Супероцеф - Элеас

МНН: Цефоперазон + Сульбактам
Производитель: Элеас ПФК ТОО
Анатомо-терапевтическо-химическая классификация: Цефоперазон в комбинации с другими препаратами
Номер регистрации в РК: № РК-ЛС-3№019976
Период регистрации: 05.07.2016 - 05.07.2021
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 463.07 KZT

Инструкция

Саудалық атауы

СУПЕРОЦЕФ-ЭЛЕАС

Халықаралық патенттелмеген атауы

Жоқ

Дәрілік түрі

Инъекция үшін ерітінді дайындауға арналған 2 г ұнтақ

Бір құтының ішінде граммен:

Натрий сульбактамы мен натрий цефоперазонының стерильді қоспасы, соның ішінде:

белсенді зат:

натрий сульбактамы (сульбактамға шаққанда) - 1.0 г,

натрий цефоперазоны (цефаперазонға шаққанда) - 1.0 г.

Сипаттамасы

Крем тәрізді реңі бар ақ немесе ақ дерлік кристалл ұнтақ.

Фармакотерапиялық тобы

Жүйелі пайдалануға арналған бактерияға қарсы препараттар. Басқа да бактерияға қарсы бета-лактамды препараттар. Үшінші буын цефалоспориндері. Басқа препараттармен біріктірілген цефаперазон.

АТХ коды J01DD62

Фармакологиялық қасиеттері

Фармакокинетикасы

Таралуы

Сульбактам мен цефоперазонның ең жоғары концентрациялары көктамыр ішіне 5 минут iшінде 2 г сульбактам/цефоперазон (1 г сульбактам, 1 г цефоперазон) енгізуден кейін, тиісінше, орта есеппен, 130.2 және 236.8 мкг/мл құрады. Бұл, цефоперазонның (Vd = 10.2-11.3 л) осындайымен салыстырғанда, сульбактамның (Vd = 18.0-27.6 л) жоғарырақ таралу көлемін көріністейді.

Сульбактам мен цефоперазон өт, өт қалтасы, тері, аппендикс, фаллопий түтіктерін, аналық бездер, жатырды және т.б. қоса, әртүрлі тіндер мен сұйықтықтарда жақсы таралады.

Шығарылуы

Сульбактам/цефоперазон енгізу кезінде сульбактам дозасының 84% және цефоперазон дозасының 25% шамасы бүйрекпен шығарылады. Цефоперазонның қалған бөлігі, негізінен, өтпен шығарылады. Сульбактам/цефоперазон енгізілгенде жартылай шығарылу кезеңі, орта есеппен, сульбактамда 1 сағатқа, цефоперазонда 1,7 сағатқа жуық құрайды. Қайталап қолданғанда сульбактам/цефоперазон компоненттерінің екеуінің де фармакокинетикасында елеулі өзгерістер білінбейді. Препаратты әр 8-12 сағат сайын енгізгенде жинақталуы байқалмайды.

Бауыр функциясының бұзылуында қолдану

Цефоперазон, негізінен, өтпен шығарылады. Бауыр аурулары және/немесе өт жолдарының обструкциясы бар пациенттерде, әдетте, цефоперазонның қан сарысуынан жартылай шығарылу кезеңі ұзарады және препараттың несеппен бөлінуі көбейеді. Тіпті бауыр функциясының ауыр бұзылуында да цефоперазон өтте емдік концентрацияларына жетеді және жартылай шығарылу кезеңінің тек 2-4 есе ұзаруы байқалады.

Өт жолдарының ауыр обструкциясы, ауыр сипатты бауыр ауруы, сондай-ақ аталған жағдайлардың кез келгенімен астасқан бүйрек функциясының бұзылуы жағдайында дозаны өзгерту қажет болуы мүмкін.

Бауыр ауруының бұзылуы және бүйрек функциясының қатарлас бұзылуы бар пациенттерде қан сарысуындағы цефоперазон деңгейіне мұқият мониторинг жасап, қажет болған жағдайда, оның дозасын түзету қажет. Егер қан сарысуындағы цефоперазон деңгейіне жүйелі зерттеулер жүргізілмесе, оның тәуліктік дозасы 2 г-ден аспауы тиіс.

Бүйрек функциясының бұзылуында қолдану

Сульбактам/цефоперазон алған бүйрек жеткіліксіздігінің әртүрлі дәрежесіндегі науқастарда организмнен сульбактамның жалпы клиренсі мен есептік креатинин клиренсінің арасында жоғары өзара байланыс анықталған. Терминалдық бүйрек жеткіліксіздігі бар науқастарда сульбактамның жартылай шығарылу кезеңінің едәуір ұзаруы анықталған (әртүрлі зерттеулерде, орта есеппен, 6.9 және 9.7 сағат). Гемодиализ сульбактамның жартылай шығарылу кезеңінің, организмнен жалпы клиренсінің және таралу көлемінің елеулі өзгерістерін туындатты. Бүйрек жеткіліксіздігі бар науқастарда цефоперазон фармакокинетикасының елеулі өзгерістері байқалмаған.

Егде жастағы адамдарда қолдану

Сульбактам/цефоперазон фармакокинетикасы бүйрек жеткіліксіздігіне шалдыққан және бауыр функциясы бұзылған егде жастағы адамдарда зерттелген. Сульбактамның да, цефоперазонның да жартылай шығарылу кезеңінің ұзаруы, клиренсінің төмендеуі және таралу көлемінің ұлғаюы анықталған. Сульбактам фармакокинетикасы бүйрек функциясының бұзылу дәрежесімен, ал цефоперазон фармакокинетикасы бауыр функциясының бұзылу дәрежесімен өзара байланысты болды.

Балаларда қолдану

Балаларда жүргізілген зерттеулерде сульбактам/цефоперазон фармакокинетикасының, ересектердегі осындаймен салыстырғанда, елеулі өзгерістері анықталмаған. Балалардағы орташа жартылай шығарылу кезеңі сульбактамда 0,91-ден 1,42 сағатқа дейін, цефоперазонда 1,44-тен 1,88 сағатқа дейін құрады.

Фармакодинамикаcы

Супероцеф-Элеас бактерияға қарсы компоненттері – сульбактам және цефоперазон. Цефоперазон – жасуша қабырғасының мукопептид биосинтезін бәсеңдету жолымен олардың белсенді көбеюі кезінде сезімтал микроорганизмдерге әсер ететін үшінші буын цефалоспорині. Сульбактамның бактерияға қарсы клиникалық мәнді белсенділігі жоқ (бұған Neisseriaceae және Acinetobacter қосылмайды). Сульбактам бета-лактамды антибиотиктерге төзімді микроорганизмдерден өндірілетін көптеген негізгі бета-лактамазалардың қайтымсыз тежегіші болып табылады.

Сульбактам кейбір пенициллин-байланыстырушы ақуыздармен де байланысады, сондықтан сульбактам/цефоперазон, цефоперазонның бір өзіне қарағанда, сезімтал штаммдарға айқынырақ әсерін жиі көрсетеді.

Сульбактам мен цефоперазон біріктірілімі цефоперазонға сезімтал бүкіл микроорганизмдерге қатысты белсенді. Бұдан бөлек, ол әртүрлі микроорганизмдерге, бәрінен бұрын: Haemophilus influenzae, Bacteroides species, Staphylococcus species, Acinetobacter calcoaceticus, Enterobacter aerogenes, Escherichia coli, Proteus mirabilis, Klebsiella pneumoniae, Morganella morganii, Citrobacter freundii, Enterobacter cloacae, Citrobacter diversus түрлеріне қатысты синергизмге (біріктірілімді пайдаланғанда, компоненттердің екеуін де әр бөлек қолдану кезіндегі осындаймен салыстырғанда, ең төмен тежегіш концентрацияларының 4 есеге дейін төмендеуі) иелік етеді.

