Толгецит® (1000 мг)

• русский
• қазақша

• Скачать инструкцию медикамента

Саудалық атауы

Толгецит®

Халықаралық патенттелмеген атауы

Гемцитабин

Дәрілік түрі

Инфузия үшін ерітінді дайындауға арналған 200мг және 1000мг лиофилизат

Құрамы

1 құты ішінде

белсенді заттар - гемцитабин гидрохлориді 227.7 мг 1138.5 мг

(гемцитабинге баламалы) (200,0) (1000,0)

қосымша заттар: маннитол, натрий ацетаты.

Сипаттамасы

Күлше немесе жекелеген агрегаттар, немесе бос ұнтақ түріндегі ақ кеуек лиофилизат.

Фармакотерапиялық тобы

Ісікке қарсы препараттар. Пиримидин аналогтары.

АТЖ коды L01BC05

Фармакологиялық қасиеттері

Фармакокинетикасы

1г/м2 доза препараттың 30 мин бойы көктамырішілік бір реттік инфузиясынан кейін гемцитабин плазмада ең жоғары шектегі концентрацияға (Сmax) инфузия аяқталғаннан кейін 3-15 минуттан соң жетеді. Плазма ақуыздарымен байланысуы жоқ дерлік, тіндерде таралуы көп емес. Орташа таралу көлемі 11л/м2 құрайды. Бүйректерде, бауырда, қанда және организмнің басқа тіндерінде цитидиндеаминаза ферментімен белсенді емес урацилді негізгі метаболит 2–дезокси-2,2-дифторуридинге дейін метаболизденеді. Жасушаішілік метаболизм үдерісінде белсенді дифосфатты және трифосфатты метаболиттер түзеді, олар плазмадан және несептен табылмайды. Енгізілген дозаның 10%-дан азы несепте өзгермеген күйінде табылады. Жартылай шығарылу кезеңі 30 минуттан 94 минутқа дейін құбылады. Жүйелік клиренсі (сағатына әр шаршы метрге шаққанда сағатына 30 л-ден 90 л-ге дейін) жасқа және жынысқа байланысты.

Фармакодинамикасы

Гемцитабин - пиримидин аналогтары тобының антиметаболиті. Оның жасушалық циклдың S-фазазына және жасуша бөлінуінің G1/S-фазасына спецификалық әсері бар. Препарат белсенділігі екі белсенді метаболитке - гемцитабин дифосфаты және гемцитабин трифосфатына жасуша ішілік айналуымен байланысты. Гемцитабин дифосфаты ДНҚ синтезіне қажетті дезоксинуклеозид-трифосфаттарының катализдік синтезіне жауапты ферментті тежейді. Гемцитабин трифосфаты ДНҚ енгізгені үшін эндогенді дезоксинуклеозид-трифосфаттарымен бәсекелеседі. Дезоксинуклеозид-трифосфаттарының жасуша ішілік концентрацияларының гемцитабин дифосфатының әсерімен төмендеуі ДНҚ енгізілетін гемцитабин трифосфатының мөлшерінің ұлғаюына алып келеді, ал бұл ДНҚ синтезінің тежелуіне алып келеді. ДНК-полимераз-эпсилоны енгізілген гемцитабин трифосфатын алып тастауға және ДНҚ тізбегі репарациясын туындатуға қабілетсіз. Гемцитабин радиосенсибилизатор болып табылады.

Зерттеулерде in vitro цитотоксикалық концентрациялардан төмен болған концентрациялардағы айқын радиосенсибилизацияны туындатады.

Қолданылуы

- жергілікті-жайылған немесе метастатикалық өкпенің ұсақ жасушалы емес обырында бірінші желі терапиясы ретінде цисплатинмен біріктірілімде және 2 тең функциональді статусты егде жастағы емделушілерде монотерапияда

- антрациклиндер қосылған неоадъювантты және/немесе адъювантты терапия жүргізгеннен кейінгі резектабельді емес, жергілікті қайталанатын немесе сүт безі метастатикалық обырының үдеуінде, тағайындауға қарсы көрсетілім болмаса паклитакселмен біріктірілген ем құрамында

- жергілікті-жайылған немесе метастатикалық уротелиальді обырда (қуық обыры, бүйрек тостағаншасы, несеп ағар, уретра обыры).

- жергілікті-жайылған немесе метастатикалық аналық без обырындағы

құрамында платина бар препараттар негізіндегі бірінші желі емін жүргізгеннен кейінгі кемінде 6 айдан соң ауруы үдеген емделушілерде карбоплатинмен үйлестіріле

- ұйқы безінің жергілікті-жайылған немесе метастатикалық обырында

- жергілікті-жайылған немесе метастатикалық жатыр мойны обырында

Қолдану тәсілі және дозалары

Гемцитабин көктамыр ішіне 30 минут бойы тамшылатып енгізіледі.

Өкпенің ұсақжасушалы емес обырында. Монотерапия.

Препараттың ұсынылатын дозасы – әрбір 28-күндік циклдің 1,8 және 15 күнінде - 1000 мг/м2.

Цисплатинмен біріктірілген терапия. Препараттың ұсынылатын дозасы - әрбір 21-күндік циклдің 1 және 8 күнінде - 1250 мг/м2 немесе әрбір 28-күндік циклдің 1,8 және 15 күнінде - 1000 мг/м2. Цисплатин гемцитабин инфузиясынан кейін су жүктемесі аясындағы циклдың 1 күні 70 мг/м2 дозада енгізіледі.

Карбоплатинмен біріктірілген терапия: Препараттың ұсынылатын дозасы – 1000 мг/м2 немесе әрбір 21-күндік циклдің 1 және 8 күнінде -1200 мг/м2. Карбоплатин гемцитабин инфузиясынан кейін циклдың 1 күні AUC 5,0 мг/мл/мин дозада енгізіледі.

Сүт безінің обыры. Біріктірілген терапия. Антрациклиндер қосылған неоадъювантты терапиядан кейінгі аурудың үдеуіндегі бірінші желі емі ретінде. Препараттың ұсынылатын дозасы - әрбір 21-күндік циклдың 1 күнінде көктамыр ішіне тамшылатып шамамен 3 сағат бойына 175 мг/м2 дозада гемцитабин енгізуден кейін енгізілетін паклитакселмен үйлестіре 1 және 8 күнінде - 1250 мг/м2.

Уротелиальді обыр. Монотерапия. Препараттың ұсынылатын дозасы – әрбір 28-күндік циклдің 1,8 және 15 күнінде 1250 мг/м2. Біріктірілген терапия. Препараттың ұсынылатын дозасы - әрбір 28-күндік циклдың 1 немесе 2 күнінде гемцитабин инфузиясынан кейін бірден 70 мг/м2 дозасында, цисплатинмен үйлестіре 1,8 және 15 күнінде - 1000 мг/м2.

Аналық без обыры. Монотерапия. Препараттың ұсынылатын дозасы - 28-күндік циклдың 1,8 және 15 күнінде -800-1250 мг/м2.

Біріктірілген терапия. Препараттың ұсынылатын дозасы - әрбір 21-күндік циклдың 1 күнінде гемцитабин инфузиясынан кейін бірден енгізілетін AUC (“концентрация-уақыт” қисығы астындағы аудан) 4,0 мг/мл х мин дозадағы карбоплатинмен үйлестіре 1 және 8 күнінде -1000 мг/м2.

Ұйқы безінің обыры. Монотерапия. Препараттың ұсынылатын дозасы - 1000 мг/м2 аптасына бір рет 7 апта бойына апталық үзіліспен. Препарат содан соң әрбір 28-күндік циклдың 1,8 және 15 күнінде енгізіледі (жергілікті-жайылған немесе метастатикалық).

Біріктірілген терапия. Жергілікті таралған обыры (неоадъювантты) мен метастатикалық обырда әрбір 21-күндік циклдың 1 және 8 күнінде гемцитабин 1250 мг/м2 енгізіледі. Гипергидратация аясында циклдың 1 күнінде 70 мг/м2 дозада гемцитабин енгізуден кейін цисплатин енгізіледі.

Жергілікті таралған обырда сәулелік еммен бір уақытта гемцитабин 125 мг/м2 дозада 6 апта бойына аптасына 1 рет енгізіледі, соңынан (гемцитабин енгізуден соң бірден) сәулелік ем басталардан 1-2 сағат бұрын 40 мг/м2 дозада цисплатин енгізеді.

Сәулелік емді 28 фракцияда, аптасына 5 күн бір реттік 1.8 Гр ошақтық дозада жиынтық ошақтық 50.4 Гр дозаға дейін жүргізеді.

Препарат дозасы өзгерісі гематологиялық уыттылық құбылыстарына байланысты. Ем циклының басы. Көрсетілімдерге байланыссыз, препаратты әрбір енгізер алдында тромбоциттер мен гранулоциттердің концентрациясын бағалау қажет. Ем басының шарты нейтрофилдердің абсолютті мөлшерінің 1500/1 мкл және тромбоциттер мөлшерінің 100000/1 мкл аз болмауы болып табылады. Ем жүргізу уақытында гематологиялық уыттылық дамуы жағдайында гемцитабин дозасы азайтылуы мүмкін, болмаса оны енгізу төмендегі ұсыныстарға сай кейінге қалдырылуы мүмкін:

Қуық обыры, өқпенің ұсақжасушалы емес обыры және ұйқы безі обырының монотерапиясында немесе цисплатинмен біріктіре қолданудағы гемцитабин дозасын модификациялау

Сүт безі обырын емдеудегі паклитакселмен біріктіріле қолданылатын гемцитабин дозасын модификациялау

Аналық без обырын емдеудегі карбоплатинмен біріктіріле қолданылатын гемцитабин дозасын модификациялау.

Кезекті циклдағы гемцитабин дозасы барлық көрсетілімдерде егер алдындағы циклда төмендегілер байқалса 25% азайтылуы тиіс:

• нейтрофилдердің абсолютті санының <500/мкл 5 күннен астам төмендеуі,

• нейтрофилдер абсолютті санының <100/мкл 3 күннен әрі созылған төмендеуі

• фебрильді нейтропения

• тромбоциттер санының <25000/мкл төмендеуі

• цикл гематологиялық уыттылығына байланысты 1 аптадан астам кідірту

Енгізу әдісі. Гемцитабинді инфузиялық енгізуді әдетте емделушілер жақсы көтереді және бұл амбулаториялық жағдайда жүргізілуі мүмкін. Экстравазация жағдайында инфузияны тоқтатады және препаратты басқа көктамырларға енгізуді жаңғыртады. Гемцитабин енгізуден кейін емделуші біршама уақыт бойына бақылануы тиіс.

Жағымсыз әсерлері

Жекелеген жағдайларға қарағанда жиі кездескен жағымсыз реакциялар келесі градацияға сәйкес берілген: өте жиі (>10%); жиі (>1%, <10%); кейде (>0,1%, <1%); сирек (>0,01%, <0,1%); өте сирек (>0,01%).

Өте жиі

- жүректің айнуы, құсу, бауыр трансаминазасы, сілтілік фосфатаза деңгейінің жоғарылауы, билирубин деңгейінің ұлғаюы, гаммаглютамилтрансфераза деңгейінің ұлғаюы

- ентігу

-тері бөртпесі, тері қышуы, аллопеция

- тұмауға ұқсас синдром, шеткергі ісінулер

- жеңіл протеинурия және гематурия

- лейкопения, тромбоцитопения, анемия

Жиі

-бас ауыруы, ұйқышылдық, ұйқысыздық

- анорексия, диарея, іш қату, ауыз қуысы стоматиті және ойық жарасы

- дене температурасының жоғарылауы, қалтырау, астения, арқаның ауыруы, миалгия

-жөтел, ринит

- билирубин деңгейінің жоғарылауы

- фебрильді нейтропения

- қышыну, тершеңдік

Сирек

- артериялық қысымның төмендеуі немесе жоғарылауы, миокард инфарктісі, жүрек жеткіліксіздігі, аритмия

- жедел респираторлық дистресс-синдромы

- анафилактикалық реакциялар

- радиациялық сәулеленудегі препарат уыттылығының жоғарылауы

- бүйрек жеткіліксіздігі

- гемолитикалық-уремиялық синдромға ұқсас клиникалық симптомдар мен белгілер (гемоглобин деңгейі төмендеуі, тромбоцитопения, билирубин, креатинин, мочевина және/немесе лактатдегидрогеназаның қан сарысуындағы деңгейі ұлғаюы)

- ойық жара және тері жабынының қабыршықтануы

- везикул және жара түзілуі

Өте сирек

-тромбоцитоз

Кейде

- бронхтың түйілуі, интерстициальді пневмония, өкпе ісінуі

- бет ісінуі

Қолдануға болмайтын жағдайлар

- белсенді заттарға немесе қосымша заттардың кез келгеніне жоғары сезімталдық

- жүктілік және лактация кезеңі

- 18 жасқа дейінгі балалық жас

Дәрілермен өзара әрекеттесуі

Гемцитабиннің өзара әрекеттесулеріне арнайы зерттеулер жүргізілмеген.

Сәулемен емдеу. Қатарлас сәулемен емдеу(гемцитабинді бір уақытта немесе ем басталғанға дейін аралығы <7 күн болатын етіп енгізумен): берілген жағдайда емнің уыттылығы гемцитабин дозасына және оны енгізу жиілігіне, сәулелену дозасына, сәулемен емдеу әдісіне, сәулеленетін тін сипаты және оның көлемін қоса алғандағы көптеген факторларға байланысты. Гемцитабиннің радиосенсибилизациялайтын белсенділігі бары көрсетілді. Өкпенің ұсақжасушалы емес обыры бар емделушілердің кеуде аумағына сәулелік емді бір ізбен 6 апта бойына гемцитабинді 1000 мг/м2 дозада үйлестіре алған бір зерттеуде өмірге аса қауіпті және шырышты қабықтың ауыр қабынуы түріндегі, ең бастысы эзофагит және пневмонит, бұл әсіресе сәулеленген тіндердің көлемі үлкен емделушілерде (сәулеленген тіндер көлемінің медианасы 4795 см3) елеулі уыттылық анықталды. Кейінгі зерттеулерде гемцитабиннің төменірек дозаларын және сәулелік емді үйлестіруді емделушілер жақсы көтеретіні және, уыттылық профилінің болжамдылық сипаты анықталды. II фазаны зерттеулердің бірінде өкпенің ұсақжасушалы емес обыры бар емделушіде сәулелік ем 60 Гр дозада гемцитабин (600 мг/м2 4 рет) және цисплатинді (80 мг/м2 2 рет) 6 апта бойына бірге енгізумен жүргізілді.

Бірінен кейін бірі жүретін емдеу (үзіліс > 7 күн): қолда бар деректер бойынша, сәулеленуден кейінгі химиялық препарат енгізуге байланысты тері зақымдануларынан басқа, сәулелік ем басталар алдында 7 күннен көбірек уақыт бұрын немесе ол аяқталған соң 7 күннен астам уақытта гемцитабин енгізу уыттылықтың ұлғаюымен қатар жүрмейді. Гемцитабинмен ем сәулеленуден кейін немесе барлық жедел сәулелік реакцияларды тоқтатқаннан кейін басталуы мүмкін.

Гемцитабин мен сәулелік емді қатар жүргізгенде де, бірінен кейін бірін қолданғанда да сәулеленетін тіндердің зақымдануы мүмкін (мысалы, эзофагит, колит және пневмонит).

Өз ара әрекеттесудің басқа түрлері. Тірі вирустық вакциналармен бір уақытта қабылдағанда вакциналық вирустың репликация үдерісінің интенсификациялануы мүмкін, енгізілген вакцинаға жауап ретінде науқас организмінде жағымсыз/жайсыз әсерлер және/немесе антидене өндірілуі төмендеуі мүмкін.

Үйлесімсіздік. Гемцитабин үйлесімділігіне зерттеу жүргізілмеген. Гемцитабинді басқа дәрілік препараттармен араластыру ұсынылмайды.

Айрықша нұсқаулар

Гемцитабинмен емді тек ісікке қарсы химиялық ем қолдану тәжірибесі бар дәрігер бақылауымен жүргізуге болады.

Толгецитті әрбір енгізу алдында қандағы тромбоциттер, лейкоциттер және гранулоциттер мөлшерін бақылау қажет. Препараттан туындайтын сүйек кемігі қызметінің бәсеңдеу белгілерінде емді тоқтату немесе дозаны түзету керек.

Бауыр және бүйрек қызметі бұзылған науқастар:

Препаратты емделушілердің бұл категорияларына қолдану бойынша жеткілікті деректер болмауына байланысты гемцитабинді бауыр жеткіліксіздігімен немесе бүйрек қызметі бұзылған науқастарға абайлап қолданған жөн. Бүйрек жеткіліксіздігінің орташа немесе орташа ауырлықта болуы (шумақтық сүзілу жылдамдығы минутына 30 мл-ден 80 мл-ге дейін) гемцитабиннің фармакокинетикасына елеулі ықпалын тигізбейді. Науқастың бүйрек және бауыр қызметін бағалау және үнемі тексеру жүргізіп отыру керек. Гемцитабинді бауыр метастазасында, сыртартқысында гепатит және маскүнемдік болса, сондай-ақ бауыр циррозында енгізу бауыр жеткіліксіздігі даму қатерін ұлғайтады.

Егде жастағы науқастар (>65 лет): гемцитабинді 65 жастан асқан емделушілер жақсы көтереді. Аталған популяция үшін препарат дозасын өзгерту бойынша спецификалық ұсыныстар жоқ.

Гемцитабинмен ем алу аясында тыныс алу жүйесі тарапынан (мысалы, өкпе ісінуі, интерстициальді пневмонит немесе ересектердегі респираторлық дистресс-синдромы) жағымсыз әсерлер даму белгілері білінгенде емді тоқтатып, тиісінше ем тағайындау керек.

Тромбоцитопения, билирубиннің, креатининнің, мочевина азотының сарысулық концентрациясының жоғарылауы немесе лактатдегидрогеназа (ЛДГ), белсенділігінің ұлғаюымен қатар жүретін гемоглобин концентрациясының жылдам төмендеуі сияқты микроангиопатиялық гемолитикалық анемияның бірінші белгілері білінуінде, гемцитабин тоқтатылуы тиіс.

Инфузия ұзақтығының және енгізу жиілігінің ұлғаюы уыттылықтың өсуіне алып келеді.

Уыттылық дәрежесіне қарай әрбір цикл барысында немесе жаңа цикл басында дозаны сатылы төмендетуге болады.

Гемцитабинмен ем уақытында және ем аяқталғаннан кейін 6 ай бойына контрацепцияның сенімді әдістерін пайдалану керек. Гемцитабин алатын еркектерге берілген препаратты қолданудан болатын белсіздік қатеріне байланысты ем басталғанға дейін сперманы криоконсервациялауды пайдалану ұсынылады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Науқастар Толгецитпенемделген кезде автомобиль жүргізуді немесе қауіптілігі зор механизмдерді басқарудан бас тарта тұрғаны жөн.

Артық дозалануы

Симптомдары: Гемцитабиннің артық дозалануына күдіктенген жағдайда цитопения деңгейін бақылау керек.

Емі: Гемцитабиннің у қайтарғысы белгісіз. Гемцитабинді 5700 мг/м2 дейінгі дозаларда 30 минуттық көктамыр ішіне тамшылату арқылы әрбір екі апта сайын енгізген кезде емнің уыттылық деңгейін қабылдауға болады.

Шығарылу түрі және қаптамасы

Инфузия үшін ерітінді дайындауға арналған 200мг немесе 1000мг лиофилизат түссіз шыныдан жасалған, резеңке тығынмен тығындалған, түрлі-түсті пластмасса қақпақшалы алюминий қалпақшамен қаусырылған, сыйымдылығы 15 мл немесе 50 мл құтыларда. Пластик тұғырдағы 1 құты қолданылуы жөнінде мемлекеттік және орыс тілдеріндегі нұсқаулықпен бірге картон пәшкеде.

Сақтау шарттары

150С-ден 300С-ге дейінгі температурада сақтау керек.

Дайындалған ерітіндіні 230С-ден 270С-ге дейінгі температурада 24 сағат бойына сақтауға болады. Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Препаратты жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші-ұйымның атауы мен елі

«Парагвай Фармацевтикасы С.А.», Парагвай

Вальдино Рамон Ловера Е/Дел Кармен и Дон Боско, Фернандо Де Ла Мора, Парагвай

Тіркеу куәлігі иесінің атауы мен елі

Толмар, Корп., Панама

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

«Стофарм» ЖШС, 110007, Қостанай қ., Орал к., 14

Тел./факс 8 (7142) 28-01-80

VPPopova@kst.stofarm.kz