Фемара®

• русский
• қазақша

• Скачать инструкцию медикамента

Саудалық атауы

Фемара®

Халықаралық патенттелмеген атауы

Летрозол

Дәрілік түрі

Үлбірлі қабықпен қапталған 2,5 мг таблеткалар

Құрамы

Бір таблетканың құрамында

белсенді зат - 2,5 мг летрозол,

қосымша заттар: коллоидты сусыз кремнийдің қостотығы, микрокристалды целлюлоза, лактоза моногидраты, магний стеараты, жүгері крахмалы, натрий крахмал гликоляты (А типі)

үлбірлі қабықтың құрамы: гидроксипропилметилцеллюлоза, темірдің (III) сары тотығы (Е172), полиэтиленгликоль 8000, тальк, титанның қостотығы (Е171).

Сипаттамасы

Қою сары түсті үлбірлі қабықпен қапталған, екі жағы сәл дөңес, ойығы бар дөңгелек пішінді, бір жақ бетінде «FV» деген және басқа жақ бетінде «CG» деген жазуы бар таблеткалар.

Диаметрі 6.1-ден 6.3 мм-ге дейін, қалыңдығы 2.9-дан 3.4 мм-ге дейін.

Фармакотерапиялық тобы

Ісікке қарсы гормональды препараттар. Гормон антагонистері және олардың аналогтары. Ферменттер тежегіштері. Летрозол

ATХ коды L02BG04.

Фармакологиялық қасиеттері

Фармакокинетикасы

Сіңуі. Летрозол асқазан-ішек жолынан тез және толық сіңеді (орташа биожетімділік шамасы 99,9% құрайды). Тағам сіңу жылдамдығын едәуір төмендетеді (летрозолдың қанда ең жоғары концентрацияға жету уақытының орташа мәні /Тсmax/ летрозолды ашқарынға қабылдаған кезде 1 сағатты және аспен бірге қабылдаған кезде 2 сағатты құрайды; летрозолдың қандағы ең жоғары концентрациясының орташа мәні /Тсmax/ ашқарынға қабылдаған кезде 129  20,3 нмоль/л және аспен бірге қабылдаған кезде 98,7  18,6 нмоль/л құрайды), алайда летрозолдың сіңу дәрежесі (“концентрация-уақыт” қисығы астындағы ауданға баға бергенде) өзгермейді. Сіңу жылдамдығының аздаған өзгерулері клиникалық мәні жоқ деп есептеледі, сондықтан летрозолды ас қабылдауға қарамай-ақ қабылдай беруге болады.

Таралуы. Летрозолдың қан плазмасы ақуыздарымен байланысуы шамамен 60% (көбінесе альбуминмен бірге - 55%) құрайды. Летрозолдың эритроциттердегі концентрациясы қан пламасындағы оның деңгейінің 80%-на жуығын құрайды. 14C-таңбалы летрозолдың 2,5 мг-ын қолданғаннан кейін қан плазмасындағы радиоактивтіліктің шамамен 82%-ы өзгермеген белсенді заттың үлесіне тиеді. Демек, летрозол метаболиттерінің жүйелік әсері үлкен емес. Летрозол тіндерге тез және кең таралады. Тепе-тең жағдай кезеңіндегі болжамды көлемі дене салмағының әр кг-на шаққанда 1,87  0,47 л-ге жуықты құрайды.

Биотрансформациясы және метаболизмі. Летрозол елеулі дәрежеде метаболизмге ұшырап, фармакологиялық тұрғыдан белсенді емес карбинол қосылысын түзеді. Летрозолдың метаболизмдік клиренсі сағатына 2.1 л құрайды, ол бауыр қан ағымының шамасынан аздау (сағатына 90 л-ге жуық). Летрозолдың оның метаболитіне айналуы P450 цитохромының 3A4 және 2A6 изоферменттерінің әсерімен жүзеге асырылатыны анықталды. Әзірше идентификациялана қоймаған басқа метаболиттердің аздаған бөлігінің түзілуі, сондай-ақ өзгеріске ұшырамаған препараттың несеппен және нәжіспен бірге шығарылуы летрозолдың жалпы элиминациясында аздаған ғана рөл атқарады. 14C-таңбаланған летрозолдың 2,5 мг-ын дені сау адамдарға менопаузадан соң енгізгеннен кейінгі 2 апта ішінде несепте радиоактивтілік 88,2  7.6%, ал нәжісте 3,8  0,9% болатыны байқалды. Қалай болғанда да, несепте 216 сағатқа дейінгі кезеңде байқалған радиоактивтіліктің 75%-ы (летрозол дозасы шамасының 84,7  7,8%-ы) карбинолды метаболиттің глюкуронидтік конъюгатының, 9%-ға жуығы идентификацияланбаған екі басқа метаболиттің және 6%-ы өзгермеген летрозолдың үлесіне тиеді.

Шығарылуы. Қан плазмасынан мүмкін болатын соңғы жартылай шығарылу кезеңі 2-4 тәулікке жуықты құрайды. 2,5 мг препаратты күн сайын қолданғаннан кейін летрозол тепе-тең концентрацияға 2-ден 6 аптаға дейінгі аралықта жетеді, мұнда ол осындай дозаны бір реттік қабылдаудан кейінгіден 7 есе жоғары болады. Осы кезеңде тепе-тең концентрацияның мәні препараттың бір реттік дозасын қабылдаудан кейін тіркелген шамалар есебінің негізінде болжам жасауға болатын тепе-тең концентрацияның сондай мәнінен 1,5 – 2 есе асып кетеді. Бұл летрозолды 2,5 мг дозада күн сайын қолданған кезде оның фармакокинетикасы желілік емес сипатқа ие болатындығын көрсетеді. Летрозолдың тепе-тең концентрациясы ем барысында ұзақ уақыт сақталатын болғандықтан, летрозолдың жиналуы әрі қарай созылмайды деп қорытынды жасауға болады.

Дозаға тәуелділігі/дозаға тәуелсіздігі. Летрозолдың фармакокинетикасы препараттың 10 мг дейінгі қабылданған бір реттік дозасына (дозалар ауқымы: 0,01-ден 30 мг дейін) және 1,0 мг дейінгі тәуліктік дозасына (дозалар ауқымы: 0,1-ден 5 мг дейін) пропорционалды. Пероральді түрде бір реттік 30 мг дозасын қабылдағаннан кейін “концентрация-уақыт”(AUC) қисығы көрсеткішінің пропорционалды түрде артқаны анықталған. Күн сайынғы 2,5 және 5 мг дозада AUC мәні тәулігіне 1,0 мг дозасымен салыстырғанда сәйкесінше 2,5 және 5 есенің орнына шамамен 3,8 және 12 есе артты. Препараттың ұсынылатын дозасы тәулігіне 2,5 мг құрайды, бұл дозаның пропорционалдылығы артуының анық көрініп тұратындай шегі, осы кезде тәулігіне 5 мг дозада бұның пропорционалдылығының артуы айқынырақ болады. Барлық тестіленген дәрілік режимде (күніне 0,1-5,0 мг) 1-2 ай қолданғаннан кейін тұрақты деңгейлерге жетті.

Емделушілердің жекелеген топтарындағы фармакокинетикасы. Бүйрек функциясының жағдайы әртүрлі 16 ерікті адамға жүргізілген зерттеулерде (24 сағаттық креатинин клиренсі минутына 9-дан 116 мл-ге дейін ауытқыды) летрозолдың бір реттік 2,5 мг дозасын қабылдағаннан кейін оның фармакокинетикасының өзгермейтіндігі байқалды.

Бауыр функциясының жағдайы әртүрлі ерікті адамдарға жүргізілген осыған ұқсас зерттеулерде бауыр функциясының бұзылуы орташа айқын (Чайлд-Пью шкаласы бойынша В класы) болатын адамдарда “концентрация-уақыт” қисығы астындағы ауданның (AUC) орташа шамасы, дені сау адамдардағыға қарағанда, 37%-ға жоғары болатындығы анықталды, бірақ бауыр функциясы бұзылмаған адамдарда табылған мәннің ауқымы шегінде қалды. Летрозол фармакокинетикасын салыстырмалы зерттеуде бауыр циррозы бар (Чайлд-Пью шкаласы бойынша С класы) 8 емделушіде бір реттік дозаны қабылдағаннан кейін AUC деңгейі мен жартылай шығарылу кезеңі дені сау 8 ерікті емделушідегі дәл сондай көрсеткіштермен салыстырғанда, сәйкесінше, 95 және 187%-ға артты. Бауыр функциясының ауыр жеткіліксіздігі бар емделушілерде сүт безінің обырын емдеу бауыр функциясының бұзылуы ауыр емес емделушілерге қарағанда летрозолдың жоғары деңгейін қажет етеді. Алайда, тәулігіне 5 немесе 10 мг доза қабылдаған емделушілерде уыттылығының артқаны байқалмағандықтан, бауыр функциясының ауыр жеткіліксіздігі бар емделушілерде дозасын төмендету ақталмаған. Дегенмен, мұндай емделушілер қатаң қадағалауда болуы тиіс.

Бұған қосымша, бүйрек функциясы бұзылуының (креатинин клиренсінің есептік мәні минутына 20 - 50 мл құраған) немесе бауыр функциясы бұзылуының сүт безінің обырының кең таралған түрлері бар 359 емделушінің плазмасында летрозолдың концентрациясына қандай да болсын ықпалы байқалған жоқ.

Летрозолдың фармакокинетикасы жасқа байланысты емес.

Фармакодинамикасы

Летрозол – Фемара® препаратының белсенді заты ароматаза белсенділігінің жоғары спецификалық стероидты емес препараты болып табылады.

Менопаузадан кейін дені сау әйелдерде летрозолдың 0,1, 0,5 және 2,5 мг құрайтын бір реттік дозасы қан сарысуында эстронның және эстрадиолдың деңгейін (бастапқы деңгейімен салыстырғанда), сәйкесінше, 75-78%-ға және 78%-ға төмендетеді. Ең жоғары төмендеуге 48-78 сағаттан соң жетеді.

Менопаузадан кейінгі кезеңде сүт безі обырының кең таралған түрі бар әйелдерде летрозолды 0,1-ден 5 мг-ға дейінгі дозада күн сайын қолдану қан плазмасында эстрадиол, эстрон және эстрон сульфаты деңгейлерінің бастапқы деңгейден 75-95%-на төмендеуіне әкеп соғады. Препаратты 0,5 мг және одан астам дозаларда пайдаланған кезде көп жағдайларда эстрон және эстрон сульфаты концентрациялары гормондарды анықтаудың қолданылып жүрген әдістеріне сезімталдықтың шегінен төмен болып шықты. Бұл препараттың осы дозасының жәрдемімен эстрогендер синтезінің өте айқын басылуына қол жеткізуге болатындығын көрсетеді. Эстрогендердің супрессиясы барлық емделушілерді емдеу кезеңінің ішінде сақталды.

Летрозол ароматазаны осы ферменттің суббірлігі – P450 цитохромының гемімен бәсекелі байланысуы арқылы тежейді, ол нәтижесінде эстрогендердің барлық тіндердегі биосинтезін төмендетеді.

Менопаузадан кейінгі кезеңде, тәуліктік дозасы 0,1-5 мг летрозолмен ем жүргізілген емделушілерде қан плазмасында кортизол, альдостерон, 11-деоксикортизол, 17-гидроксипрогестерон, адренокортикотропты гормон (АКТГ) концентрацияларының, сондай-ақ ренин белсенділігінің клиникалық тұрғыдан маңызды өзгерулері білінген жоқ. Тәуліктік дозасы 0,1; 0,25; 0,5; 1; 2,5 және 5 мг летрозолмен 6 және 12 апта емдегеннен кейін АКТГ-мен стимуляциялау тестін жүргізгенде альдостерон немесе кортизол синтезінің қандай да болсын елеулі азайғанын көрсеткен жоқ. Осылайша, глюкокортикоидтарды және минералокортикоидтарды қосу қажет болған жоқ.

Менопаузадан кейінгі дені сау әйелдерде летрозолды 0,1, 0,5 және 2,5 мг дозаларда бір рет қолданғаннан кейін қан плазмасында андрогендер (андростендион және тестостерон) концентрацияларының өзгергені байқалған жоқ. Менопаузадан кейін, летрозолды тәуліктік 0,1-ден 5 мг-ға дейінгі дозада қабылдаған емделушілердің қан плазмасында андростендион деңгейінің өзгерулері байқалған жоқ. Мұның бәрі эстрогендер биосинтезінің бөгелуі эстрогендердің ізашары болып табылатын андрогендердің жиналып қалуына әкелмейтіндігін көрсетеді. Летрозол қабылдаған емделушілерде қан плазмасында лютеинизирлеуші және фолликуланы стимуляциялаушы гормондардың концентрацияларында өзгерістер байқалған жоқ, сондай-ақ қалқанша без функциясында тиреотропты гормон, трийодтиронин (T4) және тироксин (T3) деңгейлері бойынша баға берілетін өзгерулер болған жоқ.

