Триакс (Цефтриаксон)

Триакс

Цефтриаксон

Дәрілік түрі, дозалануы

Вена ішіне инъекция үшін ерітінді дайындауға арналған 1 г ұнтақ еріткішімен жиынтықта (10 мл инъекцияға арналған су)

Жүйелі пайдалануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы басқа бета-лактамды препараттар. Үшінші буын цефалоспориндері. Цефтриаксон.

АТХ коды J01DD04

Цефтриаксонға сезімтал қоздырғыштар туындататын инфекциялар:

- тыныс алу жолдарының инфекциясы, әсіресе пневмония, сондай-ақ ЛОР-мүшелерінің инфекциясы

- абдоминальді инфекциялар (перитонит, өт жолдарының, сондай-ақ асқазан-ішек жолдарының инфекциясы)

- бүйрек және несеп шығару жолдарының инфекциялары

- созды қоса, жыныс мүшелерінің инфекциялары

- сепсис

- сүйек, буын, жұмсақ тін, тері инфекциялары, сондай-ақ жара инфекциялары

- иммунитеті төмен пациенттердегі инфекциялар

- менингит

- диссеминацияланған Лайм ауруы (II және III сатылары)

Асқазан-ішек жолдарындағы, өт жолдарындағы, урогенитальді және гинекологиялық аймақтардағы операциялар кезінде инфекциялардың операция алдындағы профилактикасы, бірақ потенциалды немесе дәлелденген контаминация жағдайында ғана.

Бактерияға қарсы дәрілерді тиісті қолдануға қатысты ресми ұсыныстарды ескеру қажет.

Дәрілік препаратты қолдануды бастағанға дейін қажетті мәліметтер тізбесі

- цефтриаксонға, цефалоспориндерге немесе препараттың қосымша заттарының кез келгеніне аса жоғары сезімталдық

- анамнезінде бета-лактамды бактерияға қарсы дәрінің кез келген басқа түріне (пенициллиндер, монобактамдар және карбапенемдер) ауыр аса жоғары сезімталдық реакциялары (мысалы, анафилаксиялық реакция) бар;

-шала туғаннан 41 аптаны қоса алғандағы жасқа дейінгі нәрестелерге (гестациялық жас + хронологиялық жас) құрамында кальций бар ерітінділерді вена ішіне енгізу, оның ішінде құрамында кальций бар ұзақ енгізілетін инфузиялар тағайындалғанда, мысалы, парентеральді тамақтану кезінде, цефтриаксонның кальций тұздары преципитаттарының түзілу қаупіне байланысты

- гипербилирубинемия, сарғаю, ацидоз немесе гипоальбуминемия болғанда, шала туғаннан 41 аптаны қоса алғандағы жасқа дейінгі нәрестелерге (гестациялық жас + хронологиялық жас)*

- цефтриаксонның кальций тұздары преципитаттарының түзілу қаупіне орай, мысалы, парентеральді қоректендіру кезінде, құрамында кальций бар ұзаққа созылатын инфузияларды қоса, құрамында кальций бар ерітінділерді вена ішіне енгізу тағайындалған немесе көзделетін жаңа туған (≤ 28 күн) нәрестелерге

- гипербилирубинемия, сарғаю, ацидоз немесе гипоальбуминемия болғанда, жаңа туған (өмірінің 28-ші күніне дейінгі) нәрестелерге*

- жүктілік (I триместр) және лактация кезеңі

- өт-тас ауруы

- анамнезінде энтероколит пен қан кетудің болуы

*In vitro зерттеулерде цефтриаксон мұндай пациенттерде билирубинді энцефалопатияның даму қаупін арттыра отырып, билирубинді сарысулық альбуминмен байланысынан ығыстыру мүмкін екенін көрсетті.

