Тадамед-20

ТАДАМЕД-20

Тадалафил

Дәрілік түрі, дозасы

Үлбірлі қабықпен қапталған таблеткалар, 20 мг

Несеп-жыныс жүйесі және жыныс гормондары. Урологиялық препараттар. Эректильді дисфункция кезінде қолданылатын препараттар. Тадалафил.

АТХ коды G04BE08

Ересек еркектердегі эректильді дисфункцияны емдеу.

Препарат тиімділігін көрсету үшін жыныстық стимуляция қажет.

ТАДАМЕД-20 препаратын әйелдерде қолдануға болмайды.

Қолданудың басталуына дейін қажетті мәліметтер тізбесі

- белсенді затқа немесе қосымша заттардың кез келгеніне аса жоғары сезімталдық

- соңғы 90 күн ішінде миокард инфарктісі болған пациенттерге

- тұрақсыз стенокардиясы немесе жыныстық қатынас кезінде туындайтын стенокардиясы бар пациенттерге

- соңғы 6 ай ішінде дамыған Нью-Йорк кардиологиялық қауымдастығының (New York Heart Association) жіктемесі бойынша 2- класты жүрек жеткіліксіздігі бар пациенттерге

- бақыланбайтын аритмиясы, артериялық гипотензиясы (<90/50 мм сын.бағ.) немесе бақыланбайтын артериялық гипертензиясы бар пациенттерге

- соңғы 6 ай ішінде инсульт алған пациенттер

- бұл эпизод ФДЭ5 тежегішінің алдыңғы әсерімен байланысты ма, жоқ па, оған қарамастан, артерииттік емес алдыңғы ишемиялық оптикалық невропатияның (АЕАИОН) салдарынан бір көздің көрмей қалуы.

- тадалафилді қоса, ФДЭ5 тежегіштерін риоцигуат сияқты гуанилатциклаза стимуляторларымен бір мезгілде қолдануға болмайды, өйткені бұл симптоматикалық гипотензияның дамуына әкелуі мүмкін

- әйелдерде қолдану

- балалар мен 18 жасқа дейінгі жасөспірімдерге қолдануға болмайды

Қолдану кезіндегі қажетті сақтандыру шаралары

ТАДАМЕД-20 препаратымен емдеуге дейін

Емдеу басталғанға дейін эректильді дисфункцияны диагностикалау және осы жағдайдың пайда болуының ықтимал себептерін анықтау үшін ауру тарихын зерделеу және пациентке физикалық тексеріс жүргізу қажет.

Эректильді дисфункцияны емдеуді бастағанға дейін дәрігерлер жыныстық белсенділікке байланысты жүрек-қантамыр патологиясының даму қаупі дәрежесінің болуына байланысты өз пациенттерінің жүрек-қантамыр жүйесінің жағдайын ескеруі тиіс. Тадалафил қан қысымының шамалы және уақытша төмендеуіне әкелетін вазодилаторлық қасиеттерге ие және осылайша нитраттардың гипотензиялық әсеріне ықпал етеді.

Эректильді дисфункцияны бағалау кезінде потенциалды негізгі себептерді анықтау және тиісті медициналық қорытынды шығарылғаннан кейін тиісті емдеуді сәйкестендіру керек.

ТАДАМЕД-20 жамбас аймағында операция жасалған немесе жүйке ұштарының сезімталдығын сақтамай радикалды простатэктомия жасалған пациенттер үшін тиімді ме, жоқ па белгісіз.

Жүрек-қантамыр жеткіліксіздігі

Миокард инфарктісін, кенеттен жүректен өлуді, тұрақсыз стенокардияны, қарыншалық аритмияны, инсультті, транзиторлық ишемиялық шабуылдарды, кеудедегі ауырсынуды, жүрек қағуы мен тахикардияны қамтитын күрделі жүрек-қантамыр құбылыстары тіркеуден кейінгі және клиникалық сынақтарда хабарланды. Бұрын осы құбылыстар байқалған пациенттердің көпшілігінде жүрек-қантамыр ауруларының даму қаупі факторлары байқалған. Дегенмен, бұл құбылыстар осы қауіп факторларымен, ТАДАМЕД-20 қабылдаумен, жыныстық белсенділікпен немесе осы немесе басқа факторлардың үйлесімімен тікелей байланысты ма, жоқ па дәл анықтау мүмкін емес.

Гипертензияға қарсы дәрілік заттарды бір мезгілде алатын пациенттерде тадалафилді қолдану артериялық қысымның төмендеуіне әкелуі мүмкін. Тадалафилді күнделікті қабылдауды тағайындаған жағдайда гипертензияға қарсы препараттардың дозасын түзету мүмкіндігін бағалау мақсатында клиникалық жағдайды қарастыру қажет.

Альфа1 адреноблокаторлар қабылдаған пациенттерде ТАДАМЕД-20 бір мезгілде қолдану олардың кейбіреулерінде симптоматикалық гипотензияға әкелуі мүмкін. Тадалафил мен доксазозин біріктірілімін қолдану ұсынылмайды.

Көру

Көрудің бұзылуы және алдыңғы ишемиялық оптикалық невропатияның артериитімен (АЕАИОН) байланысты емес даму жағдайлары ТАДАМЕД-20 препаратын және ФДЭ5 басқа тежегіштерін қолданғанда байқалды. Бақылау зерттеулерінің тіркелген деректерін талдау тадалафилдің немесе ФДЭ5 басқа тежегіштерінің әсерінен кейін эректильді дисфункциясы бар еркектерде жедел АЕАИОН дамуының жоғары қаупін айғақтайды. Бұл тадалафил әсеріне ұшыраған барлық пациенттерге қатысты болғандықтан, пациент кенеттен көру қабілеті жоғалған жағдайда ТАДАМЕД-20 қабылдауды тоқтатып, дереу дәрігерге қаралуы тиіс екенін хабарлауы керек.

Кенеттен естімей қалу және нашарлауы

Тадалафил қолданғаннан кейін кенеттен естімей қалу жағдайлары хабарланды. Кейбір жағдайларда басқа қауіп факторлары (мысалы, жас, қант диабеті, артериялық гипертензия және естімей қалудың ерте анамнезі) болса да, пациенттерге тадалафил қабылдауды тоқтатуды және кенттен естімей қалу немесе нашарлауы жағдайында дереу медициналық көмекке жүгінуді ұсыну керек.

Бүйрек және бауыр жеткіліксіздігі

Тадалафилдің (AUC) жоғары әсерін, шектеулі клиникалық тәжірибесін және диализ арқылы клиренске әсер ету мүмкін еместігін ескере отырып, ТАДАМЕД-20 препаратын тәулігіне бір рет ауыр бүйрек жеткіліксіздігі бар пациенттерге қабылдау ұсынылмайды.

Бауырдың ауыр жеткіліксіздігі бар (Чайлд-Пью жіктемесі бойынша С класы) пациенттерде ТАДАМЕД-20 бір рет қабылдау қауіпсіздігі жөніндегі клиникалық деректер шектеулі. Препаратты тәулігіне бір рет қолдану бауыр жеткіліксіздігі бар пациенттерде бағаланбаған. ТАДАМЕД-20 препаратын тағайындаған жағдайда емдеуші дәрігер пайда мен қауіп арақатынасын мұқият жеке бағалауға сүйенуі тиіс.

Приапизм және пенистің анатомиялық деформациясы

Пациенттер 4 сағат және одан ұзақ созылатын эрекция пайда болғанда дереу медициналық көмекке жүгіну қажеттігі туралы хабардар етілуі тиіс. Приапизмді уақтылы емдемеу жыныс мүшесі тіндерінің зақымдалуына әкеледі, нәтижесінде потенцияның ұзақ мерзімді жоғалуы мүмкін.

ТАДАМЕД-20 препаратын жыныс мүшесінің анатомиялық деформациясы бар пациенттерде (мысалы, ангуляция, кавернозды фиброз немесе Пейрони ауруы) немесе олардың приапизмге бейімділігін негіздейтін жағдайлары бар пациенттерде (мысалы, орақ-жасушалы анемия, көптеген миелома немесе лейкоз) сақтықпен қолдану керек.

CYP3A4 тежегіштерімен қолдану

ТАДАМЕД-20 препаратын осы препараттармен біріктірілген ем кезінде тадалафил әсерінің (AUC) байқалатын ұлғаюына байланысты CYP3A4 күшті тежегіштерін (ритонавир, саквинавир, кетоконазол, итраконазол және эритромицин) алатын пациенттерге тағайындағанда сақ болу керек.

ТАДАМЕД-20 және эректильді дисфункцияны емдеудің басқа түрлері

ТАДАМЕД-20 препаратын басқа ФДЭ5 тежегіштерімен немесе эректильді дисфункцияны емдеудің басқа түрлерімен біріктірудің қауіпсіздігі мен тиімділігі зерттелген жоқ. Пациенттер осындай біріктірілмдерде ТАДАМЕД-20 қабылдауға жол берілмейтіндігі туралы хабардар болуы тиіс.

Лактоза

ТАДАМЕД-20 құрамында лактоза бар. Галактоза жақпаушылығы, Lapp-лактаза тапшылығы немесе глюкоза-галактоза мальабсорбциясының сирек тұқым қуалайтын проблемалары бар пациенттер бұл препаратты қабылдамауы тиіс.

Басқа дәрілік препараттармен өзара әрекеттесуі

Төменде көрсетілгендей 10 мг және/немесе 20 мг дозада тадалафилдің өзара әрекеттесуіне зерттеулер жүргізілді. Тек 10 мг тадалафил дозасы пайдаланылған өзара әрекеттесудің осы зерттеулеріне келетін болсақ, анағұрлым жоғары дозаларды қабылдағанда клиникалық мәнді өзара әрекеттесулер толығымен жоққа шығарылмайды.

Басқа заттардың тадалафилге әсері

Р450 цитохромының тежегіштері

Тадалафил негізінен СУР3А4 ферментінің қатысуымен метаболизденеді. Селективті CYP3A4 тежегішін, кетоконазолды (күніне 200 мг) қабылдау тадалафилдің (AUC) (10 мг) әсерін тадалафилмен монотерапия кезіндегі AUC және Cmax осындай көрсеткіштерімен салыстырғанда 2 есе және Cmax 15% ұлғайтады. Кетоконазолды (күніне 400 мг) қабылдау тадалафилдің (20 мг) әсерін (AUC) 4 есе және Cmax 22% ұлғайтады. CYP3A4, CYP2C9, CYP2C19 және CYP2D6 тежегіші болып табылатын ритонавир, протеаза тежегіші (күніне екі рет 200 мг) тадалафилдің (20 мг) әсерін Cmax өзгертпестен 2 есе ұлғайтады. Спецификалық өзара әрекеттесулер зерттелмегенімен, саквинавир сияқты протеазаның басқа тежегіштерін, сондай-ақ эритромицин, кларитромицин, итраконазол және грейпфрут шырыны сияқты CYP3A4 басқа тежегіштерін бір мезгілде сақтықпен қабылдау керек, өйткені плазмадағы тадалафил концентрациясының артуын күтуге болады. Демек, жағымсыз реакциялар жиілігі артуы мүмкін.

Транспортерлер

Тадалафил фармакокинетикасындағы транспортер ақуыздардың (мысалы, p-гликопротеин) маңызы белгісіз. Осылайша, тасымалдаушыларды тежеу арқылы дәрілік өзара әрекеттесудің потенциалды мүмкіндігі бар.

P450 цитохромының индукторлары

СУР3А4 индукторы, рифампин, тадалафилдің AUC-ін тадалафилмен монотерапия шамаларының AUC (10 мг) қатысты 88% төмендетеді. Препарат әсерінің төмендеуі тадалафилдің тиімділігін төмендетуі мүмкін.

Тиімділіктің төмендеу шамасы белгісіз. Фенобарбитал, фенитоин және карбамазепин сияқты СУР3А4 басқа индукторларын қолдану плазмадағы тадалафил концентрациясының төмендеуіне әкелуі мүмкін.

Тадалафилдің басқа дәрілік заттарға әсері

Нитраттар

Нитраттардың гипотензиялық әсерінің жоғарылауы белгілі. Осылайша, органикалық нитраттың кез-келген түрін қолданатын пациенттерге ТАДАМЕД-20 қабылдауға болмайды. Егер пациентке ТАДАМЕД-20 препаратының қандай да бір дозасы тағайындалса, өмірге қауіп төндіретін жағдайда медициналық тұрғыдан нитратты қабылдау қажет болғанда, ТАДАМЕД-20 соңғы дозасынан кейін нитратты қабылдағанға дейін кемінде 48 сағат өтуі тиіс. Мұндай жағдайларда нитраттарды тиісті гемодинамикалық мониторинг кезінде дәрігердің мұқият бақылауымен ғана қабылдау керек.

