Туссикод

Туссикод

Бутамират

Шәрбат

1 мл шәрбаттың құрамында

Белсенді зат - бутамират цитраты 1.5 мг,

Қосымша заттар: кристалданбайтын сорбитол ерітіндісі, глицерин, бензой қышқылы, этил спирті 96%, натрий гидроксиді (20% ерітіндіcі), Ванилин РХ1496 хош иістендіргіші, натрий сахарині, тазартылған су.

Ванил иісі бар, түссізден бозғылт-сары түске дейінгі мөлдір ерітінді.

Респираторлық жүйе. Жөтел және суық тию аурулары кезінде қолданылатын препараттар. Жөтелге қарсы препараттар, қақырық түсіретіндермен біріктірілімдерін қоспағанда. Жөтелге қарсы басқа да препараттар. Бутамират.

АТХ коды R05DB13

Сіңуі:

Бутамират цитраты ішу арқылы қабылдағаннан кейін тез және толық сіңіріледі. Қандағы өлшенетін концентрациялар препаратты 22,5 мг, 45 мг, 67,5 мг және 90 мг дозаларда қолданғаннан кейін 5-10 минуттан соң анықталады. Плазмада С max дозалаудың барлық деңгейлеріне 1 сағат ішінде жетеді, бұл ретте 90 мг дозадағы орташа мәні 16,1 нг/мл құрайды. Тағамның сіңу процесіне әсері зерттелмеген.

Қандағы бутамират гидролизі екі белсенді метаболитке дейін жүреді: 2-фенилмай қышқылы және диэтиламиноэтоксиметанол. Қан плазмасындағы негізгі метаболиттің (2-фенилмай қышқылы) орташа концентрациясы 1,5 сағаттан кейін білінеді; бұл ретте ең үлкен мәні 90 мг дозада қабылдағаннан кейін байқалады және 3052 нг/мл құрайды. Плазмадағы диэтиламиноэтоксиметанолдың орташа концентрациясына 0,67 сағаттан кейін жетеді, бұл ретте ең көп мәні (160 нг/мл) препаратты 90 мг дозада қабылдағаннан кейін де байқалады.

Таралуы

Бутамираттың таралу көлемі 81-112 л/кг диапазонында болады.

Екі метаболит қан ақуыздарымен байланысады: 22,5-90 мг дозаларында 2–фенилмай қышқылы үшін бұл көрсеткіш 89,3% - 91,6%, диэтиламиноэтоксиметанол үшін 28,8% – 45,7% құрайды. Плацента мен емшек сүтіне бутамираттың енуі туралы деректер жоқ.

Метаболизмі:

Бутамират тез гидролизденеді, екі метаболит де (2-фенилмай қышқылы және диэтиламиноэтоксиметанол) жөтелге қарсы белсенділікке ие. 2-фенилмай қышқылы кейіннен пара- жағдайында гидроксилдену арқылы ішінара метаболизденеді. Адамға қатысты спирттік метаболит туралы деректер жоқ.

Шығарылуы:

Барлық үш метаболит көбінесе глюкурон қышқылы бар конъюгат түрінде несеппен шығарылады. 2-фенилмай қышқылы конъюгатының несеп деңгейі қан плазмасына қарағанда жоғары. Несепте бутамират 48 сағат ішінде анықталады. 96 сағат ішінде сынамаларды алу кезінде несеппен бөлінетін бутамират мөлшері, тиісінше 22,5 мг, 45 мг, 67,5 мг және 90 мг қабылдаған кезде, дозаның шамамен 0,02; 0,02; 0,03 және 0,03% құрайды.

Бутамираттың қабылданған дозасының едәуір бөлігі бутамиратпен немесе конъюгацияланбаған 2-фенилмай қышқылымен салыстырғанда диэтиламиноэтоксиметанол метаболиті түрінде несеппен шығарылады.

Т½ орташа мәндері: бутамират үшін 1,48-1,93 сағат, 2-фенилмай қышқылы үшін 23,26-24,42 сағат, диэтиламиноэтоксиметанол үшін 2,72-2,90 сағат.

Бүйрек немесе бауыр функциясы бұзылған кезде бутамираттың фармакокинетикалық параметрлері өзгеретіні белгісіз.

Фармакодинамикасы

Бутамират цитраты жөтелге қарсы дәрі болып табылады. Апиын алкалоидтеріне химиялық тұрғыдан да, фармакологиялық жағынан да жатпайды. Ол ОЖЖ-да жөтел орталығын тежейді деп саналады. Нақты әсер ету механизмі белгісіз. Жөтелге қарсы әсерімен қоса тыныс алу жолдары кедергісінің азаю үрдісі анықталған, ол спирометрия көрсеткіштерінің аздап жақсаруынан көрінеді.

Этиологиясы әртүрлі жөтелді симптоматикалық емдеу.

Ішке, тамақтың алдында.

ТУССИКОД шәрбаты ересектер мен 3 жастан асқан балаларға арналған.

3-тен 6 жасқа дейінгі балалар: 5 мл-ден күніне 3 рет.

6-дан 12 жасқа дейінгі балалар: 10 мл-ден күніне 3 рет.

12 жастан және одан асқан балалар: 15 мл-ден күніне 3 рет.

Ересектер: 15 мл-ден күніне 4 рет.

Өлшейтін қалпақшаны пайдалану керек.

Жөтел 7 күннен артық сақталған жағдайда диагнозды верификациялау керек.

Жағымсыз әсерлердің пайда болу жиілігі мынадай сызба бойынша бағаланады: өте жиі (≥1/10); жиі (≥1/100-ден <1/10-ға дейін); жиі емес (≥1/1000-ден <1/100-ға дейін); сирек (≥1/10000-ден <1/1000-ға дейін); өте сирек (<1/10000).

Жүйке жүйесі тарапынан: сирек - ұйқышылдық, бас айналу.

Асқазан-ішек жолы тарапынан: сирек - жүрек айнуы, диарея.

Тері және тері асты шелі тарапынан: сирек - есекжем.

Иммун жүйесі тарапынан: жиілігі белгісіз – аса жоғары сезімталдық реакциялары.

- бутамиратқа немесе қосымша компоненттердің кез келгеніне жоғары сезімталдық;

- жүктіліктің 1 триместрі

- тұқым қуалайтын фруктоза жақпаушылығы

- лактация кезеңі

- 3 жасқа дейінгі балалар.

Бутамираттың қандай да бір дәрілермен өзара әрекеттесуі сипатталмаған. Алайда, препараттың болжамды әсер ету механизмін ескере отырып, ОЖЖ бәсеңдететін дәрілік заттардың, оның ішінде құрамында этанол бар дәрілер әсерінің күшеюін жоққа шығаруға болмайды. Қақырық түсіретін және муколитикалық дәрілермен, сондай-ақ құрамында этил спирті бар дәрілік заттармен бір мезгілде қолданудан тартынған жөн.

Жөтел рефлексінің тежелуіне байланысты тыныс алу жолдарында шырыштың іркілуін болдырмау үшін қақырық түсіретін дәрілермен бірге ТУССИКОД препаратын бір мезгілде қолданудан аулақ болу керек, бұл бронх түйілуі мен тыныс алу жолдары инфекцияларының даму қаупін арттырады.

Шәрбат құрамында тәттілендіргіш ретінде қант және сорбитол бар, сондықтан қант диабеті бар пациенттерге тағайындалуы мүмкін.

Шәрбатының құрамында сорбитол болуына байланысты ТУССИКОД препаратын фруктоза жақпаушылығымен байланысты тұқым қуалайтын бұзылулары бар пациенттер қабылдауға болмайды.

Препараттың құрамына 96% этил спиртінің аз мөлшері (12,5 мг/5 мл) кіреді.

Препараттың құрамында этил спиртінің болуына байланысты балаларда, бауыр, эпилепсия, бассүйек-ми жарақаты және мидың басқа да аурулары бар пациенттерде сақтықпен қолдану керек.

Балаларда қолдану

Препарат 3 жасқа дейінгі балаларға тағайындалмайды.

Жүктілік және лактация кезеңі

Жүктіліктің I триместрінде қолдануға болмайды; II және III триместрде тікелей көрсетілімдер болған кезде дәрігермен кеңескеннен кейін ғана болуы мүмкін.

Бутамираттың емшек сүтіне енуі туралы деректер жоқ. Осыған байланысты жүктілік кезінде және емшекпен емізу кезеңінде ТУССИКОД препаратын қолдану ұсынылмайды.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

ТУССИКОД ұйқышылдық пен бас айналуын туындатуы және зейін қою мен психомоторлық реакциялар жылдамдығын талап ететін жұмыстарды орындауға теріс әсер етуі мүмкін.

Симптомдары: ұйқышылдық, бас айналуы, жүрек айнуы, құсу, диарея, артериялық қысымның төмендеуі.

Емі: асқазанды шаю, белсендірілген көмір қабылдау, қажет болғанда –организмнің өмірлік маңызды функцияларын демеу.

Шығарылу түрі және қаптамасы

150 мл дәрілік препараттан бұрандалы полимер қалпақшалармен тығындалған, полиэтилентерефталаттан жасалған пластмасса құтыда.

Әрбір құты дозалайтын стақанмен және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

25оС-ден аспайтын температурада сақтау керек.

Балалардың қолы жетпейтін жерде сақтау керек!

2 жыл. Жарамдылық мерзімі қаптамада көрсетілген.

Жарамдылық мерзімі өткеннен кейін қолдануға болмайды

Құтыны ашқаннан кейін сақтау мерзімі 6 ай.

Рецептісіз.

Өндіруші

«Фармтехнология» ЖШҚ, Беларусь Республикасы, 220024 Минск қ., Корженевский к-сі, 22.

тел./факс +375 17 309 44 88, е-mail: ft@ft.by

Сайт: www.ft.by

Тіркеу куәлігінің ұстаушысы

«Фармтехнология» ЖШҚ, Беларусь Республикасы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ЖК Жолдыбалина Д.М.

050031, Алматы қ. «Ақсай-2» ықшам ауданы 62-үй 28-пәтер

Телефон +77055074498

Электронды пошта: a.m.dinara@mail.ru