Урофурагин

МНН: Фуразидин
Производитель: Pharmaceutical Works Polfa in Pabianice Joint Stock Company
Анатомо-терапевтическо-химическая классификация: Производные нитрофурана
Номер регистрации в РК: № РК-ЛС-5№021437
Период регистрации: 09.06.2015 - 09.06.2020

Инструкция

Саудалық атауы

Урофурагин

Халықаралық патенттелмеген атауы

Жоқ

Дәрілік түрі

Таблеткалар, 50 мг

Құрамы

Бір таблетканың құрамында

белсенді зат - фурагин 50 мг,

қосымша заттар: жүгері крахмалы, сахароза, коллоидты кремнийдің қостотығы, стеарин қышқылы

Сипаттамасы

Дөңгелек пішінді сарғыш-қызыл сары түсті, екі жағы жалпақ беткейлі, бір бетінде сызығы бар, диаметрі 6.65-тен 7.35 мм-ге дейін болатын таблеткалар.

Фармакотерапиялық тобы

Жүйелі қолдануға арналған микробқа қарсы препараттар. Бактерияға қарсы басқа да препараттар. Нитрофуран туындылары. АТХ коды J01XE

Фармакологиялық қасиеттері

Фармакокинетикасы

Фурагин пероральді қабылдағаннан кейін өте жылдам сіңеді және қан сарысуындағы ең жоғары концентрациясына шамамен 0,5 сағаттан кейін жетеді. Препараттың сарысудағы концентрация қисығының курсы таралуының ашық біртекті моделін айғақтайды. Бұл концентрация емдік тұрғыдан аса маңызды және 4,2 мкг/мл жуықты құрайды. Нитрофуран туындыларының плазма ақуыздарымен байланысуын әртүрлі авторлар әрқалай анықтайды: 40-60%-дан 90-95% дейін. Бұл препарат бауырда және шеткергі тіндерде метаболизденеді.

Фурагин дозасының 13%-ға жуығы қабылдаудың бірінші күні ішінде өзгермеген түрде шығарылады. Балалар несебінен жиірек бөлінетін ішек таяқшаларының (E.coli) 81%-ға жуық патогендік штаммдары үшін фурагиннің несепте бақыланатын орташа концентрациясы ең төмен тежегіш концентрациясы (ТТК) диапазонында болады. Олар 0,45 мг/мл-ден 6,25 мг/мл-ге ауытқиды.

Фармакодинамикасы

Фурагин (нитрофурилоакрилидино-амино-гидантоин) нитрофуран туындылары болып табылады. Бұл топтың препараттары кейбір грамоң бактерияларды (Staphylococcus epidermidis, Staphylococcus aureus, Staphylococcus faecalis) және грамтеріс бактериялардың көптеген штаммдарын (Enterobacteriaceae: Salmonella, Shigella, Proteus, Klebsiella, Escherichia, Enterobacter) қоса, микроорганизмдердің кең ауқымына бактериостатикалық әсер етеді. Нитрофуран туындылары паразитке қарсы әсер етеді және зеңге қарсы тек аздаған ғана әсері бар. Көк іріңді таяқшаларға (Pseudomonas aeruginosa) және бацилл сәйкессіздік штаммдарының (Proteus vulgaris) көбіне әсер етпейді.

Фурагин ең күшті әсерін қышқыл ортада (рН 5,5) көрсетеді, сілтілік орта оның әсерін әлсіретеді. Фурагиннің күшті бактериостатикалық әсері нитро тобының хошиістендіргіш алмастырғышы болуына байланысты.

Нитрофуран туындылары бактериялық флавопротеиннің белсенді туындыларына жинақталады. Бұл туындылар одан кейін бактериялық рибосомдық ақуыздарға және жасушалық ақуыздар синтезіне, нуклеин қышқылдарына (ДНҚ және РНҚ), сондай-ақ жасушалық тыныс алу үдерісіне қажетті басқа да қосылыстарға трансформацияланады. Нитрофуран туындыларының және сульфаниламидтік антибиотиктеріне айқаспалы резистенттілік туындағаны бақыланбаған.

Қолданылуы

- жедел және созылмалы несеп шығару жолдарының (пиелонефрит, цистит, уретрит) және қуықасты (простатит) безінің жұқпаларында;

- несеп-жыныс жүйесінің операциядан кейінгі жұқпаларында (операциядан кейінгі пиелонефрит, цистит, простатит).

Қолдану тәсілі мен дозалары

Урофурагин таблеткаларын тамақтан кейін ішке, жеткілікті су мөлшерімен ішіп қабылдайды.

Ересектерге күніне 2-3 рет 100-200 мг тағайындайды. Емдеу курсы 7-10 күнді құрайды және аурудың ауырлығы мен бүйректің функционалдық жағдайына байланысты болады. Қажет болса, емдеу курсын 10-15 күннен кейін қайталайды.

6 жастан асқан балаларға: тәуліктік дозасын 3-4 реттік дозаларға бөле отырып, 7-8 күн бойы кг дене салмағына күніне 5-8 мг.

Жағымсыз әсерлері

Кейде

  • тәбеттің төмендеуі, жүрек айнуы;

  • құсу, диарея;

  • бас айналуы, ұйқышылдық, көрудің бұзылуы;

  • қызба.

Сирек

  • полиневропатия;

  • папулездік бөртпе, қышыну, есекжем, өтпелі алопеция.

Өте сирек

  • ентігу, тыныс алудың жиілеуі, қақырықпен немесе қақырықсыз жөтел;

  • панкреатит;

  • басқа да: дене температурасының жоғарылауы, әлсіздік, жедел немесе созылмалы өкпе реакциялары;

  • ангионевротикалық ісіну, эксфолиативті дерматит, Erythemamultiforme;

  • агранулоцитоз, тромбоцитопения, апластикалық анемия;

  • артралгия.

Жекелеген жағдайларда

  • холестаздық сарғаю, гепатит, бауыр функциясының бұзылуы

  • жүрек-қантамыр жүйесінің бұзылулары: бассүйекішілік гипертензияның жеңіл дәрежесі;

  • дене температурасының жоғарылауы, әлсіздік.

Жағымсыз әсерлері дамыған жағдайда дозасын азайту немесе препаратты қабылдауды тоқтату қажет. Егер препаратты тамақтан кейін мол су мөлшерімен ішіп қабылдаса, жағымсыз әсерлері азаяды.

Урофурагин несепті қоңыр түске бояуы мүмкін.

Қолдануға болмайтын жағдайлар

- нитрофуран туындыларына немесе оның компоненттерінің кез келгеніне жоғары сезімталдық

- бүйрек жеткіліксіздігі (креатинин клиренсі 60 мл/мин аз немесе креатининнің жоғары деңгейі)

- полиневропатия (соның ішінде диабеттік);

- глюкозо-6-фосфат тапшылығы

- жүктілік және лактация кезеңі

- 6 жасқа дейінгі балалық жас

Дәрілермен өзара әрекеттесуі

Фурагин налидикс қышқылының антагонисі болып табылады, ол оның бактериостатикалық әсеріне кедергі келтіреді. Фурагинмен бірге қабылданатын аминогликозидті антибиотиктер және тетрациклин бактерияларға қарсы әсерін күшейтеді. Хлорамфеникол және ристомицин фурагиннің гемоуытты әсерін ұлғайтады.

Пробенецид (үлкен дозаларда) және сульфинпиразон сияқты урикозуриялық дәрілер нитрофуран туындыларының өзекшелік секрециясын азайтады және фурагиннің уыттылығын ұлғайтып және несептегі концентрациясын бактериостатикалық ең аз концентрациядан төмен азайта отырып, тиісінше оның емдік әсерін нашарлатып, оның организмде жиналуын туындатуы мүмкін. Құрамында трисиликат магний бар антацидті препараттарды бірге қабылдағанда фурагин сіңуін азайтады.

Атропин нитрофуран туындыларының сіңуін іркеді, бірақ сіңген заттың жалпы мөлшері өзгермейді. В тобының витаминдерін бір мезгілде қабылдау нитрофуран туындыларының сіңуін ұлғайтады.

Нитрофуран туындыларын қабылдағанда несептегі глюкозаны Бенедикт және Фелинг ерітінділерін пайдаланып анықтағанда жалғаноң нәтижелер байқалды. Ферментативті әдістермен алынған несептегі глюкозаны анықтау нәтижесі дұрыс болды.

Айрықша нұсқаулар

Бүйрек функциясы бұзылған науқастарға, анемияда, В тобының витаминдері мен фолий қышқылы тапшылығында, өкпе ауруларында сақ болу керек (65 жастан асқан емделушілерде). Нитрофуранді ұзақ уақыт ішке қабылдағанда неврит дамуы мүмкін. Ұзақ уақыт емдеген жағдайда, әсіресе 65 жастан асқан емделушілерде өкпе мен бауыр функциясын бақылауда ұстау керек. Нитрофуранді қант диабеті бар науқастарға сақтықпен қолдану керек, өйткені препарат полиневропатияның дамуына ықпал етуі мүмкін.

Фурагинді қабылдап жүрген емделушілерді зертханалық несепте глюкозаның болуына зерттеулер, егер анықтау үшін мысты қалпына келтіру әдісі пайдаланылса, жалған оң реакция беруі мүмкін. Энзиматикалық әдіспен орындалған несептегі глюкозаны анықтау нәтижелеріне фурагин әсер етпейді. Нитрофуранды ұзақ уақыт қабылдаған жағдайда жағымсыз құбылыстарының дамуын болдырмас үшін, мезгіл-мезгіл қан лейкоциттерінің мөлшерін, сондай-ақ бауыр мен бүйрек функциясының көрсеткіштерін бақылап отыру керек.

Препарат құрамында сахароза бар. Сирек кездесетін тұқым қуалайтын фруктоза жақпаушылығы проблемалары, глюкозы-галактоза мальабсорбциясы немесе сукраза-изомальтаза тапшылығы бар емделушілерге қабылдау ұсынылмайды.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат бас айналуын және жүрек айнуын туындатуға ықпалды болғандықтан, ем барысында зейін шоғырландыруды және психомоторлы реакциялардың жоғары жылдамдығын қажет ететін қауіптілігі зор қызмет түрлерімен айналысудан аулақ болу керек.

Артық дозалануы

Симптомдары: бас ауыруы, бас айналуы, аллергиялық реакциялар, жүрек айнуы, құсу, анемия.

Емі: асқазанды шаю және көктамыр ішіне сұйықтық құю, қанға толық талдау жасау, бауырдың зертханалық талдауларын және өкпенің функциясына мониторинг жүргізу ұсынылады. Ауыр жағдайларда гемодиализ жүргізу керек.

Шығарылу түрі мен қаптамасы

30 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

1 пішінді қаптамадан мемлекеттік және орыс тілдеріндегі қолданылуы жөніндегі нұсқаулықпен бірге картон қорапшаға салынады.

Сақтау шарттары

250С-ден аспайтын температурада сақтау керек

Балалардың қолы жетпейтін жерде сақтау керек!

Сақтау мерзімі

3 жыл

Дәріханалардан босатылу шарттары

Рецепт арқылы

Өндіруші

Pharmaceutical Works Polfa in Pabianice Joint Stock Company

5, marsz. J. Piłsudskiego Str., 95-200 Pabianice, Польша

Тіркеу куәлігінің иесі

Adamed Consumer Healthcare S.A.

Pienków 149, 05-152, Czosnów, Польша

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Пабьяниц фармацевтикалық Польфа зауыты» АҚ ҚР-дағы өкілдігі 059000, Алматы қ., Абай к-сі,109В үй, «Глобус» бизнес-орталығы, 13 қабат, 13-2 кеңсе. Тел/факс: +7(727) 2776977. E-mail: info.kz@adamed.com.pl

 

Прикрепленные файлы

219824561477976493_ru.doc 86.5 кб
092848841477977660_kz.doc 64 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники