Тиозид® 4

МНН: Тиоколхикозид
Производитель: Компания "НОБЕЛ АЛМАТИНСКАЯ ФАРМАЦЕВТИЧЕСКАЯ ФАБРИКА"
Анатомо-терапевтическо-химическая классификация: Тиоколхикозид
Номер регистрации в РК: № РК-ЛС-3№021510
Период регистрации: 13.07.2018 - 13.07.2023

Инструкция

Саудалық атауы

ТИОЗИД® 4

ТИОЗИД® 8

Халықаралық патенттелмеген атауы

Тиоколхикозид

Дәрілік түрі

4 мг және 8 мг таблеткалар

Құрамы

Бір таблетканың құрамында

белсенді зат – 4 мг және 8 мг тиоколхикозид,

қосымша заттар: коллидон (VA 64), лактоза моногидраты, желатинделген крахмал, микрокристалды целлюлоза РН 102, коллоидты кремнийдің қостотығы, натрий стеарил фумараты.

Сипаттамасы

Дөңгелек, екі беті дөңес сары түсті таблеткалар (4 мг доза үшін).

Сары түсті, беті жалпақ, екі жағында ойығы және бір жағында сызығы бар дөңгелек таблеткалар (8 мг доза үшін).

Фармакотерапиялық тобы

Орталықтық әсерімен басқа да миорелаксанттар. Тиоколхикозид.

АТХ коды М03ВХ05

Фармакологиялық қасиеттері

Фармакокинетикасы

Сіңуі: Ішке қабылдағанда ТИОЗИД қанда жылдам таралады, қан плазмасындағы концентрациясының шыңына 15-45 минуттан соң жетеді. Плазмадағы ең жоғары концентрациясы 61 нг/мл құрайды.

Таралуы: Қан плазмасындағы ақуыздармен байланысуы 13% құрайды. Тиоколхикозид альбуминмен байланысады.

Метаболизмі: Жартылай шығарылу кезеңі 2,5-5 сағатты құрайды. Метаболизм үдерісінде 3 метаболит, оның 2-уі қан сарысуында анықталатын агликон және белсенді глюкурондалған тиоколхикозид туындысы түзіледі.

Шығарылуы: Қабылданған дозаның шамамен 20% несеппен өзгермеген метаболиттер түрінде экскрецияланады, 75-81% нәжіспен шығарылады.

Фармакодинамикасы

ТИОЗИД –табиғи колхикозид гликозидінен алынатын жартылай синтетикалық бұлшықет релаксанты.

Препарат гамма-амин май қышқылына (ГАМҚ) және глицинергиялық рецепторларға селективті аффинділік көрсетеді. Жұлын деңгейіндегі ГАМҚ рецепторларының тікелей белсенділенуінің нәтижесін бұл бұлшықет релаксантының белсенділігінің дәлелі ретінде санау мүмкіндігі бар.

ТИОЗИД-тің глициномиметикалық әсерін жергілікті сипаттағы түйілулердегі, сондай-ақ тегі орталықтық спастикалық түйілулердегі сияқты жүйке жүйесінің әртүрлі деңгейлерінде бақылауға болады.

Препарат кураре тәрізді әсер етпейді, салдану туындатпайды және тынысты тарылтпайды. Бұдан басқа препарат кардиоваскулярлық жүйеге қандай да бір әсер көрсетпейді.

Қолданылуы

ТИОЗИД ауырумен жүретін бұлшықет түйілулерін симптоматикалық емдеу үшін көрсетілімде.

Қолдану тәсілі және дозалары

Ересектерге

тамақтан соң 4-8 мг күніне екі рет.

Ең жоғарғы бір реттік доза 8 мг.

Ең жоғарғы тәуліктік доза 16 мг.

Ұсынылатын емдеу курсы 5-7 күн.

Емшарадан 30-40 минут бұрын ауырғанды басатын физиотерапиямен біріктірілімде қолдану айқынырақ емдік әсер береді.

Ескерту/алдын ала сақтану

Диарея туындағанда дозаны күніне 4 мг дейін азайтуға болады.

Жағымсыз әсерлері

Сирек

- қышыну, уртикариялар және ангионевротикалық ісіну сияқты анафилактикалық реакциялар

- ұйқышылдық

- вазовагальді естен тану, гипотензия

- уақытша сананың шатасуы, қозу

- жүрек айнуы, құсу, диарея, гастралгия

Өте сирек

- анафилактикалық шок

- уақытша сананың шатасуы, қозу, тітіркенгіштік

Қолдануға болмайтын жағдайлар

  • тиоколхикозидке немесе препараттың құрамына кіретін басқа да заттарға жоғары сезімталдық

  • бұлшықет гипотониясы және сылбыр салдану/парез

  • антикоагулянттарды бір уақытта қабылдау және қан кетуге бейімділік

  • тұқым қуалайтын лактозаны көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы

  • жүктілік және лактация кезеңі

  • 18 жасқа дейінгі балалар

Дәрілермен өзара әрекеттесуі

Дәрілермен өзара әрекеттесуі туралы деректер жоқ. Алайда дәл осындай емдік әсері бар препараттармен бір мезгілде қабылдағанда сақтық жасау ұсынылады. ТИОЗИД препаратын және орталық жүйке жүйесін бәсеңдететін (оның ішінде барбитураттар, транквилизаторлар және антигистаминдік дәрілер) әсері бар препараттарды, сондай-ақ алкогольмен бір мезгілде қолдану бұл әсердің күшеюіне алып келуі мүмкін. Антикоагулянттармен бір уақытта қолданғанда қан кету қаупі жоғарылайды.

Айрықша нұсқаулар

Бауыр қызметі бұзылуында препарат бауырда метаболизденбейтіндіктен ТИОЗИД дозасын түзету талап етілмейді.

Бүйрек қызметі бұзылуында препараттың төмен дозалары ұсынылады.

Тиозид эпилепсиясы немесе эпилепсиялық ұстамалар қаупі бар емделушілерде эпилепсиялық ұстаманы қоздыруы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлік немесе зейін шоғырландыруды талап ететін механизмдерді басқаруда сақ болу керек.

Артық дозалануы

Осы уақытқа дейін препаратты қолдануда артық дозалануы жағдайлары тіркелмеген. Артық дозалануының негізгі білінулері асқазан-ішек жолдары тарапынан болатын уыттылық әсер деп болжау мүмкіндігі бар.

Емдеу: симптоматикалық. Арнайы у қайтарғысы жоқ.

Шығарылу түрі және қаптамасы

Мөлдір ақ ПВХ/ПЭ/ПВДХ үлбірден және баспалы алюминий фольгадан жасалған пішінді ұяшықты қаптамаға 10 таблеткадан салынған.

1, 2 немесе 3 пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге өндіруші-фирма голограммасы бар картон пәшкеге салынған.

Сақтау шарттары

Құрғақ, жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Нобел Алматы Фармацевтикалық Фабрикасы» АҚ

Қазақстан Республикасы,

Алматы қ-сы, Шевченко к-сі 162 Е.

Тіркеу куәлігінің иесі

«Нобел Алматы Фармацевтикалық Фабрикасы» АҚ

Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ-сы, Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электрондық поштасы nobel@nobel.kz

 

Прикрепленные файлы

448558361477976421_ru.doc 53.5 кб
567496921477977622_kz.doc 53.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники