр-Сис, Франция.

Тіркеу куәлігінің иесі

Иннотек Интернасиональ Зертханасы, Франция

Қазақстан Республикасы аумағында тұтынушылардан өнім сапасына қатысты шағымдарды (ұсыныстарды) қабылдайтын ұйымның мекенжайы

«Иннотек Интернасиональ Зертханасы С.А.С.» ҚР өкілдігі

050059, Қазақстан Республикасы, Алматы қ., Әл-Фараби д-лы, 17, «Нұрлы тау» бизнес орталығы , 4 Б блогы, 606 кеңсе, тел./факс: +7-727-311-09-71, +7-727-311-09-72, электронды поштасы: innotech@innotech.kz

 

Прикрепленные файлы

425092611477976492_ru.doc 50 кб
794380451477977661_kz.doc 62 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники