Фармаксон

МНН: Цитиколин
Производитель: НИКО ООО
Анатомо-терапевтическо-химическая классификация: Citicoline
Номер регистрации в РК: № РК-ЛС-5№121950
Период регистрации: 30.12.2015 - 30.12.2020

Инструкция

Саудалық атауы

Фармаксон

Халықаралық патенттелмеген атауы

Цитиколин

Дәрілік түрі

Инъекцияға арналған 2 мл, 4 мл-ден 250 мг/мл ерітінді

Құрамы

1 мл ерітіндінің құрамында

белсенді зат цитиколин (натрий тұзы түрінде) – 250 мг

қосымша заттар: сұйылтылған хлорсутек қышқылы немесе натрий гидроксиді, инъекцияға арналған су.

Сипаттамасы

Мөлдір түссіз сұйықтық

Фармакотерапиялық тобы

Психоаналептиктер. Психостимуляторлар және ноотроптар. Басқа да психостимуляциялаушы және ноотропты дәрілер. Цитиколин.

АТХ коды N06В Х06

Фармакологиялық қасиеттері

Фармакокинетикасы

Цитиколин бұлшықет ішіне және көктамыр ішіне енгізгенде жақсы сіңеді. Препаратты енгізгеннен кейін қан плазмасында холиндер деңгейінің едәуір жоғарылауы байқалады.

Цитиколин холин және цитидин түзе отырып, ішек пен бауырда метаболизденеді. Енгізгеннен кейін цитиколин ми тіндеріне сіңіріледі, бұл ретте холиндер фосфолипидтерге, цитидин – цитидин нуклеоидтары мен нуклеин қышқылдарына әсер етеді. Цитиколин ми тіндеріне жылдам жетеді және фосфолипидтер қызметін белсендіре отырып, жасуша жарғақшаларына, цитоплазма мен митохондрияға белсенді кірігеді.

Енгізілген дозаның тек елеусіз мөлшері ғана несеппен және нәжіспен (3 % аздауы) шығарылады. Енгізілген дозаның шамамен 12 % тыныс алу жолдары арқылы шығарылады. Несеппен және тыныс алу жолдары арқылы шығарылудың екі фазасы болады: бірінші фаза – жылдам шығарылуы (несеппен – алғашқы 36 сағат ішінде, тыныс алу жолдары арқылы – алғашқы 15 сағат ішінде), екінші фаза – баяу шығарылуы. Препарат дозасының негізгі бөлігі метаболизм үдерістеріне қатысады.

Фармакодинамикасы

Ноотропты препарат. Холинергиялық нейрондарда жүйке импульстары берілісін жақсартады; нейрондық жарғақшалардың созылғыштығына және рецепторлар функциясына жағымды әсер етеді. Церебральді қан ағымын жақсартады, мида метаболиялық үдерістерді күшейтеді, мидың ретикулярлық формация құрылымын белсендіреді және мидың жарақаттық зақымдануында сананы қалыпқа келтіреді.

Фармаксон ацетилхолин синтезін арттыра отырып, холин көзі болып табылады және нейрондар жарғақшаларында құрылымдық (тірек) фосфолипидтері биосинтезін көтермелейді, бұл жарғақшалық механизмдер функциясының жақсаруына, оның ішінде иондық алмасу сорғылары мен модуляциясы нейроберілістің қажетті шарты болып табылатын оларға артылған рецепторлардың функция атқаруына ықпал етеді.

Фармаксон есте сақтаудың нашарлауы, эмоционалдық құбылмалылық, жігерсіздік, күнделікті әрекеттерді орындаудағы және өзіндік қызмет көрсетудегі қиындықтарды қоса, гипоксия және ми ишемиясы кезінде байқалатын симптомдарды жеңілдетеді.

Фармаксон шығу тегі дегенеративтік және қантамырлық когнитивтік, сезімтал және қимылдық неврологиялық бұзылыстарды емдеуде тиімді.

Қолданылуы

- инсульттің жедел кезеңінде

- ишемиялық және геморрагиялық инсульттің қалпына келу кезеңінде

- бассүйек-ми жарақатында, жедел және қалпына келу кезеңінде

- мидың дегенеративтік өзгерістері және қантамырлық бұзылулары туындатқан когнитивтік, сезімтал және қимылдық неврологиялық бұзылыстарда

Қолдану тәсілі және дозалары

Көктамыр ішіне және бұлшықет ішіне енгізуге арналған.

Көктамыр ішіне баяу көктамырішілік инъекция (5 минут бойы) немесе көктамырішілік тамшылатып құю (минутына 40-60 тамшы) түрінде тағайындайды.

Инсульт және бассүйек-ми жарақатының жедел кезеңінде емдеуді аурудың ауырлығына байланысты кейіннен күніне 1-2 инъекция (500 – 2000 мг) бұлшықет ішіне енгізуге немесе 45 – 90 күнге дейін курспен ішке қабылдауға ауыса отырып, екі апта бойы препаратты 1000 – 2000 мг дозада, күнделікті, көктамыр ішіне енгізуден бастайды. Препараттың дозасы мен емдеу курсы емдеуші дәрігердің ұсынымы бойынша өзгертілуі мүмкін.

Ампуламен жұмыс істеу тәртібі.

  • Бір ампуланы блоктан бөліп алып, оны мойнынан ұстап сілку керек (1 сурет).

  • Ампуланы қолмен қысып тұрып (бұл ретте препарат ақпауы тиіс) және бас тиегін айналдыра қозғап қайырып, ажыратып алу керек (2 сурет).

  • Пайда болған саңылау арқылы еккішті ампуламен дереу қосу керек (3 сурет).

  • Ампуланы төңкеріп және оның ішіндегісін еккішке баяу тартып алады (4 сурет).

  • Инені еккішке кигізу керек.

     

    1 сурет 2 сурет 3 сурет 4 сурет

Жағымсыз әсерлері

Өте сирек (< 1/10000)

- аллергиялық реакциялар, есекжем, экзантема, терінің күрең қызылға дейін боялып қызаруы, терінің қышынуы, ісінулер, анафилактикалық шок дамуы мүмкін

- бас ауыру, бас айналу, елестеулер, қозу, ұйқысыздық, температураның көтерілуі, ысыну сезімі, тремор

- диспноэ

- жүрек айну, құсу, диарея

- артериялық қысымның көтерілуі немесе қысқа мерзімді төмендеуі

Қолдануға болмайтын жағдайлар

- препарат компоненттеріне жоғары сезімталдық

- парасимпатикалық жүйке жүйесінің тонусы жоғары болатын жай-күй (ваготония)

Дәрілермен өзара әрекеттесуі

Цитиколин L-дигидроксифенилаланин әсерін күшейтеді.

Құрамында меклофеноксат бар дәрілік заттармен бір мезгілде тағайындамаған жөн.

Айрықша нұсқаулар

Бассүйекішілік қан құйылу жағдайында көктамыр ішіне тамшылатып, минутына 30 тамшы жылдамдықпен баяу енгізілуі қажет болатын 1000 мг тәуліктік дозаны арттыруға болмайды.

Ампуладағы ерітінді бір рет қолдануға арналған. Ол ампула ашқаннан кейін дереу пайдаланылуы тиіс.

Препарат көктамырішілік изотониялық ерітінділер мен декстроза ерітінділерінің барлық түрлерімен үйлесімді.

Педиатрияда қолданылуы

Препаратты балалар тәжірибесінде, егер күтілетін емдік пайдасы ықтимал қауіптен асып түсетін болғанда тағайындайды.

Жүктілік және лактация кезеңі

Препаратты жүктілік кезеңінде немесе лактация кезеңінде қолдану қаупіне дәлелдер келіп түспегенімен, егер күтілетін пайдасы ұрыққа және балаға төнетін қауіптен асып түсетін болса, препаратты тағайындайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Цитиколин көлік құралдарын немесе қауіптілігі зор механизмдерді басқару қабілетіне әсер етпейді.

Артық дозалануы

Симптомдары: препараттың жағымсыз әсерлерінің күшеюі.

Фармаксонды ұзақ тағайындау енгізу тәсіліне байланыссыз уытты әсерлермен қатар жүрмеген.

Емі: симптоматикалық.

Шығарылу түрі және қаптамасы

2 мл немесе 4 мл препараттан полиэтилен ампулаларда.

5 ампуладан медициналық қолдану жөніндегі мемлекеттік және орыс тіліндегі нұсқаулықпен бірге тұтынушылар ыдысына арналған картон қорапшаға салады.

Сақтау шарттары

Түпнұсқалық қаптамасында, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Дәріханалардан босатылу шарттары

Рецепт арқылы

Өндіруші

«НИКО» ЖШҚ, Украина, 86123, Донецк обл., Макеевка қ.,

Таёжная к-сі, 1-1.

Тiркеу куәлiгiнің иесi

«НИКО» ЖШҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Өтегенова Б.А.» ЖК, 010000, Астана қ., Рамазан к-сі, 33/9,

тел: + 7 701 707 61 81; электронды поштасы: b.utegenova_ip@mail.ru

 

Прикрепленные файлы

449504121477976320_ru.doc 163.5 кб
105153991477977563_kz.doc 164 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники