Твардокс (40 мг)

Твардокс

Телмисартан

40 мг және 80 мг таблеткалар

Бір таблетканың құрамында

белсенді зат – 40 мг немесе 80 мг телмисартан,

қосымша заттар: натрий гидроксиді, повидон (K 25), меглумин, маннитол (Е 421), магний стеараты, кросповидон.

Ақ түсті, өлшемі 12.0 мм x 5.9 мм, бір жақ бетінде ойып жазылған «LC» өрнегі бар, ұзынша формалы таблеткалар (40 мг доза үшін).

Ақ түсті, өлшемі 16.0 мм x 8.0, бір жақ бетінде ойып жазылған «LC» өрнегі бар, ұзынша формалы таблеткалар (80 мг доза үшін).

Жүрек-қантамыр жүйесі. Ренин-ангиотензин жүйесіне әсер ететін препараттар. Ангиотензин II антагонистері. Телмисартан.

АТХ коды C09СA07

Фармакокинетикасы

Сіңуі

Ішке қабылдағаннан кейін телмисартан тез абсорбцияланады, ол ең жоғары концентрациясына 0,5–1,5 сағаттан соң жетеді. Телмисартанның орташа абсолюттік биожетімділігі 50%-ға жуықты құрайды. Тамақ ішу телмисартанның биожетімділігін аздап төмендетеді. Телмисартанды қабылдағаннан кейін 3 сағаттан соң қан плазмасындағы концентрациясы тұрақтанады және тамақ ішуге байланысты болмайды.

Дозаға тәуелділігі/тәуелсіздігі

20 - 160 мг дозалар ауқымында пероральді түрде қабылданған телмисартанның фармакокинетикасы дозаға байланысты емес сипатта болады, дозаны арттырған кезде плазмадағы телмисартан концентрациясының (Cmax және AUC) көбіне пропорционалды түрде артатындығы білінді. Қайталап қолданғанда телмисартан қан плазмасында аздап жиналады.

Таралуы

Телмисартан плазма ақуыздарымен жоғары дәрежеде (>99,5%), негізінен альбуминмен және альфа1 – гликопротеинмен байланысады. Таралу көлемі шамамен 500 л құрайды.

Биотрансформациясы

Телмисартан негізгі қосылыстың глукуронидімен конъюгациялану жолымен метаболизденеді. Фармакологиялық белсенділігінің конъюгаты болмайды.

Шығарылуы

Телмисартан жартылай шығарылу кезеңі > 20 сағат болатын екі кезеңдік фармакокинетикасымен сипатталады. Плазмадағы ең жоғары концентрациясының (Сmax) және, аз дәрежеде, плазмалық концентрация/уақыт қисығы астындағы ауданның (AUC) артуы қабылданған дозаға пропорционалды емес. Ұсынылған дозаларда телмисартанның жиналып қалуына клиникалық тұрғыдан маңызды айғақтамалар жоқ. Әйелдерде, еркектерге қарағанда, плазмалық концентрация жоғары болды, бірақ бұл тиімділігіне ерекше ықпалын тигізбейді. Телмисартанды пероральді/вена ішіне енгізгеннен кейін ол организмнен тек нәжіспен ғана, негізінен өзгермеген күйінде шығарылады. Жалпы несеппен бірге шығарылуы дозаның <1%-ын құрайды.

Егде жастағы пациенттер

Егде жастағы пациенттерде телмисартан фармакокинетикасының жастардағы фармакокинетикадан айырмашылығы жоқ.

Бүйрек функциясының жеткіліксіздігі бар пациенттер

Бүйрек функциясының әлсіз және орташа айқын жеткіліксіздігі бар пациенттерде қан плазмасындағы телмисартан концентрациясының екі еселенгендігі байқалды. Дегенмен, диализ қабылдап жүрген, бүйрек функциясының жеткіліксіздігі бар пациенттерде қан плазмасында телмисартанның өте төмен концентрациялары байқалды. Телмисартанның қан плазмасы ақуыздарымен байланысы өте мықты, сондықтан бүйрек функциясының жеткіліксіздігінде гмодиализ арқылы шығуы мүмкін емес. Бүйрек функциясының жеткіліксіздігі бар науқастарда жартылай шығарылу кезеңі өзгермейді.

Бауыр функциясының жеткіліксіздігі бар пациенттер

Бауыр функциясының жеткіліксіздігі бар пациенттерде абсолюттік биожетімділіктің 100%-ға дейін артқаны байқалады, жартылай шығарылу кезеңі өзгермейді.

Фармакодинамикасы

Әсер ету механизмі

Телмисартан ангиотензин IІ рецепторларының (AT1 типі) тиімді және спецификалық (селективті) антагонисі болып табылады. Телмисартан ангиотензин IІ рецепторларының AT1 қосалқы типімен ғана ұқсастығы өте жоғары дәрежеде болады. Телмисартанның басқа рецепторларға, соның ішінде ангиотензиннің AT2 рецепторларына, және азырақ зерттелген басқа AT рецепторларға ұқсастығы жоқ. Телмисартан қандағы альдостерон деңгейінің төмендеуіне әкеледі, адамның қан плазмасындағы ренинді бәсеңдетпейді және ион өзекшелерін бөгемейді, ангиотензин-конвертациялайтын фермент (киназа ІІ) белсенділігін баспайды, оның қатысуымен брадикинин синтезі төмендейді, және сондықтан брадикинин әсерінен туындайтын жағымсыз әсерлерді күшейтпейді. Телмисартанның 80 мг дозасы ангиотензин II-нің гипертензиялық әсерін іс жүзінде толық бөгейді. Бәсеңдету әсері 24 сағат бойы сақталады және 48 сағатқа дейін маңызды күйінде қалады.

Клиникалық тиімділігі және қауіпсіздігі

Артериялық гипертензияны емдегенде телмисартанның алғашқы дозасын қабылдағаннан кейін гипертензияға қарсы әсері 3 сағат ішінде біртіндеп білінетін болады. Артериялық қысым ең жоғары дәрежеде төмендеуге, әдетте, емдеуді бастағаннан кейін 4-8 аптадан соң жетеді. Гипертензияға қарсы әсері препаратты қабылдағаннан кейін 24 сағаттан астам бойы үзіліссіз сақталады. Дозаның шамасы мен систолалық артериялық қысымның деңгейінің негізгіге дейін қалпына келу уақыты арасында айқын өзара байланыс бар. Осыған қатысты, дистолалық артериялық қысым жөніндегі деректер өте қарама-қайшы.

Гипертензиясы бар пациенттерде телмисартан, жүректің жиырылу жиілігін өзгертпей-ақ, систолалық және диастолалық артериялық қысымды төмендетеді. Телмисартанның гипертензияға қарсы тиімділігі гипертензияға қарсы басқа класқа жататын препараттардікімен ұқсас. Телмисартанды күрт тоқтатқан жағдайда артериялық қысым, гипертензияның тез қайта жаңғыруынсыз – «тоқтату синдромынсыз», бірнеше күн ішінде біртіндеп бастапқы (емге дейінгі) мәндеріне оралады.

Жүрек-қантамыр ауруларының профилактикасы

Телмисартан жүрек-қантамыр ауруларынан болатын өлім-жітім көрсеткіштерін азайтып жақсартады, фатальді емес миокард инфарктісінің және фатальді емес инсульттің жиілігін азайтады. Жөтел және ангионевроздық ісіну телмисартан қабылдаған пациенттерде, рамиприл қабылдаған пациенттерге қарағанда, сирек байқалды, ал гипотензия телмисартанды қабылдаған кезде жиі мәлімделді. Телмисартанның рамиприлмен біріктірілімі бөлек-бөлек қабылданатын рамиприл немесе телмисартанға қарағанда қосымша артықшылықтар көрсетпеді. Осы біріктірілімді қолданғанда жүрек-қантамыр аурулары және жалпы өлім-жітім көрсеткіштері, гиперкалиемия жиілігі, бүйрек функциясының жиілігі, гипотензия және естен тану жиілігіндегі сияқты, жоғары болды, сондықтан телмисартан мен рамиприлдің біріктірілімін 55 жастан асқан пациенттерге қолдану ұсынылмайды. Бұдан басқа, 50 жастан асқан және жақын арада инсультті басынан кешірген пациенттерге телмисартанды қолданғанда сепсис жағдайлары санының артқаны байқалды. Гиперкалиемияның, бүйрек функциясының жедел жеткіліксіздігінің және/немесе гипотензия қаупінің даму қаупінің жоғарылауына байланысты, ангиотензин-өзгертетін фермент (АӨФ) тежегіштері және ангиотензин II рецепторларының блокаторлары диабеттік нефропатияда бір мезгілде қолданылмауы тиіс.

• ересектерде артериялық гипертензияны емдеуде.

Мына ересектерде жүрек-қантамыр ауруларының профилактикасында:

• атероcклероздық жүрек-қантамырлық ауру көріністері бар (жүректің ишемиялық ауруы, инсульт немесе шеткері артериялар ауруының анамнезде болуы)

• 2-ші типті қант диабеті бар, нысана ағзаның зақымдануы құжатпен айғақталған пациенттерде.

Пероральді түрде қабылдауға арналған таблеткаларды, тамақ ішуге қарамай-ақ, күніне бір рет сумен ішіп қабылдайды.

Артериялық гипертензияны емдеу

Твардокс препаратының әдеттегі тиімді дозасы күніне бір рет 40 мг құрайды. Кейбір пациенттерде 20 мг дозада әсері білінуі мүмкін. Артериялық қысымды қалаған деңгейге жеткізе алмаған жағдайларда телмисартанның дозасы ең жоғары – күніне бір рет 80 мг-ге дейін арттырылуы мүмкін. Твардокс препараты, балама ретінде, гидрохлортиазид сияқты тиазидтік диуретиктермен біріктіріліп те қолданылуы мүмкін, ал олар телмисартанмен біріктіргенде артериялық қысымды төмендететін синергиялық әсер береді. Дозаны арттыру жөніндегі мәселені қарастырғанда, гипертензияға қарсы ең жоғары әсерге, әдетте, емдеуді бастағаннан кейін 4-8 аптадан соң жететіндігін ескерген жөн.

Жүрек-қантамыр ауруларының профилактикасы

Твардокс препаратының ұсынылатын дозасы күніне бір рет 80 мг құрайды, телмисартанның күніне 80 мг-ден төмен дозасының жүрек-қантамырлық аурушаңдықты төмендететін әсері белгісіз. Емдеген кезде артериялық қысымға мұқият мониторинг жүргізу ұсынылады, гипотензиялық басқа препараттармен емдеуді түзету де қажет болуы мүмкін.

Бүйрек функциясы бұзылған пациенттер

Бүйрек функциясының ауыр жеткіліксіздігі бар немесе гемодиализде жүрген пациенттерді емдеу тәжірибесі шектеулі, препараттың бастапқы төменірек 20 мг дозасы ұсынылады. Бүйрек функциясының жеңіл және орташа жеткіліксіздігі бар пациенттер үшін дозаны түзету қажет емес.

Бауыр функциясы бұзылған пациенттер

Твардокс препаратын бауыр функциясының ауыр жеткіліксіздігі бар пациенттерге қолдануға болмайды. Бауыр функциясының жеңіл және орташа айқын бұзылулары бар науқастарда Твардокс препаратының дозасы күніне бір рет 40 мг-ден аспауы тиіс.

Егде жастағы пациенттер

Дозаны түзетудің қажеті жоқ.

Балалар және жасөспірімдер

Қауіпсіздігі және тиімділігі жөнінде деректер жоқ болғандықтан, Твардокс 18 жасқа толмаған балаларға ұсынылмайды.

Телмисартанды қолданған кезде, анафилаксиялық реакцияларды, ангионевроздық ісінуді және бүйрек функциясының жедел жеткіліксіздігін қоса, күрделі жағымсыз реакциялар сирек (≥1 / 10000-нан <1/1000 дейін) байқалды. Жағымсыз реакциялардың жиілігі дозаға байланысты емес және пациенттердің жынысымен, жасымен немесе нәсілімен байланысы жоқ. Жүрек-қантамыр аурушаңдығын төмендету үшін қолданғанда телмисартанның қауіпсіздік бейіні артериялық гипертензиясы бар науқастардағы бейінге сәйкес келеді.

Телмисартанды қолданған кезде анықталған жағымсыз құбылыстар кездесу жиілігінің келесі жіктеуін пайдалана отырып, төменде кестеде берілген: жиі ≥1/100-ден <1/10 дейін, жиі емес ≥1/1000-нан <1/100 дейін, сирек ≥1/10000-нан <1/1000 дейін, өте сирек <10000.

Жиі емес (≥1/1000-нан <1/100 дейін)

• несеп шығару жолдарының инфекциялары (циститті қоса)

• жоғарғы тыныс алу жолдарының инфекциялары (фарингитті және синуситті қоса), тыныс алудың тарылуы, жөтел, кеуденің ауыруы

• анемия, гиперкалиемия

• ұйқысыздық, депрессия, естен тану, бас айналу, астения (әлсіздік)

• брадикардия, гипотензия (ортостатикалық гипотензияны қоса)

• іштің ауыруы, диарея, диспепсия, метеоризм, құсу

• гипергидроз, қышыну, бөртпе

• миалгия, арқаның ауыруы (мысалы, радикулит), бұлшықет түйілулері

• бүйрек функциясының бұзылуы (бүйрек функциясының жедел жеткіліксіздігін қоса), қандағы креатинин деңгейінің жоғарылауы.

Сирек (≥1/10000-нан <1/1000 дейін)

• сепсис 1 (соның ішінде өліммен аяқталатын), тұмау тәріздес симптомдар

• эозинофилия, тромбоцитопения, гипогликемия (қант диабеті бар науқастарда), гемоглобиннің төмендеуі, қанда несеп қышқылы деңгейінің жоғарылауы, бауыр ферменттері деңгейінің жоғарылауы, қан креатинфосфокиназасының жоғарылауы

• анафилаксиялық реакциялар, аса жоғары сезімталдық

• тахикардия, үрейлену, ұйқышылдық, көрудің бұзылуы

• ауыз ішінің құрғауы, асқазанның жайсыздығы, дәмнің бұзылысы

• бауыр функциясының бұзылулары/бауыр аурулары

• Квинке ісінуі (соның ішінде өліммен аяқталатын), экзема, эритема, есекжем, дәрілік бөртпе, терінің уытты бөртпесі

• артралгия, аяқ-қолдың ауыруы, сіңірлердің ауыруы (симптомдар тендинитке ұқсас).

Өте сирек (<10000)

• өкпенің интерстициальді ауруы.

Жекелеген жағымсыз реакциялардың сипаттамасы

Сепсис

Телмисартанды қолданғанда сепсис жағдайлары санының артқаны байқалды, бұл кездейсоқтық немесе қазіргі таңда белгісіз механизммен байланысты болуы мүмкін.

Гипотензия

Стандартты ем аясында жүрек-қантамырлық аурушаңдықты төмендету үшін телмисартан қабылдап жүрген, артериялық қысымы бақыланатын пациенттерде жиі байқалды.

Бауыр функциясының бұзылулары

Бауыр функциясының бұлай бұзылуы көптеген жағдайларда Жапония пациенттерінде байқалған.

Өкпенің интерстициальді ауруы

Өкпенің интерстициальді ауру жағдайларының телмисартанды қабылдаумен уақытша байланысы болды, бірақ олардың арасында себеп-салдарлық байланыс анықталған жоқ.

- препараттың белсенді затына немесе басқа компонентеріне жоғары сезімталдық

- холестаз және өт шығару жолдарының обструкциялық аурулары

- бауыр функциясының ауыр бұзылулары

- қант диабеті бар немесе бүйрек функциясының жеткіліксіздігі бар (ШСЖ <60 мл/мин/ 1,73 м2) пациенттерде алискиренмен біріктіріп қабылдау

- жүктіліктің екінші және үшінші триместрлері

- 18 жасқа толмаған балалар мен жасөспірімдерге.

Дигоксин

Телмисартанды дигоксинмен бір мезгілде қолданғанда қан плазмасында дигоксиннің орташа ең жоғары шектегі концентрациялары деңгейлерінің (49%) және оның қалдық концентрациясының (20%) жоғарылағаны байқалды. Телмисартанды тағайындағанда, дозасын түзеткенде және қабылдауды тоқтатқанда керекті деңгейді демеу үшін (емдік ауқымы шегінде) қандағы дигоксиннің деңгейін бақылау қажет.

Ренин-ангиотензин-альдостерон жүйесіне әсер ететін басқа да дәрілік препараттар сияқты, телмисартан гиперкалиемияны өршітуі мүмкін. Бұл қауіп гиперкалиемияны өршітуі мүмкін басқа препараттармен (құрамында калий бар тұз алмастырғыштар, калий жинақтайтын диуретиктер, АӨФ тежегіштері, ангиотензин II рецепторларының антагонистері, қабынуға қарсы стероидты емес дәрілік препараттар (ҚҚСП), соның ішінде ЦOГ-2 селективті блокаторлар, гепарин, иммунодепрессанттар (циклоспорин немесе такролимус пен триметоприм) біріктірілген жағдайда жоғарылауы мүмкін. Гиперкалиемияның дамуы онымен қатар жүретін қауіп факторларына байланысты. Жоғарыдағы біріктірілімдермен емдеген жағдайда қауіп ұлғаяды. Калий жинақтайтын диуретиктермен және құрамында калий бар тұз алмастырғыштармен біріктіргенде қауіп аса жоғары болады. АӨФ тежегіштерімен немесе ҚҚСП-пен біріктірілімін қолданған кезде сақтық шаралары қатаң сақталатын жағдайларда қаупі аз болады.

Бір мезгілде қолдану ұсынылмайды

Калий жинақтайтын диуретиктер немесе калий қоспалары

Телмисартан сияқты, ангиотензин II рецепторының антагонистері калийдің несеппен жоғалуын азайтады. Калий жинақтайтын диуретиктер, мысалы, спиронолактон, эплеренон, триамтерен немесе амилорид, калий қоспалары немесе құрамында калий бар тұз алмастырғыштар қан сарысуында калийдің едәуір жоғарылауына әкелуі мүмкін. Егер гипокалиемия бар болса, оларды бір мезгілде қолдану көрсетілген, препараттарды сақтықпен қолданған және қандағы калий деңгейіне мониторинг жүргізген жөн.

Литий

АӨФ тежегіштерімен, соның ішінде телмисартанмен бір мезгілде қолданғанда (литийдің бүйректік клиренсінің төмендеуі салдарынан) қан сарысуындағы литий концентрациясының қайтымды жоғарылауының және литиймен уыттанудың сирек жағдайлары байқалды, сондықтан литийді және Твардокс препаратын бірге қолдану ұсынылмайды. Осы препараттарды бір мезгілде тағайындау қажет болғанда қан плазмасындағы литий деңгейіне мониторинг жүргізу қажет, пациенттер дәрігердің қатаң бақылауында болуы тиіс.

Сақтықты қажет ететін препараттармен бір мезгілде қолдану

Қабынуға қарсы стероидты емес препараттар (ҚҚСП), яғни қабынуға қарсы дозалардағы ацетилсалицил қышқылы, ЦОГ-2 тежегіштері және селективті емес ҚҚСП

Ангиотензин II рецепторлары антагонистерінің (телмисартан) гипертензияға қарсы әсерін төмендетуі мүмкін. Бүйрек функциясы бұзылған кейбір пациенттерде (мысалы, сусызданған немесе бүйрек функциясы бұзылған егде жастағы пациенттерде) циклооксигеназаны бәсеңдететін ангиотензин II рецепторларының антагонистерімен бірге қолдану, бүйрек функциясының жедел жеткіліксіздігі дамуының (әдеттегідей қайтымды) мүмкін екендігін қоса, бүйрек функциясының әрі қарай нашарлауына әкеп соғуы мүмкін. Сондықтан осы біріктірілімді әсіресе егде жастағы адамдарда сақтықпен қолданған жөн. Пациенттерде сусыздану болмауы тиіс, қатар жүргізілетін емді бастағаннан кейін және әрі қарай мезгіл-мезгіл бүйрек функциясына мониторинг жүргізу қажеттілігін қарастыру керек.

Рамиприл

Телмисартанды және рамиприлді бірге қолдану рамиприлдің және рамиприлаттың AUC0-24 және Cmax мәндерінің 2,5 есеге дейін артуына әкелді. Осы бақылаудың клиникалық маңыздылығы белгісіз.

Гипертензияға қарсы басқа да препараттар

Телмисартан гипертензияға қарсы басқа препараттардың гипотензиялық әсерін күшейтуі мүмкін. АӨФ тежегіштерімен, ангиотензин II рецепторларының антагонистерімен немесе алискиренмен біріктіріп қолданғанда ренин-ангиотензин-альдостерон жүйесінің (РААЖ) қосарлы блокадасының, РААЖ бір блокаторын қолданумен салыстырғанда, гипотензия, гиперкалиемия және бүйрек функциясының төмендеуі (соның ішінде бүйрек функциясының жедел жеткіліксіздігі) сияқты жағымсыз әсерлердің өте жиі дамуын туындатуы мүмкін екендігін айғақтайтын клиникалық деректер бар.

Бірқатар дәрілік препараттар телмисартанды қоса, гипотензиялық барлық дәрілердің: баклофеннің, амифостиннің гипотензиялық әсерін потенциялауы мүмкін деп күтуге болады. Бұдан басқа, алкоголь, барбитураттар, есірткілік дәрілер немесе антидепрессанттар ортостатикалық гипотензияны өршітуі мүмкін.

Диуретиктер (тиазидтік немесе ілмектік)

Фуросемид (ілмектік диуретик) және гидрохлоротиазид (тиазидтік диуретик) сияқты диуретиктердің үлкен дозаларымен алдын ала емдеу телмисартанды қолданған кезде айналымдағы плазма көлемінің азаюын және гипотензия қаупін туындатуы мүмкін, сондықтан оларды біріктіріп қолданғанда сақтық қажет.

Кортикостероидтар (жүйелік әсерлері)

Препараттың гипертензияға қарсы әсерінің төмендеуін туындатуы мүмкін.

Бауыр функциясының жеткіліксіздігі

Твардокс препаратын холестазы, өт шығару жолдарының обструкциялық аурулары бар немесе бауыр функциясы айқын бұзылған пациенттерге қолдануға болмайды, өйткені телмисартан көбіне өтпен бірге шығарылады. Мұндай науқастарда телмисартан әсерінен бауыр клиренсінің төмендейтіндігін күтуге болады.

Бұдан басқа, Твардокс препаратын бауыр функциясының жеңіл және орташа бұзылулары бар пациенттерге сақтықпен қолданған жөн.

Реноваскулярлық гипертензия

Ренин-ангиотензин-альдостерон жүйесіне ықпал ететін дәрілік препараттарды қабылдап жүрген, бүйрек артерияларының екі жақты стенозы немесе функциясын атқарып тұрған жалғыз бүйрек артериясының стенозы бар пациенттерде ауыр гипотензияның және бүйрек функциясы жеткіліксіздігінің даму қаупі жоғары.

Бүйрек функциясының жеткіліксіздігі және бүйрек трансплантациясы

Бүйрек функциясы бұзылған пациенттерде телмисартанды қолдану тәжірибесі шектеулі, сондықтан мұндай жағдайларда қандағы калий, креатинин және несеп қышқылы деңгейлерін мезгіл-мезгіл тексеріп отыру ұсынылады. Жақын арада бүйрек трансплантациясы жасалған пациенттерде телмисартанды қолдану тәжірибесі жоқ.

Айналымдағы қан көлемінің (АҚК) төмендеуі

Диуретиктермен қарқынды ем жүргізу салдарынан АҚК төмендеген және/немесе натрий мөлшері төмендеген пациенттерде, тамақпен бірге тұзды пайдалану төмендегенде, диареяда немесе құсқанда, әсіресе алғашқы дозаны қабылдағаннан кейін симптомдық гипотензия байқалуы мүмкін. Мұндай жағдайларды Твардокс препаратын тағайындағанға дейін түзеткен жөн.

Ренин-ангиотензин-альдостерон жүйесінің қосарлы блокадасы

АӨФ тежегіштерін, ангиотензин II рецепторларының блокаторларын (телмисартан) немесе алискиренді бір мезгілде қолдану гипотензияның, гиперкалиемияның даму және бүйрек функциясының төмендеу (соның ішінде бүйрек функциясының жедел жеткіліксіздігінің даму) қаупін ұлғайтатындығына айғақтамалар бар, сондықтан АӨФ тежегіштерін, ангиотензин II рецепторларының блокаторларын (телмисартан) немесе алискиренді бір мезгілде қолдану әсерінен туындайтын РААЖ қосарлы блокадасы ұсынылмайды. Егер мұндай ем (қосарлы блокадамен) абсолютті түрде қажет деп саналса, ол тәжірибелі маманның бақылауымен және бүйрек функциясына, электролиттерге және артериялық қысымға мұқият, жиі мониторинг жүргізілуі тиіс. АӨФ тежегіштері және ангиотензин II рецепторларының блокаторлары (телмисартан) диабеттік нефропатиясы бар пациенттерде бір мезгілде қолданылмауы тиіс.

Ренин-ангиотензин-альдостерон жүйесінің стимуляциясымен байланысты басқа да жағдайлар

Қантамырлық тонусы және бүйрек функциясы көбінесе ренин-ангиотензин-альдостерон жүйесінің белсенділігіне тәуелді пациенттерде (мысалы, жүрек функциясының іркілген ауыр жеткіліксіздігі немесе бүйрек артерияларының стенозын қоса, бүйрек ауруы бар науқастарда) осы жүйеге ықпалын тигізетін препараттармен емдеу жедел гипотензияның, гиперазотемияның, олигурияның даму қаупін арттыруы және сирек жағдайларда бүйрек функциясының жедел жеткіліксіздігіне әкеп соғуы мүмкін.

Алғашқы альдостеронизм

Алғашқы альдостеронизмі бар пациенттер ренин-ангиотензин жүйесін бәсеңдету жолымен әсер ететін гипертензияға қарсы дәрілермен (телмисартан) емдеуге тіпті реакция бермейді, сондықтан Твардокс препаратын оларға қолдану ұсынылмайды.

Аорта және митральді клапан стенозы, обструкциялық гипертрофиялық кардиомиопатия

Қантамырларды кеңейтетін басқа препараттарды қолданған кездегідей, аортальді/митральді стенозы немесе обструкциялық гипертрофиялық кардиомиопатиядан зардап шегіп жүрген пациенттерде Твардокс препаратын (телмисартан) қолдану аса сақтықты қажет етеді.

Метаболизмдік және эндокриндік әсерлер

Инсулинмен немесе қантты төмендететін препараттармен және телмисартанмен бір мезгілде ем қабылдап жүрген, диабеті бар пациенттерде гипогликемия дамуы мүмкін, сондықтан оларға қандағы глюкоза деңгейіне мониторинг қажет. Инсулиннің немесе диабетке қарсы препараттардың дозасын түзету да қажет болуы мүмкін.

Гиперкалиемия

Ренин-ангиотензин-альдостерон жүйесіне ықпалын тигізетін дәрілік препараттарды (телмисартан) қолдану гиперкалиемияға әкеп соғуы мүмкін. Бүйрек функциясының жеткіліксіздігі бар егде жастағы адамдарда, қант диабеті бар науқастарда, калий деңгейін арттыруға қабілетті басқа препараттарды бір мезгілде қабылдап жүрген пациенттерде және/немесе интеркуррентті аурулары бар науқастарда гиперкалиемия өліммен аяқталуға әкелуі мүмкін. Ренин-ангиотензин-альдостерон жүйесіне ықпал ететін дәрілік препараттарды (телмисартан) бір мезгілде қолдану мүмкіндігін қарастырудан бұрын пайда/қаупі арақатынасына мұқият баға беру керек.

Гиперкалиемияның даму қаупінің негізгі факторлары мыналар болып табылады:

- қант диабеті, бүйрек функциясының жеткіліксіздігі, жас (> 70 жас)

- ренин-ангиотензин-альдостерон жүйесіне ықпал ететін бір немесе бірнеше дәрілік заттармен және/немесе калий қоспаларымен біріктіру. Дәрілік препараттар немесе гиперкалиемияны өршітуі мүмкін және құрамында калий бар тұз алмастырғыштар, калий жинақтайтын диуретиктер, АӨФ тежегіштері, ангиотензин II рецепторларының антагонистері (телмисартан), ҚҚСП (ЦОГ-2 селективті тежегіштерін қоса), гепарин, иммуносупрессорлар (циклоспорин немесе такролимус) және триметоприм болып табылатын дәрілік препараттардың емдік класы

- интеркурренттік аурулар, атап айтқанда, дегидратация, жүрек функциясының жедел жеткіліксіздігі, метаболизмдік ацидоз, бүйрек функциясының нашарлауы, бүйрек жағдайының кенеттен нашарлауы (мысалы, инфекциялық аурулар), жасушалық лизис (мысалы, аяқ-қолдың жедел ишемиясы, рабдомиолиз, ауқымды жаралар). Қауіп тобына жататын пациенттерде қан сарысуындағы калийге жиі мониторинг жүргізу ұсынылады.

Этникалық айырмашылықтары

Ангиотензин II рецепторларының басқа антагонистері сияқты, телмисартанның қара терілі пациенттерде, ренин деңгейі төмен осы популяцияда кеңінен таралуына байланысты, артериялық қысымды (АҚ) төмендетуде тиімділігі азырақ болуы ықтимал.

Басқа да сақтандырулар

Гипертензияға қарсы препараттарды қолданғанда ишемиялық кардиомиопатиясы немесе ишемиялық жүрек-қантамыр аурулары бар пациенттерде АҚ айқын төмендеуі миокард инфарктісіне немесе инсультке әкеп соғуы мүмкін.

Жүктілік

Ангиотензин II рецепторларының антагонистерін (телмисартанды) қолдануды жүктіліктің I триместрінде бастамаған жөн және II мен III триместрде қолдануға болмайды. Телмисартан репродукциялық уыттылықты және тератогенділік қауіпті аздап жоғарлататындығын көрсетті. Жүктіліктің ІІ және ІІІ триместрінде ангиотензин II рецепторларыынң антагонистерімен емдеу адамның шаранасына фетоуытты әсерін тигізеді: бүйрек функциясының төмендеуін, шарана айналасындағы су (қағанақ) мөлшерінің азаюын, бассүйекте сүйектенудің баяулауын және неонатальді уыттылықты (бүйрек функциясының жеткіліксіздігі, гипотензия, гиперкалиемия) туындатады. Мұндай жағдайларда бүйрек және бас функцияларына ультрадыбыстық диагностика жүргізу, жаңа туған нәрестенің жай-күйін гипотензия дамуы мүмкін болғандықтан қадағалау ұсынылады.

Емшек емізу

Емшек емізу кезеңінде телмисартанды қолдану жөнінде ақпараттар жоқ, сондықтан емшек емізу кезеңінде Твардокс препаратын қабылдау ұсынылмайды. Қажет болған кезде, әсіресе жаңа туған нәрестені немесе шала туған баланы емізу кезеңінде, қауіпсіздік бейіні анықталған препараттармен емдеудің альтернативті әдістерін тағайындау ұсынылады.

Фертильділік

Фертильділікке телмисартанның ықпалы білінген жоқ.

Көлік құралын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері

Автокөлікті және қозғалыстағы механизмдерді басқару қабілетіне телмисартанның ықпалы зерттелген жоқ. Гипертензияға қарсы ем жүргізу кезеңінде, бас айналу немесе ұйқышылдық дамуы мүмкін болғандықтан, автокөлікті басқаруды немесе қозғалыстағы механизмдермен жұмыс жүргізуді шектеу керек.

Симптомдары: артериялық гипотензияның, тахикардияның, брадикардияның, бас айналудың, қан сарысуындағы креатининнің жоғарылауының, бүйрек функциясының жедел жеткіліксіздігінің дамығаны жөнінде мәлімделді.

Емі: телмисартан гемодиализ кезінде қаннан шығарылмайды. Дәрігердің бақылауы, симптоматикалық және демеуші ем жүргізу, құстыру және/немесе асқазанды шаю, белсендірілген көмір қабылдау, қан сарысуындағы электролиттерді және креатининді бақылау ұсынылады. Гипотензияда пациент шалқасынан жатқызылуы тиіс, ондағы электролиттің құрамын және айналымдағы қан көлемін шұғыл түрде түзету қажет.

Шығарылу түрі және қаптамасы

Алминий фольгадан жасалған пішінді ұяшықты қаптамаға 14 таблеткадан салынған.

Пішінді 2 қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды.

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

LABORATORIOS LICONSA, S.A., Миралькампо даңғылы 7, Миралькампо өндірістік аймағы 19200 Асукека-де-Энарес, Гвадалахара, Испания

Тіркеу куәлігінің ұстаушысы

Vegapharm LLP., Астра Хаус, Арклоу Роуд,

Лондон, SE14 6EB Ұлыбритания

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын және тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері (телефон, факс, электронды пошта):

«CEPHEUS Medical» («ЦЕФЕЙ Медикал») ЖШС, Панфилов к-сі 98, «OLD SQUARE» БО, Алматы қ., 050000, Қазақстан Республикасы,

телефон: +7 (727) 300 69 71, +7 777 175 00 99 (тәулік бойы),

электронды пошта: cepheusmedical@gmail.com