Тиотриазолин (раствор для инъекций, 25 мг/мл)
Инструкция
-
русский
-
қазақша
Саудалық атауы
Тиотриазолин
Халықаралық патенттелмеген атауы
Жоқ
Дәрілік түрі
Инъекцияға арналған 25 мг/мл ерітінді
Құрамы
1 мл ерітіндінің құрамында
белсенді зат - 25.0 мг тиотриазолин 100 % затқа шаққанда
қосымша зат - инъекцияға арналған су. .
Сипаттамасы
Мөлдір, түссіз немесе сәл сарғыш реңді сұйықтық
Фармакотерапиялық тобы
Жүрек ауруларын емдеуге арналған препараттар
Жүрек ауруларын емдеуге арналған басқа да препараттар
Басқа да кардиотоникалық препараттар
АТХ коды С01ЕВ
Фармакологиялық қасиеттері
Фармакокинетикасы
Тиотриазолин қан плазмасында ең жоғары концентрациясына бұлшықет ішіне енгізгеннен кейін - 0,84 сағаттан соң, көктамыр ішіне енгізгеннен кейін - 0,1 сағаттан соң жетеді. Қан ақуыздарымен байланысуы 10% аспайды. Тиотриазолин негізінен бүйректе жинақталады – 31%. Тоқ ішекте, жүректе, көкбауырда едәуір мөлшерде жинақталады, ең азы – аш ішек пен өкпеде (1-2%).
Фармакодинамикасы
Тиотриазолиннің фармакологиялық әсері ишемияға қарсы, жарғақша тұрақтандыратын, антиоксидантты және иммуномоделдеуші әсеріне байланысты.
Препараттың әсер етуі анаэробтық гликолиздің компенсаторлы белсендірудің және Кребс циклында, жасушаішілік АТФ қорының сақталуымен тотығу үдерістерін белсендірудің күшеюі есебінен жүзеге асады.Тиотриазолин молекуласының құрылымында тотығу-тотықсыздану қасиеттері тән тиол күкіртінің және сутегі иондарының артығын байланыстыратын үштік азоттың болуы антиоксидантты жүйені белсендіруді жүзеге асырады. Тиол тобының күшті тотықсыздандырғыш қасиеттері оттегінің белсенді түрлерімен және липидтік радикалдармен реакция тудырады. Антирадикальді ферменттер – супероксиддисмутаза, каталаза және глутатионпероксидазаның реактивациясы оттегінің белсенді түрлері инициациясын болдырмайды.
Тиотриазолиннің әсері миокард ишемияланған жерлерінде липидтердің тотығу үдерісін тежейді, миокардтың катехоламиндерге сезімталдығын азайтады, жүректің жиырылу қызметінің үдеп басылуына жол бермейді, некроз және миокард ишемиясы аймағын талапқа сай тұрақтандырады және азайтады. Қанның реологиялық қасиеттерінің жақсаруы фибринолитикалық жүйенің белсендірілуі есебінен жүзеге асады. Миокард метаболизмі үдерісінің жақсаруы, оның жиырылғыштық қабілетінің жоғарылауы, жүрек ырғағын қалыпқа түсіруге ықпал ету Тиотриазолин кардиопротекторлы әсеріне негізделеді.
Тиотриазолин гепатопротекторлық қасиетке ие: гепатоциттердің бұзылуына жол бермейді, май инфильтрациясының дәрежесін және бауыр орталық лобулярлық некроздары таралуын төмендетеді, гепатоциттердің репаративті регенерация үдерістеріне ықпал етеді, оларда ақуыздық, липидтік және пигменттік алмасуды қалыпқа түсіреді. Өттің синтезі мен бөліну жылдамдығын арттырады, олардың химиялық құрамын қалыпты етеді.
Қолданылуы
Кешенді ем құрамында (қосымша дәрі ретінде):
- жүректің ишемиялық ауруларында (ірі немесе ұсақ ошақты жедел миокард инфарктінде, жүктемелік және тыныштық күйдегі стенокардияда, инфарктан кейінгі кардиосклерозда)
- жүрек аритмиясында
- этиологиясы алуан түрлі созылмалы гепатиттерде (оның ішінде алкогольдік гепатитте)
- бауыр фиброзында және циррозында.
Қолдану тәсілі және дозалары
Ересектерге жедел ағымды миокард инфарктінде, үдеріс белсенділігі айқын созылмалы гепатитте алғашқы 5 күнде Тиотриазолинді бұлшықет ішіне 2 мл 25 мг/мл ерітіндісін (50 мг-нан) күніне 2-3 рет, немесе көктамыр ішіне баяу минутына 2 мл жылдамдықпен 4 мл 2,5 мг/мл ерітіндісін (100 мг) күніне 1 рет, немесе минутына 20 - 30 тамшы жылдамдықпен тамшылатып енгізеді (25 мг/мл ерітіндінің 2 ампуласын 150 - 250 мл 0,9 % натрий хлориді ерітіндісімен сұйылтады). Емдеудің бесінші күнінен бастап жиырмасыншы күніне дейін Тиотриазолиннің таблеткасын (күніне 3 рет 100 мг-нан) тағайындайды.
Жүктемелік және тыныштық күйдегі стенокардияда және инфарктен кейінгі кардиосклерозда, белсенділігі ең төмен және орташа дәрежедегі созылмалы гепатитте бұлшықет ішіне Тиотриазолиннің 2 мл 25 мг/мл ерітіндісін күніне 3 рет енгізеді. Емдеу курсы – 20 - 30 күн. Бауыр циррозында емдеу курсы – 60 күн. Емдеуді бұлшықет ішіне 2,5 мг/мл 2 мл ерітіндіні (50 мг-нан) күніне 3 рет 5 күн бойы енгізуден бастайды, әрі қарай емдеуді таблеткалармен (100 мг, күніне 3 рет) жалғастырады.
Жағымсыз әсерлері
Сирек:
- қышыну, тері гиперемиясы, қызба, тері бөртпесі (уртикарлық, папулезді, ұсақнүктелі, теңбілді)
- есекжем, ангионевротикалық ісіну
- ауыздың құрғауы, жүректің айнуы, іштің кебуі, құсу
Өте сирек:
- анафилактикалық шок
- жалпы әлсіздік, бас айналуы, құлақтағы шуыл
- тахикардия, артериялық гипертензия
- ентігу және тұншығу
Қолдануға болмайтын жағдайлар
– тиотриазолинге жоғары сезімталдық
– бүйрек қызметінің жедел ағымды жеткіліксіздігі
– жүктілік пен лактация кезеңі
– 18 жасқа дейінгі балалар мен жасөспірімдер.
Дәрілермен өзара әрекеттесуі
Тиотриазолинді кардиопротекторлы препарат ретінде, жүректің ишемиялық ауруларын емдеуге арналған базисті дәрілермен біріктірілімде қолдануға болады. Гепатопротекторлы дәрі ретінде сәйкес этиологиядағы гепатиттердің дәстүрлі емдеу әдісімен біріктіруге болады.
Айрықша нұсқаулар
Жүктілікте және лактация кезінде қолданылуы
Препараттың жүктілік кезінде немесе емшекпен емізуде қолданылуы зерттелмеген.
Педиатрияда қолданылуы
Препаратты балаларда қолдану тәжірибесі жеткіліксіз.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Симптомдары: несепте натрий мен калий концентрациясының жоғарылауы.
Емі: препаратты қабылдауды тоқтату, белгісіне қарай ем.
Шығарылу түрі және қаптамасы
2 мл-ден ампулада немесе қызыл түсті сындыру сақинасы бар ампулада немесе сындыру нүктесі бар ампулада.
10 ампуладан поливинилхлоридті үлбірден жасалған пішінді ұяшықты қаптамаға салынған.
1 пішінді ұяшықты қаптамадан медицинада қолданылуы жөніндегі мемлекеттік және орыс тіліндегі нұсқаулықпен және ампулалық скарификатормен бірге қорапшаға салынады.
4 мл-ден сыйымдылығы 5 мл ампулада немесе қызыл түсті сындыру сақинасы бар ампулада немесе сындыру нүктесі бар ампулада.
5 ампуладан поливинилхлоридті үлбірден жасалған пішінді ұяшықты қаптамаға салынған.
2 пішінді ұяшықты қаптамадан медицинада қолданылуы жөніндегі мемлекеттік және орыс тіліндегі нұсқаулықпен және ампулалық скарификатормен бірге қорапшаға салынады.
Сақтау шарттары
Жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек.
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецепт арқылы
Өндіруші
«Артериум» корпорациясы, «Галичфарм» ЖАҚ, Украина, 79024,
Львов қ., Опрышковская к-сі, 6/8
Тіркеу куәлігінің иесі
«Галичфарм» ЖАҚ, Украина
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Артериум» корпорациясының Қазақстан Республикасындағы өкілдігі
050060, Алматы қ., Әл-Фараби даңғылы, 97 үй, 3 подъезд, «54» кеңсе
Тел/факс: 8(727)315-82-09; 8(727)315-82-10;
Е-mail: Almaty@arterium.kz