ТЕЛМИТЕК® (80 мг)

ТЕЛМИТЕК®

Телмисартан

Таблеткалар 80 мг

Бір таблетканың құрамында

белсенді зат - 80 мг телмисартан,

қосымша заттар: натрий гидроксиді, повидон (К 25), меглумин, сорбитол S 16606, коллоидты кремнийдің қостотығы (Аэросил 200), магний стеараты

Ақ түсті, сопақша пішінді, екі жақ беті дөңес және бір жағында «80» жазбасы бар таблеткалар.

Жүрек-қантамыр жүйесі. Ренин-ангиотензин жүйесіне әсер ететін препараттар. Ангиотензин II антагонистері. Телмисартан.

АТХ коды C09CA07

Фармакокинетикасы

Телмисартан тез сіңеді, сіңірілетін мөлшері ауытқып тұрады. Телмисартан биожетімділігі шамамен 50 % құрайды. Телмисартан тамақтанумен бір мезгілде қабылданғанда AUC («концентрация-уақыт» қисығы астындағы ауданы) төмендеуі 6 %-дан (40 мг дозада) 19 % дейін (160 мг дозада) құбылады. Қабылдаудан кейін 3  сағат өткен соң қан плазмасындағы концентрациясы ас ішуге байланыссыз теңеледі. AUC болымсыз төмендеуі емдік әсерінің азаюына әкелмейді.

Ерлер мен әйелдердегі плазмалық концентрацияларында айырмашылық байқалады. Сmax (ең жоғары концентрациясы) және AUC тиімділігіне елеулі әсер етусіз, ерлермен салыстырғанда, әйелдерде шамамен, тиісінше 3 және 2 есе жоғары болды.

Плазма ақуыздарымен, негізінен, альбуминмен және альфа-1 гликопротеинмен байланысуы 99,5 %-дан астам. Таралу көлемі шамамен 500 л құрайды.

Телмисартан бастапқы заттың глюкуронидпен конъюгациялануы арқылы метаболизденеді. Конъюгаттың фармакологиялық белсенділігі анықталмаған.

Фармакодинамикасы

ТЕЛМИТЕК® ішке қабылданатын ангиотензин II рецепторларының (AT1 типі) тиімді және спецификалық (іріктелген) антагонисі болып табылады. Телмисартан өте жоғары аффинділікпен ангиотензин II-ні оның ангиотензин II белгілі әсеріне жауап беретін AT1 субтипі рецепторларындағы байланысу орнынан ығыстырады. ТЕЛМИТЕК® AT1 рецепторына қатысты агонистік әсері жоқ. ТЕЛМИТЕК® AT1-рецепторларымен іріктеліп байланысады. Байланысы ұзақ сипатта болады. Телмисартан басқа рецепторларға, соның ішінде AT2 рецепторына және басқа аз зерттелген AT рецепторларына аффинділік танытпайды.

Бұл рецепторлардың функционалдық мәні, сондай-ақ олардың телмисартан тағайындаған кезде концентрациясы ұлғаятын ангиотензин II шамадан тыс көтермелену мүмкіндігінің әсері зерттелмеген.

ТЕЛМИТЕК® плазмадағы альдостерон деңгейін төмендетеді, адам плазмасындағы ренинді және ион өзекшелерін бөгемейді.

ТЕЛМИТЕК® брадикининді ыдырататын ангиотензин өзгертуші ферментті (киназа II) тежемейді. Сондықтан брадикинин әсерімен байланысты жағымсыз әсерлерінің күшеюі болмайды.

Адамда телмисартанның 80 мг дозасы ангиотензин II туғызған артериялық қысымның (АҚ) көтерілуін толық дерлік тежейді. Тежеу әсері 24 сағаттан аса уақыт бойы сақталады және 48 сағаттан соң тағы айқындалады.

• эссенциальді артериялық гипертензияны емдеу, ересектердегі жүрек-қантамыр жүйесі ауруларының профилактикасы (төмендету):

• атеротромбоздық жүрек-қантамыр ауруы манифестациясымен (жүректің ишемиялық ауруы, анамнездегі инсульт немесе шеткері артериялардың ауруы) немесе

• нысана ағзалардың зақымдануы құжаттамалық расталған 2 типті қант диабетімен бірге

Эссенциальді артериялық гипертензияны емдеу

Ересектерге ұсынылатын дозасы күніне бір рет 40 мг құрайды.

Кейбір пациенттерде 20 мг тәуліктік доза тиімді болуы мүмкін.

Қалаулы АҚ-ға жетпеген жағдайларда ТЕЛМИТЕК® препаратының дозасын күніне бір рет ең жоғары 80 мг дейін арттыруға болады.

Дозасын арттырғанда гипертензияға қарсы ең жоғары әсеріне, әдетте, ем басталған соң төрт-сегіз апта ішінде жетуге болатынын ескеру керек.

Телмисартанды тиазидті диуретиктермен, мысалы, телмисартанмен қосылғанда қосымша гипотензиялық әсер беретін гидрохлоротиазидпен біріктіріп пайдалануға болады.

Жүрек-қантамыр ауруларына шалдығу мен өлімге ұшырау профилактикасы

Ұсынылатын дозасы күніне бір рет 80 мг құрайды. Жүрек-қантамыр ауруларына шалдығу мен өлімге әкеп соқтыру профилактикасы үшін телмисартанды қолданудың бастапқы сатысында АҚ бақылау ұсынылады, сондай-ақ АҚ төмендететін дәрілік заттармен АҚ түзетулеріне керек болуы мүмкін. ТЕЛМИТЕК® препаратын ас ішуге байланыссыз қабылдауға болады.

Бүйрек жеткіліксіздігі

Бүйрек функциясының ауыр бұзылуы бар немесе гемодиализдегі пациенттерде қолдану тәжірибесі шектеулі. Бұл пациенттер үшін 20 мг төмендеу бастапқы дозасы ұсынылады. Бүйрек функциясының жеңіл немесе орташа бұзылуы бар пациенттер үшін дозаны түзету қажет емес.

Бауыр жеткіліксіздігі

Бауыр функциясының ауыр бұзылуы бар пациенттерге қолдануға болмайды. Бауыр функциясының жеңіл және орташа бұзылулары бар пациенттерде препараттың тәуліктік дозасы күніне бір рет 40 мг-ден аспауы тиіс.

Егде жастағы пациенттер.

Дозасын түзету қажет емес.

Балалар

Телмисартанды 18 жасқа дейінгі балаларда қолдану қауіпсіздігі мен тиімділігі анықталмаған.

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-ден < 1/100-ге дейін), сирек (≥ 1/10000-ден < 1/1000-ге дейін), өте сирек (< 1/10000), белгісіз (қолда бар деректер негізінде бағалау мүмкін емес)

Жиі

- бас айналуы

Жиі емес

- несеп шығару жолдарының инфекциялары (оның ішінде цистит)

- жоғарғы тыныс алу жолдарының инфекциялары, фарингит және синуситті қоса

- анемия

- гиперкалиемия

- естен тану

- брадикардия, тахикардия, гипотензия, ортостаздық гипотензия

- бүйрек функциясының бұзылуы, соның ішінде жедел бүйрек жеткіліксіздігін қоса

- кеуде қуысының ауыруы, тұмауға ұқсас синдром, астения (әлсіздік)

Сирек

- сепсис (өліммен аяқталатын жағдайларды қоса)

- эозинофилия, тромбоцитопения

- аса жоғары сезімталдық, анафилаксиялық реакциялар

- гипогликемия (қант диабеті бар пациенттерде)

- ұйқысыздық, депрессия, мазасыздық сезімі

- ұйқышылдық

- көру бұзылыстары

- ентігу, жөтелу

- өкпенің интерстициальді ауруы

- дисгевзия

- асқазан аумағындағы жайсыздық, іштің ауыруы, ауыздың құрғауы, құсу, диспепсия, метеоризм, диарея

- бауыр функциясының бұзылуы/бауыр бұзылыстары* (тіркеуден кейінгі кезеңде байқалған бауыр функциясының бұзылу жағдайларының көбі мұндай жағымсыз реакцияның дамуына бейім Жапония тұрғындарында байқалған*).

