Тримспа 200

МНН: Тримебутин
Производитель: Macleods Pharmaceuticals Limited
Анатомо-терапевтическо-химическая классификация: Trimebutine
Номер регистрации в РК: № РК-ЛС-5№012040
Информация о регистрации в РК: 23.07.2014 - 23.07.2019

Инструкция

Саудалық атауы

Тримспа 200

Халықаралық патенттелмеген атауы

Тримебутин

Дәрілік түрі

Қабықпен қапталған 200 мг таблеткалар

Құрамы

Бір таблетканың құрамында

белсенді зат - 200 мг тримебутин малеаты,

қосымша заттар: микрокристалды целлюлоза, лактоза, шарап қышқылы, жүгері крахмалы, натрий кроскармеллозасы, микрокристалды целлюлоза (РН 102), сусыз коллоидты кремнийдің қостотығы, магний стеараты,

қабық құрамы: гипромеллоза (5cps), диэтилфталат, титанның қостотығы (Е 171), тазартылған тальк, дихлорметан**, 2-пропанол**.

Сипаттамасы

Екі беті дөңес тегіс беткейімен, дөңгелек пішінді, ақ түсті үлбірлі қабықпен қапталған таблеткалар.

Фармакотерапиялық тобы

Асқазан-ішек жолының функционалдық бұзылыстарын емдеуге арналған препараттар. Синтетикалық холиноблокаторлар – үшіншілік аминтобы бар эфирлер.

АТХ коды А03АА05

 

Фармакологиялық қасиеттері

Фармакокинетикасы

Ішке қабылдағаннан кейін тримебутин асқазан-ішек жолынан тез сіңеді, қан плазмасындағы ең жоғары концентрациясына (Сmax) 1-2 сағаттан соң жетеді. Биожетімділігі 4-6% құрайды. Қан плазмасы ақуыздарымен байланысу дәрежесі төмен –5% жуық. Тримебутин аздаған дәрежеде плаценталық бөгет арқылы өтеді. Жоғары концентрациясы асқазан мен ішек қабырғаларында, бауыр мен бүйректе білінеді.

Тримебутин бауырда биоөзгеріске ұшырайды және негізінен несеппен көбінесе метаболиттер түрінде, 5-12 % нәжіспен шығарылады. Негізгі метаболиті – дисметил-тримебутиннің жартылай шығарылу кезеңі қысқа және 4 сағат құрайды.

Препараттың жартылай шығарылу кезеңі (Т½) – 12 сағатқа жуық.

Фармакодинамикасы

Тримспа препаратының белсенді заты - тримебутин малеаты, апиынды рецепторлардың синтетикалық энкефалинергиялық агонисі, ас қорыту жолының перистальтикасын реттеуші болып табылады.

Тегіс бұлшықет жасушаларына тікелей прокинетикалық әсер көрсетеді. Апиынды рецепторлармен тектес болып, ішектің тегіс бұлшықеттерінің гипокинетикалық жағдайларында қоздырушы u- және d-апиынды рецепторларға әсер етеді және х-апиынды рецепторларға спазмолитикалық әсер етумен моториканы көтермелейді, гиперкинетикалық жағдайларда ішек моторикасын бәсеңдетеді. Энкефалинергиялық механизмдерге әсер ете отырып, физиологиялық қозғалыс белсенділігін қалпына келтіреді, асқазан-ішек жолының моторикасына жергілікті түрлендіруші (көтермелеуші) әсер көрсетеді. Осыған байланысты, науқастарда оны асқазан-ішек жолының гипо- және гиперкинезиялары кезінде де қолдануға болады.

Тримспа асқазан-ішек жолының бүкіл бойына әсер етеді, өңеш сфинктерінің қысымын төмендетеді, асқазанның босауына және ішек перистальтикасының күшеюіне ықпал етеді, сондай-ақ тоқ ішек тегіс бұлшықеттерінің тағамдық тітіркендіргіштерге жауап беру реакциясына ықпалын тигізеді.

Қолданылуы

Кешенді ем құрамында:

- «тітіркенген ішек» синдромында (түйілген ішек)

- құрсақ қуысындағы ауыру және шаншу, ішек түйілуі, метеоризм, диарея және/немесе іш қатуда

- ас қорыту жолының функционалдық бұзылыстарында

- гастроэнтерологиялық аурулардың полиморфты симптоматикасында

Қолдану тәсілі және дозалары

Ересектер мен 12 жастан бастап балаларға тәулігіне 3 рет 200 мг-ден ас ішер алдында.

Ең жоғары бір реттік дозасы: 200 мг.

Ең жоғары тәуліктік дозасы: тәулігіне 600 мг.

Жағымсыз әсерлері

- ауыздың кеберсуі, дәм сезудің өзгеруі, диарея, диспепсия, эпигастрийдегі ауыру, жүрек айну және іш қату

- бас айналу, қажу, суыну/ысыну сезімдері, бас ауыру

- аллергиялық реакциялар: терінің қышынуы

- етеккір бұзылыстары, сүт бездері көлемінің ауырсынулы үлкеюі

- үрейлену

- несеп кідірісі

- есту бұзылыстары

Қолдануға болмайтын жағдайлар

- тримебутинге немесе препараттың кез-келген басқа ингредиентіне белгілі аса жоғары сезімталдық

- жүктілік және лактация кезеңі

- 12 жасқа дейінгі балаларға

Дәрілермен өзара әрекеттесуі

Тримспа 200 д-тубокурариннен туындаған кураре тәрізді әсерді ұзартады. Клиникалық зерттеулер кезінде басқа ешқандай дәрілермен өзара әрекеттесуі байқалмаған.

Айрықша нұсқаулар

Препарат қатаң көрсетілімдер бойынша қолданылады.

Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері

Көлік құралын немесе зейін шоғырландыруды талап ететін қауіптілігі зор механизмдерді басқару кезінде сақтық шарасын қадағалау керек.

Артық дозалануы

Симптомдары: Тримспа 200 артық дозалану белгілері қазіргі уақытқа

дейін сипатталмаған.

Емі: егер емделуші препараттың тым көп дозасын ішке қабылдаса, асқазанды шаю керек. Симптоматикалық емдеу.

Шығарылу түрі және қаптамасы

6 таблеткадан алюминий фольгадан жасалған пішінді ұяшықсыз қаптамада. 5 пішінді ұяшықсыз қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салады.

Сақтау шарттары

Құрғақ, жарықтан қорғалған жерде, 25 ºС-ден аспайтын температурада сақтау керек

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Macleods Pharmaceuticals Limited, Үндістан

304-310, Атланта Аркаде, Mapoл Чеч Роуд, Андери (Ист), Мумбай – 400059, Үндістан

Тіркеу куәлігінің иесі

Macleods Pharmaceuticals Limited, Үндістан

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы:

«Macleods Pharmaceuticals Limited» ЖШК филиалы

ҚР, Алматы қ., Төлебаев к-сі 38, 307А кеңсе

Тел./факс. +7 727 2734593, 2441294

E-mail: vijay9376@yahoo.com

 

 

Прикрепленные файлы

219412181477976715_ru.doc 50 кб
486750691477977872_kz.doc 61 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники