Тубертам

• русский
• қазақша

• Скачать инструкцию медикамента

Саудалық атауы

Тубертам

Халықаралық патенттелмеген атауы

Этамбутол

Дәрілік түрі

Инъекцияға арналған 500 мг/3 мл ерітінді

Құрамы

Бір ампуланың ішінде

белсенді зат - 500мг этамбутол дигидрохлориді,

қосымша зат – инъекцияға арналған су.

Сипаттамасы

Мөлдір түссіз ерітінді

Фармакотерапиялық тобы

Туберкулезді емдеуге арналған дәрі. Туберкулезді емдеуге арналған басқа дәрілер.

АТЖ коды J04AK02

Фармакологиялық қасиеттер

Фармакокинетикасы

Көктамыр ішіне (к/і) енгізгенде препараттың әсері бірден басталады. Этамбутолдың қандағы ең жоғарғы концентрациясы енгізгеннен кейін бірден анықталады және 2-4 сағат бойы сақталады. Қан плазмасы ақуыздарымен байланысуы 20-30%-ды құрайды.

Тіндер мен мүшелерге, сондай-ақ, асциттік және плевралықты қоспағанда, биологиялық сұйықтықтарға жақсы өтеді. Туберкулездік менингитте жұлын сұйықтығында анықталады. Көбірек концентрацияларын бүйректен, өкпеден, сілекейден, несептен анықтайды. Емшек сүтіне өтеді. Зақымданбаған гематоэнцефалдық бөгет арқылы өтпейді. Белсенді емес метаболиттер түзе отырып, ішінара бауырда (15%) метаболизденеді. Ағзадан жартылай шығарылу кезеңі шамамен 6 сағатты, ал бүйрек қызметі бұзылғанда – 8 сағатты құрайды. Несеппен (80-90%, оның 50%-ы – өзгеріссіз күйде, 15% - белсенді емес метаболиттер түрінде) және нәжіспен (10-20% өзгеріссіз күйде) шығарылады. Гемодиализ және перитонеальді диализ кезінде шығарылады.

Фармакодинамикасы

Тубертам – туберкулезге қарсы, бактерияға қарсы, бактериостатикалық дәрі. Препараттың әсер етуші заты – этамбутол дигидрохлориді бактериялық жасушаның ішіне тез өтеді, рибосомалар құрылымын, РНҚ мен ақуыз синтезін, липидтік алмасуды бұзады, магний мен мыс иондарын байланыстырады.

Микобактериялардың жасуша жақтауларының синтезіне қатысатын ферменттерді тежейді. Тек қарқынды бөлінетін, жасуша сыртында және ішінде орналасқан микобактерияларға ғана әсер етеді (жасушаішілік концентрациялары жасушасыртылығынан екі есе артық).

Препарат Mycobacterium tuberculosis-ке қатысты тиімді (МПК1-2мкг/мл), I, II, III санаттар бойынша науқастарды емдеу сызбасына кіреді. Сондай-ақ Myсobaсterium kansasii (МПК 16 мкг/мл), Myсobaсterium avium (МПК 31,2мкг/мл), Мycobacterium xenopi-ге қатысты тиімді.

Этамбутолға бастапқы төзімділігінде 1% қоздырғыш бар.

Препарат туберкулезге қарсы басқа препараттарға резистенттілікті тежейді; айқаспалы төзімділік байқалмайды.

Қан сарысуындағы несеп қышқылының деңгейінен асып түсуі мүмкін.

Қолданылуы

- туберкулездің барлық түрлерін емдеудің қарқынды фазасы кезінде біріктірілген емде

Қолдану тәсілі мен дозалары

Көктамыр ішіне және бұлшықет ішіне енгізу үшін.

Дозаларын дәрігер науқастың дене салмағын есептей отырып, жекелей белгілейді.

Этамбутолдың тәуліктік дозасы 30 – 39 кг салмақта: 600 мг, 40-54 кг: 800 мг; 55 – 70 кг: 1200 мг және ˃ 70 кг: 1600 мг, қарқынды фазада да, демеуші фазада да. Тубертамды көбінесе қарқынды фазада пайдалану талапқа сәйкес келеді; жетіспеген дозасының орнын препаратты таблетка түрінде қабылдаумен толтыруға болады.

Бұлшықет ішіне енгізгенде:

Ересектерге – дене салмағына күніне 1-2 қабылдауға 15-25 мг/кг

13 жастан асқан балаларға – дене салмағына 15-20 мг/кг

Көктамыр ішіне енгізгенде:

Препарат дене салмағына 25 мг/кг дозаларда енгізіледі. Дозасы дене салмағына 15 мг/кг-ге дейін азайтылуы мүмкін, сосын ішу арқылы қабылдауға көшеді.

Көктамырішілік инфузияға арналған ерітінді дайындау

Бір немесе бірнеше ампуланың ішіндегісін 500 мл физиологиялық ерітіндіде немесе 5% глюкоза ерітіндісінде сұйылтады.

Жағымсыз әсерлері

- депрессия, бас айналуы, бас ауыруы, кеңістіктегі бағдарсыздық, елестеулер, шеткергі невриттер мен полинейропатиялар, ретробульбарлық неврит, көру жүйкесінің атрофиясы; көру жітілігінің нашарлауы, рефракциялар мен жарықты сезіну (негізінен жасыл және қызыл түсті), орталық және шеткергі көру өрісінің тарылуы. Бұзылулар қайтымды сипатта болады, алайда емдеу уақытында тоқтатылмаса, соқырлық басталуы мүмкін

- диспепсиялық құбылыстар (жүрек айнуы, құсу, диарея), іштің ауыруы, бауыр қызметінің бұзылуы

- аллергиялық реакциялар: тері бөртпесі, қышыма

Басқа да: лейкопения, гиперурикемия, подаграның өршуі (ұстама), артралгия.

Қолдануға болмайтын жағдайлар

- этамбутолға жоғары сезімталдықта

- көру жүйкесінің невритінде

- катарактада

- көздің қабынбалы ауруларында

- диабеттік ретинопатияда

- подаграда

- бүйрек қызметі бұзылғанда

- жүктілікте

- 13 жасқа дейінгі балаларда

Дәрілермен өзара әрекеттесуі

Этамбутол туберкулезге қарсы дәрілердің әсері мен аминогликозидтердің, аспарагиназаның, карбамазепиннің, ципрофлоксациннің, имипенемнің, литий тұздарының, метотрексаттың, хининнің нейроуыттылығын күшейтеді.

Олардың фармакологиялық антагонизмі болғандықтан, этионамидпен бір мезгілде қолдану ұсынылмайды.

Құрамында алюминий гидроксиді бар антацидтер этамбутолдың сіңуін азайтады.

Нейроуытты әсер беретін дәрілік заттармен бір мезгілде қабылдау көру жүйкесі невритінің, шеткергі неврит пен жүйке жүйесінің басқа зақымдануларының даму қапін арттырады.

Айрықша нұсқаулар

Жүктілік пен лактация кезеңі

Этамбутол плацентарлық бөгет арқылы енеді, емшек сүтімен бөлініп шығады.

Емшек сүтімен қолдану қарсы көрсетілімді, өйткені этамбутол тератогендік әсер беруі мүмкін.

Емдеу кезінде бала емізуді тоқтата тұрған жөн.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Тубертамды қолданғанда жоғары назар аудару мен психомоторлық реакциялар жылдамдығын талап ететін қауіптілігі зор қызмет түрлерімен шұғылданбаған дұрыс.

Артық дозаланғанда

Белгілері: препараттың жағымсыз әсерлерінің күшеюі.

Емі: препаратты тоқтату, белгілеріне қарай емдеу. Арнайы у қайтарғысы жоқ, сондықтан әдетте демеуші ем жүргізіледі.

Шығарылу түрі мен қаптамасы

Янтарь түсті шыны ампулаларда 3 мл препараттан.

5 ампуладан пішінді ұяшықты қаптамаға салынған.

2 пішінді ұяшықты қаптамадан мемлекеттік және орыс тілдеріндегі медицинада қолданылуы жөніндегі нұсқаулықпен бірге картоннан жасалған қорапқа салынған.

Сақтау шарттары

25°С-ден аспайтын температурада сақтау керек

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецепт арқылы

Өндіруші

Тубертам «РОТАФАРМ» компаниясының өнімі мен тауарлық белгісі болып табылады, Ұлыбритания (“ROTAPHARM”,Great Britain).

Өндіруші: «Векки и К.ПИАМ с.а.п.а.»,ул.Падре Г.Семериа,5,16131 Генуя, Италия (“Vecchi &C.PIAM s.a.p.a.”,Via Padre G.Semeria,5,16131 Genova,Italy

Тіркеу куәлігінің иесі

«РОТАФАРМ», Ұлыбритания

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

ҚР, Алматы қ-сы, Сүйінбай к-сі 222 Б

Тел/факс: 8(7272)529090