Флит Реди-ту-юз клизма

• русский
• қазақша

• Скачать инструкцию медикамента

Саудалық атауы

Флит, Реди-ту-юз клизма

Халықаралық патенттелмеген атауы

Жоқ

Дәрілік түрі

Ректальді қолдануға арналған ерітінді 21,4г/94г

Құрамы

Бір құтының ішінде

белсенді заттар- динатрий гидрофосфаты додекагидраты - 8,0 г

натрий дигидрофосфаты дигидраты - 18, 1г

қосымша заттар - динатрий эдетаты, бензалконий хлориді, тазартылған су, жұмсақ ақ парафин (ұштықты майлау үшін)

Сипаттамасы

Мөлдір, түссіз, бөгде қосындыларсыз ерітінді

Фармакотерапиялық тобы

Клизмалардағы іш жүргізетін препараттар.АТЖ коды А06АG

Фармакологиялық қасиеттері

Фармакокинетикасы

Белсенді заттардың тоқ ішекте сіңірілуі өте аз, әйтсе де тоқ ішектің ауруларын емдеуге арналған препараттардың құрамында фосфорқышқылды натрийді ішке қабылдағаннан кейін бүйрегі қалыпты қызмет ететін 25% пациенттерде фосфор құрамының 3-5 рет жоғарылауымен гиперфосфатемияның болуы туралы хабарланған. Препаратты ректальді енгізгеннен кейін қан плазмасында фосфаттың құрамының уақытша қалыптың жоғары шегінен жоғарылауы 30% зерттелушілерде байқалған, фосфордың орташа құрамының төмендеуі 10 минуттан кейін байқалды. Әдеттегі жағдайда фосфордың көп бөлігі аш ішекте сіңіріледі, бірақ ректальді енгізгенде оның мүмкіндігі төмен.

Фармакодинамикасы

Ректальді енгізгенде Флит® Реди-ту-юз клизмасы тұзды іш жүргізетіндердің қасиетін білдіреді.

Тоқ ішектің төменгі бөлігінде сұйықтықтың жиналуының нәтижесінде ішек қуысында осмостық қысым жоғарылайды, тек тік және сигма тәрізді тоқ ішек, сондай-ақ төмендемелі тоқ ішектің аздап немесе толық босауымен ішектің перистальтикасы күшейеді.

Қолданылуы

- эпизодтық іш қатудың симптомдарын жоюға арналған

- ішекті тазарту үшін, мысалы ішектің төменгі бөлігіне операция жасағанға дейін немесе кейін, проктоскопия, ректороманоскопия немесе колоноскопия жүргізер алдында, сондай-ақ ішектің төменгі бөлігіне рентгенологиялық зерттеу жүргізер алдында.

Қолдану тәсілі және дозалары

Ересектер, егде адамдар: күніне бір реттен жиі емес немесе дәрігердің тағайындауы бойынша. Препарат бір реттік жеке клизмаларда шығарылады. Әр құтының ішінде 133 мл препарат бар, ол 118 мл жеткізілетін дозаның көлемін қамтамасыз етеді.

Енгізу әдісі:

Тек ректальді енгізуге арналған: Тізеңізді тігінен бүгіп, сол жағыңызға жатыңыз, қолыңыз бір қалыпты жағдайда. Қызыл сары қорғаныш қабын шешіңіз.

Үнемі қысыммен клизманың ұштығын абайлап кіндікке бағыттай отырып, артқы өтіске енгізіңіз. Құтыны оның ішіндегісінің бәрі ішекке өткенше қысыңыз. Егер енгізу кезінде кедергі сезілген жағдайда, енгізуді дереу тоқтату керек.

Клизманы енгізу үшін шектен тыс күш салу зақымдануға әкелуі мүмкін. Құтыны тастау үшін, оны қорапқа салыңыз. Әдетте күтілген нәтижеге 3-5 минуттан кейін жетеді. Егер қажетті уақыт өткеннен кейін күтілген нәтижеге жетпесе, ары қарай емделуді тоқтатып және дәрігермен кеңесу керек.

Эпизодты іш қатуларды емдеу үшін қолданылатын клизмалар, тек уақытша жеңілдік әкеледі.

Жағымсыз әсерлері

Иммунды жүйе тарапынан бұзылулар: есекжем және терінің қышуы секілді жоғары сезімталдық реакциялары

Тамақтану мен зат алмасудың бұзылулары: дегидратация, гиперфосфатемия, гипокальциемия, гипокалиемия, гипернатриемия, зат алмасудың бұзылуы

Асқазан-ішек жолы тарапынан бұзылулар: жүрек айнуы, құсу, іш аймағының ауыруы, іштің кебуі, диарея, гастроинтестинальді аймақтың ауыруы, артқы өтіс аймағының қышуы

Жалпы бұзылыстар және енгізу орнындағы реакциялар: қалтырау, ректальді аймақтың тітіркенуі, күлбіреуіктің пайда болуы, күйдіру сезімі, қышу, ауыру

Несеп шығару жүйесі тарапынан бұзылулар: бүйрек жеткіліксіздігі.

Қолдануға болмайтын жағдайлар

- препараттың қандай да болмасын белсенді немесе түр түзетін компоненттеріне жоғары сезімталдық.

- төмендегілер секілді асқазан перистальтикасының бәсеңдеуіне әкелетін жағдайлар: ішектің бітелуіне күдік, ішектің салданып бітелуі, тік ішектің стенозы, артқы өтіс атрезиясы, туа біткен немесе жүре пайда болған мегаколон, тоқ ішектің туа біткен аганглиозы.

- төмендегілер секілді диагностикаланбаған гастроинтестинальді патологиялар:

аппендицит симптомдары, ішектің тесілуі немесе ішектің белсенді қабыну ауруы, диагностикаланбаған аноректальді қан кету.

- іркілген жүрек жеткіліксіздігі

- дегидратация, сондай-ақ жоғары сіңіру мүмкіндігінде немесе шығару мүмкіндігі төмендегенде

- 18 жасқа дейінгі балаларға

Дәрілермен өзара әрекеттесуі

Препаратты кальций өзекшелері бөгегіштерін, диуретиктерді, литий препараттарын немесе электролиттер құрамына әсер етуі мүмкін басқа дәрілік заттарды қабылдайтын пациенттерде, гиперфосфатемия, гипокальциемия, гипокалиемия, гипернатриемиялық дегидратация және ацидоз дамуы мүмкін болғандықтан сақтықпен қолдану керек. Гипернатриемия литий құрамының азаюына байланысты болғандықтан, «Fleet Ready-to-Use» клизмасын қолдану литий препараттарымен емделу аясында сарысудағы литий құрамының азаюына және тиімділігінің әлсіреуіне әкеледі.

Айрықша нұсқаулар

Жүрек айнуы, құсу немесе іш аймағының ауыруында «Fleet Ready-to-Use» клизмасын қолдану тек дәрігердің тағайындауымен ғана болады. Пациенттерді сұйық нәжістің болжанған пайда болуы туралы, сондай-ақ сусыздануды болдырмау үшін сұйықтықты қабылдау керектігі туралы ескерту керек. Клизманы егде немесе әлсіреген пациенттерді емдеуде, сондай-ақ бақыланбайтын артериялық гипертензиямен зардап шегетін, перитонеальді жалқықпен, кардиологиялық аурулармен ректальді шырышты қабаттың (ойық жара, сызат) өзгеруі бар, колостомия немесе осыған дейінгі электролитті теңгерімнің бұзылуымен пациенттерде оларда гипокальциемия, гипокалиемия, гиперфосфатемия, гипернатриемия және ацидоз пайда болуы мүмкіндігіне байланысты сақтықпен қолдану керек. Электролитті теңгерімнің бұзылуының болуына күдік пайда болған жағдайда, сондай ақ гиперфосфатемиямен зардап шегуі мүмкін пациенттерді емдеуде, «Fleet Ready-to-Use» клизмасын пайдаланғанға дейін және кейін электролиттер деңгейіне мониторинг жүргізу керек. Препаратты бүйрек патологиясымен пациенттерді емдеуде сақтықпен қолдану керек.

Егер күтілген клиникалық пайдасы гиперфосфатемия даму қаупінен жоғары болса. «Fleet Ready-to-Use» клизмасын ұзақ уақыт бойы және бірнеше қайтара қолдануға болмайды, өйткені бұл дағдыланудың дамуына әкелуі мүмкін.«Fleet Ready-to-Use» екі аптадан ұзақ қолдануға болмайды. Ректальді қан кетудің пайда болуы немесе клизманы қолданғаннан кейін ішектің босауының болмауы (енгізгеннен кейін 5 минуттан соң ішек босайды) елеулі жағдайдың болуының белгілері болып табылады. Бұл жағдайда емдеуді тоқтату және дәрігермен кеңесу керек. «Fleet Ready-to-Use» клизмасын қолдану жөніндегі нұсқаулыққа сәйкес қолдану керек.

Пациенттерді кедергі сезілген жағдайда енгізуді тоқтату керектігі туралы ескерту керек, өйткені енгізу үшін күш салу жергілікті зақымдануға әкелуі мүмкін.

Жүктілік және емшекпен емізу кезінде қолдану

Жүктілік кезінде «Fleet Ready-to-Use» клизмасын қолданғанда ұрықтың дамуының ақаулары туындату мүмкіндігін немесе басқа фетотоуытты әсерін бағалау үшін керекті деректер болмауына байланысты жүкті әйелдерде қолдануға болмайды. Фосфорқышқылды натрий емшек сүтіне өтуі мүмкін болғандықтан препаратты тағайындау кезінде емшекпен емізуге болмайды.

Дәрілік заттың көлік құралдарын басқару қабілетіне немесе әлеуетті қауіпті

механизмдерді басқару қабілетіне әсер ету ерекшелері

Сақтық шараларын сақтау керек.

Артық дозалануы

Флит® Реди-ту-юз клизманың артық дозасын енгізгеннен кейін немесе клизманы ұстап тұру уақыты ұзаруында, ішектің бітелуімен пациенттер мен балаларда өліммен аяқталған жағдайлар орын алғаны белгілі. Артық дозасын енгізген жағдайда немесе клизманы ұстап тұру уақыты ұзаруында, гиперфосфатемия гипернатриемия, гипернатриемиялық дегидратация, ацидоз және тетания дамуы мүмкін. Әдетте уытты әсерін қайтаруға су теңгерімін қалпына келтіру арқылы жетеді.

Ауыр жағдайларда кальций және магний (10% глюконат кальция) тұздарын енгізу арқылы экзогенді тектегі фосфордың шығарылуын ынталандыру арқылы және диализді қолданумен электролиттер құрамын түзету керек.

Шығарылу түрі және қаптамасы

133 мл препараттан құрамында неопрен/изопрен жоқ латексті клапаннан және «Comfortip» (этиленвинилацетат) алдын ала майланған ұштығымен, қолданар алдында алынатын төмен тығыздықтағы полиэтиленнен жасалған қорғаныш жабынымен жабылған, төмен тығыздықтағы полиэтиленнен жасалған, төмен тығыздықтағы полиэтилен қалпақпен жабдықталған бір рет қолданылатын жұмсақ құтыларға салынған.

1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынған.

Сақтау шарттары

250С–ден аспайтын температурада. Мұздатып қатыруға болмайды!

Балалардың қолы жетпейтін жерде сақтау керек!

Сақтау мерзімі

3 жыл

Дәріханалардан босатылу шарттары

Дәрігердің рецептісі арқылы

Өндіруші

Casen Recordati, S.L.,

Аутовиа де Логроно, км. 13,300

50180 Утебо (Зарагоза), Испания

Тіркеу куәлігінің иесі

Casen Recordati, S.L., Италия

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«FIC MEDICAL» (ФИК МЕДИКАЛЬ) ЖШС Қазақстан Республикасындағы өкілдігі, Төле би к-сі 69, 33 кеңсе, 050000, Алматы, Қазақстан

тел.: +7 (727) 272 93 08, факс: +7 (727) 272 90 25

e-mail: fic_kz@ficmedical.kz