Танакан® ЕGb 761
Инструкция
-
русский
-
қазақша
Саудалық атауы
Танакан® EGb761
Халықаралық патенттелмеген атауы
Жоқ
Дәрілік түрі
Ішуге арналған 40мг/мл ерітінді
Құрамы
1 мл ерітіндінің құрамында
белсенді зат: стандартталған гинкго билоба (EGb 761) сығындысы, құрамында 24% гинкго гликозидтер және 6% гинкголид-билобалидтер 40 мг
қосымша компоненттері: натрий сахарині, еритін апельсинді эссенция, еритін лимонды эссенция, 95% этил спирті, тазартылған су
Сипаттамасы
Суда еріткен кезде мөлдір хош иісті ерітінді беретін, өзіне тән ерекше иісі бар қоңыр-қызыл сары түсті ерітінді
Фармакотерапиялық тобы
Деменцияны емдеуге арналған препараттар. Деменцияны емдеуге арналған басқа да препараттар
АТХ коды N06DX02
Фармакологиялық қасиеттері
Әсері жасушалардағы зат алмасу үдерістеріне, қанның реологиялық қасиеттеріне және микроайналымына, сондай-ақ қантамырларының вазомоторлы реакцияларына ықпал етуімен жүзеге асатын өсімдік препараты.
Препарат ми қан айналымын және мидың оттегімен және глюкозамен қамтамасыз етілуін жақсартады.
Барлық қантамырлар жүйесін: артерияларды, көктамырларды, қылтамырлдарды реттеп отыратын әсері бар.
Қан ағысының жақсаруына мүмкіндік жасайды, эритроциттердің агрегациясына кедергі жасайды (anti – sludge effect).
Тромбоциттердің белсенділенуі факторын тежейтін әсер береді (anti – PAF effect).
Метаболизмдік үдерістерді қалыпты етеді, тіндерге гипоксияға қарсы әсер етеді.
Бос радикалдардың пайда болуына және жасуша жарғақшалары липидтерінің асқын тотығуына кедергі жасайды.
Мида, сонымен бірге шеткері деңгейде де ісікке қарсы айқын әсер етеді.
Нейромедиаторлардың (норадреналинанің, допаминнің, ацетилхолиннің) босап шығуына, кері қармалуы мен катаболизміне және олардың жарғақша рецепторларымен байланысу қабілетіне әсерін тигізеді.
Қолданылуы
- генезі әртүрлі когнитивтік және нейросенсорлы тапшылықта (Альцгеймер ауруын және этиологиясы әртүрлі деменцияны қоспағанда)
- аяқтардың созылмалы облитерациялайтын артериопатияларында мезгіл-мезгіл ақсақтықта (Фонтейн бойынша 2-дәреже)
- генезі қантамырлық көрудің бұзылуларында, көру өткірлігі нашарлағанда
- есту нашарлағанда, құлақтағы шуыл, бас айналғанда және қозғалыс үйлесімі бұзылғанда, генезі көбіне қантамырлық
- Рейно синдромында және ауруында
Қолдану тәсілі және дозалары
Ішке, тамақтану кезінде тәулігіне 3 рет ішке қабылдауға арналған 1 доза (1 мл) ерітінді. Жанына қоса салынған пипетка-дозаторды пайдаланыңыз: 1 доза = 1 мл ерітінді. Ішке қабылдауға арналған ерітіндіні ½ стакан суда алдын ала еріткен жөн.
Емдеу курсының ұзақтығы – 1 айдан 3 айға дейін.
Педиатриялық іс-тәжірибеде препарат 6 жастан қолданылады.
Жағымсыз әсерлері
Сирек
- ас қорыту бұзылыстары
- терінің аллергиялық реакциялары
- бас ауыру
Қолдануға болмайтын жағдайлар
- препарат компоненттеріне жоғары сезімталдық
- жүктілік және лактация кезеңі
- 6 жасқа дейінгі балалар
Дәрілермен өзара әрекеттесуі
Ішке қабылдауға арналған ерітіндіде этил спирті (1 дозада 0.45 г) бар болғандықтан, гипертермия, тері жабындарының гиперемиясы, құсу, жүрек қағуының жиілеуі сияқты реакциялар туындауы мүмкін болғандықтан, келесі топтағы дәрілік заттармен бір мезгілде қабылдауға болмайды:
- антибиотиктер-цефалоспориндер (цефамандол, цефоперазон, латамоксеф);
- дисульфирам;
- хлорамфеникол;
- диабетке қарсы, қантты төмендететін сульфаниламидтер (хлорпропамид, глибенкламид, глипизид, толбутамид);
- фунгицидтер (гризеофульвин, кетоконазол);
- 5-нитроимидазолдар (метронидазол, орнидазол, секнидазол, тинидазол);
- цитостатиктер (прокарбазин);
- транквилизаторлар
Айрықша нұсқаулар
Ескерту: осы препараттың құрамындағы спирт 57 көлемдік %, яғни әрбір қабылданатын дозада (1 дозада) 0.45 г спирт бар.
Жағдайдың жақсаруының алғашқы белгілері емді бастағаннан кейін 1 айдан соң білінеді.
Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Препараттың артық дозалану жағдайлары белгісіз.
Шығарылу түрі және қаптамасы
30 мл препарат бұралатын ақ түсті пластик қақпағы бар қоңыр шыны құтыларға салынған. Құты сыйымдылығы 1 мл дозатормен жиынтықта пластик контейнерге салынған, ол қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау шарттары
+25 °С-ден аспайтын температурада сақтау керек
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
Beaufour Ipsen Industrie –
28100 Dreux, France
Қаптаушы
Beaufour Ipsen Industrie –
28100 Dreux, France
Тіркеу куәлігі иесінің атауы және елі
Beaufour Ipsen Industrie, Франция
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:
IPSEN PHARMA (ИПСЕН ФАРМА) АҚ ҚР өкілдігі
050040 Алматы қ-сы, Әл-Фараби д-лы, 45, 2 кеңсе
Тел./факс: 8 (727) 2646448, 2646715
Электрондық пошта: aigul.ismagulova@ipsen.kz