Қолданылуы

• сүт безінің ерте сатыдағы инвазивті гормон-позитивті обыры бар, менопаузадан кейінгі әйелдерде сүт безінің обырын адъювантты түрде емдеу үшін

• алдын ала 5 жыл бойы тамоксифенмен стандарты адъювантты ем қабылдаған, сүт безінің ерте сатыдағы инвазивті гормон-позитивті обыры бар, менопаузадан кейінгі әйелдерде адъювантты емді жалғастыру үшін

• сүт безінің гормон-позитивті обыры бар, менопаузадан кейінгі әйелдерде бірінші желілік ем ретінде

• мұның алдында антиэстрогендермен ем қабылдаған, (табиғи немесе жасанды түрде туындаған) менопаузадан кейінгі әйелдерде қайталанудан немесе өршуден кейін жайылған сүт безі обырында

• сүт безінің гормон-позитивті, HER-2 негативті обыры бар, менопаузадан кейінгі әйелдерді химиялық емдеу қолайлы ем болып табылмаған және шұғыл операциялық араласым көрсетілмеген жағдайда неоадьювантты емдеуде

Қолдану тәсілі мен дозалары

Ішке. Фемара® препаратын тамақтану кезінде немесе онсыз қабылдауға болады, өйткені тамақ препараттың сіңуіне әсер етпейді. Препаратты тәуліктік 2,5 мг дозасынан асырмау ұсынылады.

Ересектер. Фемара® препаратының ұсынылатын дозасы тәулігіне бір рет 2,5 мг құрайды. Адъювантты және ауқымды адъювантты емдеуде Фемара® препаратымен емдеу 5 жыл бойына немесе аурудың қайталануы басталған сәтке дейін жалғастырылуы тиіс. Метастаздары бар емделуші әйелдерде Фемара® препаратымен емдеуді аурудың үдеу белгілері пайда болғанға дейін жалғастырады.

Неоадъювантты (операция алдындағы) емдеуде Фемара® препаратын ісіктің оңтайлы азаюына қол жеткізу үшін 4-8 ай бойы тағайындау ұсынылады. Егер бұл ем тиімсіз болған жағдайда, препаратты тоқтатып, операциялық араласым тағайындау және/немесе емделушімен әрі қарай емдеуді талқылау ұсынылады.

Бауыр функциясының бұзылуы бар емделуші әйелдер. Бауыр функциясының жеңіл және орташа дәрежедегі жеткіліксіздігі (Чайлд-Пью шкаласы бойынша А және В класы) бар емделуші әйелдерде препарат дозасын түзету қажет емес. Бауыр функциясының ауыр жеткіліксіздігі бар емделушілерге қатысты мәліметтер жеткіліксіз, бірақ Чайлд-Пью шкаласы бойынша С класты бауыр функциясының ауыр жеткіліксіздігі бар емделушілер дәрігердің мұқият қадағалауында болуы тиіс.

Бүйрек функциясының бұзылуы бар емделуші әйелдер. Бүйрек функциясының жеткіліксіздігі бар (креатинин клиренсі  10 мл/мин) емделуші әйелдерде препараттың дозасын түзету қажет емес. Креатинин клиренсі минутына <10 мл емделушілерге қатысты мәліметтер жеткіліксіз.

Педиатрияда қолданылуы. Препаратты балалар мен жасөспірімдерде қолдану ұсынылмайды. Фемара® препаратының 17 жасқа дейінгі балалар мен жасөспірімдердегі қауіпсіздігі мен тиімділігі анықталған жоқ.

Егде жастағы адамдар. Егде жастағы емделушілерде Фемара® препаратының дозасын түзету қажет емес.

Жағымсыз әсерлері

Әртүрлі жағымсыз әсерлердің пайда болу жиілігіне баға берген кезде мынадай градациялар пайдаланылды: өте жиі (≥10%), жиі (≥ 1% < 10% дейін), кейде (≥ 0.1% < 1% дейін), сирек (≥ 0.01% < 0.1% дейін), өте сирек (< 0.01%), жиілігі белгісіз (қолда бар деректермен білу мүмкін емес)

Өте жиі

• гиперхолестеринемия

• буындардың ауыруы

• қан кернеулер

• қатты терлеу

• қатты қажу (соның ішінде астения және дімкәстік)

