Тренакса (100 мг/мл)
Инструкция
-
русский
-
қазақша
Саудалық атауы
Тренакса
Халықаралық патенттелмеген атауы
Транексам қышқылы
Дәрілік түрі
Инъекцияға арналған ерітінді 100 мг/мл 5 мл
Құрамы
1 мл ерітіндінің құрамында
белсенді зат – 100 мг транексам қышқылы,
қосымша заттар: бензил спирті, натрий хлориді, динатрий эдетаты, инъекцияға арналған су.
Сипаттамасы
Түссіз мөлдір сұйықтық.
Фармакотерапиялық тобы
Гемостатиктер. Амин қышқылдары. Транексам қышқылы
АТХ коды В 02АА02
Фармакологиялық қасиеттері
Фармакокинетикасы
Енгізгеннен кейін препараттың болмашы бөлігі метаболизденеді. «Концентрация-уақыт» қисығы терминальді фазада - 2 сағат жартылай шығарылу кезеңімен (T1/2) үш фазалық түрде болады. Қанда 3%-ға жуығы ақуызбен (плазминогенмен) байланысқан. Бастапқы таралу көлемі шамамен 9 -12 литрді құрайды. Препарат негізінен шумақты сүзілу арқылы несеппен шығарылады. Жалпы бүйрек клиренсі плазманың жалпы клиренсіне (110-116 мл/мин) тең, дозаның 95%-дан астамы несеппен өзгермеген түрінде бөлінеді. 10 мг/кг дозада көктамыр ішіне енгізгеннен кейін 24 сағаттан соң транексам қышқылының шығарылуы шамамен 90%-ды құрайды.
Фармакодинамикасы
Тренакса – антифибринолитикалық дәрі.
Препарат плазмин мен плазминоген активаторының әсерін спецификалық түрде тежейді, фибринолиздің жоғарылауымен байланысты қан кету кезінде гемостатикалық әсерге ие. Тренакса фибрин беткейінен плазминогенді ығыстыра отырып, адам плазминогенінің лизин байланыстыратын бөліктерін сіңіреді, бұл фибринолиздің тежелуіне алып келеді. Тренакса ұйығыштық параметрлеріне әсер етпейді.
Қолданылуы
- операция кезіндегі және операциядан кейінгі кезеңдегі қан кетулерде (жүрекке жасалатын операциялар, простатэктомия, ортопедиялық операциялар, тонзилэктомия, аденоидэктомия)
- қайталанатын эпистаксисте
- көз жарақаттары, мөлдір қабықтың өздігінен немесе операциядан кейінгі ісінуінде
- бастапқы меноррагия; жатыр ішілік контрацептивтерді пайдаланудан туындаған меноррагия
- жүктілік кезінде плацентаның орналасуы мен ажырауына байланысты қан кетулерде
- жатыр мойны конизациясынан туындаған қан кетуде
- жедел гастроинтестинальді қан кетуде
Қолдану тәсілі және дозалары
Жүрекке жасалатын операциялар кезінде бастапқы 10 мг/кг доза операцияның алдында 20 – 30 мин бұрын, содан кейінгі 1 мг/кг/сағ инфузиямен енгізіледі.
Жедел гастроинтестинальді қан кетуде: 4,5 - 6 г/күніне, 5-7 күн бойы 3-6 қабылдауда енгізіледі.
Жатыр мойнына операциядан кейін 3 қабылдауда енгізілетін күніне 4,5 г 12–14 күн бойы тағайындалады.
Мұрыннан қан кеткенде инъекцияға арналған ерітіндіні мұрын жолдарына тамызу немесе ерітіндіге малынған дәкемен тампондау жолымен жергілікті қолданады.
Тонзилэктомия: 10 мг/кг көктамыр ішіне операцияға дейін бір жарым сағат бұрын.
Ортопедиялық операциялар: 10-15 мг/кг көктамыр ішілік инфузия түрінде турникетті алғанға дейін, қажеттілігіне қарай, содан кейінгі 1-2 дозамен және 3 сағаттық аралықпен.
Аденомэктомия: 10-15 мг/кг дене салмағына көктамыр ішіне, күніне 2-3 рет, бірден операциядан кейін.
Көктамыр ішіне енгізу үшін препаратты инфузияға арналған ерітінділердің көбімен араластыруға болады. Даярланған ерітіндіні дайындалғаннан кейін бірден пайдалану керек.
Тренакса гепаринмен бірге қолданылуы мүмкін.
Бүйрек қызметі төмендеген емделушілерге бұл препараттың дозасын кеміту ұсынылады.
Бүйректің бөліп шығару қызметінің бұзылуы жағдайында дозалау тәртібін түзету қажет: қандағы креатинин концентрациясы 135–280 мкмоль/л болғанда көктамыр ішіне — 10 мг/кг тәулігіне 2 рет тағайындалады; креатинин концентрациясы 280–570 мкмоль/л болған кезде көктамыр ішіне сол бір реттік дозада тәулігіне 1 рет жиілікте тағайындайды.
Бауыр қызметінің жеткіліксіздігі кезінде дозаны түзету қажет етілмейді.
Жағымсыз әсерлері
Жиі (> 1/100)
- іштің ауыруы, қыжыл, жүрек айнуы, құсу, диарея
Сирек
- аллергиялық реакциялар: бөртпе, терінің қышуы, есекжем
Өте сирек (< 1/1000)
- тромбоз немесе тромбоэмболия, хроматикалық көрудің бұзылуы, көрудің басқа да бұзылулары және бас айналуы, ұйқышылдық, әлсіздік.
Жылдам инъекциядан кейін гипотензия, тахикардия, кеуде қуысының ауыруы дамуы мүмкін.
Қолдануға болмайтын жағдайлар
- препарат компоненттеріне асқын сезімталдық
- субарахноидальді қан құйылу (ми ісінуі мен инфарктісін туғызуы мүмкін)
- ауыр дәрежедегі бүйрек жеткіліксіздігінде
- терең көктамырлар тромбозы, тромбоэмболиялық синдром, миокард инфарктісі
- түсті ажырата көрудің бұзылуы
- тахикардия, артериялық гипотензия
- қанның тамырішілік белсенді ұюы
- жүктілік және лактация кезеңі
- 3 жасқа дейінгі балалар
Дәрілермен өзара әрекеттесуі
Протромбинді кешен мен антифибринолитикалық препараттарды едәуір шамада белсенділендіретін препараттар, эстроген тромбоз қатерін арттыратындықтан транексам қышқылымен бір мезгілде қолданылмауы тиіс. Тренакса урокиназамен, норадреналин битартратымен, дезоксиэпинефрин гидрохлоридімен, метармин битартратымен, дипиридамолмен, диазепаммен үйлеспейді.
Транексам қышқылын хлорпромазинмен бір мезгілде қолданғанда ми тамырларының түйілуі, церебральді ишемия мен қан ағысының төмендеуі секілді жағдайлар жайында хабарланған.
Препарат трансфузиялық қанмен немесе пенициллиндер мен тетрациклиндер бар инфузиялармен араласпауы тиіс.
Айрықша нұсқаулар
Транексам қышқылын қабылдайтын емделушілерде экстраваскулярлық тромб лизисі тежелуі мүмкін.
Антифибринолитикалық ем жүргізіліп жатқан емделушілерге гемостатикалық әсері бар дәрілік препараттар сақтықпен тағайындалуы тиіс.
Бүйрек жеткіліксіздігі жағдайында креатинин клиренсін ескереді және дозаны азайтады. Бүйрек гематуриясы кезінде уретрада ұйындының түзілуі нәтижесінде механикалық анурия қатері туындайды.
Ем басында және барысында окулистің (көру өткірлігі, түсті ажырата көру, көздің түбі) тексеруінен өту қажет.
Бірнеше аптадан бірнеше айларға дейінгі уақыт бойы транексам қышқылын қабылдаған емделушілерде ретинальді қантамырлық өзгерістер білінбеген.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Жағымсыз әсерлерінің байқалуы мүмкін болғандықтан препаратты қабылдаған кезде автокөлік жүргізуден және қауіптілігі зор механизмдермен жұмыс істеуден тартына тұрған абзал.
Артық дозалануы
Симптомдары: жүрек айнуы, құсу немесе ортостатикалық гипотензия.
Емі: симптоматикалық.
Шығарылу түрі және қаптамасы
5 мл препараттан мөлдір шыны ампулаларға құйылған. Ампулаларға заттаңба жапсырылады.
5 ампуладан ұяшықты пластик қаптамаға салынады және медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынады.
Сақтау шарттары
Құрғақ, жарықтан қорғалған жерде, 25°C-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
1.5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
Macleods Pharmaceuticals Limited, Үндістан
304, Atlanta Arcade, Marol Church Road, Andheri (East), Mumbai – 400 059
India.
Тіркеу куәлігінің иесі
Macleods Pharmaceuticals Limited, Үндістан
Қазақстан Республикасында тұтынушылардан өнім сапасына қатысты шағымдарды қабылдайтын ұйымның мекенжайы
ҚР-дағы «Macleods Pharmaceuticals Limited» өкілдігі
ҚР, Алматы қ., Төлебаев к-сі 38, 307/А кеңсе
Тел./факс. +7 727 3562832
E-mail: vijay9376@yahoo.com