ТераФлю® ЛАР (спрей для местного применения)

• русский
• қазақша

• Скачать инструкцию медикамента

Саудалық атауы

ТераФлю® ЛАР

Халықаралық патенттелмеген атауы

Жоқ

Дәрілік түрі

Жергілікті қолдануға арналған спрей

Құрамы

100 мл спрей құрамында

белсенді заттар: 0.2 г бензоксоний хлориді,

0.15 г лидокаин гидрохлориді

қосымша заттар: глицерин, этанол 96 % (к/к), 0.1 М хлорсутек қышқылы, жалбыз майы, левоментол, тазартылған су.

Сипаттамасы

Жалбыз иісі бар мөлдір түссіз ерітінді.

Фармакотерапиялық тобы

Тамақ ауруларын емдеуге арналған препараттар. Антисептиктер.

Басқа да препараттар.

АТХ коды R02AA20

Фармакологиялық қасиеттері

Фармакокинетикасы

Бензоксоний хлориді іс жүзінде сіңірілмейді.

Адамда енгізілген дозаның шамамен 1%-ы несепте анықталады, қанда заттар концентрациясы анықталмайды. Организм тіндерінде заттардың жинақталуы анықталмаған. Лидокаин ішу арқылы қабылдау кезінде ауыз қуысы шырышты қабығы арқылы сіңіріледі. Бауыр арқылы “алғашқы” өтуі кезінде метаболизденеді, оральді енгізуде оның биожетімділігі шамамен 35% құрайды.

Метаболиттер несеппен бірге шығарылады, заттардың 10%-дан аздауы өзгермеген түрде шығарылады.

Фармакодинамикасы

Бензоксоний хлориді – төрттік аммоний тұзы (N-бензил N-додецил N, N-ди(2-гидроксиэтил) аммоний хлориді), өзінің катионды құрылымының арқасында мембранотропты белсенділікке ие және грамоң (Staphylococcus aureus, Staphylococcus epidermis) және грамтеріс (Citrobacter freundli, Klebsiella pneumoniae, Proteus rettgeri, Pseudomonas aeruginosa, Salmonella wien, Serratia marcescens) микроорганизмдерге қарсы бактериостатикалық және бактерицидті айқын әсері бар.

Сондай-ақ, бензоксоний зеңдерге қарсы және жарғақшалық вирустарға (оның ішінде тұмау вирустары, парагипп және герпес) қатысты вирустарға қарсы белсенділікті иеленген.

Лидокаин амидтік қатардағы жергілікті анестетик болып табылады. Натрий иондары үшін жасуша жарғақшалары өткізгіштігін өзгерте отырып, лидокаин жүйке импульстерінің өткізілуін бөгейді, осылай жансыздандыратын әсеріне қол жеткізіледі, бұл қабыну үдерістерінде жұтыну кезінде тамақтың ауыруын сезінуді азайтады.

Қолданылуы

- ауыз қуысы мен жұтқыншақ жұқпалары ( фарингит, ларингит, стоматит, афтозды ойық жаралар, ойық жаралы гингивит)- қосымша дәрі ретінде (созылмалы тонзиллит).

Қолдану тәсілі және дозалары

Жергілікті. Баллонды тік ұстап, ауыз қуысына бүрку керек.

Ересектер және 12 жастан асқан балалар: әрбір емшараны жүргізген кезде ауыз қуысының зақымданған аумағына немесе ауыз қуысының артқы қабырғасына тәулігіне 3 – 6 рет 2 - 4 бүрку 2-3 сағаттан кем емес аралықпен жасалады.

4 –тен 11 жасқа дейінгі балалар: әрбір емшараны жүргізген кезде ауыз қуысының зақымданған аумағына немесе ауыз қуысының артқы қабырғасына тәулігіне 3 – 6 рет 2 бүркуден 2-3 сағаттан кем емес аралықпен жасалады.

Емдеу ұзақтығы 5 күннен аспауы тиіс.

Егер препаратты қабылдауды бастағаннан кейінгі 5 күн ішінде ауру симптомдарының жеңілдегені байқалмаса, препаратты қабылдауды тоқтату керек.

Жағымсыз әсерлері

Жиі ( >1/100-ден <1/10 дейін):

• уақытша сипаттағы жергілікті тітіркену түріндегі ауыз қуысындағы жайсыздық

Өте сирек (<1/10000-ден):

• өте жоғары сезімталдық (бет, ерін, тіл, көмей ісінуі)

• диспноэ

- парестезия, бөртпе, қышыну

• препаратты ұзақ қолданғанда тілдің немесе тістің қоңыр түске қайтымды боялуы байқалуы мүмкін

Қолдануға болмайтын жағдайлар

- лидокаинге немесе басқа да жергілікті анастетиктерге, бензоксоний хлоридіне немесе басқа да аммиак қосылыстарына, сондай—ақ препараттың басқа да компоненттеріне жоғары сезімталдық

- 4 жасқа дейінгі балалар

- жүктілік және лактация кезеңі.

Дәрілермен өзара әрекеттесуі

Белсенді заттарды төмен дозалау салдарынан болатын дәрілермен өзара әрекеттесуі байқалмаған.

Лидокаин бір мезгілде қолданылатын басқа дәрілерімен, мысалы аритмияның басқа дәрілерімен теориялық тұрғыда өзара әрекеттесуі мүмкін.

Айрықша нұсқаулар

Спрей балаларда рефлекторлық ларинго- және бронх түйілуі дамуын туындатуы мүмкіндігінен тек ересектер бақылауымен қолданылуы тиіс. Препаратты бүрку кезінде дем алуды кідіртуге қабілетсіз балаларда қолдануға болмайды.

Препаратты қабылдауды бастағаннан кейін 5 күн ішінде ауру симптомдарының жеңілдегені байқалмаса препарат қабылдауды тоқтату керек. Препараттың көзге тиюінен абай болу керек. Препаратты бүріккенде дем алмау керек.

Препаратты лидокаиннің жұтынудың қиындауына алып келуі мүмкін жансыздандыратын әсеріне байланысты тамақпен бірге немесе дәл тамақ немесе сусын ішер алдында қабылдау ұсынылмайды. Лидокаиннің оральді қолданғандағы биожетімділігі төмен, бірақ препаратты жұтқанда ол ОЖЖ құрысулар мен өлім сияқты уытты әсер етуі мүмкін (балалар мен ересектерде лидокаиннің тұтқыр ерітіндісін ішке қабылдағаннан кейін, сондай-ақ лидокаиннің 4% ерітіндісімен шайғанда). Лидокаиннің артық дозалануын емдеу симптоматикалық, және жүрек-қан тамырлары мен респираторлық қызметі, сондай-ақ құрысулар бақылауда болады.

Препаратты ауыздың және жұтқыншақтың шырышты қабығы зақымдануы болғанда сақтықпен қолдану керек.

Препарат құрамында бір дозаға 100 мг аз мөлшердегі этанол бар (этилді спирт), ең жоғары бір реттік доза 4 бүрку. Препаратты қондырғы-бүріккіші зақымданған жағдайда пайдалануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Құрамында этанол бар. Препарат көлік құралдарын немесе қаупі потенциалды механизмдерді басқару қабілетіне елеусіз әсер етеді.

Артық дозалануы

Терафлю® Лар құрамындағы лидокаин шамасы елеусіз және артық дозаланудың күрделі симптомдарын туындата алмайды.

Симптомдары: кездейсоқ үлкен дозаларды қабылдағанда – жүрек айнуы немесе құсу.

Емі: сүт немесе суда шайқалған жұмыртқа ақуызын ішу немесе белсенділендірілген көмір ішу ұсынылады. Егер қажет болса тыныштандыратын дәрі беру керек, бірақ құстыру мен шаюдан аулақ болу керек. Алкогольден абай болу керек, ол сіңуіне ықпал етеді.

Препаратты лидокаинмен үлкен мөлшерде кездейсоқ немесе біле тұрып ішке қабылдаған барлық емделушілердің дереу медициналық көмекке жүгінгені дұрыс.

Шығарылу түрі және қаптамасы

30 мл препараттан жоғары тығыздықты полиэтиленнен жасалған құтыларда.

1 құтыдан дозалау құрылғысымен, пластик қорғағыш қақпағымен, полипропилен қондырмасымен және медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

300 С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

Новартис Консьюмер Хелс СА, Швейцария

Тіркеу куәлігінің иесі

Новартис Консьюмер Хелс СА, Швейцария

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

ҚР-дағы «Новартис Фарма Сервисез АГ» филиалы

Алматы қ., Луганский к-сі, 96

тел. (727) 258-12-91

8-800-080-0650 (Қазақстан Республикасы бойынша барлық стационарлық телефондардан тегін)

Факс:+7 (727) 244-26-51

e-mail: drugsafety.cis@novartis.com