Тороцеф

Тороцеф

Цефтриаксон

Инъекция үшін ерітінді дайындауға арналған 1.0 г ұнтақ

Бір құтының ішінде

белсенді зат –

Натрий цефтриаксоны 1438.14*

(цефтриаксонға баламалы) (1000.00)

Ақ дерлік немесе сарғыштау кристалды ұнтақ.

"Жүйелі қолдануға арналған бактерияға қарсы дәрілер. Бактерияға қарсы басқа да бета-лактамды препараттар. Үшінші буын цефалоспориндері. Цефтриаксон"

АТХ коды J01DD04

Фармакокинетикасы

Цефтриаксон фармакокинетикасы дозаға тәуелсіз сипатта болады. Жартылай шығарылу кезеңін қоспағанда, препараттың жалпы концентрацияларына негізделген барлық негізгі фармакокинетикалық параметрлері дозаға байланысты.

Бұлшықет ішіне 1 г препарат бір рет енгізілгеннен кейін плазмадағы ең жоғары концентрациясы 81 мг/л жуықты құрайды және енгізілгеннен кейін 2-3 сағат шегінде жетеді. Вена ішіне және бұлшықет ішіне енгізілгеннен кейін «плазмадағы концентрация – уақыт» қисығы астындағы аудандары бірдей болады. Бұл бұлшықет ішіне енгізілгеннен кейін цефтриаксонның биожетімділігі 100 құрайтынын көрсетеді.

Цефтриаксонның таралу көлемі 7-12 л болады.

1-2 г дозада енгізілгеннен кейін цефтриаксон организмнің тіндері мен сұйықтықтарына өте жақсы өтеді. 24 сағаттан астам уақыттың ішінде оның концентрациялары 60-тан астам тіндер мен сұйықтықтардағы (оның ішінде өкпеде, жүректе, өт жолдарында, бауырда, бадамшаларда, ортаңғы құлақ пен мұрын шырышында, сүйектерде, сондай-ақ жұлын, плевралық және синовиальді сұйықтықтар мен қуық асты безінің сөлінде) инфекция қоздырғыштарының көпшілігі үшін ең төмен бәсеңдеткіш концентрацияларынан едәуір артады.

Вена ішіне қолданылғаннан кейін цефтриаксон жұлын сұйықтығына жылдам өтеді, мұнда сезімтал микроорганизмдерге қатысты бактерицидтік концентрациялары 24 сағат бойы сақталады.

Цефтриаксон альбуминмен қайтымды байланысады, сонымен қатар концентрацияның артуымен бірге, мысалы, плазмадағы 100 мг/л кем концентрациясында 95-дан 300 мг/л концентрацияда 85-ға дейін төмендей отырып, байланысу дәрежесі азаяды. Тін сұйықтығындағы альбуминнің аз концентрациясының арқасында ондағы бос цефтриаксонның үлесі плазмадағыдан жоғары.

Цефтриаксон балаларда, оның ішінде жаңа туған балаларда қабынған ми қабықтары арқылы өтеді. Дене салмағына 50-100 мг/кг дозаларда (тиісінше, жаңа туғандар мен емшек еметін балаларға) вена ішіне енгізілгеннен кейін 24 сағат өткенде цефтриаксонның жұлын сұйықтығындағы концентрациясы 1.4 мг/л-ден артады. Жұлын сұйықтығындағы ең жоғары концентрациясына вена ішіне енгізілгеннен кейін 4 сағат өткен соң жетеді және орта есеппен 18 мг/л құрайды. Бактериялық менингитте цефтриаксонның жұлын сұйықтығындағы орташа концентрациясы плазмадағы концентрацияның 17, асептикалық менингитте - 4 құрайды. Менингитпен науқас ересектерде дене салмағына 50 мг/кг дозасы енгізілгеннен кейін 2-24 сағат өткенде цефтриаксонның жұлын сұйықтығындағы концентрациясы менингиттің ең көп тараған қоздырғыштары үшін ең төмен бәсеңдеткіш концентрациялардан бірнеше есе асып түседі.

Цефтриаксон плаценталық бөгет арқылы өтеді және аз концентрацияларда емшек сүтіне енеді.

Цефтриаксон жүйелі метаболизмге ұшырамайды, ішек микрофлорасының әсерімен белсенді емес метаболиттерге айналады.

