Торсид (10 мг)

МНН: Торасемид
Производитель: Фармак ПАО
Анатомо-терапевтическо-химическая классификация: Torasemide
Номер регистрации в РК: № РК-ЛС-5№015861
Период регистрации: 22.05.2015 - 22.05.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Предельная цена закупа в РК: 34.18 KZT

Инструкция

Саудалық атауы

Торсид

Халықаралық патенттелмеген атауы

Торасемид

Дәрілік түрі

5 мг және 10 мг таблеткалар

Құрамы

Бір таблетканың құрамында

белсенді зат - 100 % затқа шаққанда 5 мг немесе 10 мг сусыз торасемид

қосымша заттар: лактоза моногидраты, желатинделген крахмал, сусыз коллоидты кремнийдің қостотығы, магний стеараты.

Сипаттамасы

Ақ немесе ақ дерлік түсті тегіс беткейлі ойығы мен сызығы бар таблеткалар

Фармакотерапиялық тобы

Диуретиктер. «Ілмектік» диуретиктер. Сульфаниламидті диуретиктер. Торасемид

АТХ коды С03С А04

Фармакологиялық қасиеттері

Фармакокинетикасы

Ішке қабылдағаннан кейін ас қорыту жолынан тез және іс жүзінде толық сіңеді. Қан плазмасында ең жоғары концентрациясы 1-2 сағаттан соң байқалады. Торасемидтің плазма ақуыздарымен байланысуы 99%-дан астамды, М1, М3 және М5 метаболиттерінің – тиісінше, 86%, 95% және 97% құрайды. Биожетімділігі елеусіз жекелей ауытқушылығымен 80%-ға жуықты құрайды және ас ішуге байланысты емес. Метаболиттерді (М1, М3 және М5) түзу арқылы Р450 цитохромы жүйесімен бауырда метаболизденеді. Негізгі метаболит М5 диуретикалық әсер көрсетпейді, әсер етуші М1 және М3 метаболиттер бірігіп фармакодинамикалық әсердің 10%-ға жуығын жүзеге асырады. Торасемидтің және оның метаболиттерінің жартылай шығарылу кезеңі дені сау еріктілерде 3-4 сағатты құрайды. Қабылданған дозаның 83%-ға жуығы бүйрек өзекшелері арқылы: өзгермеген күйінде (24 %) және метаболиттер түрінде (М1 – 12 %, М3 – 3 %, М5 – 41 %) шығарылады. Жалпы клиренсі минутына 40 мл, ренальді клиренсі минутына шамамен 10 мл құрайды. Бүйрек жеткіліксіздігі кезінде жалпы клиренсі және торасемидтің жартылай шығарылу кезеңі өзгермейді, ал М3 пен М5 жартылай шығарылу кезеңі ұзарады. Алайда фармакодинамикалық сипаттамасы өзгермеген күйінде қалады, әсер ету ұзақтығына бүйрек жеткіліксіздігінің ауырлық дәрежесі ықпалын тигізбейді. Бауыр функциясы бұзылған немесе жүрек жеткіліксіздігі бар науқастарда торасемидтің және М5 метаболиттің жартылай шығарылу кезеңі елеусіз ұзарады, торасемидтің және оның метаболиттерінің жинақталуы байқалмайды.

Фармакодинамикасы

Диуретикалық әсерінің негізгі механизмі Генле ілмегінің апикальді бөлігіндегі Na+/2Cl-/K+ котранспортерімен қайтымды байланысуына байланысты, соның салдарынан Генле ілмегінің жоғарылаған бөлігіндегі хлор мен натрий иондарының ренальді қайта сіңірілуі төмендейді немесе толық бәсеңдейді, жасушаішілік сұйықтықтың осмостық қысымы және судың кері сіңуі азаяды. 5-100 мг доза ауқымында диурездің артуы дозаның логарифміне пропорционалды. Диурездің артуы несеп айдағыш басқа препараттар (мысалы, тиазидтер) жеткілікті әсер көрсетпегенде, мысалы, бүйрек функциясы шектелген кезде туындайды. Ісінулерді жояды, гипертензияға қарсы әсер етеді, ол артерияның бұлшықет қабаттарының жасушаларында бос калций мөлшерінің азаюы және бұзылған электролиттік теңгерімнің қалыпқа келуі есебінен шеткергі кернеудің азаюымен жүзеге асады. Осының салдарынан контрактильділік және қантамырлардың организмнің өзінің прессорлы заттарына, атап айтқанда катехоламиндерге реакциясы төмендейді. Алдындағы және кейінгі жүктемелердің азаюынан жүректің жұмыс жасау жағдайы жақсарады. Пероральді қолданғаннан кейін ең жоғары диуретикалық әсері 1 - 3 сағат бойы жалғасады, ал диуретикалық әсері 12 сағат бойы дерлік сақталады. Торасемидтің гипотензиялық әсері алғашқы апта ішінде біртіндеп дамиды және ең жоғары шегіне 12 аптадан кешікпей жетеді.

Қолданылуы

  • эссенциальді гипертензияда

  • жүрек жеткіліксіздігінен туындаған ісінулерді және/немесе жалқықтарды емдеуде

Қолдану тәсілі және дозасы

Ересектер.

Таңертеңгісін тамақтан кейін ішке тәулігіне 1 рет, шайнамай, аздаған мөлшерлі сұйықтықпен қабылдайды. Дозаны және емдеу курсының ұзақтығын көрсетілімдерін, емдеудің тиімділігін және жағымдылығын ескере отырып, әр адамға жекелей белгілейді.

Эссенциальді гипертензияда. Әдетте доза Торсидтің 2,5 мг құрайды. Егер тәулігіне 2,5 мг доза препаратпен 12 апта емдегеннен кейін артериялық қысым қалыпқа келмесе, дозаны 5 мг-ге дейін арттыруға болады. Дозаны әрі қарай арттырудың керегі жоқ, өйткені бұл артериялық қысымды әрі қарай төмендетпейді.

Ісінулерде және жалқықтарда: бастапқы доза тәулігіне 5 мг Торсидті құрайды. Әдетте бұл доза демеуші болып саналады. Егер 5 мг тәуліктік доза жеткіліксіз болса, онда тәулігіне 10 мг торасемидті қолданады. Дозаны аурудың ауырлығына байланысты, тәулігіне препаратты 20 мг-ге дейін арттыруға болады.

Бауыр жеткіліксіздігінде. Мұндай емделушілерді сақтықпен емдеу керек, себебі қан плазмасында торасемид концентрациясының жоғарылауы болуы мүмкін.

Егде жастағы емделушілер. Дозаны арнайы таңдаудың қажеті жоқ. Егде жастағы және жас емделушілерді емдеуді салыстыруға қатысты талапқа сай зерттеулер жүргізілген жоқ.

Жағымсыз әсерлері

  • су және электролиттік теңгерімнің бұзылуы (гиповолемия, гипокалиемия, гипонатриемия), метаболизмдік алкалоздың күшеюі. Қатты несеп бөліну салдарынан сұйықтық пен электролиттерді айтарлықтай жоғалтқанда артериялық гипотензия, сананың шатасуы, тромбоздар, жүрек ырғағының бұзылуының дамуымен кардиальді және церебральді ишемия, стенокардия, жедел миокард инфарктісі, синкопе байқалуы мүмкін

  • бас ауыруы, бас айналуы, қатты қажығыштық, бұлшықеттің құрысуы

  • іштің қатуы, анорексия, жүрек айнуы, құсу, асқазанның ауыруы, диарея, бауырдың кейбір ферменттерінің (атап айтқанда гамма-глутамилтранспептидазаның) артуы, панкреатит

  • несеп бөлінуінің бұзылуы бар емделушілерде (мысалы, қуықасты безінің гипертрофиясы) қарқынды несеп бөлу несептің іркілуіне және қуықтың шамадан тыс созылуына әкеп соқтырады; креатининнің және қандағы мочевинаның жоғарылауы

  • қандағы несеп қышқылы, глюкоза, липид деңгейлерінің (триглицеридтер, холестерин) жоғарылауы

- тромбоциттер, эритроциттер және/немесе лейкоциттер санының азаюы

  • аллергиялық реакциялар, соның ішінде бөртпелер, қышыну, экзантема, фотосезімталдық, ауыр тері реакциялары.

  • жалпы әлсіздік, ауыздың құрғауы, парестезиялар, көрудің бұзылуы, құлақтағы шуыл, естудің нашарлауы, естімей қалу

Қолдануға болмайтын жағдайлар

  • әсер етуші затқа, басқа да сульфонилмочевина препараттарына және қосымша заттарға жоғары сезімталдық

  • ануриямен қоса бүйрек жеткіліксіздігі

  • бауыр комасы немесе прекома

  • артериялық гипотензия

  • гиповолемия

  • гипонатриемия

  • гипокалиемия

  • несеп шығарудың айқын бұзылулары, мысалы, қуықасты безінің гипертрофиясы нәтижесінде

  • жүктілік және лактация кезеңі

  • жүрек ырғағының бұзылуы

  • аминогликозидтермен немесе цефалоспориндермен бір мезгілде тағайындау

Дәрілермен өзара әрекеттесуі

Торсид гипертензияға қарсы басқа дәрілік заттардың, атап айтқанда ангиотензин өзгертуші ферменттің әсерін күшейтеді, сондықтан тиісті біріктірілген ем артериялық қысымның шамадан тыс төмендеуіне әкеп соқтыруы мүмкін.

Торсидпен оймақгүл препараттарын бір мезгілде қолданған кезде торасемидтен туындаған калий тапшылығы екі препараттың да жағымсыз әсерлері ауқымының кеңеюіне әкеп соқтыруы мүмкін.

Торсид диабетке қарсы дәрілердің әсерін әлсіретеді. Пробенецид және қабынуға қарсы стероидты емес дәрілер Торсидтің диуретикалық және гипотензиялық әсерін әлсіретеді. Жоғары дозада салицилаттармен емдеген кезде Торсид олардың орталық жүйке жүйесіне уытты әсерін күшейтуі мүмкін. Торсид, әсіресе үлкен дозаларда, аминогликозидтік антибиотиктердің және платина туындыларының ото- және нефроуытты әсерлерін, сондай-ақ цефалоспориндердің нефроуытты әсерін күшейтуі мүмкін. Торсид теофиллиннің және курареге ұқсас миорелаксанттардың әсерлерін күшейтеді. Іш жүргізетін дәрілер, сондай-ақ минерал- және глюкокортикоидтар Торсидпен байланысты калийдің жоғалуын күшейтуі мүмкін. Торсидті және литий препараттарын бір мезгілде қолданған кезде литийдің қандағы концентрациясы жоғарылауы мүмкін және литийдің әсері мен оның жағымсыз әсерлері күшеюі мүмкін. Торсид катехоламиндердің тамыр тарылтатын әсерін әлсіретеді. Холестираминмен бір мезгілде қолданған кезде торасемидтің сіңуі төмендеуі және осылайша, оның әсері әлсіреуі мүмкін.

Айрықша нұсқаулар

Торсидпен ұзақ уақыт емдеген кезде электролиттік теңгерімді (атап айтқанда қан сарысуындағы калийді), қан сарысуындағы глюкоза, несеп қышқылы, креатинин және липидтер деңгейін, қан көрінісін (эритроциттер, лейкоциттер, тромбоциттер) ұдайы бақылап отыру қажет.

Науқастың қанындағы глюкоза деңгейінің жоғарылауы жасырын немесе манифестті қант диабетімен байланысты болуы мүмкін екендігін ескеріп отыру қажет, сондықтан мұндай науқастарда қандағы қант деңгейін мұқият бақылап отырған жөн. Әсіресе егде жастағы науқастарды емдеудің басында электролиттердің жоғалуы мен қан қоюлануы симптомдарының пайда болуына ерекше назар аудару қажет.

Клиникалық қолдану жеткіліксіз болғанда төмендегі аурулар мен жағдайларда торасемидті тағайындауға болмайды: подагра; аритмиялар (мысалы, синоатриальді блокадада, II және III дәрежелі атриовентрикулярлық блокадада); қышқылды-сілтілі метаболизмнің патологиялық өзгеруінде; литий препараттарын, аминогликозидтерді немесе цефалоспориндерді пайдаланумен қатар жүретін емде; қан көрінісінің патологиялық өзгеруінде, мысалы, бүйрек жеткіліксіздігі жоқ науқастардағы тромбоцитопенияда немесе анемияда; нефроуытты заттармен туындаған бүйрек функциясының бұзылуында.

Препарат құрамында лактоза бар, сондықтан оны тұқым қуалайтын лактаза тапшылығы, галактоза көтере алмаушылық немесе глюкоза/галактоза метаболизмі бұзылулары бар науқастарға тағайындауға болмайды.

Педиатрияда қолдану. Препарат қауіпсіздігі жөнінде деректер болмауына байланысты балаларға тағайындалмайды.

Жүктілік немесе бала емізу кезеңінде қолдану

Жүктілік. Торасемидтің эмбрионға және адам ұрығына әсер етуі туралы нақты деректер жоқ. Жануарларға жүргізілген эксперименттерде торасемидтің репродуктивтік уыттылығы көрсетілген. Торасемид плацентарлық бөгет арқылы өтеді. Жоғарыда айтылғандарға байланысты торасемидті ең төменгі ықтималды тиімді дозада өмірлік маңызы бар көрсеткіштер бойынша жүктілік кезінде қолдануға болады. Диуретиктер жүкті әйелдерде артериялық гипертензияны немесе ісінулерді емдеудің стандартты сызбасы үшін жарамсыз, себебі олар плацентарлық бөгеттің перфузиясын төмендетуге және ұрықтың жатырішілік дамуына уытты әсер туғызуға қабілетті. Егер торасемидті жүрек жеткіліксіздігі немесе бүйрек жеткіліксіздігі бар жүкті әйелдерді емдеу үшін қолданса, онда электролиттер мен гематокритке мұқият мониторинг жүргізу, сондай-ақ ұрықтың дамуын қадағалау қажет.

Бала емізу кезеңі. Қолдануға болмайды. Егер торасемидті қолдану қажет болса, онда бала емізуді тоқтату керек.

Дәрілік заттың автокөлік құралдарын немесе басқа да механизмдерді басқару қабілетіне әсер ету ерекшеліктері

Тәуелсіз қолданған кезде де торасемид автокөлік басқару немесе басқа механизмдермен жұмыс істеу немесе сақтандырусыз жұмыс істеу қабілетіне елеусіз жағымсыз әсер туғызатын дәрежеге дейін науқастың реакциясына әсер етуі мүмкін. Бұл айтарлықтай дәрежеде емдеуді бастау, препарат дозасын ұлғайту, дәрілік затты алмастыру сияқты жағдайларға немесе қатар жүретін емді тағайындағанда, сондай-ақ алкогольді қатар қолданғанда қатысы бар. Сондықтан торасемидті қолданған кезде автокөлікті басқарғанда немесе басқа механизмдермен жұмыс істегенде өте сақ болу керек.

Артық дозалануы

Симптомдары: сұйықтықтың және электролиттердің жоғалу қаупімен диурездің күшеюі, ұйқышылдық, сананың шатасуы, артериялық гипотензия, жүрек-қантамыр жеткіліксіздігі және ас қорыту жолының бұзылыстары.

Емі: Арнайы у қайтарғы белгісіз. Дозаны төмендеткенде және дәрілік затты қабылдауды тоқтатқанда және сұйықтық пен электролитті тиісті алмастырғанда (бақылау жүргізу қажет!) әдетте уыттану симптомдары жоғалады. Торасемид гемодиализдің көмегімен қаннан шығарылмайды. Гиповолемия жағдайында емдеу: сұйықтық көлемін алмастыру. Гипокалиемия жағдайында емдеу: калий препараттарын тағайындау. Жүрек-қантамыр жеткіліксіздігін емдеу: науқасты отырғызу және қажет болғанда симптоматикалық ем тағайындау.

Анафилактикалық шок (шұғыл шаралар): тері реакциялары (мысалы, есекжем немесе терінің қызару сияқты), науқастың қозу жай-күйі, бас ауыруы, тершеңдік, жүрек айнуы, цианоз алғаш пайда болғанда көктамырды катетерлеуді жүргізу керек; науқасты жатқызып, еркін ауа жұтуын қамтамасыз ету, оттегін тағайындау қажет. Қажет болғанда эпинефринді, сұйықтық көлемін алмастыруға арналған ерітінділерді, глюкокортикоидтарды енгізу көрсетілген.

Шығарылу түрі және қаптамасы

5 мг немесе 10 мг таблеткалар.

10 таблеткадан поливинилхлоридті түссіз үлбірден және баспалы лакталған алюминий фольгадан жасалған пішінді ұяшықты қаптамада.

3 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Түпнұсқалық қаптамасында, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецепт арқылы

Өндіруші

«Фармак» ЖАҚ, Украина, 04080, Киев қ., Фрунзе к-сі, 63.

Тіркеу куәлігінің иесі

«Фармак» ЖАҚ, Украина

Қазақстан Республикасы аумағында тұтынушылардан өнім (тауар) сапасы туралы түскен шағымдарды қабылдайтын ұйымның атауы және мекен-жайы:

Қазақстан Республикасы, Алматы қ., индексі 050012, Амангелді к-сі 59 "А" "Шартас" бизнес орталығы, 9 қабат.

Тел +7 (727) 267 64 63, факс +7 (727) 267 63 73, электронды поштасы: a.liadobruk@gmail.com

 

 

Прикрепленные файлы

588860721477976538_ru.doc 84 кб
569018281477977707_kz.doc 91 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники