Трихопол (500 мг) (Metronidazole)

• русский
• қазақша

• Скачать инструкцию медикамента

Саудалық атауы

Трихопол

Халықаралық патенттелмеген атауы

Метронидазол

Дәрілік түрі

500 мг қынаптық таблеткалар

Құрамы

Бір таблетканың құрамында

белсенді зат: 500 мг метронидазол,

қосымша заттар: микрокристалды целлюлоза, повидон, кросповидон, коллоидты кремнийдің қостотығы, стеарин қышқылы.

Сипаттамасы

Екі беті дөңес, сопақша пішінді, ақ немесе ақшыл-сары түсті таблеткалар.

Фармакотерапиялық тобы

Гинекологиялық ауруларды емдеуге арналған антисептиктер және микробтарға қарсы препараттар. Имидазолдың туындылары.

ATЖ коды G01 AF01

Фармакологиялық қасиеттері

Фармакокинетикасы

Метронидазол таблетка түрінде қынап ішіне енгізгенде жақсы сіңеді. Метронидазол организмнің көптеген тіндері мен сұйықтықтарына таралады. Сондай-ақ метронидазол плацентарлық бөгет арқылы және емшек сүтіне өтеді.

Ересектерде биологиялық жартылай ыдырау кезеңі бүйрек пен бауыр қызметі дұрыс ересектерде 6-8 сағатты құрайды. Бауыр қызметі бұзылған емделушілерде метронидазолдың жартылай ыдырау кезеңі ұзаруы мүмкін. Метронидазол бауырда метаболизденеді. Метронидазол мен оның метаболиттері негізінен несеппен шығарылады. Бүйрек арқылы 40 - 70% (20%-ға жуығы өзгермеген түрде) шығарылады. Препаратты организмнен гемодиализ арқылы шығарып тастауға болады.

Фармакодинамикасы

Трихопол – микробтарға қарсы препарат, нитро-5-имидазолдарға жатады және бактерицидтік типті әсері бар ДНҚ-тропты препарат болып табылады.

Метронидазолдың әсер ету механизмі анаэробты микроорганизмдер мен қарапайымдылар жасушаішілік тасымалдаушы протеиндерімен метронидазол 5-нитротобының биохимиялық қалпына келтірілуінде болып саналады. Қалпына келтірілген метронидазолдың 5-нитротобы микроорганизмдердің өлуіне әкелетін олардың нуклеин қышқылдары синтезін тежей отырып, микроорганизмдердің ДНҚ жасушаларымен өзара әрекеттеседі.

Метронидазол әсер ету ауқымы кең микробтарға қарсы және протозойға қарсы дәрі болып табылады. Препарат мыналарға: Trichomonas vaginalis, Giardia intestinalis, Entamoeba histolytica, Lamblia intestinalis, Balantidium coli, Blastocystis hominis, Helicobacter pylori; облигатты анаэробтар және (споро- және споро түзбейтін) - Bacteroides spp. (В. fragilis, В. ovatus, В. distasonis, В. thetaiotaomicron, В. vulgatus), Fusobacterium spp.,Clostridium spp., Peptostreptococcus spp., Peptococcus spp, сезімтал штаммдар Eubacterium) қатысты жоғары белсенділігін байқатады.

Метронидазол факультативті анаэробты Gardnerella vaginalis бактерияларына қарсы белсенді.

Қолданылуы

- трихомонадты және спецификалық емес вагинитте

- бактериялық вагинозда

- кешенді ем құрамында кіші жамбас астауы мүшелерінің қабыну ауруларын (эндометрит, пельвиоперитонит, сальпингит, тубовариальді абсцесс) кешенді емдеуде

Қолдану тәсілі және дозалары

Тәулігіне бір қынаптық таблетка 7-10 күн бойы.

Метронидазолмен емдеу 10 күннен аспауы және жылына 2-3 реттен жиі қайталанбауы тиіс. Таблетканы пішінді қаптамадан қайшының көмегімен (таблетканың пішіні бойымен үлбірді кесу керек) босатып алып, таблетканы суытылған қайнаған сумен дымқылдауға болады және оны қынапқа тереңдете енгізу керек.

Жағымсыз әсерлері

- қынаптың қышуы, ашуы, ауыруы және тітіркенуі; қынаптан қою, ақ шырышты бөлінудің болуы (иіссіз немесе әлсіз иісімен), несеп шығарудың жиілеуі, препаратты тоқтатқаннан кейінгі – қынап кандидозының дамуы

- жыныстық жұптасының жыныс мүшесінде ашыту немесе тітіркенуді сезінуі

- жүрек айну, дәм сезінудің өзгеруі, ауыздың темір татуы, ауыздың құрғауы, тәбеттің төмендеуі, құрсақ қуысының спастикалық ауыруы, жүрек айну, құсу, іш қату немесе диарея

- аллергиялық реакциялар: тері жабындарының бөртуі, қышуы, бөртпе

- бас ауыру, бас айналу

- лейкопения немесе лейкоцитоз

Сирек

- метронидазол метаболизмі нәтижесінде түзілетін суда еритін пигмент қатысуы салдарынан несептің қызыл-қоңыр түске боялуы

Қолдануға болмайтын жағдайлар

- метронидазолға немесе нитроимидазолдың басқа туындыларына жоғары сезімталдық

- қан аурулары, лейкопения (оның ішінде сыртартқыдағы)

- қимыл-қозғалыс үйлесімінің бұзылуы, ОЖЖ-нің органикалық зақымдалуы (оның ішінде эпилепсия)

- бауыр жеткліксіздігі (үлкен дозалар тағайындалған жағдайда)

- жүктіліктің 1 триместрі

Дәрілермен өзара әрекеттесуі

Сульфаниламидтермен және антибиотиктермен үйлесімді. Метронидазолмен емдеген кезде алкоголь қабылдаудан аулақ болған жөн (дисульфирамға ұқсап, алкогольді көтере алмаушылықты туындатады). Метронидазолды дисульфираммен біріктірмеген дұрыс, өйткені бұл препараттар өзара әрекеттесуі кезінде сананың бәсеңдеуі, психикалық бұзылулардың дамуы мүмкін.

Варфарин және басқа тікелей емес антикоагулянттармен бір мезгілде қолданғанда метронидазол олардың әсерін күшейтіп, ол өз кезегінде протромбин уақытының ұзаруына әкеледі. Поляризацияланбайтын миорелаксанттармен (векуроний) қосып қолдану ұсынылмайды.

Барбитураттардың әсерімен метронидазолдың тиімділігі төмендеуі мүмкін, өйткені оның бауырдағы белсенділігінің жойылуы жылдамдайды. Циметидин метронидазолдың метаболизмін бәсеңдетеді, бұл қан сарысуында оның концентрациясының жоғарылауына және жағымсыз реакциялар даму қаупінің артуына әкелуі мүмкін.

Литий препараттарымен бір мезгілде қабылдағанда соңғысының плазмадағы концентрациясы жоғарылау мүмкіндігі бар.

Айрықша нұсқаулар

Трихомониаз жағдайында ауру көрінісінің бар-жоғына қарамастан препаратпен жыныстық жұптасын бір мезгілде емдеу ұсынылады.

Препаратпен емдеу барысында жыныстық қатынас жасауды тоқтата тұру ұсынылады.

Метронидазолмен емдеу 10 күннен аспауы және жылына 2-3 реттен жиі қайталанбауы тиіс.

Сыртартқысында шеткергі қанның құрамында өзгеріс болғаны көрсетілген жағдайда, сондай-ақ препаратты жоғары дозаларда пайдаланғанда және/немесе оны ұзақ уақыт қабылдағанда, қанның жалпы тексерілуін бақылау қажет.

Метронидазол трепонемдерді орнықтыруы (иммобилизациялауы) мүмкін, бұл TPI тестінің (Нельсон тестіне) жалған оң болуына әкеледі.

Жүктілік және лактация

Препаратты жүктіліктің II триместрінен бастап сақтықпен қабылдайды.

Метронидазол емшек сүтіне өтеді. Препаратты қабылдау кезінде емшек емізу тоқтатылуы тиіс. Емшек емізуді препаратты қабылдап болған соң кем дегенде 48 сағаттан ерте бастамау керек.

Көлік құралдарын немесе қозғалыстағы механизмдерді басқару қабілетіне әсер етуі

Препарат бас ауруы мен бастың айналуын тудыруы мүмкін, бұл көлік құралын жүргізу мен қозғалыстағы механизмдерге қызмет көрсетуге теріс әсерін тигізуі мүмкін.

Артық дозалануы

Симптомдары - жағымсыз әсерлері симптомдарының күшеюі

Емі - симтоматикалық

Шығарылу түрі және қаптамасы

10 таблеткадан ПВХ үлбірі мен алюминий фольгадан жасалған пішінді ұяшықты қаптамаға салынған.

1 пішінді ұяшықты қаптамадан мемлекеттік және орыс тілдеріндегі қолданылуы жөніндегі нұсқаулықпен бірге қораптық картон пәшкеге салынады.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецепт арқылы

Өндіруші

«Польфарма» АҚ фармацевтикалық зауыты

Пельплиньска к-сі 19, 83-200 Старогард Гданьски, Польша

Тіркеу куәлігінің иесі

«Химфарм» АҚ, Қазақстан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Химфарм» АҚ, Шымкент қ., ҚАЗАҚСТАН РЕСПУБЛИКАСЫ,

Рашидов к-сі, н/ж, т/ф: 560882

Телефон нөмірі 7252 (561342)

Факс нөмірі 7252 (561342)

Электронды поштасы standart@santo.kz