Қолдану кезіндегі қажетті сақтық шаралары

Аса жоғары сезімталдық реакциялары

Басқа бета-лактамды антибиотиктерді қолдану сияқты, аса жоғары сезімталдықтың ауыр реакциялары, соның ішінде өліммен аяқталатын реакциялар тіркелді. Аса жоғары сезімталдықтың ауыр реакциясы дамыған кезде цефтриаксонмен емдеуді дереу тоқтатып, шұғыл көмек көрсетудің тиісті шараларын қабылдау қажет. Басқа бета-лактамды антибиотиктерді қолдану сияқты, аса жоғары сезімталдықтың ауыр реакциялары, соның ішінде өліммен аяқталатын реакциялар тіркелді. Аса жоғары сезімталдықтың ауыр реакциясы дамыған кезде цефтриаксонмен емдеуді дереу тоқтатып, шұғыл көмек көрсетудің тиісті шараларын қабылдау қажет.

Бета-лактамды антибиотиктер, цефтриаксон қабылдаған пациенттерде Стивенс-Джонсон синдромы, уытты эпидермальді некролиз, жүйелі симптомдары бар дәрі себеп болатын эозинофилия (DRESS синдромы), көп формалы эритема және жедел жайылған экзантематозды пустулез сияқты ауыр тері жағымсыз реакциялары (SCAR) тіркелді. Бұл реакциялар дамыған кезде цефтриаксон препаратымен емдеуді дереу тоқтатып, баламалы ем жүргізуді қарастыру керек. Цефтриаксонды қолданған кезде, басқа антибиотиктермен емдеу сияқты, суперинфекциялар дамуы мүмкін.

Протромбин уақытының ұзаруы

Цефтриаксон протромбин уақытын арттыруы мүмкін. К дәруменінің тапшылығына күдік болған кезде, протромбин уақытын бақылау ұсынылады.

Гемолиздік анемия

Иммунитетпен байланысты гемолиздік анемия жағдайлары цефтриаксон препаратын қоса, цефалоспориндер класындағы бактерияға қарсы дәрілерді қабылдаған пациенттерде байқалды. Ересектерде де, балаларда да цефтриаксонмен емдеу кезеңінде ауыр гемолиздік анемия, оның ішінде өліммен аяқталатын жағдайлар тіркелген. Цефтриаксонмен емделіп жүрген пациенттер анемия дамыған кезде цефалоспорин-астасқан анемия диагнозын қарастырып, аурудың этиологиясы анықталғанға дейін емдеуді тоқтату керек.

Clostridium difficile-астасқан диарея (CDAD)

Цефтриаксонды қоса, барлық дерлік бактерияға қарсы дәрілерді қолданумен астасқан CDAD даму жағдайлары тіркелген; CDAD жағдайлары жеңіл диареядан өліммен аяқталатын колитке дейін ауытқуы мүмкін. Бактерияға қарсы препараттармен емдеу жуан ішектің қалыпты микрофлорасын бәсеңдетеді және C. difficile өсуін өршітеді.

C. difficile CDAD патогенезінің факторлары болып табылатын А және В токсиндерін түзейді. Токсиндерді шамадан тыс өндіретін C. difficile штамдары, асқынулар мен өлім қаупі жоғары инфекциялардың қоздырғыштары болып табылады, олардың микробқа қарсы емге ықтимал төзімділігіне байланысты емдеу колоноэктомияны қажет етуі мүмкін. Антибиотикотерапияан кейін диареямен ауыратын барлық пациенттерде CDAD диагнозын қарастыру керек. Анамнезді мұқият жинау қажет, өйткені бактерияға қарсы препараттармен емдеуден кейін 2 айға дейін CDAD даму жағдайлары туралы хабарланған.

CDAD күдік болса немесе расталса, C. difficile бағытталмаған ағымдағы антибиотикотерапияны тоқтату қажет болуы мүмкін. Клиникалық көрсетілімдерге сәйкес сұйықтық және электролиттерді, ақуыздарды енгізе отырып, C. difficile қатысты антибиотикотерапия, хирургиялық емдеу тиісті ем тағайындалуы тиіс. Ішек перистальтикасын бәсеңдететін препараттарды қолдануға болмайды.

