Тералиджен® Валента (Алимемазин)

Тералиджен® Валента

Алимемазин

Дәрілік түрі, дозасы

Үлбірлі қабықпен қапталған таблеткалар 5 мг

Жүйке жүйесі. Психолептиктер. Анксиолитиктер. Басқа анксиолитиктер.

АТХ коды N05BX

Ересектерде:

Седативтік (тыныштандыратын), анксиолитикалық (үрейленуге қарсы) және ұйықтап кетуді жақсартатын дәрілер ретінде:

• органикалық үрей тудыратын бұзылыста (монотерапия түрінде немесе біріктірілген ем құрамында)

• жайылған үрейлі бұзылыста (біріктірілген ем құрамында)

Аллергияға қарсы дәрілер ретінде:

• атопиялық дерматит

Қолдануды бастағанға дейін қажетті мәліметтер тізбесі

• әсер етуші затқа және қосымша заттардың кез келгеніне аса жоғары сезімталдық

• лактоза жақпаушылығы, лактаза тапшылығы, глюкоза-галактоза мальабсорбциясы

• жабық бұрышты глаукома

• қуықасты бездерінің гиперплазиясы

• бауыр және/немесе бүйрек функциясының ауыр жеткіліксіздігі

• паркинсонизм

• миастения

• Рейе синдромы

• моноаминоксидаза (МАО) тежегіштерін бір мезгілде қолдану

• жүктілік және емшек емізу кезеңі

• 18 жасқа дейінгі балалар мен жасөспірімдер

Қолданған кездегі қажетті сақтандыру шаралары

Алимемазин бірлесіп қолданылатын ДЗ отоуытты әсерін (құлақтың шуылдауы, бас айналу) бүркемелеуі мүмкін.

Алимемазин организмнің рибофлавинді қажетсінуін арттырады.

Аллергендерге терінің скарификациялық сынамалары нәтижелерінің бұрмалануына жол бермеу үшін препаратты қабылдауды аллергологиялық тестілеуден 72 сағат бұрын тоқтату керек.

Емделу кезеңінде жүктіліктің бар-жоқтығына жалған оң нәтижелер беруі мүмкін. Емдеу кезеңінде алкогольді пайдалануға болмайды.

Егер анамнезінде фенотиазинді қатардың препараттарын қолданған кезде; қуық мойнының обструкциясында; несептің кідіруіне бейімділікте; эпилепсияда; ашық бұрышты глаукомада; сарғаюда; сүйек кемігінің функциясы бәсеңдегенде; артериялық гипотензияда асқынулардың болғаны көрсетілген болса, маскүнемдікте препаратты абайлап қолдану керек.

Басқа дәрілік препараттармен өзара әрекеттесуі

Тералиджен® Валента препаратының дәрілік өзара әрекеттесуі сипатталмаған.

Арнайы ескертулер

Балалар

Бояғыштардың болуына байланысты препаратты балалар мен жасөспірімдерде қолдануға болмайды.

Жүктілік және лактация кезінде қолдану.

Жүктілік кезінде қолдануға болмайды. Егер емдеу кезеңінде жүктілік басталса, препарат қабылдауды тоқтату керек.

Лактация (бала емізу) кезеңінде қолдануға болмайды. Лактация кезеңінде препаратты қолдану қажет болған жағдайда бала емізуді тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Препаратпен емдеу аясында жоғары зейін қоюды және психомоторлық реакциялардың жылдамдығын қажет ететін қызмет түрлерімен (автомобильді және басқа көлік құралдарын басқару, қозғалатын механизмдермен жұмыс, диспетчердің және оператордың жұмысы) айналыспаған жөн.

Қолдану бойынша ұсыныстар

Дозалау режимі

Препараттың әсер етуі дозаға байланысты сипатта болады, доза емдеу мақсатына байланысты таңдап алынады.

Ересектерге

Вегетостабилизациялайтын әсерге қол жеткізу үшін тәулігіне 15-60 мг.

Анксиолитикалық әсерге қол жеткізу үшін тәулігіне 20-80 мг.

Тыныштандыратын және/немесе ұйықтататын әсерге қол жеткізу үшін бір реттік 5-10 мг (ұйқыдан 20-30 мин бұрын).

Аллергиялық реакцияларды симптоматикалық емдеу үшін тәулігіне 10-40 мг.

Ересектер үшін жоғары доза тәулігіне 500 мг, егде жастағы (60 жастан асқан) адамдар үшін тәулігіне 200 мг құрайды.

Балаларға

Препаратты балалар мен жасөспірімдерге қолдануға болмайды (Қолдануға болмайтын жағдайларды, Арнайы ескертулерді қараңыз).

2,5 мг доза алу

2,5 мг доза алу үшін таблетканы тең бөлуге арналған сызық бойымен 5 мг таблетканы бөлу керек («Сыртқы түрінің, иісінің, дәмінің сипаттамасын» қараңыз).

Енгізу әдісі мен жолы

Ішке. Шайнамай.

Қабылдау уақыты көрсетілген қолдану жиілігі

Тәуліктік доза 3-4 қабылдауға бөлінуі мүмкін.

Ересектерде курстық емді кешкі уақытта 2,5-5 мг қабылдаудан бастап, тәуліктік дозаны қажетті әсерге дейін біртіндеп арттыру қажет.

Емдеу ұзақтығы

Курстық емдеу ұзақтығы 2-ден 6-ға және одан көп айға дейінді құрауы мүмкін және оны дәрігер белгілейді.

Артық дозаланған жағдайда қабылдануы тиіс шаралар

Симптомдары: аллергиялық реакцияларды қоспағанда, сипатталған жағымсыз әсерлер біліністерінің күшеюі.

Емі: препарат қабылдауды тоқтату, симптоматикалық ем.

Дәрілік препараттың бір немесе бірнеше дозасын өткізіп алған кезде қажетті шаралар

Жекелеген дозаларды өткізіп алған жағдайда препараттың қосарлы дозасын қабылдауға болмайды.

Тоқтату симптомдары қаупінің болуын көрсету

Осы уақытқа дейін тоқтату симптомдары туралы хабарланған жоқ.

Дәрілік препаратты қабылдамас бұрын дәрігерге кеңес алу үшін жүгініңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Жағымсыз әсерлері өте сирек және шамалы білінеді.

Белгісіз

• ұйқышылдық, сылбырлық, тез қажу (негізінен қабылдаудың алғашқы күндері туындайды және препарат қабылдауды тоқтатуды қажет етеді), парадоксальді реакция (мазасыздық, қозу, қорқынышты түстер көру, ашушаңдық);

• сананың шатасуы, экстрапирамидалық бұзылыстар (гипокинезия, акатизия, тремор), көру қабілетінің бұлыңғырлығы (аккомодация парезі), құлақтағы шуыл немесе шыңылдау, бас айналуы, артериялық қысымның (АҚ) төмендеуі, тахикардия, ауыз қуысының шырышты қабығының құрғауы, асқазан-ішек жолының атониясы, іш қатулар, тәбеттің төмендеуі, мұрынның, жұтқыншақтың құрғауы, бронх секрециясының тұтқырлығының жоғарылауы, қуықтың атониясы, несептің іркілуі;

• аллергиялық реакциялар;

• сүйек кемігінің қан түзілуін бәсеңдету;

• қатты терлеу;

• бұлшықет релаксациясы;

• фотосенсибилизация.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – алимемазин тартраты – 5 мг

қосымша заттар: лактоза моногидраты, микрокристалды целлюлоза, желатинделген крахмал, коллоидты кремнийдің қостотығы, натрий кроскармеллозасы, магний стеараты.

қабықтың құрамы:

Опадрай II 85F34655: ішінара гидролизделген поливинил спирті, макрогол-3350, тальк, титанның қостотығы Е 171, кармин қызыл бояғышы Е 120, күн батар түстес сары бояғыш Е 110 негізіндегі алюминий лагы, индигокармин Е 132 негізіндегі алюминий лагы.

Сыртқы түрінің, иісінің, дәмінің сипаттамасы

Қоңыр-қызғылт түсті қабықпен қапталған, екі жақ беті дөңес, сызығы бар дөңгелек таблеткалар; көлденең кесіндісінде екі қабат көрінеді: қоңыр-қызғылт түсті қабық және ақ түсті ядро.

Шығарылу түрі және қаптамасы

25 таблеткадан пішінді ұяшықты қаптамаға немесе поливинилхлоридті үлбірден және баспалы лакталған алюминий фольгадан жасалған, тесігі бар пішінді ұяшықты қаптамада.

1, 2 немесе 4 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды!

Жарықтан қорғалған жерде 25°С-ден аспайтын температурада сақтау керек.

Балалардың қолы жетпейтін жерде сақтау керек!

Босатылу шарттары

Рецепт арқылы.

Өндіруші туралы мәліметтер

«Валента Фарм» АҚ, Ресей

141101, Ресей, Мәскеу облысы, Щелково қ., Фабричная к-сі, 2 үй.

Телефон: +7 (495) 933-48-62, факс +7 (495) 933-48-63

Электронды пошта: info@valentapharm.com

Тіркеу куәлігінің ұстаушысы

«Валента Фарм» АҚ, Ресей

141101, Ресей, Мәскеу облысы, Щелково қ., Фабричная к-сі, 2 үй.

Телефон: +7 (495) 933-48-62, факс +7 (495) 933-48-63

Электронды пошта: info@valentapharm.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Валента Фармацевтика» акционерлік қоғамының Қазақстан Республикасындағы өкілдігі

Қазақстан Республикасы, 050009, Алматы қаласы, Алмалы ауданы, Абай даңғылы, № 151 үй, № 1106 кеңсе

Тел: +7 (727) 3341551 іш.4027

Моб. +7 771 779 79 37

Электронды пошта: asia@valentapharm.com