Супероцеф-Элеас мыналарға қатысты in vitro белсенді:

грамоң микроорганизмдер

пенициллиназа өндіретін және өндірмейтін Staphylococcus aureus, Staphylococcus epidermidis, Streptococcus pneumoniae, Streptococcus pyogenes (А тобынан бета-гемолизді стрептококк), Streptococcus agalactiae (В тобынан бета-гемолизді стрептококк), бета-гемолизді стрептококктардың көптеген басқа штаммдары, көптеген Streptococcus faecalis штаммдары (энтерококктар);

грамтеріс микроорганизмдер

Escherichia coli, Klebsiella species, Enterobacter species, Citrobacter species, Haemophilus influenzae, Proteus mirabilis, Proteus vulgaris, Morganella morganii, Providencia rettgeri, Providencia species, Serratia species (S. marcescens қоса),

Salmonella және Shigella species, Pseudomonas aeruginosa және кейбір басқа Pseudomonas species, Acinetobacter calcoaceticus, Neisseria gonorrhoeae, Neisseria meningitidis, Bordetella pertussis, Yersinia enterocolitica;

анаэробты микроорганизмдер

грамтеріс таяқшалар (Bacteroides fragilis, басқа Bacteroides species және Fusobacterium species қоса),

грамоң және грамтеріс кокктар (Peptococcus, Peptostreptococcus және Veillonella species қоса),

грамоң таяқшалар (Clostridium, Eubacterium және Lactobacillus species қоса).

Қолданылуы

- тыныс алу жолдарының жоғарғы және төменгі бөлімдерінің инфекциялары

- несеп шығару жолдарының инфекциялары

- перитонит, холецистит, холангит және басқа интраабдоминальді инфекциялар

- септицемия

- менингит

- терінің және жұмсақ тіндердің инфекциялары

- сүйектер мен буындардың инфекциялары

- кіші жамбас ағзаларының қабыну аурулары, эндометрит, соз және жыныс жолдарының басқа инфекциялары

Қолдану тәсілі және дозалары

Ересектерде қолдану

Ересектерде мына тәуліктік дозаларда Супероцеф-Элеас пайдалану ұсынылады:

Супероцеф-Элеас (г)

Белсенді заттар арақатынасы (1:1)

Сульбактам

дозасы (г)

Цефоперазон

дозасы (г)

2.0 - 4.0

1.0 - 2.0

1.0 - 2.0

Тәуліктік дозаны тең бөліктерге бөліп, әр 12 сағат сайын енгізу керек.

Ауыр немесе рефрактерлі инфекцияларда тәуліктік Супероцеф-Элеас дозасын 8 г дейін (яғни 4 г цефоперазон және 4 г сульбактам) арттыруға болады. Ең жоғары ұсынылатын тәуліктік Супероцеф-Элеас дозасы 8 г құрайды.

Бүйрек функциясының бұзылуында қолдану

Креатинин клиренсі 15-30 мл/мин болатын науқастарда ең жоғары бір реттік Супероцеф-Элеас дозасы әр 12 сағат сайын 2 г құрайды, ең жоғары тәуліктік дозасы 4 г, ал креатинин клиренсі 15 мл/минуттан аз науқастарда ең жоғары бір реттік Супероцеф-Элеас дозасы әр 12 сағат сайын 1 г құрайды, ең жоғары тәуліктік дозасы 2 г. Ауыр инфекцияларда қосымша цефоперазон енгізу қажет болуы мүмкін.

Препараттың сарысудан жартылай шығарылу кезеңі гемодиализ кезінде біршама төмендейді. Демек, Сульперазон® енгізуді диализден кейін жоспарлаған жөн.

Балаларда қолдану

Балаларда мына тәуліктік дозаларда Супероцеф-Элеас қолдану ұсынылады:

Супероцеф-Элеас (мг/кг/сут)

Белсенді заттар арақатынасы (1:1)

Сульбактам

дозасы (мг/кг/тәулік)

Цефоперазон

дозасы (мг/кг/тәулік)

40 - 80

20 - 40

20 - 40

Дозаны тең бөліктерге бөліп, әр 6-12 сағат сайын енгізу керек.

Күрделі немесе рефрактерлі инфекцияларда бұл дозаларды тәулігіне 160 мг/кг дейін арттыруға болады. Тәуліктік доза тең 2-4 бөлікке бөлінеді.

