Тимолол (0,5%)

• русский
• қазақша

• Скачать инструкцию медикамента

Саудалық атауы

Тимолол

Халықаралық патенттелмеген атауы

Тимолол

Дәрілік түрі

0,5 % көз тамшы дәрісі

Құрамы

100 мл препараттың құрамында

белсенді зат - тимолол малеаты – 250

(тимололға шаққанда) 500 мг

қосымша заттар: бензалконий хлориді, сусыз екі орын басқан натрий фосфаты, екі сулы бір орын басқан натрий фосфаты, натрий хлориді, динатрий эдетаты дигидраты, тазартылған су.

Сипаттамасы

Мөлдір түссіз немесе сәл боялған сұйықтық.

Фармакотерапиялық тобы

Глаукомаға қарсы препараттар және миотиктер. Бета-адренобөгегіштер.

АТЖ коды S01ЕD01

Фармакологиялық қасиеттері

Фармакокинетикасы

Тимолол малеаты мөлдір қабық арқылы көз тініне өтеді. Болымсыз мөлшерде конъюнктива арқылы сіңірілу жолымен жүйелі қан ағымына, мұрынның шырышты қабығы мен көз жасы жолына түседі. Тимололдың метаболиттерінің шығарылуы - бүйрекпен. Жаңа туған және кішкентай балаларда белсенді заттың концентрациясы оның ересектердің плазмасындағы Сmах-нан едәуір асады.

Фармакодинамикасы

Глаукомаға қарсы дәрі. Бета-адренобөгегіштер тобына жатады. Катехоламиндердің бета-адренорецепторларға көтермелегіш әсерінің алдын алады. Көз тамшы дәрісі түрінде жергілікті қолданғанда, сулы ылғал түзілуін азайту есебінен, көзішілік қан қысымын төмендетеді. Тимолол әсер ету орны – кірпікшелі денедегі бета-2 адренорецепторлар. Әсері тамызғаннан кейін 20 минуттан соң білінеді, ең жоғары әсері 1-2 сағаттан соң басталады, әсер ету ұзақтығы 10-20 сағат.

Қолданылуы

- ашық бұрышты глаукомада

- салдарлы глаукома (увеальді, афакиялық, посттравматикалық)

- офтальмотонустың жедел жоғарылауы

- жабық бұрышты глаукома (миотиктермен біріктірілгенде)

Қолдану тәсілі мен дозалары

Жергілікті, бір реттік дозада – зақымданған көзге 0,25% ерітіндінің 1 тамшысы қолданылады, қолданылу жиілігі – тәулігіне 1-2 рет. Тиімділігі жеткіліксіз болса, 0,5% ерітіндіні қолданады. Көзішілік қан қысымы қалпына келсе, демеуші дозасы - 0,25% ерітіндінің 1 тамшысын күніне 1 рет.

Тимололмен емдеу әдетте, ұзақ уақыт бойы жүргізіледі. Емдеудегі үзіліс немесе препараттың дозасын өзгерту тек емдеуші дәрігердің ұйғарымы бойынша жүргізіледі.

Жағымсыз әсерлері

Жиі (≥1/100 <1/10):

- бас ауыруы

- конъюктиваның, қабақ терісінің тітіркенуі мен гиперемиясы, көздегі күйдіру мен қышу, көзден жас парлау, жарықтан қорқу

Сирек (>1\1000 - <1\100):

- мөлдір қабықтың сезімталдығының төмендеуі

- беткейлік нүктелік кератит

- брадикардия, ентігу

- депрессия, қажығыштық

Өте сирек (1/10000 <1/1000):

• бас ауыруы, бас айналуы, сананың шатасуы

• көздің құрғау синдромы, блефароконъюнктивит

• көрудің нашарлауы, диплопия, птоз

• іркілісті жүрек жеткіліксіздігі, аритмия, гипотония

• АҚ төмендеуі

• елестеулер, мазасыздық, үрейлер, астения

• бронх түйілуі (әсіресе демікпесі және жүрек жеткіліксіздігі бар емделушілерде)

• мұрынның бітуі

• асқын сезімталдық реакциялары: бөртпе, есекжем

• шаштың түсіп қалуы

Қолдануға болмайтын жағдайлар

- тимолол малеатына жоғары сезімталдықта

- бронх демікпесінде немесе тыныс алу жолдарының басқа ауыр созылмалы обструктивті аурулары, асқын бронх гиперактивтілігінде

- синустік брадикардияда

- II - III дәрежелі атриовентрикулярлық бөгелісте, кардиогендік шокта

- декомпенсацияланған жүрек жеткіліксіздігінде

- мөлдір қабықтағы дистрофиялық үдерістерде

- 18 жасқа дейінгі балаларда

Дәрілермен өзара әрекеттесуі

Резерпинмен қолданғанда - айқын брадикардия немесе гипотонияның дамуы мүмкін (бұл біріктірілім мұқият дәрігерлік бақылауды қажет етеді); кальций өзектері бөгегіштерімен немесе жүрек гликозидтерімен қолданғанда - AV өткізгіштігінің бұзылуы, жедел сол жақ қарыншалық жеткіліксіздік немесе артериялық гипотония болуы мүмкін. Эпинефрин, пилокарпин, жүйелік бета-адренобөгегіштер препараттың әсерін күшейтеді. Тимолол миорелаксанттардың әсерін күшейтеді (препаратты жалпы жансыздандыруды жүргізгенге дейін 48 сағат бұрын тоқтату керек).

Мына препараттарды Тимололмен бір мезгілде енгізу ұсынылмайды: амиодарон, галогенделген ұшпалы жансыздандырғыштар, аритмияға қарсы препараттар (пропафенон мен Ia класының агенттері), баклофен, клонидин және лидокаин.

Хинидин мен циметидин сияқты CYP2D6 тежегіштері, тимололдың қан плазмасындағы концентрациясын арттыруы мүмкін.

Айрықша нұсқаулар

Тимолол көз тамшы дәрісі құрамында бета-адренобөгегіштер бар басқа көз тамшы дәрілерімен бір мезгілде қолданылмауы тиіс.

Тимолол көз тамшы дәрісінің құрамында консервант ретінде бензалконий хлориді бар және оларды жанаспалы линзаларды таққан кезде пайдалану ұсынылмайды. Препаратты қолданар алдында жанаспалы линзаларды алып тастап және оларды инстилляциядан кейін кемінде 15 минуттан соң қайта тағу керек.

Көруді қысқа мерзімге бұлыңғырлануы Тимололдың инстилляциясынан кейін байқалуы мүмкін.

Тимолол қант диабеті немесе қалқанша безінің асқын қызметі симптомы бар емделушілерде гипогликемия симптомдарын бүркемелеуі мүмкін. Бета-адренобөгегіштерді қабылдаған кейбір емделушілер анестезия кезінде ұзақ, ауыр гипотензияны бастан кешірген. Сондықтан алдағы жоспарлы операциялық араласу кезінде, бета-адренобөгегіштерді біртіндеп тоқтату ұсынылады.

Сақтықпен Тимололды өкпе жеткіліксіздігі бар, ауыр цереброваскулярлық жеткіліксіздігі, компенсация сатысындағы жүрек жеткіліксіздігі, артериялық гипотензиясы, қант диабеті, гипогликемиясы, тиреотоксикозы, миастениясы, Рейно синдромы, феохромоцитомасы, атрофиялық риниті бар емделушілерде, сондай-ақ басқа бета-адренобөгегіштер мен эпинефриннің шығарылуын күшейтетін психобелсенді дәрілік препараттарды бір мезгілде тағайындағанда, сондай-ақ 18 жасқа дейінгі балаларға сақтықпен қолданады.

Жүктілік пен лактация кезеңінде

Препаратты жүктілік кезінде тек, ана үшін күтілетін пайдасы ұрық үшін ықтимал қауіптен асатын болса ғана, қолдануға болады.

Препаратты лактация кезінде тағайындау қажет болса, бала емізуді тоқтату қажет.

Егер препарат тікелей босанар алдында қабылданған болса, жаңа туған сәбилер туғаннан кейін бірнеше күн бойы мұқият қадағалауда болуы тиіс.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Көрудің қысқа мерзімді бұлыңғырлануы пайда болуы мүмкін болғандықтан, автокөлік жүргізгенде және қауіптілігі зор механизмдерді басқаруда сақ болу керек.

Артық дозаланғанда

Белгілері: бета-адренобөгегіштерге тән жүйелік әсерлерінің дамуы: бас айналуы, бас ауыруы, аритмия, брадикардия, бронх түйілуі, жүрек айнуы, құсу.

Емі: көзді дереу сумен немесе физиологиялық ерітіндімен жуу, симптоматикалық ем.

Шығарылу түрі мен қаптамасы

0,5 % көз тамшы дәрісі.

Полимерден жасалған тамшылатқыш тығындармен және бұралатын қақпақтармен тұмшаланып жабылған полимерлі стерильді тамшылатқыш құтыларда (бұралатын қақпақтарымен жиынтықта) 10 мл-ден.

1 тамшылатқыш құтыдан мемлекеттік және орыс тілдеріндегі медицинада қолданылуы жөніндегі нұсқаулықпен бірге картон пәшкеге салады.

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Баплалардың қолы жетпейтін жерде сақтау керек!

Сақтау мерзімі

2 жыл

Тамшылатқыш құтыны ашылғаннан кейін 20 тәулік бойы пайдалану керек.

Жарамдылық мерзімі өткен препаратты пайдалануға болмайды.

Дәріханалардан босатылу шарттары

Рецепт арқылы

Өндіруші

«Славянская аптека» ЖШҚ, Ресей Федерациясы

601125, Владимирская облысы, Петушинский ауданы, Вольгинский кенті

тел./ факс 8(495) 742-60-36, 8(495) 450-42-48

Тұтынушылардан өнім сапасына қатысты шағымдарды қабылдайтын ұйымның атауы және мекенжайы:

«Славянская аптека» ЖШҚ, Ресей Федерациясы

601125, Владимирская облысы, Петушинский ауданы, Вольгинский кенті

тел./ факс 8(495) 742-60-36, 8(495) 450-42-48