Фервекс (малиновый с сахаром)

• русский
• қазақша

• Скачать инструкцию медикамента

Саудалық атауы

Фервекс

Дәрілік түрі

Ішу үшін ерітінді дайындауға арналған таңқурай, қант қосылған ұнтақ

Құрамы

12,75 г ұнтақтың құрамында

белсенді зат: 0,500г парацетамол

0,200г аскорбин қышқылы

0,025г фенирамин малеаты,

қосымша заттар: сахароза, сусыз лимон қышқылы, акация, натрий сахарині Е 954, таңқурай хош иістендіргіші.

** - Таңқурай хош иістендіргіші: этилацетат, изоамилацетат, сірке қышқылы, бензил спирті, триацетин, ванилин, п-гидрокси-бензилацетон, мальтодекстрин, Е1450 (модификацияланған жүгері крахмалы), Е 129 аллюр қызыл, Е133 бриллиант көгі, Е110 сары сансет, пермастабил 505528 RI, таңқурай хош иістендіргіші 054428 А, тұз.

Сипаттамасы

Ашық қызғылт түстен ашық сарғыш түске дейінгі түйіршіктелген ұнтақ.

Фармакотерапиялық тобы

Басқа да анальгетик-антипиретиктер. Басқа препараттармен біріктірілген (психолептиктерді қоспағанда) парацетамол.

АТЖ коды N02BE51

Фармакологиялық қасиеттері

Фармакокинетикасы

Парацетамол тез әрі толығымен сіңіріледі. Плазмадағы ең жоғарғы концентрациясына 30-60 минуттан соң жетеді. Парацетамол ағзаның барлық тіндеріне тез таралады. Қан плазмасы ақуыздарымен әлсіз байланысады. Бауырдағы метаболизмі глю­курон және күкірт қышқылдарымен байланысқан коньюгаттар түзе отырып жүреді, олар 24 сағат ішінде бүйрекпен шығарылады. Парацетамолдың азғантай бөлігі Р450 цитохромының қатысумен глутатионмен байланысқа түсетін метаболитке айналады және несеппен шығарылады. Артық дозаланғанда бұл метаболиттің мөлшері артады.

Бүйректің ауыр жеткіліксіздігі жағдайында (креатинин клиренсі минутына 10 мл аз) парацетамол мен оның метаболиттерінің шығарылуы баяулайды.

Егде жастағы тұлғаларда конъюгацияға қабілеттілігі өзгермейді.

Аскорбин қышқылы аш ішекте сіңе отырып, кеңінен таралады және ішінара тіндерде жинақталады (әсіресе бүйрекүсті бездерінде). Плазма ақуыздарымен байланысуы 25%-ға жуықты құрайды. Егер оның ағзаға түсуі қажетті мөлшерден асатын болса, артық бөлігі несеппен шығарылады.

Фенирамин малеаты ас қорыту жолында жақсы сіңіріледі. Әсер етуші заты ең жоғарғы концентрациясына шамамен 1-1,25 сағаттан соң жетеді. Фенирамин малеатының жартылай шығарылу кезеңі – 16-17 сағат. Ағзадан несеппен метаболиттер түрінде немесе өзгеріссіз күйде шығарылады (фенираминнің қабылданған дозасының шамамен 70-83%-ы метаболикалық реакцияларға ұшырамайды).

Фармакодинамикасы

Фервекс – біріктірілген препарат. Гистаминге қарсы, ауыруды басатын және ыстықты үсіретін әсері бар.

Парацетамол. Оның әсер ету механизмі көбінесе оның ОЖЖ-дағы простогландиндер синтезін тежеу қабілетіне және азғантай дәрежеде –гипоталамустағы термореттелу орталығына әсерімен байланысты. Анальгетикалық және ыстықты түсіретін әсері бар, бас ауыруын және басқа да ауыру түрлерін басады, жоғары температураны түсіреді. Аскорбин қышқылы (С витамині) тотығу-тотықсыздану үдерісінің, көмірсу алмасуының, қан ұйығыштығының, тіндердің регенерациясының реттелуіне, глюкокортикоидтар, коллаген мен проколлагеннің синтезіне қатысады; қылтамырлардың өткізгіштігін қалыптандырады. Организмнің қарсы тұруын жоғарылатады, бұл иммундық жүйені көтермелеуімен байланысты.

Фенирамин малеаты - Н1 –рецепторларының бөгегіші болып табылады, аллергияға қарсы әсері бар: экссудативті жергілікті жұқпа көріністерінің айқындығын төмендетеді, көзден жас парлауды басады, көз бен мұрынның қышуын азайтады, ринореяны жояды.

Қолданылуы

Ересектердегі тұмауды, ринитті, ринофарингит пен тұмау тәрізді жағдайларды емдеу үшін (15 жастағы және одан үлкен):

- мұрыннан шығатын мөлдір бөліністер және көзден жас парлау

- түшкіру

- бас ауыруы және/немесе қызба

Қолдану тәсілі мен дозалары

Ішке – тәулігіне 2-3 рет 1 пакеттен. Препаратты ыстық немесе салқын судың жергілікті мөлшерінде толығымен еріту керек. Препаратты қабылдаулардың аралығы 4 сағаттан кем болмауы тиіс. Ең жоғары емдеу ұзақтығы 5 күнді құрайды. Тұмау тәрізді жағдайларды емдеу үшін бұл препаратты ыстық күйінде кешкілік қабылдаған дұрыс.

Бүйректің ауыр жеткіліксіздігі жағдайында, препаратты қабылдаулардың аралығы 8 сағаттан кем болмауы тиіс.

Жағымсыз әсерлері

- тыныштандыратын әсер немесе ұйқышылдық

- шырышты қабықтардың құрғауы

- іштің қатуы

- аккомодацияның бұзылуы, мидриаз

- жүрек қағысының жиілеуі

- несептің кідіру қаупі

- ортостатикалық гипотензия

- тепе-теңдіктің бұзылуы, вертиго, қимыл-қозғалыс үйлесімінің бұзылуы

- діріл, сананың шатасуы, елсетеулер, егде жастағы емделушілерде жиі кездесетін жадының немесе зейін шоғырландырудың нашарлауы

- аллергиялық реакциялар (эритема, қышу, экзема, пурпура, есекжем, Квинке ісінуі, анафилактикалық шок)

Сирек

- лейкоцитопения, нейтропения, тромбоцитопения

Аса сирек

- қозу жағдайлары: мазасыз қозу, қозудың жоғарылауы, ұйқысыздық

Қолдануға болмайттын жағдайлар

- препарат компоненттерінің біріне жоғары сезімталдық

- гепатоцеллюлярлық жеткіліксіздік

- жабық бұрышты глаукома қаупі

- қуық түбі безі қызметінің бұзылуларымен байланысты несептің кідіру қаупі

- фенилкетонурия

- фруктозаны көтере алмаушылықтан зардап шегетін, глюкоза, галактоза мальабсорбациясы синдромымен немесе құрамында қанттың болуынан сахароза-изомальтаздық жеткіліксіздігі бар тұлғаларға

- 15 жасқа толмаған балаларға

- жүктілік, лактация кезеңі

Дәрілермен өзара әрекеттесуі

Алкоголь препараттың тыныштандыратын әсерін күшейтеді.

Морфиннің туындылары (анальгетиктер, жөтелге қарсы дәрілер), нейролептиктер, барбитураттар, бензодиазепиндер және бензодиазепиндерге жатпайтын басқа да анксиолитиктер, ұйықтататын дәрілер, тыныштандыратын антидепрессанттар, гистаминге қарсы препараттар, ОЖЖ-мен байланысты антигипертензивтік дәрілер, баклофен мен талидомид ОЖЖ-ға бәсеңдететін әсер береді.

Атропиндік әсері бар басқа препараттар (имипраминдік антидепрессанттар, атропиндік Н1 антигистаминдерінің көпшілігі, холинергияға қарсы паркинсон ауруына қарсы дәрілер, түйілуге қарсы атропиндер, дизопирамид, фенотиазиндік нейролептиктер, клозапин) несептің кідіруі, іштің қатуы, ауыздың құрғауы сияқты жағымсыз әсерлердің даму қаупін арттырады.

Айрықша нұсқаулар

Жоғары немесе ұзақ температура жағдайында, супержұқпа белгілерінің пайда болған немесе 5 күннен кейін белгілердің тұрақтап қалған жағдайда емдеуді қайта қарастыру қажет.

Психологиялық тәуелділік қаупі тек ұсынылғаннан асатын дозаларда және ұзақ емдеуде ғана туындауы мүмкін.

Артық дозалануын болдырмас үшін, басқа дәрілік заттардың құрамында парацетамол болмауын тексеріңіз.

Дене салмағы 50 кг жоғары ересектер үшін парацетамолдың ең жоғарғы тәуліктік дозасы 4 г аспауы тиіс.

Алкоголь сусындарын немесе тыныштандырғыш дәрілерді пайдалану (ішінара, барбитураттарды) гистаминге қарсы дәрілердің тыныштандыратын әсерін күшейтеді, сондықтан емдеу кезінде оларды қабылдаудан аулақ болған жөн.

Әр пакеттің ішінде 11,5 г сахароза бар, мұны диабет жағдайында немесе қант құрамы төмен емдәм ұстау кезіндегі тәуліктік пайдалану барысында ескеру керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұйқышылдықтың туындау қаупі бар болғандықтан, емделушілер жоғары назар аударуды, жылдам психикалық және қимыл-қозғалыс реакцияларын қажет ететін барлық қызмет түрлерінен бас тартуы тиіс.

Артық дозаланғанда

Препарат құрамында фенирамин малеатының болуына байланысты артық дозалану құрысуды (әсіресе балаларда), сананың бұзылыстарын, команы туғызуы мүмкін.

Егде жастағы тұлғаларда және әсіресе, кішкентай балалар үшін өмірге қауіпті болуы мүмкін улану қаупі бар.

Белгілері: жүрек айнуы, құсу, анорексия, бозару, әдетте бастапқы тәуліктерде байқалатын іштің ауыруы. Ересектерде 10 г артық парацетамолдың бір қабылдауда және балаларда 150 мг/кг дене салмағына бір қабылдауда артық дозалануы гепатоциттердің некрозын тудыруы мүмкін, ол гепатоцеллюлярлық жеткіліксіздікке, метаболикалық ацидозға, энцефалопатияға және өліммен аяқталуға алып келеді. Артық дозаланғаннан кейін 12-48 сағаттан соң бауыр трансаминазалары, лактатдегидрогеназа мен билирубин деңгейінің жоғарылауы, сондай-ақ протромбин деңгейінің төмендеуі білінуі мүмкін. Препараттың құрамында фенирамин малеатының болуына байланысты артық дозалану құрысуды, сананың бұзылыстарын, команы тудыруы мүмкін.

Емі: улану белгілері пайда болса, дереу дәрігерге көрініңіз. Плазмадағы парацетамол деңгейін анықтау үшін қан талдауын жүргізу, асқазанды шаю, N-ацетилцистеиннің у қайтарғысын көктамыр ішіне немесе дәрілік затты қабылдағаннан кейін 10 сағаттан соң ішу арқылы қабылдау, симптоматикалық ем ұсынылады.

Шығарылу түрі мен қаптамасы

Қағаздан/Al/полиэтиленнен жасалған пакетте 12.75 г.

8 пакеттен қазақ және орыс тілдеріндегі қолдану жөніндегі нұсқаулықпен бірге картон қорапта.

Сақтау шарттары

30 °С-ден аспайтын температурада сақтау керек

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Босатылу шарттары

Рецептісіз

Өндіруші

Бристол-Майерс Сквибб

979, авеню де Пирене, 47520 Ле Пассаж, Франция

Тіркеу куәлігі иесінің мекенжайы: 3, рю Жозеф Монье, а/ж 325, 92506 Рюэй-Мальмэзон Седекс, Франция.

Тіркеу куәлігінің иесі

Бристол-Майерс Сквибб, Франция

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«ВИВА ФАРМ» ЖШС

2-нші Остроумов к-сі, 33, Алматы қ-сы, ҚР

тел.: +7 (727) 383 74 63, факс: +7 (727) 383 74 56;

e-mail: PV@vivapharm.kz