Телзап® (80 мг)
Инструкция
-
русский
-
қазақша
Саудалық атауы
Телзап
Халықаралық патенттелмеген атауы
Телмисартан
Дәрілік түрі
40 мг немесе 80 мг таблеткалар
Құрамы
1 таблетканың құрамында
белсенді заттар - телмисартан – тиісінше 40 немесе 80 мг,
қосымша заттар: меглюмин, сорбитол, натрий гидроксиді, повидон 25, магний стеараты
Сипаттамасы
Ақшыл-сарғыш түсті, екі жақ беті дөңес, сопақша пішінді және екі жақ бетінде де бөлетін сызығы бар (40 мг доза үшін), бір жақ бетінде «80» таңбасы бар (80 мг доза үшін) таблеткалар
Фармакотерапиялық тобы
Ренин-ангиотензин жүйесіне ықпал ететін препараттар. Ангиотензин ІІ антагонистері. Телмисартан
АТХ коды C09CA07
Фармакологиялық қасиеттері
Фармакокинетикасы
Телмисартанның сіңуі тез жүреді. Телмисартанның орташа абсолютті биожетімділігі 50%-ға жуықты құрайды.
Егер телмисартанды тамақпен бірге қабылдаса, телмисартанның плазмадағы уақыт-концентрация қисығы астындағы ауданның (AUC0-∞) қысқаруы 6%-дан (40 мг дозада) шамамен 19%-ға дейін өзгереді (160 мг дозада). Қабылдағаннан кейін 3 сағаттан соң, телмисартанды тамақпен бірге немесе ашқарынға қабылдауға қарамай-ақ, плазмадағы концентрациясы өзгермейді.
AUC аздап төмендеуі емдік әсерді бәсеңдетпей ді. Дозалар мен плазма деңгейлері арасында дозамен байланыстылық жоқ.
Телмисартан плазма протеиндеріне (> 99,5%), негізінен, альбуминге және альфа-1 қышқылының гликопротеиніне жабысып байланысады. Орташа таралу көлемі (Vdss) стационар жағдайында шамамен 500 л құрайды.
Телмисартан ақырғы шайылу кезеңі >20 сағат болатын биоэкспоненциальді фармакокиеникасымен сипатталады. Плазмада ең жоғары концентрациясы (Cmax) және, аз көлемде, плазмадағы уақыт-концентрация қисығы астындағы аудан (AUC) дозаға кері пропорционалды түрде артады. Белгіленген дозада қабылданған телмисартанның клиникалық тұрғыдан жиналып қалатындығына айғақтамалар жоқ. Плазмадағы концентрациялары, еркектерге қарағанда, әйелдерде өте жоғары болды, бұл препараттың тиімділігіне елеулі ықпалын тигізбейді.
Пероральді (және көктамырішілік) қабылданғаннан кейін телмисартан организмнен нәжіспен бірге, құрамы өзгерместен, тұтас дерлік шығарылады. Несеппен бірге жинақталып шығарылуы дозаның < 1%-ын құрайды. Плазманың жалпы клиренсі (Clt) – бауырдағы қан ағынымен (минутына 1 500 мл-ге жуық) салыстырғанда жоғары (шамамен, минутына 1000 мл).
Емделушінің жынысына байланысты ықпалы
Плазмадағы концентрацияларында жыныстық айырмашылықтар байқалды, Cmax және AUC еркектердікімен салыстырғанда әйелдерде, тиісінше, шамамен 2 және 3 есе жоғары болды.
Бүйрек қызметі бұзылған емделушілер:
Бүйрек қызметінің бұзылуы әлсіз және ауыр емделушілерде плазмадағы концентрацияның екі еселенгені байқалды. Соған қарамастан, диализден өтіп жүрген емделушілердің плазмасындағы концентрациялардың өте төмен екендігі байқалды. Телмисартан бүйрек қызметінің жеткіліксіздігі бар емделушілерде плазма протеиндерімен мықты байланысқан, және димализдің жәрдемімен жойылуы мүмкін емес. Препараттың организмнен шығарылу кезеңі бүйрек қызметі бұзылған емделушілерде өзгермейді.
Бауыр қызметі бұзылған емделушілер:
Бауыр қызметі бұзылған емделушілерге жүргізілген фармакокинетикалық зерттеулер абсолютті биожетімділігінің 100%-ға дерлік артқанын көрсетті. Препараттың организмнен шығарылу кезеңі бауыр қызметі бұзылған емделушілерде өзгермейді.
Фармакодинамикасы
Әсер ету механизмі:
Телмисартан ангиотензин ІІ рецепторының (AT1 типі) пероральді тиімді және ерекше антагонисі болып табылады. Телмисартан ангиотензин ІІ-ні AT1 рецепторының қосалқы типіндегі ангиотензин ІІ-нің белгілі әсеріне жауап беретін, онымен байланысу орнынан шамамен өте жоғары жақындық дәрежеде ауыстырады. Телмисартан AT1 рецепторындағы агонистің ішінара белсенділігін көрсетпейді. Телмисартан AT1 рецепторын таңдап байланыстырады. Байланысуы ұзақ уақытқа созылады. Телмисартан басқа рецепторлармен, AT2 және басқа да оған тән болуы азырақ АТ рецепторларды қоса есептегенде, ұқсастық танытпайды. Осы рецепторлардың атқаратын рөлі, телмисартан арқылы деңгейі артатын стимуляциясының ІІ ангиотензинмен жоғарылауына олардың әсері сияқты белгісіз. Телмисартанды қабылдағанда плазмадағы альдостерон деңгейі төмендейді. Телмисартан адам плазмасында ренинді төмендетпейді және ион өзекшелерін бөгемейді. Телмисартан ангиотензин түзетін ферментті (ІІ киназа), сондай-ақ брадикининнің ыдырауын жүзеге асыратын ферментті баспайды. Демек, ол брадикининнің жағымсыз әсерін туындатпайды.
Еркектерде телмисартанның 80 мг дозасы ІІ ангиотензиннің әсерінен жоғарылаған қан қысымын толық дерлік төмендетеді. Препараттың әсері 24 сағаттан астам уақыт бойы сақталады, сондай-ақ 48 сағат өтісімен фиксацияланады.
Гипертониялық ауруларды емдеу:
Телмисартанның алғашқы дозасын қабылдағаннан кейін, гипертонияға қарсы әсері 3 сағаттың ішінде біртіндеп анық бола бастайды. Емдеуді бастағаннан кейін 4-8 апта өткен соң қан қысымы барынша төмендейді, және ұзақ ем барысында сақталады.
Гипотензивтік әсері дозаны қабылдағаннан кейін 24 сағаттан астам уақыт бойы тұрақты сақталады, және қан қысымын амбулаториялық өлшеу көрсеткендей, келесі дозаны қабылдар алдындағы соңғы 4 сағатты да қамтиды. Бұл қалған әсеріне ең жоғары шек коэффициентінің арақатынасының артуымен айғақталады, ол плацебо клиникалық зерттеулерде 40 мг және 80 мг доза телмисартанды қабылдағаннан кейін 80%-дан жоғары деңгейде тұрақты сақталады.
Бұл жерде доза мен уақыт арасында бастапқы САҚ (систолалық артериялық қысым) деректері қалпына келгенге дейін анық өзара байланыс көрінеді. Осы тұрғыдан алғанда, ДАҚ-қа (диастолалық артериялық қысым) қатысты деректер қарама-қайшы болып табылады.
Гипертензиясы бар емделушілерде телмисартан тамырдың соғуына ықпалын тигізбей-ақ, систолалық және диастолалық қысымды төмендетеді. Телмисартанның гипотензивтік тиімділігі гипертонияға қарсы препараттардың басқа кластары болып табылатын белсенді заттармен ұқсас (телмисартанды амлодипинмен, атенололмен, эналаприлмен, гидрохлоротиазидпен және лизиноприлмен салыстыратын клиникалық зерттеулерде көрсетілген).
Телмисартанды қабылдауды күрт тоқтатқаннан кейін қан қысымы біртіндеп емді бастағанға дейінгі мәніне бірнеше күн ішінде және гипертензияны қайта туындатпай-ақ оралады.
Гипертонияға қарсы екі препарат салыстырылған клиникалық зерттеулерде АӨФ тежегіштерін қабылдаған емделушілерге қарағанда телмисартанды қабылдаған емделушілерде құрғақ жөтел едәуір сирек байқалды.
Жүрек-қантамыр аурушаңдығының және өлімнің алдын алу
Инсульт, ми қан айналымының өткінші бұзылуы, шеткергі қантамырлар ауруы немесе 2 типті қант диабеті жасушалық рецепторлардың зақымдануымен (ретинопатия, СҚ гипертрофиясы, макро- немесе микроальбуминурия) қатарласа жүргені сыртартқысында көрсетілген 55 жастан асқан немесе одан үлкен жастағы емделушілерде Телзапты® қолдану миокард инфарктісі, инсульт, госпитализация жиілігін азайтуға және жүрек-қантамыр ауруларынан өлімді төмендетуге мүмкіндік береді.
Жөтел және ангионевротикалық ісіну, рамиприл қабылдаған емделушілерге қарағанда, телмисартан қабылдаған емделушілерде сирек байқалды, ал телмисартан қабылдаған емделушілерде гипотензия жиі білінді.
Телмисартанды және рамиприлді біріктіру тек рамиприлге немесе тек телмисартанға қарағанда өте тиімді бола алмады. Жүрек-қантамыр ауруларынан өлім және басқа да өліммен аяқталатын жағдайлар препараттар біріктірілген топта сан жағынан жоғары болды. Бұдан басқа, осы топта гиперкалиемия, бүйрек қызметінің жеткіліксіздігі және синкопе жағдайлары көп мөлшерде болды. Демек, осы топтағы адамдарға телмисартан мен рамипридті біріктіріп қолдануға болмайды.
Қолданылуы
- ересектерде артериялық гипертензияны емдеуге
- айқын атеросклероздық жүрек-қантамыр ауруларында (сыртартқыда жүректің корнарлы ауруы, ми қан айналымының бұзылуы немесе шеткергі артерия аурулары)
Қолдану тәсілі және дозалары
Артериялық гипертензияны емдеу:
Әдетте тиімді дозасы күніне бір рет 40 мг құрайды. Кейбір емделушілерге тәуліктік 20 мг доза жәрдемдесе алады. 20 мг дозаны қабылдағанда 40 мг таблетканы бөлетін сызығы арқылы ортасынан бөліп, қабылдауға болады. Егер керекті қан қысымы анықталмаса, телмисартан дозасын күніне бір рет ең көп дегенде 80 мг-ға дейін арттыруға болады. Балама ретінде, телмисартанды типі тиазидтік, гидрохлоротиазид сияқты диуретиктермен бірге қабылдауға болады, олар телмисартанмен бірге қан қысымын төмендететін әсер береді. Егер сіз дозаны арттырғыңыз келсе, ең жоғары антигипертензивтік әсерге препаратты қабылдағаннан кейін төрт-сегіз аптадан соң жететіндігін ескеруіңіз керек.
Жүрек-қантамыр ауруларының алдын алу
Ұсынылатын дозасы күніне бір рет 80 мг құрайды.
Телмисартанды қабылдай бастағанда жүрек-қантамыр ауруларының алдын алу үшін қан қысымын қалтқысыз бақылап отыру керек.
Бауыр қызметінің жеткіліксіздігі
Бауыр қызметінің жеңіл немесе орташа жеткіліксіздігі бар емделушілерде доза күніне бір рет 40 мг-нан аспауы тиіс.
Жағымсыз әсерлері
Жиі емес
- жоғарғы тыныс жолдарының жұқпалары, фарингитті және синуситті қоса есептегенде, ентігу, жөтелу
- несеп шығару жолдарының жұқпалары, циститті, бүйрек қызметінің бұзылуын қоса есептегенде, бүйрек қызметінің жедел жеткіліксіздігін қоса есептегенде
- анемия, гиперкалиемия, қанда креатинин деңгейінің жоғарылауы
- депрессия, ұйқысыздық, бас айналу, үрейлену, синкопе, көрудің нашарлауы, кеуденің ауыруы, астения (әлсіздік)
- брадикардия, гипотензия, ортостатикалық гипотензия
- құрсақ қуысының ауыруы, диарея, диспепсия, метеоризм, құсу, жүректің айнуы, ауыз ішінің құрғауы
- гипергидроз, қышыну, бөртпе, миалгия, арқаның ауыруы (мысалы, ишиас), аяқ бұлшықеттерінің түйілуі
Сирек
- тромбоцитопения, эозинофилия, қандағы несеп қышқылы деңгейінің жоғарылауы, бауыр ферменттері деңгейінің жоғарылауы, қанда креатин фосфокиназасы деңгейінің жоғарылауы, гемоглобин деңгейінің төмендеуі
- тахикардия
- асқазанда жайсыздық сезімі, бауыр қызметінің бұзылуы
- эритема, ангионевротикалық ісіну өліммен аяқталуға дейін, теріде бөртпелер, теріде уытты бөртпелер, экзема
- артралгия, аяқ-қолдың және белдің ауыруы, мазасыздық
-тұмауға ұқсас симптомдар
Өте сирек
- сепсис, өліммен аяқталуды қоса есептегенде1
- уртикария
- сіңірлердің ауыруы (тендинитке ұқсас симптомдар)
1PRoFESSl зерттеулерде телмисартанды қабылдаған кезде, плацебоға қарағанда, сепсис жағдайы байқалды. Бұл аурудың шығу тегі кездейсоқ болуы немесе қазіргі таңда белгісіз механизмнен туындауы мүмкін.
Қолдануға болмайтын жағдайлар
- телмисартанқа немесе компоненттердің кез келгеніне асқын сезімталдық
- жүктілік және лактация кезеңі
- өт шығару арналары өткізгіштігінің бұзылуы
- бауыр қызметінің бұзылуы
- тұқым қуалаған фруктоза жақпаушылығы
- балалар және 18 жасқа дейінгі жасөспірімдер
Дәрілермен өзара әрекеттесуі
Гиперкалиемияны туындататын дәрілік препараттар немесе дәрілік препараттардың емдік тобы: құрамында калий бар тұздың орнын алмастыратындар, калий жинақтаушы диуретиктер, АСЕ тежегіштері, ангиотензин ІІ рецепторларының антагонистері, қабынуға қарсы стероидты емес препараттар (селективті ЦОГ-2 тежегіштерін қоса есептегенде), гепарин, иммуносуппрессорлар (циклоспорин немесе такролимус), триметоприм.
Гиперкалиемияның пайда болуы қатарласқан қауіп факторларына байланысты.
Калий жинақтаушы диуретиктер немесе құрамында калий бар үстемелер:
Ангиотензин ІІ антагонисі калийдің диуретик әсерінен жоғалуын төмендетеді. Калий жинақтаушы диуретиктер: спиринолактон, эплеренон, триамтерен немесе амилорид, калий үстемелері немесе құрамында калий бар тұз алмастырғыштар сарысудағы калий деңгейін едәуір арттыра алады. Егер анықталған гипокалиемияға байланысты препараттарды бір мезгілде қолданатын болса, оларды сарысудағы калий деңгейін бақылай отырып, абайлап қабылдау керек.
Литий:
Сарысуда литий концентрациясының қайтымды өсуі және уыттылық литийді АӨФ тежегіштерімен, сирек жағдайларда ангиотензин ІІ антагонистерімен бір мезгілде қабылдау кезінде білінді. Егер препараттарды біріктіріп қабылдау қажет болса, сарысудағы литий деңгейін жиі бақылап отыру ұсынылады.
Қабынуға қарсы стероидты емес дәрілік препараттар (ҚҚСП):
ҚҚСП (ацетилсалицил қышқылының қабынуға қарсы дозадалары, ЦОГ-2 тежегіштері және селективті емес ҚҚСП) ангиотензин ІІ антагонистерінің гипертензияға қарсы әсерін төмендетуі мүмкін. Бүйрек қызметі бұзылған кейбір емделушілерде (сусызданған емделушілер немесе бүйрек қызметі бұзылған егде жастағы емделушілер) ангиотензин ІІ антагонистерін және циклооксигеназаны басатын белсенді заттарды бір мезгілде қабылдау, әдетте қайтымды сипатта болатын бүйрек қызметінің жедел жеткіліксіздігін қоса есептегенде, бүйрек қызметінің әрі қарай нашарлауына әкеп соғуы мүмкін. Демек, біріктірілген препараттарды әсіресе егде жастағы адамдар абайлап қабылдаулары керек. Емдеу кезінде емделушілер сұйықтықтың талапқа сай мөлшерін қабылдауы және ем басталысымен бір мезгілде бүйрек қызметіне мониторинг жасауы керек.
Диуретиктер (тиазидтік немесе ілмектік диуректиктер):
Диуретиктердің жоғары дозаларымен алдын ала емдеу организмнің сусыздануын және телмисартанды қабылдай бастағанда гипотензия қаупін туындатуы мүмкін.
Гипертензияға қарсы әсері бар басқа да белсенді заттар
Телмисартанның гипотензивтік әсері гипертензияға қарсы басқа дәрілік препараттарды бір мезгілде қабылдағанда күшеюі мүмкін.
Фармакологиялық қасиеттерін негізге ала отырып, келесі дәрілік препараттар: баклофен, амифостин гипертензияға қарсы барлық препараттардың, телмисартанды қоса есептегенде, гипотензивтік әсерін күшейтуі мүмкін деп болжам жасауға болады. Бұдан басқа, ортостатикалық гипотензия спирт ішімдіктерін пайдаланғанда, барбитураттарды, есірткілік дәрілерді немесе антидепрессанттарды қабылдаған кезде күшеюі мүмкін.
Кортикостероидтар (жүйелік әсер ететін): кортикостероидтар мен телмисартанды бір мезгілде қабылдау соңғысының негізгі әсерін төмендетеді.
Айрықша нұсқаулар
Бауыр аурулары
Телмисартанды холестазы бар, өті бітелген немесе бауыр қызметінің жедел жеткіліксіздігі бар емделушілердің қабылдауына болмайды, өйткені телмисартан негізінен өтпен бірге шығарылады. Бұл емделушілерде телмисартан үшін бауыр клиренсінің төмендеуі бақыланатын болады. Бауырдың жеңіл немесе орташа аурулары бар емделушілер телмисартанды аса сақтықпен қабылдай алады.
Вазоренальді артериялық гипертензия:
Егер билатеральді бүйректің артериялары тарылған немесе жұмыс істеп тұрған жалғыз ғана бүйректің артериялары тарылған емделушілер ренин-ангиотензин-альдостерон жүйесіне ықпалын тигізетін дәрілерді қабылдап жүрсе, жоғары гипертензия және бүйрек қызметінің жеткіліксіздігі қаупі жоғары болады.
Бүйрек аурулары және бүйрек трансплантациясы:
Егер бүйрек қызметі бұзылған емделушілер телмисартанды қабылдап жүрсе, сарысудағы калий және креатинин деңгейлерін әлсін-әлсін бақылап отыруы керек. Бүйрегі жақында ауыстырылған емделушілердің телмисартанды қабылдауы жөнінде ақпараттар жоқ.
Қантамырішілік гиповолемия:
Симптоматикалық гипотензия, әсіресе алғашқы дозаны қабылдағаннан кейін, диуретикалық препараттарды қарқынмен қабылдау, тұзы шектелген диета, диареялар немесе құсулар нәтижесінде сусыздану болған емделушілерде байқалуы мүмкін. Бұл симптомдар телмисартанды қабылдар алдында жойылуы тиіс. Телмисартанды қабылдар алдында организмде сұйықтық және/немесе натрий деңгейін қалыпты мәнге дейін қалпына келтіру керек.
Ренин-ангиотензин-альдостерон жүйесін қосарлап бөгеу: Ренин-ангиотензин-альдостерон жүйесінің төмендеуі нәтижесінде, гипотензия, синкопе, гиперкалиемия және бүйрек қызметінің өзгеруі (бүйрек қызметінің жедел жеткіліксіздігін қоса еспетегенде), әсіресе осы жүйеге әсер ететін дәрілермен біріктіргенде, осы ауруларға бейім емделушілерде байқалды. Ренин-ангиотензин-альдостерон жүйесін қосарлап бөгеу (мысалы, ангиотензин ІІ рецепторының антагонисіне АӨФ тежегіштерін қосу арқылы) гипотензивтік препараттарды қабылдап жүрген емделушілерге қолданылмайды, және жекелеген жағдайларда бүйрек қызметін мұқият қадағалаумен қатар шектелуі тиіс.
Ренин-ангиотензин-альдостерон жүйесі стимуляцияланатын басқа да жағдайлар: Жүрек қызметінің ауыр іркілген жеткіліксіздігі бар немесе, бүйрек артерияларының тарылуын қоса есептегенде, бүйрек аурулары бар емделушілерді ренин-ангиотензин-альдостерон жүйесіне ықпалын тигізетін, мысалы телмисартан сияқты препараттармен емдеу жедел гипотензиямен, организмде азот мөлшерінің жоғарылауымен, олигуриямен немесе, сирек жағдайларда, бүйрек қызметінің жедел жеткіліксіздігімен қатарласа жүреді.
Алғашқы альдостеронизм:
Алғашқы альдостеронизмі бар емделушілерге ренин-ангиотензин жүйесін төмендету арқылы әсер ететін антигипертензиялық препараттар тиімді емес. Демек, телмисартанды қабылдау ұсынылмайды.
Қолқа және митральді клапан стенозы, обтурациялық гипертрофиялық кардиомиопатия:
Қантамырларды кеңейтетін басқа да дәрілерді қабылдаған кездегідей, қолқа немесе митральді клапан стенозы, немесе обтурациялық гипертрофиялық кардиомиопатиясы бар емделушілер аса сақ болулары керек.
Гиперкалиемия:
Ренин-ангиотензин-альдостерон жүйесіне әсер ететін препараттарды қабылдау гиперкалиемияны туындатуы мүмкін.
Егде жастағы адамдарды, бүйрек қызметінің жеткіліксіздігі бар емделушілерді, диабетке шалдыққандарды, организмде калий деңгейін арттыруы мүмкін басқа да дәрілік препараттарды бір мезгілде қабылдап жүрген емделушілерді, және/немесе интеркуррентті аурулары бар емделушілерді гиперкалиемия өлімге ұшырата алады.
Сорбит:
Телзап® 80 таблеткасының ұсынылатын тәуліктік дозасында 324,4 мг сорбит бар. Тұқым қуалайтын фруктоза жақпаушылығы бар емделушілер бұл препаратты қабылдамауы тиіс.
Тағы басқалар:
Антиготензин өзгертуші ферменттер тежегіштерінің әсеріне жүргізілген бақылауларда телмисартан және ангиотензиннің басқа да антагонистері, басқа нәсілдерге қарағанда, қара нәсілді адамдарда қан қысымын төмендетуде тиімділігі аз болып табылады, бұл қысымнан зардап шегіп жүрген қара нәсіл өкілдерінде ренин деңгейінің төмендігінен болуы мүмкін.
Басқа гипотензивтік препараттардағы жағдай сияқты, ишемиялық кардиопатиясы немесе ишемиялық жүрек-қантамыр аурулары бар емделушілерде артериялық қысымның едәуір төмендеуі миокард инфарктісіне немесе инсультқа әкеп соғуы мүмкін.
Жүктілік және лактация
Жүктілік және бала емізу кезеңіндегі препараттың қауіпсіздігі және тиімділігі анықталған жоқ. Осыған байланысты Телзапты қабылдауға болмайды, және бала емізу кезінде, әсіресе жаңа туғандарға немесе шала туған балаларға қатысты, қауіпсіздік бейіні өте жақсы анықталған басқа баламалы емге көшкен дұрыс.
Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері
Препараттың көлік жүргізу және техникамен жұмыс жасау қабілетіне қатысты зерттеулер жүргізілген жоқ. Сонда да, көлік жүргізгенде немесе техникамен жұмыс жасағанда Телзап препаратының бас айналуды және ұйқышылдықты туындатуы мүмкін екендігін ескерген жөн.
Артық дозалануы
Симптомдары: телмисартанның артық дозалануының өте ықтимал біліністері гипотензия және тахикардия болуы мүмкін; сондай-ақ брадикардия, бас айналу, сарысуда креатининнің көбеюі, және бүйрек қызметінің жедел жеткіліксіздігі болуы мүмкін.
Емдеу: Емделуші қатаң бақылауда болуы тиіс, емдеу симптоматикалық және демеуші болуы керек. Емдеу қабылдау уақытына және симптомдардың біліну дәрежесіне байланысты. Потенциальді шараларға құстыру және/немесе асқазанды шаю, белсенділендірілген көмір қолдану жатады. Электролитке және сарысу креатининіне бақылау жасау керек. Гипотензия жағдайында емделушіні арқасынан жатқызып, оған ащы сусындарды жиі беру керек. Гемодиализ тиімді емес.
Шығарылу түрі және қаптамасы
Поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салынған.
Пішінді ұяшықты 3 немесе 9 қаптама медицинада қолданылуы жөнінде мемлекетттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Түпнұсқалық қаптамасында, ылғалдан қорғалған жерде, 30ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Қаптамасында көрсетілген жарамдылық мерзімі өткеннен кейін қолдануға болмайды.
Босатылу шарттары
Рецепт арқылы
Өндіруші/Тіркеу куәлігінің иесі
Зентива к.с., Прага, Чех Республикасы
Қазақстан Республикасы аумағында тұтынушылардан өнім (тауар) сапасы жөніндегі шағымдарды қабылдайтын ұйымның мекенжайы
«Санофи-авентис Қазақстан» ЖШС
Қазақстан Республикасы, 050016, Алматы, Қонаев к-сі 21Б
телефон: 8-727-244-50-96
факс: 8-727-258-25-96
e-mail: quality.info@sanofi.com