Тилаксин®

Тилаксин®

Тилорон

Қабықпен қапталған таблеткалар

Бір таблетканың құрамында

белсенді зат: 125.0 мг тилорон;

қосымша заттар: кальций гидрофосфаты дигидраты, гипромелоза, микрокристалды целлюлоза, повидон, коллоидты кремнийдің қостотығы, картоп крахмалы, натрий кроскармелозасы, полиэтиленгликоль, кальций стеараты, тальк;

қабығының құрамы: «Aquarius Preferred white» үлбірлі қабығы (гипромелоза, коповидон, полидекстроза, полиэтиленгликоль, орта тізбекті триглицеридтер, титанның қостотығы (Е171)), кандурин (титанның қостотығы (Е171), калий алюмосиликаты (Е555)), «күн батар түстес» бояғыш (Е110).

Дөңгелек пішінді, екі беті дөңес, қызыл-сары түсті қабықпен қапталған таблеткалар, сынған жерінде екі қабат көрінеді.

Иммуномодуляторлар. Иммуностимуляторлар. Басқа да иммуностимуляторлар.

АТХ коды L03AX

Фармакокинетикасы

Ішке қабылдағаннан кейін тилорон асқорыту жолынан жылдам сіңеді. Биожетімділігі 60%-ды құрайды. Препараттың шамамен 80%-ы плазма ақуыздарымен байланысады.

Препарат биотрансформацияға ұшырамайды және организмде жинақталмайды. Іс жүзінде өзгермеген түрде нәжіспен және несеппен 7:1 арақатынаста шығарылады. Жартылай шығарылу кезеңі 48 сағатты құрайды.

Фармакодинамикасы

Тилаксон® (тилорон) - иммуномодуляциялайтын және вирустарға қарсы дәрі. Организмде α, β, γ-интерферондар түзілуін көтермелейді. Препаратты енгізгенге жауап ретінде интерферонның негізгі продуценттері ішек эпителийінің жасушалары, гепатоциттер, Т-лимфоциттер, нейтрофилдер және гранулоциттер болып табылады. Ішке қабылдағаннан кейін интерферон өнімінің ең көбі «ішек-бауыр-қан» бірізділігімен 4-24 сағаттан соң анықталады. Сүйек кемігінің дің жасушаларын көтермелейді, дозасына байланысты антиденелер түзілуін күшейтеді, иммунодепрессия деңгейін төмендетеді, Т-супрессорлар/Т-хелперлер арақатынасын қалпына келтіреді. Кең ауқымды вирустық инфекцияларға, сонымен бірге тұмау, басқа жедел респираторлық вирустық инфекцияларға, А, В, С гепатиттеріне және герпесвирустарға қатысты тиiмдi. Вирустарға қарсы әсер ету механизмі инфекция жұқтырған жасушаларда вирустық-спецификалық ақуыздардың тасымалдануын тежеуге байланысты, салдарларынан вирустардың репродукциясы бәсеңдейді.

Жануарларға жасалған зерттеулерді жүргізген кезде (тауық және үйрек эмбриондарында) H5N1 штаммының жоғары патогендік құс тұмауы (ЖПҚТ) қоздырғышына қатысты препараттың жоғары вирусқа қарсы белсенділігі, сондай-ақ (тауықтарға тәжірибе жүргізген кезде) ЖПҚТ қоздырғышының антигендеріне қатысты елеулі иммуностимуляциялайтын және адъювантты белсенділігі дәлелденген.

кешенді емнің құрамында

• тұмау және жедел респираторлық вирустық инфекцияларды (ЖРВИ) емдеуде және профилактикада

• герпестік инфекцияларды емдеуде

Препаратты ішке, тамақтанудан кейін қабылдайды.

Тұмауды және ЖРВИ емдеуде: емдеудің алғашқы 2 күнінде – күніне 1 таблеткадан (125 мг), сонда соң – әрбір 48 сағат сайын 1 таблеткадан (125 мг). Курстық дозасы – 10 күн бойы 6 таблетка (750 мг).

Тұмау және ЖРВИ профилактикасында: аптасына 1 рет 1 таблеткадан (125 мг) 6 апта бойы.

Герпестік инфекцияны емдеуде: емдеудің алғашқы 2 күнінде – күніне 1 таблеткадан (125 мг), сонда соң – әрбір 48 сағат сайын 1 таблеткадан (125 мг). Курстық дозасы – 38 күн бойы 20 таблетка (2,5 г).

• аллергиялық реакциялар (бөртпе, қышыну, есекжем, ангионевроздық ісіну)

• диспепсиялық құбылыстар (жүрек айнуы, қыжыл, іштің ауырлық және кебу сезімі)

• қысқа мерзімді қызба

Егер нұсқаулықта көрсетілген жағымсыз әсерлердің кез келгені күшейсе, немесе Сіз нұсқаулықта көрсетілмеген кез келген басқа жағымсыз әсерді байқасаңыз, бұл туралы дәрігерге хабарлаңыз.

• препараттың кез келген компонентіне жоғары сезімталдық

• жүктілік және лактация кезеңі

• 18 жасқа дейінгі балалар және жасөспірімдер

Тилорон антибиотиктермен, вирустық және бактериялық ауруларды дәстүрлі емдеу дәрілерімен үйлесімді.

Тилоронның антибиотиктермен, вирустық және бактериялық ауруларды дәстүрлі емдеу дәрілерімен, сондай-ақ алкогольмен клиникалық маңызды өзара әрекеттесуі анықталмаған.

Егер препараттың келесі дозасын қабылдау уақытын өткізіп алсаңыз, онда уақыт аралығын ескерусіз мүмкіндігінше жылдам және дозаны екі еселеусіз Тилаксин® препаратын қабылдау курсын басталған сызбамен жалғастырған жөн.

Егер Тилаксин® препаратымен тұмау және басқа ЖРВИ емдеу кезінде ем басталғаннан бастап 5 күн ішінде емдік әсері байқалмаса, дәрігерге қаралған жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Тилаксин® көлік құралдарын басқару және жоғары зейінділікті және психомоторлық реакциялардың жылдамдығын қажет ететін қауіптілігі зор қызмет түрлерін орындау қабілетіне әсер етпейді.

Тилаксин® препаратының артық дозалану жағдайлары белгісіз.

Шығарылу түрі және қаптамасы

3 немесе 5 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынған.

1 немесе 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

4 жыл.

Жарамдылық мерзімі өткеннен кейін қолдануға болмайды.

Рецептісіз.

Өндіруші

«ВИВА Фарм» ЖШС, Қазақстан Республикасы

2-ші Остроумов к-сі, 33, Алматы қ-сы

«ВИВА-Интерхим» ЖШС, Қазақстан Республикасы

2-ші Остроумов к-сі, 33, Алматы қ-сы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«ВИВА Фарм» ЖШС, Қазақстан Республикасы

2-ші Остроумов к-сі, 33, Алматы қ-сы, 050030

тел.: +7 (727) 383 74 63, факс: + 7 (727) 383 74 56

e–mail: pv@vivapharm.kz