Суперинфекциялар

Цефтриаксон препаратын ұзақ уақыт қолданған кезде сезімтал емес қоздырғыштардың саны артуы мүмкін. Осыған байланысты пациентті мұқият бақылау қажет. Егер емдеу кезінде суперинфекция дамыса, тиісті шараларды қабылдау қажет.

Цефтриаксон-кальций преципитаттары

Цефтриаксон қабылдаған пациенттерде, әсіресе тәулігіне 1 г немесе одан да көп дозада өт қабының ультрадыбыстық зерттеуі цефтриаксон-кальций преципитаттарының болуын анықтады. Бұл преципитаттардың түзілу ықтималдығы балалық шақтағы пациенттерде едәуір жоғары. Сирек жағдайларда преципитаттар симптоматикамен қатар жүреді және цефтриаксонмен емдеуді тоқтатқаннан кейін жоғалады. Симптомдар болған кезде консервативті хирургиялық емес емдеу ұсынылады. Жеке пайда мен қауіпті бағалау негізінде цефтриаксонмен емдеуді тоқтату туралы мәселені қарастыру керек.

Панкреатит

Сирек жағдайларда цефтриаксон препаратын қабылдаған пациенттерде өт жолдарының обструкциясы салдарынан панкреатиттің даму жағдайлары тіркелген. Пациенттердің көпшілігінде тексеру кезінде өт пен билиарлы сладж іркілуінің қауіп факторлары анықталды, мысалы, алдыңғы көлемді ем, ауыр аурулар және толық парентеральді тамақтану. Цефтриаксон препаратының әсерінен өт жолдарында преципитаттардың түзілуіндегі триггерлік немесе қатарлас факторды жоққа шығаруға болмайды.

Цефтриаксон билирубинді сарысулық альбуминмен байланыстан ығыстыруы мүмкін. Осыған байланысты гипербилирубинемиясы бар жаңа туған нәрестелерді емдеуге болмайды.

Қан талдауын мониторингілеу

Ұзақ уақыт емдеу кезінде үнемі толық қан талдауын жүргізу керек.

Бүйрек функциясының бұзылуы

Цефтриаксонды бір мезгілде аминогликозидтер мен диуретиктерді қабылдайтын бүйрек функциясының бұзылуы бар пациенттерде қолданған кезде сақ болу керек.

Серологиялық зерттеулердің нәтижелеріне әсері

Цефтриаксон препаратымен емдеу кезінде Кумбс сынамасының жалған оң нәтижелері байқалуы мүмкін. Триакс препаратын қолдану, басқа антибиотиктер сияқты, галактоземияға сынаманың жалған оң нәтижелеріне әкелуі мүмкін. Сол сияқты, несептегі глюкозаны анықтау үшін ферментті емес әдістерді пайдалану жалған оң нәтижелерге әкелуі мүмкін. Сондықтан цефтриаксонмен емдеу кезінде несептегі глюкозаны анықтау тек ферменттік әдіспен ұсынылады.

Қажет болса, баламалы тестілеу әдістерін пайдалану керек.

Натрий мөлшері

Цефтриаксон препаратының құрамында натрий бар. Препаратты тағайындау кезінде тұзсыз диетаны ұстанатын пациенттерге сақ болу керек. 500 мг цефтриаксонның құрамында шамамен 41.5 мг (1.8 ммоль) натрий, 1 г цефтриаксонда шамамен 83 мг (3.6 ммоль) натрий бар.

Яриш-Герксгеймер реакциясы (JHR)

Цефтриаксонмен емделуден кейін спирохеталар туғызған инфекциясы бар кейбір пациенттерде Яриш-Герксгеймер (JHR) реакциясы туындауы мүмкін. Реакция әдетте өз бетінше өтеді немесе оны симптоматикалық емдеумен басуға болады. Реакция туындаған жағдайда антибиотиктермен емдеуді тоқтатуға болмайды.

Энцефалопатия

Цефтриаксонды қолдану кезінде, әсіресе ауыр бүйрек жеткіліксіздігі бар немесе орталық жүйке жүйесінің бұзылулары бар егде жастағы пациенттерде энцефалопатия туралы хабарланды. Цефтриаксон-астасқан энцефалопатияға (мысалы, сана деңгейінің төмендеуі, психикалық жай-күйдің өзгеруі, миоклонус, құрысулар) күдік туған кезде цефтриаксонды қабылдауды тоқтату туралы мәселені қарастыру керек.

Басқа дәрілік препараттармен өзара әрекеттесуі

Құрамында Рингер ерітіндісі немесе Хартман ерітіндісі сияқты құрамында кальций бар сұйылтқыштарды цефтриаксон препаратының құтыларын қалпына келтіру үшін немесе вена ішіне енгізуге арналған қалпына келтірілген құтыны әрі қарай сұйылту үшін пайдаланбаған жөн, өйткені тұнба түзілуі мүмкін. Цефтриаксон-кальций тұнбасы цефтриаксонды құрамында кальций бар ерітінділермен бір желіде вена ішіне енгізумен араласқан кезде де болуы мүмкін. Цефтриаксонды Y-порттары арқылы парентеральді қоректену сияқты үздіксіз құрамында кальций бар инфузияларды қоса, құрамында кальций бар венаішілік ерітінділермен бір мезгілде енгізуге болмайды. Алайда, жаңа туған нәрестелерден басқа пациенттерде, егер инфузиялық жүйелер инфузия арасында үйлесімді ерітіндімен мұқият шайылса, цефтриаксон мен құрамында кальций бар ерітінділер бірінен соң бірі енгізілуі мүмкін. Ересек және неонатальді кіндік қан плазмасын пайдаланумен in vitro зерттеулер жаңа туылған нәрестелерде цефтриаксон-кальций тұндыру қаупі жоғары екенін көрсетті.

Пероральді антикоагулянттармен бір мезгілде қолдану қан кету қаупін арттыруы мүмкін. Халықаралық қалыптасқан қатынасты (ХҚҚ) жиі бақылау және антикоагулянттың дозасын цефтриаксонмен емдеу кезінде де, одан кейін де сәйкесінше түзету ұсынылады.

Цефалоспориндермен қолданған кезде аминогликозидтердің нефроуыттылығының жоғарылау ықтималдығы туралы қарама-қайшы деректер бар, сондықтан бүйрек функциясын және қандағы аминогликозидтердің концентрациясын бақылау қажет. Екі препарат бөлек қолданылуы тиіс.

In vitro зерттеуде хлорамфеникол мен цефтриаксон арасында антагонизм байқалды. Бұл тұжырымның клиникалық маңыздылығы белгісіз.

Цефтриаксонның құрамында кальций бар пероральді препараттармен өзара әрекеттесуі немесе бұлшықетішілік цефтриаксонның құрамында кальций бар препараттармен (вена ішіне немесе пероральді) өзара әрекеттесуі туралы хабарламалар болған жоқ.

Цефтриаксонның үлкен дозаларын және «ілмекті» диуретиктерді (мысалы, фуросемид) бір мезгілде қолданғанда бүйрек функциясының бұзылуы байқалмады.

Цефтриаксон қабылдаған пациенттерде Кумбс тесті жалған оң нәтижелерге әкелуі мүмкін.

Цефтриаксон, басқа антибиотиктер сияқты, галактоземияға жалған оң тест нәтижесіне әкелуі мүмкін.

Сол сияқты,несептегі глюкозаны анықтаудың ферментативті емес әдістері жалған оң нәтиже беруі мүмкін. Осы себепті цефтриаксонмен емдеу кезінде несептегі глюкоза деңгейін анықтау ферментативті түрде жүргізілуі керек.

Пробенецидті бір мезгілде қолдану цефтриаксонның шығарылуын төмендетпейді.

Цефтриаксон амсакринмен, ванкомицинмен, флуконазолмен және аминогликозидтермен үйлесімсіз.

Цефтриаксонды қабылдағаннан және алкогольді тұтынғаннан кейін «дисульфирам тәрізді» әсер байқалмады. Цефтриаксон құрамында N-метилтиотетразол фрагменті жоқ, бұл этанол жақпаушылығына және қан кету кінәраттарына әкелуі мүмкін, бұл басқа цефалоспориндерді қолданғанда байқалады.

Арнайы ескертулер

Жүктілік

Цефтриаксон плаценталық бөгет арқылы өтеді. Бақыланатын клиникалық зерттеулер жүргізілген жоқ. Тератогендік әсер клиникаға дейінгі зерттеулерде анықталмағанына қарамастан, жүктілік кезінде, әсіресе бірінші триместрде цефтриаксон препаратын қатаң көрсетілімдер бойынша ғана тағайындау керек.

Бала емізу

Цефтриаксон (аз концентрацияда) емшек сүтімен бөлінетіндіктен, препаратты бала емізу кезінде қолданбаған жөн. Егер ем өте қажет болса, бала емізуді тоқтату керек.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Препаратты қолданған кезде бас айналу және шаршау сезімі сияқты жағымсыз әсерлердің дамуы мүмкін болғандықтан, кейбір жағдайларда автомобильді немесе басқа қозғалатын заттарды басқару қабілеті бұзылады. Бұл құбылыстар алкогольді бір мезгілде тұтынғанда күшейеді.

Қолдану жөніндегі нұсқаулар

Дозалау режимі

Ересектер мен 12 жастан асқан балалар

Тәулігіне бір рет 1-2 г (әр 24 сағат сайын). Ауыр инфекцияларда немесе орташа сезімтал микроорганизмдерден туындаған инфекцияларда тәуліктік бір реттік дозаны 4 г дейін арттыруға болады.

Жаңа туған нәрестелер, сәбилер және 12 жасқа дейінгі балалар

Келесі тәуліктік бір реттік дозалар ұсынылады:

Жаңа туған нәрестелер (14 күнге дейінгі жастағы)

Тәулігіне бір рет дене салмағына 20-50 мг/кг; тәуліктік доза 50 мг/кг аспауы тиіс.

Триакс препаратын мерзімінен бұрын жаңа туған нәрестелерде 41 аптаға дейін (жиынтық гестациялық және босанғаннан кейінгі жас) қолдануға болмайды.

Триакс препаратын, құрамында кальций бар препараттардың ұзақ инфузиясын қоса, мысалы, цефтриаксон кальций тұздарының преципитаттарының түзілу қаупіне байланысты парентеральді тамақтану кезінде құрамында кальций бар венаішілік ерітінділермен емдеуді қажет ететін жаңа туған нәрестелерге (≤28 күн) қолдануға болмайды.

Жаңа туған нәрестелер, сәбилер және балалар (15 күннен 12 жасқа дейін)

Тәулігіне бір рет дене салмағына 20-80 мг/кг.

Нәрестелер мен 12 жасқа дейінгі балалардағы дене салмағының кг-ге 50 мг немесе одан да көп вена ішіне дозаларды кем дегенде 30 минут баяу инфузия түрінде енгізу керек. Жаңа туылған нәрестелерге билирубин энцефалопатиясының потенциалды қаупін азайту үшін венаішілік дозаларды 60 минут ішінде енгізу керек.

Егде жастағы пациенттер

Бүйрек немесе бауыр функциясының ауыр бұзылулары болмаған жағдайда ≥65 жастағы пациенттерде цефтриаксон дозасын түзету талап етілмейді.

Емдеу ұзақтығы

Емдеу ұзақтығы аурудың көрсетілімдері мен ағымына байланысты.

Біріктірілген ем

Цефтриаксон мен аминогликозидтердің көптеген грамтеріс бактерияларға синергизмі бар екендігі эксперименталды түрде дәлелденді. Бұл біріктірілімдердің тиімділігінің жоғарылауы әрдайым болжанбайтынына қарамастан, оны Pseudomonas aeruginosa туындатқан ауыр, өмірге қауіп төндіретін инфекциялардың дамуында қолдану туралы ойлану керек. Химиялық үйлесімсіздікке байланысты екі дәрілік зат та ұсынылған дозада бөлек енгізілуі керек. Цефтриаксонмен химиялық үйлесімсіздік сондай-ақ амсакрин, ванкомицин және флуконазолды вена ішіне енгізгенде байқалды.

Дозалау бойынша ерекше нұсқаулар

Бактериялық менингит

Нәрестелер мен балалардағы бактериялық менингит кезінде препаратпен емдеу тәулігіне бір рет 100 мг/кг (4 г аспайтын) дозадан басталады. Қоздырғышты сәйкестендіріп, оның сезімталдығын анықтағаннан кейін дозаны сәйкесінше азайтуға болады. Ең жақсы нәтижелерге емнің келесі ұзақтығында қол жеткізілді:

Диссеминацияланған Лайм ауруы

Балалар мен ересектерге ұсынылатын доза 14 күн бойы тәулігіне бір рет 50 мг/кг (ең көбі 2 г) құрайды.

Соз

Созды емдеу үшін (пенициллиназа түзетін және түзбейтін штаммдардан туындаған) препаратты 250 мг дозада бір рет бұлшықет ішіне енгізу ұсынылады.

Операция алдындағы профилактика

Инфекциялық қауіп дәрежесіне байланысты контаминацияланған немесе потенциалды контаминацияланған араласулар кезінде операциядан кейінгі инфекциялардың профилактикасы мақсатында операция басталғанға дейін 30-90 минут бұрын 1-2 г дозада цефтриаксонды бір рет енгізу ұсынылады. Тоқ ішек пен тік ішекке жүргізілген операцияларда цефтриаксон мен 5-нитроимидазол, мысалы, орнидазолды бір мезгілде енгізу тиімдірек.

Бүйрек функциясының бұзылуы бар пациенттер

Бауыр функциясының бұзылуы болмаған жағдайда цефтриаксон дозасын түзету талап етілмейді. Претерминальді бүйрек жеткіліксіздігі жағдайында ғана (креатинин клиренсі (КК) <10 мл/мин) цефтриаксонның тәуліктік дозасы 2 г аспауы тиіс.

Цефтриаксон гемодиализ немесе перитонеальді диализ кезінде шығарылмайды. Диализ жүргізілетін пациенттерге диализ аяқталғаннан кейін препараттың қосымша дозасын енгізу талап етілмейді.

Диализ жүргізілетін пациенттерде препараттың тәуліктік дозасы 2 г аспауы тиіс.

Бауыр функциясының бұзылуы бар пациенттер

Бүйрек функциясының бұзылуы болмаған жағдайда цефтриаксонның дозасын түзету талап етілмейді.

Ауыр бауыр және бүйрек жеткіліксіздігі бар пациенттер

Ауыр бауыр және бүйрек жеткіліксіздігі бар пациенттерде препараттың қауіпсіздігі мен тиімділігін мұқият клиникалық бақылау ұсынылады.

Қолдану тәсілі

Микробиологиялық тұрғыдан қалпына келтірілген ерітіндіні дереу пайдалану ұсынылады.

Қалпына келтірілген ерітінді өзінің физикалық және химиялық тұрақтылығын бөлме температурасында (немесе 2-8 ºC температурада 24 сағат) 6 сағат бойы сақтайды. Концентрацияға байланысты ерітіндінің түсі жасыл-сарыдан қызғылт-сарыға дейін өзгеруі мүмкін. Ерітіндінің түсі препараттың тиімділігіне немесе жағымдылығына әсер етпейді.

Енгізу әдісі мен жолы

Енгізу жолы – вена ішіне.

Ерітінділерді дайындаған соң бірден пайдалану ұсынылады.

Дайындалған ерітінділер бөлме температурасында 6 сағат бойы (немесе 2-8ºC температурада 24 сағат бойы) өзінің физикалық және химиялық тұрақтылығын сақтайды. Концентрациясына және сақталу ұзақтығына қарай ерітінділердің түсі бозғылт-сарыдан янтарь түске дейін өзгеруі мүмкін. Ерітіндінің түсі препарат тиімділігіне немесе жағымдылығына ықпал етпейді.

Венаішілік инъекция жүргізу үшін 1 г - 10 мл инъекцияға арналған стерильді суды ерітеді; 5 мин бойы баяу в/і енгізеді, 2 г асатын дозалар үшін венаішілік инфузияны пайдалану керек.

Нәрестелер мен 12 жасқа дейінгі балаларда 50 мг/кг немесе одан да көп вена ішіне енгізу дозаларын инфузия арқылы енгізу керек. Жаңа туған нәрестелерде билирубин энцефалопатиясының ықтимал қаупін азайту үшін инфузияның ұзақтығы 60 минуттан артық болуы керек.

Триакс препаратының ерітінділерін араластыруға немесе құрамында басқа препараттар немесе басқа еріткіштер бар ерітінділерге қосуға болмайды, үйлесімсіздік пайда болуы мүмкін.

Цефтриаксонды еріту үшін тұнба түзілу қаупіне байланысты құрамында кальций бар препараттарды (Рингер ерітіндісі, Хартман ерітіндісі) қолдануға болмайды.

Инфекциялық асқынулардың операция алдындағы профилактикасында препаратты операциядан 30-90 минут бұрын енгізеді.

Артық дозаланған жағдайда қолданылуы қажет шаралар

Симптомдары: жүрек айну, құсу, диарея болуы мүмкін.

Емі: симптоматикалық және демеуші ем жүргізіледі.

Спецификалық антидоты жоқ. Гемодиализ және перитонеальді диализ жүргізу тиімсіз (қанда препараттың шамадан тыс концентрациясын төмендетпейді).

Дәрілік препаратты қолдану тәсілін түсіндіру үшін медицина қызметкеріне кеңес алу үшін ұсынымдар

Аталған препаратты үнемі өз емдеуші дәрігеріңіздің ұсынымдарына дәл сәйкестікте қолданыңыз. Кез келген күмән туындағанда емдеуші дәрігерге хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар

Цефтриаксонға жағымсыз реакциялардың жиілігі бойынша деректер клиникалық зерттеулер барысында алынды. Жағымсыз реакциялардың жиілігін сипаттау үшін келесі жіктеме пайдаланылады: өте жиі (≥1/10), жиі (≥1/100 - <1/10), жиі емес (≥1/1000 - <1/100), сирек (≥1/10000 - <1/1000), өте сирек (<1/10000) және белгісіз (қолда бар деректер негізінде есептеу мүмкін емес).

Цефтриаксонға едәуір жиі жағымсыз реакциялар эозинофилия, лейкопения, тромбоцитопения, диарея, бөртпе және бауыр ферменттерінің белсенділігінің жоғарылауы болып табылады.

Өте жиі

- өт қабында цефтриаксон-кальций преципитаттарының симптоматикалық түзілуі, балалардағы қайтымды өт тас ауруы

Жиі

- эозинофилия, лейкопения, тромбоцитопения, протромбин уақытының ұзаруы

- диарея, сұйық нәжіс

- бауыр ферменттері белсенділігінің артуы (АЛТ, АСТ, сілтілі фосфатаза)

- бөртпе, ісіну

Жиі емес

- жыныс мүшелерінің микоздары

- гранулоцитопения, анемия, коагулопатия, қан сарысуындағы креатинин деңгейінің жоғарылауы

- бас ауыруы, бас айналу

- жүрек айнуы, құсу

- қышыну

- флебит, енгізу орнындағы реакциялар (мысалы, ауырсыну, эритема, күйдіріп ашу, қызару, флебит, ісіну, бөртпе, қышыну, қабыну, тығыздану, гематома, инфекция, енгізу орнындағы абсцесс), дене температурасының жоғарылауы

Сирек

- жалған жарғақшалы колит

- энцефалопатия

- бронх түйілуі

- ядролық сарғаю

- есекжем

- олигурия, гематурия, глюкозурия

- ісіну, қалтырау, анафилаксиялық немесе анафилактоидты реакция

Өте сирек

- панкреатит, стоматит, глоссит

Белгісіз

- сезімтал емес қоздырғыштармен суперинфекция

- құрысулар

- ауыр тері жағымсыз реакциялары (SCAR): Стивенс-Джонсон синдромы, уытты эпидермальді некролиз, жүйелік симптомдары бар дәрі себеп болатын эозинофилия (DRESS синдромы), мультиформалы эритема және жедел жайылған экзантематозды пустулез (AGEP), Яриш-Герксгеймер реакциясы (JНR)

- агранулоцитоз (<500/мм3), жағдайлардың көпшілігі 20 г немесе одан да көп жиынтық дозаларды тағайындағаннан кейін дамыды

Протромбин уақытының елеусіз ұзаруы туралы хабарланды.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

Электронды пошта: http://www.ndda.kz

Қосымша мәліметтер

Дәрілік препараттың құрамы

Бір құтының ішінде

белсенді зат – натрий цефтриаксоны 1193.0 мг (1000.0 мг цефтриаксонға шаққанда)

Еріткішімен бір ампуланың ішінде

еріткіш – 10 мл инъекцияға арналған су.

Сыртқы түрінің, иісінің, дәмінің сипаттамасы

Ақ дерлік немесе сарғыш түсті ұнтақ, гигроскопиялы.

Еріткіш – мөлдір түссіз сұйықтық.

Шығарылу түрі және қаптамасы

Препарат flip-off типті алюминий қалпақшамен қаусырылған және резеңке тығынмен тығындалған түссіз шыныдан жасалған құтыға салынады.

10 мл инъекцияға арналған су түссіз шыныдан жасалған ампулаларға құйылады.

Медициналық қолдану жөніндегі қазақ және орыс тілдеріндегі нұсқаулықпен бірге 1 құтыдан және еріткіші бар 1 ампуладан картон қорапқа салады.

3 жыл.

Жарамдылық мерзімі өткеннен кейін қолдануға болмайды.

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

Өндіруші туралы мәліметтер

«Дева Холдинг A.Ш.», Түркия

Черезкой Организе Санайи Белгеси, Караагач Мах.Ататюрк Джад. №32, Капаклы, Текирдаг, Түркия

Тел.: + 90 212 692 92 92

Тіркеу куәлігінің ұстаушысы

«Дева Холдинг A.Ш.», Түркия

Халкалы Меркез Мах.Басин Экспрес Йолы, №1 Кючюкчекмедже 34303, Стамбул, Түркия

Тел.:+ 90 212 692 92 92

Қазақстан Республикасы аумағында тұтынушылардан дәрілік заттар сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«EL сompany (ЕЛ компани)» ЖШС

050022, Алматы қ., Масанчи к-сі, 98А, 41 кеңсе

Тел:8(727)2922630, 8(727) 2922665

e-mail: info@elcompany.kz