Тавин ЕМ

Тавин ЕМ

Жоқ

Үлбірлі қабықпен қапталған таблеткалар

Бір таблетканың құрамында

белсенді заттар: 200.00 мг эмтрицитабин және 300.00 мг тенофовир дизопроксил фумараты

қосымша заттар: микрокристалды целлюлоза (Avicel pH 102), натрий кроскармеллозасы, желатинделген крахмал, магний стеараты

Қабығы: Opadry АМВ White 80W68912

Ақтан ақ дерлік түске дейінгі үлбірлі қабықпен қапталған, капсула пішінді, бір жақ бетінде «EM» өрнегі және басқа жақ бетінде «144» өрнегі бар таблеткалар

Жүйелі қолдануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. АИТВ-инфекциясын емдеуге арналған вирусқа қарсы препараттар, біріктірілімдер. Тенофовир дизопроксилі және эмтрицитабин

АТХ коды J05AR03

Фармакокинетикасы

Сіңуі

Пероральді түрде қабылдаудан кейін препарат тез сіңеді, ал тенофовир дизопроксил фумараты тенофовирге айналады. Эмтрицитабиннің және тенофовирдің ең жоғары концентрациялары ашқарынға қабылдағаннан кейін 0.5-тен 3.0 сағатқа дейін сарысудан байқалады. Тамақпен бірге қабылдау тенофовирдің ең жоғары концентрацияға жетуінің шамамен төрттен үшінің кідіруіне және ашқарынға қабылдаумен салыстырғанда, құрамында май мөлшері жоғары немесе төмен тамақпен бірге қабылдаған кезде тенофовирдің AUC және Сmax мәндерінің, сәйкесінше, шамамен 35%-ға және 15%-ға артуына әкелді. Тенофовирдің сіңуін оңтайландыру үшін тамақпен бірге қабылдаған дұрыс.

Таралуы

Пероральді түрде қабылдағаннан кейін эмтрицитабин және тенофовир бүкіл организмге кең таралады. Эмтрицитабиннің адам қаны плазмасының ақуыздарымен іn vitro байланысуы <4%-ды құрады және 0.02-ден 200 мкг/мл-ге дейінгі ауқымда концентрацияға тәуелді болған жоқ. Тенофовирдің плазма ақуыздарымен in vitro немесе қан сарысуының ақуыздарымен байланысуы тенофовирдің 0.01-ден 25 мкг/мл-ге дейінгі концентрацияларының ауқымында, сәйкесінше, 0.7 және 7.2%-дан азды құрады.

Биотрансформациясы

Эмтрицитабиннің метаболизмі шектеулі. Эмтрицитабиннің биотрансформациясы 3’-сульфоксид диастереомерлері (дозаның шамамен 9%-ы) түзілетін тиолды бөлігінің тотығуын және 2’-О-глюкуронид (дозаның шамамен 4%-ы) түзілетін глюкурон қышқылының қосылысын қамтиды. Іn vitro зерттеулер тенофовир дизопроксил фумараты да, тенофовир де CYP450 ферменттерінің субстраттары болып табылмайтындығын көрсетті. Эмтрицитабин де, тенофовир де, препараттың биотрансформациясына қатысатын адамның CYP450 негізгі изоформаларының кез келгені арқылы препараттың in vitro метаболизмін тежеген жоқ. Сондай-ақ эмтрицитабин глюкуронидацияға жауап беретін фермент – уридин-5’-дифосфоглюкуронил трансферазаны тежеген жоқ.

Шығарылуы

Эмтрицитабин негізінен несепке жеткен доза (шамамен 86%) және нәжістерге жеткен доза (шамамен 14%) толық анықталған кезде бүйрек арқылы шығарылады. Эмтрицитабин дозасының 13%-ы несептен үш метаболит ретінде анықталды. Эмтрицитабиннің жүйелік клиренсі орта есеппен минутына 307 мл-ді құрады. Пероральді түрде қабылдағаннан кейін эмтрицитабиннің жартылай шығарылу кезеңі 10 сағатқа жуықты құрайды.

Тенофовир негізінен сүзілу жолымен, сонымен қатар белсенді тубулярлық тасымалдау жүйесінің жәрдемімен бүйрек арқылы шығарылады. Тенофовирдің шамамен алынған орташа клиренсі минутына 307 мл-ге жуықты құрайды. Бүйректік клиренсі шамамен минутына 210 мл деп баға берілді, бұл гломерулярлық сүзілу жылдамдығын арттырады. Бұл тенофовирдің шығарылуының маңызды бөлігі болып табылатындығын көрсетеді. Пероральді түрде қабылдаудан кейін тенофовирдің жартылай шығарылу кезеңі 12-18 сағатқа жуықты құрайды.

Егде жастағы пациенттер

Эмтрицитабинді немесе тенофовирді фармакокинетикалық зерттеулер егде жастағы пациенттерде (65 жастан бастап) жүргізілген жоқ.

Жынысы

Эмтрицитабиннің және тенофовирдің фармакокинетикасы еркектерде және әйелдерде ұқсас.

Этникалық тегі

Әртүрлі этникалық топ өкілдерінде эмтрицитабиннің фармакокинетикасында клиникалық тұрғыдан маңызды айырмашылықтар табылған жоқ. Тенофовирдің фармакокинетикасындағы ерекшеліктер әртүрлі этникалық топтардың өкілдерінде зерттелген жоқ.

Бүйрек функциясының бұзылулары

Бүйрек функциясы бұзылған пациенттерде жекелеген препараттар түрінде бір мезгілде немесе препараттың құрамында енгізуден кейін эмтрицитабиннің және тенофовирдің фармакокинетикасы бойынша деректер шектеулі болды. Фармакокинетика параметрлері негізінен бүйрек функциясы бұзылуларының әртүрлі дәрежесі бар, АИТВ-мен инфекцияланбаған пациенттер бір реттік дозаларды қабылдағаннан кейін анықталды. Бүйрек функциясының бұзылу дәрежесі креатинин клиренсінің (CrCl) бастапқы мәндеріне сәйкес анықталды (CrCl > 80 мл/мин кезінде бүйрек функциясының қалыпты; CrCl = 50-79 мл/мин кезінде аздаған бұзылулар; CrCl = 30-49 мл/мин кезінде орташа бұзылулар және CrCl = 10-29 мл/мин кезінде ауыр бұзылулар).

Эмтрицитабинге орташа (% CV) экспозиция бүйрек функциясы қалыпты пациенттерде 12 (25%) мкг*сағ./мл-ден бастап 20 (6%) мкг*сағ./мл дейін, бүйрек функциясының аздаған, орташа және ауыр бұзылулары бар пациенттерде 25 (23%) мкг*сағ./мл және 34 (6%) мкг*сағ./мл артты.

Тенофовирге орташа (% CV) экспозиция бүйрек функциясы қалыпты пациенттерде 2,185 (12 %) нг*сағ./мл-ден 3,064 (30 %) нг*сағ./мл дейін, бүйрек функциясының аздаған, орташа және ауыр бұзылулары бар пациенттерде 6,009 (42 %) нг*сағ./мл және 15,985 (45 %) нг*сағ./мл артты.

Препараттың дозалану аралығының артуы, бүйрек функциясы қалыпты болатын пациенттермен салыстырғанда, орташа бүйректік бұзылулары бар, АИТВ-1 жұқтырған пациенттерде қан плазмасында үлкен шектік концентрацияларға және Cmin мәнінің өте төмен деңгейлеріне әкеледі деп күтіледі.

Гемодиализ қажет, бүйрек ауруы терминальді сатыдағы (end-stage renal disease – ESRD) пациенттерде препаратқа экспозиция эмтрицитабинде 72 сағат ішінде 53 (19 %) мкг*сағ./мл дейін және тенофовирде 48 сағат ішінде 42,857 (29 %) нг*сағ./мл дейін артты.

Бауыр функциясының бұзылулары

Препараттың фармакокинетикасы бауыр функциясы бұзылған пациенттерде зерттелген жоқ.

Фармакодинамикасы

Әсер ету механизмі

Эмтрицитабин – бұл цитидиннің нуклеозидтік аналогы. Тенофовир дизопроксил фумараты in vivo тенофовир монофосфат нуклеозиді (нуклеотид) аденозин монофосфатының аналогына айналады. Эмтрицитабин де, сонымен қатар тенофовир де адамның иммун тапшылығы вирусына (АИТВ-1 және АИТВ-2) және В гепатиті вирусына тән болатын белсенділік танытады.

Эмтрицитабин және тенофовир жасушалық ферменттермен фосфорланып, сәйкесінше, эмтрицитабин трифосфатын және тенофовир дифосфатын түзеді. Іn vitro зерттеулер эмтрицитабин де, сонымен қатар тенофовир де біріктірілген кезде жасушаларда толық фосфорлануы мүмкін екендігін көрсетті. Эмтрицитабин трифосфаты және тенофовир дифосфаты АИТВ-1 кері транскриптазасын бәсекелес тежейді, бұл вирустың ДНҚ тізбегінің үзілуіне әкеледі.

Эмтрицитабин және тенофовир дифосфаты сүт қоректілердің ДНҚ полимеразасының әлсіз тежегіштері болып табылады, олардың in vitro және in vivo митохондриялық уыттылығының белгілері жоқ.

Вирустарға қарсы іn vitro белсенділігі

Вирустарға қарсы синергиялық белсенділігі in vitro эмтрицитабинді және тенофовирді біріктірген кезде байқалды. Синергиялық әсерлерге қосымшалар протеаза тежегіштерімен және АИТВ кері транскрипциясы тежегіштерінің нуклеозидтік және нуклеозидтік емес аналогтарымен біріктіру кезінде байқалды.

Резистенттілігі

In vitro. Резистенттілік эмтрицитабинде M184V/I орнын басудың немесе тенофовирде K65R орнын басудың дамуымен байланысты АИТВ-1 жұқтырған кейбір пациенттерде in vitro байқалды. M184V/I орнын басқан эмтрицитабин-резистенттік вирустар ламивудинге кросс-резистентті болды, бірақ диданозинге, ставудинге, тенофовирге және зидовудинге сезімталдығын сақтады. K65R орнын басу абакавирмен немесе диданозинмен қайтарып алынуы және осы заттарға, сондай-ақ ламивудинге, эмтрицитабинге және тенофовирге сезімталдықтың төмендеуіне әкелуі мүмкін. K65R орнын басатын, АИТВ-1 бар пациенттерге тенофовир дизопроксил фумаратын қолдануға жол бермеу керек. Бұдан басқа, АИТВ-1 кері транскриптазадағы K70E орнын басу тенофовирмен қайтарып алынды және абакавирге, эмтрицитабинге, ламивудинге және тенофовирге сезімталдықтың төмендеуіне әкелді.

Кері транскриптазада M41L немесе L210W орнын басуды қамтыған тимидин аналогтарымен (thymidine analogue associated mutations – TAMs) байланысты үш немесе одан көбірек орнын басушыларды экспрессиялайтын АИТВ-1 инфекциясы тенофовир дизопроксил фумаратына төмен сезімталдық көрсетті.

• ересек пациенттерде АИТВ-1 инфекциясын басқа антиретровирустық препараттармен біріктіріп емдеу үшін

Емді АИТВ-инфекциясын емдеу тәжірибесі бар дәрігер тағайындауы тиіс.

АИТВ-ні емдеу: тәулігіне бір рет бір таблеткадан.

Егер препарат дозасын өткізіп алса және әдеттегі қабылдау уақытынан бері 12 сағаттан азырақ уақыт өтсе, препаратты мүмкіндігінше тезірек тамақпен бірге қабылдау және қабылдауды әдеттегідей кесте бойынша қайта бастау керек.

Егер препарат дозасын өткізіп алса және тиісті қабылдау кезінен бастап 12 сағаттан астам уақыт өтсе және келесі дозаны қабылдау уақыты жақындаса, өткізіп алған дозаны қабылдамау және дозаны жай әдеттегі кесте бойынша қайта бастау керек.

Егер препаратты қабылдағаннан кейін 1 сағат ішінде құсу орын алса, басқа таблетканы қабылдау керек. Егер құсу препаратты қабылдаудан кейін 1 сағаттан көбірек уақыт ішінде туындаса, екінші дозаны қабылдамау керек.

Пациенттердің ерекше топтары

Егде жастағы пациенттерде дозаны түзетудің қажеті жоқ.

Бүйрек функциясының бұзылулары. Эмтрицитабин және тенофовир организмнен бүйрек арқылы шығарылады, сондықтан эмтрицитабиннің және тенофовирдің экспозициясы бүйрек функциясының дисфункциясы бар пациенттерде артады.

Бүйрек функциясы бұзылған ересек пациенттер

Креатинин клиренсі (CrCl) минутына 80 мл-ден төмен болатын пациенттерге препараттың ықтимал пайдасы ықтимал қаупінен басым болатын жағдайларда ғана тағайындау керек.

Бүйрек функциясы бұзылған ересек пациенттер үшін дозалау жөніндегі нұсқаулар

Жағымсыз әсерлердің жиынтық кестесі

Клиникалық зерттеулерде және АИТВ-1 жұқтырған пациенттерде тіркеуден кейінгі бақылауда тіркелген, Тавин ЕМ препаратының компоненттерімен емдеуге қатысты жағымсыз әсерлер 2-кестеде ағзалар жүйесінің кластары және жиілігі бойынша берілген. Жиілігі бойынша әрбір топ шегінде жағымсыз әсерлер күрделілігінің азаю ретімен берілген. Жиілігі бойынша жағымсыз әсерлер былайша белгіленген: өте жиі (≥1/10), жиі ( ≥1/100-дейн <1/10 дейін), жиі емес (≥1/1000-нан <1/100 дейін) және сирек ( ≥1/10 000-нан <1/1000 дейін).

2-кесте.

Клиникалық зерттеулер және постмаркетингтік талдау негізінде Тавин ЕМ препаратының жекелеген компоненттерімен байланысты жағымсыз әсерлері туралы қысқаша деректер

1 Осы жағымсыз әсер проксимальді бүйрек тубулопатиясы салдарынан дамуы мүмкін. Оның осы жағдай жоқ болған кезде тенофовир дизопроксил фумаратымен себептік байланысы бар деп саналмайды.

Жекелеген жағымсыз әсерлердің сипаттамасы

Бүйрек функциясының бұзылуы. Тавин ЕМ препараты бүйректің зақымдануын туындатуы мүмкін болғандықтан, бүйрек функциясын мұқият бақылау ұсынылады. Проксимальді бүйректік тубулопатия әдетте қайтады немесе оның ауырлығы тенофовир дизопроксил фумаратын қабылдауды тоқтатқаннан кейін төмендеді. Алайда кейбір АИТВ-1 жұқтырған пациенттерде, тенофовир дизопроксил фумаратын қабылдауды тоқтатқанға қарамастан, бүйрек клиренсінің төмендеуі толық қайтқан жоқ. Бүйректің зақымдану қаупі бар (мысалы, емделуге дейін бүйректің зақымдану қаупі болған, АИТВ-инфекциясының кеш сатылары бар немесе нефроуытты препараттарды қатарластыра қабылдап жүрген) пациенттерде тенофовир дизопроксил фумаратын қабылдауды тоқтатудан кейін бүйрек функциясының қалпына келуінің толық болмау қаупі бар.

Диданозинмен өзара әрекеттесуі. Тенофовир дизопроксил фумаратын диданозинмен бірге қолдану ұсынылмайды, өйткені диданозиннің жүйелік экспозициясының 40-60%-ға жоғарылауына әкеледі және диданозин әсерінен туындаған жағымсыз әсерлердің қаупімен қоса жүруі мүмкін. Сирек жағдайларда өлімге әкелетін панкреатит және лактат-ацидоз білінді.

Метаболизм параметрлері. Дененің салмағы, сондай-ақ қандағы липидтердің және глюкозаның деңгейлері антиретровирустық ем кезінде жоғарылауы мүмкін.

Иммундық реактивация синдромы. Иммундық ауыр жеткіліксіздігі бар, АИТВ-жұқтырған пациенттерде біріктірілген антиретровирустық емді (БАРЕ) енгізу кезінде симптомсыз немесе қалдық оппортунистік инфекцияларға қабыну реакциясын туындатуы мүмкін. Сондай-ақ аутоиммундық бұзылулар (мысалы, Грейвс ауруы) білінді, алайда олардың тіркелген туындау мерзімдері көбірек құбылмалы және осы құбылыстар препаратты қабылдауды бастағаннан кейін көп айдан соң дамуы мүмкін.

Остеонекроз. Остеонекроз жағдайлары туралы, әсіресе жалпы мақұлданған қауіп факторлары, АИТВ-инфекциясының кеш сатылары бар немесе ұзақ уақыт БАРЕ қолданған пациенттерде мәлімделді. Мұндай жағдайлардың жиілігі белгісіз.

Басқа ерекше топтар

Бүйрек функциясы бұзылған пациенттер

Тенофовир дизопроксил фумаратының бүйрекке уытты әсер етуі мүмкін болғандықтан, Тавин ЕМ препаратын қабылдап жүрген, бүйрек функциясының бұзылулары бар барлық ересек пациенттерде бүйрек функциясын мұқият бақылау ұсынылады.

АИТВ/ВГВ немесе АИТВ/СГВ коинфекциясы бар пациенттер.

GS-01-934 зерттеулерінде ВГВ (n=13) немесе СГВ коинфекциясы (n=26) бар пациенттердің шектеулі санында эмтрицитабинді және тенофовир дизопроксил фумаратын қабылдаудан болған жағымсыз әсерлердің бейіні коинфекциясыз АИТВ-жұқтырған пациенттердегідей болды. Алайда паценттердің осы популяциясында, АИТВ- жұқтырған жалпы популяцияларға қарағанда, АСТ және АЛТ жоғарылауы жиі болатыны күтілді.

Препаратты қабылдауды тоқтатқаннан кейін гепатиттің өршуі.

ВГВ-жұқтырған пациенттерде препаратты қабылдауды тоқтатқаннан кейін гепатиттің клиникалық және зертханалық белгілері байқалды.

Жағымсыз әсерлер туындаған кезде емдеуші дәрігерге қаралу қажет.

• әсер етуші затқа немесе қосымша заттардың кез келгеніне жоғары сезімталдық

• 18 жасқа дейінгі балалар мен жасөспірімдерге

Эмтрицитабиннің дені сау ерікті адамдарда тенофовир дизопроксил фумаратымен (ТДФ), зидовудинмен, индинавирмен, фамцикловирмен және ставудинмен біріктіріліміне баға берілді. Тенофовир дизопроксил фумаратымен бір мезгілде қолданғанда эмтрицитабиннің ең төмен (қалдық) концентрациясының 20%-ға жоғарылағаны байқалды. Эмтрицитабинді және зидовудинді бір мезгілде қолданғанда зидовудиннің ҚАА ("концентрация - уақыт" қисығының астындағы аудан) және Cmax мәндері, сәйкесінше, 13%-ға және 17%-ға жоғарылады. Эмтрицитабиннің бүйректік элиминациясы шумақтық сүзілу және белсенді өзекшелік секреция арқылы жүзеге асырылатын болғандықтан, организмнен бүйрек арқылы шығарылатын басқа да препараттармен бәсеке пайда болуы мүмкін. Тенофовир дизопроксил фумаратымен бірге қолданған кезде, буферлік таблеткалар және ішекте еритін қабығы бар таблеткалар түріндегі диданозиннің Cmax және ҚАА мәндері едәуір жоғарылады. Диданозин концентрациясының осындай шамаға жоғарылауы диданозинмен астасқан, панкреатитті және нейропатияны қоса, жағымсыз құбылыстарды күшейтуі мүмкін. Тенофовир дизопроксил фумаратын және диданозинді бірге қолдануды сақтықпен жүзеге асыру қажет, және тенофовир дизопроксил фумаратының диданозинмен біріктірілімін қабылдап жүрген пациенттерге диданозинмен астасқан жағымсыз әсерлерді анықтау мақсатында мұқият бақылау жүргізу керек. Диданозинмен астасқан жағымсыз әсерлер дамыған пациенттерде диданозинді қолдануды тоқтата тұру қажет. Атазанавир және лопинавир / ритонавир тенофовирдің концентрациясын арттыратындығын көрсетті. Атазанавирді немесе лопинавирді / ритонавирді тенофовир дизопроксил фумаратымен бір мезгілде қабылдап жүрген пациенттерге тенофовир дизопроксил фумаратымен астасқан жағымсыз құбылыстарды анықтау тұрғысында бақылау жүргізу қажет. Тенофовир дизопроксил фумаратын қолдануды тенофовир дизопроксил фумаратымен астасқан жағымсыз құбылыстар дамыған пациенттерде тоқтата тұру қажет. Тенофовир дизопроксил фумараты атазанавирдің ҚАА және Cmin мәндерін төмендетеді. Тенофовир дизопроксил фумаратымен бір мезгілде қолданғанда 300 мг атазанавирді 100 мг ритонавирмен бірге қабылдау ұсынылады; атазанавирді ритонавирсіз тенофовир дизопроксил фумаратымен бір мезгілде қолдануға болмайды. Осы препаратты қолданған кезде ритонавирсіз атазанавирді бір мезгілде қолдануға болмайды. Белсенді өзекшелік секреция арқылы шығарылатын цидофовир, ацикловир, валацикловир, ганцикловир және валганцикловир сияқты басқа препараттармен бір мезгілде қолдану не тенофовирдің, немесе организмнен шығарылу жолы бәсекелес болғандықтан, бір мезгілде қолданылатын препараттың сарысулық концентрациялары жоғарылауы мүмкін.

Антиретровирустық ем қабылдаған пациенттерде, орталықтан семіздікті, майдың дорсоцервикальді жиналуын (бизон өркеші), май тіндерінің шеткері жоғалуын, беттегі май тіндерінің жоғалуын, кеуденің үлкеюін және "кушингоидтық әлпетті" қоса, денедегі май тіндерінің басқаша қайта таралуы/жинақталуы байқалды. Осы құбылыстардың механизмі және ұзақ уақыттық зардаптары қазіргі таңда белгісіз. Нуклеозидтердің аналогтарын монотерапия түрінде немесе, эмтрицитабинді және тенофовирді қоса, басқа препараттармен біріктіріп қолданғанда сүт қышқылды ацидоз және, өліммен аяқталуды қоса, стеатозбен бірге бауырдың ауыр ұлғаюы туралы мәлімдемелер түсті. Біріктірілген антиретровирустық ем қабылдаған пациенттерде иммундық қалпына келу синдромы туралы мәлімделді. Бұл препаратты нуклеозидті пайдаланып, үш компоненттік біріктірілген ем құрамында қолдану ұсынылмайды.

Бүйрек функциясының жеткіліксіздігі бар пациенттер

Эмтрицитабин және тенофовир организмнен бүйрек арқылы біріктірілген жолмен – шумақтық сүзілу және белсенді өзекшелік секреция жолымен шығарылады. Эмтрицитабиннің және тенофовирдің экспозициясы бүйрек функциясының орташа немесе ауыр жеткіліксіздігі бар пациенттерде айқын жоғарылауы мүмкін. Демек, креатинин клиренсі 30 – 49 мл/мин. пациенттерде дозалау аралығын түзету қажет. Бүйрек функциясының жеткіліксіздігі бар пациенттерде эмтрицитабиннің және тенофовирдің қауіпсіздігі және тиімділігі анықталған жоқ. Мұның алдында бүйрек функциясының жеткіліксіздігі бар пациенттерде бүйрек функциясының нашарлауы сияқты уыттылық симптомдарына, және вирус жүктемесінің өзгеруіне мұқият мониторинг жүргізу қажет, өйткені эмтрицитабин және тенофовир ұзаққа созылған уақыт кезеңі ішінде қабылдануы тиіс деп жорамалданады. Эмтрицитабинді және тенофовирді креатинин клиренсі < 30 мл/мин. пациенттерде немесе гемодиализдегі пациенттерде қолдану ұсынылмайды.

Осы препаратты қолданған кезде эмтрицитабиннің және тенофовир дизопроксил фумаратының қажетті дозаларын модификациялауды жүзеге асыру мүмкін емес болғандықтан, оны бүйрек функциясының орташа немесе ауыр жеткіліксіздігі бар (креатинин клиренсі < 30 мл/мин) пациенттерде оны қолдану ұсынылмайды. Тенофовир дизопроксил фумараты қолданылған клиникалық іс-тәжірибеде өзіне гипофосфатемияны қамтуы мүмкін бүйрек тарапынан асқынулар байқалды. Осы препаратты қолданар алдында, сондай-ақ оны қолданудың алғашқы айы ішінде төрт аптада бір рет, содан кейін үш айда бір рет бүйрек функциясына (сарысулық кретинин және сарысулық фосфаттар) мұқият мониторинг ұсынылады. Бүйрек дисфункциясы анамнезінде бар пациенттер немесе бүйрек дисфункциясының даму қаупі бар пациенттер үшін бүйрек функциясына өте жиі мониторинг қажет болатындығын ескеру қажет. Осы препаратты нефроуыттық дәрілік заттарды бір мезгілде немесе жуық арада қолданудан кейін қабылдауға жол бермеу керек.

АИТВ-1 К65R мутациясы бар пациенттер

Антиретровирустық ем қабылдаған, АИТВ-1 K65R мутациясы бар пациенттерде осы препаратты қабылдауға жол бермеу керек. 144 апталық бақыланатын клиникалық зерттеулерде бұрын антиретровирустық ем қабылдамаған пациенттерде тенофовир дизопроксил фумаратын ламивудинмен және эфавирензбен біріктіріліміндегі ставудинмен салыстырғанда, емдеудің зерттелетін түрлерін қабылдаған екі топта да сан аймағындағы және омыртқадағы сүйектердің минералды тығыздығының аздаған төмендеуі байқалды. 144 аптадан кейін омыртқа сүйектерінің минералды тығыздығының төмендеуі және сүйек биомаркерлерінің өзгерістері тенофовир дизопроксил фумаратын қабылдаған топта едәуір көп болды. 96 аптаға дейінгі кезеңде осы топта ортан жілік аймағындағы сүйектің минералды тығыздығы өте елеулі төмендеді. 144 апта бойы, алайда, сүйектерде сынудың жоғары қаупі немесе немесе клиникалық тұрғыдан маңызды сүйек патологияларының белгілері байқалған жоқ. Егер сүйектердің патологиясына күдіктер бар болса, онда маман-дәрігерден тиісті кеңес алу қажет.

АИТВ және В немесе С гепатиті вирусының коинфекциясы бар пациенттер

Антиретровирустық ем қабылдап жүрген, В немесе С созылмалы гепатиті бар пациенттер бауыр тарапынан ауыр және потенциалды өлімге әкелетін жағымсыз реакциялардың қаупі жоғары топқа кіреді. Дәрігерлер В гепатиті вирусының (ВГВ) коинфекциясы бар пациенттерде АИТВ-ні оңтайлы емдеу жөнінде нұсқаулар алу үшін АИТВ-ні емдеу жөніндегі ағымдағы нұсқаулықтарды қарап шығуы тиіс. Пациенттерде эмтрицитабин немесе тенофовир дизопроксил фумаратын қабылдауды тоқтатқаннан кейін гепатиттің өршуі білінді. Бұл препарат созылмалы ВГВ инфекциясын емдеу үшін ұсынылмайды, және ВГВ және АИТВ-1 коинфекцияланған пациенттерде оның қауіпсіздігі және тиімділігі анықталған жоқ.

Бауыр аурулары бар пациенттер

Бауыр функциясының елеулі негізгі бұзылулары бар пациенттерде эмтрицитабиннің және тенофовир дизопроксил фумаратының қауіпсіздігі және тиімділігі анықталған жоқ. Бауырлық метаболизмнің өте төмендігін және препараттың организмнен бүйрек арқылы шығарылатындығын ескерер болсақ, бауыр функциясының жеткіліксіздігі бар пациенттерде осы препараттың дозасын түзетудің қажет болуының мүмкін екендігі екіталай. Мұның алдында болған белсенді сатыдағы созылмалы гепатитті қоса, бауыр дисфункциясы бар пациенттерде біріктірілген антиретровирустық емдеу кезеңінде бауыр функциясы ауытқуының жоғары жиілігі білінді, және мұндай пациенттерде стандартты іс-тәжірибеге сәйкес бақылау жүргізу қажет. Егер мұндай пациенттерде бауыр ауруларының нашарлау белгілері пайда болса, онда емдеуді уақытша тоқтата тұру немесе толық тоқтату мүмкіндігін қарастыру қажет.

Сүт қышқылды ацидоз

Нуклеозидтердің аналогтарын қолданған кезде әдетте бауыр стеатозымен астасқан сүт қышқылды ацидоз туралы мәлімдемелер түсті. Ерте симптомдары (симптоматикалық гиперлактатемия) өзіне асқазан-ішек жолы тарапынан қатерлі симптомдарды (жүректің айнуын, құсуды және іштің ауыруын), спецификалық емес жалпы дімкәстікті, тәбеттің болмауын, дене салмағын жоғалтуды, респираторлық симптомдарды (моторлы (қимыл-қозғалыс) әлсіздігін қоса) қамтиды. Сүт қышқылды ацидозда жоғары өлім-жітім панкреатитпен, бауыр функциясының жеткіліксіздігімен немесе бүйрек функциясының жеткіліксіздігімен астасуы мүмкін. Сүт қышқылды ацидоз әдетте емдеудің бірнеше айы өткеннен кейін пайда болады. Симптоматикалық гиперлактатемия және метаболизмдік сүт қышқылды ацидоз, үдемелі гепатомегалия немесе аминотрасфераза тез жоғарылайтын деңгейде болғанда нуклеозидтердің аналогтарымен емдеуді тоқтату ұсынылады.

Жүктілік

Жүктілік кезінде Тавин ЕМ препаратын, оны қолданудың айқын қажеттілігінен басқасында, қолдануға болмайды.

Лактация

АИТВ-жұқтырған әйелдерге АИТВ-нің постнатальді жұғу қаупіне жол бермеу үшін өз балаларына емшек емізу ұсынылмайды. Зерттеулер емшек сүтіне эмтрицитабиннің және тенофовирдің бөлініп шығатындығын көрсетті. Эмтрицитабиннің және тенофовирдің жаңа туған нәрестелерге/сәбилерге ықпалы туралы және адамда емшек сүтіне эмтрицитабиннің өтуі мүмкін екендігі туралы деректер жеткіліксіз. Сондықтан Тавин ЕМ препаратын емшек емізу кезінде қолданбау керек.

Көлікті және басқа да потенциалды қауіпті механизмдерді басқару қабілетіне дәрілік заттың ықпал етуі

Автокөлікті басқару және механизмдерді пайдалану қабілетіне ықпал етуіне қатысты зрттеулер жүргізілген жоқ. Пациенттерді эмтрицитабинмен және тенофовир дизопроксил фумаратымен емдеген кезде бас айналу туралы мәлімдемелердің болғанынан хабардар еткен жөн.

Симптомдары: артық дозаланған жағдайда пациент уыттылық белгілеріне қатысты бақылауда болуы тиіс.

Емі: қажет болған кезде стандартты демеуші емді қолдану керек. Эмтрицитабиннің 30%-ға дейінгі дозасы және тенофовирдің шамамен 10% дозасы гемодиализ жәрдемімен шығарылуы мүмкін. Эмтрицитабиннің және тенофовирдің перитонеальді диализдің жәрдемімен шығарылатыны-шығарылмайтындығы белгісіз.

Шығарылу түрі және қаптамасы

Ақ түсті бұрап жабылатын қақпағы бар, ақ түсті, мөлдір емес, тығыздығы жоғары полиэтиленнен жасалған құтыға 30 г силикагелі бар пакетпен бірге 30 таблеткадан салынған.

1 құты медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

Emcure Pharmaceuticals Ltd

Plot No.P-2, Phase II, I T.B.T. Park, M.I.D.C. Hinjаwadi, Pune 411057, Maharashtra State, India (Үндістан)

Тіркеу куәлігінің ұстаушысы

Emcure Pharmaceuticals Ltd

India (Үндістан)

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын және тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері (телефон, факс, электронды пошта)

«Regicom» ЖК

Қазақстан Республикасы, 050000, Алматы қ., Абылай хан даңғ., 122, 12 кеңсе

Тел. (727) 261-22-15 (фармқадағалау)

e-mail: safety@regicompany.com

24 сағат бойы қолжетімді телефон: +7 705 132 78-51