Тавегил® (раствор для внутривенного и внутримышечного введения, 1 мг/1 мл)

• русский
• қазақша

• Скачать инструкцию медикамента

Саудалық атауы

ТавегилÒ

Халықаралық патенттелмеген атауы

Клемастин

Дәрілік түрі

Көктамыр ішіне және бұлшықет ішіне енгізуге арналған 1 мг/1 мл, 2 мл ерітінді

Құрамы

2 мл ерітіндінің құрамында

белсенді заттар - 2 мг клемастинге баламалы 2.68 мг клемастин гидрофумараты,

қосымша заттар: сорбитол, этанол 96%, пропиленгликоль, натрий цитраты, инъекцияға арналған су.

Сипаттамасы

Түссізден бозғылт-сары немесе бозғылт-жасыл-сары түске дейінгі мөлдір ерітінді.

Фармакотерапиялық тобы

Гистаминге қарсы жүйелі әсер ететін дәрілер.

Аминоалкилді эфирлер

АТХ коды R06AA04

Фармакологиялық қасиеттері

Фармакокинетикасы

Плазма ақуыздарымен байланысуы 95 % құрайды.

Клемастин бауырда елеулі метаболизмге ұшырайды. Метаболиттер негізінен (45-65 %) бүйрек арқылы несеппен шығарылады; өзгермеген белсенді зат іздік мөлшерлерде ғана несептен табылады.

Лактация кезеңінде клемастиннің аздаған мөлшері ана сүтіне өтуі мүмкін.

Фармакодинамикасы

Тавегил® Н1-рецепторларының антагонисі болып табылады.

Бензогидрилді эфирлер тобының гистаминге қарсы дәрілеріне жатады, қылтамырлардың өткізгіштігін азайтады, жылдам басталуымен және 12 сағатқа жететін әсер ету ұзақтығымен сипатталатын аллергияға қарсы және қышынуға қарсы әсер көрсетеді.

Қолданылуы

- аллергиялық және жалған аллергиялық реакциялардың алдын алу және емдеу, соның ішінде контрастылы заттар енгізу, қан құю, гистаминді диагностикалық қолдану кезінде

- ангионевротикалық ісіну, анафилактикалық шок немесе анафилактоидтық реакциялар, қосымша дәрі ретінде

Қолдану тәсілі және дозалары

Ересектерге: орташа дозасы 2 мг/2 мл, яғни 1 ампуланың ішіндегісін құрайды. Препаратты таңертең және кешкілік көктамыр ішіне және бұлшықет ішіне енгізеді.

Алдын алу мақсатында препарат анафилактикалық реакциялардың немесе гистамин қолдануға жауап реакциясының болжамды пайда болуынан бұрын тікелей 2 мл дозада көктамыр ішіне баяу енгізіледі. Препарат ерітіндісін 1:5 арақатынаста натрий хлоридінің изотониялық ерітіндісімен немесе 5 % глюкоза ерітіндісімен қосымша сұйылтуға болады.

Балаларға: дозасын алдын ала екі инъекцияға бөліп, бұлшықет ішіне тәулігіне 0.025 мг/кг.

Жағымсыз әсерлері

Жиі (≥ 1/100-ден < 1/10-ға дейін)

- қатты қажу

- тыныштандыру әсері, мәңгіру

Кейде (≥ 1/1000-нан < 1/100-ге дейін)

- бас айналу

- ентігу

- аса жоғары сезімталдық реакциялары

Сирек (≥ 1/10000-нан < 1/1000-ға дейін)

- бас ауыру

- қатты ашушаңдық

- жүрек айну, эпигастрийдегі ауырулар, ауыздың кеберсуі

- есекжем, тері қышынуы

Өте сирек (< 1/10000)

- іш қату

- тахикардия

- анафилактикалық шок.

Қолдануға болмайтын жағдайлар

- клемастинге және химиялық құрылымы жағынан ұқсас гистаминге қарсы басқа препараттарға немесе қосымша заттардың кез келгеніне жоғары сезімталдық

- дәрілік препаратта сорбитол болуына байланысты, сирек тұқым қуалайтын фруктозаны көтере алмаушылық

- порфирия

- жүктілік және лактация кезеңі

- 1 жасқа дейінгі сәбилерге

Сақтанумен:

- асқазан мен он екі елі ішектің стеноздаушы ойық жарасы, пилородуоденальді обструкциясы, қуық мойынының обструкциясы, несеп іркілісімен қатар жүретін қуық асты безінің гипертрофиясы, көзішілік қысымның көтерілуі және жабық бұрышты глаукомасы бар емделушілерде.

