Фемостон® 0,5/2,5

• русский
• қазақша

• Скачать инструкцию медикамента

Саудалық атауы

Фемостон® 0.5/2.5

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар

Құрамы

Бір таблетканың құрамында

белсенді зат: 0.517 мг эстрадиол гемигидраты

(0,500 эстрадиолға баламалы), 2.5 мг дидрогестерон,

қосымша заттар:лактоза моногидраты, гипромеллоза, жүгері крахмалы, коллоидты сусыз кремнийдің қостотығы, магний стеараты,

қабықтың құрамы: макрогол 3350, поливинил спирті, тальк, титанның қостотығы (Е 171), темірдің (III) сары тотығы (Е172).

Сипаттамасы

Дөңгелек пішінді, екі беті дөңес, бір жағында «379» таңбаланған, сары түсті қабықпен қапталған таблеткалар

Фармакотерапиялық тобы

Жыныс гормондары және жыныс жүйесінің модуляторлары. Прогестагендер мен эстрогендер біріктірілімде. Прогестагендер мен эстрогендер (бекітілген біріктірілімдер). Дидрогестерон және эстрогендер.

АТХ коды G03FА14

Фармакологиялық қасиеттері

Фармакокинетикасы

Эстрадиол

Сіңірілуі. Эстрадиолдың сіңуі бөлшектерінің мөлшеріне байланысты: нашар сіңетін кристалдық эстрадиолдан айырмашылығы, микрондалған эстрадиол асқазан-ішек жолынан жеңіл сіңеді. Төменде көп рет қабылдағаннан кейінгі 1 мг эстрадиол дозасына арналған эстрадиолдың (Е2), эстрон (Е1) мен эстрон сульфатының (Е1S) фармакокинетикалық параметрлерінің орташа мәні көрсетілген кесте келтірілген:

0,5 мг эстрадиол

Таралуы. Эстрогендер плазма альбуминдерімен спецификалық емес байланысу жолымен әлсіз байланысады, немесе жыныстық гормондарды байланыстыратын глобулинмен (ЖГБГ), жоғары дәрежедегі аффинділікпен спецификалық түрде байланысады. Перименопаузадағы әйелдерде ЖГБГ байланысу пайызы 9-37%-дан, менопаузадан кейінгі кезеңдегі конъюгацияланған эстрогендер алатын әйелдерде 23-53%-ға дейін ауытқиды.

Метаболизмі. Препаратты ішке қабылдағаннан кейін эстрадиол жылдам метаболизденеді. Негізгі конъюгацияланбаған және конъюгацияланған метаболиттері - эстрон мен эстрон сульфаты. Бұл метаболиттердің өздері де эстрогендік белсенділік танытуы мүмкін, эстрадиолға айналғаннан кейін де белсенділік танытуы мүмкін. Эстрон сульфаты бауырішілік метаболизмге ұшырайды.

Шығарылуы. Эстрон мен эстрадиол несеппен шығарылады, көбіне глюкуронидтер түрінде. Жартылай шығарылу кезеңі 10-16 сағатты құрайды. Эстрогендер бала емізетін әйелдер сүтімен бөлінеді.

Доза мен уақытқа тәуелділік. Фемостон 0.5/2.5 таблеткасын күнде ішке қабылдағанда эстрадиол бірқалыпты концентрациясына 5 күн қабылдағаннан кейін, көбіне 8-11 күндерге қарай жетеді.

Дидрогестерон

Сіңірілуі. Ішке қабылдағаннан кейін асқазан-ішек жолынан жылдам сіңеді. Ең жоғары концентрациясына жету уақыты (Tmax ) 0.5-тен 2.5 сағатқа дейін. Дидрогестеронның ішке 20 мг дозадан қабылдағандағы абсолютті биожетімділігі (көктамырішілік 7.8 мг салыстырғанда) 28% құрайды.

Дидрогестеронды 2.5 мг дозада ішке көп рет қабылдағаннан кейінгі дидрогестерон (Д) мен дигидродидрогестеронның (ДГД) фармакокинетикалық параметрлерінің орташа мәні кестеде көрсетілген:

Дидрогестерон 2.5 мг

Таралуы. Дидрогестеронды бір қалыпты концентрациясында көктамыр ішіне енгізгенде таралу көлемі 1400 л жуық. Дидрогестерон және ДГД қан плазмасы протеиндерімен 90% астамға байланысады.

Метаболизмі. Дидрогестерон ішке қабылдағаннан кейін ДГД жылдам метаболизденеді. Негізгі метаболиті 20-α-дигидродидрогестеронның (ДГД) концентрациясы ең жоғары мәніне дозаны қабылдаған соң шамамен 1,5 сағаттан соң жетеді. ДГД қан плазмасындағы концентрациясы дидрогестеронға қарағанда айтарлықтай жоғары. ДГД мен дидрогестеронның AUC (қисық астындағы аудан) мен Cmax (ең жоғары концентрациясы) ара қатынасы тиісінше шамамен 40 және 25 құрайды. ДГД мен дидрогестеронның жартылай шығарылу кезеңі тиісінше орташа алғанда 5–7 сағат пен 14–17 сағатты құрайды. Барлық метаболиттерінің жалпы ерекшелігі ата-аналық 4,6 диен 3-он қосылысы конфигурациясының өзгермей қалуы және 17-альфа гидроксилденуінің жоқтығы болып табылады. Бұл дигидрогестеронның эстрогендік және андрогендік әсерінің жоқтығымен түсіндіріледі

Сыртқа шығарылуы. Таңбаланған дидрогестеронды ішке қабылдағаннан кейін орташа алғанда 63% дозасы несеппен шығарылады. Плазмадағы жалпы клиренс 6.4 л/мин. Дидрогестерон 72 сағаттан кейін толық шығарылады. ДГД несеппен көбіне глюкуронды қышқыл конъюгаты түрінде шығарылады.

Доза мен уақытқа тәуелділік. 2.5 мг-ден 10 мг дейінгі аралықтағы бір реттік дозалаудың да, көп реттік дозалаудың да фармакокинетикасы дозаға байланысты. Бір реттік дозалаудың да, көп реттік дозалаудың да кинетикасын салыстыру Д және ДГД фармакокинетикасы дозаны қайта қабылдау нәтижесінде өзгермейтінін көрсетеді. Бірқалыпты концентрацияға емнің 3 күнінен кейін жетеді.

Фармакодинамикасы

Эстрадиол

Фемостонның 0.5/2.5 белсенді ингредиенті 17-β эстрадиол химиялық және биологиялық тұрғыдан эндогенді адам эстрадиолына барабар. Ол менопаузадағы әйелдердің жоғалтқан эстрогендік өнімдерінің орнын толтырады және эстрогендер тапшылығы белгілерін жеңілдетеді.

Дидрогестерон

Ішке қабылдағандағы дидрогестеронның белсенділігін прогестеронды парентеральді енгізгендегі белсенділікпен салыстыруға болады. Эстрогендер эндометрий өсуіне ықпал ететіндіктен, эстрогенді прогестагенді қоспай қабылдау эндометрий гиперплазиясы мен обыр қатерін жоғарылатады. Прогестагенді қосу жатыры алынбаған әйелдердегі эстрогенге байланысты болатын эндометрий гиперплазиясы қатерін едәуір төмендетеді.

Эстроген тапшылығы симптомдары мен дисфункциональді жатырлық қан кетулерді емдеудегі Фемостон 0.5/2.5 тиімділігі (клиникалық зерттеулер нәтижелері бойынша)

Фемостон 0.5/2.5 мг қабылдағанда 4- ші аптадан бастап айқындығы орташа және ауыр дәрежедегі құйылулардың плацебомен салыстырғанда статистикалық нақты төмендеуі байқалған. Бұл көрсеткіш емді жалғастыру барысында 13-ші аптаға дейін төмендеді.

Клиникалық зерттеулерде аменорея (қан кетудің болмауы немесе жағынды қанды бөліністер) 10-12 ай бақылану кезеңі бойы 88-91% әйелде байқалған. Ретсіз қан кетулер және/немесе жағынды бөліністер емделудің алғашқы 3 айы бойы 10-21% және емделудің 10-12 айы бойы 9-12% әйелде байқалған.

Қолданылуы

• әйелдердегі менопауза кезіндегі (соңғы етеккірден кейін кем дегенде 12 айдан соң) эстроген тапшылығы симптомдарын орын басушы гормональді емдеуде. Әйелдердегі эстроген тапшылығы симптомдары әркімде жеке түрде және мынадай бұзылулар қосылуы мүмкін: ысынулар, түнгі тершеңдік, ұйқы бұзылуы, қынап кебуі және несеп бөлудің қиындықтары

Қолдану тәсілі және дозалары

Фемостон® 0.5/2.5 үздіксіз қабылдауға арналған эстроген мен прогестагеннің біріктірілімі болып табылады. Фемостон® 0.5/2.5 28- күндік цикл бойы (дұрысы әрдайым тәуліктің бір уақытында), ас қабылдауға байланыссыз күніне 1 таблеткадан ішке қабылданады. Циклдар арасында үзіліс жасалмайды.

Менопауза симптомдарын басында емдеу, сондай-ақ емді жалғастыру үшін, гормондардың ең төмен дозасын және мүмкіндігінше қысқа уақыт қолданады. Үздіксіз біріктірілген ем режимін менопаузаның басталу уақыты мен симптомдардың ауырлығына байланысты Фемостон 0.5/2.5 немесе Фемостон 1/5 бастайды.

Басқа эстроген-прогестагенді препараттан циклді (немесе бірізділікпен) қабылдауға ауысқанда, емделушілер ағымдағы 28 күндік циклдегі препаратты қабылдауды аяқтауы керек және содан кейін циклдер арасында үзіліс жасамай, Фемостон 0.5/2.5 қабылдауды бастауы керек. Біріктірілген эстроген-прогестагенді препараттан үздіксіз режимге ауысқанда, емделушілер Фемостон 0.5/2.5 қабылдауды кез келген күні бастауына болады. Егер әйел таблетканы уақытында қабылдауды ұмытқан болса, оны тиісті уақытынан бастап 12 сағат ішінде қабылдауы керек. Егер қабылдануы қажет сәттен 12 сағаттан астам уақыт өтіп кетсе, онда «ұмытылған» таблетканы жою қажет, және келесі таблетканы әдеттегі уақытта қабылдау керек. Жіберіп алған дозаның орнын толтыру үшін екі есе дозаны қолдану қажет емес. Таблетканы жіберіп алу «лақылдап» қан кетудің ықтималдығын жоғарылатады.

Егде жастағылар. 65 жастан асқан әйелдерде емдеу тәжірибесі шектеулі.

Балалар және жасөспірімдер. Балалар және жасөспірімдерде Фемостон® 0.5/2.5 қабылдауға көрсетілімдер жоқ.

Жағымсыз әсерлері

Жиі:

- бас сақинасы, бас ауыруы, астения

- жүрек айнуы, іштің ауыруы, метеоризм

- балтыр бұлшықеттерінің түйілуі

- сүт бездерінің ауыруы/кернеуі, метроррагия, жағынды бөліністер, кіші жамбас аумағының ауыруы

- дене салмағының артуы немесе төмендеуі

Жиі емес:

• қынап кандидозы

• жатыр миомасы көлемінің ұлғаюы

• депрессия, либидоның өзгерістері, ашушаңдық, бас айналуы

• көктамыр тромбоэмболиясы

• өт-тас аурулары

• терінің аллергиялық реакциялары (соның ішінде бөртпе, есекжем, қышыну)

• арқаның ауыруы

• жатыр мойнының жалған эрозиясы, цервикальді сөлініс, дисменорея

• шеткергі ісінулер

Сирек:

• кератоконустың күшеюі, жанаспалы линзаларды көтере алмаушылық

• бауыр қызметінің кейде сарғаюмен, астениямен және іштің ауыруымен қатар жүретін бұзылуы

• сүт бездері көлемінің ұлғаюы, етеккір алды синдромы

Өте сирек:

• гемолитикалық анемия

• асқын сезімталдық реакциялары

• хорея

• миокард инфарктісі, инсульт

• құсу

• ангионевротикалық ісіну, мультиформалы түйінді эритема, тамыр пурпурасы, хлоазма немесе мелазма, бұлар препаратты тоқтатқаннан кейін тоқтауы мүмкін.

• порфирияның ауырлауы

Сүт безі обырының (СБО) қатері

Құрамында біріктірілген эстроген-прогестаген бар препараттарды 5 жыл бойы және одан да көбірек қабылдаған әйелдерде СБО қатері 2 есе жоғары.

СБО кез келген қаупінің жоғарылауы біріктірілген препараттар пайдаланушыларға қарағанда құрамында эстроген бар препараттарды пайдаланушыларда елеулі түрде төмен.

Қатер деңгейі емнің ұзақтығына байланысты.

Рандомизирленген (WHI –Women Helath’s Initiative) және эпидемиологиялық (MWS – Million Women Study) ірі зерттеулер нәтижесі төменде келтірілген:

MWS (Миллион әйелді зерттеу) – 5 жыл емнен кейінгі СБО күтілетін қатері.

# - қатердің біріккен қатынасы. Бұл шама тұрақты емес, ем ұзақтығы ұлғаюына қарай жоғарылайды.

Ескерту: СБО ауруының Еуропа елдерінде айырмашылықтары болғандықтан СБО қосымша жағдайларының шамасы соған сай пропорциональді өзгеріп отырады.

1 – дамыған елдердегі аурулардың есебінен.

US WHI study (Әйелдер Денсаулығы Зерттеу Инициативасы) – ОГЕ пайдаланылған 5 жылдан кейінгі СБО қосымша қатері.

Эндометрий обыры (ЭО)

Жатыры алынбаған постменопаузадағы әйелдер

ЭО қатері шамамен ОГЕ пайдаланбайтын жатыры бар әр 1000 әйелге 5 жағдайдан келеді.

Жатыры бар әйелдерге құрамында тек эстроген бар ОГЕ пайдалану ұсынылмайды, өйткені бұл ЭО қатерін жоғарылатады.

Эстрогендермен моноем ұзақтығына және дозасына қарай эпидемиологиялық зерттеулер нәтижесінде ЭО қатерінің жоғарылауы жасы 50-65 арасындағы әрбір 1000 әйелді қосымша диагностикалау жағдайында 5-тен 55-ке дейін ауытқиды.

Кемінде 12 күн бойы болатын циклді эстрогендермен моноемге прогестагендерді қосу бұл жоғары қатерді едәуір қысқартады. MWS зерттеуінде ОГЕ біріктірілген режимін (циклдік немесе үздіксіз) қолдану эндометрий обыры қатерін (ОР – 1 (0.8 – 1.2)) жоғарылатпады.

Аналық без обыры

Моноэстрогенді және біріктірілген ОГЕ ұзақ уақыт қабылдау аналық без обырының аздап жоғарылауымен байланыстырады. MWS зерттеулері нәтижесі бойынша, ОГЕ 5 жыл бойы алудағы 2500 әйелге аналық без обырының 1 қосымша жағдайы байқалады.

Көктамыр тромбоэмболиясы қатері

ОГЕ алудағы көктамыр тромбоэмболиясының салыстырмалы түрдегі қатері (КТЭ), яғни терең көктамырлар немесе өкпе артериясы тромбозы 1,3-3,0 есе жоғарылайды. Мұндай асқынулар ОГЕ бірінші жылы бойына ықтималырақ. WHI зерттеу нәтижелері төменде келтірілген:

WHI study (Әйелдер Денсаулығы Зерттеу Инициативасы) – ОГЕ пайдаланылған 5 жылдан кейінгі КТЭ қосымша қатері

Жүректің ишемиялық ауруының қатері жасы 60-тан асқан ОГЕ біріктірілген емін пайдаланатын топта аздап жоғарылау.

Ишемиялық инсульт (ИИ) қатері. Моноэстрогенді және ОГЕ біріктірілген препараттарын қабылдауды ишемиялық инсульт даму қатерінің салыстырмалы түрде 1,5 есе жоғарылауымен байланыстырады.

Геморрагиялық инсульт қатері ОГЕ кезінде жоғарыламайды.

Салыстырмалы қатері жасқа немесе ОГЕ ұзақтығына байланысты болмайды, бірақ бастапқы қатер жасына көп байланысты болғандықтан қорытындысында әйелдерде жасы келумен бірге ОГЕ инсульт қатері де ұлғая бермек.

WHI study (Әйелдер Денсаулығы Зерттеу Инициативасы) – ОГЕ пайдаланылған 5 жылдан кейінгі ИИ қосымша қатері

Біріктірілген эстроген-прогестагенді препараттар қабылдауға байланысты белгілі болған басқа да жағымсыз реакциялар:

- эстрогенге тәуелді эндометрий обыры, аналық без обыры сияқты қатерсіз және қатерлі жаңа түзілімдер

- прогестагенге тәуелді ісік көлемінің ұлғаюы (мысалы, менингиомалар)

- жүйелі қызыл жегі

- гипертриглицеридемия

- сүт безі тіндерінің фиброзды-кистозды өзгерістері

- қалқанша без гормондары деңгейі жоғарылауы

- деменция ықтималдығы, эпилепсияның өршуі

- артериялық тромбоэмболия

- несепті ұстай алмау

- панкреатит (гипертриглицеридемиясы бар әйелдерде)

Қолдануға болмайтын жағдайлар

• препараттың белсенді немесе кез-келген қосымша компоненттеріне жоғары сезімталдық

• сүт безінің бұрын анықталған немесе күдікті обыры

• эстрогенге тәуелді диагностикаланған немесе күдікті қатерлі ісіктер (мысалы эндометрий обыры немесе басқалар)

• прогестагенге тәуелді диагностикаланған немесе күдікті жаңа түзілістер (соның ішінде менингиома)

• жыныс жолдарынан шығу тегі белгісіз қан кетулер

• бақыланбайтын эндометрий гиперплазиясы

• сыртартқыдағы немесе қазіргі кездегі көктамырлар тромбоэмболиясы (терең көктамырлар тромбозы немесе өкпе тамырларының тромбоэмболиясы)

• диагностикаланған тромбофилиялық бұзылыстар (протеин С, протеин S немесе антитромбин тапшылығы)

• қазіргі кездегі белсенді немесе жуық арада болған артериялық тромбоэмболия (соның ішінде жүректің ишемиялық ауруы, миокард инфарктісі, ишемиялық инсульт)

• бауыр тестілерінің қалпына келуіне дейінгі белсенді (немесе сыртартқыдағы) бауыр аурулары

• порфирия

• анықталған немесе болжамды жүктілік және бала емізу кезеңі

• 18 жасқа дейін

Дәрілермен өзара әрекеттесуі

Дәрілік өзара әрекеттесулері туралы зерттеу жүргізілмеген.

Дәрігер әйелдің қазіргі кезде қабылдап жүрген немесе Фемостон® 0.5/2.5 тағайындауға дейін қабылдаған дәрілік препараттары туралы сұрастырып білуге тиіс.

Эстрогендер мен прогестагендердің тиімділігі төмендеуі мүмкін:

Бауырдың микросомальді ферменттерін индукциялайтын, Р450 цитохром жүйесінің препараттарын, мысалы, 2В6, 3А4, 3А5, 3А7, бір мезгілде қолданғанда эстрогендер метаболизмі жоғарылауы мүмкін. Оларға құрысуға қарсы (фенобарбитал, карбамазепин, фенитоин) және жұқпаға қарсы препараттар (рифампицин, рибавирин, невирапин, эфавиренез) жатады.

Ритонавир мен нелфинавир CYP450 3A4, A5, A7 қуатты тежегіштер ретінде белгілі болғанымен де, стероидты гормондармен бір мезгілде қолданған кезде керісінше бауыр ферменттерін индукциялайды.

Құрамында шайқурай (Hypericum perforatum) шөбі бар өсімдік текті дәрілік препараттар CYP450 3A4 бәсеңсіту жолымен эстрогендер мен прогестагендер метаболизмін жоғарылатады.

Эстрогендер мен простагендер метаболизмінің жоғарылауы клиникалық тұрғыда етеккірге ұқсас реакциялар сипатының өзгеруімен және тиімділігінің төмендеуімен көрінуі мүмкін.

Эстрогендер басқа дәрілік заттардың метаболизмін бұзуы мүмкін:

Эстрогендер өздігінен бәсекелесе отырып бәсеңсіту жолымен дәрілер метаболизміне қатысатын CYP450 жүйесі энзимдерін тежеуге қабілетті. Бұл әсіресе төмендегі емдік көрсетілімдері тар препараттарға қатысты маңызды болып табылады:

- такролимус және циклоспорин А (CYP450 3А4, 3А3)

- фентанил (CYP450 3А4)

- теофиллин (CYP450 1А2).

Мұның клиникалық көріністері осы заттардың деңгейінің қан плазмасында уыттылыққа дейін жоғарылауымен білінуі мүмкін. Сондықтан емделушіні ұзақ уақыт бойы және такролимус, фентанил, теофиллин және циклоспорин А дозасын төмендету қажет болғанда мұқият бақылау талап етілуі мүмкін.

Айрықша нұсқаулар

ОГЕ-ні менопаузадан кейінгі белгілер әйел өмірінің сапасына елеулі әсер еткен жағдайларда тағайындайды. Барлық емделушілерде, кемінде жылына бір рет қауіптер мен артықшылықтарын мұқият бағалау керек. Күтілетін артықшылықтары ықтимал қауіптен елеулі артқан жағдайда Фемостон® 0.5/2.5 препаратын қабылдауды жалғастырады.

Мерзімінен бұрын болған менопаузаны емдеу кезінде ОБЕ байланысты қауіпке қатысты расталған мәліметтер шектеулі. Жасы ұлғайған әйелдерге қарағанда жасырақ әйелдерде абсолютті қатер төменірек, пайда мен қатер аралығының тепе-теңдігі жайлырақ болуы мүмкін.

Медициналық тексеру мен бақылау.

ОГЕ бастаудың немесе қайта жаңғыртудың алдында толық медициналық және отбасылық сыртартқыны жинау керек. Медициналық тексеруді (сүт бездері мен кіші жамбас мүшелерін тексеруді қоса) ықтимал қарсы көрсетілімдерін және сақтық шараларын сақтауды талап ететін жай-күйлерді анықтау мақсатында жүргізеді. Фемостон® 0,5/2,5 препаратымен емдеу кезінде динамикалық қадағалау жүргізу керек, зерттеу жиілігі мен сипатын жекелей белгілейді. Емделуші әйелдер сүт безіндегі барлық өзгерістер туралы біліп отырулары және олар туралы емделуші дәрігерге дереу хабарлауы тиіс. Арнайы зерттеулерді, маммографияны қоса, клиникалық көрсетілімдерін ескере отырып қабылданған скрининг нормаларына сәйкес жүргізіп отырады.

Бақылауды талап ететін жай-күйлер

Фемостон® 0.5/2.5 препаратымен емдеу кезінде егер оларда төменде аталған жай-күйлер:

• жатыр миомасы немесе эндометриоз

• тромбоэмболиялар немесе оның даму қатері факторлары

• эстрогенге тәуелді ісіктер қатерінің факторлары (мысалы, 1 дәрежедегі туысқандарында сүт безінің обыры болуы)

• артериялық гипертензия

• бауыр аурулары (гепатоцеллюлярлы аденома)

• ангиопатиясы бар немесе онсыз қант диабеті

• өт-тас ауруы

• бас сақинасы немесе (ауыр) бас ауыруы

• жүйелі қызыл жегі

• сыртартқыдағы эндометрий гиперплазиясы

• эпилепсия

• бронх демікпесі

• отосклероз орын алса немесе өткен кезде болса, емделуші әйелдер дәрігердің мұқият қадағалауында болуға тиіс.

Мұны осы жай-күйлердің айқындығы жүктілік кезінде немесе осының алдында гормональді ем алғанда күшейіп кеткен емделуші әйелдерге қолдануға болады. Фемостон® 0.5/2.5 препаратымен емдеу кезінде бұл күйлер қайталануы немесе едәуір айқын болуы мүмкін екенін ескеру керек.

Емдеуді дереу тоқтату себептері.

Қарсы көрсетілімдер анықталғанда және төмендегі жағдайларда:

• сарғаю немесе бауыр қызметінің бұзылуында

• артериялық қысым едәуір жоғарылағанда

• бас сақинасына ұқсас бас ауыруы пайда болғанда

• жүктілікте Фемостон® 0.5/2.5 препаратын қабылдауды дереу тоқтату керек.

Гиперплазия мен эндометрий обыры.

Эстрогендерді ұзақ қабылдаған кезде гиперплазия мен эндометрий обырының қаупі жоғарылайды. Эстрогендермен моноем кезінде ОГЕ пайдаланбайтындармен салыстырғанда, эстроген дозасы мен емінің ұзақтығына қарай эндометрий обыры қаупі 2-12 есе жоғары. Эстроген қабылдауды тоқтатқан соң да 10 жыл бойы қатері жоғары болып қала береді.

28 күндік цикл ішінде прогестагендерді кем дегенде 12 күн қосу немесе біріктірілген препараттарды қабылдау бұл қауіпті жатыры алынбаған әйелдерде елеулі түрде азайтады.

Емнің бастапқы бірнеше айында кейде лақылдап қан кету немесе жағынды түріндегі қан кетулер байқалады. Фемостон 0,5/2,5 қабылдау уақытында немесе қабылдаудан кейінгі лақылдап қан кету немесе жағынды түріндегі қан кетулерде себебін

анықтау үшін зерттеу жүргізу қажет. Ол қатерлі ісік жоғына көз жеткізу үшін жасалатын эндометрий биопсиясы болуы да мүмкін.

Сүт безінің обыры.

Клиникалық және фармако-эпидемиологиялық зерттеулердің қазіргі заманғы мәліметтеріне сәйкес, ОБЕ үщін біріктірілген препараттар, мүмкін моноэстрогенді препараттарды қабылдайтын әйелдерде СБО қаупі жоғары, және бұл қауіп шамасы емдеудің ұзаққа созылуына байланысты.

Құрамында эстроген+прогестаген бар біріктірілген препараттар

Рандомизирленген плацебо – бақыланатын WHI зерттеуі және эпидемиологиялық зерттеулер ОГЕ арналған біріктірілген препараттар қабылдайтын әйелдерде СБО қатері жоғарылауын көрсетті, ол ем басталғаннан кейін 3 жылдан соң білінеді.

Құрамында эстроген бар препараттармен моноем

WHI зерттеулері жатыры алынған әйелдерде, құрамында тек эстроген бар препараттармен ем алғанда СБО қатері жоғарылауын анықтаған жоқ.

Обсервациялық зерттеулер СБО қатері елеусіз ғана жоғарылауы болғанын, және ол біріктірілген препараттар қабылдайтын әйелдерде едәуір төмен екенін хабарлайды.

СБО жоғары қатері емнің бастапқы жылдарында байқалады, бірақ емді тоқтатқаннан кейін бірнеше жыл (ең көп дегенде 5 жыл) ішінде бастапқы деңгейіне түседі. ОГЕ арналған біріктірілген препараттар қабылдағанда маммографиялық бейненің тығыздығы жоғарылайды, бұл СБО рентгенологиялық диагностикалауға жағымсыз әсер етуі мүмкін.

Аналық без обыры

Аналық без обыры ауруы СБО қарағанда біршама сирек.

Моноэстрогенді препаратты ұзақ қолдануды (ең кемі 5-10 жыл) аналық без обыры қатерінің аздап жоғарылауымен байланыстырады. WHI қоса алғандағы кейбір зерттеулер ОГЕ біріктірілген препараттарын ұзақ пайдалану осындай немесе аздап төмендеу қатерімен байланысты деген тұжырым жасауға мүмкіндік береді.

Көктамырлық тромбоэмболия.

ОГЕ көктамырлық тромбоэмболия (КТЭ) дамудың салыстырмалы қатері жоғарылауымен астасады, яғни терең көктамырлар тромбозы мен өкпе тромбоэмболиясымен 1.3-3 есе. Мұндай асқынудың ықтималдығы келесі жылдарға қарағанда емнің бірінші жылында жоғары болады. Сыртартқысында КТЭ бар немесе тромбофилиялық күйі диагностикаланған емделушілерде КТЭ қатері жоғары, ОГЕ бұл қауіпті ұлғайтуы мүмкін.

Сондықтан ОГЕ емделушілердің бұл тобына қолдануға болмайды.

КТЭ бойынша қатер факторына: эстрогендер пайдалану, егде жас, ауқымды хирургиялық операциялар, ұзақ уақыттық иммобилизация, ауыр дәрежедегі семіздік (ДМИ 30 кг/м2 астам), жүктілік және туғаннан кейінгі кезең, жүйелі қызыл жегі және обыр жатады.

Қазіргі таңда КТЭ дамуында көктамырлардың варикоздық кеңеюінің рөлі туралы бірыңғай пікір жоқ.

Емделушілерде операциядан кейінгі кезеңде КТЭ тойтару үшін шаралар жасау қажет. Операциялардан кейін ұзақ уақыт иммобилизация жасау қажет болған жағдайда, әсіресе іш қуысы органдарында немесе аяққа ортопедиялық операциялар жасағанда, мүмкіндігінше операциядан 4-6 апта бұрын Фемостон 0.5/2.5 қабылдауды тоқтату керек. Емді жаңғырту тек қозғалыс белсенділігін толық қайта қалпына келтіргеннен кейін ғана мүмкін болады.

Сыртартқысында КТЭ жоқ, бірақ туыстық жақындығы бірінші дәрежелі туыстарда жас кезінде сыртартқысында КТЭ бар әйелдер тромбофилияға зерттелуі тиіс. Бұл жерде скринингте қан ұю патологиясының барлық түрі бірдей анықтала бермейтінін ескеру және оны әйелге ескерту керек.

Егер отбасы мүшелерінде тромбофилиялық ақау (мысалы, антитромбин, протеин S немесе протеин С тапшылығы, немесе біріккен ақаулар) бары анықталса ОГЕ қолдануға болмайды.

Антикоагулянтты ем алатын осы қатер тобының емделушілеріне ОГЕ тағайындау үшін артықшылығы мен қатерінің арақатынасын мұқият бағалау талап етіледі.

Егер КТЭ Фемостон 0.5/2.5 қабылдау кезінде дамыса, емді тоқтату керек. Емделуші мүмкін болатын КТЭ бірінші белгілері (аяқтың ауырып ісінуі, кеудедегі аяқ астынан болатын ауырулар, ентігу) білінісімен емдеуші дәрігеріне дереу қаралуы тиіс.

Жүректің ишемиялық ауруы (ЖИА).

Рандомизирленген клиникалық зерттеулерде ЖИА бар немесе онсыз әйелдерді ОГЕ (тек эстрогендермен немесе прогестагенмен біріктірілімде) миокард инфаркті дамуынан қорғайтыны туралы дәлел алынбаған.

Құрамында эстроген+прогестаген бар біріктірілген препараттар

ОГЕ арналған біріктірілген препараттармен емдеу кезінде ЖИА салыстырмалы қатері аздап жоғарылайды. ЖИА абсолютті даму қатері белгілі бір мөлшерде жасқа қатысты болғандықтан, ОГЕ біріктірілген препараттарымен ем алатын әйелдердегі ЖИА қосымша жағдайларының жиілігі менопауза басталуына жақын жастағы дені сау әйелдер тобында өте төмен, жасы келген сайын ұлғаяды.

Құрамында эстроген бар препараттармен моноем

Рандомизирленген зерттеулер деректері бойынша эстрогендермен моноем алғанда жатыры алынған әйелдерде ЖИА қаупі жоғарыламайды.

Ишемиялық инсульт.

ОГЕ арналған біріктірілген препараттармен – ОГЕ кезінде дені сау әйелдерде ишемиялық инсульт қаупі 1.5 есе жоғарылайды. Салыстырмалы қатер жасына немесе менопауза өтіліне байланысты емес. Алайда ишемиялық инсульт қаупінің жасқа байланыстылығы белгілі, сондықтан ОГЕ алатын әйелдерде инсульт қаупі жасы ұлғайған сайын жоғарылайды.

Басқа да жай-күйлер

Эстрогендер сұйықтың іркілуіне ықпал етеді, сондықтан жүрек немесе бүйрек жеткіліксіздігі бар емделуші әйелдер мұқият қадағалауды қажет етеді.

Асқын триглицеридемиясы бар әйелдер ОГЕ кезінде мұқият қадағалауды қажет етеді, өйткені осы күйдегі емделушілерді эстрогендермен емдегенде плазмадағы триглицеридтер деңгейінің елеулі жоғарылауының сирек жағдайлары, мұның панкреатитті туғызғандығы байқалған.

Эстрогендер тиреоид-байланыстырғыш глобулиннің деңгейін жоғарылатады, бұл йод ақуызымен байланысуы, Т4 немесе Т3 деңгейлерімен өлшенетін жалпы тиреоидты гормон айналымының жоғарылауына алып келеді. Бос Т4 және Т3 деңгейлері өзгермейді.

Басқа байланыстырғыш протеиндер, мысалы, кортикоид-байланыстырғыш глобулин, жыныс гормондарын байланыстырғыш глобулин деңгейлерінің жоғарылауы мүмкін, бұл айналымдағы кортикостероидты және жыныс гормондары деңгейлерінің тиісінше жоғарылауын туғызады. Бос және биологиялық белсенді гормондардың концентрациялары өзгермейді. Сонымен бірге плазманың басқа протеиндерінің (ангиотензин/ренин субстратының, -1-антитрипсиннің, церулоплазминнің) деңгейлері жоғарылуы мүмкін.

ОГЕ когнитивті функцияны жақсартпайды. ОГЕ бастаған жасы 65-тен асқан әйелдерде деменция қатері болуы мүмкін.

Сирек кездесетін тұқым қуалайтын галактоза, Лапп лактаза тапшылығы немесе глюкоза-галактоза сіңуі бұзылуы бар науқастар Фемостон® 0.5/2.5 қабылдауына болмайды.

Фемостон® 0.5/2.5 ұрықтануға қарсы дәрі емес.

Жүктілік және лактация

Фемостон® 0.5/2.5 жүктілік уақытында қолдануға болмайды. Егер Фемостон® 0.5/2.5 қабылдап жүрген кезде жүкті болып қалса, емді дереу тоқтату керек. Фемостон® 0.5/2.5 бала емізу уақытында қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдары мен қауіптілігі зор механизмдерді басқаруда сақ болу қажет.

Артық дозалануы

Осы уақытқа дейін Фемостон 0.5/2.5 артық дозалану белгілері туралы ешбір мәлімдеме тіркелмеген. Эстрадиол мен дидрогестеронның уыттылығы төмен дәрежеде.

Симптомдары: жүрек айнуы, құсу, ұйқышылдық және бас айналуы сияқты препараттың жағымсыз әсерлері күшеюі мүмкін.

Емі: симптоматикалық. Арнайы у қайтарғысы жоқ.

Шығарылу түрі және қаптамасы

28 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынған. 1 пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

30С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

Эбботт Байолоджикалз Б.В., Нидерланды

Си.Д. ван Хоутенлаан, 36, НЛ-1381, СП Веесп,

Тіркеу куәлігінің иесі

Эбботт Хелскеа Продактс Б.В., Нидерланды

Қазақстан Республикасы аумағында тұтынушылардан шағымдарды қабылдайтын ұйымның мекенжайы

Қазақстан Республикасындағы «Абботт Лабораториз С.А.» өкілдігі

Достық даңғ. 117/6, «Хан Тәңірі-2» бизнес-орталығы, 050059, Алматы қ., Қазақстан Республикасы. Тел. +7 727 2447544, +7 727 2447644.

e-mail: pv.kazakhstan@abbott.com