ТРАЖЕНТА®

• русский
• қазақша

• Скачать инструкцию медикамента

Саудалық атауы

ТРАЖЕНТА®

Халықаралық патенттелмеген атауы

Линаглиптин

Дәрілік түрі

Үлбірлі қабықпен қапталған 5 мг таблеткалар

Құрамы

Бір таблетканың құрамында

белсенді зат – 5 мг линаглиптин бар,

қосымша заттар: маннитол, желатинделген крахмал, жүгері крахмалы, коповидон, магний стеараты,

қабығы Опадрай® қызғылт (02F34337): гипромеллоза 2910, титанның қостотығы (Е 171), тальк, макрогол 6000, темірдің (III) қызыл тотығы (Е 172).

Сипаттамасы

Бір жақ бетінде BI компаниясының символы өрнектелген және екінші жақ бетінде «D5» өрнектелген, ашық-қызыл түсті үлбірлі қабықпен қапталған, шеттері кертілген, екі беті дөңес, дөңгелек пішінді таблеткалар.

Фармакотерапиялық тобы

Ішу арқылы қабылдауға арналған қантты төмендететін препараттар.

Дипептидилпептидаза-4 (ДРР-4) тежегіштері. Линаглиптин.

ATХ коды A10BH05

Фармакологиялық қасиеттері

Фармакокинетикасы

Линаглиптинді 5 мг дозада ішке қабылдаған соң, препарат жылдам сіңіріліп, плазмадағы ең жоғарғы шектік концентрациясына (Tmax медианасы) 1,5 сағаттан кейін қол жеткізілді. Плазмадағы линаглиптиннің концентрациясы үш фазалы схемада азаяды. Жартылай шығарылудың терминальді кезеңі ұзақ (100 сағаттан аса уақытты құрайды), бұл, негізінен, линаглиптиннің DPP-4-пен қарқынды, тұрақты байланысуымен шартталған және препараттың жинақталуына әкелмейді. Линаглиптинді 5 мг дозада көп рет қабылдаудан соң, линаглиптиннің жинақталуы үшін жартылай шығарылудың тиімді кезеңі шамамен 12 сағатты құрайды. Линаглиптинді бір рет 5 мг дозада қабылдаған жағдайда, плазмада препараттың тұрақты концентрацияларына үшінші дозадан соң қол жеткізілді, мұнда линаглиптиннің плазмадағы AUC («концентрация–уақыт» қисығы астындағы аудан) шамасы бірінші дозамен салыстырғанда, шамамен 33%-ға артты. Линаглиптиннің AUC арналған фармакокинетикалық параметрлерінің вариация коэффициенттері кішігірім болды (12,6% және 28,5%). Линаглиптин фармакокинетикасы дозаға байланысты емес, линаглиптиннің плазмадағы AUC жалпы мәні пропорционалды жоғарылайтын байланыспаған AUC қарағанда, дозаға аз ғана тәуелділікпен жоғарылаған. Дені сау адамдардағы және 2 типтегі қант диабеті (2 типті ҚД) бар емделушілерде линаглиптиннің фармакокинетикасы ұқсас болып келді.

Сіңірілуі: линаглиптиннің абсолюттік биожетімділігі шамамен 30%-ды құрайды. Линаглиптинді құрамында май мөлшері көп тамақпен бірге қабылдау Сmax жету уақытын 2 сағатқа ұлғайтады және Сmax 15 %-ға төмендеуіне алып келеді, бірақ AUC0-72 сағ. әсер етпейді. Сmax және Тmax клиникалық елеулі өзгерістері жоқ, тиісінше линаглиптинді ас қабылдауға байланыссыз қолдануға болады.

Таралуы: бір реттік көктамыр ішіне 5 мг дозадан кейін тепе-теңдік жағдайында таралудың орташа көлемі шамамен 1110 литрді құрайды, бұл тіндердегі қарқынды таралуды көрсетеді. Линаглиптиннің плазма ақуыздарымен байланысуы препараттың концентрациясына байланысты және 1 нмоль/л болғанда 99 %-дан >30 нмоль/л шамасындағы 75-89 %-ға дейін төмендейді, бұл линаглиптин концентрациясы артқанда DPP-4 байланысуының қанығуын көрсетеді. Линаглиптиннің жоғары концентрациясында және DPP-4 толық қанығуында линаглиптиннің 70-80 %-ы плазманың басқа ақуыздарымен байланысады (DPP-4 емес), ал 20-30 %-ы плазмада бос күйде болады.

Метаболизмі және шығарылуы: препараттың организмге келіп түскен аз ғана бөлігі метаболизденеді. Шығарылу жолы негізінен ішек арқылы – 80% жуығы және линаглиптиннің 5 %-ы несеппен экскрецияланады.

Бүйрек клиренсі шамамен 70 мл/минутты құрайды.

Емделушілердің ерекше тобы

Бүйрек жеткіліксіздігі бар емделушілер: бүйрек жеткіліксіздігінің кез келген дәрежесі бар емделушілерде линаглиптиннің дозасын түзету талап етілмейді. Бүйрек жеткіліксіздігінің жеңіл дәрежесі 2 типті ҚД бар емделушілерде линаглиптиннің фармакокинетикасына әсер етпейді.

Бауыр жеткіліксіздігі бар емделушілер: бауыр жеткіліксіздігінің кез келген дәрежесі (Чайлд-Пью жіктемесі бойынша А, В және С класы) бар емделушілерде линаглиптиннің дозасын түзету талап етілмейді.

Емделушілердің жынысына, дене салмағының индексіне (ДСИ), нәсіліне және жасына қарай дозасын түзету талап етілмейді.

Балалар: балаларда линаглиптиннің фармакокинетикасына зерттеу жүргізілген жоқ.

Фармакодинамикасы

Линаглиптин инкретин гормондарының – глюкагон тәрізді пептид-1-дің (GLP-1) және глюкозаға тәуелді инсулинотропты полипептидтің (GIP) белсенділігін жоюға қатысатын DPP-4 ферментінің (дипептидил пептидаза 4, EC коды 3.4.14.5) тежегіші болып табылады. Бұл гормондарды DPP-4 ферменті тез бұзады. Осы екі инкретин глюкоза гомеостазының физиологиялық реттелуіне қатысады. Инкретиндер сөлінісінің тәулік ішіндегі негізгі деңгейі төмен, ол тамақтанған соң жылдам артады. GLP-1 және GIP қан глюкозасының қалыпты және жоғары көрсеткіштерінде ұйқы безінің бета-жасушаларымен инсулиннің биосинтезі мен сөлінісін күшейтеді. Бұдан басқа, GLP-1 ұйқы безінің альфа-жасушаларымен глюкагонның сөлінісін азайтады, бұл бауырдағы глюкоза өнімінің азаюына әкеледі.

Линаглиптин DPP-4-пен тиімді әрі қайтымды байланысады, бұл инкретиндер деңгейінің тұрақты артуын және олардың белсенділіктерінің ұзақ уақыт сақталуын тудырады. Линаглиптин глюкозаның деңгейіне қарай инсулиннің сөлінісін жоғарылатады және глюкозаның гомеостазын жақсарта отырып, глюкагон сөлінісін төмендетеді.

Линаглиптин DPP-4-пен селективті байланысады, оның селективтілігі in vitro DPP-8-ге қатысты селективтіліктен немесе DPP-9-ға қатысты белсенділіктен 10000 еседен аса артық болады.

Клиникалық тиімділігі және қауіпсіздігі

Тиімділігі және қауіпсіздігіне баға беру үшін линаглиптинді қолданумен 8 рандомизациялық бақыланатын ІІІ фазалы клиникалық зерттеулер жүргізілді.

Линаглиптинмен монотерапия: линаглиптинді күніне 1 рет 5 мг дозада қолдану гликилденген А гемоглобинінің (HbA1c) плацебомен салыстырғанда -0,69 %-ға, бастапқы деңгейі HbA1c емделушілермен салыстырғанда шамамен 8 %-ға едәуір азаюына алып келеді. Сондай-ақ линаглиптин глюкоза деңгейінің плазмада ашқарында (ПГА) және тамақтан соң 2 сағаттан кейін (ТКГ) айтарлықтай азаюына алып келеді. Линаглиптин немесе плацебо қабылдаған емделушілерде бақыланған гипогликемия дамуының жиілігі ұқсас болды.

Метформинмен ем жақпайтын емделушілердегі линаглиптин монотерапиясы, оның жақпаушылығына немесе бүйрек жеткіліксіздігінен қарсы көрсетілімде болуына байланысты, плацебомен салыстырғанда -0,57 %-ға HbA1c деңгейінің елеулі жоғарылағанын, бастапқы деңгейі HbA1c емделушілерде шамамен 8,09 %-ға жоғарылағанын көрсетті. Линаглиптин ашқарында плацебомен салыстырғанда плазмадағы глюкоза деңгейінің (ПГА) едәуір азаюын көрсетті. Линаглиптин немесе плацебо қабылдаған емделушілерде байқалған гипогликемия жиілігі ұқсас болды.

Линаглиптинмен монотерапия: плацебомен 12 апталық салыстыру деректері және α-глюкозидаза тежегіштерімен (воглибозамен) 26 апталық салыстыру деректері.

Линаглиптинмен монотерапияның тиімділігі және қауіпсіздігі сондай-ақ плацебомен салыстырылып (ұзақтығы 12 апта) және воглибозамен (α-глюкозидаза тежегіші) 26 апта бойына зерттелген. Линаглиптин 5 мг дозада плацебомен салыстырғанда HbA1c деңгейінің елеулі жоғарылауына алып келді (0,87 % құрайды); орташа бастапқы деңгейі HbA1c 8,0 % құрайды. Сондай-ақ линаглиптинді 5 мг дозада қолдану воглибозамен салыстырғанда -0,32 %-ға өзгеріп, HbA1c деңгейінің елеулі жоғарылауымен сипатталғаны көрсетілді; HbA1c орташа бастапқы деңгейі 8,0 % құрады. Бұдан басқа, линаглиптин ашқарында плазмадағы (ПГА) глюкоза көрсеткішінің елеулі жақсаруына (плацебомен салыстырғанда 19,7 мг/дл/1,1 ммоль/л және воглибозамен салыстырғанда 6,9 мг/дл/0,4 ммоль/л төмендеуіне) алып келді, ал плацебо және воглибоза қолдану жағдайларында қарағанда HbA1c мақсатты деңгейіне (<7,0 %) жиі жетті. Линаглиптин, плацебо немесе воглибоза қабылдаған емделушілерде гипогликемия даму жиілігі ұқсас болды.

Линаглиптин және плацебо қолданған топтардағы емделушілердің дене салмағында айырмашылық болмады. Линаглиптин қабылдаған емделушілерде бастапқы деңгеймен салыстырғанда орташа дене салмағының (0,16 кг-ға) аздаған төмендегені анықталды, бұл арада воглибоза қабылдаған емделушілерде дене салмағының елеулі көп төмендегені (1,04 кг) бақыланды.

Метформинмен біріктірілімдегі линаглиптинмен терапия: метформинмен біріктірілімдегі линаглиптиннің тиімділігі және қауіпсіздігі салыстырмалы жасырын плацебо-бақыланатын 24-апталық зерттеуінде тексерілген. Линаглиптин плацебомен салыстырғанда HbA1c -0,64 %-ға төмендеуіне алып келді; HbA1c орташа бастапқы шамасы 8 % құрады.

Линаглиптин ашқарында плазмадағы (ПГА) глюкоза деңгейін плацебомен салыстырғанда елеулі төмендеткен. Линаглиптин немесе плацебо қабылдаған емделушілерде байқалған гипогликемия даму жиілігі ұқсас болды.

Линаглиптин сульфонилмочевина туындылары мен метформин біріктірілген емінде қосымша ретінде болғанда: сульфонилмочевина туындылары мен метформин біріктірілген емінде жүргізілген емнің тиімділігі жеткіліксіз емделушілерде плацебомен салыстырғанда линаглиптин HbA1c -0,62 %-ға айтарлықтай азаюына алып келді, HbA1c орташа бастапқы шамасы 8,14 % құрады, глюкоза деңгейінің плазмада ашқарында (ПГА) және тамақтан соң 2 сағаттан кейін (ТКГ) азаюына алып келді.

Линаглиптиннің инсулинмен емінде: линаглиптиннің 5 мг дозасындағы біріктірілген емінде және инсулинмен монотерапиясында немесе инсулиннің метформинмен және/немесе пиоглитазонмен біріктірілген емінде линаглиптин плацебомен салыстырғанда HbA1c -0,65 %-ға айтарлықтай азаюына алып келді, HbA1c орташа бастапқы шамасы 8,3 % құрады. Сондай-ақ линаглиптин ашқарында плазмадағы (ПГА) глюкоза деңгейінің елеулі азаюына және HbA1c мақсатты мәнінің плацебомен салыстырғанда <7.0 % жетуіне алып келді. Бұл өзгерістерге инсулиннің 40,1 ХБ тұрақты дозасында қол жеткізілді. Топтар арасында дене салмағының елеулі айырмасы болмаған. Қан плазмасындағы липидтерге әсері елеусіз болды.

Линаглиптин немесе плацебо қабылдаған емделушілерде гипогликемия жиілігі ұқсас болды (линаглиптин – 22,2 %, плацебо – 21,2 %).

Линаглиптин пиоглитазонмен біріктірілген бастапқы ем ретінде: линаглиптин және пиоглитазонді (30 мг) бірге қолдану, пиоглитазонның монотерапиясымен салыстырғанда, HbA1c айтарлықтай азаюына және ПГА деңгейінің едәуір төмендеуіне (плацебомен салыстырғанда 14,2 мг/дл/0,8 ммоль/л төмендеуі) алып келеді, бұл арада HbA1c (< 7 %) мақсатты мәніне қол жеткізу ықтималдығы артады. Линаглиптинді бастапқы ем ретінде пиоглитазонмен біріктіріп пайдаланғанда дене салмағы ұлғаюы мүмкін.

Линаглиптин метформинмен және пиоглитазонмен біріктірілген емінде: линаглиптиннің 5 мг дозасында плацебомен салыстырғандағы тиімділігі және қауіпсіздігіне баға беру мақсатында метформин және пиоглитазон біріктірілімінің тиімділігі жеткіліксіздігі бар емделушілерде 24 апталық плацебо-бақыланатын зерттеулер жүргізілді. Линаглиптин плацебомен салыстырғанда HbA1c 8,42 % орташа бастапқы мәнімен HbA1c деңгейінің -0,57 %-ға елеулі азаюына алып келген. Сондай-ақ линаглиптин плацебомен салыстырғанда HbA1c (<7,0 %) мақсатты көрсеткішіне қол жеткізген емделушілер санын елеулі арттырды, және ашқарында плазмадағы глюкоза концентрациясын (ПГА) азайтқан (10,4 мг/дл/0,6 ммоль/л). Топтар арасында дене салмағының елеулі айырмасы болмаған.

Глимепиридпен салыстырғанда линаглиптиннің метформинмен біріктірілген емінде: метформинмен монотерапиядағы гликемия бақылауы жеткіліксіз емделушілердегі глимепиридтің 3 мг орташа дозасы немесе линаглиптиннің 5 мг дозадағы біріктірілген емінің тиімділігі және қауіпсіздігінің салыстырмалы зерттеулерінде HbA1c деңгейінің орташа төмендеуі линаглиптин үшін -0,16 % (HbA1c орташа бастапқы деңгейі 7,69 %) және глимепирид үшін -0,36% құрады (HbA1c орташа бастапқы деңгейі 7,69 %), орташа айырмашылығы 0,20 % (97,5 % СА: 0,09, 0,299). Линаглиптин қабылдаған топтарда гипогликемия туындау жиілігі (7,5 %) глимепирид (36,1 %) қабылдаған топпен салыстырғанда елеулі төмен болды. Линаглиптин қабылдаған емделушілерде бастапқы деңгеймен салыстырғанда дене салмағының елеулі орташа төмендегені байқалды, бұл арада глимепирид қабылдаған емделушілердің айырмашылығы дене салмағының елеулі артуы (+1,29 кг салыстырғанда -1,39) болды.

Емделушілердің ерекше топтары

Бүйрек функциясының күрделі бұзылуы бар емделушілер: 2 типті ҚД және бүйрек функциясының күрделі бұзылуы бар емделушілердегі инсулинді, сульфонилмочевина туындыларын, глинидтер және пиоглитазонды қоса, линаглиптиннің негізгі емі HbA1c елеулі жақсаруына (плацебомен салыстырғандағы өзгерісі -0,59% құрады) алып келді; HbA1c орташа бастапқы мәні 8,2% құрады. Плацебомен салыстырғанда HbA1c деңгейінің айырмашылығы 52 аптадан кейін 0,72 % құрады. Топтар арасындағы дене салмағының елеулі айырмашылығы болған жоқ. Линаглиптин қабылдаған емделушілерде симптомсыз гипогликемиялық оқиғалар саны артуына байланысты гипогликемия даму жиілігі плацебо тобымен салыстырғанда жоғары болды. Топтар арасындағы ауыр гипогликемиялық оқиғалар бойынша айырмашылық болған жоқ.

2 типті ҚД бар егде жастағы емделушілерде (≥70 жас) линаглиптинді қолдану:

2 типті ҚД бар егде жастағы (≥70 жас) емделушілер негізгі ем ретінде метформин және/немесе сульфонилмочевина туындыларын және/немесе инсулин қабылдаған. Бірінші 12 апта ішінде диабетке қарсы препараттардың негізгі дозалары тұрақты болып қалды, содан соң оларды түзетуге рұқсат етілді. Линаглиптин 24 аптадан соң HbA1c елеулі жақсаруына алып келді (плацебомен салыстырғанда өзгерісі - 0,64 % құрады; HbA1c орташа бастапқы мәні 7,8 % құрады). Линаглиптин плацебомен салыстырғанда сондай-ақ плазмада ашқарындағы глюкоза деңгейін (ПГА) елеулі төмендеткен.

Айқын гипергликемиясы бар емделушілерде линаглиптинді және линаглиптиннің метморфинмен бастапқы біріктірілімін қолдану (бұрын ем қабылдамаған): 2 типті ҚД (бұрын ем қабылдамаған) және айқын гипергликемиясы (орташа бастапқы деңгей HbA1с 8.5–12.0 %) бар емделушілерде линаглиптин 5 мг күніне бір рет және метформин екі рет (алғашқы 6 аптада 1500 мг немесе 2000 мг) бастапқы біріктірілімінің қауіпсіздігі мен тиімділігі, бір реттік 5 мг линаглиптинмен салыстырылып, 24-апталық зерттеулерде тексерілген. Линаглиптинмен монотерапияның 24 аптасынан кейін, сондай-ақ линаглиптин мен метформиннің біріктірілген бастапқы емінен кейін, HbA1c деңгейі тиісінше -2.0 % және -2.8 %-ға, орташа бастапқы деңгейден HbA1c 9.9 % және 9.8 % тиісінше елеулі төмендеген. Емдеудегі айырмашылық -0.8 % (95% СА –1.1 – 0.5 дейін) монотерапия бойынша бастапқы біріктірілімнің (p<0.0001) артықшылығын көрсетті. Әсіресе, монотерапияда HbA1c деңгейі емделушілердің 40 % және 61 %-да <7.0 % жеткен.

Жүрек-қантамырлық қаупі: 19 клиникалық зерттеуге қатысқан, 2 типті ҚД бар 9459 емделушідегі проспектілі мета-талдау линаглиптинмен емдеудің жүрек-қантамырлық қауіптің (жүрек-қантамырлық өлім қаупі, фатальді емес миокард инфарктісі, фатальді емес инсульт немесе тұрақсыз стенокардияға байланысты ауруханаға жату) артуына алып келмейтінін көрсеткен.

Линаглиптин қолданған және плацебо қабылдаушы топтарда жүрек-қантамырлық асқынулар туындауы ұқсас жиілікпен анықталды [қауіптің арақатынасы 0,78 құрады (95%-дық сенімді аралық 0,55;1,12)].

Плацебо-бақыланатын зерттеулерде линаглиптин пайдалануда бірінші жағдайлардың жалпы саны 1,03%, плацебо пайдалануда 1,35% құрады.

Балалар: деректер жоқ.

Қолданылуы

Линаглиптин 2 типті қант диабеті бар ересек емделушілерге көрсетілген.

Монотерапия

Линаглиптин бүйрек жеткіліксіздігі салдарынан оның қолданылуына қарсы көрсетілім болғанда немесе метформин жақпаушылығында, ем-дәммен және дене жүктемесімен үйлесімінде монотерапия ретінде қолданылады.

Біріктірілген ем

• 2 типті қант диабетінде метформинмен біріктірілімде (ем-дәм, дене жүктемесі және метформин монотерапия тиімсіз болғанда)

• 2 типті қант диабетінде сульфонилмочевина туындыларымен қоса біріктірілімде немесе метформинсіз (ем-дәм, дене жүктемесі және сульфонилмочевина туындыларын қолданумен және/немесе метформинсіз ем тиімсіз болғанда)

• 2 типті қант диабетінде инсулинмен біріктірілімде, бірге немесе метформинсіз қолданылатын (ем-дәм, дене жүктемесі және инсулин қолданумен және/немесе метформинсіз ем тиімсіз болғанда)

Қолдану тәсілі және дозалары

Линаглиптиннің ұсынылатын 5 мг дозасы тәулігіне бір ретті құрайды.

ТРАЖЕНТА уақытына және тамақ ішуіне байланыссыз, ішке қабылданады.

Линаглиптин метформинмен біріктірілімде тағайындалғанда, метформин дозасы демелуі тиіс, ал линаглиптинді қатарлас препарат ретінде қабылдайды.

Линаглиптин сульфонилмочевина туындыларымен немесе инсулинмен біріктірілімде қолданғанда гипогликемия даму қаупін азайту үшін сульфонилмочевина туындыларының немесе инсулиннің дозасы төмендетілуі талап етілуі мүмкін

Бүйрек жеткіліксіздігі: бүйрек жеткіліксіздігі бар емделушілерде доза түзету талап етілмейді.

Бауыр жеткіліксіздігі: бауыр жеткіліксіздігі бар емделушілерде доза түзету талап етілмейді.

Егде жас: доза түзету қажеттігі жоқ. 80 жастан асқан емделушілерде клиникалық деректер жеткіліксіз, сондықтан аталған топтағы емделушілерге тағайындағанда сақ болу керек.

Балалар: линаглиптинді балаларда және 18 жасқа дейінгі жасөспірімдерде қолданудың тиімділігі және қауіпсіздігі анықталмаған. Деректер жоқ.

Өткізіп алған доза: препарат дозасын өткізіп алған жағдайда препаратты мүмкін болғанша тезірек қабылдау керек. Қосарлы дозаны бір күнде қабылдауға болмайды.

Жағымсыз әсерлері

Жағымсыз реакциялар абсолюттік жиілігінің азаю тәртібімен берілген. Жиілігі мынадай ретпен «өте жиі» (1/10); «жиі» (1/100-ден - < 1/10 дейін); «жиі емес» (1/1000-ден - < 1/100 дейін); «сирек» (1/10 000-ден - < 1/1000 дейін); «өте сирек» (< 1/10 000), «белгісіз» (қолда бар деректер негізінде баға беру мүмкін емес) берілген.

* тіркеуден кейінгі қолдану тәжірибесі негізінде

Тіркеуден кейінгі қолдану тәжірибесі барысында алынған күдік болған жағымсыз реакциялар туралы хабарламалар үлкен мәнге ие. Олар дәрілік препарат үшін «пайда/қауіп» арақатынасының одан арғы мониторингі үшін керек. Денсаулық сақтау қызметкерлерінен кез келген күдік болған жағымсыз реакциялар туралы хабарлауын өтінеміз.

Қолдануға болмайтын жағдайлар

• 1 типті қант диабеті

• диабеттік кетоацидоз

• препараттың кез келген компонентіне жоғары сезімталдық

• жүктілік, лактация кезеңі

• 18 жасқа дейінгі балалар және жасөспірімдік кезең

Дәрілермен өзара әрекеттесуі

In vitro. Линаглиптин CYP3A4 (CYP изоферменті) әлсіз бәсекелес тежегіші болып табылады, өзінің әсер ету механизмі есебінен CYP3A4 әлсіз немесе орташа қайтымсыз тежегіш қабілеті бар, бірақ басқа CYP изоферменттерін тежемейді. Линаглиптин CYP изоферментінің индукторы емес.

Линаглиптин гликопротеин-P үшін субстрат болып табылады және дигоксин тасымалын гликопротеин-P арқылы (аз дәрежеде) тежейді. Осы нәтижелердің және дәрілермен өзара әрекеттесулерінің in vivo зерттеулерінен алынған деректер негізінде линаглиптиннің P-gp үшін басқа субстраттармен дәрілік өзара әрекеттесулерге түсуінің ықтималдығы аз деп саналады.

In vivo. Төменде келтірілген клиникалық деректер клиникалық елеулі дәрілік өзара әрекеттесулерінің аздаған қаупі бары туралы айғақтайды. Линаглиптин метформин, глибенкламид, симвастатин, пиоглитазон, варфарин, дигоксин немесе оральді контрацептивтік препараттардың фармакокинетикасына клиникалық елеулі әсер етпеген.

Метформин. Метформиннің (көп реттік күн сайын қабылдайтын 850 мг дозадағы күніне 3 рет) және линаглиптиннің жоғары емдік дозалардағы (күніне 1 рет 10 мг) біріктірілген емі линаглиптин немесе метформиннің фармакокинетикасының клиникалық елеулі өзгерістеріне алып келмеді. Осылайша, ТРАЖЕНТА органикалық катиондардың тасымалдаушы молекулаларының тежегіші болып табылмайды.

Сульфонилмочевина туындылары. Линаглиптиннің ішке қабылданатын (5 мг дозада көп рет қабылдау) біріктірілген емі және глибенкламидтің (глибурид) бір реттік 1,75 мг дозасы линаглиптин фармакокинетикасының тұрақты жай-күйін өзгертпейді. Алайда, глибенкламидтің AUC және Cmax 14%-ға клиникалық маңызды емес төмендеуі анықталды. Глибенкламид, негізінен, CYP2C9 метаболизденетіндіктен, бұл деректер сондай-ақ ТРАЖЕНТА CYP2C9 тежегіші болып табылмайды деген қорытындыны растайды. Сульфонилмочевинаның басқа да туындыларымен (мысалы, глипизид, толбутамид және глимепиридпен) клиникалық маңызды өзара әрекеттесуі күтілмейді, олар глибенкламид сияқты, негізінен, CYP2C9 қатысуымен метаболизденеді.

Тиазолидиндиондар. Линаглиптин (күніне 10 мг жоғары емдік дозада көп рет қабылдау) және CYP2C8 мен CYP3A4 үшін субстрат болып табылатын пиоглитазонды (күніне 45 мг дозада көп рет қабылдау) бірге қабылдау линаглиптиннің немесе пиоглитазонның немесе пиоглитазонның белсенді метаболиттерінің фармококинетикасына клиникалық маңызды әсер еткен жоқ.

Ритонавир. Линаглиптин (бір реттік ішке қабылдау дозасы 5 мг) және ритонавирді (200 мг дозаны ішке көп рет қабылдау) бірге қабылдау линаглиптиннің AUC және Cmax шамамен тиісінше екі және үш есеге ұлғайтты. Әдетте линаглиптиннің емдік дозасының 1% құрайтын байланыспаған концентрациясы ритонавирмен бір мезгілде тағайындағаннан кейін 4-5 есе жоғары болды. Линаглиптин фармакокинетикасының осы өзгерістері клиникалық маңызды деп саналған жоқ. Сондықтан P-гликопротеин/CYP3A4 басқа тежегіштерімен клиникалық маңызды өзара әрекеттесулер күтілмейді және дозалауды өзгерту қажет етілмейді.

Рифампицин. Линаглиптин мен рифампицинді көп рет бірге қолдану фармококинетиканың стационарлық кезеңінде линаглиптиннің AUC және Cmax тиісінше 39,6% және 43,8%-ға төмендеуіне әрі DPP-4 негіздік белсенділігін тежелуінің шамамен 30%-ға азаюына әкелді. P-gp белсенді индукторларымен біріктіре қолданылатын линаглиптиннің клиникалық тиімділігі, толық шамада болмаса да, сақталатын болады. Р-гликопротеин және CYP3A4 басқа күшті индукторларымен, мысалы карбамазепинмен, фенобарбиталмен және фенитоинмен бірге енгізу зерттелмеген.

Дигоксин. Линаглиптин тәулігіне 5 мг дозада және дигоксинді тәулігіне 0,25 мг дозада көп рет қолдану дигоксиннің фармокинетикасына әсер етпейді.

Варфарин. Тәулігіне 5 мг дозада көп рет қолдану линаглиптин CYP2C9 үшін субстрат болып табылатын варфариннің S(-) немесе R(+) фармокинетикасын өзгерткен жоқ, соған сәйкес линаглиптиннің CYP2C9 тежеу қабілеті жоқ.

Симвастатин. Линаглиптинді күніне жоғары емдік 10 мг дозада көп рет қолдану симвастатиннің фармокинетикасына елеусіз әсер етті, бұл дозалауды түзетуді талап етпеді. Линаглиптинді күніне жоғары емдік 10 мг дозада және 40 мг симвастатинді 6 күн бойына күн сайын қабылдаудан кейін симвастатиннің AUC 34 %-ға, ал плазмадағы Cmax 10 %-ға артқан.

Оральді контрацептивтік препараттар. Линаглиптинді 5 мг дозада левоноргестрелмен немесе этинилэстрадиолмен қолдану бұл препараттардың фармакокинетикасының тұрақты жай-күйін өзгертпейді.

Айрықша нұсқаулар

ТРАЖЕНТА препаратын 1 типті қант диабеті бар емделушілерге немесе диабеттік кетоацидозды емдеу үшін қолдануға болмайды.

Гипогликемия

Линаглиптинмен монотерапияда гипогликемия туындау жиілігі плацебомен салыстырарлық болды. Линаглиптинді біріктірілген ем құрамында гипогликемия туындатпайтын дәрілік препараттармен (метформин немесе тиазолидиндион туындылары) үйлесімде қолданылған клиникалық зерттеулерде линаглиптин қабылдауда гипогликемия туындау жиілігі плацебо қабылдаған емделушілердегімен ұқсас болды. Линаглиптинді сульфонилмочевина туындыларымен (метформин аясында) біріктірілімде тағайындағанда гипогликемия даму жиілігі плацебомен салыстырғанда жоғары болды. Сульфонилмочевина туындылары және инсулин гипогликемия туындатады. Линаглиптинді сульфонилмочевина туындыларымен және (немесе) инсулинмен біріктірілімде қолданғанда сақ болу ұсынылады. Сульфонилмочевина туындылары немесе инсулин дозасы төмендетілуі мүмкін.

Жедел панкреатит

DPP-4 тежегіштерін қолданғанда жедел панкреатит даму қаупі болуы мүмкін. Тіркеуден кейінгі зерттеулер барысында линаглиптин қабылдаған емделушілерде жедел панкреатит дамығаны тіркелген. Емделушілерді жедел панкреатитке тән симптомдар туралы хабардар ету керек. Панкреатит дамыған жағдайларда ТРАЖЕНТА препаратын қабылдауды тоқтату керек. Жедел панкреатит расталғанда ТРАЖЕНТА препаратымен емді жаңғыртудың керегі жоқ. Ауру тарихында панкреатит диагнозы анықталған емделушілерге ерекше сақ болу керек.

Фертильділігі, жүктілік және лактация кезеңі

Линаглиптинді жүкті әйелдерде қолдану бойынша зерттеулер жүргізілген жоқ. Клиникаға дейінгі зерттеулер репродуктивті уыттылыққа қатысты тікелей немесе жанама зиянды әсері туралы мәлімет бермейді. Клиникаға дейінгі зерттеулерде линаглиптиннің/ метаболиттердің емшек сүтімен экскрециялануы туралы фармакокинетикалық деректері бар. Емшек еметін бала үшін қаупі жоққа шығарылмайды. Емшек емізуді тоқтату туралы шешімді немесе линаглиптин қолдануды тоқтатуды/ емнен бас тарта тұруды әйел үшін емнің пайдасын және сәбиді емшекпен емізудің артықшылығын ескере отырып, қабылдау керек. Сақтық шаралары ретінде ТРАЖЕНТА препаратын жүктілік және лактация кезеңінде қолдану ұсынылмайды.

Адамның фертильділігіне препараттың ықпалына зерттеулер жүргізілмеген.

Дәрілік заттың автокөлік құралын немесе басқа да қауіптілігі зор механизмдерді басқару қабілетіне әсер ету ерекшеліктері

Препарат автомобильді басқару және механизммен жұмыс істеу қабілетіне елеусіз әсер етеді немесе әсер етпейді. Емделушілерді әсіресе сульфонилмочевина туындыларымен және/немесе инсулинмен біріктірілімде қабылдағанда гипогликемия даму қаупі туралы ескерту керек. Препаратты қабылдағанда бас айналуы жағдайлары болатынын ескере отырып, сақтық жасау керек. Егер емделушілер бас айналуын сезінсе, олар қызметтің аса қауіпті түрлерінен, оның ішінде автокөлік құралын және механизмдерді басқарудан бас тартуы тиіс.

Артық дозалануы

Препаратпен артық дозалану жағдайлары туралы деректер жоқ. Дені сау сынақтағыларда бақыланатын клиникалық зерттеулер жүргізу уақытында

600 мг (ұсынылатын дозадан 120 есе астам) жететін линаглиптиннің бір реттік дозасының жағымдылығы жақсы болды. Адамда 600 мг асатын доза қолдану деректері жоқ.

Симптомдары: гипогликемия, жүрек айнуы, бас айналуы.

Емі: cимптоматикалық – асқазанды шаю, адсорбенттер қабылдау, көктамыр ішіне сұйықтық енгізу, гликемиялық бейінді бақылау және қалыпқа келтіру.

Шығарылу түрі және қаптамасы

Баспалы күңгірт-лакталған алюминий фольгадан жасалған пішінді ұяшықты қаптамада 10 таблеткадан.

3 пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Берингер Ингельхайм Роксан Инк., АҚШ

Тіркеу куәлігінің иесі

Берингер Ингельхайм Интернешнл ГмбХ, Германия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Берингер Ингельхайм Фарма Гес мбХ» ҚР-дағы өкілдігі

Мекенжайы: Алматы қ., 050008, Абай даңғ. 52

«Innova Tower» бизнес орталығы 7ші қабат

тел: +7 (727) 250 00 77; факс: +7 (727) 244 51 77

e-mail: PV_local_Kazakhstan@boehringer-ingelheim.com