Дәрілермен өзара әрекеттесуі

Тавегил® ОЖЖ-сін бәсеңдететін дәрілік заттардың (ұйықтататын, тыныштандыратын дәрілердің, анксиолитиктердің, үш циклды антидепрессанттардың, апиынды анальгетиктердің), M-холиноблокаторлардың, сондай-ақ алкогольдің әсерін күшейтеді. Моноаминооксидаза тежегіштерін бір мезгілде қабылдаумен үйлесімсіз. Варфарин әсерін күшейтеді (антикоагулянт).

Айрықша нұсқаулар

Препаратты артерия ішіне енгізуге рұқсат етілмейді!

Көктамыр ішіне енгізу баяу атқарылуы тиіс (2-3 минуттан көп уақыт ішінде)

Тавегил® асқазанның стеноздаушы ойық жарасы, пилородуоденальді обструкциясы, қуық мойынының обструкциясы, сондай-ақ несеп іркілісімен қатар жүретін қуық асты безінің гипертрофиясы, көзішілік қысымның көтерілуі және жабық бұрышты глаукомасы бар емделушілерде қолданылғанда ерекше сақтық шарасын қадағалау керек.

Препарат құрамына этанол кіреді, осыған орай алкоголизмнен зардап шегетін тұлғаларға қабылдау ұсынылмайды. Сонымен қатар, жоғары қауіп тобына (бауыр аурулары, эпилепсия) жататын балалар мен емделушілерге тағайындалғанда этанолдың бар екенін ескеру қажет.

Дәрілік заттың көлік құралын немесе қандай да бір қауіптілігі зор басқа механизмдерді басқару қабілетіне әсер ету ерекшеліктері

Тавегил®, болымсыз немесе орташа тыныштандырғыш әсер көрсетеді, сондықтан көлік құралын жүргізуді және қандай да бір қауіптілігі зор басқа механизмдермен жұмыс істеуді қоя тұру ұсынылады.

Артық дозалану

Симптомдары. Гистаминге қарсы дәрілермен артық дозалану ОЖЖ-не көрсететін бәсеңдету әсеріне де, көтермелеу әсеріне де әкелуі мүмкін, бұл сананың көмескіленуімен, қатты ашушаңдықпен, елестеулермен және құрысулармен көрінеді. Сонымен бірге, антихолинергиялық әсер ету құбылыстары дамуы мүмкін: ауыздың кеберсуі, қарашықтың қалтқысыз кеңейіп кетуі, дененің жоғарғы жартысына қан тебу, асқазан-ішек жолы тарапынан бұзылулар (жүрек айну, эпигастрийдегі ауыру, құсу) және тахикардия болуы мүмкін.

Емі: симптоматикалық.

Шығарылу түрі және қаптамасы

2 мл препараттан I класты гидролитикалық түссіз шыны ампулаларда.

Пластик тұғырдағы 5 ампуладан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

30 0С-ден аспайтын температурада сақтау керек.

Балалардың қолы жетпейтін жерде сақтау керек!

Жарамдылық мерзімі

5 жыл

Қаптамасында көрсетілген мерзімнен кейін пайдалануға болмайды.

Дәріханалардан босатылу шарттары

Рецепт арқылы

Өндіруші ұйымның атауы және елі

Такеда Австрия ГмбХ, Австрия.

Ст-Петер-Штрассе 25, А-4020 Линц, Австрия.

Тіркеу куәлігі иесінің атауы және елі

Новартис Консьюмер Хелс СА, Швейцария

Қаптаушы ұйымның атауы және елі

Такеда Австрия ГмбХ, Австрия

Қазақстан Республикасының аумағында тұтынушылардан өнім сапасына қатысты шағымдар қабылдайтын ұйымның мекенжайы

Алматы қ., Луганский к-сі, 96

тел. 8-800-080-0650 (Қазақстан Республикасы бойынша барлық стационарлық телефондардан тегін)

факс: (727) 258-33-03

e-mail: drugsafety.cis@novartis.com