Тримекор МR
Инструкция
-
русский
-
қазақша
Саудалық атауы
Тримекор MR
Халықаралық патенттелмеген атауы
Триметазидин
Дәрілік түрі
Босап шығуы ұзартылған, қабықпен қапталған 35 мг таблеткалар
Құрамы
Бір таблетканың құрамында
белсенді зат - 35 мг триметазидин дигидрохлориді,
қосымша заттар: полиэтиленоксид (Polyox WSR Coagulant), желатинделген крахмал (Starch 1500), микрокристалды целлюлоза, магний стеараты, кремний қостотығы (Орисил 200).
қабығы: Opadry II pink (поливинилді спирт, полиэтиленгликоль, титанның қостотығы Е171, темірдің (III) сары тотығы Е172, темірдің (III) қызыл тотығы Е172, тальк.
Сипаттамасы
Қабықпен қапталған, қызғылт түсті, екі жағы дөңес таблеткалар. Көлденең қимасында екі қабат көрінеді.
Фармакотерапиялық тобы
Жүрек ауруларын емдеуге арналған басқа да препараттар.
АТЖ коды C01EB15
Фармакологиялық қасиеттері
Фармакокинетикасы
Ішке қабылдағаннан кейін триметазидин жылдам сіңіріледі. Сmax 5 сағаттан кейін жетеді. Ағзадан өзгермеген түрде негізінен бүйрекпен шығарылады. T1/2 - 7 сағ. жуық, 65 жастан үлкен емделушілерде – 12 сағ. жуық.
Фармакодинамикасы
Тримекор МR гипоксия немесе ишемияға ұшыраған жасушалардың энергетикалық метаболизмін қалыпқа келтіреді, АТФ жасуша ішілік құрамының төмендеуін болдырмайды. Осылайша, препарат жарғақша иондық өзегінің қалыпты жұмыс істеуін, калий мен натрий иондарының трансжарғақшалы тасымалдануын, жасуша гомеостазының сақталуын қамтамасыз етеді.
Тримекор МR майлы қышқылдар тотығуын баялатады, глюкозаның тотығуын арттырып, гликолиз бен тотықтырғыш декарбоксилдену арасындағы ілесуді қалпына келтіреді және миокардты ишемиядан қорғауды кепілдейді. Майлы қышқылдар тотығуын глюкозаның тотығуына ауыстыру препараттың антиангинальды әсер етуінің негізінде жатыр.
Триметазидин ишемия көріністері кезеңдерінде жүрек пен нейросенсорлық мүшелердің энергетикалық метаболизмін демейді; ацидоздың клетка ішілік мөлшерін азайтады; жүректің ишемиялық және реперфузиондық тіндеріндегі полинуклеарлық нейтрофилдердің орын ауыстыруы мен инфильтрациясы деңгейін төмендетеді, миокардтың зақымдану көлемін азайтады. Препараттың бұл әсерлері қандай да бір тікелей гемодинамикалық әсер болмаған кезде байқалады.
Стенокардиямен зардап шегетін емделушілерде триметазидин коронарлық резервті ұлғайтады, осы арқылы дене жүктемесінен туындаған ишемияның дамуын баяулата отырып, жүрек ырғағының қандай да бір елеулі өзгерістерінсіз АҚ күрт ауытқуын шектейді, стенокардия ұстамасының жиілігін айтарлықтай төмендетеді, нитраттар қабылдаудағы қажеттілікті айтарлықтай азайтады, ишемия қызметінің бұзылуы бар науқастарда сол жақ қарыншаның жиырылғыштық қызметін жақсартады.
Триметазидин бас айналу ұстамаларының дәрежесін, ұзақтығы мен жиілігін тиімді азайтады, құлақта шудың пайда болуы қарқындылығы мен жиілігін қысқаратады, оның жаңадан қайталануына жол бермейді.
Перцептивті кереңдік кезінде децибелмен қабылданатын диапазонның ұлғаюына ықпал етеді және есту қабілеті бұзылуының көріністерін азайтады. Триметазидин ишемияға сезімтал электроретинограмманың b-толқындары амплитудасын, сондай-ақ көздің торқабығы қызметін қалпына келтірудің болжамын дұрыстайды.
Препарат көздің көру өткірлігі мен көру өрісін жақсартуға жәрдемдеседі, бұл өз кезегінде көздің торқабығы паталогиясы функционалдық симптомдарының, әсіресе сары дақтың қартайған шақтағы дегенерациясының азаюына әкеледі.
Қолданылуы
- кардиология: ЖИА-ға ұзақ ем жүргізу, стенокардия ұстамаларының алдын алуда (монотерапия немесе біріктірілген ем құрамында)
- ЛОР- аурулары: табиғаты ишемиялық кохлео-вестибулярлы бұзылуды емдеуде (бас айналуы, құлақтың шуылдауы, естудің бұзылуы секілді)
- офтальмология: ишемиялық компоненті бар хориоретинальды қан тамырлары бұзылыстарында
Қолдану тәсілі және дозалары
Тримекор МR тәулігіне 2 рет таңертең және кешкі тамақ уақытында 1 таблеткадан тағайындалады. Ем жүргізу ұзақтығы жеке белгіленеді.
Жағымсыз әсерлері
- жүрек айнуы, құсу, диспепсия, іштің ауыруы, диарея
- бас айналу, бас ауыру, астения
- аллергиялық реакциялар (тері бөртпесі, қышу, есекжем)
Сирек
- ортостатикалық гипотензия, ысыну
Өте сирек
-
экстрапирамидалық бұзылулар (діріл, сіресу, акинезия, қимыл-қозғалыстың бұзылуы), әсіресе препаратты тоқтатқаннан кейін кететін, Паркинсонмен ауыратын емделушілерде
Қолдануға болмайтын жағдайлар
- препараттың құрамдас бөліктеріне асқын сезімталдық
- жүктілік және лактация кезеңінде
Дәрілермен өзара әрекеттесуі
Тримекор МR препаратының дәрілермен өзара әрекеттесуі сипатталмаған.
Айрықша нұсқаулар
Тримекор МR стенокардия ұстамаларын басуға арналмағанын және тұрақсыз стенокардия немесе миокард инфарктісі терапиясының бастапқы курсы үшін көрсетілмегенін естен шығармаған жөн.
Тримекор МR препаратын бүйрек жеткіліксіздігі бар (КК минутына 15 мл-ден төмен), сондай-ақ бауыр қызметінің ауыр бұзылулары бар емделушілерге тағайындау ұсынылмайды.
Педиатрияда қолданылуы
Препараттың балалар мен жасөспірімдер жасында қолданылуының тиімділігі мен қауіпсіздігі жеткілікті зерттелмеген, осыған байланысты аталмыш санаттағы емделушілерге препаратты тағайындау ұсынылмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат автокөлік жүргізу және психомоторлы реакциялардың шапшаңдығын талап ететін жұмыстарды орындау қабілетіне әсер етпейді.
Артық дозаланғанда
Қазіргі кезде Тримекор МR препаратымен артық дозалану жағдайлары туралы хабарлар жоқ.
Шығарылу түрі және қаптамасы
Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада10 таблеткадан.
3 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салады.
Сақтау шарттары
100 - ден 250C -ге дейінгі температурада сақтау керек.
Балалардың қолы жетпейтін жерде сақтау керек.
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
«GMPharmaceuticalsLtd.», PSPgroup, Грузия
Тіркеу куәлігі иесінің атауы мен елі
«GM Pharmaceuticals Ltd.», PSP group, Грузия
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
ҚР-дағы өкілі Алматы қ., Шагабудинов к-сі, 66, 22-пәтер
телефон + 7(777) 723 27 72
электрондық пошта адресі: mss001@mail.ru