ТИОЗИД®

ТИОЗИД®

Тиоколхикозид

Дәрілік түрі, дозалануы

Бұлшықет ішіне инъекцияға арналған ерітінді, 4 мг/2 мл

Сүйек-бұлшықет жүйесі. Миорелаксанттар. Орталықтық әсер ететін басқа миорелаксанттар. Орталықтық әсер ететін басқа препараты. Тиоколхикозид.

АТХ коды M03ВХ05

Ересектер мен 16 жастан бастап жасөспірімдерге омыртқа патологиясы кезінде бұлшықеттің жедел контрактураларын адъювантты емдеу.

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- шеткері салдану және бұлшықеттік гипотония

- антикоагулянттармен ем және қанталауларға бейімділік

- жүктілік және лактация кезеңі

- 16 жасқа дейінгі балаларға

Қолдану кезіндегі қажетті сақтық шаралары

Анамнезде аллергиялық реакциялары бар науқастарға сақтықпен қабылдау керек.

Тиоколхикозид эпилепсиямен зардап шегетін немесе қатер тобына кіретін пациенттерде эпилепсия ұстамаларын туындатуы мүмкін. Бүйрек немесе бауыр жеткіліксіздігімен зардап шегетін пациенттерде, сондай-ақ егде жастағы пациенттерде ТИОЗИД® қолданудың қауіпсіздігі мен тиімділігі зерттелмеген. Бұл пациенттерге, әсіресе егде жастағылар үшін препараттың төменгі дозалары ұсынылады.

Ұрпақ өрбіту функциясына әсері:

Препарат метаболиттерінің аногендік белсенділігі болғанымен, препарат ұрпақ өрбіту функциясына әсер етпейді.

Препарат метаболиттері ер адамдар фертильділігіне жағымсыз әсер етуі мүмкін, сондықтан препаратты жыныстық қатынасқа қатысты проблемалары бар ер адамдарға қолдануға болмайды және препаратты тоқтату мүмкіндігін қарастыру керек.

Басқа дәрілік препараттармен өзара әрекеттесуі

ТИОЗИД® қабынуға қарсы стероидты емес препараттармен (ҚҚСП), фенилбутазонмен, ауырғанды басатын препараттармен, анаболикалық стероидтармен, тыныштандыратын дәрілермен, барбитураттармен және сукцинилхолинмен бірге қолданылуы мүмкін.

Басқа бұлшықет релаксанттарымен бірге тағайындау ұсынылмайды, өйткені олар өзара әрекеттесу әсерін едәуір күшейтеді.

Қан кету қаупі жоғарылайтын болғандықтан, препаратты антикоагулянттармен бірге қабылдау ұсынылмайды. Орталық жүйке жүйесін (ОЖЖ) бәсеңдететін препараттармен, оның ішінде алкогольмен, гипертензияға қарсы дәрілермен, кураре тәрізді препараттармен бір мезгілде қолданғанда миорелаксация және ОЖЖ бәсеңдеуінің күшеюі, гипотония дамуы мүмкін.

Арнайы ескертулер

Жүктілік немесе лактация кезінде

Тиоколхикозид ананың емшек сүтіне бөлінеді, сондықтан лактация кезінде препаратты қолдануға болмайды.

Препараттың метаболиттерінде андрогендік белсенділік болса да, препарат ұрпақ өрбіту функциясына әсер етпейді.

Препараттың метаболиттері еркектің фертильділігіне жағымсыз әсер етуі мүмкін, сондықтан препаратты қолдану жыныстық қатынасқа қатысты проблемалары бар еркектерге ұсынылмайды және препаратты тоқтату мүмкіндігін қарастыру керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Тиоколхикозид психомоторлық функцияға әсер етпейді. Алайда сирек жағдайларда ұйқышылдық байқалған, сондықтан автомобиль жүргізгенде және қауіптілігі зор механизмдерді басқарғанда аса сақ болу қажет.

Қолдану жөніндегі нұсқаулар

Дозалау режимі

ТИОЗИД® препаратымен емдеуді созылмалы В гепатитін емдеуде тәжірибесі бар дәрігер бастауы тиіс.

Ересектер

Тәуліктік доза бұлшықет ішіне 2 мл-ден (4 мг) тәулігіне 2 рет. Алайда дозаны емдеу барысында түзетуге болады. Созылмалы ауруларды ұзақ мерзімді емдеуге ұсынылмайды.

Ұсынылатын емдеу ұзақтығы 3 - 5 күн.

Физиотерапиялық ем-шараларға даярлау кезіндегі бұлшықет ішіне инъекциядан кейін бұлшықеттің босаңсу кезеңі 30-40 минут.

Артық дозалану жағдайында қабылдануы қажетті шаралар

Симптомдары: жағымсыз әсерлердің күшеюі ықтимал.

Емі: пациентті клиникалық бақылауды, сондай-ақ симптоматикалық және демеуші емді қамтамасыз ету керек.

Дәрілік препаратты қолдану тәсілін түсіндіру үшін медицина қызметкерінің кеңесіне жүгініңіз

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі:

- ұйқышылдық

- іш өтуі, іш тұсының ауыруы

Жиі емес:

- есекжем, эритема

- жүрек айнуы, құсу

Сирек:

- сананың шатасуы, қозу

- гипотензия

- аллергиялық тері реакциялары, бөртпе, ангионевроздық ісінуді қоса анафилаксиялық реакциялар

Өте сирек:

- анафилаксиялық шокты қоса анафилаксия реакциялары

Белгісіз:

- әдетте енгізгеннен кейін бірнеше минут ішінде пайда болатын естен тану, құрысу

- гепатоуыттылық

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

2 мл ерітіндінің құрамында

белсенді зат – тиоколхикозид 4 мг,

қосымша заттар: натрий хлориді, инъекцияға арналған су.

Сыртқы түрінің, иісінің, дәмінің сипаттамасы

Сары түсті мөлдір ерітінді.

Шығарылу түрі және қаптамасы

2 мл препараттан сындыруға арналған сызығы бар I класты түссіз мөлдір шыныдан жасалған ампулаға құйылған. Мәтінді ампулаға жылдам бекитін бояумен терең басу әдісі арқылы жазады.

Пластикпен бөлінген сепараторға 6 ампуладан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Жарамдылық мерзімі 2 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25 °C-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

Идол Илач Долум Санаи ве Тиджарет А.Ш., Стамбул қ.,Түркия

Davutpaşa Cad. Cebealibey Sok. No: 20 34020 Topkapı

Электронды пошта nobel@nobel.com.tr

Телефон нөмірі: +90 212 449 00 00

Факс нөмірі: +90 212 449 00 20

Тіркеу куәлігінің ұстаушысы

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта nobel@nobel.kz

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта nobel@nobel.kz