- тері бөртпесі, гипергидроз, бөртпе, ангионевроздық ісіну (өліммен аяқталуларға дейінгі), экзема, эритема, есекжем, дәрі-дәрмектік бөртпе, уытты бөртпе

- артралгия, арқаның ауыруы бұлшықеттердің түйілуі (балтыр бұлшықеттерінің құрысуы), аяқтардың ауыруы, миалгия, сіңірлердің ауыруы (тендинит тәрізді симптомдар)

- гемоглобин деңгейінің төмендеуі, қандағы несеп қышқылы концентрациясының жоғарылауы, «бауыр» ферменттері белсенділігінің жоғарылауы, қандағы креатинфосфокиназа концентрациясының (КФК) жоғарылауы

• телмисартанға немесе препарат компоненттерінің кез келгеніне жоғары сезімталдық

• өт жолдарының обструкциялық аурулары

• бауырдың ауыр жеткіліксіздігі

• сирек тұқым қуалайтын фруктозаны көтере алмаушылық

• жүктілік және лактация кезеңі

• 18 жасқа дейінгі балалар мен жасөспірімдерге

• қант диабетімен немесе бүйрек жеткіліксіздігімен (ШСЖ <60 мл/мин/1,73 м2) пациенттерде алискиренмен бірге қабылдау

Дигоксин

Телмисартан дигоксинмен бірге енгізгенде, плазмадағы дигоксиннің шектік концентрациясының (49%) және ең төменгі концентрациясының (20%) медианалық артуы байқалды. Телмисартанды іске қосу, түзету және қабылдауды тоқтату кезінде оны емдік диапазонда ұстау үшін дигоксин деңгейін бақылау керек.

Ренин-ангиотензин-альдостерон жүйесіне әсер ететін басқа дәрілік заттар сияқты телмисартан гиперкалиемияны тудыруы мүмкін. Гиперкалиемияға түрткі болуы мүмкін (құрамында калий бар тұз алмастырғыштар, калий сақтаушы диуретиктер, АӨФ тежегіштері, ангиотензин II рецепторының антагонистері, қабынуға қарсы стероидты емес дәрілік заттар (ҚҚСП, селективті ЦОГ қоса алғанда) - 2 тежегіш), гепарин, иммунодепрессанттар (циклоспорин немесе такролимус) және триметоприм) басқа дәрілік заттармен үйлескен жағдайда қаупі артуы мүмкін. Гиперкалиемияның туындауы бірнеше қауіп факторларына байланысты. Жоғарыда аталған емдеу біріктірілімдері жағдайында қауіп артады. Әсіресе калий сақтаушы диуретиктермен бірге және құрамында калий бар тұз алмастырғыштармен біріктіргенде қауіп арта түседі. Мысалы, АӨФ немесе ҚҚСП тежегіштерімен біріктірілімін пайдалану кезінде сақтық шаралары қатаң сақталған жағдайда қауіп азаю мүмкін.

Бір мезгілде қолдану ұсынылмайды

Калий сақтағыш диуретиктер немесе калий негізіндегі қоспалар

Ангиотензин II рецепторларының антагонистері, мысалы, телмисартан, диуретиктер туындатқан калий жоғалтуын азайтады. Калий сақтаушы диуретиктер, мысалы спиронолактон, эплеренон, триамтерен немесе амилорид, калий негізіндегі қоспалар немесе құрамында калий бар тұз алмастырғыштар сарысудағы калий деңгейінің айтарлықтай артуына әкелуі мүмкін. Егер бірлесіп қолдану құжатталған гипокалиемия көрсеткіштері бойынша қажет болса, оларды сақтықпен және сарысудағы калий деңгейін жиі бақылау шартымен пайдалану керек.

Литий

Сарысудағы литий уыттылығы мен концентрациясының қайтымды жоғарылауы литий мен ангиотензин-өзгертетін ферменттің тежегіштерін, сондай-ақ ангиотензин II рецепторының антагонистерін, соның ішінде телмисартанды бірге қолдану кезінде тіркелген. Егер осы біріктірілімді қолдану қажет болса, сарысудағы литий деңгейіне мұқият мониторинг жүргізу ұсынылады.

Сақтықты қажет ететін бірге қолдану

Қабынуға қарсы стероидты емес дәрілер

ҚҚСП (яғни қабынуға қарсы дәрілік сызбалардағы ацетилсалицил қышқылы, ЦОГ-2 тежегіштері және селективті емес ҚҚСП) ангиотензин II рецепторы антагонистерінің гипертензияға қарсы әсерін төмендетуі мүмкін.

Бүйрек функциясы бұзылған кейбір пациенттерде (мысалы, сусыздануы бар пациенттерде немесе бүйрек функциясы бұзылған егде пациенттерде) ангиотензин II рецепторының антагонистерін және циклооксигеназаны тежейтін препараттарды біріктіріп енгізу бүйрек функциясының бұдан әрі бұзылуына әкелуі мүмкін, ол ықтимал қайтымды болып табылады. Осылайша, бұл біріктірілімді, әсіресе қарт пациенттерде сақтықпен қолдану керек. Пациенттерде гидратация деңгейі жеткілікті болуы тиіс және қатар жүретін дәрілік ем басталғаннан кейін бүйрек функциясының жай-күйін бақылауға, сондай-ақ кезең-кезеңімен неғұрлым кеш кезеңдерде назар аудару керек.

Телмисартан мен рамиприлді бірге енгізу AUC0-24 және Cmax рамиприл мен рамиприлаттың 2,5 есе өсуіне әкелді. Бұл бақыланатын әсердің клиникалық мәні белгісіз.

Диуретиктер (тиазидті немесе ілмекті диуретиктер)

Диуретиктердің жоғары дозаларын қолданумен алдыңғы емдеу, мысалы фуросемид (ілмекті диуретик) және гидрохлортиазид (тиазидті диуретик) телмисартанды қолдану арқылы емдеуді бастау кезінде гипотензияның сусыздануына және даму қаупінің туындауына әкелуі мүмкін.

Біріктіріп қолданғанда назарға алу керек.

Басқа гипертензияға қарсы препараттар

Телмисартанның гипотензиялық әсері басқа гипертензияға қарсы дәрілік заттарды бірлесіп қолдану есебінен күшеюі мүмкін.

Клиникалық зерттеулердің деректері ренин-ангиотензин-альдостерон жүйесінің қосарлы блокадасы (РААЖ) АӨФ тежегіштерін, ангиотензин II немесе алискрен рецепторының блокаторларын біріктіріп пайдалану есебінен гипотензия, гиперкалиемия және бүйрек функциясының төмендеуі (оның ішінде жедел бүйрек жеткіліксіздігі) сияқты жағымсыз құбылыстардың жоғары жиілігімен байланыстырылатынын көрсетті.

Олардың фармакологиялық қасиеттері негізінде келесі дәрілік өнімдер телмисартанды: баклофен, амифостинді қоса алғанда, барлық гипертензияға қарсы дәрілердің гипотензиялық әсерін күшейте алады деп күтуге болады. Сонымен қатар, ортостаздық гипотензия алкоголь, барбитураттар, есірткі немесе антидепрессанттар есебінен ушығуы мүмкін.

Кортикостероидтар (жүйелі қолдану)

Гипертензияға қарсы әсердің төмендеуі.

Реноваскулярлық гипертензия

Ренин-ангиотензин-альдостерон жүйесіне әсер ететін дәрілермен ем алып жүрген, бүйрек артерияларының екі жақты стенозы немесе жұмыс істейтін жалғыз бүйрек артериясы стенозы бар пациенттерде ауыр гипотензияның даму қаупі жоғары болады.

Бүйрек функциясының бұзылуы және бүйрек ауыстырып салудан кейінгі жағдайлар

ТЕЛМИТЕК® препаратын бүйрек жеткіліксіздігі бар пациенттерде пайдаланылғанда қан сарысуындағы калий мен креатинин деңгейін мезгіл-мезгіл қадағалау ұсынылады. Таяуда бүйрек трансплантациясы жасалған пациенттерде телмисартан пайдалану тәжірибесі жоқ.

Айналымдағы қан көлемінің (АҚК) төмендеуі

Ауқымды диурездік ем, тұз тұтынуды шектеу, диарея немесе құсу салдарынан АҚК төмендеуі және/немесе гипонатриемиясы бар пациенттерде, әсіресе, алғашқы доза қабылданған соң симптоматикалық гипотензияны байқауға болады. Мұндай жағдайларды, әсіресе, АҚК төмендеуі және/немесе натрий азаюын ТЕЛМИТЕК® препараты тағайындалғанша түзету керек.

Ренин-ангиотензин-альдостерон жүйесін қосарлы бөгеу:

Ренин-ангиотензин-альдостерон жүйесінің тежелісі нәтижесінде, әсіресе, осы жүйеге әсер ететін дәрілік препараттар біріктірілгенде сезімтал адамдарда тіркелген бүйрек функциясының өзгеру жағдайлары (соның ішінде, жедел бүйрек жеткіліксіздігі) белгілі. Сондықтан ренин-ангиотензин-альдостерон жүйесіне қосарлы бөгет қолдануды (мысалы, АӨФ тежегішін немесе рениннің тікелей тежегіші - алискиренді ангиотензин II рецепторларының антагонисіне қосу кезінде) жеке жағдайлармен шектеліп, бүйрек функциясына мұқият мониторинг жасау керек.

Ренин-ангиотензин-альдостерон жүйесін көтермелеумен байланысты басқа жағдайдар

Тамыр тонусы мен бүйрек функциясы көбінесе ренин-ангиотензин-альдостерон жүйесінің белсенділігіне тәуелді пациенттерде (мысалы, ауыр іркілісті жүрек жеткіліксіздігі немесе, бүйрек артериясының стенозын қоса, қатар жүретін бүйрек ауруы бар пациенттер) бұл жүйеге әсер ететін басқа дәрілермен емдеу жедел гипотензиямен, гиперазотемиямен, олигуриямен немесе, сирек жағдайларда, жедел бүйрек жеткіліксіздігімен байланыстырылады.

Алғашқы альдостеронизм

Алғашқы альдостеронизмі бар пациенттер, әдетте ренин-ангиотензин жүйесін тежеу жолымен әсер ететін гипертензияға қарсы дәрілермен емдеуге жауап бермейді. Сондықтан пациенттердің бұл тобында ТЕЛМИТЕК® препаратын пайдалану ұсынылмайды.

Аортальді және митральді клапандардың стенозы, обструкциялық гипертрофиялық кардиомиопатия

Басқа тамыр кеңейткіш дәрілерді пайдалану кезіндегідей, аортальді немесе митральді стеноздан немесе обструкциялық гипертрофиялық кардиомиопатиядан зардап шегетін пациенттерде ТЕЛМИТЕК® препаратын тағайындалғанда ерекше сақ болу керек.

Бауыр функциясының бұзылуы

Телмисартан негізінен өтпен шығарылады. Өт жолдарының обструкциялық аурулары немесе бауыр жеткіліксіздігі бар пациенттерде препараттың организмнен шығарылуы баяулауы мүмкін. Бұл пациенттерде ТЕЛМИТЕК® препаратын сақтықпен пайдаланылу керек.

Қант диабеті

Жүректің ишемия ауруымен (ЖИА) қатар жүретін қант диабеті бар пациенттерде артериялық қысымды төмендететін дәрілік заттармен (мысалы, ангиотензин рецепторларының блокаторлары немесе АӨФ тежегіштері) емделу кезінде өлімге әкеп соқтыратын миокард инфарктісінің даму қаупі артып, жүрек-қантамыр аурулары салдарынан болатын күтпеген өлім көбеюі мүмкін. Қант диабеті бар пациенттерде ЖИА симптомсыз болуы, сондықтан да диагностикаланбауы мүмкін. Қант диабеті бар пациенттер ТЕЛМИТЕК® препаратын қабылдауды бастар алдында ЖИА анықтау және сәйкесті ем тағайындау үшін, тиісті диагностикалық тексеруден (мысалы, дене жүктемесімен электрокардиограмма) өтуі тиіс.

Инсулин немесе диабетке қарсы дәрілер қабылдайтын диабеті бар пациенттер

Телмисартанмен емдеу кезінде бұл пациенттерде гипогликемия туындауы мүмкін. Осылайша, бұл пациенттерде қандағы глюкоза деңгейіне тиісті мониторинг жасау мүмкіндігін қарастыру керек; көрсеткіштер бойынша инсулин дозасын немесе диабетке қарсы дәрілерді түзету қажет болуы мүмкін.

Гиперкалиемия

Ренин-ангиотензин-альдостерон жүйесіне әсер ететін дәрілермен емдеу кезінде гиперкалиемия байқалуы мүмкін.

Егде адамдарда, бүйрек жеткіліксіздігі, қант диабеті бар пациенттерде, калий деңгейін арттыруы мүмкін басқа дәрілік заттарды қолдана отырып, бір мезгілде ем алатын пациенттерде және/немесе гиперкалиемия қатар жүретін құбылыстары бар пациенттерде өлімге әкеп соғуы мүмкін.

Ренин-ангиотензин-альдостерон жүйесіне әсер ететін дәрілік заттарды біріктіріп қолдану мүмкіндігін қарау алдында пайда мен қауіп қатынасын бағалау керек.

Гиперкалиемия даму қаупінің назарда ұстайтын негізгі факторлары мыналар болып табылады:

- қант диабеті, бүйрек функциясының бұзылуы, жасы (>70 жас)

- ренин-ангиотензин-альдостерон жүйесіне әсер ететін басқа дәрілік заттардың бірімен немесе одан көбімен, және/немесе калий негізіндегі тағамдық қоспалармен біріктірілімі. Гиперкалиемияға түрткі болуы мүмкін дәрілік заттар немесе дәрілік заттардың кластары құрамында калий бар тұз алмастырғыштар, калий сақтаушы диуретиктер, АӨФ тежегіштері, ангиотензин II рецепторының антагонистері, қабынуға қарсы стероидты емес препараттар (ҚҚСП, ЦОГ-2 селективті тежегіштерін қоса алғанда,), гепарин, иммунодепрессанттар (циклоспорин немесе такролимус) және триметоприм

- қатар жүретін құбылыстар, атап айтқанда сусыздану, өткір жүрек декомпенсациясы, метаболизмдік ацидоз, бүйрек функциясының нашарлауы, бүйрек жай-күйінің кенеттен нашарлауы (мысалы, инфекциялық аурулар), жасушалық лизис (мысалы, аяқ-қолдың жедел ишемиясы, рабдомиолиз, ауқымды жарақат).

Қауіп тобына кіретін пациенттердің сарысуындағы калий деңгейіне мұқият мониторинг жүргізу ұсынылады.

АӨФ тежегіштері сияқты, телмисартанды қоса, ангиотензинді рецепторлардың блокаторлары артериялық гипертензиясы бар қара нәсілді пациенттерде төмен ренин жағдайының айтарлықтай басым болуы салдарынан қара нәсілді пациенттерде АҚ төмендеуінің тиімділігі аздау болады.

Басқа гипертензияға қарсы заттар сияқты, ангиотензинді рецепторлардың блокаторлары ишемиялық кардиопатиясы немесе ишемиялық жүрек-қантамыр ауруы бар пациенттерде қан қысымының шамадан тыс төмендеуін тудыруы, ал бұл миокард инфарктіне немесе инсультқа әкелуі мүмкін.

Жүктілік

Жүктілік кезеңінде ангиотензин II рецепторларының антагонистерін қабылдау ұсынылмайды. Ангиотензин II рецепторларының антагонистерін қабылдаған және жүктілікті жоспарлап жүрген пациенттер жүктілік кезінде пайдаланғанда қауіпсіздік бейіні белгілі гипертензияға қарсы препараттармен баламалы емге көшірілуі тиіс.

Жүктілік анықталған жағдайда ангиотензин II рецепторларының антагонистерімен емдеу дереу тоқтатылып, сәйкесті баламалы ем басталуы тиіс.

Лактация кезеңі

ТЕЛМИТЕК® лактация кезеңінде қарсы көрсетілімді, өйткені оның емшек сүтімен бөлінуі белгісіз. Клиникаға дейінгі зерттеулер телмисартанның емшек сүтімен бөлініп шығатынын көрсетті.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың автокөлік және механизмдерді басқару қабілетіне әсер етуіне арнайы клиникалық зерттеулер жүргізілмеген. Алайда автокөлік басқарғанда және механизмдермен жұмыс істегенде бас айналу мен ұйқышылдықтың дамуы мүмкін екенін ескеру керек, бұл сақтық шарасын қадағалауды талап етеді.

Адамдардағы артық дозалануы жөніндегі деректер аса шектеулі.

Симптомдары: артық дозалануының ең ықтимал белгілері гипотензия және тахикардия болуы мүмкін, брадикардияның дамуы да жоққа шығарылмайды.

Емі: ұсынылатын емі – симптоматикалық. Телмисартан қаннан гемодиализбен шығарылмайды.

Шығарылу түрі және қаптамасы

7 таблеткадан алюминий форматурадан және баспалы алюминий фольгадан жасалған пішінді ұяшықты қаптамаға салынады.

2 немесе 4 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге өндіруші фирманың голограммасы бар картон қорапшаға салынады.

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды

Рецепт арқылы

Өндіруші/ Тіркеу куәлігінің ұстаушысы

«Нобел Алматы Фармацевтикалық фабрикасы» АҚ

Қазақстан Республикасы,

Алматы қ-сы, Шевченко к-сі 162 Е.

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын және тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері (телефон, факс, электронды пошта)

«Нобел Алматы Фармацевтикалық фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-50-50

Электронды пошта: nobel@nobel.kz