Жаңа туған нәрестелерде қолдану

Жаңа туған нәрестелерде өмірінің алғашқы аптасында препаратты әр 12 сағат сайын енгізу керек.

Балалар жасындағы пациенттерде сульбактамның ең жоғары тәуліктік дозасы 80 мг/кг/тәуліктен аспауы тиіс (тәулігіне 160 мг/кг Супероцеф-Элеас препараты). Егер цефоперазонды 80 мг/кг/тәуліктен жоғары дозаларда қолдану қажет болса, оны қосымша енгізу ұсынылады.

Парентеральді қолдануға арналған ерітіндіні дайындау тәсілі

Көктамыр ішіне енгізу

Көктамырішілік инфузияға арналған ерітіндіні дайындау үшін Рингер лактат ерітіндісін пайдалануға болады. Ерітіндіні екі сатыда дайындайды: алдымен инъекцияға арналған стерильді суды пайдаланады (төмендегі кестені қараңыз), ал артынан алынған ерітіндіні Рингер лактат ерітіндісімен 10 мг/мл Супероцеф-Элеас концентрациясына дейін сұйылтады (бастапқы 2 мл ерітіндіні 50 мл Рингер лактат ерітіндісінде немесе 4 мл ерітіндіні 100 мл Рингер лактат ерітіндісінде сұйылтады).

Жалпы доза (г)

Сульбактам+цефоперазон баламалы дозалары (г)

Еріткіш көлемі

Ең жоғары

соңғы

конц. (мг/мл)

2.0

1.0 + 1.0

6.7

125 + 125

Қайталамалы инфузиялар үшін әр құтының ішіндегісін судағы 5% декстроза ерітіндісінің, инъекцияға арналған 0,9% натрий хлориді ерітіндісінің немесе инъекцияға арналған стерильді судың талапқа сай көлемінде ерітеді, ал артынан сол еріткішпен 20 мл дейін сұйылтады. Инфузия 15-60 минут ішінде жасалады.

Көктамырішілік инъекция үшін әр құтының ішіндегісін жоғарыда көрсетілгендей ерітіп, кемінде 3 минуттай енгізу керек.

Бұлшықет ішіне енгізу

Бұлшықет ішіне енгізуге арналған ерітіндіні дайындау үшін 2% лидокаин гидрохлориді ерітіндісін пайдалануға болады. Ерітіндіні екі сатыда дайындайды: алдымен инъекцияға арналған стерильді суды пайдаланады (жоғарыдағы кестені қараңыз), ал артынан 2% лидокаин ерітіндісімен сұйылтады.

Лидокаин 12 жасқа дейінгі балаларда еріткіш ретінде рұқсат етілмейді.

Супероцеф-Элеас инъекцияға арналған сумен, 5% декстроза ерітіндісімен, изотониялық физиологиялық ерітіндімен, 0,225% физиологиялық ерітіндідегі 5% декстроза ерітіндісімен және физиологиялық ерітіндідегі 5% декстроза ерітіндісімен үйлесімді.

Жағымсыз әсерлері

Супероцеф-Элеас қолданылғанда олардың көрініс беру жиілігі бойынша былайша жіктелген жағымсыз әсерлер тіркелген: өте жиі (≥ 1/10), жиі ( ≥ 1/100-ден < 1/10 дейін), жиі емес ( ≥ 1/1000-нан < 1/100 дейін) және жиілігі белгісіз (қолда бар деректер негізінде анықтау мүмкін емес).

Қан және лимфа жүйесі тарапынан бұзылулар

Өте жиі (≥ 1/10)

- лейкопения

- нейтропения

- тікелей Кумбс сынамасы кезіндегі оң нәтиже

- гемоглобин деңгейінің төмендеуі

- гематокрит санының кемуі

- тромбоцитопения

Жиі ( ≥ 1/100-ден < 1/10 дейін)

- эозинофилия

Жиі емес ( ≥ 1/1000-нан < 1/100 дейін)

- нейтрофилдер санының төмендеуі

Жиілігі белгісіз (қолда бар деректер негізінде анықтау мүмкін емес)

- гипопротромбинемия

Иммундық жүйе тарапынан бұзылулар

Жиілігі белгісіз (қолда бар деректер негізінде анықтау мүмкін емес)

- анафилактоидтық реакция, шокты қоса

- аса жоғары сезімталдық

Жүйке жүйесі тарапынан бұзылулар

Жиі емес ( ≥ 1/1000-нан < 1/100 дейін)

- бас ауыру

Тамырлар тарапынан бұзылулар

Жиілігі белгісіз (қолда бар деректер негізінде анықтау мүмкін емес)

- васкулит

- артериялық гипотензия

Асқазан-ішек жолы тарапынан бұзылулар

Жиі ( ≥ 1/100-ден < 1/10 дейін)

- диарея

- жүрек айну

- құсу

Жиілігі белгісіз (қолда бар деректер негізінде анықтау мүмкін емес)

- жалған жарғақшалы колит

Бауыр және өт шығару жолдары тарапынан бұзылулар

Өте жиі (≥ 1/10)

- аланинаминотрансфераза белсенділігінің жоғарылауы

- аспартатаминотрансфераза белсенділігінің жоғарылауы

- қандағы сілтілік фосфатаза белсенділігінің жоғарылауы

Жиі ( ≥ 1/100-ден < 1/10 дейін)

- қандағы билирубиннің жоғары деңгейі

Жиілігі белгісіз (қолда бар деректер негізінде анықтау мүмкін емес)

- сарғаю

Тері және тері асты тіндері тарапынан бұзылулар

Жиі емес ( ≥ 1/1000-нан < 1/100 дейін)

- қышыну

- есекжем

Жиілігі белгісіз (қолда бар деректер негізінде анықтау мүмкін емес)

- уытты эпидермалық некролиз

- Стивенс - Джонсон синдромы

- макулопапулезді бөртпе

Бүйрек және несеп шығару жолдары тарапынан бұзылулар

Жиілігі белгісіз (қолда бар деректер негізінде анықтау мүмкін емес)

- гематурия

Жалпы бұзылыстар және енгізген жердегі бұзылулар

Жиі емес ( ≥ 1/1000-нан < 1/100 дейін)

- инфузия орнындағы флебит

- инъекция салған жердің ауыруы

- пирексия

- қалтырау

Қолдануға болмайтын жағдайлар

- сульбактамға, цефоперазонға, басқа цефалоспориндерге және бета-лактамды антибиотиктерге, соның ішінде пенициллиндерге аса жоғары сезімталдық

- құрамында лидокаин бар ерітінді үшін (бұлшықет ішіне енгізу кезінде)

- ырғақ жетекшісінің орнатылуынсыз жүрекішілік бөгелістер

- ауыр жүрек жеткіліксіздігі

Дәрілермен өзара әрекеттесуі

Алкоголь

Цефоперазонмен емделу кезінде және оны енгізуден кейін 5 күнге дейінгі уақыт ішінде алкоголь қабылдағанда қан кернеулермен, тершеңдікпен, бас ауыруымен және тахикардиямен сипатталатын реакциялар тіркелген. Осыған ұқсас реакциялар кейбір басқа цефалоспориндерді пайдаланғанда білінген, сондықтан пациенттерге сульбактаммен/цефоперазонмен емделу аясында алкоголь ішімдіктерін тұтынғанда олардың туындауы мүмкін екенін ескерту керек. Жасанды қоректендіру (ішке немесе парентеральді) қажет болатын науқастарда құрамында этанол бар ерітінділерді қолданбау керек.

Аминогликозидтер

Сульбактам/цефоперазон ерітінділері мен аминогликозидтерді, олардың арасындағы физикалық үйлеспеушілікті ескеріп, тікелей араластыруға болмайды. Егер сульбактам/цефоперазонмен және аминогликозидтермен біріктірілген ем жүргізілсе, екі препарат та жеке екіншілік катетерлер пайдаланылатын бірізді инфузиялар арқылы енгізіледі, ал бірінші катетерді препараттардың дозаларын енгізу арасында талапқа сай ерітіндімен жуып-шаяды. Күні бойғы сульбактам/цефоперазон және аминогликозидтер енгізу арасындағы үзілістер мүмкіндігінше ұзақ болуы тиіс.

Айрықша нұсқаулар

Аса жоғары сезімталдық

Бета-лактамдар, соның ішінде цефалоспориндер алған науқастарда кейде өлімге алып келген аса жоғары сезімталдықтың күрделі реакцияларының (анафилаксиялық) жағдайлары сипатталған. Осындай реакциялар қаупі сыртартқысында бірнеше аллергендерге аса жоғары сезімталдық реакциялары байқалған пациенттерде жоғары. Аллергиялық реакция туындағанда препаратты тоқтатып, талапқа сай ем тағайындау қажет.

Күрделі анафилаксиялық реакцияларда шұғыл адреналин енгізу қажет. Көрсетілімдер бойынша оттегі тағайындалады, көктамыр ішіне стероидтар енгізіледі және интубацияны қоса, тыныс алу жолдарының өткізгіштігі қамтамасыз етіледі.

Бауыр функциясы бұзылған пациенттерде қолдану

Өт жолдарының ауыр обструкциясы, ауыр сипатты бауыр аурулары, сондай-ақ аталған жағдайлардың кез келгенімен біріккен бүйрек функциясының бұзылуы жағдайында дозаны өзгерту қажет болуы мүмкін.

Бауыр функциясының бұзылуы және бүйрек функциясының қатарлас бұзылуы бар науқастарда цефоперазонның сарысулық концентрациясына мониторинг жасап, қажет болған жағдайда, оның дозасын түзету қажет. Егер ондай жағдайларда цефоперазонның сарысулық концентрациясына жүйелі мониторинг жасалмаса, оның тәуліктік дозасы 2 г-ден аспауы тиіс.

Жалпы бұзылулар

Натрий сульбактамымен/натрий цефоперазонымен емдеу кезінде, басқа антибиотиктер сияқты, сирек жағдайларда К витаминінің тапшылығы дамыды. Ықтималды түрде, оған осы витаминді синтездейтін ішектің қалыпты микрофлорасының бәсеңдеуі себеп болады. Қауіп тобына нашар тамақтанатын, мальабсорбциядан зардап шегетін (мысалы, муковисцидоз) және көктамырішілік жасанды қоректендіруде ұзақ уақыт болатын пациенттерді жатқызуға болады. Ондай жағдайларда, сондай-ақ антикоагулянттар алатын науқастарда протромбин уақытын бақылап, көрсетілімдер бар болса, К витаминін тағайындау қажет.

Супероцеф-Элеас ұзақ уақыт қолданылғанда, басқа антибиотиктер сияқты, препаратқа сезімтал емес микроорганизмдердің шектен тыс өсуін байқауға болады. Емделу кезінде пациенттерге емдеуші дәрігер тарапынан мұқият бақылау қажет. Ұзаққа созылатын ем кезінде ағзалар жүйелері функциясының жағдайын, соның ішінде бүйрек, бауыр және қан түзу жүйесінің функциясын да мезгіл-мезгіл тексеру ұсынылады. Препаратты жаңа туған нәрестелерде (бәрінен бұрын шала туылған балаларда) және сәби жасындағы балаларда қолдану кезінде бақылау ерекше маңызды.

Натрий сульбактамын/натрий цефоперазонын қолданғанда антибиотик қолданумен астасқан ауырлық дәрежесі жеңіл диареядан өліммен аяқталатын колитке дейінгі Clostridium difficile (CDAD) тудырған диарея дамыды. Бактерияға қарсы препараттармен емдеу жуан ішектің қалыпты микрофлора өзгерісін тудырып, C difficile өсуінің артуына алып келеді.

C. difficile микроорганизмі C. Difficile-мен астасқан диареяның туындауына ықпал ететін A және B токсиндерін өндіреді. Токсин өндіруі аса жоғары C. difficile штаммдары ауруға шалдығу мен өлімге ұшыраудың көбеюін туындатады, өйткені бұл инфекциялар микробқа қарсы емге төзімді болуы және колэктомия керек болуы мүмкін. CDAD даму қаупі антибиотиктер қолданудан кейінгі диареясы бар пациенттердің бәрінде ескерілу керек. CDAD жағдайлары бактерияға қарсы препараттар қолдану аяқталған соң екі ай ішінде тіркелгендіктен, сыртартқыны мұқият зерттеу қажет.

