Сульфацил натрия (капли глазные 20%, 5, 10 мл)

• русский
• қазақша

• Скачать инструкцию медикамента

Саудалық атауы

Сульфацил-натрий

Халықаралық патенттелмеген атауы

Сульфацетамид

Дәрілік түрі

Көз тамшы дәрісі 20 %, 5 мл, 10 мл

Құрамы

1 мл препараттың құрамында

белсенді зат: натрий сульфацетамиді – 20 мг;

қосымша заттар: натрий тиосульфаты, 1 М хлорсутек қышқылы,тазартылған су.

Сипаттамасы

Түссіз немесе жеңіл сарғыш реңді мөлдір сұйықтық.

Фармакотерапиялық тобы

Микробқа қарсы препараттар. Сульфонамидтер.

АТХ коды S01АВ04

Фармакологиялық қасиеттері

Фармакокинетикасы

Мөлдір қабықта сульфаниламидтерді жергілікті қолданғанда Cmax (3 мг/мл жуық), алдыңғы камера ылғалында (0,5 мг/мл жуық) және нұрлы қабықта (0,1 мг/мл жуық) аппликациядан кейінгі алғашқы 30 минутта жетеді. Біршама мөлшері (0,5 мг/мл азырақ) көз алмасының тіндерінде 3-4 сағат бойына сақталады. Мөлдір қабықтың эпителиясы зақымдануында сульфаниламидтердің пенетрациясы күшейеді.

Фармакодинамикасы

Сульфацил-натрий – кең ауқымды әсер ететін микробтарға қарсы сульфаниламидті препарат. Бактериостатикалық әсері бар. Әсер ету механизмі ПАБҚ бәсекелес антагонизммен және дигидроптероатсинтетазаны бәсеңдетумен байланысты, бұл пуриндер мен пиримидиндер синтезіне қажетті тетрагидрофолий қышқылы синтезінің бұзылуына алып келеді.

Грамоң және грамтеріс кокктарға: Escherichia coli, Shigella spp., Vibrio cholerae, Clostridium perfringens, Bacillus antracis, Corynebacterium diphteriae, Yersinia pestis, Chlamydia spp., Actinomyces israelii, Toxoplasma gondii қатысты белсенді.

Қолданылуы

- конъюнктивитте

- блефаритте

- мөлдір қабықтың іріңді ойық жарасында

- жаңа туған нәрестелердегі бленнореяның алдын алу және емдеуде

- ересектердегі соз және хламидия ауруларында

Қолдану тәсілі және дозалары

Балалар мен ересектерде конъюнктивитті емдеу үшін конъюнктивальді қапшыққа әрбір сағат сайын 1-2 тамшыдан, одан кейінгі 3-4 күндері – күніне 5-6 рет тамызады.

Балалар мен ересектердегі блефаритті емдеу үшін бірінші күндері инстилляция жиілігі 6-8 ретке дейінді құрайды және жай-күйінің жақсаруына қарай күніне 3-4 ретке дейін азаяды. Емдеу ұзақтығы 3-5 күн.

Мөлдір қабықтың іріңді ойық жарасын емдеу үшін кешенді ем құрамында инстилляция түрінде күніне 5-6 рет 5-7 күн бойы.

Жаңа туған нәрестелерде бленнореяның алдын алу үшін туа салысымен әр конъюнктивальді қапшыққа 2 тамшыдан тамызады және тәулік бойына 2 сағат сайын – 2 тамшыдан. Жаңа туған нәрестелерде бленнореяны емдеу үшін – бірінші тәуліктерде әрбір 1-2 сағат сайын әр конъюнктивальді қапшыққа 2 тамшыдан, содан соң әрбір 3 сағат сайын тамызады. Емдеу ұзақтығы 2 апта.

Ересектердегі көздің соз және хламидиялық ауруларын емдеуде кешенді ем құрамында 4-6 апта бойына күніне 5-6 рет 1-2 тамшыдан. Жүргізілген ем аясында оң динамика кезінде тамшыны инстилляциялау санын әрбір келесі аптада азайтады.

Жағымсыз әсерлері

Жергілікті тіндер тітіркенуі мүмкін:

- қысқа мерзімді күйдіру

- тамызғаннан кейінгі көз көруінің өтпелі тұмандануы, көзден жас ағу

- қызару, ашытып ауыру

- көздің қышуы

- жергілікті аллергиялық реакциялар

Қолдануға болмайтын жағдайлар

Препарат компоненттеріне жеке жоғары сезімталдық.

Дәрілермен өзара әрекеттесуі

Прокаинмен және тетракаинмен бірге қолдану сульфацетамидтің бактериостатикалық тиімділігін төмендетеді. Сульфацетамидті күміс тұздарымен қоса қолданғанда үйлесімсіздігі анықталды. Хлорамфениколмен бір мезгілде тағайындағанда соңғысының жағымсыз әсерлері даму қаупі ұлғаяды.

Айрықша нұсқаулар

Фуросемидке, тиазидті диуретиктерге, сульфонилмочевина туындыларына немесе карбоангидраза тежегіштеріне жоғары жеке сезімталдығы бар емделушілерде сульфацетамидке жоғары сезімталдық анықталуы мүмкін.

Жүктілік және лактация кезеңі

Препаратты жүктілік кезінде және бала емізу уақытында қолданудың жеткілікті тәжірибесі жоқ. Ана денсаулығы үшін болжамды пайдасы ұрыққа немесе сәбиге төнетін зор қауіптен артық болса сульфацетамидтің емдеуші дәрігер тағайындауымен жүкті және бала емізетін әйелдерді емдеу үшін қолданылуы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Егер емделушіде препарат қолданғаннан кейін көру арқылы қабылдаудың анықтығы уақытша төмендесе ерекше назар аударуды және реакциялар жылдамдығын талап ететін (автомобиль және басқа да көлік құралдарын басқару, диспетчер жұмысы және с.с.) қауіптілігі зор қызмет түрлерін орындау оны қалпына келтіргенше ұсынылмайды.

Артық дозалануы

Артық дозалануы туралы деректер жоқ.

Шығарылу түрі және қаптамасы

Полимерлік тығын-тамшылатқышпен және бұралып кигізілетін қақпақпен тұмшаланып жабылған стерильді полимерлік құты-тамшылатқыштарда 5, 10 мл-ден.

1 құты-тамшылатқыштан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Жарықтан қорғалған жерде, 250С-ден аспайтын температурада сақтау керек. Балалардың қолы жетпейтін жерде сақтау керек!

Сақтау мерзімі

2 жыл

Құты-тамшылатқышты ашқаннан кейін 28 тәулік ішінде пайдалану керек.

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Дәрігердің рецептісінсіз

Өндіруші

«Славянская аптека» ЖШҚ, Ресей Федерациясы

601125, Владимир обл, Петушинск ауданы, Вольгинский кенті,

тел./факс: 8 (495) 742-60-36, 8 (495) 450-26-54.

Тіркеу куәлігі иесінің атауы мен елі

«Славянская аптека» ФК ЖШҚ, Ресей Федерациясы

Тұтынушылардан өнім сапасына қатысты шағымдарды қабылдайтын ұйымның мекенжайы

«Славянская аптека» ЖШҚ, Ресей Федерациясы

601125, Владимир обл, Петушинск ауданы, Вольгинский кенті,

тел./факс: 8(495) 742-60-36, 8(495)450-42-48.