Тетрациклина гидрохлорид (100 мг)

• русский
• қазақша

• Скачать инструкцию медикамента

Саудалық атауы

Тетрациклин гидрохлориді

Халықаралық патенттелмеген атауы

Тетрациклин

Дәрілік түрі

Қабықпен қапталған 100 мг таблеткалар

Құрамы

Бір таблетканың құрамында

белсенді зат – 100 мг тетрациклин гидрохлориді,

қосымша заттар: картоп крахмалы, қант, кальций немесе магний стеараты, тальк,

қабықтың құрамы: метилцеллюлоза, титанның қостотығы (Е 171), полисорбат 80, понсо 4R (Е 124), ара балауызы, вазелин майы.

Сипаттамасы

Дөңгелек пішінді, сәл дөңес беткейлі, бір жағында сызығы және екінші жағында «G» өрнегі бар, қызыл түсті қабықпен қапталған таблеткалар. Көлденең қимасында екі қабат көрінеді

Фармакотерапиялық тобы

Бактерияларға қарсы жүйелік қолдануға арналған препараттар. Тетрациклиндер

АТХ коды J01АА07

Фармакологиялық қасиеттері

Фармакокинетикасы

Сіңуі – 75 - 77 %, ас қабылдаған кезде төмендейді, плазма ақуыздарымен байланысуы – 55-65%. Пероральді түрде қабылдағанда ең жоғары концентрацияға жету уақыты – 2 - 3 сағат (емдік концентрацияға жету үшін 2 - 3 күн қажет болады). Кейінгі 8 сағат ішінде концентрация біртіндеп төмендейді. Ең жоғары концентрация – 1,5-3,5 мг/л (емдік әсерге жету үшін 1 мг/л концентрация жеткілікті).

Организмде біркелкі таралмайды: ең жоғары концентрациялар бауырда, бүйректе, өкпеде және ретикулоэндотелиальді жүйесі жақсы дамыған ағзаларда - көкбауырда, лимфа түйіндерінде болады. Өттегі концентрациясы қан сарысуындағыға қарағанда 5 - 10 есе жоғары. Қалқанша без және қуықасты безінің тіндерінде тетрациклиннің мөлшері плазмадағыдай; плевральді, асциттік сұйықтықта, сілекейде, емшек емізетін әйелдің сүтінде – плазмадағы концентрацияның 60-100%-ы. Сүйек тіндерінде, ісік тіндерінде, дентинде және сүт тістері эмальдарында үлкен мөлшерде жиналады. Гематоэнцефалдық бөгет арқылы нашар өтеді. Жұлын сұйықтығындағы интактілі ми қабықтарында байқалмайды немесе аздаған мөлшерде табылады (плазмадағы концентрацияның 5 - 10%-ы). Орталық жүйке жүйесінің аурулары бар пациенттерде, әсіресе ми қабықтарының қабыну үдерістерінде жұлын сұйықтығындағы концентрациясы плазмадағы концентрацияның 8-36% құрайды. Плацентарлық бөгет арқылы және емшек сүтіне өтеді. Таралу көлемі – 1,3-1,6 л/кг.

Бауырда аздап метаболизденеді. Жартылай шығарылу кезеңі – 6 - 11 сағат, анурияда – 57 - 108 сағат. Қабылдағаннан кейін 2 сағаттан соң несептен жоғары концентрацияларда табылады және 6 - 12 сағат бойы сақталады; алғашқы 12 сағат ішінде бүйрек арқылы дозаның 10-20%-ы шығарылады. Аздаған мөлшерде (жалпы дозаның 5-10%-ы) өтпен бірге ішекке шығарылады, онда ішінара кері сіңеді, бұл организмде белсенді заттың ұзақ айналымда болуына мүмкіндік береді (ішек-бауырлық айналым). Ішек арқылы шығарылуы – 20-50%. Гемодиализде баяу шығарылады.

Фармакодинамикасы

Тетрациклиндер тобына жататын бактериостатикалық антибиотик. Тасымалдаушы РНҚ мен рибосома арасында кешеннің түзілуін бұзады, бұл ақуыз синтезінің басылуына әкеледі. Грамоң микроорганизмдерге қатысты белсенді – Staphylococcus spp. (соның ішінде Staphylococcus aureus, пенициллиназаны түзетін штаммдарды қоса), Streptococcus spp. (кейбір штаммдар, соның ішінде Streptococcus pneumoniae), Listeria monocytogenes, Bacillus anthracis, Clostridium spp., Actinomyces spp., Propionibacterium acnes, Bacillus fusiformis;

- грамтеріс микроорганизмдер – Haemophilus influenzae, Haemophilus ducreyi, Bordetella pertussis, Escherichia coli, Enterobacter spp. (Enterobacter aerogenes қоса), Klebsiella spp., Shigella spp., Yersinia pestis, Bartonella bacilliformis, Vibrio cholerae, Vibrio fetus, Rickettsia prawazekii, Rickettsia reckettsii, Rickettsia akari, Borrelia Vinceni, Borrelia recurrentis, Borrelia burgdorferi, Brucella spp. (стрептомицинмен біріктіріп); Calymmatobacterium granulomatis, Francisella tularensis, Treponema pallidum, Treponema pertenue;

- пенициллиндерді тағайындауға болмайтын жағдайлар – Clostridium spp., Neisseria gonorrhoeae, Actinomyces spp.;

- Chlamydia trachomatis; Chlamydia psittaci, Entamoeba histolytica қатысты белсенді;

- тетрациклинге төзімді микроорганизмдер: Pseudomonas aeruginosa, Proteus spp., Serratia spp., Bacteroides spp. көптеген штаммдары және зеңдер, вирустар, бета-гемолитикалық А тобының стрептококктары (44% Streptococcus pyogenes штаммдарын және Streptococcus faecalis 74% штаммдарын қоса).

Қолданылуы

Тетрациклинге сезімтал микроорганизмдерден туындаған инфекциялық-қабыну ауруларында:

- пневмония және тыныс жолдарының Mycoplasma pneumoniae, Haemophilus influenzae және Klebsiella spp. туындатқан инфекциялары

- несеп-жыныс ағзаларының бактериялық инфекциялары: хламидиоз, асқынбаған соз, шат гранулемасы, венералогиялық лимфогранулема, мерез, шанкроид

- тері мен жұмсақ тін инфекциялары

- ойық жаралы-некроздық гингивостоматит

- актиномикоз

- ішек амебиазының кешенді емінде

- бруцеллез

- бартонеллез

- тырысқақ, оба, сібір жарасы

- листериоз

- пситтакоз

- везикулезді риккетсиоз, Жартасты тау теңбілді қызбасы, бөртпе сүзек, соқпа сүзек

- туляремия

- фрамбезия

- ботулизм

- тағамдық токсикоинфекция

- дизентерия

- вибриоз

- Лайм ауруы

Қолдану тәсілі және дозалары

Ішке, сұйықтықтың мол мөлшерімен ішіледі.

Ересектерге – әрбір 6 сағат сайын 0,3-0,5 г (тәулігіне 4 рет) немесе әрбір 12 сағат сайын 0,5-1 г (тәулігіне 2 рет). Ең жоғары тәуліктік доза - 4 г. Емдеу курсы – 5-10 күн.

Бруцеллез – 3 апта ішінде әрбір 6 сағат сайын 0,5 г, 1 апта бойы әрбір 12 сағат сайын және 2 апта бойы тәулігіне 1 рет 1 г доза стрептомицинді бұлшықет ішіне бір мезгілде енгізу.

Асқынбаған соз – бастапқы бір реттік дозасы – 1,5 г, содан кейін 4 күн бойы әрбір 6 сағат сайын 0,5 г (жиынтық дозасы – 9 г).

Мерез – 15 күн бойы (мерездің ерте кезеңі) немесе 30 күн бойы (мерездің кеш кезеңі) 0,5 г әрбір 6 сағат сайын.

Chlamydia trachomatis-ден туындаған асқынбаған уретральді, эндоцервикальді және ректальді инфекциялар – 7 күн бойы 0,5 г әрбір 6 сағат сайын.

Листериоз – 7-10 күн бойы 0,2 – 0,3 г әрбір 6 сағат сайын.

Актиномикоз – тәулігіне 3 г алғашқы 10 күнде, содан кейін соңғы 18 күн бойы 0,5 г әрбір 6 сағат сайын.

Шап гранулемасы, венералогиялық лимфогранулема – 3-4 апта бойы 0,5 г әрбір 6 сағат сайын.

Пситтакоз – 0,5 г әрбір 6 сағат сайын (ауру симптомдарының бәсеңдеуі және жоғалуы 24 – 48 сағаттан кейін болады). Аурудың қайталануына жол бермеу үшін емдеуді дене температурасы қалыпқа келгеннен кейін 7 – 14 күн бойы жалғастырады.

Везикулезді риккетсиоз – 8 – 10 күн бойы тәулігіне 0,8 – 1,2 г.

Туляремия – тәулігіне 1,5 – 2 г. Температура қалыпқа келгеннен кейін емдеуді тағы 5 – 7 күн жалғастырады.

Фрамбезия – 14 күн бойы 0,5 г әрбір 6 сағат сайын.

Оба – тәулігіне 6 г дейін. Жағдай жақсарған кезде дозаны температура қалыпқа келгенше, бірақ кем дегенде 3 күн ішінде тәулігіне 2 г дейін азайтады. Қарым-қатынастағы адамдарға курсты 0,3 г әрбір 6 сағат сайын жүргізген жөн.

Жағымсыз әсерлері

Жиі емес

- тәбеттің нашарлауы, құсу, диарея, жүректің айнуы

- глоссит, эзофагит, гастрит, асқазанның және он екі елі ішектің ойық жаралануы, тіл бүртіктері гипертрофиясы, дисфагия

- гепатоуытты әсер, "бауыр" трансаминазалары белсенділігінің жоғарылауы

- панкреатит

- ішек дисбактериозы

- азотемия, гиперкреатининемия

- гипербилирубинемия

Сирек

- бассүйекішілік қысымның жоғарылауы, бас ауыру, орталық жүйке жүйесіне уытты әсері (бас айналу немесе тұрақсыздық)

- гемолитикалық анемия, тромбоцитопения, нейтропения, эозинофилия

- макулопапулезді бөртпе, тері гиперемиясы, ангионевроздық ісіну, анафилаксиялық реакциялар, дәрілік жүйелік қызыл жегі

- асқын инфекция, кандидоз

Өте сирек

- фотосенсибилизация

- В тобы витаминдерінің гиповитаминозы

Қолдануға болмайтын жағдайлар

- тетрациклинге және препарат компоненттеріне аса жоғары сезімталдық

- жүктілік, бала емізу кезеңі

- 18 жасқа дейінгі балалар мен жасөспірімдер

- лейкопения, жүйелік қызыл жегі

- сахараза/ изомальтаза тапшылығы, фруктозаның жақпаушылығы, глюкоза/галактоза мальабсорбциясы

- бүйрек жеткіліксіздігі

- бауыр функциясының бұзылуы

Дәрілермен өзара әрекеттесуі

Ішек микрофлорасының басылуына байланысты, протромбинді индекс төмендейді (әсері тікелей емес антикоагуляттар дозасын төмендету қажет болады).

Жасушалық қабырғаның синтезін бұзатын бактерицидтік антибиотиктердің (пенициллиндер, цефалоспориндер) тиімділігін төмендетеді.

Құрамында эстрогені бар пероральді контрацептивтердің тиімділігін төмендетеді және «лақылдап» қан кетудің пайда болу қаупін арттырады; ретинол  бассүйекішілік жоғары қысымның пайда болу қаупі бар.

Сіңуін құрамында алюминий, магний және кальций бар антацидтер, темір препараттары және колестирамин төмендетеді.

Химотрипсин концентрациясын және айналымдағы ұзақтығын арттырады.

Айрықша нұсқаулар

Фотосенсибилизацияның пайда болуының мүмкін екендігіне байланысты, инсоляцияны шектеу қажет.

Ұзақ уақыт пайдаланғанда бүйрек, бауыр функциясын, қан түзу ағзаларының функциясын мезгіл-мезгіл бақылап отыру қажет.

Мерездің білінуі бүркемеленуі мүмкін, осыған байланысты, аралас инфекцияларда 4 ай бойы ай сайын серологиялық талдама жасап отыру қажет.

Барлық тетрациклиндер кез келген сүйек түзетін тіндерде кальциймен тұрақты кешен түзеді. Гиповитаминоздың профилактикасы үшін В және К тобының витаминдерін, сыра ашытқыларын тағайындаған жөн.

Жүктілік кезінде және лактация кезеңінде қолданылуы

Тетрациклиндерді жүктілік кезінде қолдануға болмайды, өйткені тетрациклиндер плацента арқылы өтеді және сүйек тінінің ауыр бұзылуларын тудыруы мүмкін.

Тетрациклиндер емшек сүтіне өтеді және емшек еміп жүрген нәресте сүйектерінің және тістерінің дамуына кері әсерін тигізуі мүмкін.

Препарат құрамында балалар үшін тыйым салынған бояғыш (азорубин) болғандықтан, оны жүкті және бала емізетін әйелдерге қолдануға болмайды.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Емделу кезінде көлік құралдарын басқаруды және зейінділік пен психомоторлы реакциялар шапшаңдығын қажет ететін қауіпті қызмет түрлерімен айналысуды тоқтата тұру қажет.

Артық дозалануы

Препаратпен артық дозаланғанда жоғарыда айтылған жағымсыз әсерлері күшеюі мүмкін.

Емі симптоматикалық.

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

500-2000 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Абди Ибрахим Глобал Фарм» ЖШС

Қазақстан Республикасы, Алматы обл., Іле ауд., Өндірістік аймақ 282

тел.: +7 (727) 232-44-85

Тіркеу куәлігінің иесі

«Абди Ибрахим Глобал Фарм» ЖШС

Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауд., Өндірістік аймақ 282, тел.: +7 (727) 232-44-85,

электрондық пошта: info@aigp.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауд., Өндірістік аймақ 282, тел.: +7 (727) 232-44-85,

электрондық пошта: info@aigp.kz