Цефтриаксонның жалпы плазмалық клиренсі 10-22 мл/мин құрайды. Бүйрек клиренсі 5-12 мл/мин тең, цефтриаксонның 50-60-ы өзгермеген түрде несеппен, ал 40-50-ы өзгермеген түрде өтпен шығарылады. Цефтриаксонның жартылай шығарылу кезеңі ересектерде 8 сағатқа жуықты құрайды.

Пациенттердің ерекше топтарындағы фармакокинетикасы

Бүйрек немесе бауыр функциясы бұзылған науқастарда цефтриаксон фармакокинетикасы болымсыз өзгереді, жартылай шығарылу кезеңінің шамалы ұлғаюы ғана байқалады. Егер тек бүйрек функциясы ғана бұзылған болса, өтпен шығарылуы, егер тек бауыр функциясы ғана бұзылған болса, бүйрек арқылы шығарылуы ұлғаяды.

75 жастан асқан пациенттер

75 жастан асқандарда цефтриаксонның жартылай шығарылу кезеңі жас ересектерге қарағанда, орта есеппен, екі немесе үш есе көп.

Балалар

Жаңа туған балаларда дозаның 70% жуығы бүйрек арқылы шығарылады. Емшек еметін балаларда өмірінің алғашқы 8 күнінде ересектерге қарағанда, орта есеппен, екі немесе үш есе көбірек.

Фармакодинамикасы

Тороцеф – үшінші буын цефалоспориндері қатарындағы антибиотик. Бактерицидті әсерге иеленген, бір немесе бірнеше пенициллин байланыстыратын ақуыздарға қосылу жолымен, белсенді бөлінетін бактериялардың жасушалық қабырғаларының синтезін басу арқылы, көптеген грамоң және грамтеріс микроорганизмдердің көбеюін бәсеңдетеді. Нәтижесінде жасуша қабырғасы зақымданады және осмостық тұрғыдан тұрақсыз болады.

Цефалоспориндер жасушалардың бөлінуіне қатысатын ферменттің, муреин гидролазының тежелуін азайтады. Тежелмеген фермент жасуша қабырғасы бүтіндігін бұзады.

Цефтриаксон бета-лактамаза (пенициллиназа) өндіретін штаммдарды қоса, келесі микроорганизмдерге қатысты белсенді.

Сезімтал микроорганизмдер:

Граммоң аэробты:

Staphylococcus aureus (метициллинге сезімтал)*, Коагулазонегативті стафилококктар (метициллинге сезімтал)*, Streptococcus pyogenes (A тобы), Streptococcus agalacliae (B тобы), Streptococcus pneumoniae, viridans тобының Streptococci.

Грамтеріс аэробты микроорганизмдер:

Borrelia burgdorferi, Haemophilus influenzae, Haemophilus parainfluenzae, Moraxella catarrhalis, Neisseria gonorrhoea, Neisseria meningitidis, Proteus mirabilis, Providencia spp.

Сезімталдық жүре пайда болуы мүмкін түрлері

Грамоң аэробты микроорганизмдер:

Staphylococcus epidermidis**, Staphylococcus haemolyticus, Staphylococcus hominis

Грамтеріс аэробты микроорганизмдер:

Citrobacter freundii, Enterobacter aerogenes, Enterobacter cloacae, Escherichia coli***, Klebsiella pneumonia***, Klebsiella oxytoca***, Morganella morganii, Proteus vulgaris, Serratia marcescens

Анаэробтар

Bacteroides spp., Fusobacterium spp., Peptostreptococcus spp., Clostridium perfringens

Төзімді микроорганизмдер

Грамоң аэробты микроорганизмдер:

Enterococcus spp., Listeria monocytogenes

Грамтеріс аэробты микроорганизмдер:

Acinetobacter baumannii, Pseudomonas aeruginosa, Stenotrophomonas maltophilia

Анаэробтар

Clostridium difficile

Басқалары: Chlamydia spp., Chlamydophila spp., Mycoplasma spp., Legionella spp., Ureaplasma urealyticum

* Метициллинге төзімді барлық стафилококктар цефтриаксонға төзімді.

**Төзімділік пайызы > 50%, кем дегенде бір аймақта

*** ESBL өндірілетін штаммдар, әрқашанда төзімді

Тороцеф ересектер мен балаларда, оның ішінде күні жетіп туған нәрестелерде мынадай инфекцияларды емдеу үшін тағайындалады:

- бактериялық менингит

- ауруханадан тыс пневмония

- ауруханаішілік пневмония

- жедел ортаңғы отит

- құрсақ қуысының инфекциялары (перитонит, өт жолдарының және асқазан-ішек жолының инфекциялары)

- несеп шығару жолдарының асқынған инфекциялары (оның ішінде пиелонефрит)

- сүйектер мен буындардың инфекциялары

- тері мен жұмсақ тіндердің асқынған инфекциялары

- соз

-мерез

- бактериялық эндокардит

Тороцеф мынадай жағдайларда пайдаланылуы мүмкін:

- ересектерде өкпенің созылмалы обструктивті ауруларының асқынуы

- ересектер мен 15 күннен асқан жаңа туғандарды қоса, балалардағы жайылған Лайм боррелиозы (ерте (II саты) және кеш (III саты))

- инфекцияның операция алдындағы профилактикасы, салдарлық

инфекция дамуының профилактикасы

- бактериялық инфекциядан туындауы мүмкін қызбадан зардап шегетін нейтропениясы бар пациенттерді емдеу

- жоғарыда аталған инфекциялардың кез келгенімен байланысты немесе күдік тудыратын бактериемиясы бар пациенттерді емдеу.

Вена ішіне және бұлшықет ішіне.

Ересектерге және 12 жастан асқан балаларға – тәулігіне 1 рет 1-2 г-ден немесе әрбір 12 сағат сайын 0.5-1 г, тәуліктік доза 4 г-ден аспауы тиіс.

Жаңа туған нәрестелер үшін (2 апталыққа дейінгі) – тәулігіне 20-50 мг/кг.

Емшектегі балалар және 12 жасқа дейінгі балалар үшін тәуліктік доза – дене салмағының әр кг шаққанда 20-80 мг. Дене салмағы 50 кг және одан жоғары балаларда ересектерге арналған дозаны қолданады. Дене салмағының әр кг шаққанда 50 мг-ден көбірек дозаларды 30 минут бойы вена ішіне инфузия түрінде тағайындау қажет.

Тороцефті, құрамында кальций бар ұзақ инфузияны қоса, құрамында кальций бар ерітінділермен вена ішіне енгізу арқылы емдеу тағайындалып қойған немесе тағайындау керектігі шамаланған жаңа туған (≤8 күн) нәрестелерге, цефтриаксонның кальций тұздарының преципитаттарының түзілу қаупі бар болғандықтан, қолдануға болмайды.

Егде және қартаң жастағы науқастар

Ересектер үшін жасына қарай түзетусіз, әдеттегі доза.

Емдеу ұзақтығы ауру барысына байланысты. Қашанда антибиотиктермен емдеудегі сияқты, Тороцеф препаратын енгізуді науқастарға, температурасы қалыпқа келгеннен кейін және қоздырғыштардың эрадикациясы айғақталғаннан кейін тағы да, ең кемінде, 48-72 сағат бойы жалғастырған жөн.

Біріктірілген ем

Көптеген грамтеріс бактерияларға қатысты Тороцеф препараты мен аминогликозидтер арасында синергизм көрсетілген. Осындай біріктірілімдердің жоғары тиімділігінің әрдайым алдын ала болжанбайтынына қарамастан, оны өмірге қауіп төндіретін Pseudomonas aeruginosa сияқты ауыр инфекцияларда ескерген жөн. Цефтриаксон мен аминогликозидтердің физикалық үйлесімсіздігіне байланысты, бұларды олар үшін ұсынылған дозаларда бөлек енгізген жөн.

Менингит

Емшектегі балаларда және жасы кіші балалардағы бактериялық менингитте емдеуді тәулігіне 1 рет 100 мг/кг дозадан (бірақ 4 г-ден көп емес) бастайды. Қоздырғыштарды идентификациялаудан және оның сезімталдығын анықтаудан кейін дозаны тиісінше азайтуға болады.

Өте жақсы нәтижелерге менингококктік менингитте емдеудің 4-ші күні, Haemophilus influenzae әсерінен болған менингитте - 6 күні, Streptococcus pneumoniae әсерінен болған менингитте - 7 күні қол жеткізілді.

Лайм ауруы

Ересектер мен балаларға 14 күн бойы тәулігіне бір рет 50 мг/кг (жоғары тәуліктік доза - 2 г).

Соз (пенициллиназа түзетін және пенициллиназа түзбейтін штаммдардан туындаған)

250 мг Тороцеф препаратын бір рет бұлшықет ішіне енгізу.

Операциядан кейінгі инфекциялар профилактикасы

Инфекциялық қауіптің дәрежесіне байланысты, операцияның басталуынан 30-90 мин бұрын 1-2 г препарат бір рет енгізіледі. Тоқ және тік ішекке операция жасағанда Тороцеф препаратын және 5-нитроимидазолдардың біреуін, мысалы, орнидазолды бір мезгілде енгізуді ұсынған жақсы болатыны байқалды.

Кіріспе

Жалпы ереже ерітінділерді әзірлегеннен кейін бірден пайдалану болуы тиіс.

Әзірленген ерітінділер бөлме температурасында 6 сағат бойы (2-8ºC температурада 24 сағат бойы) өзінің физикалық және химиялық тұрақтылығын сақтайды. Концентрациясына және сақтау ұзақтығына байланысты ерітінділердің түсі бозғылт-сарыдан янтарь түске дейін өзгеруі мүмкін. Ерітіндінің бояуы препараттың тиімділігіне немесе жағымдылығына ықпалын тигізбейді.

Бұлшықет ішіне инъекция жасау үшін 500 мг Тороцеф препаратын 2 мл, ал 1 г - 3.5 мл 1% лидокаин ерітіндісінде ерітеді және ең үлкен бұлшықетке (бөксеге) терең етіп енгізеді. Бір бұлшықетке 1 г-ден асырмай енгізу ұсынылады.

Цефтриаксонды бұлшықет ішіне енгізер алдында, еріткіш ретінде лидокаин пайдаланылған кезде, лидокаин үшін қарсы көрсетілімдерін ескерген жөн (лидокаин дәрілік затының медициналық қолдану жөніндегі нұсқаулығындағы ақпаратты қараңыз).

Қолдану тәсілі

Стандартты дозасы

Ересектер мен 12 жастан асқан балалар: тәулігіне бір рет 1-2 г (әр 24 сағат сайын).

Ауыр жағдайларда немесе, қоздырғыштарының цефтриаксонға тек орташа сезімталдығы бар инфекцияларда тәуліктік дозасын 4 г дейін арттыруға болады.

Емдеу ұзақтығы аурудың ағымына тәуелді. Антибиотикпен емдеудің барлық жағдайлары сияқты, Тороцеф препаратын енгізуді науқастарға температура қалыпқа түскеннен және қоздырғыш эрадикациясы расталғаннан кейін тағы кемінде 48-72 сағат бойы жалғастыру керек.

Біріктірілген ем

Тороцеф препараты мен аминогликозидтер арасында көптеген грамтеріс бактерияларға қатысты синергизм бары көрсетілген. Мұндай біріктірілімдері тиімділігінің жоғарылығын үнемі болжап білу мүмкін еместігіне қарамастан, оны Pseudomonas aeruginosa түрткі болған инфекциялар сияқты өмірге қауіп төндіретін ауыр инфекциялар кезінде ескеру керек. Цефтриаксон мен аминогликозидтердің физикалық үйлесімсіз болуына байланысты, оларды өздерінің ұсынылған дозаларында бөлек-бөлек енгізу керек.

Бауыр функциясының бұзылуы бар науқастарда бүйрек функциясының бұзылулары болмаған жағдайда, дозасын азайту қажет емес.

Бүйрек функциясының бұзылуы бар науқастарда бауыр функциясының бұзылулары болмаған жағдайда, дозасын азайту қажет емес. Тороцеф препаратының тәуліктік дозасы тек креатинин клиренсі 10 мл/минуттан аз бүйрек жеткіліксіздігі жағдайларында ғана 2 г аспауы тиіс.

Бүйрек пен бауырдың ауыр жеткіліксіздігі бірігіп келгенде цефтриаксонның плазмадағы концентрациясын жүйелі түрде анықтап отыру және қажет болса, оның дозасын түзету керек.

Диализдегі науқастарға диализден кейін препаратты қосымша енгізу қажет емес. Алайда, дозасын түзету мүмкіндігіне қатысты сарысудағы цефтриаксон концентрациясын бақылау керек, өйткені бұл науқастарда шығарылу жылдамдығы төмендеуі мүмкін.

Егде және кәрілік жасындағы науқастар

Ересектерге арналған әдеттегі дозалары, жас шамасына байланысты түзетулерсіз.

Балалар

Жаңа туған сәбилер, емшектегі балалар және 12 жасқа толмаған балалар

Тороцеф препаратын тәулігіне бір рет тағайындаған кезде келесі дозалау режимдерін ұстану керек:

жаңа туған сәбилер (14 күнге дейінгі) – тәулігіне бір рет дене салмағына 20-50 мг/кг. Тәуліктік дозасы дене салмағына 50 мг/кг аспауы тиіс. Дозасын белгілеу кезінде күні жетіп туған және шала туған сәбилер арасында айырмашылық туғызу керек емес.

Тороцефті ұзаққа созылатын, құрамында кальций бар инфузияларды қоса, мысалы парентеральді енгізген кезде, цефтриаксонның кальций тұздары преципитаттарының түзілу қаупіне байланысты, құрамында кальций бар ерітінділер тағайындалып қойған немесе вена ішіне енгізу жоспарланып отырған жаңа туған сәбилерге (≤8 күн) қолдануға болмайды.

Жаңа туған сәбилер, емшектегі балалар және кішкентай балалар (15 күннен 12 жасқа дейінгі): тәулігіне бір рет дене салмағына 20-80 мг/кг.

Дене салмағы 50 кг асатын балаларға ересектерге арналған дозаларын тағайындайды.

Менингит

Емшектегі балалар мен кішкентай балалардағы бактериялық менингитте емдеуді тәулігіне 1 рет 100 мг/кг (бірақ 4 г аспайтын) дозасынан бастайды. Қоздырғышын идентификациялағаннан және оның сезімталдығын анықтағаннан кейін дозасын сәйкесінше азайтуға болады.

Менингококктық менингит кезінде үздік нәтижелерге 4 күнге, Haemophilus influenzae-ден туындаған менингитте - 6 күнге, Streptococcus pneumoniae-ден туындаған менингитте - 7 күнге созылған емдеумен қол жеткізілді.

Лайм ауруы

Ересектер мен балаларға 14 күн бойы тәулігіне бір рет 50 мг/кг (жоғарғы тәуліктік дозасы - 2 г).

Соз (пенициллиназа түзетін және пенициллиназа түзбейтін штамдардан туындаған)

250 мг Тороцеф препаратын бұлшықет ішіне бір рет енгізу.

Операциядан кейінгі инфекциялардың профилактикасы

Инфекцияның қауіптілік дәрежесіне байланысты, 1-2 г Тороцеф препараты операция басталғанға дейін 30-90 минут бұрын бір рет енгізіледі. Жуан ішек пен тік ішекке жасалатын операциялар кезінде Тороцеф препаратымен бір мезгілде 5-нитроимидазолдардың біреуін, мысалы, орнидазолды енгізу жақсы болатынын байқатты.

Енгізу

Жалпы ереже ерітінділерді дайындағаннан кейін бірден пайдалану болуы тиіс.

Дайындалған ерітінділер өздерінің физикалық және химиялық тұрақтылығын бөлме температурасында 6 сағат бойы сақтайды (немесе 2-8 ºC температурада 24 сағат бойы). Концентрациясы мен сақталу ұзақтығына байланысты ерітінділердің түсі бозғылт-сарыдан янтарь түстеске дейін ауытқып отыруы мүмкін. Ерітіндінің түсі препараттың тиімділігіне немесе жағымдылығына әсер етпейді.

Бұлшықетішілік инъекция үшін 500 мг Тороцеф препаратын 2 мл, ал 1 г препаратты - 3.5 мл 1% лидокаин ерітіндісінде ерітеді және барынша үлкен бұлшықетке (бөксеге) терең енгізеді. Бір бұлшықетке 1 г-ден асырмай енгізу ұсынылады.

Құрамында лидокаин бар ерітіндіні вена ішіне енгізуге болмайды.

Тороцеф препаратының ерітінділерін үйлесімсіз болуы мүмкіндігіне байланысты, құрамында микробқа қарсы басқа препараттар немесе басқа еріткіштер бар ерітінділерге араластыруға немесе қосуға болмайды.

Жиі

- эозинофилия, лейкопения, тромбоцитопения

- диарея

- бауыр ферменттері деңгейінің жоғарылауы

- бөрту

Жиі емес

-бас ауыруы, бас айналуы

-гранулоциопения, анемия, коагулопатия

- жыныс мүшелерінің зеңдік инфекциялары дамуы

- жүрек айнуы, құсу

- қышыну

- инъекция орнының ауыруы, флебит, қызба

- қанда креатинин деңгейінің жоғарылауы

Сирек

- жалған жарғақшалы колит

- бронх түйілуі

- есекжем

- гематурия, глюкозурия

- енгізген жердің ісінуі

- қалтырау

Жиілігі белгісіз

- суперинфекция

- гемолиздік анемия

- агранулоцитоз

- анафилаксиялық, анафилактоидты реакция, жоғары сезімталдық, анафилаксиялық шок

- құрысулар

- вертиго

- стоматит, глоссит, панкреатит

- өт қалтасындығы преципитация (кальцийдің шөгіндісі), билирубиндік энцефалопатия

- жедел жайылған экзантематозды пустулез, Стивенс-

Джонсон синдромы, уытты эпидермалық некролиз (Лайелл синдромы),

мультиформалы эритема

- олигоурия, бүйректегі преципитация (кальцийдің шөгіндісі) (қайтымды)

- Кумбс сынамасының, галактозимияға тесттің, несепте глюкозаны анықтаудың ферментативтік емес әдістерінің жалған оң нәтижелері.

• цефалоспориндерге және пенициллиндерге жоғары сезімталдық.

• лидокаин еріткішіне жоғары сезімталдық

• жаңа туған және шала туған сәбилердегі гипербилирубинемия (цефтриаксон билирубинді оның сарысулық альбуминмен байланысынан ығыстыруы мүмкін, бұл осы пациенттерде билирубиндік энцефалопатияның даму қаупін арттырады)

• жаңа туған сәбилерге (өмірінің 28 күніне дейінгі), егер оларға цефтриаксонның кальций тұзы преципитаттарының түзілу қаупіне орай, құрамында кальций бар ерітінділердің ұзаққа созылған инфузиясын қоса, мысалы парентеральді тамақтану кезінде, немесе құрамында кальций бар ерітінділерді вена ішіне енгізу тағайылдалған болса немесе тағайындалуы қажет болуы мүмкін болса

Құрамында кальций бар еріткіштер (Рингер ерітіндісі немесе Гартман ерітіндісі), шөгінді түзілу мүмкіндігіне байланысты қалпына келтіру немесе вена ішіне енгізу үшін ары қарай сұйылтуда қолданылмайды. Цефтриаксонды вена ішіне енгізуге арналған бір катетерде құрамында кальций бар ерітінділермен араластырғанда цефтриаксон-кальций шөгіндісі пайда болуы мүмкін. Цефтриаксонды Y-тәрізді инъекциялық порт арқылы парентеральді қоректену секілді құрамында кальций бар ерітінділердің үздіксіз инфузиясын қоса, құрамында кальций бар вена ішіне енгізуге арналған ерітінділермен бір мезгілде енгізуге болмайды.

Әйтсе де, егер инфузияға арналған катетерлер сәйкес сұйықтықпен инфузиялар арасында мұқият шайылса, цефтриаксон мен құрамында кальций бар ерітінділерді бірінен кейін бірін (жаңа туғандарда қолдануды қоспағанда, өйткені оларда цефтриаксон кальций преципитаты түзілуінің қаупі жоғары) енгізуге болады. Ішуге арналған антикоагулянттар мен цефтриаксонды бір мезгілде қолданғанда K дәруменінің тапшылығының даму қаупі артады, ол қан кетуіне әкелуі мүмкін. ХҚҚ (халықаралық қалыптастырылған қатынас) мұқият бақылау және цефтриаксонмен емдеу кезінде және емдеуден кейін K дәруменінің талапқа сай түзетілген дозасын қолдану керек.

Цефтриаксон мен құрамында кальций бар ішуге арналған препараттар арасында өзара әрекеттесу туралы немесе бұлшықет ішіне енгізуге арналған цефтриаксон мен құрамында кальций бар препараттар (вена ішіне немесе ішу арқылы енгізілген) арасында өзара әрекеттесу туралы деректер жоқ.

Цефтриаксон мен ілмектік диуретиктердің үлкен дозасын бір мезгілде енгізгеннен кейін (мысалы, фуросемид) бүйрек функциясының нашарлауы байқалған жоқ.

Бір мезгілде пробенецидті енгізу цефтриаксонның шығарылуын азайтпайды.

Хлорамфеникол мен цефтриаксонды бір мезгілде қабылдағанда антагонистік әсер байқалады.

Цефтриаксон амсакринмен, ванкомицинмен, флуконазолмен және аминогликозидтермен сыйымсыз.

Сирек жағдайларда цефтриаксон Кумбс сынамасында, галактоземияны анықтауда, ферментативтік емес тәсілмен несепте глюкозаны анықтауда жалған оң нәтижелер туындатуы мүмкін. Сондықтан несепте глюкоза деңгейін анықтауды цефтриаксонмен емдеу кезінде ферментативтік тәсіл көмегімен анықтау ұсынылады.

Басқа да цефалоспориндерді қолданғандағыдай, пациенттің анамнезінде аллергиялық реакциялары жоқ болған жағдайларда да, өліммен аяқталған анафилаксиялық реакциялар тіркелді.

Басқа цефалоспориндерді қолданғандағыдай, Тороцефпен емдеген кезде аутоиммундық гемолиздік анемия дамуы мүмкін. Ересектер мен балаларда ауыр гемолиздік анемия жағдайлары тіркелген, соның ішінде өліммен аяқталғаны бар.

Цефтриаксонмен емделіп жүрген пациентте анемия дамығанда цефалоспорин-астасқан анемия диагнозын жоққа шығаруға болмайды және себебі анықталғанша емді тоқтата тұру керек.

Басқа да бактерияға қарсы көптеген препараттарды қолданғандағыдай цефтриаксонмен емдеген кезде Clostridium difficile (C. difficile) туғызған диареяның даму жағдайлары тіркелген, ауырлығы әртүрлі: жеңіл диареядан өліммен аяқталатын колитке дейін. Бактерияға қарсы препараттармен емдеу жуан ішектің қалыпты микрофлорасын бәсеңдетеді және C. difficile өсуіне түрткі болады. Өз кезегінде, C. difficile А және В токсиндерін түзеді, олар C. difficile туғызған диарея патогенезінің факторлары болып табылады. Токсиндерді қарқынды өндіретін С. difficile штаммдары асқынулар мен өлім қаупі жоғары инфекциялардың қоздырғыштары болып табылады, микробқа қарсы емге олардың ықтимал төзімділігінің салдарынан емдеу колэктомияны қажет етуі мүмкін. Антибиотикпен емдегеннен кейін диареясы бар барлық пациенттерде C. difficile туғызған диареяның даму мүмкіндігі туралы естен шығармау керек. Анамнезді мұқият жинастыру қажет, себебі антибиотикпен емдегеннен кейін 2 айдан астам уақыттан соң C. difficile туғызған диареяның туындау жағдайлары тіркелген. C. difficile әсерінен туындайтын диареяға күдіктенгенде немесе ол айғақталғанда С.difficile-ге бағытталмаған, ағымдағы антибиотиктермен емдеуді тоқтату қажет болуы мүмкін. Клиникалық көрсетілімдерге сай сұйықтықтар мен электролиттерді, ақуыздарды енгізу, С. difficile қатысты антибиотиктермен тиісті ем және хирургиялық ем тағайындалуы тиіс.

Басқа да бактерияға қарсы препараттармен емдеген кездегідей, асқын инфекция пайда болуы мүмкін.

Тороцеф қабылдаған пациенттерде протромбиндік уақыттың өзгеруінің сирек жағдайлары сипатталған. К дәруменінің жеткіліксіздігі бар пациенттерге (синтездің бұзылуы, тамақтанудың бұзылуы) емді бастағанға дейін немесе емдеу кезінде протромбиндік уақытты арттырғанда емдеу кезінде және К дәруменін тағайындағанда (аптасына 10 мг) протромбиндік уақытты бақылау қажет болуы мүмкін.

Әдетте, стандартты ұсынылған дозадан асатын дозада цефтриаксонды қолданғаннан кейін өт қалтасын ультрадыбыстық зерттегенде қателесіп тас ретінде қабылдаған көлеңкелер анықталған. Олар Тороцеф препаратымен емдеуді аяқтағаннан кейін немесе емді тоқтатқан соң жоғалатын цефтриаксонның кальций тұздары преципитаты болып табылады. Мұндай өзгерістер қандай да бір симптоматиканы сирек береді, бірақ мұндай жағдайларда да тек консервативтік ем ұсынылады. Егер бұл құбылыстар клиникалық симптоматикамен қатар жүрсе, онда препаратты қабылдауды тоқтату туралы шешім емдеуші дәрігердің қарауына беріледі.

Цефтриаксонды және құрамында кальций бар инфузиялық ерітінділерді немесе құрамында кальций бар кез келген препараттарды қолданғанда жаңа туған нәрестелерде ғана қантамырішілік преципитаттардың түзілуі жөнінде деректердің бар екеніне қарамастан, Тороцефті құрамында кальций бар инфузиялық ерітінділермен араластыруға, балаларға және ересек пациенттерге, тіпті веналық енгізудің әртүрін пайдаланғанның өзінде, бір мезгілде тағайындауға болмайды.

Тороцеф қабылдап жүрген науқастарда өт жолдарының обструкциясы салдарынан дамитын панкреатиттің сирек жағдайлары байқалуы мүмкін. Бұл науқастардың көпшілігінде осыған дейін өт жолдарындағы іркілістің қауіп факторлары болған, мысалы, бұрын жүргізілген ем, ауыр аурулар және толық парентеральді тамақтану. Бұл ретте панкреатиттің дамуында өт жолдарында Тороцеф препаратының әсерімен түзілген преципитаттардың түрткі болу рөлін жоққа шығаруға болмайды.

Тороцеф препаратының жаңа туған, емшек еметін балалардағы және кіші жастағы балалардағы қауіпсіздігі мен тиімділігі «Қолдану тәсілі және дозалары» бөлімінде сипатталған дозалары үшін анықталған. Зерттеулер басқа да цефалоспориндер сияқты цефтриаксон билирубинді оның сарысулық альбуминмен байланысынан ығыстыруы мүмкін. Тороцефті билирубиндік энцефалопатияның даму қаупі бар жаңа туғандарға, әсіресе шала туғандарға қолдануға болмайды.

Ұзақ емдеген кезде қанның толық талдауын тұрақты жүргізу керек.

Жүктілік және лактация кезеңі

Тороцеф плацентарлық бөгет арқылы өтеді. Жүктілік кезінде қолдану қауіпсіздігі айқындалмаған. Тороцеф емшек сүтіне енеді. Емшек емізетін әйелдерге тағайындағанда сақтық шарасын сақтау керек.

Дәрілік заттың көлік құралын және қауіптілігі зор механизмдерді басқару қабілетіне ықпал ету ерекшеліктері

Препараттың жағымсыз әсерлерін (бас айналу, бас ауыруы) ескере отырып, көлікті немесе басқа да қауіптілігі зор механизмдерді басқарған кезде сақ болу керек.

Симптомдары: жағымсыз әсерлердің күшеюі.

Емі: артық дозаланған кезде гемодиализ және перитонеальді диализ тиімсіз. Арнайы антидоты жоқ. Емі симптоматикалық.

Шығарылу түрі және қаптамасы

1.0 г цефтриаксонға баламалы препаратты резеңке тығындармен тұмшалана тығындалған, алюминий қақпақтармен және пластмасса қалпақшамен бұралып бекітілген шыны құтыларға құяды.

1 құтыдан медициналық қолдану жөніндегі мемлекеттік және орыс тілдеріндегі нұқсаулықпен бірге картон қорапшаға салады.

Құрғақ, жарықтан қорғалған жерде 30С-ден аспайтын температурада сақтау керек.

Балалардың қолы жетпейтін жерде сақтау керек!

Жарамдылық мерзімі

2 жыл

Жарамдылық мерзімі өткеннен кейін пайдалануға болмайды.

Рецепт арқылы

Өндіруші

Торрент Фармасьютикалс Лимитед, Индрад 382721, Дист. Мехсана Үндістан

Тіркеу куәлігінің иесі және қаптаушы

Торрент Фармасьютикалс Лимитед, Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы.

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Greenlife Biosciences Private Limited, Қазақстан, Алматы қ., Амангелді, к-сі 49А үй, тел.: +77272675182