Трипликсам® (10мг/2,5мг/10мг)

МНН: Амлодипин, Индапамид, Периндоприл
Производитель: Сервье (Ирландия) Индастриз Лтд
Анатомо-терапевтическо-химическая классификация: АКФ ингибиторы, другие комбинации. Периндоприл, амлодипин и индапамид
Номер регистрации в РК: № РК-ЛС-5№021563
Период регистрации: 14.08.2015 - 14.08.2020

Инструкция

Саудалық атауы

Трипликсам®

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар, 2.5 мг/0.625 мг/5 мг; 5 мг/1.25 мг/5 мг; 5 мг/1.25 мг/10 мг; 10 мг/2.5 мг/5 мг және 10 мг/2.5 мг/10 мг

Құрамы

Бір таблетканың құрамында

белсенді зат –

2.5 мг/0.625 мг/5 мг таблеткалар: 2,5 мг аргинин периндоприлі (1,69755 мг периндоприлге баламалы), 0,625 мг индапамид, 6.935 мг амлодипин бесилаты (5.0 мг амлодипинге баламалы)

5 мг/1.25 мг/5 мг таблеткалар: 5,0 мг аргинин периндоприлі (3,395 мг периндоприлге балмалы), 1,25 мг индапамид, 6.935 мг амлодипин бесилаты (5.0 мг амлодипинге баламалы)

5 мг/1.25 мг/10 мг таблеткалар: 5,0 мг аргинин периндоприлі (3,395 мг периндоприлге баламалы), 1,25 мг индапамид, 13,87 мг амлодипин бесилаты (10.0 амлодипинге баламалы)

10 мг/2.5 мг/5 мг таблеткалар: 10,0 мг аргинин периндоприлі (6,79 мг периндоприлге балмалы), 2,5 мг индапамид, 6,935 мг амлодипин бесилаты (5.0 мг амлодипинге баламалы)

10 мг/2.5 мг/10 мг таблеткалар: 10,0 мг аргинин периндоприлі (6,79 мг периндоприлге баламалы), 2,5 мг индапамид, 13,87 мг амлодипин бесилаты (10.0 мг амлодипинге баламалы)

қосымша заттар: кальций карбонаты, микрокристалды целлюлоза, натрий кроскармеллозасы, магний стеараты, сусыз коллоидты кремнийдің қостотығы, желатинденген крахмал

қабығы: глицерин, гипромеллоза, макрогол 6000, магний стеараты, титанның қостотығы (Е 171), тазартылған су

Сипаттамасы

Таблетканың бір жақ бетінде және екінші жақ бетінде символы басылып жазылған ақ түсті үлбірлі қабықпен қапталған сопақша пішінді таблеткалар (2.5 мг/0.625 мг/5 мг доза үшін);

Таблетканың бір жақ бетінде және екінші жақ бетінде символы басылып жазылған ақ түсті үлбірлі қабықпен қапталған сопақша пішінді таблеткалар (5 мг/1.25 мг/5 мг доза үшін);

Таблетканың бір жақ бетінде және екінші жақ бетінде символы басылып жазылған ақ түсті үлбірлі қабықпен қапталған сопақша пішінді таблеткалар (5 мг/1.25 мг/10 мг доза үшін);

Таблетканың бір жақ бетінде және екінші жақ бетінде символы басылып жазылған ақ түсті үлбірлі қабықпен қапталған сопақша пішінді таблеткалар (10 мг/2.5 мг/5 мг доза үшін);

Таблетканың бір жақ бетінде және екінші жақ бетінде символы басылып жазылған ақ түсті үлбірлі қабықпен қапталған сопақша пішінді таблеткалар (10 мг/2.5 мг/10 мг доза үшін);

Фармакотерапиялық тобы

Ренин-ангиотензин жүйесіне әсер ететін препараттар. АКФ тежегіштері басқа да препараттармен біріктірілімде. АКФ тежегіштер, басқа да біріктірілімдер. Периндоприл, амлодипин және индапамид

АТХ коды C09BX01

Фармакологиялық қасиеттері

Фармакокинетикасы

Периндоприл/индапамид және амлодипинді үйлестіре қолдану оларды жеке дара пайдаланумен салыстырғанда фармакокинетикалық қасиеттеріне әсер етпейді.

Периндоприл:

Сіңірілуі және биожетімділігі

Ішу арқылы қабылдағаннан кейін периндоприлдің сіңуі тез жүреді және ең жоғары концентрациясына 1 сағат ішінде жетеді (периндоприл ізашар дәрі, ал периндоприлат – белсенді метаболит болып табылады). Периндоприлдің плазмадағы жартылай ыдырау кезеңі 1 сағатты құрайды. Ас қабылдау периндоприлатқа айналуын және биожетімділігін төмендетеді, осылайша периндоприл аргининін тәулігіне бір рет таңертең тамаққа дейін ішу арқылы қабылдау керек.

Таралуы

Байланыспаған периндоприлаттың таралу көлемі шамамен 0,2 л/кг құрайды. Периндоприлат үшін плазма ақуыздарымен, негізінен ангиотензин-өзгертуші ферментпен байланысу 20% құрайды, бірақ концентрацияға тәуелді.

Биотрансформациясы

Периндоприл ізашар дәрі болып табылады. Периндоприлдің қабылданған дозасының жиырма жеті пайызы периндоприлаттың белсенді метаболиті түрінде қан ағынына жетеді. Белсенді периндоприлатқа қосымша периндоприл бес метаболит өндіреді, олардың бәрі белсенді емес. Периндоприлат плазмадағы шыңдық концентрациясына 3-4 сағат ішінде жетеді.

Шығарылуы

Периндоприлат несеппен шығарылады, және байланыспаған фракциясының түпкілікті жартылай шығарылу кезеңі шамамен 17 сағатты құрайды, бұл 4 күн ішінде тұрақты жай-күйге жетуге әкеледі.

Дозаға байланыстылығы/дозаға байланысты болмауы

Периндоприл дозасы мен оның плазмадағы экспозициясы арасында дозаға байланысты өзара қарым қатынасы бары көрсетілді.

Пациенттердің ерекше санаттары

Егде жастағы адамдар

Егде адамдарда, сондай-ақ жүрек немесе бүйрек жеткіліксіздігі бар пациенттерде периндоприлат шығарылуы төмендеген.

Бүйрек функциясы бұзылуы бар пациенттер:

Бүйрек жеткіліксіздігінде дұрысы бұзылу дәрежесіне қарай доза түзету керек

(креатинин клиренсі).

Диализ жағдайында: периндоприлат клиренсі 70 мл/мин тең.

Циррозы бар пациенттерде:

Периндоприл фармакокинетикасы өзгерген, бастапқы молекуланың бауыр клиренсі жартылай төмендеген. Дегенмен өндірілген периндоприлат мөлшері төмендемейді, және осылайша доза түзету міндетті емес.

Индапамид:

Сіңірілуі

Индапамид ас қорыту жолдарынан жылдам және толық сіңіріледі.

Адамдардағы плазмадағы шыңдық концентрациясына шамамен өнімді ішу арқылы қабылдағаннан кейін бір сағаттан кейін қол жетеді

Таралуы

Плазма ақуыздарымен байланысуы 79% құрайды.

Метаболизм және шығарылуы

Жартылай шығарылу кезеңі 14 сағаттан 24 сағатқа дейінді құрайды (18 сағатқа жуық). Қайтадан қабылдау жинақталуға әкелмейді.

Шығарылуы негізінен несеп (70% доза) және нәжіс (22%) арқылы белсенді емес жүреді.

Пациенттердің ерекше санаттары

Бүйрек жеткіліксіздігі бар пациенттерде фармакокинетика өзгермеген.

Амлодипин:

Сіңірілуі және биожетімділігі

Ішу арқылы қабылданатын емдік дозаларын қабылдағаннан кейін амлодипин жақсы сіңеді және қандағы шыңдық деңгейіне 6-12 сағаттан кейін жетеді. Абсолютті биожетімділігі 64-80% құрайды.

Амлодипиннің биожетімділігі тамақ ішуге байланыссыз.

Таралуы

Таралу көлемі шамамен 21 л/кг құрайды. In vitro зерттеулерінде айналымдағы амлодипиннің шамамен 97,5% плазма ақуыздарымен байланысатынын көрсетті.

Метаболизмі

Амлодипин бауырда бастапқы заттың 10% және 60% метаболиттердің несепте бөлінуімен белсенді емес метаболиттерге қарқынды метаболизденеді.

Шығарылуы

Плазмадан жартылай шығарылуының соңғы кезеңі шамамен 35-50 сағат құрайды және тәулігіне бір рет дозалауға сәйкес.

Пациенттердің ерекше санаттары

Егде жастағы адамдарда қолданылуы: амлодипиннің плазмадағы шыңдық концентрациясына жеткенге дейінгі уақыты егде мен жас адамдардағыға ұқсас. Амлодипин клиренсінің төмендеу үрдісі бар, бұл егде пациенттерде ҚАА және жартылай шығарылуының жоғарылауына әкеледі.

Іркілісті жүрек жеткіліксіздігі бар пациенттерде ҚАА және жартылай шығарылу кезеңінің жоғарылауы зерттелген әртүрлі жас тобындағы пациенттер үшін күтілетін көрсеткіш аясында болды.

Бауыр функциясы бұзылуы бар пациенттерде қолданылуы: бауыр функциясы бұзылуы бар пациенттерде амлодипин қолдануға қатысты шектеулі ғана деректер бар.

Бауыр жеткіліксіздігі бар пациенттерде амлодипин клиренсі төмендеуі болады, бұл жартылай ыдырау кезеңінің ұзхаруына және ҚАА шамамен 40-60%-ға ұлғаюына әкеледі.

Фармакодинамикасы

Трипликсам гипертензиясы бар пациенттерде артериялық қысымды бақылауға арналған қосымша механизмдері бар гипертензияға қарсы үш компоненттің біріктірілімі болып табылады. Периндоприл аргинин тұзы ангиотензин-өзгертуші ферменттің тежегіші болып табылады, индапамапид құрамында хлорсульфамоил бар диуретик болып табылады, ал амлодипин - дигидропиридиндік топтың кальций иондары ағымының тежегіші болып табылады.

Әсер ету механизмі

Периндоприл:

Периндоприл ангиотензин I-ді ангиотензин II-ге айналдыратын ангиотензин-өзгертуші ферменттің тежегіші (АӨФ тежегіші) болып табылады, ол тамыр тарылтатын зат; бұдан өзге, бұл фермент бүйрекүсті бездері қыртысындағы альдостерон секрециясын стимуляциялайды және брадикининнің, тамырды кеңейтетін заттың белсенді емес гептапептидтерге ыдырауын стимуляциялайды.

Нәтижесінде төмендегілер орын алады:

- альдостерон секрециясының төмендеуі,

- альдостерон жағымсыз ақпарат бермейтіндіктен, плазмадағы ренин белсенділігінің артуы,

- жалпы қантамырлық, әсіресе бұлшықеттер мен бүйрек қантамырларындағы резистенттіліктің төмендеуі, қатарлас тұз бен су іркілісінсіз немесе ұзаққа созылған емдеу кезінде рефлекторлық тахикардиясыз.

Периндоприлдің гипертензияға қарсы әсері ренин концентрациясы төмен немесе қалыпты пациенттерде де білінген.

Периндоприл өзінің белсенді метаболиті, периндоприлат арқылы әсер етеді. Басқа метаболиттері белсенді болып табылмайды.

Периндоприл төмендегілердің арқасында жүректің қызметін төмендетеді:

- простагландиндер метаболизміндегі болуы мүмкін өзгерістердің салдарынан, көктамырларға тамыркеңейткіш әсерінің арқасында: алдыңғы жүктеменің төмендеуі,

- жалпы шеткергі резистенттіліктің төмендеуі: кейінгі жүктеменің төмендеуі.

Жүрек жеткіліксіздігі бар пациенттерге жүргізілген зерттеулер төмендегілерді көрсетті:

- сол жақ және оң жақ қарыншалардың толтырылу қысымының төмендеуі,

- шеткергі қантамырлардың жалпы резистенттілігінің төмендеуі,

- жүрек лықсуының артуы және жүрек индексінің жақсаруы,

- бұлшықеттегі аймақтық қан айналымның артуы.

Физикалық жүкетемеге жүргізілген тест те жақсару бар екенін көрсетті.

Индапамид:

Индапамид сульфонамидтің индол сақинасы бар туындысы болып табылады және фармакологиялық тұрғыдан тиазидтік диуретиктер тобымен байланысты. Индапамид кортикальді дилюция сегментіндегі натрийдің реабсорбциясын тежейді. Натрий мен хлоридтердің, және азғантай дәрежеде, калий мен магнийдің несеппен шығарылуын арттырады, сол арқылы несеп көлемін арттырады және гипертензияға қарсы әсер етеді.

Амлодипин:

Амлодипин дигидропиридиндік топтың кальций иондары инфлюксінің тежегіші (өзекшелердің баяу блокаторы немесе кальций иондарының антагонисі) болып табылады және кальций иондарының жүрек пен қантамырлардың тегіс бұлшықеттеріне трансжарғақшалық инфлюксін тежейді.

Периндоприл/индапамид:

Гипертензиясы бар пациенттерде, олардың жас шамасына қарамастан, периндоприл/индапамид біріктірілімі шалқадан жатқандағы немесе тұрған кездегі диастолалық және систолалық артериялық қысымға дозаға тәуелді гипертензияға қарсы әсер береді. Клиникалық зерттеулер барысында периндоприл мен индапамидті үйлестіріп қолдану, бөлек-бөлек қабылданған дәл осы препараттармен салыстырғанда, гипертензияға қарсы синергиялық әсерге алып келген.

Периндоприл:

Периндоприл гипертензияның барлық: жеңіл, орташа немесе ауыр дәрежелері кезінде белсенді әсер етеді. Систолалық және диастолалық артериялық қысымның төмендеуі жатқан немесе тұрған қалыпта білінеді. Бір реттік дозасынан кейінгі гипертензияға қарсы әсері 4 және 6 сағат арасында ең жоғарғысы болып табылады және 24 сағат бойы сақталады. Ангиотензин-өзгертуші ферменттің резидуальді блокадасының жоғары дәрежесі 24 сағаттан кейін шамамен 80% құрайды.

Емдеуге жауап болған пациенттерде артериялық қысымның қалыпқа түсуіне бір айдан соң қол жеткізіледі және тахифилаксия феноменінсіз сақталып тұрады.

Емдеуді тоқтату гипертензияға қайталап соққан әсер бермейді.

Периндоприл тамырды кеңейткіш әсерімен сипатталады және негізгі артериялар корпусының созылғыштығын қалпына келтіреді, артериялар резистенттілігіндегі гистоморфометриялық өзгерістерді түзейді және сол жақ қарынша гипертрофиясының төмендеуіне алып келеді.

Қажеттілігіне қарай тиазидтік диуретиктерді қосу аддитивтік синергияға алып келеді.

Ангиотензин-өзгертуші фермент тежегішінің тиазидтік диуретикпен біріктірілімі тек диуретиктің өзін қолданумен байланысты гипокалиемия қаупін төмендетеді.

Индапамид

Индапамид монотерапия түрінде гипертензияға қарсы 24-сағаттық әсер береді. Бұл әсері диуретиктің әсері өте төмен болып келетін дозаларында беріледі.

Оның гипертензияға қарсы әсері тамыр қабырғасының икемділігінің жақсаруына және жалпы және артериолярлық шеткергі қантамыр резистенттілігінің төмендеуіне пропорционалды.

Индапамид сол жақ қарыншаның гипертрофиясын азайтады.

Тиазидтік және тиазид тәрізді диуретиктердің дозасы артқанда, гипертензияға қарсы әсері платосына жетеді, бұл кезде жағымсыз әсерлері де артуын жалғастырады. Егер емдеу тиімсіз болса, дозасын арттыру керек.

Бұдан өзге, гипертензиясы бар пациенттерде қысқа мерзімді, орташа және ұзақ мерзімді қолданылуы кезінде индапамидтің:

- липидтердің: триглицеридтер, ТТЛП-холестерин және ТЖЛП-холестерин метаболизміне әсер етпейтіні,

- тіпті диабеті бар гипертензиямен пациенттерде де карбогидраттар метаболизміне әсер етпейді.

Амлодипин

Амлодипиннің гипертензияға қарсы механизміне қантамырлардың тегіс бұлшықеттеріне тікелей босаңсытатын әсері түрткі болады. Амлодипинің стенокардияны төмендететін механизмі нақты анықталмаған, бірақ амлодипин өзінің екі әсерінің арқасында, жалпы ишемиялық жүктемені төмендетеді.

Амлодипин шеткергі артериолаларды кеңейтеді және сол арқылы жүрек жұмыс жасап тұрған жалпы шеткергі резистенттілікті (кейінгі жүктемені) төмендетеді. Жүректің жиырылу жиілігі тұрақты болып қалатындықтан, жүрекке түсетін жүктеменің төмендететін бұл әсері энергия тұтынылуы мен миокардтың оттегі қажеттілігін төмендетеді.

Амлодипиннің әсер ету механизміне негізгі коронарлық артериялар мен қалыпты және ишемиялы бөліктеріндегі коронарлық артериолаларды кеңейтуі де кіруі ықтимал. Бұл кеңейтуі коронарлық артериялардың түйілуі бар пациенттерде (Принцметал стенокардиясы немесе нұсқалық стенокардия) миокардқа оттегінің жеткізілуін арттырады.

Гипертензиясы бар пациенттерде тәулігіне бер реттік дозасы шалқадан жатқан және тұрған қалыптағы артериялық қысымның 24 сағат бойы клиникалық елеулі төмендеулеріне алып келеді. Әсер етуінің баяу басталуы салдарынан, амлодипин жедел гипертензия кезінде тағайындалмайды. Амлодипин жағымсыз метаболизмдік әсер бермейді және плазмадағы липидтердің өзгерістеріне алып келмейді, және сол арқылы, демікпесі, диабеті және подаграсы бар пациенттерде пайдалануға жарайды.

Ренин-ангиотензин-альдостерон жүйесінің (РААЖ) қосарлы блокадасы бойынша клиникалық зерттеу деректері:

Екі ірі рандомизацияланған бақыланатын зерттеулер (ONTARGET (ONgoing Telmisartan Alone and in combination with Ramipril Global Endpoint Trial, Телмисартанның монотерапия және рамиприлмен біріктіру кезінде тиімділігін салыстыру бойынша халықаралық зерттеу) және VA NEPHRON-D (Veterans Affairs Nephropathy in Diabetes, Диабеттік нефропатия зерттеулері) АӨФ тежегіші мен ангиотензин II рецепторларының блокаторын біріктіріп қолдануды зерттеуге арналған болатын.

ONTARGET зерттеуі сыртартқысында жүрек-қантамыр немесе цереброваскулярлы аурулары немесе нысана-ағзаларында зақымдану белгілерімен 2-типтегі қант диабеті бар пациенттер арасында жүргізілді. VA NEPHRON-D зерттеу 2-типтегі қант диабеті және диабеттік нефропатиясы бар пациенттерге жүргізілді.

Бұл зерттеудің деректері бүйрек және/немесе жүрек-қантамыр және өлім жағдайларына қатысты едәуір жағымды әсердің жоқтығын және сонымен бір уақытта гиперкалиемияның, жедел бүйрек жеткіліксіздігінің және/немесе монотерапиямен салыстырғанда гипотензияның жоғары даму қаупі бар екенін көрсетті.

Ұқсас фармакодинамикалық қасиеттерді, алынған нәтижелерді ескере отырып, басқа да АКФ тежегіштері мен ангиотензин II рецепторларының блокаторларына таралады.

Демек, АКФ тежегіштері мен ангиотензин II рецепторларының блокаторларын бір уақытта диабеттік нефропатиясы бар пациенттерде қолдануға болмайды.

ALTITUDE зерттеуі (Aliskiren Trial in Type 2 Diabetes Using Cardiovascular and Renal Disease Endpoints, 2-типтегі қант диабеті бар пациенттерде жүрек-қантамыр және бүйрек асқынулары қаупінің төмендеуінде алискиреннің басымдықтарын зерттеу) 2-типтегі қант диабеті және созылмалы бүйрек аурулары, жүрек-қантамыр ауруы немесе екеуі де бар пациенттерде АКФ тежегішімен немесе ангиотензин II рецепторларының блокаторымен стандартты емге алискиренді қосудан болатын пайданы зерттеуге арналған. Зерттеу жағымсыз құбылыстардың жоғарғы даму қаупіне байланысты мерзімінен бұрын тоқтатылған. Жүрек-қантамыр ауруларынан болатын өлім және инсульт саны жағынан плацебо тобымен салыстырғанда алискирен тобында жағымсыз құбылыстар және ерекше көңіл аударуға тұратын күрделі жағымсыз құбылыстар (гиперкалиемия, гипотензия және бүйрек дисфункциясы) жиі кездесті, сондай-ақ плацебо тобына қарағанда алискирен тобында жиі тіркелді.

Қолданылуы

- белгіленген біріктірілімдегі сияқты дозаларда периндоприлді, индапамидті және амлодипинді бір мезгілде қабылдап жүрген пациенттерде эссенциальді гипертензияны емдеу үшін

Қолдану тәсілі және дозалары

Препаратты таңертеңгісін тамақтануға дейін тәулігіне 1 рет қабылдау ұсынылады.

Белгіленген дозамен біріктірілім бастапқы емге жатпайды. Егер дозаны өзгерту қажет болса, жеке компоненттердің титрлеуін жүргізу керек.

Ерекше популяция Бүйрек функциясының бұзылуы бар пациенттер

Бүйрек функциясының ауыр бұзылуында (креатинин клиренсі 30 мл/мин төмен) ем қарсы көрсетілімде. Ауырлығы орташа дәрежедегі бүйрек функциясының бұзылуы (креатинин клиренсі 30-60 мл/мин) бар пациенттерде Трипликсам® 10мг/2,5мг/5мг және 10мг/2,5мг/10мг дозалауында қабылдау қарсы көрсетілімде. Бұндай пациенттерге компоненттердің әрқайсысынан жеке дара дозасын жеке таңдау ұсынылады.

Жоспарланған келесі бақылау аясында креатинин және калийдің деңгейін жиі бақылау керек болады. Периндоприл мен алискиренді үйлестіре қолдану бүйрек функциясының бұзылуы (ШСЖ < 60 мл/мин/1,73 м2) бар пациенттерде қарсы көрсетілімде.

Бауыр функциясының бұзылуы бар пациенттер Трипликсам® бауыр функциясының ауыр бұзылуында қарсы көрсетілімде.

Ауырлығы жеңілден орташа дәрежеге дейінгі бауыр функциясының бұзылуы бар пациенттерге Трипликсам® препаратын сақтықпен тағайындау керек, өйткені бұндай пациенттер үшін амлодипин дозалау бойынша ұсыныстар әзірленбеген.Егде жастағы адамдар

Егде жастағы адамдарда периндоприлаттың шығарылуы төмендеген.

Егде жастағы адамдар бүйрек функциясына байланысты Трипликсам® препаратымен ем қабылдай алады.

Балалар және жасөспірімдер

Трипликсам® препаратының балалар және жасөспірімдердегі қауіпсіздігі мен тиімділігі анықталмады.

Жағымсыз әсерлері

Өте жиі (>1/10), жиі (>1/100, <1/10), жиі емес (>1/1000, <1/100), сирек (>1/10000, <1/1000), өте сирек (>1/10000), жиілігі анықталмаған (қолда бар деректер негізінде даму жиілігіне бағалау жүргізу мүмкін емес).

Жиі

- бас айналуы, бас ауыруы, парестезия

- вертиго

- дисгевзия

- көрудің бұзылуы

- кенеттен қызару

- гипотензия (және гипотензия әсерлері)

- жөтел, ентігу

- іштің ауыруы, іш қатуы, диарея, диспепсия, жүрек айнуы, құсу

- қышыну, бөртпе, макулопапулярлы бөртпе

- бұлшықеттің түйілуі, тобықтың ісінуі, астения, ісіну

Жиі емес

- эозинофилия

- гипогликемия, гиперкалиемия, препаратты тоқтатқан кезде қайтымды

- гипонатриемия

- ұйқысыздық

- көңіл-күйдің құбылуы (үрейлілікті қоса), көңіл-күйдің бұзылуы

- депрессия

- ұйқының бұзылуы, ұйқышылдық

- гипестезия

- тремор, естен тану

- диплопия

- құлақтағы шуыл, жүрек қағысын сезіну, тахикардия

- васкулит

- бронх түйілуі

- ауыздың құрғауы

- дефекация ырғағының өзгеруі

- есекжем, ангионевротикалық ісіну, аллергиялық және демікпелік реакцияларға бейім науқастардағы аса жоғары сезімталдық

- алопеция, пурпура, терінің түссізденуі, экзантема

- гипергидроз

- жарыққа сезімталдық реакциясы

- пемфигоид

- артралгия, миалгия, арқаның ауыруы, ауыру

- несеп шығуының бұзылуы, ноктурия, несеп шығуының жоғары жиілігі

- бүйрек жеткіліксіздігі

- эректильді дисфункция

- гинекомастия, кеуденің ауыруы

- дімкәстік

- шеткергі ісіну

- гипертермия

- салмақтың артуы, салмақтың азаюы

- қандағы мочевина, креатинин және билирубин деңгейінің жоғарылауы

Сирек

- шаршағыштық

- ісіну

- бауыр ферменттері деңгейінің жоғарылауы

Өте сирек

- агранулоцитоз

- апластикалық анемия

- панцитопения, лейкопения, нейтропения

- тромбоцитопения

- гемоглобин және гематокрит деңгейінің төмендеуі

- гемолитикалық анемия

- аллергиялық реакциялар

- гипергликемия

- гиперкальциемия

- сананың шатасуы

- гипертонус

- шеткергі нейропатия

- стенокардия

- аритмиялар (брадикардияны, вентрикулярлы тахикардияны және жыпылықтағыш аритмияны қоса)

- миокард инфаркті, шектен тыс гипотензия салдарынан қаупі жоғары пациенттерде екінші қайтара болуы мүмкін

- инсульт, шектен тыс гипотензия салдарынан қаупі жоғары пациенттерде екінші қайтара болуы мүмкін

- ринит

- эозинофильді пневмония

- гипертрофиялық гингивит

- панкреатит, гастрит, гепатит, сарғаю, бауыр функциясының бұзылуы

- мультиформалы эритема, эксфолиативті дерматит

- Стивенс-Джонсон синдромы, Уытты эпидермальді некролиз

- Квинке ісінуі

- жедел бүйрек жеткіліксіздігі

Жиілігі анықталмаған

- жоғары қауіп бар кейбір қауым үшін ерекше күрделі сипаттағы гипокалиемиямен бірге калий қорларының сарқылуы

- «пируэт» типті полиморфты қарыншалық тахикардия (өлім қаупі жоғары)

- бауыр жеткіліксіздігі жағдайында бауыр энцефалопатиясы дамуы мүмкін

- бұрыннан бар жедел жүйелі қызыл жегінің асқынуы мүмкін

- электрокардиограммада QT ұзаруы

- қанда глюкоза деңгейінің жоғарылауы

- қанда несеп қышқылы деңгейінің жоғарылауы

- әлсіреу

- экстрапирамидалық бұзылыстар

Қолдануға болмайтын жағдайлар

- белсенді заттарына, басқа сульфонамидтерге, дигидропиридин туындыларына, басқа АӨФ тежегіштеріне немесе қосымша заттарына аса жоғары сезімталдық

- диализдегі пациенттер

- жүректің емделмеген декомпенсацияланған жеткіліксіздігі бар пациенттерге

- бүйрек функциясының ауыр бұзылуы (креатинин клиренсі 30 мл/минуттан төмен)

- бүйрек функциясының ауырлығы орташа дәрежелі бұзылуы (креатинин клиренсі 60 мл/минуттан төмен) Трипликсам® препаратының, құрамында 10мг/2,5мг периндоприл/индапамид біріктірілімі бар дозаларында (яғни, Трипликсам® 10мг/2,5мг/5мг және 10мг/2,5мг/10мг)

- сыртартқыдағы, бұрын АӨФ тежегішін қабылдаумен байланысты ангионевроздық ісіну (Квинке ісінуі)

- тұқым қуалайтын/идиопатиялық ангионевроздық ісіну

- жүктілік

- лактация кезеңі

- бауыр энцефалопатиясы

- бауыр функциясының ауыр бұзылуы

- гипокалиемия

- ауыр гипотензия

- шок, кардиогендік шокты қоса

- сол жақ қарыншаның шығар бөлігінің обструкциясы (мысалы, жоғары дәрежелі қолқа стенозы)

- жедел миокард инфарктісінен кейінгі жүректің гемодинамикалық тұрақсыз жеткіліксіздігі

- қант диабеті немесе бүйрек функциясының бұзылуы бар пациенттерде (ШСЖ < 60мл/мин/1,73м2) алискиренмен бірге бір мезгілде пайдалану

Дәрілермен өзара әрекеттесуі

Гиперкалиемия туындататын препараттар: Кейбір препараттар немесе емдік кластар гиперкалиемия жағдайларын арттыруы мүмкін: алискирен, калий тұздары, калий жинақтаушы диуретиктер, АӨФ тежегіштері, ангиотензин-Н рецепторларының антагонистері, ҚҚСП, гепариндер, циклоспорин немесе такролимус сияқты иммуннодепрессанттар, триметоприм. Бұл препараттардың біріктірілімі гиперкалиемия қаупін арттырады.

Үйлестіріп қолдану қарсы көрсетілімді:

Алискирен: диабеті немесе бүйрек функциясының бұзылуы бар пациенттерде гиперкалиемия қаупі арта түседі, бүйрек функциясы нашарлайды және жүрек-қантамыр аурулары мен өлім жағдайлары артады.

Үйлесімде қолдану ұсынылмайды:

Компоненті

Келесі өнімдермен белгілі өзара әрекеттесулері

Басқа дәрілік препараттармен өзара әрекеттесулері

Периндоприл/индапамид

Литий

Литийді АӨФ тежегіштерімен үйлестіріп қабылдағанда сарысудағы литий концентрациясының қайтымды ұлғаюы және уыттылығы анықталды. Периндоприлді индапамидпен біріктірілімде литиймен бір мезгілде қабылдау ұсынылмайды, бірақ егер бұл қажет болса, сарысудағы литий деңгейін мұқият бақылау керек.

Периндоприл

Алискирен

Диабеті немесе бүйрек функциясының бұзылуы жоқ пациенттерде

гиперкалиемия қаупі жоғарылайды, бүйрек функциясы нашарлайды және жүрек-қантамыр аурулары және өлім жағдайы көбейеді

 

АӨФ тежегіштерімен және ангиотензин рецептор блокаторларымен үйлестіріп қолдану

Әдебиеттерде атеросклероз, жүрек жеткіліксіздігі немесе шеткі ағзалардың зақымдалуынсыз диабет анықталған пациенттерде АӨФ тежегішімен және ангиотензин рецепторларының бөгегіштерімен үйлестіріп емдеу гипотензияның, естен танулардың, гиперкалиемияның және бүйрек функциясы нашарлауының (бүйрек функциясының жедел бұзылуын қоса) жиілігінің ренин-ангиотензин-альдостерон жүйесімен монотерапиямен салыстырғанда жоғарырақ болуына әкелетіні еске алынады. Қосарлы блокада (мысалы, АӨФ тежегішін ангиотензин II рецепторларының антагонисімен біріктіру) бүйрек функциясын, калий мен артериялық қысым деңгейлерін мұқият қадағалай отырып, белгілі бір жеке-дара жағдайлармен шектелуі тиіс.

 

Эстрамустин

Ангионевроздық ісіну сияқты жағымсыз әсерлерінің ұлғаю қаупі (Квинке ісінуі).

 

Калий жинақтаушы препараттар (мысалы, триамтерен, амилорид), калий (тұздар)

Гиперкалиемия (потенциалды түрде өлімге соқтыратын), әсіресе бүйрек функциясы бұзылуымен бірге (аддитивті гиперкалиемиялық әсері). Периндоприлді жоғарыда аталған препараттармен бірге қабылдау ұсынылмайды (4.4 бөлімін қараңыз). Егер жоғарыда аталған препараттармен бірге қажет болса, оларды сақтықпен қабылдау керек, және сарысудағы калий деңгейіне жиі бақылау жүргізу керек. Жүрек жеткіліксіздігінде спиронолактон пайдалану туралы ақпарат «Ерекше күтім қажет болғанда препараттарды үйлестіріп қолдану» бөлімінде көрсетілген.

Амлодипин

Дантролен (инфузия)

Жануарларда өлімге апаратын қарыншалық фибрилляция және жүрек-қантамырлық коллапстың верапамил қабылдағаннан кейін және көктамыр ішіне дантролен енгізуден кейінгі гиперкалиемияға байланыстылығы анықталды. Қатерлі гипертермияны емдегенде қатерлі гипертермияға бейім пациенттерде гиперкалиемия қаупінен амлодипин сияқты кальций өзекшелері бөгегіштерін үйлесімде қолданудан аулақ болу ұсынылады.

 

Грейпфрут немесе грейпфрут шырыны

Кейбір пациенттерде биожетімділігі жоғарылауы мүмкін және гипотензиялық қасиеттері күшеюіне әкелуі мүмкін.

Ерекше күтім қажет болатын препараттарды үйлесімде қолдану жағдайы:

Компоненті

Келесі өнімдермен белгілі өзара әрекеттесулері

Басқа дәрілік препараттармен өзара әрекеттесулері

Периндоприл/индапамид

Баклофен

Гипертензияға қарсы әсері артады. Артериялық қысымды бақылау керек және тиісінше гипертензияға қарсы дәрілер дозасын өзгерту.

 

Қабынуға қарсы стероидты емес дәрілік заттар

(жоғары дозалардағы ацетилсалицил қышқылын қоса)

Қабынуға қарсы препараттармен (яғни қабынуға қарсы дозадағы ацетилсалицил қышқылы, ЦОГ-2 тежегіштері және селективті емес

ҚҚСД ) АӨФ тежегіштерін бір мезгілде тағайындағанда гипертензияға қарсы әсерінің төмендеуі болуы мүмкін. АӨФ тежегіштерін және ҚҚСД үйлесімде қолдану сарысудағы калий деңгейінің артуына, әсіресе бұрыннан бүйрек функциясы бұзылуы бар пациенттерде, болжамды жедел бүйрек жеткіліксіздігін қоса, бүйрек функциясының нашарлау қаупінің артуына әкелуі мүмкін. Біріктірілімді әсіресе егде жастағы адамдарда сақтықпен қолдану керек. Пациенттер судың жеткілікті мөлшерін қабылдауы тиіс, ал бүйрек функциясы үйлесімдегі ем басынан, сондай-ақ соңынан мезгіл-мезгіл бақылануы тиіс.

Периндоприл

Антидиабеттік препараттар

(инсулин, ішу арқылы қабылданатын гипогликемиялық препараттар)

Эпидемиологиялық зерттеулер АӨФ тежегіштерін және диабетке қарсы препараттарды (инсулиндер, ішу арқылы қабылданатын гипогликемиялық препараттар) үйлесімде қолданғанда гипогликемия әсеріне және қаупіне қандағы глюкоза деңгейін төмендетуін күшейтуге әкелуі мүмкіндігін көрсеткен. Бұл феномен біріктірілген емнің бірінші аптасы ішінде және бүйрек функциясы бұзылуы бар пациенттерде болады.

 

Калий жинақтамайтын диуретиктер

АӨФ тежегішімен емдеу басталғаннан кейін, диуретиктерді қабылдап жүрген, әсіресе, сұйықтық және/немесе тұз қорының таусылуы байқалған пациенттерде, артериялық қысым түсіп кетуі мүмкін. Гипотензиялық әсерін диуретикті тоқтатып, периндоприлдің төмен және біртіндеп арттырылатын дозаларымен емдеу басталғанға дейін сұйықтық көлемі мен тұздардың қабылдануын арттыра отырып төмендетуге болады.

Артериялық гипертензия кезінде, алдыңғы диуретиктермен емдеу тұздар/ сұйықтық қорларының таусылуын тудыруы мүмкін болса, АӨФ тежегішімен емдеу басталғанға дейін диуретикті қабылдауды тоқтата тұру керек, содан кейін артынан калий жинақтамайтын диуретикті қосуға немесе АӨФ тежегішін төмен дозасынан бастап, біртіндеп арттыруға болады.

Жүректің іркілісті жеткіліксіздігін диуретиктермен емдеу кезінде АӨФ тежегішін қабылдауды, калий жинақтамайтын диуретиктің дозасын төмендеткеннен кейін, өте төмен дозасынан бастауға болады.

Барлық жағдайларда бүйрек функциясын (креатинин деңгейін) АӨФ тежегіштерін пайдалана отырып емдеудің алғашқы апталары ішінде бақылауға алу керек.

 

Калий жинақтаушы диуретиктер

(эплеренон, спиронолактон)

Бұрын АӨФ тежегіштерін және ілмекті диуретиктер пайдаланған, лықсыту фракциясы <40% және II-IV дәрежелі (NYHA) жүрек жеткіліксіздігін емдеу уақытында эплеренонды немесе спиронолактонды тәулігіне 12,5-50 мг дозада АӨФ тежегіштерінің төмен дозаларымен бір мезгілде қабылдау, әсіресе бұл біріктірілімді қабылдау ұсыныстарын сақтамаған жағдайларда гиперкалиемиядан потенциалды түрде өлім жағдайының даму қаупіне әкеледі. Біріктірілген бұл препаратты қабылдауды бастағанға дейін гиперкалиемия және бүйрек функциясы бұзылуы бар-жоғын анықтаңыз.

Емнің бірінші айында калиемия және креатинемияға мұқият бақылау, бастапқыда аптасына бір рет, содан кейін айына бір рет жүргізу ұсынылады.

Индапамид

Полиморфты қарыншалық

«пируэт» типті тахикардия дамуына әкелетін препараттар

Гипокалиемия даму қаупі салдарынан, индапамидті төмендегілер сияқты полиморфты қарыншалық

«пируэт» типті тахикардия дамуына әкелетін препараттармен үйлесімде сақтықпен қолдану керек:

  • IA класының аритмияға қарсы препараттары (квинидин, гидроквинидин, дизопирамид);

  • III класының аритмияға қарсы препараттары (амиодарон, дофетилид, ибутилид, бретилиум, соталол);

  • кейбір нейролептиктер (хлорпромазин, циамемазин, левомепромазин, тиоридазин, трифлюоперазин), бензамидтер (амисульприд, сульпирид, сультоприд, тиаприд), бутирофенондар (дроперидол, галоперидол), басқа да нейролептиктер (пимозид);

  • бепридил, цизаприд, дифеманил, к/і эритромицин, галофантрин, мизоластин, моксифлоксацин, пентамидин, спарфлоксацин, к/і винкамицин, метадон, астемизол, терфенадин сияқты басқа да препараттар.

Полиморфты қарыншалық

«пируэт» типті тахикардия дамуына әкелетін препараттар

Төмен калий деңгейінің профилактикасы және қажет болғанда түзету: QT аралығын бақылау.

 

Амфотерицин В (к/і),

глюкокортикоидтар және

минералокортикоид-тар (жүйелі), тетракозактид, стимулияциялаушы іш жүргізгіштер

Калий деңгейінің төмендеу қаупі жоғарылауы (аддитивті әсері). Калий деңгейін бақылау және қажет болғанда түзету; жүрек гликозидтерін пайдаланған емге ерекше назар аударылуы тиіс. Стимуляцияламайтын іш жүргізгіштер пайдалану керек.

 

Жүрек

гликозидтері

Калий деңгейі төмен болғанда жүрек

гликозидтерінің уытты әсері артады. Калий деңгейі мен ЭКГ бақылау және, қажет болса емді қайта қарау керек.

Амлодипин

CYP3A4 индукторлары

CYP3A4 индукторларының амлодипинге әсеріне қатысты деректер жоқ. CYP3A4 индукторларын (мысалы, рифампацин, шілтержапырақты шайқурай) үйлестіріп қолдану плазмадағы амлодипин концентрациясының төмендеуіне әкелуі мүмкін. Амлодипинді CYP3A4 индукторларымен бірге сақтықпен пайдалану керек.

 

CYP3A4 тежегіштері

Амлодипинді CYP3A4 күшті немесе орташа тежегіштерімен (протеаза тежегіштері, зеңге қарсы азольді препараттар, эритромицин немесе кларитромицин сияқты макролидтер, верапамил немесе дильтиазем) үйлестіріп қолдану амлодипин экспозициясының елеулі артуына алып келуі мүмкін. Бұл ФК ауытқуларының клиникалық білінулерінің егде жастағы адамдарда айқындығы басым болуы мүмкін. Сондықтан клиникалық бақылау және доза түзету қажет болуы мүмкін.

Ескерілуі керек препараттардың үйлесімде қолданылуы:

Компоненті

Келесі өнімдермен белгілі өзара әрекеттесулері

Басқа дәрілік препараттармен өзара әрекеттесулері

Периндоприл аргинині / индапамид / амлодипин

Имипраминге ұқсас антидепрессанттар (үшциклдық), нейролептиктер

Гипертензияға қарсы әсерінің артуы және ортостатикалық гипотензия қаупі (аддитивті әсері).

 

Басқа да гипертензияға қарсы препараттар

Басқа да гипертензияға қарсы препараттарды қолдану қосымша

гипотензиялық әсерге әкелуі мүмкін.

 

Кортикостероидтар, тетракозактид

Гипертензияға қарсы әсерін азайтады (кортикостероидтардың әсерінен туындаған су мен тұз іркілісі).

Периндоприл

Гипертензияға қарсы препараттар және тамыр кеңейтетін дәрілер

Нитроглицеринмен және басқа да нитраттармен немесе басқа да тамыр кеңейтетін дәрілермен үйлесімде қолдану артериялық қысымның одан әрі төмендеуіне әкелуі мүмкін

 

Аллопуринол, цитостатиктер және иммунодепрессанттар, жүйелі кортикостероидтар немесе прокаинамид

АКФ тежегіштерімен үйлесімде қолдануда лейкопенияның жоғары даму қаупіне әкелуі мүмкін.

 

Анестетиктер

АӨФ тежегіштері кейбір анестетиктердің гипотензиялық әсерін ұлғайтуы мүмкін.

 

Глиптиндер (линаглиптин, саксаглиптин, ситаглиптин, вилдаглиптин)

АӨФ тежегіштерімен үйлесімде емдегенде пациенттерде глиптиннен туындаған дипептидил пептидаза IV (DPP-IV) белсенділігі төмендеуі салдарынан ангиоэдема қаупі артуы

.

 

Симпатомиметиктер

Симпатомиметиктер АӨФ тежегіштерінің гипертензияға қарсы әсерін азайтуы мүмкін.

 

Алтын

Нитритоидты реакциялар (симптомдарына беттің қызаруы, жүрек айнуы, құсу және гипотензия жатады) алтын инъекцияларымен (натрий ауротиомалаты) ем қабылдаған және периндоприлді қоса, АӨФ тежегіштерімен үйлесімдегі емдегі пациенттерде анықталды

Индапамид

Метформин

Диуретиктерге, атап айтқанда ілмекті диуретиктерге байланысты болжамды функционалды бүйрек жеткіліксіздігі бар метформин қабылдау салдарынан болатын лактоацидоз. Еркектерде креатинин деңгейі 15 мг/л астам (135 микромоль/л) және әйелдерде 12 мг/л (110 микромоль/л) болғанда метформин пайдаланбаңыз

 

Иодталған контрасттылы зат

Диуретиктер қабылдағандағы сусыздану жағдайында, әсіресе йодталған контрасттылы заттардың жоғары дозаларын пайдаланғанда жедел бүйрек жеткіліксіздігінің қаупі жоғары болады. Йодталған компонентті қабылдағанға дейін регидратация жүргізу керек.

 

Кальций (тұздары)

Кальцийдің несеппен шығарылуы төмендеуі нәтижесінде кальций деңгейі жоғарылау қаупі

 

Циклоспорин

Циклоспориннің айналымдағы деңгейі өзгерісінсіз, тіпті тұз және судың қоры таусылмаса да, креатинин деңгейінің жоғарылау қаупі.

Амлодипин

Аторвастатин, дигоксин, варфарин немесе циклоспорин

Клиникалық өзара әрекеттесулердің нәтижелері бойынша амлодипин

аторвастатин, дигоксин, варфарин немесе циклоспорин фармакокинетикасына әсер етпейді.

 

Симвастатин

10 мг амлодипиннің көп реттік дозаларын 80 мг симвастатинмен үйлестіріп қолдану симвастатинмен жүргізілген монотерапиямен салыстырғанда, симвастатин экспозициясының 77% артуына алып келген. Амлодипинді қабылдап жүрген пациенттерде симвастатиннің дозасын тәулігіне 20 мг дейін шектеу керек.

Айрықша нұсқаулар

Төменде көрсетілген әрбір компонентке қатысты барлық ескертулер Трипликсам® препаратының біріктірілген бекітілген дозасына тиесілі.

Ренин-ангиотензин-альдостерон жүйесінің (РААЖ) қосарлы блокадасы:

АӨФ тежегіштерін және ангиотензин II рецепторларының бөгегіштерін немесе алискиренді бір мезгілде қолдану гипотензия, гиперкалиемия қаупін жоғарылатады және бүйрек функциясының төмендеуін туындатады (жедел бүйрек жеткіліксіздігінің дамуын қоса). Сондықтан АӨФ тежегіштерін және ангиотензин II рецепторларының бөгегіштерін немесе алискиренді біріктіріп пайдалану жолымен РААЖ қосарлы блокадасы ұсынылмайды. Егер қосарлы блокада аса қажет болса, оны тек маманның қадағалауымен жүргізу керек және бүйрек функциясының, электролиттер деңгейін және артериялық қысымның мұқият мониторингін жиі жүргізу керек. Диабеттек нефропатиясы бар пациенттерде АӨФ тежегіштерін және ангиотензин II рецепторлары бөгегіштерін бір мезгілде тағайындауға болмайды.

Калий жинақтаушы препараттар, калий қоспалары немесе құрамында калий бар тұз алмастырғыштары

Әдетте периндоприлді және калий жинақтаушы препараттар, калий қоспалары немесе құрамында калий бар алмастырғыштарды үйлестіріп қолдану ұсынылмайды

Нейтропения/агранулоцитоз/тромбоцитопения/анемия

Нейтропения, агранулоцитоз, тромбоцитопения және анемия АӨФ тежегіштерін қабылдап жүрген пациенттерде байқалған. Бүйрек функциясы қалыпты және басқа асқыну факторларынсыз пациенттерде, нейтропения сирек болады. Периндоприлді коллагеноздары бар пациенттер, иммунодепрессанттарды, аллопуринол немесе прокаинамидті қабылдаған кезде немесе ауырлық тудыратын факторлар бар кезде, әсіресе, егер сыртартқысында бүйрек функциясының бұзылуы болса, аса сақтықпен пайдалану керек. Бұл пациенттердің кейбіреулерінде ауыр инфекциялар дамыған, олар кейбір жағдайларда антибиотиктермен емдеуге жауап болмаған. Егер ондай пациенттер периндоприлді қабылдаса, мезгіл-мезгіл лейкоцитарлық формулаға талдау жасау ұсынылады, ал пациенттер инфекцияның кез-келген белгілері (мысалы, тамақтың ауыруы, қызба) туралы хабарлауы керек.

Аса жоғары сезімталдық/ангионевроздық ісіну

Беттің, аяқ-қолдардың, еріннің, тілдің, көмейдің және/немесе жұтқыншақтың ангионевроздық ісінуі периндоприлді қоса, ангиотензин-өзгертуші ферменттің тежегіштерімен ем қабылдаған пациенттерде сирек білінген. Ол емнің кез-келген уақыттында дамуы мүмкін. Ондай жағдайларда периндоприлді қабылдауды дереу тоқтатып, пациентті ауруханаға жатқызу және пациент ауруханадан шыққанша барлық симптомдарының басылғанына көз жеткізу үшін, тиісті мониторингілеуді бастау керек. Тек бет пен ерін ісінген жағдайларда, ол жағдай әдетте емсіз басылады, әйтсе де симптомдарын жеңілдету үшін, антигистаминдік дәрілер пайдаланылады.

Көмейдің ангионевроздық ісінуі өлімге әкелуі мүмкін. Тілді, көмейді немесе жұтқыншақты қамтуы тыныс жолдары өткізгіштігінің бұзылуына алып келуі мүмкін, бірден тиісті емді бастау, эпинефрин 1:1000 (0,3 мл - 0,5 мл) ерітіндісінің теріастылық инъекциясын жасау және/немесе тыныс жолдарының өткізгіштігін қамтамасыз ету шараларын қолдану керек.

Сыртартқысында АӨФ тежегіштерімен еміне байланыссыз ангионевроздық ісінуі бар пациенттер АӨФ қабылдағанда Квинке ісінуінің даму қаупі жоғары болуы мүмкін.

АӨФ тежегіштерін қабылдаған пациенттерде сирек жағдайларда, ішектің ангионевроздық ісінуі білінген. Пациенттер ішінің ауыруына шағымданған (жүрек айнуымен немесе құсумен немесе оларсыз); кей жағдайларда беттің ангионевроздық ісінуі сыртартқыда болмаған және C-1 эстераза деңгейлері қалыпты болған. Ангионевроздық ісіну диагнозы ішке жасалған КТ немесе УДЗ қоса, емшаралардың көмегімен, немесе операция кезінде қойылды, ал симптомдары АӨФ тежегішін қабылдауды тоқтатқаннан кейін жойылған. Ішектің ангионевроздық ісінуін АӨФ тежегіштерін қабылдап жүрген, іш ауруы бар пациенттердің дифференциалды диагнозына енгізу керек.

Десенсибилизация кезіндегі анафилактоидтық реакциялар

Жарғаққанатты жәндіктердің (аралар, жабайы аралар) уымен десенсибилизациялаушы ем кезінде АӨФ тежегіштерін қабылдау ұзақмерзімді, өмірге қауіп төндіретін анафилактоидтық реакциялар анықталған пациенттер туралы есептер жекеше көрсетілді. АӨФ тежегіштерін аллергиясы бар пациенттерге десенсибилизация кезінде сақтықпен қабылдау және умен иммунотерапия жүргізіліп жатқандар толығымен аулақ болуы керек. Дегенмен, десенсибилизация жүргізу және АӨФ тежегіштерін пайдалану қажет пациенттерде АӨФ тежегіштерін, кемінде, емдеуге дейін 24 сағат бұрын тоқтата отырып бұл реакциялардың алдын алуға болады.

ТТЛП-аферезі кезіндегі анафилактоидтық реакциялар

Өмірге қауіп төндіретін анафилактоидтық реакциялар АӨФ тежегіштерін тығыздығы төмен липопротеидтердің (ТТЛП) декстран сульфатымен аферезі кезінде қабылдаған пациенттерде сирек байқалған. Бұл реакцияларды АӨФ тежегіштерімен емдеуді аферез жүргізілгенге дейін уақытша тоқтата тұру арқылы болдырмауға болады.

Гемодиализдегі пациенттер

Анафилактоидтық реакциялар, гидравликалық өткізгіштігі жоғары жарғақшалармен (мысалы, AN 69®) диализ жүргізілген және АӨФ тежегішін бір мезгілде қабылдаған пациенттерде байқалған. Ондай пациенттерге диализге арналған жарғақшаның басқа түрін немесе гипертензияға қарсы дәрінің басқа класын пайдалану керек.

Бауыр энцефалопатиясы

Бауыр функциясы бұзылған кезде, тиазидтік және тиазидтәрізді диуретиктерді қолдану бауыр энцефалопатиясының дамуына алып келуі мүмкін. Егер бұлай болса, диуретикті қабылдауды бірден тоқтату керек.

Фотосезімталдық

Тиазидтік және тиазидтәрізді диуретиктерді пайдаланғанда фотосезімталдық жағдайлары білінген. Егер емдеу кезінде фото сезімталдық реакциясы білінсе, емдеуді тоқтату ұсынылады. Диуретикпен емдеуді қайта бастау қажет болса, күн сәулесінің немесе шығу тегі жасанды А спектрлі УК әсеріне ұшырайтын жерлерді қорғау керек.

Пайдалану кезіндегі сақтық шаралары

Бүйрек функциясы

- Бүйрек функциясының ауыр бұзылуы кезінде (креатинин клиренсі < 30 мл/мин) емдеу қарсы көрсетілімді.

Бүйрек функциясының ауырлығы орташа дәрежелі бұзылуы бар (креатинин клиренсі < 60 мл/мин) пациенттерге периндоприл/индапамид біріктіріліміндегі Трипликсаммен® 10мг/2,5мг дозада (яғни, Трипликсам® 10мг/2,5мг/5мг және 10мг/2,5мг/10мг) емдеу қарсы көрсетілімді

- Сыртартқысында бүйрек ауруы болмаған, бірақ қан талдауы бүйректің функционалдық жеткіліксіздігін көрсетіп отырған гипертензиясы бар кейбір пациенттерге, емдеуді тоқтату керек және оны қайта бастаған жағдайда препараттың төменгі дозасын немесе бір компонентін ғана пайдалану керек.

Осы пациенттер емдеудің екі аптасынан кейін калий мен креатинин деңгейін жиі және емдік тұрақтылық кезеңі бойына екі айда бір рет бақылауда ұстауы тиіс. Бүйрек жеткіліксіздігі негізінен бүйрек жеткіліксіздігінің аясында, бүйрек артериясының стенозын қоса, немесе жүректің ауыр жеткіліксіздігі бар пациенттерде білінген.

Әдетте препарат бүйрек артерияларының билатеральді стенозы жағдайында немесе бір ғана бүйрек қызмет істеп тұрған жағдайда ұсынылмайды. Артериялық гипотензия және/немесе бүйрек жеткіліксіздігінің қаупі (жүрек жеткіліксіздігі, су және электролиттер қорының таусылуы және т.б. жағдайында): периндоприлді пайдаланғанда, әсіресе су мен электролиттер қорының едәуір азаю кезінде (натрийді шектеумен қатаң диета немесе диуретиктерді ұзақ уақыт қабылдау) артериялық қысымының деңгейі бұрыннан төмен пациенттерде, бүйрек артериясының стенозы, жүректің іркілісті жеткіліксіздігі немесе ісінумен және асцитпен жүретін цирроз жағдайларында ренин-ангиотензин-альдостерон жүйесінің елеулі стимуляциясы байқалған.

Бұл жүйені ангиотензин-өзгертуші ферменттің бөгеуі, әсіресе емдеудің алғашқы екі аптасы ішінде тағайындағанда, бүйректің функционалдық жеткіліксіздігін көрсететін артериялық қысымның күтпеген жерден төмендеуіне және/немесе плазмадағы креатинин деңгейінің артуына алып келеді. Басталуы сирек болса да жедел болуы мүмкін, және белгілері пайда болғанға дейінгі уақыты ауытқып отырады.

Ондай жағдайларда емдеуді төмен дозаларынан бастап, біртіндеп арттыру керек. Жүректің ишемиялық ауруы немесе цереброваскулярлық бұзылысы бар пациенттер үшін, шамадан тыс гипотензия миокард инфарктісіне немесе ми қанайналымының бұзылуына алып келуі мүмкін.

- Тиазидтік және тиазидтәрізді диуретиктер, тек бүйрек функциясы қалыпты немесе аздап бұзылған (ересек адамдағы креатинин деңгейі шамамен 25 мг/л төмен, яғни 220 мкмоль/л) жағдайларда ғана толықтай тиімді.

Егде жастағы адамдарда плазмадағы креатинин деңгейінің көрсеткіштері жас шамасына, салмақ пен жынысына қарай түзетіліп қарастырылуы тиіс.

Диуретик қолданылуымен емнің басында су мен натрий жоғалтылуынан туындаған салдарлы гиповолемия, шумақтық сүзілу жылдамдығының төмендеуіне алып келеді. Бұл қандағы мочевина мен креатинин деңгейлерінің жоғарылауын туғызуы мүмкін. Бүйректің мұндай өтпелі функционалдық жеткіліксіздігінің бүйрек функциясы қалыпты пациенттерде жағымсыз салдары болмайды, бірақ дегенмен де бұрыннан бар бүйрек функциясының бұзылуын нашарлатуы мүмкін.

- Амлодипинді бүйрек жеткіліксіздігі бар пациенттерде қалыпты дозаларында пайдалануға болады. Плазмадағы амлодипин концентрациясының өзгерістері бүйрек функциясының бұзылу дәрежесіне байланысты емес.

Бүйрек функциясының бұзылуында Трипликсам біріктірілімінің әсері зерттелмеген. Бүйрек функциясының бұзылуында Трипликсам дозасы оның жеке қабылдағандағы жеке-дара компоненттерінің дозасына сәйкес келуі тиіс.

Гипотензия және су мен натрий қорының таусылуы

- Бұрын натрий қорларының таусылуы (әсіресе, бүйрек артериясының стенозы бар пациенттерде) болған жағдайларда күтпеген жерден болатын гипотензия қаупі бар. Осылайша, диарея мен құсудың қатарлас көрініс беруі кезінде орын алатын су мен электролиттер қорларының таусылу белгілерінің бар-жоқтығын жүйелі түрде тексеріп отыру керек. Ондай пациенттерге плазмадағы электролиттер деңгейін жүйелі түрде қадағалап отыру керек.

Елеулі гипотензия кезінде изотониялық физиологиялық ерітіндінің көктамырішілік инфузиясын жүргізу қажет болуы мүмкін.

Өтпелі гипотензия емдеуді жалғастыру үшін қарсы көрсетілім болып табылмайды. Қанағаттанарлық қан көлемі мен артериялық қысым қалпына келгеннен кейін емдеуді төменірек дозада және тек бір компонентімен қайта бастауға болады.

- Диуретиктердің кез-келгені натрий деңгейінің төмендеуіне алып келуі мүмкін, мұның ауыр салдарлары болуы мүмкін. Натрий деңгейінің төмендеуі алғашында симптомсыз жүруі және сондықтан да, жүйелі түрде талдаулар жүргізіп отыру аса маңызды. Талдауларды циррозы бар пациенттерге жиірек жүргізу керек.

Калий деңгейлері

- Индапамидтің периндоприлмен және амлодипинмен біріктірілімі, әсіресе диабеті немесе бүйрек жеткіліксіздігі бар пациенттерде гипокалиемияның басталуының алдын ала алмайды. Кез-келген гипертензияға қарсы препаратты диуретикпен үйлестіріліп пайдаланылған жағдайдағы сияқты, плазмадағы калий деңгейін жүйелі түрде тексеріп отыру керек.

- Периндоприлді қоса, АӨФ тежегіштерін қабылдаған кейбір пациенттерде, сарысудағы калий деңгейінің жоғарылағаны байқалған. Гиперкалиемияның дамуы үшін қауіп факторлары келесі жағдайлар болып табылады: бүйрек жеткіліксіздігі, бүйрек функциясының нашарлауы, жас шамасы (> 70 жас), қант диабеті, қатарлас құбылыстар, атап айтқанда, сусыздану, жүректің жедел декомпенсациясы, метаболизмдік ацидоз және калий жинақтаушы диуретиктерді (мысалы, спиронолактон, эплеренон, триамтерен немесе амилорид), калий қоспаларын немесе құрамында калий бар тұз алмастырғыштарын үйлестіріп қолдану; немесе бұл пациенттердің, сарысудағы калий деңгейін арттыратын басқа препараттарды (мысалы, гепарин) қабылдауы. Калий қоспаларын, калий жинақтаушы диуретиктерді немесе құрамында калий бар тұз алмастырғыштарды пайдалану, әсіресе бүйрек функциясы бұзылған пациенттерде, сарысудағы калий деңгейінің елеулі артуына алып келуі мүмкін. Гиперкалиемия күрделі, кейде тіпті фатальді аритмияларды туғызуы мүмкін. Егер жоғарыда аталған препараттарды үйлестіріп қолдану қажет болса, оларды сақтықпен қабылдау және сарысудағы калий деңгейін бақылауды жиі жүргізу керек.

- Гипокалиемиямен жүретін калий қорларының таусылуы тиазидтік және тиазидтәрізді диуретиктерді пайдаланған кездегі негізгі қауіп болып табылады. Калий деңгейінің төмендеу қаупін (< 3,4 ммоль/л) егде жастағы және/немесе жүдеген адамдар (олардың препараттарды көп мөлшерде қабылдайтын-қабылдамайтындығына қарамастан), циррозы мен ісінуі және асциті бар пациенттер, жүректің коронарлық ауруы және жүрек жеткіліксіздігі бар пациенттер сияқты кейбір жоғары қауіп популяцияларында болдырмау керек.

Ондай жағдайларда гипокалиемия жүрек гликозидтерінің уыттылығы мен аритмиялар қаупін арттырады.

QT аралығы ұзарған тұлғалар да, себебінің туа біткен немесе ятрогенді екеніне байланыссыз, қауіп жоғары болатын қауымға жатады. Гипокалиемия, брадикардия сияқты, ырғақ бұзылуының, атап айтқанда, өлімге ұшыратуы мүмкін «пируэт» типті полиморфты қарыншалық тахикардияның дамуына ықпал ететін фактор болып табылады.

Барлық жағдайларда калий деңгейіне талдауды жиі жүргізу қажет. Плазмадағы калий деңгейінің бірінші талдауын емдеу басталғаннан кейінгі алғашқы аптаның ішінде жүргізу керек.

Калий деңгейінің төмендігі анықталған жағдайда түзету жүргізу талап етіледі.

Кальций деңгейлері

Тиазидтік және тиазидтәрізді диуретиктер кальцийдің несеппен шығарылуын төмендетуі мүмкін және плазмадағы кальций мөлшерінің жеңіл және уақытша артуына алып келуі мүмкін. Кальцийдің айтарлықтай жоғарылаған мөлшері диагнозы анықталмаған гиперпаратироидизммен байланысты болуы мүмкін. Ондай жағдайларда емдеуді қалқанша маңы бездерінің функциясын зерттегенге дейін тоқтата тұру керек

Реноваскулярлық гипертензия

Реноваскулярлық гипертензияны емдеу реваскуляризациямен жүзеге асырылады. Дегенмен, ангиотензин-өзгертуші ферменттің тежегіштері реноваскулярлық гипертензиясы бар, қайта қалпына келтіру операциясын күтіп жүрген пациенттерге немесе ондай операцияға мүмкіндік болмаған жағдайда, жағымды әсер етуі мүмкін.

Егер Трипликсам® бүйрек артериясының расталған немесе күмәнді стенозы бар пациенттерге тағайындалса, емдеуді стационарлық жолмен, төмен дозаларын пайдаланып және бүйрек функциясы мен калий деңгейін бақылауға ала отырып бастау керек, өйткені кейбір пациенттерде бүйректің функционалдық жеткіліксіздігі байқалған, ол емдеуді тоқтатқан кезде тыйылған.

Жөтел

Ангиотензин-өзгертуші ферменттің тежегіштерін пайдаланғанда құрғақ жөтел байқалған. Ол тұрақтылығымен сипатталады және емдеуді тоқтатқан кезде басылады. Аталған симптом жағдайында ятрогенді этиологиясын қарастыру керек. Егер ангиотензин-өзгертуші ферменттің тежегішін тағайындау қажет болса, емдеуді жалғастыруға болады.

Атеросклероз

Барлық пациенттерде гипотензия қаупі болады, бірақ жүректің ишемиялық ауруы немесе ми қанайналымының жеткіліксіздігі бар пациенттерге ерекше көңіл бөлу керек, және емдеуді төмен дозасынан бастау керек.

Гипертензиялық криз

Амлодипиннің гипертензиялық криз кезіндегі қауіптілігі мен тиімділігі анықталмаған.

Жүрек жеткіліксіздігі/жүректің ауыр жеткіліксіздігі

Жүрек жеткіліксіздігі бар пациенттерді абайлап емдеу керек.

Ұзақмерзімді плацебо-бақыланатын зерттеуде жүректің ауыр жеткіліксіздігі (NYHA III және IV класы) бар пациенттерде өкпенің ісіну жиілігі плацебо тобына қарағанда, амлодипинді қабылдаған топта жоғарырақ болған. Амлодипинді қоса, кальций өзекшелерінің блокаторларын, жүректің іркілісті жеткіліксіздігі бар пациенттерде сақтықпен пайдалану керек, өйткені олар жүрек-қантамыр асқынулары мен өлім қаупін арттыруы мүмкін.

Жүректің ауыр жеткіліксіздігі (IV дәрежелі) бар пациенттерде емдеуді медициналық қадағалаумен бастапқы төмен дозасынан бастау керек. Гипертензиясы және коронарлық жеткіліксіздігі бар пациенттерді бета-блокаторлармен емдеуді үзбеу керек: АӨФ тежегіштерін бета-блокаторларға қосады.

Аортальді немесе митральді клапан стенозы/гипертрофиялық кардиомиопатия

АӨФ тежегіштерін сол жақ қарыншаның шығар бөлігінің өткізгіштігінің бұзылуы бар пациенттерде сақтықпен пайдалану керек.

Диабеті бар пациенттер

Инсулинге тәуелді қант диабеті бар пациенттерде (калий деңгейінің артуына өздігінен болатын бейімділік) емдеуді медициналық қадағалаумен төменгі дозасынан бастау керек.

Бұрын диабетке қарсы препараттарды ішу арқылы немесе инсулинді қабылдаған, атап айтқанда АӨФ тежегішімен емдеудің алғашқы айы кезінде, диабеті бар пациенттерде гликемия деңгейін бақылауға алу керек.

Диабеті бар пациенттер жағдайында, әсіресе калий деңгейі төмен болғанда, қандағы глюкоза деңгейін бақылап отыру қажет.

Этникалық айырмашылығы Басқа да ангиотензин-өзгертуші фермент тежегіштерін қабылдаған жағдайдағы сияқты басқа нәсіл өкілдеріне қарағанда қара нәсілділер өкілдерінде артериялық қысымды төмендету үшін периндоприлдің тиімділігі аз, бұл артериялық қысымы жоғары қара нәсілді популяция пациенттерінде ренин деңгейі төмен болуының жоғарырақ жиілігі салдарынан болуы мүмкін

Хирургия/анестезия

Ангиотензин-өзгертуші ферменттің тежегіштері анестезия жағдайында, әсіресе егер, пайдаланылып отырған анестетик гипотензиялық әлеуеті бар препарат болып табылатын болса, гипотензияға алып келуі мүмкін.

Осылайша, ангиотензин-өзгертуші ферменттің ұзақ әсер ететін периндоприл сияқты тежегіштерімен емдеуді, хирургиялық операциядан бір күн бұрын тоқтату ұсынылады.

Бауыр функциясының бұзылуы

Сирек жағдайларда АӨФ тежегіштерін қабылдау холестаздық сарғаюмен басталатын және бауырдың жылдам ағымды некрозына және (кейде) өлімге дейін үдейтін синдроммен байланысты болып келеді. Бұл синдромының механизмі белгісіз. АӨФ тежегіштерін қабылдап жүрген, сарғаю немесе бауыр ферменттердің едәуір жоғарылауы байқалған пациенттер АӨФ тежегіштерін қабылдауды тоқтатуы және бақылауда қалуы тиіс.

Амлодипиннің жартылай ыдырау кезеңі ұзарады және АUC көрсеткіштері бауыр функциясы бұзылған пациенттерде жоғарырақ; дозалары жөнінде ұсынымдар жоқ. Осылайша, амлодипинді қабылдауды төмен дозасынан бастау және емдеудің басында да, дозасын арттырғанда да сақ болу керек. Дозасын баяу титрлеу және мұқият бақылау бауыр функциясының ауыр бұзылуы бар пациенттерде қажет.

Трипликсам® бауыр функциясының ауырлығы жеңілден орташа дәрежеге дейінгі бұзылуы бар пациенттерде сақтықпен қолданылуы тиіс.

Несеп қышқылы

Несеп қышқылының мөлшері жоғары пациенттерде подагра ұстамаларына бейімділік артуы мүмкін.

Егде жастағы адамдар

Емдеу басталғанға дейін бүйрек функциясы мен калий деңгейін тексеру керек. Бастапқы дозасы артериялық қысымның өзгеруіне байланысты, әсіресе су мен электролиттер қоры таусылған жағдайда, күтпеген жерден болатын гипотензияны болдырмау үшін сәйкесінше түзетіледі.

Егде жастағыларда амлодипиннің дозасын арттыруды сақтықпен жүргізу керек.

Фертильділігі, жүктілік және бала емізу Бұл біріктірілген өнімнің жеке компоненттерінің жүктілік және бала емізуге әсерін ескере отырып, Трипликсам® препаратын жүктіліктің бірінші триместрінде қабылдау ұсынылмайды. Трипликсам® жүктіліктің екінші және үшінші триместрінде қарсы көрсетілімде. Трипликсам® бала емізу кезеңінде де қарсы көрсетілімде. Осылайша, бала емізуді тоқтатуға немесе Трипликсам® қабылдауға қатысты бұл емнің анасы үшін маңызына қарай шешім қабылдау керек. Жүктілік

Периндоприл:Жүктіліктің бірінші триместрі кезінде қауіптің аздап артуын жоққа шығаруға болмаса да АӨФ тежегіштері экспозициясынан кейін тератогендік қаупіне қатысты эпидемиологиялық деректер бірдей болмайды. Егер АӨФ тежегіштерімен емді жалғастыру міндетті болмаса, жүктілікті жоспарлаған пациенттерде жүктілік кезінде пайдалану үшін анықталған қауіпсіздік бейіні бар баламалы гипотензиялық дәрілерге ауысу керек. Жүктілік расталғанда АӨФ тежегіштерімен ем дереу тоқтатылуы тиіс және қажет болғанда баламалы ем басталуы тиіс. Екінші және үшінші триместрінде АӨФ тежегіштерін қабылдау фетоуыттылық (бүйрек функциясы төменденуі, су аздығы, бас сүйегінің сүйектенуі) және неонатальді уыттылық (бүйрек жеткіліксіздігі, гипотензия, гиперкалиемия) туындататыны белгілі. Егер АӨФ тежегіштері жүктіліктің екінші триместрінен бастап қабылданса, бүйрек функциясына және бас сүйегіне ультрадыбыстық зерттеулер жүргізу ұсынылады.

Анасы АӨФ тежегіштерін қабылдаған сәбилер гипотензия турасында мұқият бақылауда болуы тиіс. Индапамид:Тиазидті жүктіліктің үшінші триместрінде ұзақ уақыт пайдалану анасындағы плазма көлемін, сондай-ақ жатыр-плацентарлық қан айналымын азайтуы мүмкін, бұл фето-плаценталық ишемияға және даму іркілісіне әкелуі мүмкін.

Бұдан басқа, босануға жақын кезеңдегі экспозицияда жаңа туған нәрестелерде гипогликемияның және тромбоцитопенияның сирек жағдайлары анықталды.Амлодипин:Амлодипиннің адамдағы жүктіліктегі қауіпсіздігі анықталмаған.Бала емізу Трипликсам® бала емізу кезеңінде қолдану қарсы көрсетілімде.Периндоприл:Бала емізу кезеңіндегі периндоприл пайдалану туралы ақпарат жоқ болуына байланысты, периндоприл бала емізу кезеңінде де ұсынылмайды, және бала емізу кезеңінде, әсіресе жаңа туған нәрестелер немесе мерзіміне жетпей туған нәрестелер жағдайында қауіпсіздік бейіні анықталған емнің баламалы түріне басымдық беріледі.

Индапамид:Индапамид адам сүтіне бөлінеді. Индапамид тиазидті диуретиктермен тығыз байланыста, ал бала емізу кезінде оны қолдану сүт өнуінің азаюына немесе тіпті тоқтауына әкелді. Сондай-ақ сульфонамид туындыларына аса жоғары сезімталдық, гипокалиемия дамуы мүмкін. Фертильділігі Периндоприл және индапамид үшін де ұқсас: Ұрпақ өрбіту уыттылығының зерттеулері егеуқұйрықтардың аналығы мен аталығындағы фертильділігіне әсері жоқтығын көрсетті. Адамның фертильділігіне әсері болжанбайды. АмлодипинКальций өзекшелерінің бөгегіштерін қабылдаған кейбір пациенттерде сперматозоид басында қайтымды биохимиялық өзгерістер болғаны туралы хабарланды. Амлодипиннің фертильділікке поетнциалды әсерін анықтау үшін клиникалық деректер жеткіліксіз. Егеуқұйрықтардағы бір зерттеуде аталығының фертильділігіне жағымсыз әсері болғаны анықталды.Дәрілік заттың автокөлікті және қуаіпті механизмдерді басқару қабілетіне әсер ету ерекшеліктері

Автокөлікті басқару кезінде, әсіресе емдеудің басында абай болу ұсынылады.

Артық дозалануы

Трипликсам® препаратының адамдарда артық дозалануы туралы ақпарат жоқ.

Симптомдары: периндоприл/индапамид біріктірілімін пайдаланғанда артық дозалануда ықтималдығы жоғары жағымсыз реакциялар гипотензия болып табылады, ол кейде жүрек айнуымен, құсумен, түйілулермен, бас айналуымен, ұйқышылдықпен, сананың шатасуымен, анурияға ұласуы мүмкін (гиповолемия салдарынан) олигуриямен бірге болуы мүмкін. Су және тұздың құрамы бұзылуы анықталуы мүмкін (натрий деңгейінің төмендігі, калий деңгейінің төмендігі).

Емі: асқазан шаю, белсендірген көмір қабылдау, ал содан кейін сұйықтық және электролиттер теңгерімін қалыпты жағдайға дейін қалпына келтіру ұсынылады.

Күшті гипотензия жағдайында пациентті басын денесінен төмен шалқайтып арқасына жатқызу керек. Қажет болған жағдайда изотониялық физиологиялық ерітіндімен көктамыр ішіне инфузия жүргізуге немесе организмдегі сұйықтық көлемін басқа тәсілмен ұлғайтуға болады.

Периндоприлат, периндоприлдің белсенді түрі диализбен шығарылады.

Амлодипин жағдайында адамдардағы әдейі артық дозалануы туралы шектеулі ақпарат бар.

Қолда бар деректер өрескел түрде артық дозалау тамырлардың шамадан тыс кеңеюіне және рефлекторлық тахикардияға әкелуі мүмкіндігін көрсетеді.

Өліммен аяқталуы мүмкін шокты қоса, ұзақ мерзімдік гипотензия, оның елеулі болуы да мүмкіндігі туралы хабарланды.

Амлодипиннің артық дозалануы салдарынан болған клиникалық елеулі гипотензия, жүрек және респираторлық функциялардың жиі бақылануын, аяқты көтеруді және айналымдағы сұйықтық көлемінің мониторингін және несеп өнуін қоса, белсенді жүрек-тамырлық араласымдарды талап етеді.

Тамырлық тонусты және артериялық қысымды қалпына келтіру үшін егер бұған қарсы көрсетілім болмаса, тамыр тарылтатын дәріні пайдалануға болады. Көктамырішілік кальций глюконаты кальций өзекшелерінің блокадасының әсерін бейтараптандыруға көмектесуі мүмкін.

Шығарылу түрі және қаптамасы

Таблетканы біртіндеп беріп отыру үшін дозалаушы тесігі бар полипропилен тубада 30 таблеткадан. Туба ішінде 2 г сиккативті гелі бар тығыздығы төмен полиэтиленнен жасалған тығынмен жабылған. 1 туба медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мезімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Servier (Ireland) Industries Ltd., Ирландия

Тіркеу куәлігінің иесі

Les Laboratoires Servier, Франция

Прикрепленные файлы

427852451477976410_ru.doc 272 кб
530437731477977611_kz.doc 255.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники