Тобрекс (капли глазные, 0.3%)

• русский
• қазақша

• Скачать инструкцию медикамента

Саудалық атауы

Тобрекс

Халықаралық патенттелмеген атауы

Тобрамицин

Дәрілік түрі

0,3% 5 мл көз тамшы дәрісі

Құрамы

1 мл препараттың құрамында

белсенді зат – 3,0 мг тобрамицин,

қосымша заттар: бор қышқылы, сусыз натрий сульфаты, натрий хлориді, тилоксапол, бензалконий хлориді, натрий гидроксиді және/немесе күкірт қышқылы (рН түзету үшін), тазартылған су.

Сипаттамасы

Түссізден ашық сары немесе қоңыр түске дейінгі мөлдір ерітінді.

Фармакотерапиялық тобы

Көз ауруларын емдеуге арналған препараттар. Микробтарға қарсы препараттар. Антибиотиктер. Тобрамицин.

АТХ коды S01АА12

Фармакологиялық қасиеттері

Фармакокинетикасы

Тобрекс көз тамшы дәрісін жергілікті қолданған кезде тобрамициннің жүйелік сіңуі мардымсыз.

Тобрамицин гломерулярлы сүзілу жолымен несепке тез және экстенсивті, негізінен өзгермеген дәрі түрінде бөлініп шығады. Плазмадан 0,04 л/сағ/кг клиренсімен және 0,26 л/кг таралу көлемімен Т1/2 шамамен – 2 сағат. Плазма протеиндерінің тобрамицинмен байланысуы – 10%-дан төмен.

Фармакодинамикасы

Тобрамицин – бұл аминогликозидтер тобына жататын, әсер ету ауқымы кең антибиотик. Төмен концентрацияларда бактериостатикалық әсер етеді (рибосоманың 30S суббірлігін бөгейді және ақуыздың синтезін бұзады), ал тым жоғары концентрацияларда – бактерицидті, цитоплазмалық жарғақшалардың қызметін бұзады және микроб жасушасын жояды.

Келесі сезімтал штаммдарға қатысты белсенділігі жоғары (жұлдызшамен белгіленген):

Қолданылуы

Тобрекс көз тамшы дәрісі препараты көздің сыртқы ауруларын және іргелес жатқан мүшелердің препаратқа сезімтал бактериялардан туындаған ауруларын емдеу үшін қолданылады:

- блефарит

- конъюнктивит

- кератоконъюнктивит

- блефароконъюнктивит

- кератит

- иридоциклит

Офтальмологияда операциядан кейінгі жұқпалы асқынулардың алдын алуға.

Қолдану тәсілі және дозалары

• Жеңіл-желпі өтетін ауруларда зақымданған көздің (көздердің) конъюнктивальді қалтасына әрбір 4 сағат сайын 1-2 тамшыдан тамызу керек.

• Жедел жұқпалы ауруларда зақымданған көздің (көздердің) конъюнктивальді қалтасына, симптомдар жақсарғанша, әрбір сағат сайын 1-2 тамшыдан, содан кейін дозаны түгел қабылдап болғанға дейін біртіндеп азайтады.

Әдеттегі емдеу курсы – 7-10 күн.

Тамызғаннан кейін мұрын-көз жасы өзекшесін басу немесе қабақты абайлап жабу керек. Бұл дәрілік препараттың жүйелік сіңуін төмендетеді және жағымсыз жүйелік реакциялардың пайда болуының алдын алады.

Құтының ішіндегі заттың ластануына жол бермеу үшін тамшуырдың ұшын, көзге, немесе кез келген нәрсеге тигізіп алмаған жөн.

Жергілікті басқа офтальмологиялық дәрілік заттармен бірге емдеген жағдайда, препараттарды қабылдау арасындағы 10-15 минутқа жуық аралықты сақтаған жөн.

Педиатрия

Тобрекс көз тамшы дәрісі препаратын конъюнктивиті бар 8 жастан асқан балаларға қолдану, препаратты ересектерге пайдаланған кездегідей, тиімді әрі қауіпсіз және ересек емделушілерге арналған дозада тағайындалуы мүмкін. Емделу курсы – 7 күн.

Жағымсыз әсерлері

Жергілікті

Жиі:

• көз аллергиясы

• көздің қышуы

• қабақтың аллергиясы

• қабақтың ісінуі

• көз гиперемиясы

• көз жасының ұлғаюы

Жиі емес

• қабақтың эритемасы

• көзден бөліндінің бөлініп шығуы

• қабақ тарапынан бұзылулар

• конъюнктива ісінуі

• көздің жайсыздануы

• көздің тітіркенуі

Келесі жағымсыз реакциялардың жиілігі және ауырлығы деректердің жеткіліксіздігі себебінен анықталуы мүмкін емес: кератит, көздің ауыруы, көзде бөгде затты сезіну, көрудің көмескіленуі.

Жүйелік

Байқалған мына жүйелік жағымсыз реакциялардың жиілігі деректердің жеткіліксіздігі себебінен анықталуы мүмкін емес:

• бөртпе

• уртикария

• эритема

• ыстықты сезіну

• асқын сезімталдық

Қолдануға болмайтын жағдайлар

- тобрамицинге немесе препараттың кез келген басқа компонентіне жоғары сезімталдық

- 8 жасқа дейінгі балалар

Дәрілермен өзара әрекеттесуі

Тобрекс көз тамшы дәрісі препараты үшін дәрілік өзара әрекеттесуіне қатысты арнайы зерттеулер жүргізілген жоқ.

Тобрамицинмен өзара әрекеттесу жүйелік қолданудан кейін білінді. Алайда, жергілікті қолданудан кейінгі жүйелік сіңуі өте аз және қандай да болсын әсер ету қаупі барынша төмен.

Тобрекс көз тамшы дәрісі аминогликозид-препаратын және невроуытты, отоуытты немесе нефроуытты әсері бар басқа да жүйелік, пероральді немесе жергілікті препараттарды біріктіріп және/немесе бірінен кейін бірін қолдану қосымша уыттылыққа әкеп соғуы мүмкін және, мүмкіндігінше, оларды жою керек.

Тобрекс көз тамшы дәрісі препараты мен жергілікті кортикостероидтарды біріктіріп пайдаланғанда, соңғылары бактериялық, зеңдік немесе вирустық жұқпалардың клиникалық белгілерін бүркемелуі немесе асқын сезімталдық реакцияларын басуы мүмкін.

Айрықша нұсқаулар

Көзге қолдануға ғана арналған. Инъекцияға немесе ішке қабылдауға арналмаған.

Аминогликозидтерді жергілікті қолдануға сезімталдық кейбір емделушілерде конъюнктива қышынуын, ісінуін және эритемасын туындатуы мүмкін. Егер Тобрекс көз тамшы дәрісі препаратына жоғары сезімталдық байқалса, қолдануды тоқтатқан жөн.

Басқа аминогликозидтермен бірге айқаспалы сезімталдық болуы мүмкін. Осы препаратты пайдалану кезінде жоғары сезімталдық пайда болған жағдайда емдеу тоқтатылуы және емдеу үшін басқа препарат пайдаланылуы керек.

Тобрекс көз тамшы дәрісі препаратын жүйелік антибиотиктермен-аминогликозидтермен бірге жергілікті қолданғанда, олардың плазмадағы жалпы концентрациясын қадағалау қажет.

Басқа антибиотик препараты жағдайы сияқты, ұзақ қолдану сезімтал емес организмдердің, соның ішінде саңырауқұлақтардың өсуінің күшеюіне әкеп соғуы мүмкін. Асқынжұқпа пайда болған жағдайда тиісті емді бастаған жөн.

Жүктілік

Тобрекс көз тамшы дәрісі препаратын жүкті әйелдерге қолдану жөнінде деректер жоқ немесе тым шектеулі. Жүкті әйелдерге аминогликозидтерді (тобрамицинді қоса есептегенде) пероральді және парентеральді түрде қолдануға жүргізілген зерттеулер ұрық үшін аздаған қауіптің бар екендігін көрсетті. Дегенмен, аминогликозидтер плацента арқылы өтеді, сондықтан осы препаратты жүкті әйелдерге қолданғанда, оның ұрыққа және жаңа туған нәрестелерге тигізетін әсерлерін ескерген жөн. Аминогликозидтердің ұрық үшін тератогенді, отоуытты немесе нефроуытты болып табылатындығы жөнінде қорытынды деректер жоқ екендігіне қарамастан, осы әсерлердің болуы мүмкін екендігіне көңіл бөлген жөн.

Осының салдарынан, Тобрекс көз тамшы дәрісі препаратын жүктілік кезінде қолдануға болмайды және препарат емдеудің тиімділігі ұрық үшін қауіптен едәуір басым болған жағдайларда ғана тағайындалуы тиіс.

Лактация

Препаратты жергілікті қолданғанда нәрестеге әсер ету қаупі мардымсыз, бірақ жоқ болуы мүмкін емес. Мұны Тобрекс көз тамшы дәрісі препаратын бала емізетін әйелдерге тағайындағанда ескерген жөн. Көптеген дәрілік заттар сүтке бөлініп шығатын болғандықтан, емшек емізудің нәресте үшін артықшылығына және емдеудің әйел үшін артықшылығына көңіл бөле отырып, емшек емізуді тоқтату-тоқтатпау немесе Тобрекс көз тамшы дәрісі препаратын тоқтату/тоқтата тұру жөнінде шешім қабылдаған жөн.

Жанаспалы линзалар

Тобрекс көз тамшы дәрісі препаратының құрамында жанаспалы линзаларға сіңуі, оларды түссіздендіруі немесе көзді тітіркендіруі мүмкін бензалконий хлориді бар болғандықтан, қатты немесе жұмсақ (гидрофильді) жанаспалы линзаларды кимеген, я болмаса тамызу кезінде оларды алып тастаған жөн. Линзаларды препаратты қолдану арасындағы үзілістерде киюге болады және тамызғаннан кейін кем дегенде 15 минуттан соң қайта орналастырған жөн.

Көз жұқпаларын емдеу кезінде жанаспалы линзаларды киюге болмайды. Сондықтан емделушілер осы препаратпен емделу кезінде жанаспалы линзаларды киюді қоя тұруы керек.

Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері

Тамызғаннан кейін, басқа да көз тамшы дәрілеріндегі жағдай сияқты, көру уақытша көмескіленуі немесе көздің көруінде басқа да мазасыздықтар туындауы мүмкін, бұл автомобильді немесе басқа да қауіпті механизмдерді басқару қабілетіне жағымсыз ықпалын тигізеді. Мұндай жағдайда көру қалпына келгенше біршама уақыт күте тұру қажет.

Артық дозалануы

Тобрекс көз тамшы дәрісі препаратының артық дозалануының клиникалық тұрғыдан айғақталған белгілері және симптомдары (нүктелі кератит, эритема, көз жасы ағуының ұлғаюы, қабақтың қышуы және ісінуі) кейбір емделушілерде байқалатын жағымсыз реакцияларға ұқсас.

Жергілікті қолданғанда артық дозаланудың болуы екіталай.

Емдеу: көзді жылы судың мол мөлшерімен шайған жөн.

 

Шығарылу түрі және қаптамасы

Тамызғышпен және алғаш ашылғанын бақылайтын бұралатын полипропилен қақпақпен тығындалған, тығыздығы төмен полиэтиленнен жасалған Drop-Tainer® жүйесіндегі құтыларда препарат 5 мл-ден.

1 құты медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

 

Сақтау шарттары

8°С-ден 30°С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Құтыны ашқаннан кейінгі қолданылу кезеңі – 4 апта.

Дәріханадан босатылу шарттары

Рецепт арқылы

Өндіруші

с.а. Алкон-Куврер н.в.

B-2870 Пуурс, Бельгия

Тіркеу куәлігінің иесі

с.а. Алкон-Куврер н.в., Бельгия

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

«Алкон Фармасьютикалс, Лтд.» өкілдігі

Тел.: +7 (727) 256 02 05

Факс: +7 (727) 256 06 81

Электронды поштасы: Tatyana.Yem@Alcon.com