Балаларда қолдану

Супероцеф-Элеас сәбилерде сәтті қолданылды, бірақ шала туған және жаңа туған сәбилерде қолдану толық зерттелмеген. Сондықтан препаратты шала туған және жаңа туған сәбилерге осы емнің әлеуетті пайдасы мен болжамды қауіптерін емдеуші дәрігердің алдын ала бағалауынан кейін ғана тағайындау керек.

Керниктеруспен жаңа туған нәрестелерде цефоперазон қан плазмасының ақуыздарымен байланысқан бөліктерден билирубинді ығыстырады.

Бұл препарат құрамында натрий бар, сондықтан оны натрий тұтыну шектелген диета тағайындалған пациенттерге қолдану ұсынылмайды.

Жүктілік және лактация кезеңі

Сульбактам мен цефоперазон плацентарлық бөгет арқылы өтеді. Дегенмен де, препаратты жүкті әйелдерде қолданудың талапқа сай және қатаң бақыланатын зерттеулері жүргізілмеген. Препаратты жүктілік кезінде нақты көрсетілімдер болғанда ғана қолдану керек.

Сульбактам мен цефоперазонның аздаған мөлшерлері ғана әйелдің емшек сүтіне бөлінеді. Екі препараттың да әйелдің емшек сүтіне мардымсыз мөлшерде өтетініне қарамастан, бала емізетін әйелдерде сульбактам мен цефоперазон абайлап қолданылу керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлік басқару немесе техниканы пайдалану кезінде сақтық шарасын қадағалау керек.

Артық дозалануы

Супероцеф-Элеаспен жедел уыттану туралы ақпарат шектеулі. Артық дозаланғанда препаратты пайдалану кезінде тіркелген жағымсыз әсерлердің туындауын күтуге болады. Жұлын-ми сұйықтығындағы бета-лактамды антибиотиктердің жоғары концентрациясы, құрысуларды қоса, неврологиялық бұзылуларға әкелуі мүмкін екенін ескеру қажет.

Емі: симптоматикалық. Супероцеф-Элеас қаннан гемодиализ кезінде шығарылатындықтан, осы әдіс бүйрек функциясы бұзылған науқастарда артық дозалану жағдайында организмнен препараттың шығарылуына ықпал ете алады.

Шығарылу түрі және қаптамасы

Қорғағыш пластмасса қақпақтары бар алюминий қалпақшалармен қаусырылған немесе қорғағыш пластмасса қақпақтарсыз қаусырылған, резеңке тығындармен герметикалық тығындалған түссіз шыны құтыларға 2.0 г препараттан (1,0 г +1,0 г белсенді затқа есептелген) салады. Әр құтыға өздігінен жабысатын заттаңба жапсырылады.

Медициналық қолдану жөніндегі мемлекеттік және орыс тілдеріндегі нұсқаулықпен бірге бір құтыдан картон қорапқа салынады.

Топтық қаптамаға 40 құтыдан салынады.

Сақтау шарттары

Құрғақ, жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл.

Қаптамада көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Элеас ӨФК» ЖШС, Қазақстан Республикасы

Тіркеу куәлігінің иесі

«Элеас ӨФК» ЖШС, Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

«Элеас ӨФК» ЖШС, 040707, Қазақстан Республикасы, Алматы облысы, Іле ауданы, Боралдай кенті, тел. 8 (727) 3980430, факс. 8 (727) 3711900,

e-mail: pfkeleas@gmail.com

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Элеас ӨФК» ЖШС, 040707, Қазақстан Республикасы, Алматы облысы, Іле ауданы, Боралдай кенті, тел. 8 (727) 3980430, факс. 8 (727) 3711900,

e-mail: pfkeleas@gmail.com

 

Прикрепленные файлы

572396521477976212_ru.doc 103 кб
407751321477977473_kz.doc 119.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники