Трамадол таблетки (50 мг)

МНН: Трамадол
Производитель: Химфарм АО
Анатомо-терапевтическо-химическая классификация: Tramadol
Номер регистрации в РК: № РК-ЛС-3№019591
Период регистрации: 26.04.2016 - 26.04.2021
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Предельная цена закупа в РК: 23.14 KZT

Инструкция

Саудалық атауы

Трамадол

Халықаралық патенттелмеген атауы

Трамадол

Дәрілік түрі

Қабықпен қапталған таблеткалар, 50 мг

Құрамы

Бір таблетканың құрамында

белсенді зат - 50.0 мг трамадол гидрохлориді,

қосымша заттар: микрокристалды целлюлоза, повидон (поливинилпирролидон), кросповидин (Полипласдон)XL-10, сусыз коллоидты кремнийдің қостотығы (аэросил), магний стеараты,

қабықтың құрамы: гипромеллоза (гидроксипропилметилцеллюлоза), титанның қостотығы (Е 171), триацетин, полисорбат 80 (твин 80), вазелин майы.

Сипаттамасы

Ақ немесе ақ дерлік түсті, екі беті дөңес, беткейі сәл кедір-бұдыр, қабықпен қапталған таблеткалар.

Фармакотерапиялық тобы

Анальгетиктер. Апиындар. Басқа да апиындар. Трамадол.

АТХ коды N02AХ02

Фармакологиялық қасиеттері

Фармакокинетикасы

Ішке қабылдаған кезде трамадол асқазан-ішек жолынан толығымен дерлік (90%-ға жуық) сіңеді. Трамадолдың биожетімділігі 70%-ға жуықты құрайды, ас ішуге байланыссыз және препаратты бірнеше рет қолданғанда арта түседі. Қан плазмасындағы ең жоғарғы концентрациясы шамамен 2 сағаттан соң анықталады.

Плазма ақуыздарымен байланысуы 20%-ға жуықты құрайды. Трамадол гемато-энцефалдық және плацентарлық бөгеттер арқылы өтеді.

Деметилдену және конъюгациялану жолымен 11 метаболитке дейін метаболизденеді, олардың тек біреуі (О-деметилтрамадол) ғана айқын фармакологиялық белсенділікке ие (трамадолдың белсенділігінен 2-4 есе артық). Трамадол мен оның метаболиттері негізінен, бүйрекпен (90%-ға жуығы) және ішек арқылы (10%-ға жуығы) шығарылады. Жартылай шығарылу кезеңі, енгізу жолына байланыссыз, 6 сағатқа жуықты құрайды.

Егде жастағы, бауыр циррозы бар пациенттерде және бүйрек жеткіліксіздігі кезінде жартылай шығарылу кезеңінің шамасы артады.

Фармакодинамикасы

Трамадол – орталықтық әсер етеін синтетикалық анальгетик. Мю-рецепторларға аффинитивтілігі жоғары мю-, дельта- және каппа-апиындық рецепторлардың селективті емес агонисі болып табылады. Анальгетиктік әсерінің басқа механизмі норадреналин қармауын бәсеңдету және серотониннің босап шығуын арттыру болып табылады. Трамадолдың апиындық белсенділігі мю-апиындық рецепторлармен негізгі қосылыстарының аффинділігінің төмендігі мен белсенді метаболиті - O-дезметилтрамадол аффинділігінің жоғарылығы есебінен түзіледі. Морфинмен салыстырғанда, трамадол ауыруды басу үшін ұсынылған дозалары арасындағы аралықтарды сақтаған жағдайда, тыныс алу дистресін бермейді. Трамадолдың тиімділігі морфиннің тиімділігіне қатысты 1/10 – 1/6 құрайды. Препарат асқазан-ішек жолының моторикасына әсер етпейді. Кардиоваскулярлық жүйеге әсері аз.

Трамадолдың жөтелге қарсы әсері бар. Жануарларға жүргізілген зерттеулерден морфинмен салыстырғандағы тәуелділігінің даму әлеуетінің төмендігі мен төзімділігінің даму әлеуеттілігінің елеусіздігі анықталды.

Қолданылуы

- орташа және қатты қарқынды ауыру синдромында

Қолдану тәсілі және дозалары

Препаратты дозалау режимі ауыру синдромының айқындығы мен науқастың сезімталдығына байланысты жекелей таңдалады.

Ауыруды басу үшін жеткілікті, ең төменгі тиімді дозасын таңдап алу керек. Ішке қабылдауға арналған препаратты аздаған мөлшердегі сумен ішу қажет. Ас ішу препараттың сіңірілуіне әсер етпейді.

Ересектер мен 12 жастан асқан балалар

Қатты ауыру

1-2 таблеткадан (50-100 мг) күніне 3-4 рет. Дене салмағы төмен науқастар үшін дозасы 0,7 мг/кг есебінен есептеледі. Емдеу ұзақтығы клиникалық қажеттілігіне байланысты.

Созылмалы ауыру

Бастапқы дозасы 50 немесе 100 мг, ары қарай 50 немесе 100 мг дозалары аурудың айқындығына байланысты әр 4-6 сағат сайын тағайындалады.

Тоқтату және тәуелділік синдромының дамығандығы туралы хабарламаларға байланысты, үздіксіз емдеу қажеттілігі жүйелі түрде бағалануы тиіс.

Ең жоғарғы тәуліктік дозасы тәулігіне 400 мг аспауы тиіс.

Трамадолды ешбір жағдайларда, абсолютті қажеттілігінен басқа ұзақ енгізуге болмайды. Егер аурудың сипаты мен ауырлығын ескере отырып, ауыруды трамадолмен ұзақ уақыт емдеу қажет болып табылса, емдеудің қажет болып табылатындығы мен ары қарай емдеудің қандай дәрежеде қажеттілігін анықтау үшін, мұқият және жүйелі түрде мониторинг жүргізілуі тиіс (қажет болса емдеуде үзіліс жасау керек).

Егде жастағы адамдар

Әдетте, бауыр және бүйрек жеткіліксіздігінің клиникалық көріністері жоқ егде жастағы пациенттерге (75 жас және одан үлкен), дозасын төмендету қажет емес. Алайда, егде жастағы науқастарда препараттың элиминациясы баяулауы мүмкін және сондықтан да препаратты қабылдаулар аралығын жекелей ерекшеліктеріне сәйкес ұзартуға болады.

Бүйрек жеткіліксіздігі

Бүйрек жеткіліксіздігі бар пациенттерде препараттың элиминациясы баяулауы мүмкін. Бастапқы дозасы стандартты болуы мүмкін. Бұл науқастарға препаратты қабылдаулардың аралығын науқастың жекелеген ерекшеліктеріне сәйкес ұзарту қажеттілігін қарастыру қажет.

Креатинин клиренсі <30 мл/минут науқастар үшін препаратты қабылдаулардың аралығы 12 сағатқа дейін ұзартылуы тиіс.

Трамадол айқын бүйрек жеткіліксіздігі бар креатинин клиренсі <10 мл/минут науқастарға ұсынылмайды. Гемодиализ немесе гемофильтрация кезінде трамадол өте баяу шығарылады және сондықтан да, ауыруды басатын әсерін ұстап тұру үшін трамадолды диализден кейін тағайындау талапқа сай келмейді.

Бауыр жеткіліксіздігі

Бауыр функциясының бұзылуы бар пациенттерде препарат элиминациясының ұзарғаны білінеді. Стандартты дозасы 2 бөлікке бөлінуі немесе препаратты қабылдаулар аралығы 12 сағатқа дейін ұзартылуы тиіс. Аталған науқастарға препаратты қабылдаулар аралығын науқастың жекелей ерекшеліктеріне сәйкес ұзарту қажеттілігін қарастыру қажет. Трамадол айқын бауыр жеткіліксіздігі бар науқастарға ұсынылмайды.

Жағымсыз әсерлері

Анағұрлым жиі кездесетін жағымсыз реакциялар жүрек айнуы және бас айналуы болып табылады, олар науқастардың 10%-ында кездеседі.

Жағымсыз әсерлерінің жиілігі төмендегіше анықталады:

Өте жиі: ≥1 / 10, жиі: ≥1 / 100, <1/10, жиі емес: ≥1 / 1000, <1/100,

сирек: ≥1 / 10 000, <1/1000, өте сирек: <1/10 000, белгісіз: қолда бар мәліметтер бойынша бағалау мүмкін емес

Жүрек-қантамыр аурулары:

Жиі емес

- жүрек соғуының жиілеуі, тахикардия, ортостатикалық гипотензия немесе жүрек-қантамыр коллапсы). Бұл жағымсыз реакциялар көбінесе физикалық тұрғыдан әлсіз пациенттерде туындайды.

Сирек

- брадикардия, артериялық қысымның жоғарылауы

Жүйке жүйесі тарапынан:

Өте жиі

- бас айналуы

Жиі

- бас ауыруы, ұйқышылдық

Сирек

- тәбеттің өзгеруі, парестезия, тремор, тыныстың тарылуы, эпилепсия тәрізді құрысулар, бұлшықеттердің еріксіз жиырылуы, қимыл-қозғалыс үйлесімінің бұзылуы, естен тану

Егер ұсынылған дозалары айтарлықтай арттырылса және орталықтық әсері бар басқа депрессанттар бір мезгілде енгізілсе, тыныс алу орталығының бәсеңдеуі дамуы мүмкін.

Эпилепсия тәрізді құрысулар, негізінен, трамадолдың жоғары дозаларын енгізгеннен кейін немесе құрысуға бейімділік шегін төмендетуге қабілетті басқа дәрілік заттармен қатарлас емдеуден кейін орын алады.

Психикалық бұзылыстар:

Сирек

- елестеулер, сананың шатасуы, ұйқының бұзылуы, мазасыздық және қорқынышты түстер көру. Психикалық жағымсыз реакциялар трамадолды енгігеннен кейін туындауы мүмкін және науқастың тұлғалық ерекшеліктері мен емдеудің ұзақтығына байланысты жекелей ауытқып тұрады. Оларға науқастың көңіл-күй өзгерістері (әдетте, эйфория, кейде дисфория түрінде), мінез-құлық өзгерістері (әдетте, жабырқау, сирек – көңіл-күй көтеріңкілігі) және когнитивтік және сенсорлық қабілеттілік өзгерістері (мысалы, шешім қабылдау, сезімталдықтың бұзылуы) кіреді. Препаратқа тәуелділік туындауы мүмкін.

Көз аурулары:

Сирек

- бұлыңғыр көру

Тыныс алу ағзаларының аурулары:

Сирек

- ентігу

Бронх демікпесі тарапынан болған нашарлау туралы хабарламалар болды, бірақ себеп-салдарлық байланысы анықталған жоқ.

Асқазан-ішек бұзылыстары:

Өте жиі

- жүрек айнуы

Жиі

- құсу, іштің қатуы, ауыздың құрғауы

Жиі емес

- құсу; асқазан-ішек жолы тарапынан болатын жайсыздық (асқазандағы қысылу сезімі, іштің кебуі), диарея

Тері мен теріасты шелмайының аурулары:

Жиі

- тершеңдік

Жиі емес

- тері реакциялары (мысалы, қышыну, бөртпе, есекжем)

Тірек-қимыл аппаратының аурулары:

Сирек

- қимыл-қозғалыс әлсіздігі

Гепато-билиарлық жүйенің аурулары:

Уақыты жағынан трамадолды қолданумен байланысты бауыр ферменттері белсенділігінің жоғарылауы туралы бірен-саран хабарламалар бар.

Бүйрек пен несеп шығару жолдары тарапынан болатын бұзылулар:

Сирек

- несеп шығару бұзылулары (несеп шығарудағы қиындықтар, дизурия және несептің іркілуі)

Метаболизм және тамақтану бұзылулары:

Белгісіз

- гипогликемия

Жалпы бұзылулар:

Жиі

- шаршау

Сирек

- аллергиялық реакциялар (мысалы, ентігу, бронх түйілуі, ысқырып дем алу, ангионевроздық ісіну) және анафилаксия;

Тоқтату симптомдары абстиненттік синдром кезінде туындайтын симптомдарға (қозу, үрейлену, күйгелектік, ұйқысыздық, гиперкинезия, тремор және асқазан-ішек симптомдары түрінде) ұқсас. Трамадолды тағайындаған кезде аса сирек кездескен басқа тоқтату симптомдарына мыналар кіреді: үрейлі шабуылдар, айқын мазасыздық, елестеулер, парестезиялар, құлақтағы шуыл және орталық жүйке жүйесі тарапынан болатын әдеттен тыс симптомдар.

Қолдануға болмайтын жағдайлар

- трамадолға немесе препараттың қосымша компоненттеріне жоғары сезімталдық

- жедел улану (алкоголь, ұйықтататын дәрілер, орталықтық әсері бар анальгетиктер, апиындар, психотроптық препараттар, орталық жүйке жүйесін бәсеңдететін дәрілік заттар)

- тыныстың тарылуымен қатар жүретін жағдайлар

- бауыр және/немесе бүйректің ауыр жеткіліксіздігі (креатинин клиренсі

10 мл/минуттан аз)

- моноаминооксидаза тежегіштерін бір мезгілде қолдану және оларды тоқтатқаннан кейінгі екі апталық кезеңде

- есірткілерді тоқтату синдромы, апиынға дәрілік тәуелділік

- глюкоза-6 фосфатдегидрогеназа тапшылығы

- бақыланбайтын эпилепсия

- 12 жасқа дейінгі балалар

- жүктілік және лактация кезеңі

Дәрілермен өзара әрекеттесуі

Трамадол МАО тежегіштерімен біріктіріліп қолданылмауы тиіс. МАО тежегіштерін апиынды анальгетиктерді пайдаланғанға дейін 14 күн бұрын қабылдаған пациенттерде өмірге қауіп төндіретін, орталық жүйке жүйесіне, тыныс алу және жүрек-қантамыр жүйесіне өзара әрекеттесулер байқалды. Трамадолды бір мезгілде тағайындағанда МАО тежегіштерімен мұндай өзара әрекеттесулері жоққа шығарылмайды.

Трамадол мен орталықтық әсері бар басқа депрессанттарды (алкогольді қоса) бір мезгілде тағайындау олардың орталық жүйке жүйесіне әсерін күшейтуі мүмкін.

Циметидинді (ферменттер тежегішін) бірге немесе алдында қолданғанда клиникалық маңызды өзара әрекеттесулердің ықтималдығы аз.

Карбамазепинді (ферменттер индукторын) бір мезгілде немесе алдында қолдану ауыруды басатын әсерін азайтуы және әсер ету ұзақтығын қысқартуы мүмкін.

Апиындық рецепторлардың агонистері/антагонистері (мысалы, бупренофинді, налбуфинді, пентазоцинді) мен трамадолды біріктіру ұсынылмайды, өйткені мұндай жағдайларда таза агонистің ауыруды басатын әсері төмендейді.

Трамадол құрысуларды туғызуы және серотонинді кері қармаудың селективті тежегіштерінің (SSRIs), серотониннің серотонин-норадреналиндік кері қармау тежегіштерінің (SNRIs), үш- және төртциклдық антидепрессанттардың, нейролептиктер мен құрысуға бейімділік шегін төмендететін басқа препараттардың әсерін күшейтуі, осылайша, құрысулардың дамуына алып келуі мүмкін.

Трамадолды серотонинді кері қармаудың селективті тежегіштері (SSRIs), серотонинді кері қармаудың серотонин-норадреналиндік тежегіштері (SNRIs), МАО тежегіштері, үш- және төртциклдық антидепрессанттар сияқты басқа серотонинергиялық заттармен біріктіріп қолданғанда, серотониндік синдром дамуы мүмкін. Серотониндік синдромның симптомдары: сананың шатасуы, қозу, гипертермия, тершеңдік, атаксия, гиперрефлексия, миоклонус және диарея.

Егер, төмендегі симптомдардың біреуі байқалса, серотониндік синдром болуы мүмкін:

- Өздігінен болатын құрысулар

- Құрысудың индукциялануы немесе қозу мен тер бөлінуі аясында көз бұлшықеттерінің тартылуы

- Тремор және гиперрефлексия

- Гипертония және >38°C дене температурасы және индукцияланған немесе көздегі бұлшықеттердің тартылуы.

Серотонинергиялық препараттарды тоқтату симптомдардың жылдам басылуын туғызады. Емдеу симптомдардың типі мен ауырлығына байланысты болып келеді.

Кейбір науқастарда қан кетулердің дамуымен және қанталаулардың түзілуімен ХҚҚ артқан жағдайлар туралы хабарламаларға байланысты, трамадол мен кумарин туындылары препараттарын (мысалы, варфарин) бір мезгілде тағайындағанда сақтық таныту керек.

CYP3A4 басқа тежегіштері, мысалы, кетоконазол мен эритромицин, метаболизм трамадолдың (N-деметилдену) және тіпті белсенді О-десметилтрамадолдың метаболизмін де тежеуі мүмкін. Бұл өзара әрекеттестіктің клиникалық маңыздылығы жеткілікті зерттелмеген.

Ондансетронның құсуға қарсы 5-HT3 антагонисін операцияға дейін немесе кейін қолданғанда, трамадолдың операциядан кейінгі кезеңдегі ауыру синдромын басу үшін қажеттілігі артатынын көрсетті.

Айрықша нұсқаулар

Трамадолды төмендегі жағдайларда сақтықпен және пайда/қаупіне баға бере отырып қолдану керек:

- Тоқтату симптомдары. Трамадолдың емдік дозалары тоқтату симптомдарын туғызуы мүмкін (хабарламалар жиілігі 1/8000 жағдайды құрайды)

- Дәріге тәуелділік. Тәуелділік симптомы дамыған жағдайлар сирек және тоқтату симптомдарына қарағанда айтарлықтай сирегірек кездеседі. Трамадолмен емдеудің клиникалық қажеттілігін дәрігер бақылап отыруы тиіс.

- Трамадолға тәуелділік дамуының әлеуеті төмен. Алайда ұзақ уақыт қолданғанда әдеттену, психикалық және физикалық тәуелділік дамуы мүмкін. Дәрілік заттарды шамадан тыс пайдалануға бейім немесе дәрілік препараттарға тәуелділігі бар пациенттерде трамадолмен емдеу тек қысқа мерзім ішінде және дәрігердің қатаң қадағалауымен ғана жүргізілуі тиіс.

- Апиынға тәуелділігі бар науқастар. Трамадол апиынға тәуелділігі бар пациенттер үшін алмастырылатын дәрі ретінде қолданылмайды, өйткені ол морфиннің тоқтату симптомдарын бәсеңдете алмайды.

- Апиындарға сезімтал пациенттерде Трамадолды сақтықпен тағайындау керек.

- Трамадолды бастың жарақаттары, бассүйекішілік қысымның жоғарылауы, бауыр жеткіліксіздігі (трамадол мен оның белсенді метаболиттері метаболизмінің төмендеуі) мен бүйрек жеткіліксіздігі (трамадол мен оның белсенді метаболиттерінің шығарылу жылдамдығының төмендеуі және ұзаққа созылуы) кезінде, сана деңгейі төмендеген кезде және құрысу бұзылыстарына бейім немесе шок жағдайындағы науқастарда сақтықпен тағайындау керек.

- Құрысуға бейімділігі бар науқастар. Трамадолдың емдік дозаларын тағайындаған кезде құрысу симптомы дамыған жағдайлар байқалды және ұсынылған тәуліктік дозасы арттырылған жағдайда құрысулардың даму қаупі артуы мүмкін. Эпилепсиясы немесе құрысуларға бейімділігі бар пациенттерді трамадолмен емдеуді тек клиникалық негіздеме болған жағдайда ғана қарастырған дұрыс. Трамадол мен құрысу шегін төмендететін препараттарды бір мезгілде қабылдап жүрген пациенттерде құрысу синдромының даму қаупі арта түседі.

- Препаратты тыныс алу жеткіліксіздігі бар науқастарға немесе орталықтық әсері бар депрессанттармен бір мезгілде тағайындағанда немесе, дозалары ұсынылған дозаларынан айтарлықтай артық болған кезде сақтықпен тағайындау керек, өйткені бұл жағдайда тыныс алу депрессиясының дамуын жоққа шығаруға болмайды.

- Трамадолмен емдеу кезінде карбамазепинді бір мезгілде тағайындау немесе алкоголь тұтыну ұсынылмайды.

- Психикалық белсенді препараттар мен алкоголь қосылған субстанцияларды қолданумен байланысты, трамадолмен байқаусызда артық дозалану кезіндегі өлімге соқтырған жағдайлар туралы хабарламаларға байланысты, трамадол алкогольге тәуелділігі бар және қандай-да бір белсенді психобелсенді заттарды қабылдап жүрген науқастарға сақтықпен тағайындалуы тиіс.

Анальгетиктерді күн ара аралықпен және жиірек, ұзақ уақыт (3 айдан артық) қолданған жағдайда, бас ауыруы дамуы немесе күшеюі мүмкін. Бұл жағдайда трамадолдың дозасын арттырмау керек. Дәрігермен кеңескеннен кейін анальгетиктерді пайдалануды тоқтату мәселесін шешу қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жағымсыз реакциялары туындауы мүмкін болғандықтан, жоғары зейін шоғырландыру мен психомоторлық реакциялардың жылдамдығын қажет ететін қызмет түрлерімен (автокөлік жүргізу және механизмдерді басқару) шұғылдану ұсынылмайды.

Артық дозалануы

Симптомдары: басқа апиындармен артық дозалануға да тән және мыналар кіреді: миоз, құсу, кардиоваскулярлық коллапс, седация. Трамадолдың артық дозалануының анағұрлым қауіпті салдарлары тыныстың тарылуы, кома және құрысулар болып табылады.

Емі: өкпенің талапқа сай желдетілуін және жүрек-қантамыр функциясын демеп тұруды қамтамасыз ету үшін, арнайы бөлімшелер жағдайында шұғыл шаралар жүргізіледі. Тыныстың тарылуы жағдайында у қайтарғысы налоксон болып табылады, құрысулар кезінде диазепамды пайдаланған дұрыс.

Препаратты ішу арқылы қабылдаған кездегі артық дозалану жағдайында белсендірілген көмірді қабылдау қажет, асқазанды шаю трамадолды қабылдағаннан кейінгі алғашқы 2 сағат ішінде ұсынылады. 2 сағат өтіп кетсе, көп мөлшердегі сұйықтықты пайдаланып, уытсыздандыру шараларын жүргізу қажет.

Трамадол гемодиализ және гемофильтрация кезінде болар-болмас мөлшерде шығарылады, сондықтан трамадолмен жедел уыттануды араласулардың аталған түрлерімен емдеу талапқа сай келмейді.

Шығарылу түрі және қаптамасы

10 таблеткадан поливинилхлоридті үлбір мен алюминий фольгадан жасалған пішінді ұяшықты қаптамада.

2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі бекітілген нұсқаулықпен бірге картоннан жасалған қорапшаға салынады. Медициналық қолдану жөніндегі мемлекеттік және орыс тілдеріндегі нұсқаулықтағы ақпарат қорапшаға жазылуы мүмкін.

Пішінді ұяшықты қаптамалардың (қорапшаға салмай) картоннан жасалған қораптарға салынуына жол беріледі. Қораптарға медициналық қолдану жөніндегі мемлекеттік және орыс тілдеріндегі бекітілген нұсқаулықтар салынады.

Қорапшалар картоннан жасалған қораптық немесе гофрланған қораптарға салынады.

Сақтау шарттары

Құрғақ, жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецепт арқылы

Өндіруші/Қаптаушы

«Химфарм» АҚ, Қазақстан Республикасы,

Тіркеу куәлігінің иесі

«Химфарм» АҚ, Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі 7252 (561342) Факс нөмірі 7252 (561342)

Электронды поштасы infomed@santo.kz

Қазақстан Республикасы аумағында дәрілік заттың тіркеуден кейінгі қауіпсіздігіне жауапты ұйымның атауы, мекенжайы

«Химфарм» АҚ, Қазақстан Республикасы, Шымкент қ., Рашидов к-сі, 81,

Телефон нөмірі +7 7252 (561342) Факс нөмірі +7 7252 (561342)

Электронды поштасы infomed@santo.kz

 

Прикрепленные файлы

585563821477976241_ru.doc 69.17 кб
724901411477977504_kz.doc 136 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники