Тенофовира дизопроксила фумарат, Эмтрицитабин и Эфавиренз

Тенофовир дизопроксилі фумараты, Эмтрицитабин және Эфавиренз

Жоқ

Дәрілік түрі, дозасы

Үлбірлі қабықпен қапталған 300 мг/200 мг/600 мг таблеткалар

Жүйелі пайдалануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. АИТВ инфекциясын емдеуге арналған вирусқа қарсы препараттар, біріктірілімдер. Эмтрицитабин, тенофовир дизопроксил және эфавиренз.

АТХ коды J05AR06

- үш айдан астам уақыт бойы біріктірілген антиретровирустық ем алған АИТВ-1 РНҚ <50 көшірме/мл деңгейін вирусологиялық басу арқылы 18 жастағы және одан асқан ересектерде АИТВ-1 инфекциясын емдеу үшін. Пациенттер кез келген алдыңғы антиретровирустық емде вирусологиялық жеткіліксіздікті сезбеуі тиіс және олардың антиретровирустық ем арқылы жүргізілетін алғашқы емдеу схемасы басталғанға дейін Тенофовир дизопроксилі фумараты, Эмтрицитабин және Эфавиренз препаратының құрамындағы үш компоненттің кез келгеніне айтарлықтай төзімділік беретін мутациялары бар вирустың штаммдары болмағанын білуі тиіс.

Қолдануды бастағанға дейін қажетті мәліметтер тізбесі

- белсенді заттарға немесе қосымша заттардың кез келгеніне жоғары сезімталдық

-бауырдың ауыр жеткіліксіздігі (Чайлд-Пью бойынша С класы)

- тұқым қуалайтын галактоза/лактоза көтере алмаушылығы, лактаза тапшылығы, глюкоза/галактоза мальабсорбциясы синдромы

- терфенадинмен, астемизолмен, цизапридпен, мидазоламмен, триазоламмен, пимозидпен, бепридилмен немесе қастауыш алкалоидтарымен (мысалы, эрготамин, дигидроэрготамин, эргоновин және метилэргоновинмен) бір мезгілде қолдану

- элбасвирмен/гразопревирмен бір мезгілде қолдану қан плазмасындағы элбасвир мен гразопревир концентрациясының күтілетін елеулі төмендеуіне байланысты

- вориконазолмен бірге қолдану. Эфавиренз қан плазмасындағы вориконазол концентрациясын едәуір төмендетеді, ал вориконазол қан плазмасындағы эфавиренз концентрациясын едәуір арттырады

- құрамында шілтер жапырақты шайқурай (Hypericum perforatum) бар өсімдік препараттарымен бір мезгілде қолдану қан плазмасындағы эфавиренз концентрациясының төмендеу қаупімен және клиникалық әсерлердің төмендеуімен байланысты

Мынадай:

- кенеттен қайтыс болу немесе электрокардиограммадағы QT аралығының туа біткен ұзаруы немесе кез келген басқа клиникалық жағдайы бар QT аралығының ұзаруы отбасылық анамнезі

- анамнезінде жүрек ырғағының симптоматикалық бұзылуларының немесе клиникалық маңызды брадикардияның немесе сол жақ қарыншаның лықсу фракциясының төмендеуімен қатар жүретін іркілісті жүрек жеткіліксіздігі

- электролиттік теңгерімнің ауыр бұзылулары, мысалы гипокалиемиясы немесе гипомагниемиясы бар пациенттерге енгізу.

QT аралығын ұзартатыны белгілі препараттармен бірге қолдану (проаритмиялық әсер). Бұл препараттар:

- IA және III класты аритмияға қарсы препараттарды

- нейролептиктерді, антидепрессанттарды

- кейбір антибиотиктерді, соның ішінде келесі кластағы кейбір дәрілерді: макролидтер, фторхинолондар, имидазол және триазолға зеңге қарсы дәрілер

- кейбір седативті емес антигистаминдерді (Терфенадин, Астемизол)

- цизапридті

- флекаинидті

- кейбір безгекке қарсы препараттарды

- метадонды қамтиды.

Басқа дәрілік препараттармен өзара әрекеттесуі

Тенофовир дизопроксилі фумараты, Эмтрицитабин мен Эфавиренздің бекітілген біріктірілімі құрамында эфавиренз, эмтрицитабин және тенофовир дизопроксилі фумараты болғандықтан, белсенді заттардың кез келген өзара әрекеттесуі бір-бірімен бөлек көрінуі мүмкін. Тенофовир дизопроксилі фумараты, Эмтрицитабин және Эфавиренздің бекітілген біріктірілімін осы біріктірілімнің кез келген белсенді заттары бар басқа препараттармен бірге қабылдауға болмайды. Эмтрицитабинмен ұқсастығына байланысты тенофовир дизопроксилі фумаратының, Эмтрицитабиннің және эфавиренздің бекітілген біріктірілімін ламивудин сияқты цитидиннің басқа аналогтарымен бірге қолдануға болмайды. Тенофовир дизопроксилі фумаратын, Эмтрицитабинді және Эфавирензді адефовир дипивоксилімен немесе құрамында Тенофовир алафенамиді бар дәрілік заттармен бір мезгілде қолдануға болмайды.

Эфавиренздің әсері CYP3A4 немесе CYP2B6 белсенділігіне әсер ететін дәрілік заттармен (мысалы, ритонавирмен) немесе тағаммен (мысалы, грейпфрут шырынымен) бірге қолданғанда өзгеруі мүмкін. Осы ферменттерді қоздыратын қосылыстар немесе шөптік препараттар (мысалы, гинкго билоба мен шайқурай экстрактілері) қан плазмасындағы Эфавиренз концентрациясының төмендеуіне әкелуі мүмкін. Тенофовир дизопроксилі фумараты, Эмтрицитабин және Эфавиренздің бекітілген біріктірілімін құрамында шайқурай бар препараттармен бірге қолдануға болмайды. Гинкго билоба экстрактісімен бір мезгілде қолдану ұсынылмайды.

Каннабиноидтармен өзара әрекеттесуі

Эфавиренз каннабиноидтардың рецепторларына әсер етпейді.

Дәрілік заттарды бір мезгілде қолдану Тенофовир дизопроксилі фумараты, Эмтрицитабин мен Эфавиренздің бекітілген біріктірілімі терфенадинмен, астемизолмен, цизапридпен, мидазоламмен, триазоламмен, пимозидпен, бепридилмен және қастауыш алкалоидтарымен (мысалы, эрготаминмен, дигидроэрготаминмен, эргоновин және метилэргоновинмен) бір мезгілде қолданылмауы тиіс, себебі олардың метаболизмін бәсеңдету күрделі, өмірге қауіп төндіретін салдарларға әкеп соқтыруы мүмкін.

Элбасвир/Гразопревир. Тенофовир дизопроксилі фумараты, Эмтрицитабин және Эфавирензді Эльбасвирмен/Гразопревирмен бірге қолдануға болмайды, себебі бұл Элбасвирге/Гразопревирге деген вирусологиялық жауаптың жоғалуына әкеп соғуы мүмкін.

Вориконазол. Эфавиренз бен вориконазолдың стандартты дозасын қолдануға болмайды. Тенофовир дизопроксилі фумараты, Эмтрицитабин мен Эфавиренздің бекітілген біріктірілімінде эфавиренздің дозасын өзгерту мүмкін болмағандықтан, вориконазол және Тенофовир дизопроксилі фумараты, Эмтрицитабин мен Эфавиренздің бекітілген біріктірілімі бірлесіп қолданылмауы тиіс.

Шайқурай (Hypericum perforatum). Тенофовир дизопроксилі фумараты, Эмтрицитабин және Эфавиренздің бекітілген біріктірілімін құрамында шайқурай бар препараттармен бірге қолдануға болмайды.

QTс аралығын ұзартатын препараттар

Тенофовир дизопроксилі фумараты, Эмтрицитабин және Эфавиренз QTc аралығын ұзартатыны және «Torsades-de-pointes» қарыншалық тахикардиясының пароксизмдеріне әкелуі мүмкін екені белгілі препараттармен бір мезгілде қолдануға болмайды. Бұл препараттарға мыналар жатады: IA және III класты антиаритмиялық препараттар, антипсихотиктер және антидепрессанттар, кейбір антибиотиктер, соның ішінде келесі кластардағы кейбір дәрілер: макролидтер, фторхинолондар, имидазол және триазол зеңге қарсы дәрілер, кейбір седативті емес антигистаминдер (Терфенадин, Астемизол), цисаприд, флекаинид, кейбір безгекке қарсы препараттар және метадон.

Рифампицин. Тенофовир дизопроксилі фумараты, Эмтрицитабин және Эфавиренздің белгіленген біріктірілімін рифампицинмен бірлесіп қабылдаған кезде дене салмағы 50 кг және одан астам пациенттерге күніне 200 мг (барлығы 800 мг) эфавирензді қосымша қабылдау ұсынылады.

Бірге қолдану ұсынылмайды

Атазанавир/Ритонавир. Атазанавирді/ритонавирді тенофовир дизопроксилі фумараты, Эмтрицитабин мен Эфавиренздің бекітілген біріктірілімімен бірге қолдану ұсынылмайды.Диданозин. Тенофовир дизопроксилі фумараты, Эмтрицитабин және Эфавиренздің бекітілген біріктірілімі мен диданозинді қолдану ұсынылмайды.

Софосбувир/ Велпатасвир және Софосбувир/Велпатасвир/Воксилапревир. Тенофовир дизопроксилі фумараты, Эмтрицитабин және Эфавиренздің бекітілген біріктірілімін Софосбувирмен/Велпатасвирмен немесе Софосбувирмен/Велпатасвирмен/Воксилапревирмен қолдану ұсынылмайды

Глекапревир/ Пибрентасвир. Тенофовир дизопроксилі фумараты, Эмтрицитабин және Эфавиренздің бекітілген біріктірілімін Глекапревирмен/ Пибрентасвирмен қолдану ұсынылмайды.

Бүйрекпен шығарылатын дәрілік заттар.

Эмтрицитабин мен тенофовир көбінесе бүйрекпен шығарылатындықтан, Тенофовир дизопроксилі фумараты, Эмтрицитабин және Эфавиренздің бекітілген біріктірілімін бүйрек функциясын төмендететін немесе белсенді өзекшелік секрециясы үшін бәсекелесетін препараттармен (мысалы, цидофовир) қолдану эмтрицитабиннің, тенофовирдің және/немесе бір мезгілде қабылданған препараттың сарысудағы концентрациясын арттыруы мүмкін. Нефроуытты препараттармен, мысалы, аминогликозидтермен, В амфотерицинмен, фоскарнетпен, ганцикловирмен, пентамидинмен, ванкомицинмен, цидофовирмен немесе интерлейкинмен бір мезгілде немесе жақын арада қабылдағанда Тенофовир дизопроксилі фумараты, Эмтрицитабин және Эфавиренздің бекітілген біріктірілімін қолданудан аулақ болу керек.

Арнайы ескертулер

Ас қабылдау әсері

Тенофовир дизопроксилі фумаратын, Эмтрицитабинді және Эфавирензді тамақпен бір мезгілде қабылдау Эфавиренз концентрациясының жоғарылауына және жағымсыз реакциялар жиілігінің артуына әкелуі мүмкін. Тенофовир дизопроксилі фумараты, Эмтрицитабин және Эфавирензді аш қарынға, дұрысы ұйықтар алдында қабылдау ұсынылады.

Бауыр жеткіліксіздігі

Тенофовир дизопроксилі фумараты, Эмтрицитабин және Эфавиренз ауырлығы орташа және ауыр дәрежедегі бауыр функциясы бұзылған пациенттерге қолдануға болмайды. Эфавиренз негізінен, Р450 (СУР 450) цитохромы жүйесінде метаболизденетініне байланысты бауыр ауруларына шалдыққан пациенттерге препаратты тағайындау кезінде сақтық шараларын қабылдау қажет. Бұл пациенттерде эфавирензге жағымсыз реакциялардың мониторингін, әсіресе жүйке жүйесі тарапынан симптомдардың мониторингін мұқият жүргізу қажет. Бауыр ауруының ауырлық дәрежесін мерзімді аралықпен бағалау үшін зертханалық зерттеулер жүргізу қажет.

Егер бауыр ауруы ағымының нашарлау белгілері болса немесе сарысудағы трансаминазалар белсенділігінің қалыппен салыстырғанда 5 еседен астам тұрақты жоғарылауы болса, Тенофовир дизопроксилі фумараты, Эмтрицитабин және Эфавиренз препаратымен емдеу пайдасын айқын гепатоуыттылық қаупімен салыстыру қажет. Мұндай пациенттер үшін емдеуді уақытша тоқтату немесе тоқтату туралы шешім қабылданады.

Бауырдың интоксикациясын тудыратын басқа препараттармен емделетін пациенттерге бауыр ферменттерін бақылау ұсынылады.

Бүйрек жеткіліксіздігі

Тенофовир дизопроксилі фумараты, Эмтрицитабин және Эфавиренз бүйректің орташа немесе ауыр жеткіліксіздігі бар пациенттерге ұсынылмайды. Орташа немесе ауыр бүйрек жеткіліксіздігі бар пациенттерге Эмтрицитабин мен Тенофовир дизопроксилі фумаратының дозасын түзету қажет, оған белгіленген біріктірілімді тағайындау кезінде қол жеткізуге болмайды. Нефроуытты дәрілік препараттарды бір мезгілде немесе жақында тағайындағанда Тенофовир дизопроксилі фумараты, Эмтрицитабин және Эфавиренз препаратын қолданудан аулақ болу керек. Егер Тенофовир дизопроксилі фумараты, Эмтрицитабин және Эфавиренз бен нефроуытты препараттарды (аминогликозидтер, амфотерицин, фоскарнет, ганцикловир, пентамидин, ванкомицин, цидофовир, интерлейкин-2) бір мезгілде қолдану шарасыз болса, бүйрек функциясына апта сайын мониторинг жүргізу керек.

Оппортунистік инфекциялар

Тенофовир дизопроксилі фумараты, Эмтрицитабин және Эфавиренз препаратын немесе кез келген басқа антиретровирустық препаратты қабылдау оппортунистік инфекциялардың және АИТВ-инфекциясының басқа да асқынуларының дамуымен қатар жүруі мүмкін. Сондықтан АИТВ-мен астасқан инфекциялары бар пациенттерді емдеуде тәжірибесі бар дәрігердің тұрақты клиникалық бақылауы қажет.

АИТВ жұқтырылуы

Тенофовир дизопроксилі фумараты, Эмтрицитабин және Эфавиренз препаратымен емдеу АИТВ-ның басқа адамдарға жыныстық қатынас арқылы немесе қанмен жұқтыру қаупін жоққа шығармайды. Емдеу басталғанға дейін сақтық шараларын қолдануды жалғастыру қажет.

АИТВ және ВВГ немесе СВГ ко-жұқтырған пациенттер

Ем қабылдаған және біріктірілген антиретровирустық ем қабылдаған созылмалы В немесе С гепатиттері бар пациенттерде бауыр тарапынан ауыр және ықтимал өлімге әкелетін жағымсыз реакциялардың туындау қаупі жоғары. В және С гепатиттерінің қатар жүретін вирусқа қарсы емі кезінде препараттарды қолдану жөніндегі нұсқаулыққа жүгіну ұсынылады.

Созылмалы В гепатитін емдеу үшін Тенофовир дизопроксилі фумараты, Эмтрицитабин және Эфавиренз препаратының қауіпсіздігі мен тиімділігі зерттелмеген. АИТВ және ВВГ ко-жұқтырған пациенттерде Тенофовир дизопроксилі фумараты, Эмтрицитабин және Эфавирензбен емді тоқтату гепатиттің ауыр жедел асқынуларымен байланысты болуы мүмкін. Тенофовир дизопроксилі фумараты, Эмтрицитабин және Эфавирензбен емдеуді тоқтататын АИТВ және ВВГ ко-жұқтырған пациенттер клиникалық жағдайларда да, зертханалық жағдайда да, Тенофовир дизопроксилі фумараты, Эмтрицитабин және Эфавирензбен емдеуді тоқтатқаннан кейін кемінде төрт ай бойы жіті бақылауда болуы тиіс. Қажет болған жағдайда, В гепатитіне қарсы емді жаңарту мүмкін. Бауырдың үдемелі ауруы немесе бауыр циррозы бар пациенттерде емдеуді тоқтату ұсынылмайды, өйткені емдеуден кейін гепатиттің өршуі бауырдың декомпенсациясына әкелуі мүмкін.

Лактоацидоз

Бауырдың ауыр жеткіліксіздігі (Чайлд-Пью бойынша С класы) сияқты бейімделетін факторлары бар пациенттер немесе лактоацидозды тудыратыны белгілі, қатарлас препараттар алатын пациенттер тенофовир дизопроксилімен емдеу кезінде ауыр лактоацидоздың жоғары даму қаупіне, оның ішінде өліммен аяқталуы мүмкін қауіпке ұшырайды.

QTс аралығының ұзаруы

«Torsades-de-pointes» қарыншалық тахикардия пароксизмдерінің қаупі жоғары немесе «Torsades-de-pointes» қарыншалық тахикардия пароксизмдерінің белгілі қаупі бар препараттарды қабылдап жүрген пациенттер үшін тенофовир дизопроксилі фумаратының, Эмтрицитабиннің және Эфавиренздің баламаларын қарастырған жөн.

Психикалық симптомдар

Бұрын психоневрологиялық бұзылулары байқалған пациенттерде жағымсыз реакциялардың қаупі жоғары болды. Пациенттерді ауыр депрессия, психоз немесе суицидтік ойлар симптомдары пайда болған жағдайда, осы симптомдар эфавиренз қабылдаумен байланысты ма және бұл расталса, емдеуді жалғастырғаннан пайда қауіптен асып түседі ме, соны анықтап білу үшін дереу дәрігерге жүгіну қажет екені туралы хабардар ету қажет.

Жүйке жүйесі тарапынан симптомдар

Эфавирензге байланысты жүйке жүйесі тарапынан симптомдар әдетте емдеудің бірінші немесе екінші күнінде басталады және әдетте екі-төрт аптадан кейін кетеді. Пациенттерге егер мұндай симптомдар пайда болса, онда олар көп жағдайда емдеуді жалғастыру кезінде өтеді және тіпті әлсіз түрінде де туындамайды деп хабарлау қажет. Эфавиренздің жағымдылығын жақсарту және жүйке жүйесі тарапынан жағымсыз құбылыстардың алдын алу үшін препаратты ұйықтар алдында қабылдау ұсынылады.

Құрысулар

Фенитоин, карбамазепин және фенобарбитал сияқты бауыр арқылы метаболизденетін антиконвульсанттарды қабылдайтын пациенттерге қан плазмасындағы деңгейлеріне мерзімді мониторинг жүргізу қажет болуы мүмкін. Анамнезінде құрысу ұстамалары бар барлық пациенттер үшін сақтық шаралары қабылдануы тиіс.

Тері реакциялары

Тенофовир дисопроксилі фумараты, Эмтрицитабин және Эфавиренздің жекелеген компоненттеріне реакция ретінде орташа және қалыпты дәрежедегі бөртпе туындауы мүмкін. Эфавирензден туындаған бөртпе, әдетте, емдеуді жалғастырған кезде өтеді. Тиісті антигистаминдер және / немесе кортикостероидты препараттар жағымдылықты жақсартады және бөртпелерді емдеуді тездетеді. Мультиформалы эритема немесе Стивенс-Джонсон синдромының пайда болу жиілігі шамамен 1% - ды құрайды. Тенофовир дизопроксилі фумараты, Эмтрицитабин және Эфавиренз препаратымен емдеу күлдіреуік, суланған қабыршықтану, ойық жара немесе қызба жай-күйі түрінде ауыр дәрежедегі бөртпе дамитын пациенттерде тоқтатылуы тиіс. Бөртпелердің пайда болу себебінен басқа да нуклеозидті емес транскриптаза тежегіштерімен емдеуді тоқтатқан пациенттерде Тенофовир дизопроксилі фумараты, Эмтрицитабин және Эфавиренз препаратымен емдеу кезінде бөртпелердің даму қаупі жоғары болады.

Липодистрофия және метаболизмнің бұзылуы

Антиретровирустық ем кезінде қандағы липидтер мен глюкозаның салмағы мен деңгейінің жоғарылауы байқалуы мүмкін. Клиникалық бақылау майдың қайта бөлінуінің физикалық белгілерін бағалауды қамтуы тиіс. Аш қарынға қан сарысуындағы глюкоза мен липидтердің деңгейін бақылау туралы шешім қабылдау керек.

Иммундық реактивация синдромы

Ауыр иммун тапшылығы бар АИТВ жұқтырған пациенттерде біріктірілген антиретровирустық емді (БАРЕ) тағайындау кезінде симптомсыз және қалдық оппортунистік патогендерге қабыну реакциялары жиілеп, елеулі клиникалық жағдайлардың туындауына немесе симптомдардың өршуіне себеп болуы мүмкін. Негізінен, мұндай реакциялар емнің алғашқы бірнеше апталарында немесе айларында БАРЕ қолдану кезінде байқалады. Маңызды мысал-цитомегаловирусты ретинит, жалпыланған және/немесе жергілікті микобактериялық инфекциялар және Pneumocystis jirovecii туындаған пневмония. Қабынудың кез-келген белгілері қажет болған жағдайда бағаланып, тиісті емдеу тағайындалуы керек.

Остеонекроз

Буындардың ауыруы, буындарда қимыл шектелісі немесе қозғалыс шектелуі туындаған кезде дәрігермен кеңесу керек.

Егде жастағы пациенттер.

Тенофовир дизопроксилі фумараты, Эмтрицитабин және Эфавиренз препаратын бауыр, бүйрек немесе жүрек функцияларының бұзылу жиілігінің артуын, қатар жүретін ауруларды және осы пациенттердегі басқа да дәрі-дәрмекпен емдеуді ескере отырып, егде жастағы пациенттерге сақтықпен тағайындау керек.

Қолдану бойынша ұсынымдар

Дозалау режимі

Емді АИТВ инфекциясын емдеуде тәжірибесі бар дәрігер жүргізуі керек.

Қолдану тәсілі

Тенофовир дизопроксилі фумараты, Эмтрицитабин және Эфавиренз таблеткаларын күніне бір рет сумен іше отырып, тұтастай жұту керек.

Ересектер

Тенофовир дизопроксилі фумараты, Эмтрицитабин және Эфавиренздің бекітілген біріктірілімінің ұсынылатын дозасы – күніне 1 рет 1 таблетканы ішке қабылдау.

Аш қарынға Тенофовир дизопроксилі фумараты, Эмтрицитабин және Эфавиренздің белгіленген біріктірілімін қабылдау ұсынылады, себебі тамақ Эфавиренздің әсерін арттырып, жағымсыз реакциялар жиілігінің жоғарылауына әкелуі мүмкін. Жүйке жүйесі тарапынан жағымсыз әсерлердің дамуына төзімділікті арттыру үшін препаратты ұйықтар алдында қабылдау ұсынылады.

Балалар мен жасөспірімдер

Бекітілген біріктірілім (Тенофовир дизопроксилі фумараты, Эмтрицитабин және Эфавиренз) 18 жасқа дейінгі балалар мен жасөспірімдерге ұсынылмайды.Қарт адамдар

Тенофовир дизопроксилі фумараты, Эмтрицитабин және Эфавирензді егде жастағы пациенттер сақтықпен қолдануы керек.

Бүйрек жеткіліксіздігі

Тенофовир дизопроксилі фумараты, Эмтрицитабин және Эфавиренздің бекітілген біріктірілімі орташа немесе ауыр бүйрек жеткіліксіздігі бар (креатинин клиренсі (КК) < 50 мл/мин) пациенттерге ұсынылмайды.

Бауыр жеткіліксіздігі

Бауыр жеткіліксіздігінің жеңіл ауырлық дәрежесі бар пациенттерге (Чайлд-Пью бойынша А класы) Тенофовир дизопроксилі фумараты, Эмтрицитабин және Эфавиренздің бекітілген біріктірілімінің әдеттегі ұсынылған дозасын қолдануға болады.

Егер АИТВ және В вирусты гепатитінің (ВВГ) ко-инфекциясы бар пациенттерде Тенофовир дизопроксилі фумараты, Эмтрицитабин және Эфавиренздің бекітілген біріктірілімін қолдану тоқтатылса, оларды гепатиттің асқыну симптомдарын анықтауға мұқият бақылау керек.

Жүйке жүйесінің жағымсыз әсерлерін анықтау үшін пациенттерді мұқият бақылау қажет.

Дәрілік препараттың бір немесе бірнеше дозасын өткізіп жіберу кезінде қажетті шаралар

Тенофовир дизопроксилі фумараты, Эмтрицитабин және Эфавиренздің белгіленген біріктірілімінің дозасын қабылдау режимін сақтай отырып, қабылдауды өткізіп алудан аулақ болып, жүйелі түрде қабылдау маңызды. Егер пациент әдеттегі қабылдағаннан кейін 12 сағат ішінде Тенофовир дизопроксилі фумараты, Эмтрицитабин және Эфавиренздің дозасын жіберіп алса, онда пациент Тенофовир дизопроксилі фумараты, Эмтрицитабин және Эфавирензді мүмкіндігінше, тезірек қабылдап, өзінің қалыпты дозалау режимін жалғастыруы тиіс. Егер пациент Тенофовир дизопроксилі фумараты, Эмтрицитабин және Эфавиренздің дозасын 12 сағаттан артық жіберіп алса және келесі дозаны қабылдауға уақыт келсе, пациент өткізіп алған дозаны қабылдамай, әдеттегі қабылдау режимін жалғастыруы тиіс.

Егер пациентте Тенофовир дизопроксилі фумараты, Эмтрицитабин және Эфавиренз таблеткаларын қабылдағаннан кейін 1 сағат ішінде құсу болса, екінші таблетканы қабылдау керек. Егер пациент Тенофовир дизопроксилі фумараты, Эмтрицитабин және Эфавиренз таблеткаларын қабылдаған сәттен бастап бір сағат бұрын құсса, екінші таблетканы қабылдауға болмайды.

Егер Тенофовир дизопроксилі фумараты, Эмтрицитабин және Эфавиренздің бекітілген біріктірілген емді тоқтату қажет болса немесе дозаны түзету қажет болса, эфавирензді, эмтрицитабинді және тенофовир дизопроксилі фумаратын жеке қабылдау мүмкін болады. Осы препараттарды медициналық қолдану жөніндегі нұсқаулыққа жүгіну керек. Егер Тенофовир дизопроксилі фумараты, Эмтрицитабин және Эфавиренздің белгіленген біріктірілімі компоненттерінің бірін емдеуді тоқтату қажет болса, Эфавиренздің жартылай шығарылу кезеңі ұзақ, сондай-ақ Тенофовир мен Эмтрицитабиннің жасушаішілік жартылай шығарылу кезеңі ұзақ екенін есте сақтау қажет. Осы фармакокинетикалық параметрлердің жеке өзгергіштігіне және вирустың резистенттілігінің ықтимал дамуына байланысты үзу үшін барлық себептерді ескере отырып, антиретровирустық ем бойынша ұсынымдарға қатысты дәрігердің кеңесі қажет.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000)

Жиі

- анорексия

Жиі емес

- ауыздың құрғауы

- сөйлеудің бұзылуы

- тәбеттің жоғарылауы

- либидоның төмендеуі

- миалгия

Тенофовир дизопроксилі фумаратымен астасқан жағымсыз әсерлер

Өте жиі

- гипофосфатемия

- бас айналу

- диарея, жүрек айнуы, құсу

- бөртпе

- астения

Жиі

- бас ауыру

- абдоминальді ауыру, іштің кебуі, метеоризм

- трансаминазалар деңгейінің жоғарылауы

Жиі емес

- гипокалиемия

- панкреатит

- рабдомиолиз, бұлшықет әлсіздігі

- қандағы креатининнің жоғарылауы, протеинурия

- Фанкони синдромын қоса алғанда, проксимальді бүйрек тубулопатиясы

Сирек

- лактоацидоз

- гепатит, бауыр стеатозы

- ангионевроздық ісіну

- остеомаляция (сүйектің ауыруымен білінеді және сынуларды тудыруы мүмкін), миопатия

- жедел және созылмалы бүйрек жеткіліксіздігі, жедел тубулярлық некроз, жедел интерстициальді нефритті, нефрогендік қантсыз диабетті қоса алғанда, нефрит

Эмтрицитабинмен астасқан жағымсыз әсерлер

Өте жиі

- бас ауыру

- диарея, жүрек айну

- креатинкиназаның жоғарылауы

Жиі

- нейтропения

- аллергиялық реакциялар

- гипертриглицеридемия, гипергликемия

- ұйқысыздық

- бас айналу

- панкреатиндік амилазаның жоғарылауын, сарысу липазасының жоғарылауын, құсуды, абдоминальді ауыруды, диспепсияны қоса, қандағы амилазаның жоғарылауы

- аспартатаминотрансферазаның (АСТ), аланинаминотрансферазаның (АЛТ) жоғарылауы, гипербилирубинемия

- бөртпе, қышыну, везикула-буллезді бөртпе, пустулезді бөртпе, макулопапуллезді бөртпе, есекжем, тері түсінің бұзылуы (шамадан тыс пигментация)

- ауыру, астения

Жиі емес

- анемия

- ангионевроздық ісіну

Эфавирензбен астасқан жағымсыз әсерлер

Өте жиі

- бөртпе (орташа және ауыр - 11.6%, барлық ауырлық дәрежелері - 18%)

Жиі

- гипертриглицеридемия

- депрессия (1,6% жағдайда ауыр), мазасыздық, ұйқысыздық

- мишық үйлесімінің және тепе-теңдікті сезімінің бұзылуы, ұйқышылдық (2%), бас ауыру (5,7%), назардың бұзылуы (3,6%), бас айналу (8,5%)

- диарея, құсу, абдоминальді ауыру, жүрек айну

-аспартатаминотрансфераза (АСТ), аланинаминотрансфераза (АЛТ), гамма-глутамилтрансфераза (ГГТ) жоғарылауы

- қышыну

- шаршау

Жиі емес

- аса жоғары сезімталдық реакциялары

- гиперхолестеринемия

- суицидтік әрекеттер, суицидтік ойлар, психоздар, мания, паранойя, елестеулер, эйфория, аффективті құбылмалылық, мәңгіру, озбырлық, кататония

- құрысулар, амнезия, патологиялық ойлау, атаксия, қимыл үйлесімінің бұзылуы, ажитация, тремор

- көрудің бұлыңғырлануы, құлақтағы шуыл, бас айналу, құлақ қалқанының қызаруы

- панкреатит

- жедел гепатит

- Стивенс-Джонсон синдромы, мультиформалы эритема, бөртпенің ауыр дәрежесі (<1%)

- гинекомастия

Сирек

- аяқталған суицид, сандырақтау, невроз

- бауыр жеткіліксіздігі

- фотоаллергиялық дерматит

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар: тенофовир дизопроксилі фумараты, 100% сусыз затқа шаққанда 300 мг,

эмтрицитабин, 100% сусыз затқа шаққанда 200 мг,

эфавиренз, 100% сусыз затқа шаққанда 600 мг.

Қосымша заттар: микрокристалды целлюлоза, натрий кроскармеллозасы, лактоза моногидраты, магний стеараты, гидроксипропилцеллюлоза, натрий лаурилсульфаты

Қабық: Опадрай II 85F94172 қызғылт: ішінара гидролизденген поливинил спирті 40,0%, титанның қостотығы (Е 171), макрогол, тальк (Е 553b), темірдің қызыл тотығы (Е 172), темірдің қара тотығы (172).

Сыртқы түрінің, иісінің, дәмінің сипаттамасы

Капсула тәрізді, қызғылт түсті үлбірлі қабықпен қапталған, бір жағында «М171» бедері бар және екінші жағы тегіс таблеткалар.

Шығарылу түрі және қаптамасы

30 таблеткадан тығыздығы жоғары полиэтиленнен жасалған, алюминий жарғақшамен тығыз дәнекерленген, ақ мөлдір емес бұралатын қақпақты ақ мөлдір емес құтыға салынады. Құтының ішінде ылғал сіңіргіш бар. 1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

30 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Mylan Laboratories Limited

F-4&F-12, MIDC, Malegaon, Sinnar,

Nashik – 422 113, Маharashtra, Үндістан

Тел: +91-2551-304309

Факс: +91-2551-230924

Электронды пошта: uday.kasbekar@mylan.in

Тіркеу куәлігінің ұстаушысы

Mylan Laboratories Limited

F-4&F-12, MIDC, Malegaon, Sinnar,

Nashik – 422 113, Маharashtra, Үндістан

Тел: +91-2551-304309

Факс: +91-2551-230924

Электронды пошта: uday.kasbekar@mylan.in

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта)

«MEDA Pharmaceuticals Switzerland GmbH» өкілдігі

050051, Алматы қ., Достық даңғ., 97, 8 кеңсе

Тел: 8 (727) 264-17-94, факс: 8 (727) 264-17-71

E-mail: info.safety@meda-cis.com