Жиі

• артериялық гипертензия

• жүректің айнуы, құсу, диспепсия, іштің қатуы, диарея, абдоминальді ауыру

• анорексия, тәбеттің артуы, дене салмағының артуы

• бас ауыру, бас айналу

• алопеция, терінің құрғауы, бөртпелер (соның ішінде эритематоздық, дақты-папулездік, псориазтәрізді және везикулярлық бөртпелер)

• миалгия, сүйектердің ауыруы, остеопороз, сүйек сынулары

• депрессия

• шеткергі ісінулер

• қынаптан қан кетулер

Кейде

• лейкопения

• жүректің қағуы (метастаздары бар емделушілер), тахикардия, ишемиялық жүрек-қантамырлық асқынулар (соның ішінде, стенокардия ұстамаларының пайда болуы немесе өршуі, хирургиялық араласымды қажет ететін стенокардия, миокард инфарктісі, миокард ишемиясы)

• тромбофлебит (соның ішінде беткейлік және терең көктамырлық)

• ісік ошақтарының ауыруы (метастаздары бар емделушілер)

• мазасыздық (соның ішінде, күйгелектік), ашушаңдық

• ұйқышылдық, ұйқысыздық, жадының нашарлауы, дизестезия (соның ішінде, парестезия, гипестезия), дәм сезудің бұзылуы, ми қан айналымының жедел бұзылуы, білезіктің өзектік синдромы

• артриттер

• ентігу, жөтел

• стоматит, ауыз ішінің құрғауы

• бауыр ферменттері деңгейінің артуы

• несеп жүйесінің жұқпалары, несептің жиі шығарылуы

• қынап бөліністері, қынаптың құрғауы, сүт бездерінің ауыруы

• катаракта, көздің тітіркенуі, көрудің тұмандануы

• қышыну, есекжем

• жайылған ісінулер, температураның жоғарылауы, шырышты қабықтардың құрғауы, шөлдеу

• дене салмағының азаюы

Сирек

• өкпе эмболиясы, артериялық тромбоз, цереброваскулярлық инфаркт

Өте сирек

• гепатит

Жиілігі белгісіз

• анафилактикалық реакциялар

• ангионевротикалық ісіну, уытты эпидермальді некролиз, мультиформалы эритема

• триггерлі саусақ

Адъювантты емдеу кезінде, емделушілер Фемара® препараты мен тамоксифенды орта есеппен 5 жыл қабылдағанда мынадай: хирургиялық араласымды қажет ететін стенокардия (1.0%-бен салыстырғанда 1.0%), жүрек функциясының жеткіліксіздігі (0.6%-бен салыстырғанда 1.1%), артериялық гипертензия (5.7%-бен салыстырғанда 5.6%), ишемиялық инсульт/ми қан айналымының транзиторлық бұзылулары (1.9%-бен салыстырғанда 2.1%) сияқты жағымсыз реакциялар білінген.

Фемара® препаратымен кең ауқымды адъювантты емдеу кезінде орта есеппен 5 жыл және плацебомен 3 жыл бойы мынадай: хирургиялық араласымды қажет ететін стенокардия (0.6%-бен салыстырғанда 0.8%), алғаш диагностикаланған стенокардия немесе оның ағымының нашарлауы (1.0%-бен салыстырғанда 1.4%), миокард инфарктісі (0.7%-бен салыстырғанда1.0%), тромбоэмболиялық бұзылулар (0.3%-бен салыстырғанда 0.9%), ишемиялық инсульт/ ми қан айналымының транзиторлық бұзылулары (0.8%-бен салыстырғанда 1.5%) сияқты жағымсыз реакциялар білінген.

Кең ауқымды адъювантты емдеу кезінде Фемара® препаратымен ем қабылдаған емделушілерде, плацебо қабылдаған емделушілерге (сәйкесінше 5.8% және 6.4%) қарағанда, көбінесе сүйек сынулары мен остеопороз (емделушілердің 10.4%-ында сүйек сынығы, 12.2%-ында остеопороз) байқалған. 3 жыл плацебомен емдеумен салыстырғанда Фемара® препаратымен емдеудің орташа ұзақтығы 5 жылды құрады.

Қолдануға болмайтын жағдайлар

• белсенді затқа немесе кез келген қосымша затқа жоғары сезімталдық

• менопауза алдындағы кезеңге тән эндокринді жағдай

• жүктілік және лактация кезеңі

• 18 жасқа дейінгі балалар мен жасөспірімдерге

Дәрілермен өзара әрекеттесуі

Летрозол негізінен бауырда, P450 цитохромының - CYP3A4 және CYP2A6 ферменттерінің әсерінен летрозол метаболитіне метаболизденеді. Осылайша, летрозолдың жүйелік шығарылуы CYP3A4 және CYP2A6 изоферменттеріне әсер ететін дәрілік препараттарға тәуелді болады.

Қан сарысуындағы летрозол деңгейін арттыратын дәрілік препараттар.

CYP3A4 және CYP2A6 изоферменттерінің тежегіштері летрозол метаболизмінің төмендеуіне әкеледі, сол арқылы оның қан плазмасындағы концентрациясын арттырады. Фемара® препаратын изоферменттердің белсенділігін бәсеңдететін препараттармен (CYP3A4- кетоконазол, итраконазол, вориконазол, ритонавир, кларитромицин, телитромицин; CYP2A6- метоксален) бір мезгілде қолдану летрозолдың әсерін күшейтуі мүмкін. Бұл препараттарды Фемара® препаратымен бірге тағайындағанда сақ болу керек.

Қан сарысуындағы летрозол деңгейін бәсеңдететін препараттар.CYP3A4 изоферментінің индукторлары летрозолдың метаболизмін күшейтеді, сол арқылы оның қан плазмасындағы концентрациясын азайтады. CYP3A4 изоферментін белсенділендіретін препараттарды (мысалы, фенитоин, рифампицин, карбамазепин, фенобарбитал және шайқурай) бір мезгілде қолдану летрозолдың фармакологиялық әсерінің төмендеуіне әкелуі мүмкін. Мұны аталған препараттарды Фемара® препаратымен бірге тағайындағанда ескерген жөн.

CYP2A6 изоферментінің қандай да бір белгілі индукторы жөнінде деректер жоқ. 2,5 мг Фемара® препаратын тәулігіне 20 мг тамоксифенмен бірге тағайындау летрозолдың қан плазмасындағы деңгейін орта есеппен 38%-ға төмендетеді. Сүт безі обырының екінші желілі зерттеулерінің клиникалық тәжірибесі Фемара® препаратын тамоксифеннен кейін бірден қолданғанда, Фемараның әсері бұрынғыша қалатынын көрсетті және қандай да бір жағымсыз реакциялар байқалған жоқ. Бұл өзара әрекеттесуінің механизмі белгісіз.

Жүйелік плазмалық концентрациялары летрозол арқылы өзгерістерге ұшырайтын дәрілік препараттар.

In vivo, летрозол Р450 цитохромының CYP2A6 және CYP2C19 изоферменттерінің белсенділігін бәсеңдетеді (соңғысын орташа). Мұны летрозолды шығарылуы негізінен CYP2C19 изоферментіне байланысты болатын және емдік индексі шектеулі (мысалы, фенитоин, клопидогрел) дәрілік заттармен бір мезгілде тағайындағанда ескеру қажет. CYP2A6 изоферменті үшін емдік индексі шектеулі дәрілік заттар туралы деректер жоқ.

Летрозолдың циметидинмен (CYP2C19 және CYP3A4 белгілі спецификалық емес тежегіші) және варфаринмен (летрозолдың мақсаттық тобында біріктірілген емдеуде кеңінен пайдаланылатын емдік ауқымы тар сезімтал CYP2C9-ға арналған субстрат) өзара әрекеттесуін клиникалық зерттеулер Фемара® препаратын бұл дәрілік заттармен бірге қолдану клиникалық елеулі өзара әрекеттесулерге әкелмейтінін көрсетті.

Айрықша нұсқаулар

Фемара® препаратын креатинин клиренсі минутына < 10 мл болатын емделушілерге қолдану жөнінде деректер жоқ. Фемара® препаратын осындай емделушілерге тағайындар алдында емдеуден болатын қауіп пен күтілетін әсер арасындағы арақатынасты мұқият екшеген жөн. Бауыр функциясының ауыр жеткіліксіздігі (Чайлд-Пью шкаласы бойынша С класы) бар емделушілерде летрозолдың жартылай шығарылу уақыты дені сау адамға қарағанда шамамен екі есе ұзақ. Мұндай науқастар дәрігердің өте мұқият бақылауын қажет етеді.

Фемара® препаратымен емделу кезінде, остеопороздың пайда болу және/немесе сүйектердің сыну жағдайлары тіркелгендіктен, сүйек аппараты саулығының жалпы жағдайына мониторинг ұсынылады.

Менопауза жағдайы айқын емес күйінде қалған емделушілерде Фемара® препаратымен емдеуді бастар алдында лютеиндеуші гормон (ЛГ), фолликуланы стимуляциялаушы гормон (ФСГ) деңгейін және/немесе эстрадиол деңгейін анықтаған жөн. Фемара® препараты әйелдерге тек менопаузадан кейін ғана тағайындалуы мүмкін.

Фемара® препаратын тамоксифенмен немесе басқа да антиэстрогендермен немесе құрамында эстроген бар препараттармен бірге тағайындау ұсынылмайды, өйткені бұл заттар летрозолдың фармакологиялық әсерін әлсіретуі мүмкін. Осы өзара әрекеттесудің механизмі белгісіз.

Жүктілік және лактация кезеңі

Фемара® препаратын жүктілік және бала емізу кезеңінде қолдануға болмайды.

Фемара® препаратын жүкті әйелдерге қолданған кезде дамудың туа біткен кемістіктерінің (қоян жырық, гениталийдің даму патологиясы) бірлі-жарым жағдайлары тіркелді.

Постмаркетингтік есеп берулерде өздігінен түсік тастау және анасы Фемара® препаратын қабылдаған жаңа туған нәрестелерде туа біткен аномалиялар жағдайлары жөнінде мәлімделді.

Дәрігер репродуктивті жастағы әйелдермен (менопауза алды кезеңіндегі әйелдерді немесе менопаузадан кейінгі кезеңге жақында өткен әйелдерді қоса) менопаузадан кейінгі статусы айғақталғанға дейін тиісті контрацепцияны қолдану қажеттілігін талқылағаны жөн.

Препараттың құрамына лактозаның кіретіндігін ескеріп, препаратты тұқым қуалайтын лактоза, галактоза жақпаушылығында, Лапп-лактаза тапшылығында және глюкоза/галактоза мальабсорбциясында қолдануға болмайды.

Фертильділігі

Летрозолдың фармакологиялық әсері ароматазаны тежеу жолымен эстрогеннің өндірілуінің төмендеуі болып табылады. Менопауза алдында эстрогендер синтезінің тежелуі қанда гонадотропиндер (ЛГ, ФСГ) деңгейінің жоғарылауына әкеледі. ФСГ деңгейінің жоғарылауы өз кезегінде фолликулалардың өсуін стимуляциялайды, және овуляцияның туындатуы мүмкін.

Көлік құралын немесе қауіпті механизмдерді басқару қабілетіне ықпал ету ерекшеліктері

Препаратпен емдеу кезінде жалпы шаршау, әлсіздік, бас айналу, ұйқышылдық байқалатын болғандықтан, көлік құралын немесе қауіпті механизмдерді басқарған кезде сақ болған жөн.

Артық дозалануы

Фемара® препаратының артық дозалануы жөнінде қазіргі таңда мәліметтер жоқ.

Симптомдары: артық дозаланған жағдайда препараттың жағымсыз әсерлері күшеюі мүмкін.

Емі: симптоматикалық ем жүргізу.

Шығарылу түрі және қаптамасы

Поливинилхлорид/полиэтилен/поливинилиденхлоридті үлбірден және лакталған баспалы алюминий фольгадан жасалған пішінді ұяшықты қаптамаға 10 таблеткадан салынған.

Пішінді 3 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

30C-ден аспайтын температурада, ылғалдан қорғалған жерде сақтау керек.

Балалардың қолы жетпейтін жерде сақтау керек.

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін препаратты пайдалануға болмайды.

Дәріханалардан босатылу шарттары

Рецепт арқылы

Өндіруші

Новартис Фарма Штейн АГ,

Шаффхаузерштрассе, 4332 Штейн, Швейцария

Тіркеу куәлігінің иесі

Новартис Фарма АГ, Базель, Швейцария

Тұтынушылардан өнім (тауар) сапасы жөніндегі шағымдарды Қазақстан Республикасы аумағында қабылдайтын ұйымның мекенжайы

Қазақстандағы Новартис Фарма Сервисэз АГ филиалы

050051 Алматы қ, Луганский к-сі, 96

тел.: (727) 258-24-47 

факс: (727) 244-26-51

e-mail: drugsafety.cis@novartis.com

2012-PSB/GLC-0596-s от 18.01.2013