ТераФлю® ЛАР (таблетки для рассасывания)
Инструкция
-
русский
-
қазақша
Саудалық атауы
ТераФлю® ЛАР
Халықаралық патенттелмеген атауы
Жоқ
Дәрілік түрі
Соруға арналған таблеткалар
Құрамы
Бір таблетканың құрамында
белсенді заттар: 1 мг бензоксоний хлориді
1 мг лидокаин гидрохлориді,
қосымша заттар: cорбитол (еритін Karion № 3140),
жүгері крахмалы, апельсин хош иістендіргіші (55607 ТР.05.51), макрогол 6000 (полиэтиленгликоль 6000), микрокристалды целлюлоза (Avicel PH-105), натрий хлориді, лимон қышқылы моногидраты, натрий сахарині, магний стеараты.
Сипаттамасы
Дөңгелек пішінді, екі беті дөңес, бір жағында екі үшбұрыш түрінде «Zyma» деген логотипі және екінші жағында «OR» деген коды бар ақтан сәл сарғыш түске дейінгі таблеткалар.
Фармакотерапиялық тобы
Тамақ ауруларын емдеуге арналған препараттар. Антисептиктер.
АТХ коды R02AA20
Фармакологиялық қасиеттері
Фармакокинетикасы
Бензоксоний хлориді іс жүзінде сіңірілмейді. Адамда енгізілген дозаның шамамен 1%-ы несепте анықталады, қанда заттардың концентрациясы анықталмайды. Организм тіндерінде заттардың жинақталуы анықталмаған.
Лидокаин ішу арқылы қабылдау кезінде және ауыз қуысы шырышты қабығы арқылы сіңіріледі. Бауыр арқылы “алғашқы” өтуі кезінде метаболизденеді, ауыз арқылы енгізуде оның биожетімділігі шамамен 35% құрайды. Метаболиттер несеппен бірге шығарылады, заттардың 10%-дан аздауы өзгермеген түрде шығарылады.
Фармакодинамикасы
Терафлю® Лар обладает бактериостатикалық, бактерицидтік әсер ету мен жансыздандыратын әсерге, сондай-ақ фунгицидті белсенділігін байқатады және вирустарға қарсы елеусіз қасиеттерге ие.
Бензоксоний хлориді – төрттік аммоний тұзы (N-бензил N-додецил N, N-ди(2-гидроксиэтил) аммоний хлориді), өзінің катионды құрылымының арқасында мембранотропты белсенділікке ие және грамоң, аз дәрежеде грамтеріс микроорганизмдерге қарсы антибактериялық айқын әсері бар.
Сондай-ақ, бензоксоний жарғақшалық вирустарға (оның ішінде тұмау вирустары, парагипп және герпес) қатысты алғанда зеңдерге қарсы және вирустарға қарсы белсенділікті иеленген.
Лидокаин қабыну үдерістерінде жұтыну кезінде тамақтың ауыруын сезінуді азайтатын жергілікті анестетик болып табылады.
Қолданылуы
- фарингит - ларингит - стоматит- афтозды ойық жаралар - ойық жаралы гингивит- созылмалы тонзиллит (қосымша дәрі ретінде).
Қолдану тәсілі және дозалары
Жұтуға болмайды! Шайнауға болмайды!
Ішке қабылдауға, таблетка ауызда баяу сорылуы тиіс.
Әрбір 2-3 сағат сайын 1 таблеткадан сору керек. Аурудың айқын симптомдары кезінде әрбір 1-2 сағат сайын 1 таблеткадан.
Тәуліктік доза 10 таблеткадан аспауы тиіс.
Балалар: Терафлю® Лар препаратын балаларға 4 жастан бастап әрбір 3-4 сағат сайын 1 таблеткадан қолдануға болады.
Балалардың тәуліктік дозасы 6 таблеткадан аспауы тиіс.
Жағымсыз әсерлері
Сирек:
- уақытша сипаттағы жергілікті тітіркену
- аллергиялық реакциялар.
Қолдануға болмайтын жағдайлар
- лидокаинге немесе аммиак қосылыстарына жоғары сезімталдық
- 4 жасқа дейінгі балалар
- жүктілік және лактация кезеңі.
Дәрілермен өзара әрекеттесуі
ТераФлю® ЛАР тиімділігі анионды-белсенді агенттерді, мысалы тіс пастасын бір мезгілде қабылдаған кезде төмендейді.
Алкоголь ТераФлю® Лар (ем жүргізу уақытында ішімдік сусындарынан бас тарта тұрған жөн) сіңірілуін жоғарылатады.
Айрықша нұсқаулар
Препаратты 2 аптадан артық уақыт қолданғанда тілдің немесе тістің қоңыр түске қайтымды боялуы байқалуы мүмкін.
Лидокаиннің жергілікті жансыздандырушы әсеріне байланысты тамақтың тыныс жолдарына түсіп кету қаупін болдырмас үшін, ТераФлю® Лар таблеткаларын тамақтану кезінде немесе тікелей тамақтар алдында қабылдау ұсынылмайды.
Соруға арналған ТераФлю® Лар таблеткаларын диабетпен ауыратындар сақтықпен қабылдағандары жөн, өйткені препарат құрамында сахарин мен сорбитол бар. 1 г сорбитол 17 кДж (4 ккал) сәйкес келеді.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Симптомдары: жүрек айну немесе құсу.
Емі: сүт ішу немесе суда көпіршітілген жұмыртқа ақуызын жеу немесе белсенділендірілген көмір ұсынылады.
Терафлю® Лар құрамындағы лидокаин болмашы ғана, айтарлықтай артық дозалану симптомдарын туындатуы мүмкін емес.
Шығарылу түрі және қаптамасы
Поливинилхлорид/полиэтилен/поливинилиденхлорид үлбірден және баспалы лакталған алюминий фольгадан жасалған пішінді ұяшықты қаптамаға 8 таблеткадан салынған.
1 немесе 2 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Құрғақ жерде, + 300 С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін препаратты пайдалануға болмайды.
Дәріханалардан босатылу шарттары
Рецептісіз
Өндіруші ұйымның атауы мен елі
Новартис Фармасьютика СА, Испания
Тіркеу куәлігі иесінің атауы мен елі
Новартис Консьюмер Хелс СА, Швейцария
Қаптаушы ұйымның атауы мен елі
Новартис Фармасьютика СА, Испания
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
ҚР-дағы «Новартис Фарма Сервисез АГ» филиалы
Алматы қ., Жамақаев к-сі, 155 А
тел. (727) 258-12-91
факс: (727) 250-64-63
http://iws-pharma.na.novartis.net