Гипертензияға қарсы дәрілер (кальций өзекшелерінің блокаторларын қоса) доксазозинді (тәулігіне 4 және 8 мг) және тадалафилді (тәуліктік доза 5 мг және бір реттік доза 20 мг) бір мезгілде қабылдау осы альфа-блокатордың артериялық қысымының төмендеу әсерін едәуір жоғарылатады. Бұл әсер кем дегенде он екі сағатқа созылады және естен тануды қоса, түрлі симптомдармен көрініс табуы мүмкін. Сондықтан бұл комбинация ұсынылмайды.

Алайда бұл әсерлер альфузозин немесе тамсулозин қабылдаған кезде байқалмады. Тадалафилді альфа-блокаторларды қабылдаған пациенттерге, әсіресе егде жастағы пациенттерге сақтықпен қабылдау керек. Емді ең төменгі дозадан бастау және біртіндеп түзету керек.

Риоцигуат

ФДЭ5 тежегіштері мен риоцигуатты біріктіріп қабылдағанда артериялық қысымның аддитивті жүйелі төмендеуі туралы белгілі. Риоцигуаттың ФДЭ5 тежегіштерінің гипотензиялық әсерін күшейткені байқалды. Риоцигуатты тадалафилді қоса, ФДЭ5 тежегіштерімен бір мезгілде қолдануға болмайды.

5-альфа-редуктаза тежегіштері

Тадалафилді 5-альфа-редуктаза тежегіштерімен бір мезгілде қолдануды сақтықпен пайдалану керек.

CYP1A2 субстраттары (мысалы, теофиллин)

Тадалафил 10 мг және теофилинді (фосфодиэстеразаның селективті емес тежегіші) бір мезгілде қабылдағанда фармакокинетикалық өзара әрекеттесу анықталған жоқ. Жалғыз фармакодинамикалық әсері жүрек жиырылу жиілігінің аздап артуы (3,5 соқ/мин) болды. Осы құбылыстың елеусіз сипатына қарамастан, бұл әсерді осы дәрілік препараттарды бір мезгілде тағайындағанда ескеру керек.

Этинилэстрадиол және тербуталин

Тадалафил пероральді қолданғанда этинилэстрадиолдың биожетімділігін ұлғайтты; клиникалық салдары дәл анықталмаса да, тербуталинді пероральді қабылдағанда осындай жоғарылауды күтуге болады.

Алкоголь

Тадалафил (10 мг немесе 20 мг) бірге қабылдағанда алкоголь концентрациясына (қандағы ең жоғары орташа концентрациясы 0,08%) әсер етпеді. Сонымен қатар, алкогольмен қабылдағаннан кейін 3 сағаттан соң тадалафил концентрациясында өзгерістер анықталған жоқ. Алкогольді алкоголь абсорбциясының жылдамдығын барынша арттыру (алкогольді ішкеннен кейін 2 сағат ішінде түнде аш қарынға) үшін қабылданды. Тадалафилді (20 мг) қабылдау алкогольден туындаған артериялық қысымның (0.7 г/кг немесе дене салмағы 80 кг еркектерде шамамен 180 мл 40% спирт [арақ]) орташа шамасының төмендеуін арттырмады, бірақ кейбір пациенттерде постуральді бас айналу және ортостаздық гипотензия байқалды. Тадалафилді алкогольдің анағұрлым төмен дозаларымен (0.6 г/кг) біріктіріп қабылдағанда артериялық гипотензия байқалмады, ал бас айналуы тек алкогольді қабылдағандағыдай жиілікпен байқалды. Тадалафилді (10 мг) қабылдау алкогольдің когнитивті функцияларға әсерін күшейтпеді.

P450 цитохромы арқылы метаболизденетін дәрілік заттар

Тадалафил CYP450 изоформаларымен метаболизденетін дәрілік заттардың клиникалық маңызды бәсеңдеуін немесе клиренсінің индукциясын туындатпайды. Зерттеулер тадалафил CYP3A4, CYP1A2, CYP2D6, CYP2E1, CYP2C9 және CYP2C19 қоса, CYP450 изоформаларын тежемейтінін немесе индукцияламайтынын растады.

CYP2C9 субстраттары (мысалы, R-варфарин)

Тадалафил (10 мг және 20 мг) S-варфарин немесе R-варфарин (CYP2C9 субстраты) экспозициясына (AUC) клиникалық маңызды әсер етпеді, сондай-ақ тадалафил варфарин тудыратын протромбиндік уақыттың өзгеруіне әсер етпеді.

Аспирин

Тадалафил (10 мг және 20 мг) ацетилсалицил қышқылынан туындаған қан кету уақытын ұзартуды күшейтпеді.

Диабетке қарсы дәрілер

Диабетке қарсы препараттармен спецификалық өзара әрекеттесуіне зерттеулер жүргізілген жоқ.

Арнайы ескертулер

ТАДАМЕД-20 әйелдерде қолдануға арналмаған.

Фертильділік

Әсерлер иттерде байқалды, олар фертильділіктің төмендеуін көрсетуі мүмкін. Кейінгі екі клиникалық зерттеу адамдарда бұл әсер екіталай екенін көрсетеді, дегенмен кейбір еркектерде сперматозоидтар концентрациясының төмендеуі байқалды.

Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Тадалафил 20 мг таблеткалары автомобильді басқару немесе басқа механизмдерді пайдалану қабілетіне аз ғана әсер етеді. Клиникалық зерттеулерде плацебо және тадалафил қабылдау топтарындағы бас айналу туралы хабарлардың жиілігі ұқсас болғанмен, көлік жүргізу немесе механизмдерді пайдалану алдында пациенттерге тадалафил 20 мг таблеткалары қалай әрекет ететінін білуі керек.

Қолдану жөніндегі нұсқаулар

Дозалау режимі

Пациенттердің ерекше топтары

Егде жастағы пациенттер

Егде жастағы пациенттерде дозаны түзету қажет емес.

Бүйрек жеткіліксіздігі бар еркектер

Бүйрек жеткіліксіздігі жеңіл және орташа пациенттерде дозаны түзету қажет емес. Бүйрек жеткіліксіздігі ауыр пациенттерде ең жоғары ұсынылған доза 10 мг құрайды. Тадалафилдің бір реттік дозасы бүйрек жеткіліксіздігі ауыр пациенттерге ұсынылмайды.

Бауыр жеткіліксіздігі бар еркектер

Осы препаратты тағайындаған жағдайда емдеуші дәрігер пайда мен қауіп арақатынасын мұқият жекелей бағалауға сүйенуі тиіс.

Қант диабеті бар еркектер

Қант диабеті бар пациенттерде дозаны түзету қажет емес.

Қолдану тәсілі

Әдеттегі ұсынылған доза ас ішуге байланыссыз болжамды жыныстық белсенділік алдында 10 мг құрайды. Тадалафилді 10 мг дозада қабылдау қажетті әсер бермейтін пациенттерде 20 мг дозада қабылдауды байқап көру керек. Препаратты жыныстық белсенділіктен кемінде 30 минут бұрын қабылдау керек.

Ең жоғары дозаның жиілігі – тәулігіне бір рет.

ТАДАМЕД-20 жиі қолдануды (яғни аптасына кемінде екі рет) жоспарлаған пациенттер үшін ТАДАМЕД-20 ең төмен дозаларында бір реттік тәуліктік дозалау режимі пациентті таңдау және дәрігердің қорытындысы негізінде қаралуы мүмкін.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Эректильді дисфункцияны немесе қуық асты безінің қатерсіз гиперплазиясын емдеу үшін ТАДАМЕД-20 қабылдаған пациенттерде жиі хабарланатын жағымсыз реакциялар бас ауыруы, диспепсия, арқа ауыруы және миалгия болды, оларда ТАДАМЕД-20 дозасының жоғарылауымен жиілігі артты. Жағымсыз реакциялар уақытша және әдетте жеңіл немесе орташа дәрежеде болды. ТАДАМЕД-20 күніне бір рет қабылдау кезінде бас аурулары пайда болған жағдайлардың көпшілігі, емдеу басталғаннан кейін алғаш рет 10-30 күн байқалды.

Жиілік санаты: өте жиі (≥1/10), жиі (≥1/100 <1/10 дейін), жиі емес (≥1/1000 <1/100 дейін), сирек (≥1/10000 <1/1000 дейін), өте сирек (<1/10000) және белгісіз (хабарланған деректер бойынша бағалау мүмкін емес).

Жиі

- бас ауыруы

- қан кернеу

- мұрынның бітелуі

- диспепсия

- арқа ауыруы

- миалгия, қол-аяқтың ауыруы

Жиі емес

- аса жоғары сезімталдық реакциялары

- бас айналуы

- анық көрмеу, көздің ауыруы ретінде сипатталған сезімдер

- құлақтың шыңылдауы

- тахикардия, жиі жүрек қағуы

- артериялық гипотензия3, артериялық гипертензия

- ентігу, мұрыннан қан кету

- іш ауыруы, құсу, жүрек айнуы, гастроэзофагеальді рефлюкс

- бөртпе

- гематурия

- ұзақ эрекция

- кеуденің ауыруы1, шеткері ісіну, шаршау

Сирек

- ангионевроздық ісіну2

- инсульт1 (оның ішінде геморрагиялық оқиғалар), естен тану, транзиторлық ишемиялық шабуылдар1, бас сақинасы2, құрысулар2, транзиторлық амнезия

- көру өрісінің бұзылуы, қабақтың ісігі, конъюнктива гиперемиясы

- артериитпен байланысты емес алдыңғы ишемиялық оптикалық нейропатия (АЕАИОН)2, торлы қабық тамырларының окклюзиясы2

- кенеттен естімей қалу

- миокард инфарктісі, тұрақсыз стенокардия2, қарыншалық аритмия2

- есекжем, Стивенс-Джонсон синдромы2, эксфолиативті дерматит2, гипергидроз (қатты тершеңдік)

- приапизм, жыныс мүшесінің қанауы, гемоспермия

- беттің ісінуі2, кенттен жүректен болатын өлім1,2

Кейбір жағымсыз реакциялардың сипаттамасы

Плацебомен салыстырғанда күніне бір рет тадалафил қабылдаған пациенттерде ЭКГ-дағы ауытқулардың, ең алдымен синустық брадикардияның біршама жоғары жиілігі туралы хабарланды. ЭКГ-дағы осы аномалиялардың көпшілігі жағымсыз реакциялармен байланысты емес.

Пациенттердің басқа да ерекше топтары

Эректильді дисфункцияны емдеу үшін де, қуық асты безінің қатерсіз гиперплазиясын емдеу үшін де клиникалық зерттеулерде тадалафил алған 65 жастан асқан пациенттер бойынша деректер шектеулі. Талап бойынша эректильді дисфункцияны емдеу үшін тадалафил қолданылған клиникалық зерттеулерде 65 жастан асқан пациенттерде диарея туралы жиі хабарланған.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - тадалафил 20 мг

қосымша заттар: крахмал, лактоза моногидраты, микрокристалды целлюлоза, натрий кроскармеллозасы, кремнийдің коллоидты сусыз қостотығы, магний стеараты.

Қабығының құрамы: полиэтиленгликоль 6000, темірдің (II) сары тотығы (Е172), метиленхлорид, изопропил спирті.

Сыртқы түрінің, иісінің, дәмінің сипаттамасы

Дөңгелек пішінді, екі беті дөңес, ашық-сары түсті үлбірлі қабықпен қапталған таблеткалар.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде, 30° С-ден аспайтын температурада сақтау керек.

Балалардың қолы жетпейтін жерде сақтау керек.

Рецепт арқылы

Өндіруші туралы мәліметтер

Protech Biopharma Pvt. Ltd.

4/48 I & 4/49 I, Zone-I, SIDCO Industrial Growth Centre, Lassipora, Pulwama J&K, Пулвама, Үндістан

Tел: +91-194-2471183

Электронды мекенжайы: protechbiopharma@yahoo.com

Тіркеу куәлігінің ұстаушысы

Protech Biopharma Pvt. Ltd.

4/48 I & 4/49 I, Zone-I, SIDCO Industrial Growth Centre, Lassipora, Pulwama J&K, (Пулвама, Үндістан)

Tел: +91-194-2471183

Электронды мекенжайы: protechbiopharma@yahoo.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Динара Жолдыбалина

ҚР, Алматы қ., Ақсай-2 ықшам ауданы, 62 үй, 2 пәтер

Тел.:+77055074498; +87279731368

a.m.dinara@mail.ru