ТАЙЛОЛФЕН ХОТ КИДС

ТАЙЛОЛФЕН ХОТ КИДС

Жоқ

Дәрілік түрі, дозалануы

Ішке қабылдау үшін ерітінді дайындауға арналған ұнтақ

Респираторлық жүйе. Жөтел және суық тию аурулары кезінде қолданылатын препараттар. Суық тию аурулары кезінде қолданылатын басқа препараттар.

АТХ коды  R05X

ЖРВИ, тұмау және суық тию симптомдарын жою үшін:

- дене температурасының жоғарылауы, қалтырау

- мұрын бітелуі, түшкіру

- көзден жас ағуы

- бас және бұлшықет-буын ауыруы

- тамақтың ауыруы және жоғарғы тыныс алу жолдарының және қосалқы қойнаулардың басқа қабыну симптомдары.

Қолданудың басталуына дейін қажетті мәліметтер тізбесі

• препарат компоненттеріне жеке жоғары сезімталдық

• басқа симпатомиметикалық ісінуге қарсы дәрілерді бір мезгілде қабылдау

• феохромоцитома

• жабық бұрышты глаукома

• артериялық гипертензия

• моноаминооксидаза тежегіштерін (МАОт), трициклдық антидепрессанттарды немесе бета-блокаторларды бір мезгілде қабылдау немесе соңғы екі апта ішінде қолдану

• бауыр немесе бүйрек жеткіліксіздігі

• қант диабеті

• гипертиреоз

• жүрек-қантамыр аурулары

• жүктілік және емшек емізу

• 6 жасқа дейінгі балалар

Қолдану кезіндегі қажетті сақтандыру шаралары

Парацетамолды бүйрек немесе бауыр бұзылулары бар пациенттерге тағайындағанда сақ болу ұсынылады. Бауырдың цирроздық емес алкогольдік аурулары бар адамдарда артық дозаланудың пайда болу қаупі жоғары.

Төмендегідей аурулары бар пациенттер бұл препаратты қабылдаудан бұрын дәрігерден кеңес алуы қажет:

• Қуықасты безінің ұлғаюы.

• Тамырлардың окклюзиялық ауруы (мысалы, Рейно ауруы).

Бұл препаратты басқа симпатомиметиктерді (ісінуге қарсы, тәбетті бәсеңдететін және амфетамин тәрізді психостимуляторлар сияқты) қабылдайтын пациенттерге қолдануға болмайды.

Көрсетілген дозадан асырмау керек.

Пациенттерге басқа да құрамында парацетамол бар немесе суық тиюге қарсы, тұмауға қарсы немесе ісінуге қарсы басқа препараттарды бір мезгілде қабылдамауды ұсыну керек.

Егер симптомдары басылмаса, дәрігерге қаралу керек.

Тұмаудың және суық тиюдің басқа симптоматикалық дәрілерімен немесе деконгестанттармен бір мезгілде қабылдамау керек. 

Артық дозаланған жағдайда, тіпті өзіңізді барынша жақсы сезінсеңіз де, дереу дәрігерге көріну керек.

Хлорфенаминді, антихолинергиялық әсері бар басқа да препараттар жағдайындағы сияқты, эпилепсияда, глаукоманы қоса, көзішілік қысымның жоғарылауында; простатаның гипертрофиясында; ауыр гипертонияда немесе жүрек-қантамыр ауруларында; бронхитте, бронхоэктазияда немесе демікпеде; бауыр жеткіліксіздігінде; бүйрек жеткіліксіздігінде сақтықпен қолданған жөн. Балалар мен егде жастағы адамдар неврологиялық антихолинергиялық реакциялардың және парадоксальді қозудың (мысалы, бой қуатының артуы, мазасыздық, күйгелектік) пайда болу қаупіне көбірек бейім болады.

Кейбір пациенттерде хлорфенираминнің антихолинергиялық қасиеттері ұйқышылдықты, бас айналуын, көздің бұлдырауын және психомоторлық бұзылыстарды туғызуы мүмкін, соның салдарынан көлік жүргізуге және техниканы пайдалануға айтарлықтай әсер етуі мүмкін.

Алкогольдің әсері күшеюі мүмкін, сондықтан препаратты алкогольмен бір мезгілде қолданудан аулақ болған жөн.

Препаратты жөтелдің және суық тиюдің антигистаминдік дәрілерін қоса, басқа антигистаминдік препараттармен бірге пайдаланбау керек.

Натрий

Бұл дәрілік препарат құрамында дозасына 225 мг натрий бикарбонаты, 22,5 мг сусыз натрий карбонаты бар. Натрий мөлшері шектелген диетадағы пациенттер осыны ескеруі керек.

Сахароза

Сирек тұқым қуалайтын фруктоза жақпаушылығы, глюкоза-галактоза мальабсорбциясы немесе сахароза-изомальтаза жеткіліксіздігі аурулары бар пациенттер бұл дәріні қабылдамауы тиіс.

Басқа дәрілік препараттармен өзара әрекеттесуі

Парацетамолдың сіңу жылдамдығы метоклопрамидпен немесе домперидонмен бір мезгілде қабылдаған кезде жоғарылауы мүмкін, ал холестираминмен қабылдаған кезде сіңірілуі төмендейді. Парацетамолды күн сайын ұзақ уақыт тұрақты қолданған кезде қан кетулердің пайда болу қаупін арттырып, варфариннің және басқа кумариндердің антикоагулянттық әсері күшеюі мүмкін, кездейсоқ дозалары елеулі әсерін тигізбейді.

Фенилэфринді төмендегі препараттармен бірге сақтықпен пайдалану керек, өйткені өзара әрекеттесу жағдайлары тіркелген:

Хлорфенаминді және ұйықтататын дәрілер мен анксиолитиктерді бір мезгілде қабылдау седативтік әсерді күшейтуі мүмкін, сондықтан хлорфенаминді осы дәрілермен бір мезгілде қабылдаудан бұрын дәрігерге көріну керек.

Хлорфенамин фенитоинның метаболизмін тежейді және фенитоинның уыттылығын туғызуы мүмкін.

Хлорфенаминді MAOт бірге қабылдаған кезде антихолинергиялық әсері күшейеді.

Арнайы сақтандырулар

Жүктілік

Құрамында фенилэфрин болғандықтан бұл препаратты жүктілік кезеңінде немесе емшек емізу кезінде дәрігерден медициналық кеңес алмайынша пайдалануға болмайды. Хлорфенамин малеатын жүкті әйелдерде қолдану жөнінде толық деректер жоқ, әлеуетті қаупі белгісіз. Үшінші триместрде пайдалану жаңа туған нәрестелерде немесе шала туған нәрестелерде әртүрлі реакциялар туындатуы мүмкін. Жүктілік кезеңінде дәрігермен кеңесусіз және ана үшін ықтимал пайдасы мен шаранаға қаупін бағалаусыз пайдалану ұсынылмайды.

Емшек емізу

Фенилэфрин емшек сүтімен шығарылуы мүмкін.

Хлорфенамин малеаты және басқа антигистаминдік препараттар лактацияны бәсеңдетуі және емшек сүтіне бөлінуі мүмкін. Тек қана дәрігер мұны қажет деп санамаса, емшек емізу кезеңінде пайдаланбау керек. Бала емізу кезінде дәрігермен кеңесусіз және ана үшін ықтимал пайдасы мен шаранаға қаупін бағалаусыз пайдалану ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Егер препаратты қабылдағаннан кейін оларда бас айналуы пайда болса, пациенттерге рөлге отыру және техниканы басқару ұсынылмайды.

Хлорфенираминнің антихолинергиялық белсенділігі ұйқышылдықты, бас айналуын, көздің бұлдырауын және психомоторлық бұзылыстарды туғызуы мүмкін, олар пациенттің көлік жүргізуіне және техниканы пайдалануына айтарлықтай кедергі жасауы мүмкін.

Қолдану жөніндегі нұсқаулар

Дозалау режимі

Пакеттің ішіндегісін ыдысқа төгу керек.

Ыдысты 1/2 ыстық сумен толтырыңыз.

Ерітіндіні араластырып, түгелдей ішу керек.

Енгізу әдісі және жолы

6 жастағы және одан үлкен балалар:

ТАЙЛОЛФЕН ХОТ KIDS, төменде көрсетілгендей пероральді қабылданады:

Әрбір пакеттің ішіндегісін 80 мл көлеміндегі (стандартты көлемді ыдыстың шамамен жартысы) ыстық суда (40° C-тан аспайтын) ерітіп, ерітіндінің толығымен суығанын күтпестен дереу ішу керек.

Қабылдау уақытының көрсетілуімен қолдану жиілігі

Қабылдау уақыттары жақын болған жағдайда 6 сағат аралықты ұстау керек. Ұсынылған ең жоғары тәуліктік доза 4 пакет болады.

Егер препаратты қабылдау басталғаннан кейін 3 күн ішінде симптомдардың жеңілдеуі байқалмаса, дәрігерге қаралу қажет.

6 жасқа толмаған балаларға дәрігермен кеңесусіз бермеңіз.

Алкоголь тұтынатын пациенттер үшін, гепатотоуыттылық реакциялары пайда болуы мүмкін болғандықтан, парацетамолдың жалпы тәуліктік дозасы 2 грамнан аспауы тиіс.

Артық дозалану жағдайында қабылдау қажет болатын шаралар

Парацетамол

Бауырдың зақымдануы 10 г немесе одан көбірек парацетамол қабылдаған ересектерде болуы мүмкін. Егер пациентте қауіп факторлары бар болса 5 г немесе одан көбірек парацетамол жұту бауырдың зақымдануына әкелуі мүмкін.

Қауіп факторлары

Егер пациент

А) карбамазепинмен, фенобарбиталмен, фенитоинмен, примидонмен, рифампицинмен, шайқурай шөбімен немесе бауыр ферменттерінің көрсеткіштеріне әсер ететін басқа дәрілермен ұзақ емделіп жүрсе.

Немесе

В) алкогольді ұсынылған мөлшерден асыра ұдайы тұтынса.

Немесе

С) глутатионның сарқылуы мүмкін, мысалы, тамақ ішу дағдысы бұзылғанда, муковисцидозда, АИТВ-инфекцияда, ашыққанда, кахексияда.

Симптомдары

Парацетамолдың артық дозалануының симптомдары алғашқы 24 сағатта бозару, жүрек айну, құсу, анорексия және іштің ауыруы болып табылады. Бауырдың бұзылуы қолданудан кейін 12-48 сағаттан соң білінуі мүмкін. Глюкоза метаболизмінің бұзылуы және метаболизмдік ацидоз туындауы мүмкін. Кейбір жағдайларда ауыр уланған кезде, бауыр жеткіліксіздігі энцефалопатияға, қан кетуге, гипогликемияға, мидың ісінуіне және өлімге ұшыратуы мүмкін. Бүйректің жедел жеткіліксіздігі, белдің қатты ауыруымен жедел тубулярлық некроз дамуы мүмкін, гематурия және протеинурия тіпті бауырдың күрделі зақымданулары болмағанда да, сондай-ақ жүрек аритмиясы және панкреатит пайда болуы мүмкін. 

Емі

Парацетамолдың артық дозалануын емдеуде шұғыл көмектесу маңызды.  Ерте білінетін елеулі симптомдары болмауына қарамастан, пациенттер шұғыл медициналық көмек алу үшін дереу ауруханаға жіберілуге тиіс. Симптомдары жүрек айнумен немесе құсумен шектелуі мүмкін және артық дозаланудың ауырлығын немесе ағзалардың зақымдану қаупін білдіртпеуі ықтимал. Емдеу белгіленген ем нұсқауларына сәйкес болуға тиіс. Егер артық дозалану 1 сағаттың ішінде болса, белсендірілген көмірмен емдеуді қарастыру керек.  Парацетамолдың плазмадағы концентрациясын тамақ ішкеннен кейін 4 сағаттан соң немесе кейінірек өлшеу керек (концентрацияны одан ерте өлшеу сенімсіз болады). 

N-ацетилцистеинмен емдеуді парацетамол қабылданғаннан кейін 24 сағатқа дейінгі кезеңде пайдалануға болады, алайда ең жоғарғы қорғаныш әсеріне ішке қабылдағаннан кейін 8 сағатқа дейінгі кезеңде жетеді. Бұл уақыт өткеннен кейін антидоттың тиімділігі күрт төмендейді. Қажет болса пациентке белгіленген дозалау кестесіне сәйкес вена ішіне N-ацетилцистеин тағайындау керек. Егер құсу қиындық тудырмаса, улану алыс аудандарда, ауруханадан тыс жерлерде орын алған жағдайда пероральді метионин лайықты балама бола алады.  Препаратты қабылдағаннан кейін 24 сағаттан соң пайда болған бауырдың ауыр дисфункциясы бар пациенттерде ем жүргізуді гепатолог дәрігермен талқылау керек.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Дәріге жағымсыз реакциялар жиілігі бойынша келесі сызбамен жіктеледі: өте жиі (≥1 / 10); жиі (≥1 / 100 - <1/10 дейін); жиі емес (≥1 / 1000 - <1/100 дейін); сирек (≥1 / 10000 - < 1/1000 дейін); өте сирек (<1/10000), белгісіз (қолда бар деректер бойынша бағалау мүмкін емес).

Өте жиі

• седация, ұйқышылдық

Жиі

• зейін қоюдың бұзылуы, қимыл үйлесімінің бұзылуы, бас айналу, бас ауыруы, ұйқысыздық

• көрудің бұлдырауы

• жүрек айну, ауыздың құрғауы

• қажығыштық

• күйгелектік, ашушаңдық, мазасыздық, қозғыштық

• қан қысымының жоғарылауы

Белгісіз

• тромбоцитопения, парацетамолмен міндетті түрде байланысты емес агранулоцитоз, гемолиздік анемия, қан дискразиясы

• анафилаксия

• аса жоғары сезімталдық тері реакциялары, тері бөртпелерін (мысалы, бөртпе, есекжем, аллергиялық дерматит), ангионевроздық ісіну, Стивенс-Джонсон синдромы және Лайелл синдромын (уытты эпидермалық некролиз) қоса

• парацетамолды қабылдаған кезде аспиринге немесе басқа ҚҚСП сезімтал демікпесі бар пациенттерде көбірек бронх түйілуі ықтимал

• бауыр дисфункциясы, гепатит, сарғаю

• анорексия

• шатасу, түнгі қорқыныштар, депрессия. Балалар мен егде жастағы адамдар неврологиялық антихолинергиялық әсерлерді және парадоксальді қозуды (мысалы, дене қуатының артуы, мазасыздық, күйгелектік) жиі бастан кешеді.

• құлақтың шыңылдауы

• жүрек қағуы, тахикардия, аритмиялар

• гипотония

• бронхиальді секреттің қоюлануы

• эксфолиативті дерматит, бөртпе, есекжем, жарыққа сезімталдық

• бұлшықет тартылуы, бұлшықет әлсіздігі

• дизурия, несеп іркілісі, қуықтың шығу жолының обструкциясынан зардап шеккен пациенттерде көбірек ықтимал, мысалы, қуықасты безінің гипертрофиясында

• кеуденің қысылуы

• мидриаз, көбінесе жабық бұрышты глаукомасы бар пациенттерде кездеседі

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір пакеттің ішінде

белсенді заттар: 160.000 мг парацетамол, 5.000 мг фенилэфрин гидрохлориді, 2.000 мг хлорфенирамин малеаты.

қосымша заттар: повидон К30, натрий метабисульфиті, шарап қышқылы, сусыз лимон қышқылы, натрий гидрокарбонаты, сусыз натрий карбонаты, рафинадталған қант, лукаротин 10CWD/O,апельсин хошиістендіргіші.

Сыртқы түрінің, иісінің, дәмінің сипаттамасы

Апельсин иісі бар ақшыл қызғылт-сары түсті түйіршіктелген сусымалы ұнтақ.

Шығарылу түрі және қаптамасы

10 г препараттан полиэстер, алюминий фольга және полиэтилен үлбірден жасалған үш қабатты престелген пакетке салынады.

6 немесе 12 пакеттен медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25 ºС-ден аспайтын температурада

сақтау керек

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Нобел Илач Санаи ве Тиджарет А.Ш., Дюздже қ., Түркия

Санджаклар Махаллеси Эски Акчакоджа Джадесси № 299 81100

Тел: +90 216 633 60 00

Факс: +90 216 633 60 01

Электронды пошта: nobel@nobel.com.tr

Тіркеу куәлігінің ұстаушысы

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz