Теканафин (спрей) (Нафтифин)

Теканафин

Нафтифин

Дәрілік түрі, дозасы

Сыртқа қолдануға арналған спрей, 10 мг/мл

АТХ коды D01AE22

Ересектердегі табанның зеңдік инфекцияларын жергілікті емдеуде.

Қолдануды бастағанға дейін қажетті мәліметтер тізбесі

• әсер етуші затқа (заттарға) немесе қосымша заттардың кез келгеніне аса жоғары сезімталдық

• балалар және 18 жасқа дейінгі жасөспірімдер

Басқа дәрілік препараттармен өзара әрекеттесуі

Өзара әрекеттесу зерттеулері жүргізілген жоқ.

Арнайы ескертулер

Препарат тек сыртқа қолдануға арналған.

Тітіркену немесе аса жоғары сезімталдық реакциясы дамыған кезде емдеуді тоқтатып, қажетті сақтық шараларын қолдану керек.

Препаратты қолданғаннан кейін, егер дәрігер басқа қолдануды ұсынбаса, зардап шеккен аумақты жабуға болмайды.

Спрейді көзге және шырышты қабаттарға тигізбеу керек.

Қосымша заттар

Теканафин спрей препаратының құрамында 1 мл препаратта 400 мг этанол бар. Этанол зақымдалған теріге қолданған кезде күйдіріп ашыту сезімін туындатуы мүмкін.

Теканафин спрей препаратының құрамында терінің тітіркенуін туындатуы мүмкін пропиленгликоль бар.

Жүктілік немесе лактация кезінде

Жүктілік

Жүкті әйелдердің нафтифинді қолдануы туралы деректер жоқ немесе шектеулі. Сақтандыру мақсатында жүктілік кезінде және бала емізу кезеңінде Теканафин препаратын қолданудан аулақ болу керек.

Лактация

Нафтифиннің емшек сүтіне енетіні-енбейтіні белгісіз, сондықтан әйелдер бала емізу кезеңінде Теканафин препаратын қабылдамауы керек.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын және қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Теканафин спрейін тазартылған және мұқият құрғатылған зақымдалған тері аумағына күніне 1 рет бүркиді.

Спрейдің жеткілікті мөлшерін терінің өңделетін жерлеріне және зақымдалған аумақтың шегінен 2 см-ға ары дені сау теріге бүркиді.

Инфекцияның қайталануын болдырмау үшін емдеу клиникалық қалпына келтіруден кейін кем дегенде 1-2 апта бойы жалғасады.

Емдеудің жалпы ұзақтығы инфекцияны туындататын зеңдердің типіне, инфекцияның орналасуына және ауырлық дәрежесіне байланысты.

Пациенттердің ерекше топтары

Бүйрек немесе бауыр жеткіліксіздігі бар пациенттер: деректер жоқ.

Егде жастағы пациенттер: деректер жоқ.

Балалар мен жасөспірімдер: балалар мен 18 жасқа дейінгі жасөспірімдердегі нафтифиннің қауіпсіздігі мен тиімділігі дәлелденбеген (қолдану тәжірибесі жеткіліксіз).

Енгізу әдісі және жолы

Теканафин препараты тек теріге сыртқа қолдануға арналған.

Қолданар алдында зақымдалған теріні немесе тырнақты жылы сумен жуып, мұқият кептіру керек.

Қаптаманы алғаш ашқан кезде дәріні шашырату үшін бүріккіш саптамаға бірнеше рет басу керек.

Емдеу ұзақтығы

Егер Теканафин препаратымен емдеуді бастағаннан кейін 4 апта ішінде клиникалық жақсару байқалмаса, емдеуші дәрігерге барып, емдік тәсілді қайта қарастырған жөн.

Артық дозалау жағдайында қабылдау қажет болатын шаралар

Артық дозалану жағдайлары тіркелген жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолдану туралы сұрақтар туындаған жағдайда дәрігермен немесе фармацевтпен кеңесу керек.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Тері және теріасты тіндері тарапынан: жиі - күйдіріп ашыту, шаншу, қышыну; жиілігі белгісіз - эритема, қышыну, терінің жоғары сезімталдығы.

Жағымсыз реакциялар қайтымды және препаратты тоқтатуды қажет етпейді.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 мл препарат құрамында

белсенді зат - нафтифин гидрохлориді 10 мг,

қосымша заттар: этанол 96 %, пропиленгликоль, тазартылған су.

Сыртқы түрінің, иісінің, дәмінің сипаттамасы

Мөлдір түссіз ерітінді.

Шығарылу түрі және қаптамасы

20 мл препараттан ақ пластик аппликатормен және мөлдір қорғаныш қалпақшамен жабдықталған бүріккішпен жабылған, тығыздығы жоғары полиэтиленнен жасалған ақ пластик құтыда.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

4 жыл

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Уорлд Медицин Илач Сан. ве Тидж. А.Ш.»

15 Теммуз Мах., Джами Йолу Джад. № 50, Гюнешли, Багджылар, Стамбул, Түркия

Тел: +90 212 474 70 50, факс: +90 212 474 09 01

Электронды пошта: info@worldmedicine.com.tr

Тіркеу куәлігінің ұстаушысы

«УОРЛД МЕДИЦИН ЛТД.»

Бербути көш., 10/ Алмасиани көш., 19-21, 26 кеңсе (корп.II), Тбилиси қ., Грузия

Тел: + 995 32 2 21 28 12, факс: + 995 32 2 21 28 13,

Эл. пошта: worldmedicine.llc.geo@gmail.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС, Қазақстан Республикасы, Алматы қ., Сүйінбай даңғ., 222Б

Тел/факс: 8 (7272) 529090, электронды пошта: rin_pharma@mail.ru 

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС, Қазақстан Республикасы, Алматы қ., Сүйінбай даңғ., 222Б

Ұялы телефон: +7 701 786 33 98

Электронды пошта: pvpharma@worldmedicine.kz